و ما طابت الدنيا إلا بذكرك
و ما طابت الجنه إلا برؤيتك

الآن اري الدنيا علي حقيقتها بلا اي مساحيق تجميل
الآن اري كل شيء علي حقيقته
الآن اعرف كل شيء
سبحان الله كتير بحس اني عجووووووووووووووووز رغم اني في بداية شبابي و صغير جدا في السن
يمكن من كثرة اللي اتعلمته و شفته و عرفته في حياتي
انا اتكتبلي اعرف حجات غيري عاش و مات و معرفش ربعها
و غيري عرفها متاخر لما شاخ
مش عاررف ليه عرفت كل شيء مبكر جدا
يمكن لاني ربنا سبحانه و تعالي عاوز يرحمني و الاقي رد علي لساني لما اتسال عن شبابي
او يمكن لاني هقضي باقي حياتي في معصيه و العياذ بالله و ده نصيبي من الخير
او يمكن لاني قربت اموت و بلحق الم عمل صالح باي طريقه
الحمد علي كل حال
نسال الله الثبات

من الاشياء المستفزه اللي حصلت اني ادمن صفحه عالفيس نزل لغز للأكياء فقط
ناس كتير حلته غلط الحقيقه بس انا و شخص تاني حليناه صح
المشكله بقي انه بعد ما كتبت حلي بفتره اعلن الادمن اني مفيش ولا اجابه صح بين اللي ردوا
ساعتها استغربت و اتضايقت بس قولت استني الحل
نزل الادمن الحل و اذ بي افاجأ اني الادمن نفسه منزله غلط
يعني مش فاهم بجد ازاي يبقي ادمن و بيتشطر عالناس و ينزلهم الغاز اذكياء و هو نفسه بيحل غلط
دخلت اقوله حلك غلط لقيته بمنتهي التحدي و الاستفزاز بيقوللي وريني الصح
عرفته الصح و بالدليل سكت و كان منظره وحش اوي
ايه الناس العجيبه دي

لظروف خارجه عن ارادتي مررت بتجربة 30 ساعه متواصله بلا اي طعام
(بإستثناء بسكوتتين بالشوكولاته )
اللي زاد الطين بله اني خلال الفتره دي بذلت محهود بدني جبار
كل اللي اقدر اقوله اني قبل ما اكل بعد ال 30 ساعه كنت خلاص حاسس بضعف الله ما يوريهولكم
لدرجة اني فعلا من كتر الوهن و الضعف مكنتش قادر اهمس حتي بالكلام
كنت شبه ميت من التعب
اول مره اشعر بالضعف ده في حياتي كلها

تعشق المرأه الرجل اللحوح
(إتقل و متعبرهاش )