يا الغالين الكاتبه كانت أتوقع تقصد
توضح كيف هذي البنيه الكويتيه عاشت بالسعوديه
يعني بالمختصر سبب معيشة هالبنيه بالسعوديه
بس هذا الي تقصده ^

السلام عليكم و رحمه الله و بركاته

صباح الخير و المغفره يارب

عزيزتي ما انتي فاشله الفشل الحقيقي هو الاستسلام من اول مره

الغلط كان في المقدمه اللي طرحتيها و استشهدتي بمسلسل ساهر الليل

معاناة شعبي حضرتها بس ما عشتها بس الالم اللي يرتسم على الوجيه كل ما اذكر

يبين صعوبه و الم الاشهر اللي مرت علينا ...


العراق بلد شقيق الغلط كان لعبة من حكومه في وقتها ظلمت شعب و جرته لتهلكه

المنا و المهم واحد في منهم امهات لعيالنا و العكس ...

ذكر الغزو بعد 22 سنه ما ناخذ منه الا تفتيح جروح بس و رسم واقع انطوى بصفحات الماضي

لانتي بتكسبين شيء و لا حنا بتسفيد شيء شعبنا من هالحكاية الاليمه بسنين اللي طافت

و هالوقت الكويت بلدي و العراق اشقاء و بفترة صلح و تصافي النفوس الذكرى ما تزيدنا الا

حسره على ايام راحت و كوني على ثقه محد يقدر يوضح الصوره كيف كانت كلن يروي من

منظاره الحقيقه ما يرويها الا اللي عاشها و حتى مسلسل ساهر الليل انتقادات شكثر

لانه الكاتب بنفسه كان عمره 7 سنوات وش يذكر من احداث ...


و شيء ثاني مثل ما ذكرت نجلاء انتي سعوديه مأبي افرق لان كلنا واحد بس كات الاولى

تطرحين قضيه من واقع تعيشنه انتي عشان تنجحين اكثر ...


و اللي بين لي من البدايه انه الروايه تروي احداث اليوم و المقدمه ماهي الا ذكرى

ترتب عليها احداث كان مفروض ما تذكرين الغزو و لا تربطينه بمسلسل

كل التقدير لج يا عزيزتي بس مثل ما يقولون " اهل مكه ادرى بشعابها "

و دام اللهجة الكويتيه غايبه عن الروايه ما راح توصل الفكره صح الا اذا كانت احداث القادمه بالسعوديه


نصيحه من اخت اطوي المقدمه و البدايه و ارميها و ابدي من جديد بمقدمه ما تفتح جروح

و اذا لابد منه ذكر الغزو اذكريه كلمحه بسيطه و لا تخلينه هو.عمود الروايه

و استمري بالباقي مثل ما رسمتي له و لا تستلمين و لا تحبطين البدايات صعبه نعم

بس النجاح بعده له لذه جميله و حنا موجودين بالخدمه و.النصح


موفقه خير يارب


.........