كاتب الموضوع :
ضمني بين الاهداب
المنتدى :
القصص المكتمله من وحي قلم الاعضاء
صباح الخير ........تسلم لنا الانامل الحلوة ........ثرثرة رائعة جدا وضحت لنا بعض الامور وصححت لنا بعض النقاط الي يمكن حكمنا عليها من منظور غلط ...
كايد ونوف
يعني ربي رزق نوف بخمسة وكلهم ماتو ومابقى منهم احد ......تمنيت يكون في لو واحد من عيالها ...بشوف تعامل كايد معاه هل بيحبه من حب امه وحسرته عليها ولا بيحقد عليه لانو هالولد المفروض يكون ولده ....بس الظاهر انو نوف مجرد ذكرى عابرة كل ماجا بخاطر كايد بيذكرنا فيها ....
بس الي سواه بحق نفسه ظلم يحرم نفسه مما حلله رب العالمين ويقطع نسله حتى لو كان عاشق لو تزوج مايمنع انو يتعامل مع زوجته بود واحترام ويجيب له ذرية تنسيه نوف وعذابها
نوف رفضت القريب والي تعرفه وتزوجت برغبتها غريب ماعرفته وهو ماقصر بتعذيبها يعني لاقبل الزواج ارتاحت ولا بعده واعتقد انها تعمدت ماتخبر احد عن الي يصير معاها حتى لاتشمت احد فيها بسبب عنادها واختيارها
قايد وجموح
عرفنا انو كان ناوي يملك عليها ومحدد الزواج بس هي عاندت وفضلت السفر على الزواج ......طيب هي من الاول كانت تحلم بالسفر والدراسة ولا لانو قايد حدد الملكة والزواج بدون ماياخذون رايها يعني هي كانت تبغي قايد بس ماتبغي يتحدد شي يخصها بدون مايكون لها راي لذلك اخذت الدراسة حجة ولا هي تقدر تكملها وهي ببلدها ومتزوجة مااعتقد قايد بيحرمها من حقها في الدراسة .......
وهو بعد دامها تركتها كان خلاها تروح ورى اختيارها وهو شاف حياته الي خلق جموح خلق مليون غيرها يعني الي سواه والي قاعد يسويه مفرحه طبعا لا وضامن انها بتوافق عليه لو شاب شعرها بعد لا ........مثل ماهو معند هي اعند منه .......
ولو تزوجها بعد كم سنة وهي كبيرة هل بيحقق حلمه وبيعيش سعيد ابد يمكن يتزوجها بس جموح راح تحمله مسؤلية حرمانها من الامومة وخصوصا انو الوحدة كل ماكبرت بالعمر فرص حملها تقل والطفل يمكن ينولد بمشاكل صحية هل هذا الي يبغيه بعد هالصبر قطع نسله او يشوف عياله ينولدون ومايعيشون او في علة اجل وين السعادة الي منتظرها
هذا وهو مثقف ومتعلم وعارف انو الي يسويه مايجوز بس العتب مو عليه على ابو البنت التحجير مايمنعه يزوج بنته ولا في قانون ولا دين يحرم تزويج البنت المحجرة بيقول كلام الناس شفايدة كلام الناس يوم بنته تموت بحسرتها وتحط اللوم عليه ولا تسامحه لانو حرمها من حياتها وامومتها ....
وخصوصا انو هي ماسافرت الا بموافقته مستحيل بتعاند ابوها وبتسافر بدون رضاه ......يااما زوجها ورفض سفرها او حط عند كايد خبر انو مستحيل يحرم بنته من الزواج لو رفضته وخطبها غيره ورضت فيه ........اما العناد والتحدي هذا مو اسلوب ناس عاقلة .......
لازم احد يوقف هالمهزلة اذا مايقدر العم يرفض التحجير يسوي عزيمة ويجمع فيها الرجاجيل وقايد بينهم ويخيره قدام الجماعة اما يملك على بنت عمه ويتزوجها في مدة قصيرة والا ماله حق يطالب فيها بعد رفضه للملكة وبيزوجها اي رجال غيره ...يحط الاثنين امام الامر الواقع ويجبرهم على الزواج بدل مايضيع عمرهم على انتقام تافه
ام قايد
فهمنا موقفها الحين والي ماترضاه لبناتها ماترضاه لبنات الناس بس لازم ماتسكت بعد اليوم وتتصرف ........سكتت سنين وهي شايفة يباست راس ولدها ...لازم الكبار يتخذون قرار حاسم يايتزوج الجموح يايتركها تتزوج وهو عمره ماتزوج
اما جموح الثانية ليش ماتكون لبقة وراقية بتصرفاتها مع الكل .......يعني فعلا كلام الزين صحيح قايد ممكن يتزوج الي اجمل منها واصغر منها ويجيه عيال ......وهي تظل مكانها عمرها يروح وماعاد احد يدق بابها ...وهذا الي ناوي عليه قايد علشان يكسرها ..........حلو الطموح بس شفايدة الشهادة اذا بتحرمها من اجمل حياة واجمل مشاعر زوج محب واطفال تعيش امومتها وفرحتها .......ولو فعلا قايد تزوج بعد سفرها بدون لايحجرها هل بتتزوج وبتكون فعلا سعيدة وهي مازالت لليوم محتفظة بصورته يعني الظاهر غير الباطن الي مخفيته مهما كابرت ......ولو يفك تحجيرها ويروح يتزوج غيرها كان انهارت على خسارته وبتحس انو شهادتها ماتسوى انها تضحي بالزوج الي تتمناها داخلها
ثريا
ياقلبي على معاناتها للاسف قصة الثريا مكررة كثير بيننا اعرف اكثر من وحدة نفس قصة ثريا يتزوج صديقتها بعضهم يرضخو للعيش مع ضرة وفي نفس البيت علشان لاتتطلق والبعض كرامتها تنتصر وترفض وتفضل الطلاق ..واذا كانت ثريا انطعنت بصديقتها الخبيثة في الي تنطعن بأختها بنت امها وابوها وهي الي تفرقها عن زوجها وتحل محلها ياقسوة القلوب اعوذ بالله هالزمن ماعد الوحدة تأمن وتكون حسنة النيا لابد من الحذر
وانا متأكدة من كلام ثريا انو زواج فهيد من رزانوه نزوة ومستحيل تعيش معاه نفس المدة الي عاشتها ثريا معاه ...وخصوصا انو هذيك بتكون مقلد لثريا من خلال المعلومات الي عرفتها بس لابد من اشياء خاصة مستحيل تكون تعرفها رزانوه ولا ثريا خبرتها فيها وهي لها اثر عند فهيد بيفقد هالشي وبيمل وبيصحى من سكرته غير كذا الي يتزوج بطريقة فهيد والخاينة مايدون الوفاق بينهم لانو الشك لازم يكون له دور في حياتهم مثل ماهي استمالته وماخجلت ولا صانت حب صديقتها بيجي اليوم الي زوجها الي تزوجته على حساب دمار انسانة ماضرتها مابيأمن لها ومثل ماطعن ثريا بيطعنها لانها ماعاشت معاه كثر ثريا
وانا بعد منتظرة اللحظة الي بيجي فيها هذاك ندمان بس مابيلاقي الي يسر خاطره وياليت يكون في مين خاطبها بنفس اللحظة وتعزمه على زواجها من الي يسواه وتحرق قلبه هذا اذا عنده قلب اصلا
باقي نعرف سبب كرهها لاهله واعتقد انهم مو كويسين معاها هل ممكن بسبب الحمل والعيال يعني تسع سنين عمر خالد وهي ماجابت غيره او كانت تحمل ومايثبت حملها ؟؟؟؟؟
خالد ضحية ابوه الاناني الي باع العشرة بسهولة وراح اخذ وحدة رخيصة ماتسوى الثريا الي كانت عنده ....مافكر بمصير ولده بكل برود جاي يخبرها انو بيتزوج وكأنو هالانسانة حجر مايحس .........وجود قايد واهتمامه فيه راح يصقل شخصيته وبيكون عون لامه في المستقبل
نجد
ياحبي لهالانسانة ربي يعوضها كل خير بس فعلا هي بتحتاج لسند غير قايد والزوج غير الاخو ........ماادري هل بتصبر وبتصمد بدون زواج وتحارب في سبيل حماية حقوق عيالها او بتنهار قوتها بسبب الضغوط وبترضخ لضعفها وبتتزوج لها رجال يسندها ويحمي معاها حقوق عيالها ..........ام محمد ربي رحمها بنجود والا كان ضاعت بسبب بناتها الهمج الي همهم فلوس عيال اخوهم
رهان
بما انو الكل متخوف من هالسفرة اعتقد انو ضنهم بيصدق وبيتعرض للكثير من المشاكل بس مابيعتمد على احد وبيقاتل في سبيل تحقيق حلمه .........رهان لاسمه نصيب كبير وبيراهن الكل على الشهادة الي ترفع الراس
الزين
حلو انو يكون في اهتمام باصغر شخص في البيت بس بعد الدلع وتلبية اي طلب راح يضرها ماينفعها لازم تتعلم تتعب في الحصول على الحاجة مو بسهولة تاخذها وخصوصا البنت يعني هي وراها زواج واهل زوج بالمستقبل اذا تعودت ببيت اهلها كل شي تلاقي عندها ماتبغي احد يقول لها كلمة ماتعجبها ولا يبدي رايه بس مطلوب المح والدلع هي الي بتتعب بحياتها لانها ماتضمن تلاقي زوجها نفس اخوانها هم يشوفوها صغيرة بس هو يشوفها كبيرة على حركات الدلع والزعل من اتفه الاسباب ...........يعني لاحرمان عاطفي ومادي وقساوة ولا افراط في الدلع
حاتم
ماعرفنا عمره هل هو قريب من عمر قايد او في فرق كبير ......ومااحسه مقرب جدا من قايد لدرجة انو يعرف اسرار وهذاك نفس الشي .......والا كان له دور في الي قاعد يسويه قايد بحق نفسه وحق اخته
مين الي كان يحمل لها مشاعر هل وحدة من بنات عمه ثريا او نجد والثنتين الان امهات بدون ازواج هل بتكون وحدة منهم الحبيبة القديمة والحبيبة في المستقبل .......او وحدة بعيدة جدا عنهم
وايش سبب عدم زواجه من حبيبته سواء وحدة من بنات عمه او غيرهم ......مازلنا ننتظر التعرف اكثر على شخصيته
في انتظار الثرثرة القادمة
|
23-09-12, 10:44 AM
جديد مواضيع قسم القصص المكتمله من وحي قلم الاعضاء
العرض العادي
