السلام عليكم و رحمه الله و بركاته

صباح الخير و المغفره يارب

ربي يعطيج الف عافيه هواوي حلم جميل ...



سعد ... شنو كان ناوي فكرة انتقامه من الوليد اقرب توقع هو بالشغل و يفلسه مثلا

بس ما فكر لو شيوي انه لو كمل خطته انه فيصل ما راح يسامحه لانه ابوه

اول و تالي و لا يرضى عليه و.الواضح انه فيصل يحب ابوه او خلنا نقول يتمتى

يكون له وجود بحياته ؛؛؛ سعد شلون سجل الفيصل باسمه هل يصح انه يسجله وهو

مو متزوج بغض النظر عن قوله تعالى "" ادعوهم لابائهم هو اقرب للتقوى ......"""


ياسمين ... الوليد رجع السعوديه و هي بعدها ما سوت شيء معقوله تفكر بنفس

تفكير سعد و تكون الضربه بشغله و رزقه ...


راكان ... اتوقغ انه بيكون له دور كبير في تقريبهم من بعض و يكون له وجود

بحياة جمان ...


جنى ... اي وجع كان تخبيه بصدرها لما انفجرت شعور مؤلم لما الجميع حولك

يكون غير واثق قيك او.انه حمايتهم تكون قيود تكبت الحريه على الاخر مو ذنبها

انها مطلقه اتوقع هي بعدها بنت يعني ما حصل و راحت مع طليقها صح ...


الوليد ... هرب للمره الثانيه بس لمتى ؟؟ او هذا خوف من كشف الحقيقه

بما انه لاحظ تشابه الاسماء بين سعد و سعود ما ربط انه زوجته تصير لسعد

او انه يجهل اسمها ؟؟؟ ....



سلمتي يارب

.........

تساءل عن انه الوليد لم يعلم باسم ياسمين لانه وقتها كان كل همه يوسع صدره
وقتها ماكان مهتم من هي بس اهم شيء انها بنت يبي يستانس معها ولا كان يدري انه بغفله منها
..
سعد كيف سجل فيصل باسمه
وشلون كان يبي ينتقم بس تراجع عشان امه ذكرته بابوه
وانه لو كان عايش هل راح يرضى باللي يسويه سعد
هذا ان شاء الله راح نعرفه بالاجزاء القادمة

جمان وجنى هَل كان المرح لديهم لاخفاء الالم ..
راكان الصديق والاخو ماذا تخبئ له الايام ..

سَلمتي غَآليتي حضورك اسعدني
الى لقاءات آخرى ...

مسسَآءكممّ حَنينٌ لآيَآمِ مَضَتّ

آحداثٌ مشوقةِ آتمناها لكمّ اليوممِ

الحِلمّ العَآشِرّ ♫♫







ضربته على راسه .: ياغبي مو كذا يشوون اللحم كم مره بقعد افهم فيك
بغضب وتبرم ..: آآآآه طيب لاتضربين فهمت والله بس لازم اضيف عليه لمساتي
بسخرية ..: آرحمني يابو لمسات انت اقول وخر بس خلني اسويه انا
بعناد .: ماراح اوخر
جا من وراهم وبرفعة حاجب وبصوت عالي .: وبعدين معك انتي وياه
لفت على اخوها وبترجي ..: سعد تكفى شله من عندي مايعرف يشوي اللحم زين بيحرقه
سعد بظرافة .: وش عندها الشيف جمان الله يستر علينا منك لا ننام اليوم بالمستشفى
فيصل بمحاولة لتكبير نفسه ..: ااي خالي قلها ماتعرف شيء وتهايط على راسي
جمان فتحت عيونها على وسعها ..: تهااايط ..؟!
ومسكته مع اذنه .: من وين لاقط لك هالكلمة يا فاصوليا هاااه
فيصل بالم وهو يحاول يفك عمره ...: آآي آآي خلاص والله بقوول هذا خويي سعودي اللي معي بالسكول
تركته وهي تناظره بنص عين ..: تهايط اجل هااه
هز راسه باسف على هبال اخته وولد اخته وهو يفكر احد يشوي بهاللبس (كانوا لابسين مثل لبس عازف البيانو بدلة رسمية بس من ورا تكون طويلة وحاطين على وجههم قناع )
سعد بملل ..: آقول توم وجيري وخروا بس
ووخرهم وكمل هو شوي ..
...
على الكراسي كانت قاعده سرحانه تفكر بالالبوم اللي لقته بالمخزن ..: اكيد فيه غيره مامداني ارتب المخزن زين بشوفه ان شاء الله بكرا
جذبها صوت امها تناديها ..: ياسمين
لفت على امهاا .: آمري يالغالية
ساره بابتسامة ..: وين رحتي ..؟
ابتسمت على امها اللي مايخفى عليها شيء .: ولامكان موجوده
لفت ساره على مكان الشوي وبصوت عالي ..: حضرة الشيف ماخلص
جمان وفيصل بوقت واحد ..: لآااااا
ضحكت ساره وهي تشوفهم يتهاوشون ولفت لياسمين .: هههههههه ماظنتي فيه عشاء اليوم ضاحكين علينا بهالقهوة عشان يسكتونا بسس
ياسمين شاركت امها الضحكة ولفت على جمان بصوت واضح فيه البحه والنعومة ..: هي يا جمجم تعالي خلي الرجال هم اللشي يشتغلون

جمان بغضب وعنااااد ..: لآااااا مستحييل هذا تعبي اروح واخليه وهم يجيبونه كانه هم اللي مسوينه عشان يكون لهم الشكر والعرفان
فيصل بهمس .: اويلي يالكذب ماكانها فكرتي
لفت عليه وعطته ذيك النظره
فيصل بخوف ظاهري ..: خلاص خلاص والله ماتسوى علينا هالنظرة
وكمل شغله

وقد كانت ذكرى سعيدة تلك الليلة


....


من بكرآ الصبح
طلع من غرفته على صالة الجناح وبصوت غاضب ..: حنيييييييييين
طلعت له من الغرفة الثانية وبقلق وخوف ..: هلا وش فيك تصارخ ..؟
عبدالله بغضب ..: الملف حق شغلي كنت حاطة عالمكتب وين راح
حنين بالم ودموع تهدد بالنزول .: كنت انظف غرفتك وحطيته بالدرج اللي جنب راسك
لف عليها ..: مرة ثانية يامدام غرفتي لاتدخلينها ولاتنظفينها لاني ماطلبت منك هالشيء
ودخل الغرفة ودخلت هي غرفتها تكتم الشهقة وجلست عالارض جنب السرير تصيح .: متى يا عبدالله متى حراام عليك الله ياخذ رفقة هالسوء اللي قلبوا راسي ووقت حاجتي ماشفتهم حسبي الله ونعم الوكيل خربوا بيتي

طلع بعد مالقى الملف وهو يتنهد ويتعوذ من ابليس ..: ماكان المفروض اقسى عليها بس غصب عني كل ماشفتها اتذكر كيف وقفت بكل جراءة قدامي وقالت لي هالطلب اااه بس الكل يقول انها متغيرة وانا اشوف هالتغير اشوف شلون شايلة امي وابوي على راسها بس مو قادر والله مو قادر
وضرب الملف بيده ..: خلني اوديه لراكان بس

وطلع لدوامه كعادته كل يووم ...

...
شركة المساعد ..
مكتب المدير العام
مشغول بهالاوراق يطلع عليها ويوقع لها ترك القلم ورجع راسه لوراه وهو يدلكه بيده يومين مانام يومين والتفكير معذبه هل تشابه الاسماء مجرد صدفه او فيه خيط يربط بينهم عالعموم عما قريب راح يبين كل شيء تنهد وكمل شغله
طق الباب
رفع راسه بيشوف من ..: ادخل
دخل السكرتير .: طال عمرك فيه واحد طالب يقابلك خصوصا
برفعة حاجب ..: عنده موعد
السكرتير بنفي .: لآ بس يقول ضروري يقابلك
الوليد بزفرة نفس .: طيب دخله اشوف
...

دخل شخص يقارب الخمسين من العمر بثوبه وشماغه ومسبحة لاتفارق يده
..: السلام عليكم ..
الوليد باستغراب .: وعليكم السلام ياهلا
جلس الغريب بشكلة الفاخر بعد ماسلم ..: شخبارك يا ولد مساعد
ضيق بين حواجبه .: عفوا بس حصل لنا شرف من قبل
ابتسم الغريب ابتسامة غامضة ..: لآ والله ماصار بس انا كنت اعرف ابوك وكان زميل لي في مجال العمل
وكمل بخبث ..: وكان بيننا عهد قديم آو تقدر تسميه دين
الوليد ببرود ..: ماتشرفنا
ضحك ..: ههههههه معك فواز
وكرر برفعة حاجب .: فواز صالح الفاني
الوليد وببرود ثلجي .: هلا حياك استاذ فواز بايش اقدر اخدمك
وناظر ساعته وكمل بسخرية ..: تعرف وقتي مايسمح
قام فواز من مكانه وبنظرة كلها خبث .: لآ آبد سلآمتك بس هالزيارة كانت للتعارف
رفع حواجبه مستنكر هالشخص اللي طلب يقابله ضروري ..: وممكن اعرف وش السبب
فواز بابتسامة ..: راح تعرف مع الايام الجاية وهذا ماراح يكون اخر لقاء بيننا
وراح وخلاه وجلس الوليد مستغرب من هالشخص
قست عيناه وبحزم وقوة همس بداخله ..: آنت آو غيرك مايهمني شيء انا الوليد اللي يلعب من وراي يكون حكم على نفسه بالهلاك
ورجع يفكر ..: قريب بعرف من انت ياسعد ومو الوليد اللي يهرب

....

صحى من النوم وهو منزعج من صوت الجوال
رفع الفراش عن وجهه وقابلته اشعة الشمس كششر وهو يدور جواله ووين حطاه امس
مسك الجوال فتحه القفل ..: الله 15 مكالمة فائته عسى ماشر يابو ريان
وتوه ينتبه للوقت وبصرخة ..: الله يقطع العدو تاخرت عن الدووام
ونقز من السرير ودخل الحمام وهو يسب ويشتم
طلع من الحمام بالروب ودخل غرفة الملابس وطلع وهو يحاول يسكر الكبك حق الثوب والشماغ على كتفه والشعر بكشته المعتاده
وقف قدام المرايا وهو يلبس الطاقية وبعده الشماغ والعقال واخذ عطرة المفضل ck ورشرش على كل جسمه واخذ دهن العود وحط عند رقبته ومسح على شعره
ووقف يناظر شكله النهائي يوم اعجبه طلع مستعجل وركب السيارة وشخط للشركة
هذا هو راكان اناقته تاتي في المقدمة دائما

في السيارة وهو يسوق طلع نظارته الشمسية من درج السيارة
رفع جواله يبي يدق على عبدالله ..: هلا ابو ريان عسى ماشر وش هالمكالمات
عبدالله بسخرية ..: لآ ياشيخ احلف انت منت شايف الساعة كمم مثلا
راكان ابتسم على خويه ..: افا ابو ريان زعلان علينا عسى ماشر
عبدالله بهدوء .: سلآمتك بس صار لي اكثر من ساعتين انتظر حضرتك تشرف
راكان باسف ..: السموحة وربك راحت علي نومة اليييمة
عبدالله بضحكة ..: اليييمة اجل الله يستر مننك ياخي
وكممل .: حاول تستعجل الوليد اكثر من مره يطلبك
راكان باسى على نفسه .: عز الله راحت ايامك ياراكان
عبدالله بسخرية .: بتروح اذا ماجيت الان
وبتحذير .: بسسرعة تفهم لآتروح يمين ولاشمال
راكان يهز راسه مثل الهنود ..: آن شاء الله انا في يجي
وانتهت المكالمة ...

كممل سواقته واستعجل واخذه التفكير لتلك الغريبة صار هالايام بس يفكر فيها هاجس غريب يمر عليه وحالة قلق شديد تملكته بسبب تلك الفتاه لايعلم من هي لكن يريد وبشدة ان يراها مجددا انهكه التفكير بشأنها وقد فقد الامل ان يراها مرة اخرى

وصل للشركة بعد مشوار ربع ساعه وقف السيارة بالباركنج ودخل وعلى طول لمكتب الوليد
دخل ولقاه مستغرق بقراءة ملف بين يدينه ويوقع على بعض الاوراق
بصوت فخخم وببحة مميزة..: السلآم عليكم
رفع راسه لما سمع الصوت ولما شاف اللي جا ناظره بغضب ..: شرفت
راكان بحرج وبابتسامة ..: راحت علي نومة يالطيب
الوليد ببرود ..: راكان للمرة الالف اقولك مثلك مثل ااي واحد بالشركة ااي شيء يمشي عليهم يمشي عليك انت سامع
راكان بهدوء .: تامر طال عمرك
وكمل ..: يقولون انك طلبتني
الوليد تنهد وهو يتعوذ من ابليس ..: آآي آقعد بكلمك
قعد راكان قدامه ..: سم
الوليد بهدوء ..: سمعت عن واحد يقاله فواز الفاني
راكان ضيق عيونه وهو يحاول يتذكر ..: مدري مامر علي هالاسم من قبل
الوليد يكمل ..: جاني اليوم يقول انه كانت بينه وبين الوالد معرفه وبينهم دين
راكان باستغراب ..: من متى
الوليد بضيق ..: مدري والله عنه هذا اللي فهمته من كلامه
الموهيم آبيك تكلف احد يبحث عنه لاني وبكل صراحة مارتحت له
راكان قام من مكانه وهو يقول ..: خلآص آعتبره تم
ورآح لمكتبه
....
دخل السكرتير عليه ..: طال عمرك الرجال اللي طلبته جا
الوليد دق قلبه ..: خله يدخل بسرعة
دخل الضيف وبيده مغلف ...: السلام عليكم
قام الوليد .: عليكم السلام تفضل ..
بعد ماجلسوا
..: هاه جبت اللي طلبته منك
الضيف بهدوء ..: كل شيء مثل ما وصيت
الوليد ..: آشوف ورني
مد له الظرف ..: هنا راح تلقى كل المعلوماته عنه وعن اهله وكل شيء يخصهم
الوليد مسك الظرف بتوجس وخوف منه حطه عالطاولة جنبه
..: خلاص مشكور يعطيك العافية وحقك الباقي وصل لحسابك الححين
قام الضيف ..: ماقصرت ياطويل العمر خيرك سابق

بقى الوليد بالمكتب مسك الظرف بيده .. سمى بسم الله وفتحه
طلع الاوراق والصور
آتسعت عيونه وهو يشوف الصور
قرى المعلومات
سعد عبدالرحمن سعد الساري
ياسمين عبدالرحمن سعد الساري
جمان عبدالرحمن سعد الساري
فيصل سعد الساري
اختنق وفتح الدرج اللي جنبه
وطلع الذكرى الوحيدة الباقية من تلك الليلة سلسالها اللي طاح منها واللي من يومها مافارقه ابد بكل مكان ياخذه معه كانه صار جزء منه
قرا الاسم عليه .. ياسمين
معقولة .. معقولة تكون هي .. معقولة عذابي راح ينتهي
يعني هذولي يصيرون عيال اخو سعود
ضرب الطاولة بقههر .. آنا لازم اروح اتاكد واسأله هو بالذات
وكمل قراية باقي معلومات الملف ..
استغرب انه كلهم عندهم الجنسية السعودية والبريطانية الا هالولد فيصل
بس عنده الجنسية البريطانية
وهم عايشين هناك على اساس انهم بريطانين ومن الشعب
ولا في ااي معلومات تذكر انه سعد كان متزوج
آجل شلون جا له ولد معقولة كانت عنده علاقات
زادت حيرته اكثر وزاد اصراره عالروحة لهناك

ضغط رقم ..: سالم آحجز لي باقرب رحلة لاوروبا خلال هاليومين
سكر وهو يحس انه وكل مال هالقضية تزيد غموض

...

في البنك الفلآني ..

تفرفر في البنك ومستانسة انها توظفت فيه نادتها صديقتها ..:
جنى تعالي هنا
راحت لها وشافتها واقفه عند باب مكتب وعلى وجهها ابتسامة
اشرت لها عالمكتب .: هذا مكتبك يا استاذه
جنى بحمااس ..: وآآآآو هذا مكتبي
رنا تضحك على تصرفات صديقتها الطفولية
لفت عليها جنى وبنص عين ..: وش اللي يضحكك
رنا هزت راسها ..: لآ ولاشيء بس اللي يشوفك يقول ماعمرها شافت مكتب بحياتها
جنى بحماس متزايد ..: آآي ماعمري مكاتب اخواني بالبيت ممنوع الدخول عليها
ولفت عالمكتب وهي تكمل ..: بعدين هذا المكتب حقي اشتغل عليه انا
رنا ابتسمت على افكار جنى .: الله يوفقك ياعمري
يلا خلينا نمشي من بكرا تكونين هنا عالثمان بالضبط
جنى .. آكييد آن شاء الله

ورجعت كل وحده لبيتها ..

دخلت البيت لقت امهاتها قاعدين بالصالة الداخلية ..
وبصوت عالي ..: السسسسسسلآم عليييكم يا اهل البيت
لفوا عليها وهم مرتاعين
سمت عليهم بقلبها .: هههههههههه آسف
وبهدوء مفتعل .: السلام عليكم
ونطت بحماس .: فااتكم اليوم شفت مكتبي النيوو حقي لي انا
ليلى تضحك على هبال جنى
سعاد مسكتها مع اذنها ..: متى راح تعقلين فهميني
جنى وهي تتصنع الالم ..: آآوتش ماماتي يعوور
تركتها سعاد وهي تناظرها بنص عين
ابتسمت جنى ابتسامة غبية ونطت تحضن امها ..: ماما انا صرت اشتغل صرت اشتغل
سمعت صوت ساخر من وراها ..: ليه لعبه على غفلة وركبوا لها بطارية
لفت عليه وبنظرات ناريه ناظرته من فوق لتحت ..
.: محد وجه لك الكلام ياطفيلي
راكان بضحكة ..: ههههههههه لو تشوفين شكلك تمنيت اني صورتك
جنى طلعت له لسانها وبمرح ..: ماراح ارد عليك لاني مستانسة
وراحت باست خد امهاتها وطلعت فووق
راكان بسخرية ..: هالبنت عمرها ماراح تعقل
ليلى باستغراب ..: وش عندك جاي الححين مو من العادة
راكان ضرب على راسه ..: صح تذكرت جاي اغير ملابسي واطلع
ليلى بهدوء ..: ااي هذا انا قلته مو من عوايدك
ابتسم راكان على امه وطلع فوق مستعجل لانه عنده موعد مع الشباب
وبعد ماطلع
كملوا قعدتهم وسوالفهم
سعاد بهم ..: كبروا هالعيال ياليلى وكبرت مشاكلهم معهم
ابتسمت ليلى لها ..: تفاءلي بالخير ياخيتي انتي عارفه شلون كانوا والحمدلله الحين شلون صاروا
ابتسمت سعاد باسى لرفيقه دربها
كلهم مروا بكثير من الحزن والاسى ويمكن تكون سعاد اكثر بس كان همهم واحد تشاركوه مع بعض
سمعوا الباب ينفتح
دخل عليهم الوليد بوجهه شاحب
ليلى بخوف .: خير اللهم اجعله خخير وش بهم عيالي اليوم مو من عوايدهم اشوفهم هالوقت
قامت وقربت له ..: وش فيك وانا امك
الوليد بهدوء .: السلام عليكم
ردوا السلام بخفوت
اخذته ليلى وقعدته عالكنب وطلبت من الخدامة تجيب له كاس مويه
..: خير ياوليدي فيه شيء
الوليد ناظر عمته وبنبرة اسف حقيقية ..: آسف ياعمه بس مضطر افتح لك جروح
غامت عيون سعاد بحزن ..: وش بخاطرك ياوليدي تكللم
الوليد ..: عمه بسألك كان لسعود آخ يقاله عبدالرحمن
سعاد وهي تحاول تتذكر ..: آآممم آآي آذكر انه كان عندهم اخ اسمه عبدالرحمن
وناظرته باستغراب وهي تكمل ..: بس انه كان ميت قبل ماخذ سعود ليه تسأل عنه
الوليد وهو يمكل بهدوء وبنبرة مدروسة ..: واللي يقولكم انه ما مات الا قبل ثمان سنين
وعنده عيال
شهقوا وقامت سعاد من مكانها ..: وش تقول يالوليد آنت متأكد من هالكلام
الوليد بضيق ..: والله ياعمه مدري انا بس جيت ابلغكم انا رحلتي ان شاء الله الليله
وقام وهو يسلم عليهم ويطلع
لفت ليلى على سعاد وبهدوء قاتل ..: سمعتي اللي قاله ياسعاد
سعاد بهم وبهمس داخلي ..: لآ ياربي لاتكون منه لآتكون انت السبب ياسعود
يكفيك ظلم حسبي الله ونعم الوكيل
وقامت طلعت لغرفتها واستقبلت القبلة لرب رحيم غفور تطلبه ان يهون عليها مصابها
وجلست تفكر باللي قاله الوليد
معقولة كلامه صحيح ...


.......


طلعت مع فيصل الهايد بارك ولا تدري سبب اصراره عالروحة لهالمكان بالذات
بس نفذت طلبه وراحت معه
..
جاب معه عدة الرسم وقعد قدامها
جلست بكرسيها متململه من القعدة لفترة طويلة لحد مايرسمها
او نقول عالاقل يحاول

..: فيصل ماما ماخلصت
فيصل بحماس ..: ماما بس شوي انتظري
ياسمين بحنان ..: يلآ حبيبي عشان مانتاخر على يمه ساره
فيصل هز راسه بطواعية ..: آن شاء الله بس بقى لي شوي
ناظرت السماء وشافت الجو تغير شكلها بتمطر
..: حبيبي خلاص شكلها بتمطر خلنا ننروح الحين تلقى جمان مسوية لنا قصاص لارجعنا
فيصل بضحكة ..: ههههههههه آحسن شيء اننا رحنا ولا آخذناها معنا
آبتسمت عليه وعلى افكاره
فيصل بوناسة ..: خللصصصت
قامت وهي تتمطط ..: وآخيرا الحمدلله
قربت له ..: ورني اشوف الرسمة
هز راسه بنفي وهو يغطيها ..: لآ ماما مايصير باقي ماخلصت الوانها كاملة
ياسمين بخيبة امل ..: حسافة كان ودي اشوفها يلا مو مشكلة
ومسكت يده ومشت معه وهي تبتسم وتضحك عليه وعلى اشياء يقولها له
فجاه حست انه تغير بكلامه وسمعته بنبرة هدوء ..:
ماما
لفت عليه ..: هلآ حبيبي
ناظرها بامل ..: لو رجع لنا بابا بتسامحينه
فتحت عيونها على وسعهها ولفت عنه وهي ماتقدر تقابل نظراته المتسائلة .. محتارة وش ترد عليه وش تقوله
حست بدموع ولدها تنزل على يدها
نزلت لمستواه وهي تمسح دموعه وبحنان امومي ..: لا ياعين امك لاتبكي ترا هالقلب واشرت على قلبها يوجعه هالشيء
وضمته وهي تقول بقلبها كل شيء ممكن اتقبله عشانك
وناظرت ولدها ..: بسامحه عشان اهداني اياك
اتسعت ابتسامة فيصل وضم امه بقوووة ..: آآحبببببك ماما
ابتسمت لابتسامته وهي تدعي الله مايحرمها من هالابتسامة

....

دخلت عليه المستشفى
الغرفة المعتادة تعودت تزورها مرة بالاسبوع
بهدوء القت السسلام وكأنه سيسمع ويرد عليها ولكنه كما هو على حاله بغيبوبة عميقة
هزت راسها بحزن على حالته سبع سنين وهو على هالحال وكل ماله يزيد اسوء عايش تحت رحمة ربي ثم هالاسلاك الموصلة
..: عمرها دعوة المظلوم ماكان بينها وبين ربي حاجب اااخ بسس سبحان الله كيف انه ححيله اقوى من حيل خلقه
وحست بدموعها تنزل ومسحتها باسى وكلمته ..: قالي الوليد اليوم انه اخوك كان عايش معقولة كنت تدري بهالشيء ولا علمتنا ابي افهم هالسبب ليه ياخوفي انهم حتى هم ماسلموا من شرك
وكآنكِ يَ سٌعَآدِ كنتِ هٌنَآكّ ...

وجلست تقرا عليه قرآن لعله يخفف من ذنوبه
عجيب كيف للحب انه يغفر زلات لاتخطر على البال



.....................


بَقَآيآ المَآضيّ
..
.
جنون هو ذلك الشعور .. جميل هذآ الآحساس .. كتبهآآ بصريح العبـآرة ..
.. [آحٌبهـَـآآ ] .. ولَوّ كَـَآنِ هٌنَآكَ شٌعُورٌ آعّمَقٌ .. لكَآنِ لهَـآآ ..
بكل كَيآنِ لِيّ .. بِكَل هَمِسُ .. وَنَفسٌ .. بِكُلِ نَبضّ .. [ آحَبَبِتٌهَـآآ ] ..

.. بَقيَتٌ تِلكَ الكَلِمَآتٌ مٌعلَقةٌ فِيّ صَفَحَـآآتٍ .. تَرَآكَمَتِ لِتٌصبِحَ مِنّ المَآضيِ ..
وَجَفَ الحِبُرُ وَ تَلآشَىّ .. كَذلِكَ الآحِسَآسُ وَقتَ كِتَآبتِهَـآآ .. آصِبَحَ طَيّ النِسيَآن ..
نَعَــمٌ آحّبَبِتٌ ..لَكِنَهٌ .. حُبٌ لَم يَكِتَمِلٌ ..

لآ آعِلَمٌ ..
هَلِ كَـآنَ الّذَنبٌ ذَنبِيّ ..
آمّ ذَنبٌ ذَآكَ الحٌبِ وَ شٌعوّرِهـِ ..
آمّ لَمِ يَكٌنِ لِيّ فِيهِ حَقٌ مِنَ البِدَآيَةِ ..
وَتَطَآيَر كَـحَبآتِ رَمِلٌ فِيّ يَومٍ هَوآءٌهِ عَلِيلٌ ..

تَأتِيّ لَحِظَةٌ آتَسَآءَلٌ .. هَلِ كٌنتُ آحٌبُ آمّ هُوَ تَأثِيرُ ذَلِكَ الشٌعُورِ لِتَجّرٌبتِه ..؟!
وَآقِفٌ مُحِتَآرَآ مٌتعَجِبَآ ..
..

.
..
.
آمِضَآءٌ .: مٌجَرَدٌ هَآوِيَةٌ ..َِ









نِهَآيةٌ الحِلمّ ♫ ♫

تَوقعَآتكممّ ...♫ ♫

السلام عليكم ورحمة الله وبركاته...

يا هاوية القلم... جميلٌ جداً ما خطته يداك..

الوليد.. هل آون اوان اكتشاف الحقيقة و إنعاش الجروح القديمة؟!
وما الذي سيأتيك من وراء هذا الصديق القديم و ما مكنون هذا الدين الذي سيطالب به بعد كل هذه السنوات؟!

ياسمين..
هل حقاً س تسامحيه و تغفري له اجرامه بحقك؟!

راكان.. ايها المسكين هل يتعبك حالك وانت تفكر بالمجهولة الا تشتاق لها و لرؤيتها و كيف حالك لو تعلم بأنها اخت.. زوجة اخيك!! هل سيكون الامر اسهل ام اصعب؟!

جنى.. ماذا بنتظرك بهذا المكتب الجديد؟!

سعاد... احقاً تحبينه ؟! الف علامة استفهام و تعجب فوق رأسي.. فمن هم بأخلاقه و صفاته يستحقون الحرق لا محالة.. فكيف بك انسانة رقيقة و حنونة تحبينه؟! سبحان الله.. لعل هدايته ان تكون على يدك..

عواافي يا الغلا على البارت الجميل جدا.. و اعجبتني الخاطرة الاخيرة جدا عذبة..

بإنتظارك... غاليتي..