معك حق خجولة احسن قرار اتخذته ولو انها تعرفه يحبها و يموت فيها صممت مليون بالمية يكون الحل هو الانفصال

لكن يختي قلبي يأكلني عليه و هو المسكين لازال يتعذب بحبها حتى و هو متزوج

و بالأخص لما رجع شافها بيوم كانت عند اهلها

يعني اقول لو كانت سامحته و هي تعرفه يموت فيها

لكنها هي اذكي مني و أخذت الأحسن لها و هو انها تعيش مع اللي قلبها اختار مو اللي ناس فرضوه عليها

يااااااااااااه يا نجلاء شقد حبيت هالقصة كثيييييير قريبة مني حييييييل

لان نفس علاقة الأسرية اللي تربط ملاك بياسر تربطني مع زوجي

انا بنت خاله و هو ولد عمتي ^_^

فطوووم يالبى الاختيار راااااكان يالله عشقي بالروايه كان راكان وموضي روووعه خصوصا لما عرف بحملها كااان روعه عشقت طريقته بالحب حتى موضي كانت تستاهل هالحب

وكمان حبيت مشاعل وناصر كثير رغم ان ناصر شوي رفع ضغطي يمكن شويتين ومشاعل ضايقتني حبتين بتصرفها ليلة العرس الا اني عذرتها مسكينه بس حبيتهم باختصار هالرواية عشقتها موووت حسيتها احلى رواية لانفاس الشخصيات مرسومه بحبكه احلى من بين الامس واليوم اللي تخللها مبالغات سببت لي ملل في بعض الاوقات مابين شخصية كاسره وزوجها وبين علي وحبه الاسطوري لبنت التقاها في مصعد لثواني بس

وبالنسبة لملوك انا اايد قرارها مليون بالميه هي سامحته كثير لكن انها توصل انه حتى صاحبتها يتقرب لها هذا شي لا يحتمل ولايطاق ابدا لو انها سامحته كنت راح اقفل الروايه على طول ويستاهل ماجاه وهو اصلا في طبعه خوان حتى انه ماكلف نفسه انه ينساها حتى بعد ماتزوج ورغم انه على رايه حب زوجته الا انه فضل على حبها وهذا يعني هو بطبعه يحب التعدد اكره الرجال اللي لهم هالازدواجيه

ملوك تستاهل عناد رغم طريقة زواجهم الغريبه الا انها بقيت معاه وساندته حتى في فترة انقطاعه عن اهله

ان شاء الله مااكون صدعت لكن راسكم بس حبيت ادلو بدلوي قبل لا ارجع انام خخخخخ

تصبحوا على خير واهل المدارس الله معاكم

راااكان في رواية [[متى تحضني عيونك]]لتراتيل الشتاء. بناات روايه حلوة

رجال سطحي جداااا علشاان شك عاااقب زوجته وهو نفسه تضرر

بعدين يووم عرف للحقيقه يبيهااا تستامح بسهوله وترضى بالوضع

الغريب انه شااايف ان ردة فعله وزواجه عليهاااا واااهانتها جرح له قبل مااا يجرحهاااا

انااانية الرجل *

نجولة انا ما قريت هالرواية

بييبو ليش ما عجبتك بين الأمس و اليوم

أبدا انا ما احسها تكرار بالعكس اسلوب انفاس نضج اكثر و اكثر و كل الشخصيات أعطتها حقها و مستحقها و قصتها

اذا ركزتي معي من بعد الغياب تلاحظين انه اكثر تركيزها كان مع جواهر و عبدالله فقط لكن في أسي الهجران تركيزها خص كل واحد منهم على حدي
و كذا بين الأمس و اليوم احبببتها حيييييييييييييييييييييييل و اكثر قصة أعجبتني فيهم قصة عبد الله و جوزاء يعني هي الكاتبة قالت لنا في الأول ان ان القصة خيال

لكن خيال عن خيال يفرق
فيه خيال تحسين كله ممزوج باكاذيب تخليك متأكدة انه كذب لا علاقة له بالواقع
و فيه خيال تحسيه ملموس يمكن يتحقق و ما هو من سابع المستحيلات

و انا رأيي ان الكاتبة كانت تعيشنا في النوع الثاني من الخيال

يعني يمكن اقول انه يكون حقيقة ليش لا ؟

و هذا انا رأيي *

خالد في رواية نا الغيرة تحرق رجل واطيها ..

شخصيييييييييييييية جميلة جداً جداً ..
على اللي صار بينهم واللي عرفه بس كان مستعد يبدآ حياة جديدة مع مها ..
كان شخصية رااائعة جدا من التفهم ..
ماحاول يقهر مها بخطوبته لبنت عمه ولاحاول ينقص من قدر بنت عمه بالنسبة لمها ..

باختصصصصاار من اروع الشخصيات الروائية هو ..