من يدريّ مَ قدَ يححصٌل

سسَلمتي غغَلآتي رأي رآئععٌ ونشوف القصصَة آن ششَـآء الله

وديّ ..

السسَلآمٌ عَليكٌم

مسسَـآءكٌم آخرٌ يومِ ثٌلآثَـآءِ فِيّ رمَضَـآنٌ
دقَآئقٌ آن شَـآء اللهٌ وَ ينزِلٌ البَآرتٌ

.. مٌجَردٌ هَآويَةّ

الحِلمٌ الثَآلثٌ ..♫


لف سعود وهو يشد على الرسالة بيده على مسفر وهو يقول ..:
مسفر تذكر يوم ابوك راح العاصمة وجاب معه ورق الرسايل باقي عندكم منه

مسفر وهو يفكر ..: أظن باقي منه انتظر خلني ارسل منصور البيت يشوف

سعود بتفكير غآمض ..: خلآص آنـآ بروح البيت اذا لقيت جب لي منها انتظرك

....

في مكآن بعيد عبر المحيطات والقارات

كانت خطواتهما متقاربة يسيران وكأن الكون ملك لهما حيث لحظات
لن يرى فيها احدهم سوى الآخر حبيبان التقيا فنسيا ماحولهما وتقابلت تلك العينان

يا سيدتي:

أنت خلاصة كل الشعر..

ووردة كل الحريات.

يكفي أن أتهجى إسمك..

حتى أصبح ملك الشعر..

وفرعون الكلمات..

يكفي أن تعشقني امرأةٌ مثلك..

حتى أدخل في كتب التاريخ..

وترفع من أجلي الرايات..

نزرا قباني


عبدالرحمن ..:
احترت ومالقيت الكلام اللي يعبر عن اللي داخلي يا اجمل ماحصلي آنتي
احبك وربي ثم الكون كله يشهد

ساره ومعالم الخجل قد بدت بوجهها .:
تدري كل يوم اسجد شكر لربي اللي رزقني زوج مثلك
راقي في تعامله حنون طيب والآهم من كل هذا يحبني

عبدالرحمن .:
وبظل طول عمري احبك لين يفرقنا الموت

ساره بخوف .:
بسسم الله عليك بعد عمر طويل

عبدالرحمن ..:
هههههه لاتخافين ياعمري هذا مصير ابن آدم

كممل وعيونه راحت لبعيد وبصوت كله حنين ..:
تدرين طول عمري اقول اني بتزوج زواج حب وكان سعود يضحك علي ويقولي مجنون

وبضحكة .: ههههههه طول عمري انا وسعود ماتفقنا كنت اقوله يمين ويقولي شمال
وكان رايه هو اللي يمشي وبالاخير ناكل ضرب من ابوي والسبه رايه
اللي كان يودينا بداهية بس مع كذا كنت احب هاللحظات الله يذكرها بالخير

ساره بحب ..: الله يجمعك فيهم على خير

عبدالرحمن بشوق ..: آمين ياارب

سارة .: طيب حبيبي وش رايك نمكل مشي ..؟

عبدالرحمن بحب ..: و أحد يحصل له يمشي مع القمر ويقول لا
يلا توكلنا على الله



.....



في الديرة ..

دخل سعود البيت ..: ياهل البيت انا جيت

طلع سعد من الغرفة .: شرفت حضرتك بدري تو الناس كان ماجيت

وبعصبية ..: ابي اعرف الحين وش اللي خلاك تتهجم على ولد ابو سعيد
ياللي ماتستحي على وجههك كانك مفشلني بين الناس

سعود بتأفف .: اوهوو علينا وش قايل علي ولد امه بعد

ابوعبدالرحمن قرب ومسكه مع ثوبه بصراخ ..:
علمن ياصلك ويتعداك ياسعود والله ان م عقلت وتعدلت
لارميك بالشارع خلها يمكن تربية الشوارع تفيدك

وتركه وراح

سعود بضيق ..: آوف من هالعيشه تضيق الصدر

ام عبدالرحمن وهي طالعة من المطبخ ..: هلا يمه متى جيت

سعود ..: توني جاي يمه

ام عبدالرحمن .: وشفيه ابوك يصارخ

سعود ..: مدري عنه يمه تراني جوعان

ام عبدالرحمن ..: خلاص الحين احط لك الغداء انا وابوك تغدينا

ودخلت المطبخ ..

وسعود تلمس جيبه وهو يبتسم بخبث ولسان حاله يقول ..:
قريب راح تودعون شي ثاني

سمع صوت الباب يدق راح يشوف من ..:
ياهلا والله حيا الله الشيخ منصور

طفل لم يتجاوز سن العاشرة بمحاولة تغلظة لصوته ..:
هلا فيك مسفر يسلم عليك ويقولك هذا اللي بغيته
ويسلمه مجموعة ورق

سعود وبابتسامة ..: مشكور يامنصور وسلم لي على مسفر

اخذها وسكر الباب

سعود وهو يلوح بالورق بيده وهو يقول ..:
والحين يبدأ اللعب صح
طلعت ام عبدالرحمن من المطبخ وهي شايلة الاكل ..:
هااه يمه من دق الباب

وحطت الاكل على الحصير بالارض

سعود وهو يخبي الورق بجيبه ويجلس عالارض ..:
لايمه هذا منصور ارسلة مسفر يجيب لي غرض وبدأ ياكل

ام عبدالرحمن .:
طيب يامك انا بدخل ارتاح للعصر عشان اقوم ابوك يروح لشغلة
وبرجاء .: وخلك موجود ياوليدي عشان خاطري لاجل لاقام يشوفك قدامه وتروح معه

سعود وهو ياكل .: طيب يمه يصير خير

قامت ام عبدالرحمن ودخلت الحجرة

سعود وهو يتمتم ..: الله يعيني عليكم

ويوم تذكر اللي بيسويه ابتسم وهو يقول ..: بس يلآ عجز خلنا نرحمكم شوي
وكمل آكل



آآي قسوة تحمل في قلبك ياسعود


...


قاعدين بالشقة يسولفون فجأه سمعوا صوت الباب يدق

قام عبدالرحمن بيشوف من عند الباب .: هلا والله

ثامر .: السلام عليكم

عبدالرحمن .: عليكم السلام والرحمة حيا الله ثامر تفضل حياك

ثامر .: لا يالحبيب ماني جاي ادخل بس كنت بقولك شيء وامشي

عبدالرحمن ..: والله ان تدخل يارجال وتشرب قهوة

وسحبه لداخل وهو يقول ..: دررب دررب

دخلوا الصالة وقعدوا

عبدالرحمن بود ..: وينك يارجال ماقمنا نشوفك

ثامر بابتسامة ..: قلت معرس اخليك تتهنى

عبدالرحمن ..: ههههههه وش دعوة

وقام وهو يقول ..: خلني اضيفك

وراح داخل المطبخ وشاف ساره معطيته ظهرها وهي تجهز القهوة

قرب بخطوات هادئة وضمها من ورآ وباس رقبتها

ساره بشهقة خفيفة ..: خوفتني حبيبي

عبدالرحمن بحب ..: آسف ياعيون حبيبك
هاه القهوة جاهزه

ساره ..: ااي ياعمري هاك تفضل

شال عبدالرحمن القهوة وباس خدها وهو يقول ..:
الله لايحرمني هاليدين اللي سوتها

ساره بابتسامة وهي تشوفه يروح ..: ولامنك ياكل دنيتي

..

قدم القهوة لرفيق دربه ..: آسلم آمرني وش بغيت

ثامر يمد يده ياخذ الفنجال ..: سلمت

وشرب القهوة وحط الفنجال وهو يقول .:
اللي جاي اقوله ياطويل العمر فيه شركة قدمت لي ولك وظيفة
مقرها بريطانيا عاد قلت اجي اشوف وش رايك
لاني انا عن نفسي رفضت برجع لديرتي واهلي هناك تعبت من الغربة
بس مدري عنك قلت اجي اشوف رايك

عبدالرحمن ..:
من جدك انت وتسألني بعد اكيد برفض حتى انا وربك تعبت من الغربة
وبنرجع انا ومرتي عند اهلي بس انتظر خبر

ثامر ..: عالعموم عندنا فترة شهر ونرد عليهم فكر على راحتك

وقام وعبدالرحمن قام معه .: وين يارجال بدري

ثامر ..: لا مشكور خيرك سابق بس توك معرس يلا سلام عليكم
ورآح

عبدالرحمن قاعد يفكر ودخلت ساره عليه ..:
وش كان يبي صديقك حبيبي

عبدالرحمن بهم .: جاي يقولي انه في شركة عرضت علي وعليه وظيفة بسس ببريطانيا

ساره وهي تجلس جنبه وتشد على يده ..: طيب وش اللي مضيق صدرك حبيبي

عبدالرحمن وهو يتنهد ..: مدري حبيبتي آحس بشيء بيصير قريب قلبي ناغزني


هل صحَّ آحسسَآسُكَ يَ تٌرى


... بعد فترة آسبوعين تقريبا

كامبردج
شقة عبدالرحمن ..

دخل الشقة وهو ماسك المكتوب بيده يحس بضيق منه ولا وده يفتحه تعوذ من ابليس
وسمى بالله وفتحه وبدا يقراه وبدت ملامح وجه تعلوها الصدمة ويدينه ترتجف
من اللي قرآه وترك الورق وهو يهمس .:
لآ مستحيل آصدق مستحييييل

وكمل باسى .: ليه يايبه حرام عليك والله اني ماسويت شيء غلط

نزلت دمعة قهر منه ومسحها بسرعه وهو يتذكر سعود الكلام اللي موجود بالرسالة ...
ابوي تبرأ منك
ابوي تبببرأ منككك
ابوووي تبرأ منننكك

ابوي تبرأ منك ليه تسوي هالسواة وتفشله بين الناس هو وامي غضبانين عليك
ولايبون يشوفونك ابد لحد مايلحفهم التراب يقول ياحسافة هالتعب اللي تعبه عليك
ياحساافته ياعبدالرحمن ماحترمتهم ولا قدرتهم وهذا اخر كلامهم مايبون يشوفونك
لآ آنت ولآ زوجتك طول ماهم عايشين انصحك خلك بعيد عنهم وانا ارسل لك
اخبارهم اذا تبي بين فترة وفترة

سعود


عبدالرحمن بحزن ..:
كسرتني يايبه الله يسامحك يعني منت شايفني رجال

ووقف بتصميم وراح للتلفون وضغط رقم
..: آلو هلآ ثامر
..: بخير الحمدلله اسمع ثامر تذكر عرض الشركة حق الوظيفة
..: آآي قلهم آني موافق
..: لآ يابن الحلال بس غيرت رآيي وبلغت اهلي بهالشي وبنروح انا وزوجتي
..: ماتقصر مع السلامة
حط السماعة والهم والحزن ملأ قلبه وهو يهمس ..:
الله يسامحك يايبه الله يصبرني على فرآقكم حسبي الله على اللي كآن السبب


بنفس الوقت تقريبـآآآ

في الديرة


دخل على آهله لقاهم جالسين يشربون شاهي وقف بتردد قدامهم
ناظرة آبوه
ابو عبدالرحمن ..: خير وش عندك

سعود بتردد مصطنع ..: آآمم يبه جاي مكتوب من عبدالرحمن

آم عبدالرحمن بلهفة ..: يابعد عمري ياوليدي وش يقول متى بيجي

وسعود ومازال يلعب لعبته .: والله يايمه ماظنتي يجي قريب

وقف ابو عبدالرحمن ..: وش تقول انت وين المكتوب اشوف عطني اياه

طلع سعود الرسالة من جيبة وعطاها ابوهه

اخذ سعد المكتوب وقعد يقرأ وعيونه تتوسع بصدمة وجلس على حيله من الفجيعة

آم عبدالرحمن بنبرة بكاء ..: وش فيه ياسعد عبدالرحمن صاير له شيء

ابو عبدالرحمن بتعب ..: عبدالرحمن كسرني ياحصة هد من حيلي وانا شاد الظهر فيه

حصة ودموعها نزلت على خدها .: وش مسوي تكلم

تنحنح سعود ..: يمه انا اقولتس عبدالرحمن تزوج

ام عبدالرحمن بشهقة ..: وشو تزوج ..؟

سعود يمكل .: آي يمه تزوج وحده من ديار الكفر يقول انه حبها وتزوجها

ام عبدالرحمن بعدم تصديق ..: لآ لآ وليدي م يسويها لآ مستحيل

كمل سعود بحقد مبطن وحزن ظاهري ..: ويقول انه مهو راجع ابد بيعيش هناك

ام عبدالرحمن بشهقة ..: لآآآآآ حسبي الله ونعم الوكيل
وتلطم وجهها وهي تتحسب

سعود يقرب يضمها وهو يقول ..: استهدي بالله يمه شفتي وش سوى مايستاهل

ابو عبدالرحمن ..: حسبي الله عليك ياعبدالرحمن كانك كسرت ظهري بفجيعتك
وكسرت هالمسكينه اللي تنتظرك
وقام بتعب وهو يكمل ..: فشلتوني عند العرب كبير وصغير
حسبي الله عليكم من بكرآ بقولهم انه ولدي عبدالرحمن مات

ام عبدالرحمن زآدت في بكاءها فاجعة عدم عودته وهي من كانت تنتظرة
على احر من الجمر وفاجعة موته وهو حي يالله
كم تتحمل وتصبر ولسان حالها يقول ..: ليه ياعبدالرحمن ليه يايمه



وَ آنطَوى فَصّلٌ مِن حَيَآتنَـآ وَ آنتهَى


نِهَـآيةٌ الحِلمٌ ..♫

مَوعِدنَآ آن شَـآء الله بَعَد العِيدٌ
وَ كٌل عَآم وَ آنتمٌ بِخَيرٌ ..

السلام عليكم و رحمه الله و بركاته

مساء الخير و الرضا من الرحمن

ربي يعطيج الف عافيه يارب ...



سعود .. اي شر سكن روحك و رضيت تشوف كسرة ظهر امك و.ابوك و فجيعتهم

في عبدالرحمن هذي الغيره و الحسد من عمل الشيطان و بعد سعود عن ربه

تركه يسوي هالشيء بدم بارد جدا و لا فكر بعواقب فعلته ...




عبدالرحمن .. طيبته و ثقته في اخوه و ما تركت له مجال للشك و انه المكتوب

ممكن يكون من فاعل شر يبي له و لهم المضره .. الحياة بالغربه صعبه

بس بوجود ساره تهون .. المشكله في الجيل الجديد بيتحمل الغلطه لوقت طويل

فوق قهر هالشياب على ولدهم ...



سلمتي يارب بانتظار القادم


..........