روايتي الأولـــــــى "بقاايـا ألم" ,,

في بيت ام سالم:‏

ام سالم وبنتها داخلين البيت وهي تقول:لا والله هذا اللي ناقص..ازوج ولدي بنت ما تجيب اولاد..ليش ولدي اش ناقصه..ريال اش زينه واش حلاته

فجأة سالم نازل:ها يمه ..شو قلتي..منى.....‏

الام:ايووه ي وليدي منى عقيم...‏

اندهش سالم من قول امه ودار ظهره لوراء وقال:حتى ولو يمه..انا ما ابي غير منى..‏‎ ‎‏ ارجوك يمه



قربت امه منه وقالت:لا تحلم فيها ولو حلم ي سلوم..انا ابي اشوف عيالك..اش عليه تعيش معاها وهي ما تجيب عيال..



التفت لها سالم وقال:عيل منو بيتزوجها..اش ذنبها هي ما تجيب عيال هذا من عند ربها..

قالت ام سالم:لا حبيبي..يعني انت تبتليبها؟ ابدا بياخذها واحد متزوج مو انت شباب..بأول حياتك



التفت سالم لأمه ونظرلها نظرة حزن وطلع من البيت،قالت هدى أخت سالم:ليش ي يمه ..ليش تحرمينه من سعادته اهو لاقي سعادته عند منى



راح سالم بسيارته وجلس جنب البحر ..يطالع البحر وهو يقول:

قلبى على جمر المحبه يناديك،،

يااللي غلاك بوسط روحي وذاتي،،

شكيت من هم المفارق وأناجيك،،

وتبقى على بالي طيلت حياتي،،

ماأنساك لا حشى ماأقدر أخليك،،

من يوم ميلادي لساعة وفاتي،





طارق بالشركه:

وهو طالع يبي يركب بالمصعد فلما وصل للمصعد ..لقى قدام المصعد بنت لفتت نظره لما فيها من حشمه لابسه عباية ونقاب عرف اشكثر هي محترمه وادبها...صار موقف له عند المصعد عرف اخلاقها منه..لما فتح المصعد تلقائيا مد طارق رجله لباب المصعد يريد يركب ..وقتها شاف البنت ما تحركت رجع طارق رجله وقال: اشفيك اختي تعالي ركبي..

قالت:لا والله حشى..انت اركب وانا بركب المره الجايه..قالها:لا ..انتي ركبي انتي جايه بالأول

البنت:لا عادي بكلم التاكسي يتأخر

قال طارق وهو يبتسم:عادي انا اقدر انطر عندي سيارتي.. اما انتي يمكن تحصلي سياره اولا

قالت:لا والله اخوي انت روح خلاص

راح طارق بالمصعد وهو يفكر بهالبنت الخلوقه..وصل وراح بسيارته..وصل بيتهم وهو مازال يفكر بها..دخل طارق بيتهم ..وجلس وهو يفكر جلس حوالي ساعه في بيتهم ..بعد شوي نزلت منى اخته وجلست جنبه..:ها اشعنده اخوي يفكر..سرحان

طارق:اسكتي اسكتي يا منى..اليوم شفت بنت ..يا سلام

منى:ها، بنت ..حلوه كيفها اوصفلي

التفت لها طارق وقال:اي حلوه..ي اختي هالبنت حلوه من داخل ..البنت متنقبه..اخلاق واحترام

منى تشوف يمين وشمال وتحرك راسها ..



نرجع لسالم عند البحر والف دواوين لمنى ..

سالم عند البحر وهو يقول:

"ياشوق خبرني عن اللى انا اغليه

عن واحد روحي بحبه شغوفه..

أغليه من بد المخاليق وافديه

احس للفرح طعم يوم اشوفه ..

يطلب عيوني ..

يطلب القلب وأعطيه..

وأرهن حياتي بين ضمه كفوفه.."

بعد شوي حرك سالم سيارته وهو يقول:لا ابد ما أتخلى عنك منى..

راح بسرعه لبيتهم ودخل ووصل لقدام امه ونزل راسه ..بعد ثواني رفع راسه وتحرك شوي عن امه وقال: يمه..منى ما بتكون لأحد غيري

وراح بسرعه لفوق قبل ماتقول امه شي..التفتت الام لبنتها وقالت:اشفيه هذا استخف ولا شو؟



‏....الجزء الثاني..

في بيت ام احمد:

طارق ومنى جالسين في الصاله من قبل ساعتين..

وقف طارق والتفت لمنى

وقال (وهو يدخل تلفونه النقال في جيبه):

انا طالع شوي..تبين شي؟

منى:لا..سلامتك اخوي

طلع طارق وركب سيارته وراح..وهو ماشي مر بجنب الشركه ولمح قدام الشركه بنت ..جالسه على حرارة الشمس في هذاك الوقت..هالبنت كسرت خاطره فقرب منها بسيارته وقال:خير أختي..ناطره أحد



ارتبكت البنت وقالت:ايوه انتظر تاكسي ..طلبته من شوي بس ما جآء



يوم تكلمت البنت اندهش طارق وعرفها من صوتها انها نفس البنت اللي لاقته عند المصعد وقالها :تبيني أوديك!‏

قالت (وهي تنزل راسها):لا أخوي..مشكور بنتظر التاكسي‎ ‎



عاااد هنا ظهرت شهامة طارق وراح بسررعه لبيتهم...وفتح الباب بقوة وقال:منى..منى

جات منى تركض وهي تقول:ها خير اشصاير

طارق:ابيك بسرعه..‏

راحت منى ولبست عباتها وراحت عنده بالسياره..‏

طارق :هذيج البنت الي كلمتك عنها حصلتها عند الشركه..‏

منى:شنو؟

‏٠‎

مسافة الطريق وهم واصلين..‏

طارق (وهو يمسح خشمه):منى روحي للبنت وسأليها اذا كانت تنتظر احد او لا..واذا م عندها سياره خليها تجي عندنا بوصلها بيتهم..‏

منى:ان شاءالله اخوي

نزلت منى وراحت للبنت وطارق جالس بسيارته يطالعها وهي تكلم البنت..وبعد شوي جات منى ومعها البنت وهم يضحكون:ههههه..صدج والله..عليها سوآلف

استغرب طارق من اللي شافه ..ركبت منى والبنت بالسيآره ودلتهم البنت ع بيتهم..ولما نزلت البنت قالت:مشكورين ..مع السلامه منى

استغرب طارق وقال وهو يطالع منى بالمرآيه:شنو هذا؟ بسرعه صرتوا صحبه

منى وهي تضحك:لاا أخوي..هذا منال رفيجتي من ايام الثانوية..ههههه..ما لجيت الا منال تشبكها

طارق بصوت منخفض وهو يمسح ذقنه:خير..والله خير

‎ ‎

في شركة أحمد::

كان أحمد يمشي..شايل معه أوراقه..

_علي(صديق أحمد في الشغل): أحمد..أحمد..أقف شوي

_أحمد::ها..هلا علي ..خير ان شاءالله

_علي:خير..كله خير..تذكر يا أحمد من قبل ٣ سنين لما قدمت طلب نقل لمنطقتك..

‏_أحمد:ايوه اذكر..خير؟

‏_علي:قبلوا طلبك للنقل

انصدم أحمد والتفت وعطى علي ظهره وقال: الحيين اذكروا انه هناك مواطن طالب نقل؟الحين عرفوا يستجيبوا للطلب؟ليش..! خلاص ترى أنا تعودت على هالمنطقة وما عدت أريد نقل..أصلا انا نسيت اني قدمت طلب نقل..

_علي:ها؟ اشفيك أحمد ترى هناك أقرب لبيتكم وامك ..

أحمد:أدري..بس انا م اقدر اتعود على جو غير بعد هالسنين..

علي:بس يا أحمد..

أحمد:علي خلاص لاتضغط علي`...خلاص ما ابي هالنقل..

وراح عنه،،،

علي:أحمد..أحمد اشفيه هذا؟!



‏..في بيت أم سالم>

سالم نازل من فوق ..وقف في نص الدرج وطالع امه وراح

أم سالم:سالم..

سالم وقف عند الباب وقال:خيير؟

الأم:شو هالكلام اللي تقوله!

سالم:أي كلام؟

الأم :انت عارف شو الي اقصده زين

التفت سالم لها وقال: بخصوص منى؟..انا ما عندي كلام غير اللي قلته،،انا مالي غيرها



وفتح الباب وراح



‏...في بيت أم أحمد:

ام احمد جالسه مع بنتها..

ام أحمد:يمه منى طارق أخوج هنا؟

منى:ايه يمه

الام:ومتى رد؟

منى:من شووي رد



خالد داخل البيت لابس دشداشه سوداء وقطره وماسك تلفونه بأيده ويحرك ايده وهو يغني:من بشاكي من بك همومي..

فجأة تقاطعه امه:من وين جآي فرحان؟

دخل خالد وسلم على أمه وقال:يمه..بتسلمي أول ولأ لا

الأم:هلا..ها اشعندك؟

خالد:ولا شي..كنت طالع مع الربع

الأم:اااه..من جيه فرحان

خالد:ايه..طلعنا السيح

الام:وأنت ليش ما تروح الدوام ؟

خالد:الله يهديك يمه..

م انتي عآرفه انا أشتغل بالشرطه

الام:إلا عآرفه..بس أحمد أخوك وطارق ما عندهم اجازه هم بعد يشتغلوا



وقف خالد وقال:ي يمه..انا شرطي ..اجازاتنا غير..سلام عليكم

منى:على وين؟

خالد:رايح غرفتي..

بنام تعبت من الرحله

‏_ _ _ _

اليوم التالي:

في بيت أم سالم

سالم جالس يفطر نزلت امه وجلست جنبه

الام:صباح الخير ولدي

سالم:صبحك الله بالخير يمه

الام:انت م بتداوم اليوم؟

سالم:اجآزه يومين يمه

الام:حلو ي وليدي

استغرب سالم وقال بدهشه:شو الي حلو يمه؟

الام:انه عندك اجازه،اليوم بنروح نخطب لك منى

قام سالم ومسك ايد امه ويقول:صدج يمه!ارجوك لاتلعبين بأعصابي يمه

الأم وهي تمسح على راسه:ايوه صدج يمه..دام هذا يرضيك ،مايصير خاطرك الا طيب..

سالم وهو يحب ايد امه:الله يخليك لي يا غناتي

ووقف وقال:واخيرا ي منى!ماني مصدق،

نزلت اخته وتقول:منو هالفاارس الشجاع يمه!اووه هذا سلوم ؟صدج!اشعندك؟

سالم وهو رايح غرفته :خلي امك الغالية تخبرك..هههه

وراح غرفته ومسك دفتره وكتب:<

..تشتاق القلوب إلى بعضها

فترسل الحب والسلام إلى من

سكنها..فھا آنا الآن ارسلہا الیگ ..فرحا بما سمعتہ الیوم ..لا اعلم کیف اعبر عن فرحتے.. فعسی ان یگون قلمے مودیا ما احس بہ الیگ منے..





بعد قليل ام سالم تركض ع غرفة سالم وهي تبكي،:سالم،سالم

قام سالم وفتح الباب :يمه شو هناك؟

ما تكلمت امه وطاحت ف الأرض

سالم وهو ينزل لأمه ودموعه في عيونه:يمه..منى استوى فيها شي؟ يمه؟



نستكمل ف الجزء القادم

انتظركم ,,,,,

رايكم محل تحفيز لي

ياهلافيك بليلاس وتلقين مايرضيك من ردود وتشجيع



قوانين القسم ( شروط انتسابك ككاتب + قانون القصص المكتمله والمهمله + الردود المخالفه )

تسلمين اختي ,,
انتظر تفاعلكم وتوقعاتكم للاحداااااااث