كاتب الموضوع :
قلب السكر
المنتدى :
الارشيف
هيام: ها علومك ووليه وجهك اصفر
عذوب: شوي انخفض الضغط
شهقت: أول مرة ينخفض علييك
عذوب: ايه
هيام: سلامتك والله ،، والله كنت شاكه انك تتعبانة
عذوب: خالتتي ابي الحمام من البارح وانا بالمستشفى ماصليت ولا فرض
هيام: ياحياتي طيب قومي اوديك الحمام واجيب لك لبس من عندي
عذوب: اي والله لبس اللي علي خنقني
دخلت الحمام وغسلت وجهها وتروشت على سريع على عشان تلحق فروضها ،، وبعد ماتوضت ولبست فستان سترتش وردي مريح خرجت من الحمام وشافت خالتها هيام
ببتسامة: نعيما
عذوب وهي تلف شعرها بمنشفه: الله ينعم عليك
هيام: ادخلي صالة وخذي هذا شرشف صلاة
مدت لها شرشف وخذته ومسكته وحطته على راسها وبدأت تصلي ،، تركتها هيام وراحت عند اخوها ورجلها
هيام: وش صاير لعذوب
وليد: الله يجازه خير تركي من بعد الله هو اللي ساعدها انا للآن مدري كيف شلتها وانا منجن عليها بس ربك كريم
هيام: يعني صدق انخفض دم عندها
وليد: اي وهذا شيء مو كويس لأنها أول مرة ينخفض ضغط وشيء مفاجئ بالنسبة لنا ،، تركي نصحني انها تأكل أكل صحي وحمدلله طلع فيلا لها ابوها كاتب لها بااسم عذوب الفيلا اللي جنب بيتك
هيام بفرحه: قل قسم
وليد ببتسامة متعبة: والله العظيم كنت بفرح عذوب بس طاحت علي ،، وتعرفين رحلاتي كثرت وفشلة أجلس عند صاحبي لهالوقت
هيام: زين ماسويت والله ،، والله فرحانة اخيرا احد بجلس عندي احد
وليد: لاتخبرينها انا بقول لها
هيام: طيب ،، باين انك تعبان
وليد: اي ابي انام
هيام: تعشا معنا رجلي اليوم عنده دوام ،، مايجني إلا ساعة 2
وليد: اي قال لي ,, بس
هيام: يوووه وليد اجلس وإلا والله ازعل منك
وليد: خلاص ولا تزعلين علي ..
هيام: قوووم انا مجهزه العشا
وليد: كويس لأن مافيني صبر
قامت هي واخوها من مجلس رجال ورحوا لصالة الطعام جلس وليد ،، وهيام تنادي: عذوب يالله حبيبتي العشا
جات وجلست بالكرسي ،، مسكت الملعقة وقعدت تأكل وهيام قاعدة قدامها وتناظر فيها
عذوب: وش فيك
هيام ببتسامة: مافيني شيء ، يالله سمي بالله واكلي
خلصت من اكلها ووقامت وشالت صحونها وودته للمطبخ
وليد: سفره دايمه
هيام: بالعافيه
وليد: الله يعافيك ،، وين بنووم الحين
هيام: انا مجهزه الغرفة عندي احتياط ،، ادخل وانام ولاتشيل هم عذوب
وليد: تصبحين على خير
هيام: وانت من اهله
شالت صحون وودتها بالمطبخ وشافت عذوب سانده راسها بالكنب راحت لها
هيام: عذوب قومي نامي بغرفتي
عذوب: ها لا مافيني نوم
هيام: طيب ماتبين تنومين بغرفتي عندك مجلس الحريم نامي وانا بجيب لك الكرسي اللي تقدرين تنامين عليه
عذوب: ايت كرسي
هيام: الحين بتشوفينه ،، اللي تبينه
عذوب: الله لاتقولين اللي كنت ابي اشتريه بس ماحصلته
هيام: اهووو
وجابت هيام الكرسي وحطته بمجلس الحريم انسدحت عذوب وهي تبتسم: الله روووعة متى اشتريته
هيام: توه ماله اسبوعين حنيت على سطام لحد ما اشتراه لي
عذوب: صراحة ونااااسة
هيام: كيف الجلسة بيت صاحب خالك
عذوب: حلوووة بس والله فشلة ومنحرجه ودي اكلم خالي نسكن بأقرب فندق والله مستحيه منهم
هيام: طيب وكيف متى تتغدين ومتى تنامين
عذوب: اتغدا لا جيت من الجامعة وما شاء الله كل يوم اشوف الغدا مجهزينه ورسلينه علي
هيام: ما شاء الله تبارك الله
عذوب: والله انهم ناس طيبين ،، حتى بناتهم نوف طيوبه وحبوبه والجازي بعد
هيام: وقدرتي تتعرفين عليهم
هزت راسها بفرحه: اي الجازي وبنت خالتها لمى معاي بالجامعة
هيام: كووويس لقيتي اصدقاء يعني
عذوب: حمدلله
وهي تناظر خالتها ورافعه راسها للسقف ومغمضه عيونها .. نامت على سوالف خالتها بدون ماتحس باللي حولها
.
.
.
.
قامت وفتحت عيونها لقت نفسها في غرفة ونايمه على سرير ماعرفت المكان وهي تقلب عيونها وشافت عباتها وشنطتها على طاولة وجزمتها تحتها قامت من سرير وحست ببرودة الارضيه ارتجفت راحت خرجت من الغرفة وشافت نفسها بصالة تلفزيون وفتحت الباب وشافته حمام غسلت وجهها وخرجت وطلعت للصالة هي وين ليه البيت غريب عليها تحاول تتذكر امس وين كانت شافت درج ونزلت منه سمعت صوت قريب صوت ملاعق وصحون وكاسات راحت للصوت وشافت وليد يطبخ بالمطبخ ويددن بأغنية فرس فرس وهو يمسك القدر ولما لف إلا يشوفها حط القدر جنب صحون وبدأ يطبل على طاولة ويكمل اغنيته
قعدت تضحك عليه: خالي وش مسوي بنفسك وبعدين انا وين
وليد: مابي أول يوم ماتعرفين بيتك
قعدت حواجبها وباستغراب: بيتي
وليد: اي بيتك
عذوب: خالو انت شو تقول
وليد: ليه ماتعرفين ان ابوك سجل هالبيت باسمك
عذوب بدهشة: ابوي كيف
وليد: ابوك كان مخلي كل واحد من اخوانك قطعة ارض ومن حسن حظك كان بيتك هنا برياض
عذوب وهي تقلب عيونها: خالوو هذا مو بيت هذا اشبه بالقصر
وليد: ههههههه قولي ما شاء الله بتحسدين نفسك يابنت
عذوب: خالوو مو مصدقة البيت هذا ملكي أنا
وليد: شفتي كيف صرتي أميرة اثرك مو هينة ... طيب خالي بابا كيف قدر
فهم قصدها: من ورث جدك ،، انتي ماتدرين ان جدك عنده ما شاء الله ثروة كبيرة بس حصل مشكلة وابوك ابتعد عنه ،، وجدك عطا ابوك هالارض وابوك ماقصر سجل هالقصر ب اسمك
عذوب: أول مرة اسمع قصة جدي يعني انا لي اعمام وبنات عمات
وليد: ايه .. الحين تعالي نجلس قبل مايبرد الأكل
عذوب: بعدين تحكيني
وليد: يصير خير
عذوب: ما شاء الله خالو من علمك طبخ
وليد: هههههه الغربة تعلم .. خليك من الكلام واكلي لا اشوفك إلا مخلصه هالصحون
عذوب: تبي بطني ينفجر
وليد: عادي عادي فجريه وبدوايه انا
عذوب: هههههههه والله ان مزاجك غريب
وليد: اقول لايكثر واكلي
عذوب: طيب طيب راح اكل
حسيت بحركة غريبة تحت رجلها كان وليد معطيها ظهره قعدت تناظر تحتها وصرخت: يا مـــــــــــــــامــــــــــا
.
.
.
.
نوف: وسيم تكفى دق عليه وطمني لها يومين ماجت
وسيم: يووووه يانوف قلت لك لا تزنين ،،
نوف: الله يخليك
وسيم: امري لله الحين ادق وبعدها لاتوريني وجهك
نوف بفرحة: طيب طيب بس دق انت
دق وسيم على وليد لقى جواله مغلق
وسيم: خلاص ارتحتي رجال مايرد يمكن انه مشغول
نوف: ياربي انا ادق على البنت ماترد علي رحت للمحلق ماحصلتهم وين بتروح يعني
وسيم: استغفر الله ،، نوف انا ماصدقت اجي من السفر عشان انام وانا بالي مرتاح تجيني وتغثيني ليه
نوف: خلاص آسفه ما عاد بزعجك
طنشها وسيم وكمل نومه ،، ويقول بخاطره " لا صحصت اشوفه وليدووه "
الجازي: ها ماتدري وين مكانها
نوف: ماترد آآآه بس اعرف وين راحت ،، لايكون تعبت ونوموها بالمستفشى
ضربتها الجازي على راسها: فال الله ولا فالك ،، ياختي فاولي خير
نوف: اففف بس خلها ترد وانا اوريها كيف شغلها
.
.
.
.
جدة
ببيت الجده أم سلمان
بصالة تلفاز
وصايف: رحيق تكفين شوفي اخوك ترى والله حركاته كلها مكشوفة ،، يعني مايعرف ان اللي سويه عيب
رحيق: هههههههه الحين الواحد لا خطب يبي يشوف عروسته يكون عيب
وصايف: يعني بالله اخوك ما شفاني إلا تملق وشبع من يوم أنا صغيرة
رحيق: هههههههههههههه في احد يجي لها خطيبها يبي يشوفها وتقوم تطفي نوووور الغرفة هههههههههه
ضربتها بالمخده: ضحكتي من سرك بلا في شكلك
رحيق وهي غرقانة ضحك سكتت شوي: ياحبيبي يا اخويا خاف من الظلام وخرج
وصايف: ياحماره لا تضحكين
رحيق: طيب خلاص ما هضحك بس متى اخويا يشوفك حرام عليك نشفتي دمه له اسبوعين ينتظر ردك ويوم وافقتي تسوي له كذا
وصايف: والله ما كان قصدي بس
رحيق: ههههههه
كادي: هههههههههههه حرام عليك رحيق نشفتي دم البنت
وصايف: انا الحمارة اللي جيت عندك ابعدي اشوف
رحيق وهي تغمز لـ كادي: اقول كدووو وش رأيك بـ باسكن روبنز وإلا ماك تصدقين وصيت سواق يجيب لي وقلت لستي تسخن الماك نفسي فيه
وصايف: ما شاء الله طلبتوا لأعماركم وانا لا
رحيق: يوووه توقعنا انك ماتبين بما انو ملكتك قريب
وصايف: لا ياشيخة احلفي بس والله لا اكل حقك وحق رحيقوه عشان المرة ثانية تطلبون لي
قامت وصايف ودخلت المطبخ ما كانت تدري بالطبخه اللي بتصير بدون ماتدري .. فتحت باب ثلاجة وسمعت قفل صوت الباب لفت وشافت ظهر رجال بتصرخ إلا هو يجي عندها
وحط يده على فمها: اصصصصص ماصدقت اشوفك
وهي شوي بتبكي من الخرعة
أحمد: اثرك حلوة ومزيونة ،، وين لسانك
وصايف وهي توخر يده: ابععععد وإلا والله اعلم جدتي عليك
ضحك أحمد بسخرية: جد طيب صرخي ماحد ماسك
وصايف وهي بتبكي: وخررر جـــــــــــ
قطع كلامها ببوسة جرئية: مع سلامه ياقطوتي
خرج من المطبخ أحمد وهو مستانس يحب يشوفها تعصب ويطفر بها ....
خرجت وصايف وهي معصبة: ياكــــلاب
شردت رحيق وكادي وهم يضحكون
رحيق: هههههههههههههه ايش رأيك بباسكن طعمه حلو صح
وصايف وهي تجري وراها: والله لا امسك ياقليلة الأدب
أم سلمان: اجلسوا لا بارك الله في ابلسيكم يا كباركم وتجرووون وش خلتوا للبرزاين اجلسو ياعلكم ماتكثروون
أم هيثم: يايمه مايجووز كلمة مايكثرووون
أم سلمان مطنشه بنتها: وصايف وياعلك الزواج اجلسي يالعروووس وهذا انتي مقبله على زواج وتسوين هالسواة
وصايف وقفت وهي تلهث من الجري وقالت لجدتها
وصايف: ومين قالك بتزوووج الحين لسة بدري
أم سلمان: وش هووو وش اللي تقوله بنتك يا غالية
أم وصايف: تمززح يمه
وصايف بعناد: ما امزح يبغاني يصبر لحد ما اخلص دراستي
أم سلمان: احلفي بس ،، قال يصبر قال .. اقول مالك غير ولد عمك وهو ماله غيرك ،،
وصايف: مــامـــا
مخرج:
الأرض في مدينتي ليست آمنة , هذهِ الأرصفة التي نقطنها ملغمة , لا يطول العيش فيها إلا بنا
نحن الذين لم نعد ندرك الحياة دون وجع دون قهر دون شمس تدنو من جباهنا فتذيقنا حرّات
جهنم , ورغم هذا نبتسم !
أيها الآتي إلينا لسنا بخير ,
نحنُ نطعم العصافير حباً
نزرع الأرض ولاءً
نصنع الأحلام أملاً
نؤمن بالله رباً
وعد في كتابه الحق
في يوم يجعل الولدان شيبا
لهذا فقط , نحن نبتسم !
لكننا
لسنا بخير ,
لسنا بخير ,
نهاية البارت
مع تحياتي:
قلب السكر .
|
05-09-12, 01:06 AM
جديد مواضيع قسم الارشيف
العرض العادي
