السلام عليكم

ياحيالله ام اليزيد........ الي عطت السبت لون ونكهة الثرثره وارتبط فيهاا

بدون مقدمات. ضمضم. يعجبني برواياتك الثنتين ان فيهم رساله وهدف

ماهو مجرد حب وعشق وعلاقه و و. لا ورساله انا من اكبر المطالبين فيها

للاسف كثير من الروايات النقيض تهدم افكارالقارئات وكثير منهم

شابات او مراهقات بمرحلة تكوين الفكره او الصوره عن العلاقه بين الزوجين

او الخطيبين او الحياة عامه ...... ا

اغلب الروايات تصور ان الرجل او الزوج الي يطق ويضرب

ويهين ويحتقر بكون من باب الحب والغيرة والرجولة ...

بيجي يوم ويحبك والضرب امر مقبول من الزوج عنف عنف

غير طبيعي والردود تشهد على ان الموضوع صار طبيعي بنظر القارئات

بالعكس صار رجوله ومطلب وحلم !!!!!

احترم فيك انك احترمتي المرأه وعطيتها حقها بالاختيار والرفض والقبول

من ملوك والظبي للجموح للثريا لنجد باختلاف الظروف والاسباب

اعجبني موقف الثرياا الي انتي كونتيه ومعها واوافقهاا واشد على يدها ويد اي زوجه تعرضت

للي تعرضت له ورفضت الذل لا يمكن ارد واعيش مع انسان بيوم غدر بي ورماني علشان غيري

الي غدر مره يغدر ثنتين وثلاث بالسر والعلن وهالنزوات وهالاعذار

الي يصففها يحطها بديوان شعر ويخلي عنوانه وقلبي عليك اللتاع يوم ضيعتك

دايم القوه تكون متوارثهه ولو بجزئيه يعني جينات متوارثه والثريا فيها من وصايف. حتى دانه الضعيفه

ضعفها ضعف عشق وغلا لماهر ماهو ضعف خنوع وذل والدليل ان ضربة ماهر

لها وهي اول مره ما مشتها وحاولت ولو كن غير قصد تبين لماهر كبر فعلته



الامر الثاني دايم تحطين يدك على جرح فينااا ومنااا وعليناا من البطاله للغلاء والحين الاخطاء الطبيه

تهور وسذاجة بعض المبتعثين

رواياتك بهااا من الوطنيه والشخوص. الراقيه مايعكس وطنيتك وغيرتك على مملكتنا الحبيبه

ماصورتيها بالمدينه الفاضله او الافلاطونيه. ولكن على الاقل ابرزتي النماذج المشرفه

والشخصيات المتزنه. الطبيعيه. اخواني واخوانك واغلب المواطنين الا قله والقله لا حكم لهم

وفعلااا هتونه صادقه بكل كلمه عن فخرنااا فيك وانك واجهة مشرفه للادب النسائي السعودي

مالعبت على وتر حرية المرأهوالتحرر . ولا عزفتي على لحن الجنس

احترمتي فكرنا فاحترمنا قلمك يكفيك فخر ان رواياتك ما اخجل ان بناتي يقرونها

بالعكس فيها. ايحاءات ودروس اخلاقيه توصل وتثبت باذاهنهم. اكثر من اسلوبي المباشر بالنصح



............................................................ ...........................................
نجي للابطال

الجموح وقاايد. الله يستر. لا تكون هالايام الهدوؤ الذي يسبق العاصفه وياخوفي من هالاريج وين اخوانها

وبعدين واثقه من نفسها وقويه بحقهاا. قاايد. يحب الجموح الا يعشقهاا. بس ياخوفي. تتكرر قصة مي

مع قاايد يمكن اريج قويه وماتنغصب بس ليه هي ماتكون راغبه فيه ويكونون من اهل مبدأ اخطب لبنتك

قبل لا تخطب لولدك.

سبحان الله الجموح مجرد ماسمعت هالكلمتين من قايد وهي هابطه مع ان تصرفااته حكت كتب وكتب

وين الدراسه والفهم والاختلاط ذكيه وذكيه جدااا ولماحه. الا شفرة قايد ماقدرت تحللها يمكن الظلم الي حست فيه

مسوي غمامه على ادراكها !!!!!!!!!


............................................................ ...............

الثريا. الله على الرومانسيه وايطاليا ارض العشااق واكيد حاتم بياخذك بالجندول بفينيسيااا شخص مثل حاتم

برومانسيته الي حاستنا وغيرت برمجة افكارنا لا يمكن يرضى الا انه يملك قلبك عارف. علتك بس هو بيعالجك وبتنسين فهد

وايام فهد. اعجبني. انك استفدتي من غلطتك وان الرجال مايترك بلا محاسبه ودون رقابه. بس خفي لا تخنقينه

بذنب فهد وهو برئ



............................................................ .............

مي. عااااشوا عااااشوا وجبتي الثالثه نطقتي الخاله وصايف وعرفنا وش بقلبهااا لله درك ياااشيخه درر درر كلامك ومنطوقك

تعالوا شوفوا ياللي شايلين شلايلاكم عليها بذمتكم لو فيها خبث. واحد بالميه تقول هالكلام لوصايف وبيتها ولحالهم

وصايف انا اخاف منها من وصف ضمضم احس لا رفعت عينها باي احد الا تنكسر عينه شلون مي بس

قايلين يالله طالبك خبلن اخذ عبااته. قال يالله خبل اتخلص منه والظاهر هذا وضع مي مع نايف اخذها

يمكن بس يبي يفك ولده ويتركها بس يوم شاف ان العباة مابه احد والاهل ماهنا تكانه رحمها وخلاها

ولا هي وييين ووصايف وين والظاهر انه رفلا بعد الزين غسال يدين لو جازتله يوم يومين. تروح السكره

وتجي الفكره يبي حرمه نقابله وتقوم به وماظنيت مي تقدر تصيد نايف بس رحمهاااا وهالسبب

الي برد خاطر وصايف وشافت ان مي ماهي لمها ولا يمكن تسد ربع ماسدت لنايف لا يومهي

شابه ولا يوم كبرت واتوقع خلاص تروح الغيره وترحمهااا وتخليها عندهااا وتعلمها

مثل ما علمت بناتها


تسلمين ام اليزيد ولي عوده ان شاء الله مع البقيةماهر والدانه ابو طلال ونجد وشجرة السدر اشواق

مساء كل شي حلو على ضمضم ومتابعاتها

تسلمين ضمضم على البارت الموجع مثل ارواح ابطالك بدى عنوان الروايه يتضح لنا بارت بعد بارت

ابدآآآآآ ما توقعت محمد يقدم على ها الخطوه الجباره في كسر الحاجز بينه وبين نجد

اتق شر الحليم اذا غضب

سند ماكذب محمد من البدايه مرخي الحبل مع حريمه

اشواق استضعف لها عشان عياله حتى توقعت انه ضعيف وبدت بتمردها عليه مع وجود اهل لا مسؤلين

وين المشكله يامحمد فيك والا في اشواق والا في اختيار اهلك لزوجتك

حديث الرسول صلى الله عليه وسلم ((فاظفر بذات الدين تربت يداك))

عبره

المرأه ذات الدين دينها يروض اطباعها حتى لو كانت حاده الطبع

امك شافت القشورواعجبتها وطيرتك بالعجه زواج من حمقاء لا مسؤله وطفلين ضاعوا بينكم

انت خايف على مشاعر اطفالك لا تعقدهم بالمحاكم

وهي ربتهم على كرهك وعبت روسهم

ابوكم تخلي عني وابوكم ضحى فيني ومن ها الكلام

مصيبتك مصيبه مع اشواق الحلول فيها محدوده وموجعه بنفس الوقت

حضانة الاطفال من حق امهم شرعآ اذا ماتزوجت وبعد زواجها الحضانه لأمها

الحل من وجهت نظري ويمكن اكون غلطانه شكوى للمحكمه

يحدد ايام غصب عن اشواق محمد يشوفهم

المصروف يجيها عن طريق جهات رسميه المحكمه تحدد المصروف ماهو على كيفها

تكب عليها الفلوس وبدال ها للسان الطويل وترفس النعمه تعرف ان الله حق

واتوقع شخصيه مثلها ما همها عيالها همها الي تاخذه من وراهم ولا كان حافظت على بيتها


وضعك مع نجد انت فعلن من البدايه كنت متراخي ومتساهل ليش تفرط بحقك الشرعي

انت رجال تزوجت نجد على سنة الله ورسوله

ليش متزوجها ماشاء الله تنصب بزولها لا والله من اول يوم مطالب بحقك

ومحمر العين انا رجال تزوجت ابي زوجها تشاركني حياتي

ماهو مديرة اعمال بفيزة زوجه شرعيه
متزوج ابي عيال بدال الي انحرمت منهم
وانتي هدفك زوج يظلل عليك واخوان لعيالك

لكن انت كالعاده قلبك الرهيف ما طاوعك تضغط عليها

وبعد مثل اشواق خليتها على راحتها ما تثور لحد ما الوحده فيهم

تدوس على كبدك والا احد يثير اعصابك

تركت نجد بها الاسبوعين على راحتك يا نجد مو مستعجل يانجد اذا تقبلتيني

خيييييير ان شاء الله

المفروض من البدايه ما عطيتها فرصه

بتركك لها على راحتها

شوي شوي نجد رجعت لماضيها مع ابو ثامر وكبر اكثر الحاجز الي بينكم

وماراح تتقبلك بسهوله المفروض انك ماخذها بغيبوبةالملكة والزفاف

وماصحت من الغيبوبه الا كل شي منتهي

ماهو تركتها على كيفها ولا تحركت الا لما عصبت من مصادمتك مع اشواق واهلها

بعدها زادها عليك سند ورسالة ابوكدش اسامه الي حسستك انك ولا شي

الحين مافي حل مع نجد الا انك اتفه الموضوع ولا كأنك سويت شي

لاتحاول تغلط نفسك قدامها

حقي وطلبته اذا انا غلطان بيني وبينك حكم الشرع ثم حكم العرف

وصايف ومي

ما ارتحتي يا مي لين عطتك وصايف بالوجه

جايه تميلحين عنده تبين ترزين نجد وتمدحينها
مادريتي ان وصايف مايفوتها خبالتس

وش استفدتي غير طيحة الوجه من تدخل فيما لايعنيه ....

ماهر واشتغل على وتر الرومانسيه



ماهر بلؤم..\ دانه من يوم ركبتي معي ماتلآحظين انك صايره لئيمه وتفتقرين لـ أي كلمه حلوه تسمعينها لزوجكـ الي مشتاق

لك...!


الدانه بصدمه...\آنا...!


آبتسم وهو يشرب الكوفي تحت صدمتها....لتهمس..\ ياقلبي ياماهر والله موقصدي كذا بس انت الله يهديك صاير مو طبيعي

أحرجتني...و...!


وانتي عاد ياقلبي وماهو قصدي وتعتذرين بعد

صدق حريم عاطفيات

لا ورايحة تشكوين للجموح تبين الرجعه قبل يتأدب صح ماهر

حنيتي من تمسكنه خليه يتشلوط قلبه مثل ما جننتس

انتي خربتيها خربتيها كملي لحد مايعرف قدرك

ماهر وش عندك قمت تنتطنط لدانه هذي ماعندها حل ضعيفه من كلمه جاتك ضاربه الطبلون

مثل ما قلنا لك مالك باب الا الجموح تدخل على قايدمنه

الكل ضدك وانت تستاهل

حط حرتك بالجموح اشغلها ها المره اطلبها تروح معاك تفرشون بيتك

استدرجها تجي عندكم واطلع معها تمشوا لاترجعها الا آخر الليول

خل قايد ينهبل وش بيقول اذا هاوش بيهاوش الجموح

بيرجعها بس يبي كفاية شرك


مبدعه ضومه

ولي عوده مع ابطالنا والبرنسيسه اريج ودخولها العاصف لروايه

ضمضم بارت قوي وثرثرته وضحت بعض الامور




من هي....هل هي لحم ودم...أم...حبر ...و ..ورق..!


هل هي مشاعر وأورده...أم...خيالات كاتب وآبداع مبدع..!





لما عيني تلك المرأه تبتسم بخبث لـي..!


تتهكم...!


وكأنها تتحداني بـ أن أنسيه...!


ههههههههه ياحبيلك ياثريا صدق الي انقرص من الحيه يخاف من الحبل

بس ياليت ثرثرتك تكون سريه لاتجهرين به عند حاتم




لتفاجئ به من دون سابق أنذار.. يحملها ويدور بـها في الجناح وكأنها ريشه..أو طفله صغيره....


صراخها الانثوي لم يشفع لها... تعقلت بعنقه وهي تثرثر في آذنه أن يقوم بـ أنزالها..,


بينما هو غارق بـ الضحك...


آنزلها بعد رجاء متوسل عميق...لتشعر هي بأنها في حالة دوار فوضعة رأسها موازي لكتفه....بينما صوت ضحكاته


العميقه آصابتها برغبه في لكمه....



ياعمري ياحاتم علشان كذا الرسول صلى الله عليه وسلم قال ل وتزوج جابر - رضي الله عنه - ثيبـًا ، فقال له رسول الله -

صلى الله عليه وسلم - : ((هلا بكرًا تلاعبها وتلاعبك)) .




وفجأه...فتح الستائر المذهبه الضخمه.....


ليغرق الجناح بـ آنوار الاضائات الخارجيه...لـ البنيات الضخمه المواجه لـفندق..ولـ آنوار


الشوارع والمدينه..!




همس بصوت غارق...\ كذا الحياه..لآزم..حلم..لآزم آمنيه نعيش ونجري وراها..وهذي آنوارها اذا تحققت نكون مثل

الي غارقين با الظلام وفجأه تطلع لنا آنوار المدينه...الواقع مظلم أذا ماعشناه بـ حلم...ب أمل...بمستحيل..حتى لو

تعثرنا الف مره..لآزم نهيئ انفسنا للفرح يوم...!



حلو منك ياحاتم تمثيلك للثريا بس هل بينفع معها ولا بتقدر عليها وتغير نظرته



ليصبح خده ك لوحة شكلت بلون الفوشي وبرسام فاشل جداً...


همس بغضب وهو يرمي حقيبته على الكرسي...\ تبين تأخريني ها..والي ماهو مخليك تداومين اليوم وش بتقولين عنه ياحضرت الدكتوره المراهقه..!


رفعت تنورتها لتنكشف ساقيها وهي تحاول الهرب لكن ضحكه مجنونه أستوطنتها...وتجعلها تقع فريسه سهله

بين يديه...

التي حملتها بسهوله من خاصرتها وشدتها لدورة المياه على صوت صراخها....\قايد لآتكفى قايد..!




هذا الفرق بين البكر والثيب مهما كبر عمر البكر تبقى فيها رووح المداعبه وبنفرق بين معاملة الجموح والثريا مع ان حاتم اجرئ من قايد بمعاملته مع الثريا




لكنها فشلت في الصمت لـتسأل على أتجاه أخر...\نجد آكيد اعتمرت مدري متى يرجعون ماقالت لك مدري بيقعدون عند

أهل محمد أكيد انهم مسوين لهم الحين عزيمه كبيره وعازمين الكل عليها...ليتهم يعزمون مرته الاوله عشان تنجلط من

نجد وملحها لبى قلبها...؟


هههههههههههههه يامي قلنا حطي على لسانك كنترول طحتي الحين بوصايف وتوحدت فيك احسن عساه ينفع فيك



محمد يتجاهل كلآمهم وهو يدخل يده في جيبه ليخرج دفتر الشيكات الخاص به...وبمحاولة هدوء..\ نزلو قايد...خلصوني..

ولآتبربرون على راسي كانكم دجاج وديك...!


هذا بلاها يامحمد عارفه نقطة ضعفك بكلمتين وطلعت دفتر الشيكات اصلب طولك وقل اقطعي واخسي ومرن بتسبدك ريالن واحد



همست وهي ترفع طرف أناملها لتشير لـ آثنين متشابكان با الايادي هي تضحك بخجل وهو يثرثر لها بعشق..\شكلهم عشاق

شف النصاب شوي وياكلها بهذرته...!


رفع كفها المحرر ..ليرفعه لشفتيه ويقبله...\ وفيه غيرنا يأشرون علينا ويقولون شكلهم عشاق..بس أكيد مايقولون اخر جملتك..


بيقولون احلا ثنين عشاق....!


وانا بقولك ياحاتم كلن يرى الناس بعين طبعه الله يعينك ياعاشق


عيال محمد بعد مايجيبهم هل بتتحملهم نجد ويبداء محمد يحط فوارق


قايد وبيده ورقه ربحانه ضد الجموح وعرف نقطة ضعفه ياويلك يالجموح بس انتبه ياقايد لاتكسرها لانه صعب تصليحها


ماهر والدانه على قولة حاتم مراهقه متاخره والدانه اتوقع حامل على شرب الميرندا الفراوله المثلجه بس ماهي عارفه ومرجعين اصفرار وجه الى المشكله بينها وبين ماهر



بانتظارك بشوق :)

‏صبآحكم جنة الرحمن
تجَريُ من تحَتھا الأنھَار ..
لاوَداع فيھا ولا أحزُان . .
ولا هم ولا آلم . .

يعطيك العافيه ضمضم ثرثره اكثر من رائعه

نجد ومحمد
كنا نقول ابو طلال بس بعد ماقالت نجد محمد خلاص بناديك مثل ما انت تبي
كلنا ماتوقعنا ان اللقاء بينهم يكون بالطريقه هذه
بعد ما توقعناها تكون رومنسيه بسبب نفور نجد منها
هو شاف انه انضغط من كل صوب بدايه من العله اشواق ونهاية بالنايمه جنبها وفي نظرها حارمته من حقه الشرعي
والظاهر انه كان محروم منه من يوم كان مع اشواق لانه في ثرثرته كره العلاقه بينهم بسبب ابتزازها له وطالبتها عشان يأخذ حقه الشرعي منها
ثم جات مكالمة سند وهي زي القشه اللي قسمت ظهر البعير
وبينه وبين نفسه يبي يثبت لذاته انه رجال وانه اذا بغى شئ يقدر يأخذه ماهمه كيف الطريقه او وقتها المناسب لانه أعطها فرصه كافيه لتقبله وهي ترفض التقبل هذا
وبعد كل اللي ماهمه اي شئ حتى انه قال حقي وبأخذه ولا عاد متنازل عنه
هو اعتذر عن كلامه لها بس الطريقه اللي أخذ بها حقه عادي عنده

حرمان من عيالك خلاك تعطي الحنان والحب لعيال لنجد لانك في الأصل حنون
ام زوجتك هذه كيف كنت عايش معها ومستحمله ولا بعد كلما طلقتها ترجعها لاذمتك
هذه من اول طلقه ما ترجع عوبا ولسان طويل
بس الشرهه موب عليها على اللي ما وقفها عند حدها من اول مره وهذا خلاها تتمادى عليك اكثر
هي ماعندها الا آخوها ذا البزر ومشيتها على كيفها لو كان عندها ابو قدر يحكمها
ومع حق تتعقد من الحريم عقب هذه

ماهر ودانه
والله انها طيبة وعلى نياتها ولماتعبها معك في السياره كان قدرت تضغط عليها شوي وتأخذها لشقه
انت حاولت مع أخوها قبل عشان تعرف رده على رجعتها لك طبعا لا ماغير مكلمات آخر الليل وخطف في النهار
اللي يحب يسوي المستحيل عشان حبيبه حتى لو رفض في البدايه تحاول مره ومرتين وثلاث
تستاهل الدانه
هو بس ينتظر منك مبادره وراح يتفاهم معك ويرجعها لانه زي ماقال مايبي لها الطلاق

وانت يالدانه من يوم ما تزوجتي وانت دائماً تشكين في نفسك انك حامل وش معنى المره هذه لا حتى اهلك يسحبون التعب اللي فيك من بعد ماهر
ماحد جأ في باله حملك هم يعرفون أنكم زعلانين من بعض من قبل زواج قايد
بس اللي ما يعرفونه أنه راضاك قبل مايسافر
يعني المفروض انت ملاحظه التغيرات اللي صايره معك

مي
كفو يام قايد يبيلك حبة راس من زمان يبليها احد يوقفها عند حدها
ويعلمها تختار ألفاظه قبل ماتنطقها
عرفتي الحين ان وصايف ما شالتك من الأرض ولا هميتها انك وزينك

الثريا وحاتم
شئ طبيعي ياحاتم انها تغار عليك او تقدر تقول انك صرت ملكها زي ماهي ملكك وبتخاف تقرص ثانيه
حتى لو شافتك مندفع في حبك لها وتحاول تبينها لها مع كل لمسه وكلمه وهي مفسره الشئ هذا انك راعي سوابق وخايفه تضيع منه زي ما ضاع فهد
وهذه غريزه في بني البشر حب التملك
هي واقعيه بزياده وانت حالمي بزياده
معقوله يصير بينكم تصادم وهذا اللي بيخليها تعرف انها كانت ظالمتك

الجموح وقايد
والله وقدر عليك قايد يالجموح وصرت نفارين عليها وتتفقدينه وهذا من الأول لازم يصير
انت في قرارة نفسك عارفه انه يحبك ولا يبدلك بأحد بس تبين إثبات وحصلتي عليها
انت اوجعتيه وهو رد لك الوجع يعني خلاص متعادلين ما يحتاج كل يوم والثاني تعيدون في موال انتهى

أريج
قضيتها قضيه انتشرت في الفتره الاخيره
الأخطاء الطيبه شماعة تحط عليها فشل أطباء حرام نطلق عليهم اسم أطباء يمكن جزارين اقرب ومناسبه اكثر
تردين ضمضم دكتور مره قال الأطباء زي المكانكين فيهم الشطار اللي يقدر يعرف خراب سيارتك من اول مره وفيهم اللي يتعلم عليها وكل يوم يقول لك شكل في خرابها

معقوله ذا الأريج يكون لها دور في حياة قايد
ما اعتقد زيها زي اللي قبلها من موكلاته
بشرط ان الجموح ماتتدخل ولا تعادنده زي عادتها والا بيحطها في راسه



ام اليزيد



سلمتِ

السلام عليكم
ثرثره جميله رااائعه ااانيقه راااقيه ببساطه ااإبداع لا ينتهي
و حروف زاخره سكبت من محبرة الواقع لا حرمنا جمالك ضمضم

محمد ومقارنته بين أشواق ونجد ظالمه في حق النجد وصدمني في غضبه وهو متعود عليها هي تشتم وتكفر فيك وترجع بعد فتره ونفس الوضع ماتغير ولطعه عند الباب ومخر من هالجيب على الطالع والنازل ليش الحين ما تحملت وانفجرت وما أكلها غير نجد
فشل زواجهم انها اختيار سيئ وهو سكت عنها من البدايه لكا كبر راسها باختصار(خضراء الدّمن ) سيئة المنبت والمنشئ وماورها أم صاحيه وراكده إلا عجوز مستخفه عايله عليها السلام مادري كيف تحملهم و عياله كيف يأمن عليهم وعلى تربيتهم عندهم

سند وأن كان كلامه صحيح بس زاد الطين بله وشيش محمد على نجد وأخونا في الله ماصدق
أخذت حقك كارجل بهذي الطريقه و الي يعرفه محمد انها انجبرت على هالزواج يجي يطالب بحقوقه كزوج مع احترامي أنت وافقت على شرطها انه الزواج لو مانسبها وماتقبلته بتتركها وكلن في حال سبيله معاناتها انها بعدها ماتأقلمت وصعبه على نفسها
والقلب يغلب العقل والمنطق في كثير من المواقف شئنا ام أبينا
و رب ضارة نافعه لو مكنت معصب بتظل أخوها على قولتك وماكسرتم حاجز خوفها
واحساسي يقول عيالك مابيرجعهم الا نجد كيف مدري ويمكن شويق ترسلهم وهي ملغمتهم بالحرش عشان ينكدون عليك وعلى نجد وعيالها

حاتم والثريا طبعا ماسك حاتم خط الرومانصيه و يبي يعيش الفرحه بكل أشكالها ولاهو معترف بعمر ولازمان ولا مكان ما يشوف قدام عيونه الا الثريا عاشق ماتنلام <<عاد قلنا عاشق ورومانصي ماهو تدوخها بالملاهي ترفق في المسكينه ولا تحدها على أقصاها ثم تعطيك في الوجه وتطلع المستور الي بقليبها وهي ماسكه لسانها من طيب اصلها ورزانتها
والثريا هل بتكمل الخط وتجاريه والا بتوقفه وتطين عيشته بالمراقبه ومحاسبته على الطالعه و النازله و متوجسة انلدغة مره ماعد تأمن لرجال وحطت حاتم في خانة أبوها وفهد وفي نظرها أن له حبيبه بس متى يزال اللبس عنك وتعرفين الحقيقه

ماهر وماادراك ما ماهر أني لك من الشامتين خخخخ تستاااااااااااهل ماجاك
والحين تسوي حركات المراهقين ليتها تزيدك دوينه وطنشك ولا ترد عليك بس مسيكينه قلبها رهيف ماتقو على الصد والهجر والا انت حقك وحده مثل أشواق ومي
عاد مي حكايه ولو اكتب معلقات ماوفتها ياأنها عله ناشبه في حلقي عجزت اهضمها كريهه ادري مثقله العيار عليها وعجزت اشوفها بنظرة هتونه والنجلا مره قلت عوبه وخبله ومرات دعاوي جامده لكن اكتشفت انها حمقاء مع مرتبة الشرف

لكل داء دواء يستطب به إلا الحماقة أعيت من يداويها

مير الله يصبرنا ويصبر وصايف و جميح ولو ان وصايف عرفتها انه ما وراها سالفه ولسان حالها يقول لنايف

ستعرفني اذا جربت غيري وتندم في حين لا ينفع الندم

قايد وجميح الله يهني سعيد بسعيده بس لو تترك الخبال وتكبر عقلها وش غيرته وانت على قولت قايد نجيل على سن ورمح تلعبك الغيره واعطيتي قايد نقطة ضعفك
وهو ماصدق بس والله لو درت انك مصافح أريج لاتذبحك مع احترامي مقدر امرر الموقف بدون لا أعلق احرجتك بس احرجها انه غلط الي سوته اكره هذي الحركه ثم بعدها يقول أحرجتني ولو شاف مرته تكلمت مع رجال أجنبي قلب الدنيا على رأسها
نجي للانسه مدري العانسه أريج اشك انها بتعجب بقايد ثم تلزق وتميلح كل شوي داقه عليه و أحس بيعرضها ابوها على قايد بس ماراح يقبلها وبيرد بطريقه محترمه

ضمضم نكأت الجرح بمسألة الأخطاء الطبية لان الأطباء عندنا الله يسلمك أما نخب سعودين مزوره يشترون شهادتهم والا طلبه فاشلين دراسين ثم يدخلون معهد تمريض ويقول بقواة عين الفلوس تمشي كل شي سامعه بذوني كم ممرضه فاشله تقولها أو عماله وافده يدخل البلاد برخصة سباك او سواق وبعدها يتنقل بين الوظائف ياطبيب او أستاذ جامعي او مهندس
وإذا سعودي ناجح وطبيب ممتاز كان مهمل ومستهتر وكله إجازات << إلا من رحم ربي
ومن يأكلها طبعا الي يسمى مخلوق بشري مواطن
أتكلم من واقع تجربه شخصيه بعد ثلاث عمليات ومجزره وصلخ يقول أسف تشخيص الحاله خاطئ وبعدها يدخل في عينك إرادة الله و قضاء وقدر
آسفه على الأطاله من زمان ماهذرة تسلمين أم اليييييزيد
وننتظرك بكل ود واحترام وشوق لسبت الثرثره