السلااام علييييكم

هلا والله بكل اهل الثرثرة ..

والله اني قايله لنوف مايحرك الحريم الا سالفه التعدد والا الطلاق >>اقصد بقسم الحوار ههههه

وانا اقرأ الردود حسيت اني بقسم الحواار بس باقي المجنون وتكمل هههههههههه>>والا يانوف

نجي لحبايبنااا ..

النوووفي تعاالي ابوس راسك يامحاامي بنات وصايف ... انا من الاول اقول يبي لنا نجر >>فيس يناظر نجووول هههه

اي بالله عداهن العيب بنات وصاايف ..صحيح الثرياا غلطت بس غلطهاا شي خارج عن الاراده الحب ياعااالم مو باليد

وهالماايع حوييتم قااهرن اجل عاااشق ومتيم ووووو ومن اول زله طاااح كل شي بنيته من سنييين ..

انا ماانكر ان اللي سمعته ممكن يجرحك .. بس الانسان يكون اعقل من كذاا .. وغالباا اللشي اللي بالخااطر يضل

يدوور فيه ألين يطلع ومن يفضفض الواحد بوه يروووح وكأن ماصاار .. يعني انا اضمن لك ان الثرياا بعد هالثرثره ماعاد

لفهيدان مكاان اصلا هو من عقب سواته ماصار له مكاان ..بس البكااء على الاطلااال شي خارج عن الاراده ..

والانسان مجموعه احاسيس ومشااعر مو جماااد .. وشي طبيعي ان ذكرى فهد وحب فهد يكون بالقلب لانه بعده الجرح طري ..
بس الان فهد طمس على كل شي حلو كاااان بينهم بسواته .. وبااقي ان الثرياا تستعيد ثقتها بالناس اللي حولهاا لانها

بنظرهاا اعطت الحب بلا حدود لتتفاجأ بنااايف أخر في حياتهاا .. يعني لاتلومهاا لو مابادلتك الحب ..

لان الخيانه شافتها من الاب والزوج .. كيف بالله تبيهاا تثق فيك وفي ثرثرتك عن الحب ..

سفر حاااتم .. راح يكون اعاده لذكرياات الحب اللي مستحييييييييييل انه يتغير مهما كاان ..الانسان اذا حب شخص يحبه

بكل عيوبه ..حتى عيوبه وغلطااته مايشوفها .. وحاااتم كانت الثرياا بالنسبه له حلم ماينطاال .. ويوم تحقق الحلم راح

يمسكه باسناانه ..لاتخافين يالثرياا ..هم كذا الناس الحساسه تنزوي بالحزن بس يظل حبهم اقوى ..


النووووفي انا معك قلباا وقالبااا .. حاااتم ومحمد يبي لهم محااااكمه عاااجله

ونجد داام موضوعها ماطلع فهو رااح ينحل ان شاءالله ..والله يعينهاا على هالمرااهق خخخخخخ


ام اليزيد .. تسلمين على هالطرح الراقي .. بانتظااارك

مسائك جنة تبشرين بها

سلمت الأنآمل ام اليزيد
معك حق ان لو أخذنا كل واحد من أبطالك على حدا بنلاقي ان كل منهم معه حق
بس فيه منهم زاد عليه ظلم من محبوبه

محمد و نجد
شخصيته حلوه وطيب لأبعد درجه بس عيبه انه عصبي ومتسرع ويمكن هذا اللي هدم حياته الأولى
متعود على كلمة الطلاق عشان يريح عمره وبعدها يندم في لحظه وهذا الشئ اكيد صار له مع اشواق والا اشواق ما احد يقدر يصبر عليها ومع كذا كان يرجع ويندم ويرجعها لذمته لين صارت محرمه عليه
مشكلة محمد انه حاط دوبه من دوب واحد ميت هو يطالب بكل شئ في وقت واحد يبي اهتمام ويبي رعايه لعياله ويبي حب وغصب موب طيب
كانه يقول وش الفرق بيني وبين ابو ثامر عشان ما حبتيني
لاتنسى انه اول رجل في حياته وعرفت معه العشق الحلال وفجأه توفى وهي مابعد شبعت من حبه فشافت ان ما ما احد يستحق قلبها الا ابو عيالها
وانت اقتحمت حياتها فجأه وبدون سابق إنذار
في أسبوع او اكثر تزوجتوا
ابد ما كان عندها استعداد لحياة جديده ومع كذا سوت الواجب عليها تجاهك وقايمه بك وبالعيال
فلاتطالب بشئ هو موب يدها اتركها للوقت يمكن يجي يوم وتحبك

هي كانت تقدر تتصرف وتقول لقايد وتكبر المشكله وترتاح منك بس نجد حرمة عاقل وتصرف بحكمه عكسك تماماً
زين انك ماسويت الا في رأسك وخذتها في حضنك لانك بتشوف صد أكبر من الأول
مافيه شئ أصعب على المرأه من الطلاق حتى لو ماكانت تحب زوجها

حاتم والثريا
الى الآن ما صحى من صدمة عمره اي رجال مكانه بيسوي اكثر هو كان مندفع في مشاعره نحوك شايفك ولا هو مصدق ان حلمه اللي ماكان متوقع انه يتحقق صار بين يديه
أغدق عليك حبه من او ليله بينكم وكنتي تتهكمين بين وبين نفسك على مشاعره وانت حكمتي عليه من مجرد اسطر قرأيتها من روايه ليش جأء في بالك انه هو البطل موب شخصيه من خياله
ام هو عمره ما ثرثر لنا انه يغار من حياتك السابقه مع انها حقيقه و واقع عشتيه
عمره ما شك في مشاعرك لانك كنتي تتأقين وتهتمين فيه ويمكن هذا الشئ فسره انك تحملين مشاعر له
وبعد هذا كله يكتشف انك وافقتي عليه عشان تقهرين زوج الأول وأنك تقدرين تعيشين حياتك بدونه
وش تتوقعين بتكون ردة فعله بعد هذا كله
زي ماقال زين انه ما طلقك وباقي عليك مجروح ولازم تفهمين الشئ هذا
يمكن في سفرته هذه يبعد عنك وعن التفكير في اللي صار
بيسامحك وهذا شئ وراد بس ماراح يرجع ذاك المتيم بحبك وقتها بتندمين على نعمه كانت بين يديك وفرطتي فيها
الورم اللي في رجلك ياترى بتكون له تباعت التواء صاير فيها وانت مهملتها وتمشي عادي عليها
اهتمامه فيك والله يدل على حبه مهما كابر

الجموح و قائد
الحين بدأ يلفت نظرك طالباتك الحوامل ليش من قبل ما كنتي تهتمين في الشئ هذا
لان الحمل مسيطر على تفكيرك بشكل كبير
هذه طالبتك حامل ولا موب اول مره وقدرت تكافح وبتتخرج
انت الحين الندم بدأ يأخذ من تفكيرك الشئ الكثير اذا ماكتب لكم عيال وش بيصير فيك
قائد راضي فيك وبكل عيوب فيك بس انت اللي ماراح ترضين بالشئ هذا
عسى ربي يكتب لك الحمل عشان قائد المتيم فيك


ام اليزيد



سلمتِ

السلام عليكم شكلي برجع للأيام الخوالي في السنتره على الجهاز
الله لإيلهينا إلا بطاعته كنت مسرفه في الساعات اللي اقضيها على الجهاز انصح نفسي وخواتي نحاول أنا نوفق بين حق الله علينا وحقوق والدينا وعيالنا والواجبات الاجتماعية للأسف صار النت من أساسيات البيت ولله انه يوم واحد خرب وتعالي شوفي البيت اللي مانشوفه طلع واللي عنده شغل ماجله راح يقضيه مستغل فرصة انقطاع النت والمضحك يأم اليزيد اللي جالس العصر يقول أذكار المساء مستغل انقطاع النت تخيلتي الموقف يقول اول يشغله النت عن الذكر



ولله كل وحده قالت رأيها مقنع بس على قولت ام اليزيد لين بغيت جئت كايد في يبؤ سنة الرأس هههههههه
ام اليزيد ولا يهون الخوات أنا مقتنعه أن الثريا غلطت بكلاهما بس هل تستأهل اللي يسويه حاتم هو أوجعها أضعاف اللي قالته ليش مايقدر أنها طالعه من تجربه صعبه وولدها الوحيد وخذ منها عشان يضغط عليها ترجع
تصرف حاتم مافيه عقلانية المفروض انه سوى ردة فعل قويه يادبها وخلاص انتهينا مثل انه يهجرها ويطنشها وهي عنده في البيت أو انه يسافر ويخليها تتعذب شوي لأكن يطاردها من البيت ولا يبي يعلم السبب وهو موجود قويه أو انه يهين على لطالعه والنازله هذي أقوى
ام خالد أتوقع ماراح تصبر على الوضع إذا كنت ادري في الشخصيات فأتوقع أنها بطنشه وتعيش ممبسوطه تضحك وتراوح وتجي وتسولف وتنبسط مع عمها وزوجته والزين وهو بطنشه ولا كنه موجود وهذا اللي بيقهره سويها يأم خالد إذا كان يجبتس مثل ماقال يبكون له ردة فعل كبيره ماراح نتوقعها

ام ثامر لبي قلب ذا ألحرمه ولله أن السنع كاسيها بس الحض على الله زوجها اللي حبته وشافت السعادة معه راح وخلاها الله يرحمه ويوم تقبلت اللي عندها صار يطالبها بفوق طاقتها يضغط على أعصابها يخي يكفيها اللي فيها لو كنت تحس اللي بداخلها ماسويت اللي سويته معها ألحرمه فاقده طعم الحياة ليش تطلبون منها شئ ماتقدر عليه ارحمو من في الأرض يرحمكم من في السماء
أنا متأكدا أن نجد لو ماعيالها ولا كان تمنت أنها تحت الثراء مع محمد ماتدرون باللي بداخلها الله لا يحط وحده مكانه هي صح صح صح ألف مره ومحمد غلطان من راسه الرجلينه مهيب مكلفه تتحمل طيشه ودي قائد يدري بالموضوع ويربيه عشان يعض الأرض
ويعرف أن مهوب كل حرمه اشواق وانت احمد ربك أنها عايشه معك وهي ماحبتك انت أتحداك تتحملها وانت ماحبيتها
حتى حاتم ليت قائد يدري بنك طاردها وهاينها
جمع خطواتك عندك يا قائد ولله مافيه احد يستأهلهن هم لو حسو أنهم خلاص بيفقدونهم عرفو وشلون يحشمون بنات الحمايل
إيه الثريا غلطت بس أساء حاتم العقاب وتمادا لكن نجد عداااااااااها العيب

تصدقون ذكرتوني بقريبه لي تزوجت ولا تقبلت زوجها سنه كامله وهي تبي الطلاق وهو وأهلها رافضين لانه يموت فيها وهو بعد رجال أهلها متحسفين به يحبونه ويبونه عاشت معه وتحملت 20 سنه وجابت 4 أولاد وبنت وتقول ولله ماله بقلبي حب بس تعوت عليه لو يصير له شئ بزعل عليه عشان عيالي وحبهم له وحبه لهم مع انه يموت فيها ولو تطلب لبن العصفور جابه وتقول ودي أني أعيش مع واحد احبه لو ماوفر لي مثل اللي يوفره زوجي بس أحس بالحب هو ماهمه تحبه أو لا اهم شئ انه هو مايقدر يعيش من دونها مع أنها تقول مادري إذا يحس أني ماحبه أنا أحاول مابين وتقوله احبك لانه دايم يسئلها عشانها طالبه الطلاق بداية الزواج تقول وحياتي تمثيل مع أني ماضغط على نفسي عشانه عكسه يضغط على نفسه عشان يريحني ويبسطني ولا يرضى علي أبد
سؤال لو كانت قريبتي هي اللي حبت زوجها وهو لا هل بيستمر معها أقلها بيقول بخليها لعيالها وبتزوج

ام اليزيد وأم الوليد ماشاءالله بصنفكم نصيرات الرجل كلام جداً مقنع لو منيب (كايد )كان اقتنعت ههههههه

حبيت كل تعليق من الخوات وخاصه من النوري وأم نواف وفيتامين اومووله والباقيها جداً مقنع وكل وحده ماشاءالله لها رأيها بدون تأثير من البقيه

ام اليزيد قدرتي بروايتس انتس تثيرين حوار جداً راع والأرواع أن كل وحده لها رأيها المختلف ماشاءالله ولها كل احترام

أتوقع أن الجموح هي اللي تخرب على عمرها بنفسيتها التعبانه لكن الله يستر ما تكون ردة فعل قائد الزواج وهذا اللي ماله طب ام اليزيد مهما كان السبب ماراح نعطي قايد العذر لو تزوج أريج أو غيرها يوقف حال البنت ثم يخربها ياللى هذا يحب زوجته وهي تحبه بنشوف وش الوجع اللي بيجي منه الله يستر

صحيح كثرت حالات الطلاق على أتفه سبب اول كان طلاقهم في بداية الزواج الحين ام أربعه وخمسه تطلق صار يمين الطلاق لعبه المره عند أتفه سبب تقول طلق والرجال عند أتفه سبب يقول طالق