الثريا تستاهلين و زووود

وصايف يسلم اديكي

وجميل هيا المشاعر المتحرره من قيود وسطوة البشر بين اكيرة و وصايف


رهان قضية للأسف يعاني منها شبابنا في الغربة

يسعد مسائك بكل خير
سلمت لنا انأمل تخط الإبداع

حاتم والثريا
وش كنتي تتوقعين منه انه يجي يأخذك بالأحضان ويثبت لك حبه عشان تتأكدين
نسيتي انك جرحتي إنسان حساس مرهف كان عاقد آمال على حبه لك ومتأكد ان كل اللي تسوينه من اهتمام بنفسك عشانه وفجأه يصحى على واقع انك اخذتيه عشان تشفين غليلك من فهد وتبيني له انك قدرتي تتزوجين غيره وتعيشين حياتك وأنك ابد ما صدقتي اي كلام من كلامه عن الحب وكنتي دائماً شاكه فيه
الحين اندمي وتحسري على شخص ميت فيك من يومك طفله
يمكن وصايف تتدخل بس بيبقى في روحه جرح ماراح ينساه
وتستاهلين والله الكف اللي جاك من امك يمكن تصحين من عقدتك اللي عايشه فيها انتقام و وجع لفهد وهو ماهميته عايش حياته

محمد ونجد
صح ان معظم البيوت الزوجيه قائمه على الاحترام بس اذا كان احد الزوجين يطالب بالحب والثاني ابد موب راضي يقدمه راح يكون الحياة صعبه بينهم
محمد كان ناقصه أشياء كثيره لاقاها فيك ومن اولها الاهتمام وهذا الا هتمام هو اللي حببك عنده وهو بعد بيكرهك عنده
ليش غرتي لما عرفتي ان ام طلال جأت الرياض والا زي ماقلتي له انك خايفه عليه بسبب المشاكل اللي راح تصير من ورأ الجيه
بيجي يوما انت بعد تندمين عليه لان محمد عنده طاقه وراح تنفذ

رهان
موب الأول ولا هو الأخير ياكثر شباب وعلماء راح بسبب أنهم رفضوا الجنسيه الأمريكية وفضلوا أنهم يخدمون بلدهم والتنجيه هو القتل وقدم بارد واتهمنا بالإرهابيين
هم مستهدفين صديق رهان والسبب عمه شكله كان عالم وأخفى عنهم ملفات علميه ومايدرون وينها وهم ام قتلوا العم او انه سافر وما صدقوا ان جأهم احد من قرايبه ويمكن تخصص في نفس تخصص العم وهم استغلوا الشئ هذا وقبضوا عليهم بذنب هم عارفين أنهم برئين منه

قايد والجموح
يعني تأخذ منشطات تبي تحمل بسرعه بس الشئ هذا مايضرها خاصه انها توها مسقطه
هي مأخذتها عن طريق دكتوره لان فيه روشته بالأدوية يمكن هي أصرت عليها توصفها لها بس قايد وش بيكون موقفه اذا عرف من الصيدلي انها تضرها هي مره نفسها في طفل وهذا حلمها من قبل ماتتزوج وخايفه يتأخر خاصه انها موب صغيره والحمل مع تقدمها في العمر بيكون صعب

ماهر والدانه
وهذه رجعت لك وانت أخذت درس وما اعتقد انك بتتجرأ على مد يدك ثانيه
انت فكرة حملها مخوفتك عليها والسبب رجلها
حريم كثار حملوا و ولدوا وهم زي حالتها واكثر بعد كان مقعادات فماله داعي الوسواس
لا زم تشوف اهتمامك فيه وتبين انك فرحان بالولد اللي بيجي
انت حتى اسمه ماتبي تختاره جد انك موب صاحي بس بكره اذا شفته قدامك بتنسى كل كلامك


ام اليزيد



سلمتِ

السلام عليكم

صباحكم ورد يآل الثرثره

بارت يمهد لاحداث مروعه

اولها الثريا وحياتها الي على حافة الانهيار اذا هي ما انهارت فعلآ

يوم قالوا ان السكوت من ذهب ماكذبوا

بس ماش يا الثريا قعدتي تثرثرين وتبربرين حتى لو لااختك لين سمعك حاتم
وش عاد بينفعك الندم
ياطيحة الوجه قدام الكل اذا طلقك حاتم

واولهم فهد ورزان شماته

وقايد بيموت حره وقهر منك مستحيل لو بيشرح له حاتم الوضع بيوقف معك

لكن عسى وصايف تتدخل وتنقذ مايمكن انقاذه

عقبها تاحذين درس وتتركين هبالك وشوفي طريقه ترممين الي هدمتيه


نجد ومحمد وانقلاب شخصية محمد لضد صار قاعد لك على الوحده
غيرته الشديده من ابو ثامر
حياته الماضيه مع اشواق كلها ضغوط عليه خلته يتعامل مع نجد بها الطريقه الا غصب تحبيني

انا اشوف محمد بدا يفقد السيطره على اعصابه وبقوه
نجد قايمه بواجبها وحرمه تخاف الله بنفسها وبيتها

فلا تضغط عليها زياده لا ترجع يوم ما تلقاها صدق

وبيكون خصيمك تركي الي دق الصدر لها انك ماتضيمها وتقهرها

وخصوص انك بديت تتعمق بجرحها اجل نجد تعلمها كيف بتعامل عيالك وبعد تهدد

اقول بس تعوذ ابليس واهجد يا ابو طلال ترى نجد صدق غلطت لكن ماهو بيدها

يبي لها وقت وانت صبرت على نيران اشواق عاجز لا تصبر على برود نجد


الجموح والمنشطات

يعني اهم شي تحملين ما فكرتي با الاعراض الجانبيه للي تسوينه

كان انتظرتي وراجعتي دكتوره مختصه

ماهو بس يالله سقطتي وعلى طول منشطات

وهذي حركه طايحين فيها الحريم علاج بالسمع وتجارب الاخرين

والبعض ياخذون منشطات علشان يحملون بتوائم

اخرتها النتايج تكون عكسيه والمنشطات تسبب تكيسات وتأخير بالحمل

معك حق بتلهفك على حلم الامومه لكن ماهو بالصوره الي تضرين فيها نفسك

ومن ورى زوجك ماخذه العلاج

لا تستعجليييين رزقك

الدانه ورجعتها لماهر

والله يا الدانه مافي احد ضحكني بالبارت كثرك ولا احد يكسر الخاطر مثل ماهر

حالتك عجيبه
دايم مشغله نفسك اول ماكان بالاستقلال في بيت خاص

بعدها الحمل يوم صار الحمل انشغلتي بالتجهيز لطفل وماهر آخر القائمه

الله يصبره عليك ما ينلام ماعاد يهمه لا اسم ولا جنس الجنين يبي الفكه بس

والله يستر من آخرتها

اعجبتني اليوم وصايف وموقفها من الثريا واتوقع راح يكون لها دور

واعجبتني ضمضم بطرحها لمواضيع أول مره تطرح بروايه

الي كان من ضمنها الليبراليين في البارت الماضي

واستهداف النوابغ من علماء أمة محمدفي ها البارت

وكأنه حصري للغرب من دونا

في الي ذكرتيهم ضمضم وفي من طواهم النسيان وفي الي ما سلط الضوء عليهم

كانت لي صديقه في المرحله المتوسطه والدها راح ضحيه لعبقريته

سافرلأ مريكا مع زوجته وبناته يكمل دراسته

وفقه ربي لأ اختراع حاول ياخذ براءة الاختراع

وكانت النتيجه وفاته بظروف غامضه ورجوع زوجته وبناته

لكن من خلف مامات بناته لهم بصمه في مجالاتهم

اعجبتني ثرثرة حاتم وتفصيله للحروف وتشبيه لهم بالبشر

يتشابهون با الاشكال ويختلفون بنقاط


مبدعه ضمضم

كان ودي افصل اكثر لكن مشغوووووووووووله

ننتظر القادم بشوق

السلام عليكم

مساء الثرثره النوريه في فتره الظهريه ..>> فيس مرووق وقالب شااعر مع هالحررررر خخخخ

اهلييين بضمضمتي نورتي ..

اقوول ضمضم بعيداا عن السياسه اقصد بعيداا عن الروايه وش سميتي العروسه >> فيس واااصل معه الروقااان هههه


لاني جالسه افكر مع دندوون بأسم لبنوتتها الحلوه .. بما ان المعقد المعصصصب اللي بيطلع له قروون مايحب البزران ولا يبي يسميهم استغفر الله بالله ضمضم فيه احد بهالتفكير ؟؟ انا احس كل الرجاال يجيهم الاطفال على طبق من ذهب .. وألزم ماعليهم يوقعون على هالطبق بأسم من روسهم .. وياليته يتفاهم مع زوجته على الاسم لالالالا يقالك انه هو اللي طلعت روحه علشاان يطلع للدنياا >> فيس تعكر مزااجه من وراء هالمااهر وأشبااهه

نجي لقيس ابن الملوح ابرك لناا

تدرين ضمضم انا من النااس اللي انجرح بسرعه من اغلى البشر عندي.. صحيح اساامح عقب ,بس بلحظتهاا اخرب ام الدنياا واقلب اعاليها اسافلهاا بس بهدوووء تتعمقه فوضى صاااخبه واعاااصير انا نفسي اخااف من النتائج .. واللي يسيرني هنا هو الكبرياااء ..صحيح اغليهم بس اللي يجي منهم يووووجع ويمكن مانتحمله لانه من نااس غاليه يمكن مانتوقع هالشي منهاا
واللي صار لحاتم شي ماينغفر للثرياا ابدااا ..جرح بالصميييييم ..
والله رحمت هالشفااف المرهف الاحسااس ..حسيت وش كثر الخديعه مؤلمه والاقنعه مهماا تزينت بيجي يوم وتطيح

بس اقوول الله يرزق حاتم قلب مثل قلبي يساامح والا بتروح الثرياا قريض >> فيس مايمدح نفسه هههه ياحبيلي بس


الجمووح مثل الخيل يمكن تلين بس ماترضى بالانكسار

واللي حصل للجموح كسر حلمهاا بس هي بااقي بدااخلها رغبه وأمل انها تحقق الحلم باي وسيله
يقولون المنشطاات تزيد نسبه التوام ..قولن آآآآآآآآمين جعلها تجيبهم سبعه يملون عينها مره وحده >> ضمضم مااحللتس ان جابت الجموح سبعه لزوووم تسمي وحده منهن "النوري " بعد تحمد ربهاا مااحد خمن لها هالامنيه الزينه الا أنا ..>> فديتني لصرت رايقه ياناااس هههههههه

عاااااد نجي لملح القصه وجمااال القصه وزين القصه كل امها وابوهاااا

الزيــــــــــــــــــــــــــــــــــــن ..

ااااااااااه ياضمضم وش هالشخصيه وربي احبهااااااا تجلب السعااده والفرح تحسسك ان الحيااه رغم تعقيداتهاا سهله
مررررررررررررحه وحبووووبه .. بالله اتحداكم احد مايقرأ كلام الزين ومايستانس ههههه انا عن نفسي استمتع بالدرر الفرفوشيه التي تنثرهاا من شفتيهاا >>هههههههههه الزين تعاالي بس والله مااحد معطيتس ثقه ووجه غيري

ضمضم عااد شوفي الزين هذي ابي لها حظ مثل اسمهاا .. تكفييين ترى وربي الحزن مو لايق عليها يتلخبط على وجههاا ويفر مثل الزئبق ابداااا كلش مو ماااشي ..

واخيييرااا ...

وأد النور .. في بلاد الظلام ..

حسبي الله وكفى ..

رحم الله من ماات منهم .. و اعزناا بنصر من عنده ..



ضمضم .. تعجز وربي الكلماات ان تستند على اعتااب شكرك .. فأعذري تقصرنا اماام زخم ابدااعك ..

حي الله أم اليزيد وثرثرتها الجميله الأنيقة والموجعه في نفس الوقت أميره و قلبي عليها يتيمه و أم الله بس بسهلها الخير (( قايد ماشرى لي غوايش وخواتم)) لا تعليق
و بالهون بالهون ياجماعة الخير على الثريا وش ذا مايصير حاتم حذفها وهم انتم بتكونون ضدها واشوفكم شمتانين فيها أكثر من فهد ورزان<< ما كأني رأس القوم
لاتنسون انها مغدور فيها ومجروحه ونظرتها لرجال صارت وحده ابوها وفهد ولو ان قايد ماهو خير الثاني وماعد تفرق بينهم وكلهم في القائمه السوداء وان قلوبهم فندق وين ماحطو هذرو فوق راس الحرمه بالكلام المعسول << الحقيقه صعبه ومره بس تظل حقيقه ويجب تقبلها يابنت حواء خخخخخ

وحاتم صح عاذرينك عاشق وغرقان لي شوشتك في هالثريا وتهذري بها برواياتك وأنك مجروح<< بس اعذرني انا مع وخيتي امشي بشعار انصر اختك ظالمه أو مظلومه

ولو كنت حاتم يالثريا كان كفختك ورفستك وطلعت لسانك وشخطه بالمشرط وحطيت به ليمون بس ابلعي العافيه ودعي انها سحابة صيف وبتعدي والا انك حامل وتدخل ميمتك وصايف وتعلم حاتم ونها ضربتك ويطلع حاتم العاشق وينقذ الأميرة الحسناء من يد وصايف واقلامكم الشماته

بس ماينشفع للمسيكينه انها كانت موجوعه من فهيد و ماعتقد يجهلك تفكير الحريم وعقليتهم أنها تبي تنتقم لكرامتها ولا علبالك انها عرفت عن حبك وافقت عليك حباً لك وجاتك تركض تداوي سنين البعد عنك ياعنتر
وزعلني في طريقة سحبه لها من السياره وش هالحركه حست انه قلب ماهرعلى هالهمجيه والله طلع حبك على حبر و ورق

وبعدين خير ياطير جعل حاتم الرجل يموت وفدوه لحاتم العاشق تعبنا من حاتم الرجال صار عندنا فايض منهم وبدينا نصدر لدول المجاوره نبي حاتم العاشق لانه فصيله نادره صارت على وشك الانقراض
و ترى مو بس الثريا قارئه فاشله كل عيلتك فاشله إذا ما عرفو من رواياتك منو قصدك جات عليها تبيها تعرف وهي الي ماكملت تعليمها حتى مالها في القرأة ولاهي من هواياتها وأختك الي معها الدكتوره وتوائمك على قولتها ماعرفت ولا حست ولا فكرت

و أنت ماكنت عايش حياه واقعيه طاير بالسماء مع خيالاتك ويوم جاتك الثريا انهبلت ازود وعقلك مغيب عن حقيقة جرحها وعن تفكيرها كاامرأه بس تبي تعوض الي فاتك من سنين وتعيش حياتك في عالم ثاني وخاص فيك وبس والثريا عرفت غلطها بالدليل انها راحت تدور عن روايتك يمكن تفهم شي
وأتوقع بما ان الموجه قالبه على الحمال في العيله وتحسها مثل الريح لهبت لازم تشمل اكبر عدد من النساء فتكون هي بعد حامل بس ماتخبر أحد بقد ماهو توقع امنيه ارحمو المسكينه انذلت وتكفخت بعد
وخلي حويتم يبعد عنها والأيام كفيله انه تداوي جروحه ويرجع يجيبه الشوق لديار الثريا و يلقها والد بولده << خخخخ كأني قلبتها مضارب الباديه
قايد ايش بيكون ردة فعله لادرى احسه بعد هو بيكمل علي الوجه الثاني بكف أقوى متى السفاره يبلغون حاتم هذا وهو له معارف هناك ولا درى اجعل بعد مايحاكمونه بيزوفن الخبر له
متى يروح لاخوه ويرجعه من الأمريكان لا بارك الله فيهم ولا في بلادهم
والله حنا في خير نقدر نفتح بالخليج أكبر مركز أبحاث ودراسات وجامعة لو نبي ونجيب خرفان الغرب عندنا عبيد الدراهم

نجد وأبو طلال لمتى بيتم حالهم في تردي والله يغبنن حاله مالت على ذا الخشه يا نجيد ماتعرفين وجعلنا بينهم مودة ورحمه وش عرفك بالموده ها وانت على قولته ماغير تسايرينه كانه بزر ثالث مع عيالك صدقني يوم تعرفين وش يعني موده وهي أسمى وأعلى منزله من الحب وهي كلمة جامعة تعني الين والبشاشة والتواضع والصفاء والرقة والألفة والتآلف وإظهار الميل والرغبة والتعبير عن الاشتياق وهي إتمام للسرور والبهجة أتمنى وقتها تفهمين والله يبتليك مثل مابتلى ماهر
ويوم تشيلينه من قائمة أطفالك وتعتبرية زوج بتفهمين ان الماضي لا يعود وان محمد هو الحاضر وبس

ماهر مادري احس ماني مرتاحه لك كن وراك مصيبه أحسك منت خالي من الشر على هالضحكه الي ودعت قايد فيها بس شوف كيف الدنيا دواره الحين جاك الدور تدور على الدانه وتبي منه لحظات عشان تعطيك وجه خخخخ
دوين قري يامال العافيه لاتستخفين من زود الفرحه ولا تخلين لماهر طريق ويلعب بذيله وتلقين الثانيه في ظهرك
وترى للمعلوميه في كثير مثل ماهر بالبدايه مايبي الأطفال ومايحبهم وحتى بالشهور الأولى مايشيلهم لكن بعدين يتعلقون فيهم ويحبونهم يعني عادي في نظري

القايد هل بيثورعليها وانه اهم شي صحتها وانتظري فتره وليش ماحطيتيني بالصوره ومن هالكلام وليش تقررين من شورك << والله كني اوصف حالي خخخخ
وإلا بتندم على حالها والي ضيعته من سنين عمرها تقول ليت الذي كان ما قد كان يوما
النوري يامجرمه أنت والجيش سبعه مره وحده << أما فريق كرة طائره والسابع احتياط
حرام عليك ويش البطن هذا الي يشيلهم هي صحيح المنشطات ترفع نسبة التوائم بس سبعه كثير خافي الله في الجموح خلينا اثنين ارحم صدق من قال جلد ماهو جلدك جره على الشوك
أتوقع تؤم واحد بنوته ولد وبس

ننتظرك ضمضم بكل ود