كاتب الموضوع :
قلب السكر
المنتدى :
الارشيف
مدخل:
بعيداً عنك ,
أودّ أن يُخبرني أحدٌ كما أخبرتني الأيامُ يوماً
أن الأماني تتزاحم على فوهة النبضات وتنتظر يدٌ حانيه لتنتشلها من براثن الرحيل
الإنتهاء
والموت على عتبات الحياة ..!
الحياة لاتصفو
الأيام لاتبتسم
والحكايات لاتموت ببساطه , بل يسكنها دائما رمقٌ من الشروق !
" منقول "
زفرات سنين
العهد ملح
البارت السابع
يا مـــــــــــــــامــــــــــا
وليد بخوف: وش فيك
عذوب بخنقه: بعــــده عنـــي
قامت عذوب وهي تجري وركبت درج وهي تشهق
ضحك وليد بصوت عالي
عذوب: بعده عني
وليد: اووووه تخافين من حشرة
عذووب وهي تختنق: انا عندي حساسيه بعده عني
وليد وهو ينزل من درج ودخل المطبخ ضغط على دواسة سلة نفايات وانفتحت معه رماها ورجع لها: خلاص وهذا رميناه لك
عذوب: البيت يبي له تنظيف
وليد: ههههههه خوافه في احد يخاف من حشرة صغيرة
عذوب: خالوو حرام عليك وبعدين لاتنسى بكره بتسافر وانا اجلس هنا لوحدي وش اسوي بهالقصر الكبير
وليد ببتسامة حنونه: ومين قالك لك بتجلسين لوحدك
عذوب: وش قصدك
وليد: خالتك هيام بتجي كل بعد شوي بتنشب بحلقك
عذوب: والله
وليد: اي تتدرين ليه
عذوب وهي تشير بـ لا
وليد: بيتها قريب من قصرك
فرحت: والله
وليد: اي
عذوب بحب لخالها: مو مصدقة يعني من بعد اليوم ما راح اجلس بروحي
وليد: ايه
نقزت من الفرحة
وليد: يالخبلة لا تطحين
نزلت من درج وحضنت خالها: خالوو جمايلك علي ما راح انساها وبردها ب فرحك
وليد وهو يمسح شعرها: هههههه خلاص وبعدين وش جمايله مافي بين البنت وابوها جمايل
بعدت عنه: خالووو ليه ماتتجوز
وليد: اتجوز واعلق الحرمه ،، لالا خليني كذا اريح لي
عذوب: وش تعلق خالوو بالعكس بتقدر ترتاح بتلقى لك حرمه تنتظرك من دوامك وتنتبه لأمورك وبعدين تكمل نص دينك
وليد: بس
قطعت كلامه: خالووو لا تتحجج لي با اعتذرات مالها مبرر من الاساس ،، بتفرح لا جاء ولدك صدقني وبعدين انا لقيت العروسة اللي تناسبك
ضحك وليد: بهالسرعة
عذوب: يب ما شاء الله خالو خلال اسبوعين ارتحت لها والله انها طيبوبه وبنت حلال ومابتلقى زيها
وليد: اووووه من هي اللي خلال اسبوعين تغير عذوبه
ضربته على كتفه: انا ماتغيرت نفس ما انا
وليد: اي واضح
عذوب: اخت صاحبك
عقد حواجبه: اختي صاحبي
عذوب: ايوه صاحبك وسيم
وليد: صاحبي وسيم
عذوب: ايوه خالووو تبيني اوصفها لك
شافته يجلس على الكنبه وانصدم لما قالت له
طيبوبه وحنونه واهم ماعليها برها من امها ،، يعني يعني تصح لك
وليد: طيب
عذوب: يعني انت موافق
وليد بضيق: خليني افكر
عذوب: الله لو تأخذها بتصرون احلى ثنائي
قام يتهرب: انا رايح بصلي العصر
عذوب: هههههه الله يسهلك يا خالووو
خرج وليد وتركها بروحها ،، وشلون يروح ويتركها هنا ،، بقصر كبير ومخيف عليها دورت على جوالها وبعد ايش حصلته خذته وهي تدق على خالتها
هيام: هلا عذوبه
عذوب: خالتي تعالي عندي
هيام بحزن: طيب شويات واجيك
عذوب: خالتوو وش فيه صوتك انتي قاعدة تبكين
هيام: لالالا بس مزكومه شوي
عذوب: سلامتك والله شكلي اعديتك
هيام: اي شفتي كيف
عذوب: طيب حبيبتي انا استناك لاتتأخرين علي
هيام: إن شاء الله يالله مع سلامه
ما زالت آثار صدمة واضحة على وجهه " اتزوج اخت صاحبي ،، ومنو وسيم ،، والله ان طلعت مثل اخوها وسيم ماتنرد بس مابي اعلقها معي ،، الله يسامحك ياعذوب انا وش لي بزواج وغثاه "
.
.
.
.
بحي العليا
بالقصر أبو وسيم
بجناح وسيم
وهو يشوف صورته العاكسه بالمرايا وهو يقفل ثلاث أزرار مفتوحة وغترته على كفته مطروحه وسكسوته اللي حلقها وعيونه العسليه ناعسه ضبط الكبك على معصم يده وسحب عطره الـ allure اللي يجذبه ولبس ساعته أخذ مسبحته التي لا تفارق يده ،، فتح غرفة الاحذية الخاصة فيه اخذ جزمه سوداء من طراز الجلد الفاخر ،،بعد ما تأكد من شكله خرج ونزل من درج وإلا يشوف أمه فرحانه ونوف تزغرط ،، قرب من امه اللي تبخره
أم وسيم: عين الله تحرصك يمه
وسيم وهو ينحني ويلامس راس امه ويقبلها بحنان: الله لايحرمني من دعاويك يالغالية
نوف: بسم الله عليك يا اخوي عريس إلا انت وين رايح
وسيم: زواج صديقي
نوف: اي وانا اقول وش له تكشخ
أم وسيم: ومتى بشوفك مع عروستك
وسيم: يمه الله يخليك لي قفلي سيرة
طاحت دمعة أم وسيم وبكت: متى بتفرح قلبي ابي اشوف عيالك قبل ما موت يايمه
حضن امه وانقهر لأن نزل دمعتها: يمه يمه الله ياخذني بس لاتطيح دمعتك يمه إلا دمعتك انحرق وانكوي لا شفتها لا عاد تبكين ولي يخليك لي
أم وسيم بحرقة قلب: كل اللي بعمرك تزوجوا وعندهم عيال الحين وانت وكملت بكاء
وسيم: خلاص خلاص يمه سوي اللي تسوينه بس لاتبكين
أم وسيم: يعني اخطب لك
وسيم بضيق: اي شوفي اللي تبينه يمه بس لا اشوفك تبكين مرة ثانية ومسح دموعها
الجازي وهي تنقز: واااااااااااااااااااو يعني في زواج الله وبكون انا اخت العريس والله وناسة
أم وسيم: ياحبيبي ياولدي والله ما ينهان علي واشوف حالك كذا .. وبخطب لك بنت تناسبك وتناسب مستواك
وسيم: يمه اهم شيء اخلاقها
أم وسيم: أكيد يمه ،، وش رأيك بنت عمك هتون
ووسيم: يمه انا ابي من خارج العائلة مابي لا من بنات عمي ولا بنات خلاتي
أم وسيم: وش فيها هتون يمه اسم الله عليها دلال وجمال وغير كذا انها من فصلنا واصلنا
وسيم: يمه الله يرضا عليك مابي من العائلة
أم وسيم: خلاص ابشر الله يبلغني واشوف هاليوم
باس يدها وخرج من الجناح دق على وليد وبعد ثواني رد عليها
وسيم: الووو
وليد: هلا أبو اصيل
وسيم: انت وينك مختفي لك يومين وين ارضك
وليد: هلا
وسيم: وش فيه صوتك انت تعبان
وليد بتوتر: لاااا مافيني شيء
وسيم: والله انك مو طبيعي اقول ترى مابقى على زواج حاتم شيء
ضرب جبهته: يارب والله نسيت
وسيم: وليد وش صاير لعقلك
وليد: خلاص رح وانا الحقك
وسيم: احلف وانت تدل الطريق
وليد: اي صح
وسيم: انت وين
وليد: كنت بالكوفي وراجع البيت
وسيم: اي بيت
وليد: نسيت اقول لك ان حصلت لي فيلا
وسيم: يالمعلــــــ #### وتوك تتكلم
وليد: ياخي نسيت
وسيم: اي زين متى بتقول لي لا سكنت
ضحك: وسيم خلاص ياخي والله ان منحرج من اهلك
وسيم: اقول لا يكثر روح جهز نفسك وانا انتظرك
وليد بتناحه: وين
وسيم: والله حالتك ميئوس منك ،، وين مكان فلتك
وليد: بحي الحمراء ######
وسيم: اي خلاص عرفته مسافة طريق واكون عندك
سكر من وسيم وهو يفتح باب سيارته ونزل منها ،، دق الباب وفتحت له الخادمة ،، دخل ومشى للصالة وبيطلع فوق إلا تناديه هيام
هيام: وليد
وليد: هلا هيام من متى وانتي هنا
هيام: من عصر
وليد: الله لايهينك يا اختي ابيك تكوين غترتي وثوبي عندي عرس صاحبي ومتأخر حالتي حاله
هيام: لاتشيل هم تعال معي خل اطلع لك اللي تبيه
وليد: والله مو هين سطام سارقك مني حتى دلع اللي كنتي تدلعيني صار له
هيام بحنان: ماعندي أغلى من اخويا
وليد: وين عذوب
هيام: بالحمام
طلع درج ودخل غرفته وهو يظهر ثوبه من شطنة الملابس وغترته
هيام: تبي شيء ثاني
وليد: لااا مشكورة
خرجت هيام ونزلت من درج إلا تشوف نينا نادت عليها ودلتها على غرفة الغسيل والكوي ،،
هيام: خلاص نينا انا بسويه بس مشكلتي ما اعرف للجهاز
نينا: Madame does not have a problem I will fix to dress
هيام: ثانكس نينا
خرجت من الغرفة ،، وهي للآن مندهشة من القصر اللي مجهز من كل شيء عمرها ولا با حلامها بتشوف قصر بهالجمال .. شافت عذوب اللي كانت تقرأ وردها بمثل هالوقت
ابتسمت لها: عذوب
وهي تقفل القرآن وتبوسه: صدق الله العظيم ،، هلا خالتي
هيام: ترى وليد جاء وبروح لعرس صاحبة ابي بخور ببخره
عذوب: خالي وصل
هيام: ايوه قبل شوي
عذوب: انا جبت معي عود بروح اجيبه واجي لك
هيام: تلاقييني بالمطبخ ،، عذوب بالله القصر مايتهوك
عذوب: خذي هذه الخريطة عشان ماتضعين
هيام: ما شاء الله تبارك الله عارفه كل شيء
ضحكت عذوب: توني مالي غير يومين يعني اعرف اشياء بسيطة بهالقصر
هيام: ما اقول غير الله يعطيك خيره ويكفيك شره
عذوب: اللهم آمين ،،
طلعت درج ومشت بين الممرات لحد ماوصلت لغرفتها ودخلت وصلت للتسريحة وفتحت درج وطلعت لها العود ونزلت ودخلت المطبخ لقت هيام تايهة
هيام: ربي جابك تعالي فهميها ابي الفحم
عذوب: خلاص خالتي روحي وانا اسويه واجي لك
هيام: طيب لا تتأخرين
اشارت براسها ،، وفهمت الخادمة المسؤلة عن المطبخ وقدرت تفهم عليها طلعت لها المبخرة وحطت الفحم عليه وعطتها عذوب اللي خرجت من المطبخ ووصلت للصالة لقت
خالها كاشخ ومتزين وعطره فايح
هيام: الله هذا كله عشان عرس صاحبك عقبال عرسك يا اخويا
ابتسم لهم: تعالي عذوب
عذوب وهي تبخره: خالوو حصن نفسك ترى العين حق
وليد: ابشري من عيوني ،، تأمروني على شي
هيام: لا انتبه على نفسك
خرج وليد وركب سيارة وسيم وليد ركب جنب وسيم ،، كان وسيم ساكت طول الطريق ووليد يسولف على وسيم لف على وسيم
وليد: وسيم
وسيم: هلا
وليد: ظاهر قاعد اكلم روحي
وسيم: كنت معك
وليد بسخرية: اي لدرجة متحمس معي
وسيم: وليد تكفى اسكت
وليد: انت وش فيك من يوم طلعت معك وانت ماش احد ضايقك ياخي فضفض
وسيم: امي تبي تزوجني وانا وافقت ماقدرت اشوف دمعتها حرقت قلبي ياوليد حرقت قلبي بدموعها
وليد: بسم الله عليك وسيم وقف وقف خل نتبادل الاماكن ،، بحالتك ذي بتودينا بداهية
نزل وسيم وجلس مكان وليد
وليد: وحتى انا قاعد افكر اتجوز
وسيم: من جدك انت
وليد: ياخي خلاص امي تحن علي واخواتي بعد ومافي حل غير اقبل بهالزواج ماتدري يمكن خيره لنا
وسيم: ومن سعيدة الحظ
سكت وليد ،،، وهو متردد يقول: اختك المصون
تفاجآ وسيم: اختي من جدك وليد
وليد سكت وهو ندم على تسرعه " الله يسامحك ياعذوب الله يسامحك "
وسيم وهو فرحان: اي وحده فيهم
وليد بصوت منحرج: مدري الكبيرة
وسيم: والله هذا ساعة المباركه ،، وبكم اختي تأخذ أخوي
وليد: انا ما كلمت الاهل بكلمهم ونخطب رسمي
وسيم: هههههههه وليدددد
ابتسم: لاتضحك
وسيم: ههههههههههههه والله مو مصدق ،، صدقني ياوليد اختي مابتلقى رجال مثلك اعتبرها جيزه ياخوك
وليد: لااا وش قمت تخرف ،، اسكت خلاص لا تضحك
وسيم: مبروك مقدما يا ابو رحم
ابتسم وليد وهو يوقف سيارته ونزل هو وسيم والابتسامة لا تغادر ملامحهم ..
|
11-09-12, 01:23 AM
جديد مواضيع قسم الارشيف
العرض العادي
