السلام عليكم

بنات يمكن فهمتوني غلط

يوم كتبت لو سمعتي زوجة اخوك. ماقصدي انك تروحين تقولين لأخوك

قصدي ردة فعلك.......احساسك.....شعورك....

بالنسبه لي بتكني غلقه والمجلس بيضيق بي

......


فقارني بين ردة فعلك وردة فعل الرجال الي سمعهاا بأذنه


وصدق هي رواايه بس لو تقروون ردودي داايم اقول عن رواية ضمضم روايه واقعيه تتكلم عن مجتمعناا الحقيقي ومشاكله من زواج وطلاق

ومشاكل الاهل والازواج .......


وبعدين اذا نجد والثرياا طالعين من تجاارب. هذا ماهو عذر بالعكس يركبها الغلط اكثر. كان طلبن فترة خطبه طويله حتى تبرا

جروحهن الرجال جايين خطابين وبعد الخطبه عرس ماهو علاج ومداوة ومداراة ولا علشان الانتقام يالثرياا يكون اسرع.

غلطات الثرياا فهد بقلبها للحين مقابل ان حاتم ماتحس فيه
حبت فهد وتحبه وحاتم ماله بقلبها مكان مع ان الاول بااع والثاني شراااااااا وبغالي الاثمان
متزوجه وعلى ذمة رجال وتسولف عن رجلها الاول وتتوجد عليه
لو ماهو حاتم وبنت عم ان يكسر راسهااا
النوفي........ اخيرااا عرفت منهي ام المزااايين دايم تنذكر بالخير ويتشفقون طلتهاا ولا اعرفهاا الحمدلله الي عرفتك ولا طلع بولدي شاامه

مساء الورد .... مساء الفل على ضمضم ومتابعاتها ....... ثرثرة مازالت تحمل الكثير من المجهول عن كيفية ترميم بيت كل واحد من ابطالنا وكيف كل ربان بيمسك بسفينته ويمشيها بمسار صحيح المسألة تحتاج لعقلانية وتنازل من الطرفين دون استثناء

نجد ومحمد

الرجال دايم مشاعره وعواطفه مختلفة عن الحرمة يمكن ابو ثامر مو احسن منه في اخلاقه ولا حبها اكثر من ابو طلال ولا هو خالي من العيوب ولا انو مامرت بحياة نجد مشاكل معاه خصوصا وعنده خوات انانيات بس نجد كان بالنسبة لها اول رجال بحياتها وتفاهمت على اسلوبه وتعامله مشاعرها العذرية توجهت له عاشت معاه ايام حلوة وشعور جديد وتزوجته برغبتها وكان اول فرحتها شي طبيعي مو بسهولة تتقبل غيره خصوصا انو هي عاشت بعده تسترجع ذكرياتها وانجبرت تتزوج مرة ثانية
بدايتها كانت غلط زواجها السريع نفس الشي لانها مااخذت وقت ترتب افكارها يمكن كان تقبلت الفكرة من زاوية مصلحة عيالها بس هي قطعت مشوار عن اول زواجها من محمد وصارت زوجة بكل ماتعني الكلمة المشاعر مايقدر انسان بسهولة يغيرها ارجع واقول هي كم عاشت مع ابو ثامر وكم عاشت مع ابو طلال شي طبيعي ابو ثامر متربع بقلبها بس هي اعترفت انها ماعادت طول الوقت تفكر فيه وشالت فكرة الخيانة وتقبلت الوضع بس انو محمد يطالبها بالعشق الي هو حمله لها وكيف هو قدر يحبها وهو كان متزوج

لانو ببساطة هو ماعشق اشواك هو تعلق في جمالها وانوثتها وكونها اول حرمة بحياته اعطاها مشاعره لو كان يعشقها كان فراقها عذبه لو يعشقها كان كل ماشاف زولها او سمع صوتها ضعف وتعب من شوقه لها مو تعقد وكره الحريم كلهم بسببها في اما نجد عشقها عشق حقيقي لانها انثى مختلفة شاف فيها الزوجة الي ماشافها في اشواك حبها تكون له بكل شي تملكه وبما انو ماعنده صبر يطالبها بشي مو بكيفها تعطيه يعني لو كذبت عليه وسوت نفس الثريا واوهمته انها تعشقه وفاهمه مشاعره وبداخلها نابذتها هل بيرضيه ةبيكون افضل طبعا لا ممكن يقول مثل مانست زوجها الي عاشقته بسهولة وسرعة بتنساني لو فارقتها

محمد لازم يتعلم يسيطر على لسانه في وقت العصبية لازم له قرصة موجعة والا ماراح يترك هالعادة والعصبية الي مالها لزوم وعلى اتفه الاسباب تقفيل الباب ومنع نجد من الطلعة من البيت مو حل واصلا الكل بيتفاجئ او بيتوجس انو في شي لما يشوفو انقطاعها من البيت او عدم ردها على الجوال ويمكن قايد يزورها ويشوف الباب مقفول ومحمد مو موجود وهنا الشي مو طبيعي وقايد مو غبي عاد الله يعين لو هو الي عرف كافي الي سواه بموضوع دانة هنا المشكلة مو هينة وممكن تكبر اتمنى ماحد يعرف الا الي بيفيد الاثنين في مشكلتهم ويكون حكيم بين الاثنين قايد ماعنده عقل ولا حكمة هو حياته مو قادر يعدلها وفاشل فيها كيف بيعدل حياة غيره

حاتم والثريا

حاتم ردة فعله طبيعية جدا لانه كان منفعل ومندفع بمشاعره وهذي ردة فعل طبيعية لخيبته وانكسار قلبه الثريا هي الغلطانة لانها كذب وخدعت حاتم ليش ماكانت باردة وصريحة من الاول والمصيبة للان مستسخفة غلطتها يعني دامه عاشق لها خلاص يسامح اجل هي ليش مااسامحت وهي عاشقة لفهد وماهي راضية تعطي غيره هالعشق لاتقول هي غير وحاتم غير لانو حتى الرجل له مشاعر واحاسيس تأثر عليه مو بس الحرمة

من الاول بينت لحاتم مشاعرها وعقدتها وتفكيرها على الاقل مابيندفع مرة وحدة بمشاعره بيبتدي معاها بالتريج الين يغيرها وينسيها خيانة فهيدان حتى لو بعد سنين مافي احسن من الصراحة بين الزوجين هي حتى الحلم كانت تحلم في فهد وهي زوجة لحاتم ونايمة على فراشه كيف تقول ماخانته مجرد اصرارها وتصريحها بالكلام الي قالته خيانة وطعنة بس الثريا ماتشوف هالشي كبير

ناس كثير اذا جاهم الشي مارضو ولا تقبلوه على انفسهم بس اذا جاء عند غيرهم وهم المخطين شافوه بعين ثانية ومختلفة وله مبررات وبما انو الشخص الضحية عاشق لازم يثبت هالعشق بالصفح السريع متوقعة الصفح بيمشي حياتها وبيعدل من تفكيرها لازم تتعاقب وتحس علشان تصحى من غفلتها وتشوف انها ربحانة وربي عوضها بزوج افضل من الي اعطته مشاعرها وهذا خلاص تنسى طاريه حتى لو يربطها فيه ولد

على طاري خالد وينه من حياة الثريا من تزوجت ماشفنا منها شوق لولدها ولا عاطفة امومة لايكون خالد من ضمن الي شالتهم من مشاعرها هذا وربي مارزقها بغيره مسكين خالد بيكون ضحية كبيرة ماحد حطه بحسبته كل واحد يمشي على الي يرضيه وبس

حاتم مابيكره الثريا الي سنين مانساها ولا نسى ابسط التفاصيل ماراح ينسى بس بيبتعد وبيخفي مشاعره فترة الين ربي يفرجها والخلخال بيكون سلوة حاتم الجديدة وخصوصا في سفرته بيعرف مشاعره الحقيقية هل بيقدر يبتعد وعادي يطلقها ولا الشوق بعد ماصارت ملكه بيخليه يفكر كيف يعدل وضعه وحتى الثريا البعد فرصة لهم


الجموح وقايد

الجموح الى متى وهي تدور على اشياء تجيب لها المواجع يعني سؤالها لطالباتها في ايش بيفيدها او بينفعها هل بيرجعها للماضي او بيعدل حياتها الي راحت خلاص الي صار صار لازم تعيش الحاضر وتبتدي من جديد تدور عن اشياء ايجابية مو سلبيات وماضي مرير اثنينهم غلطو وخربو حياتهم وبعدين يعني ربي كاتب الي صار والي بيصير الي تسويه مايجوز ولا لانها تعودت اذا اصرت وعاندت على الشي تسويه الا في موضوع الامومة لانو مو بكيفها صارت تعيش هواجس مالها داعي ترى النفسية لها دور في الحمل والي تسويه ضرر نفسي وجسدي لو حملت وجابت طفل معاق هل بتحقق امومتها المزعومة تصبر اهم شي انها ضمنت انها قادرة تحمل وقايد ماهو عقيم هالشي كفيل يخفف عنها

وقايد لازم يحتوي الجموح هالفترة العصبية وفرض الراي مابيطلعوها من هواجسها لازم يتفهمها ويريح نفسيتها هذا دوره مثل مايحل مشاكل غيره يحل مشاكله الشخصية اولى واهم ....


رهان

للان ماعرفنا مصيره وايش ممكن يصير له ومتى ربي بيفرجها عليه وردة فعل اهله


في انتظار الثرثرة الجاية

السلام عليكم

جابني لكم اليوم توقع احسه هو الي بيجمع الثريا بحاتم ويحنن قلبه عليها لان نجول قالت مابيجمعهم غير معجزه وجلست الكلمة تاكل معي وش هالمعجزه يارنومه فكري مابيهم يفترقون بس وش الحل طلع معي توقع << بس لاحد يهجم علي ولاحد يقول دوري غيرها وإلا انخبطي في عقلك لانه صحيح بنسبة 99٪
أن خالد يمووووووووووت

كيف متى بعد مايرجع حويتم من أمريكا قبل بعد مادري هخهخهخه ضمضم وش رأيك في توقعي الخنفشاري