كل يوم بعد صلاة الفجر
و الناس لسه مصحيتش من النوم و الشمس مطلعتش و الشارع في حالة صمت تام
بشوف ياسر البواب خارج يلمع العربيات هو و مراته في عز البرد و الليل
يمكن ياسر بيصلي الفجر في المسجد و ينطلق بعد كده يلمع عربيات السكان و زوجته بتساعده
يمكن مبيطلعش يلمع بعد كده بشوية عشان محدش يشوف مراته في الشارع بتمسح عربيات معاه
الحقيقه نموذج لزوجين بسطاء و زوجه تعين زوجها علي متعاب الحياة و مصاعبها
شيء لفت انتباهي و لمس مشاعري ايضا
ياسر شخص بسيط محدود الدخل عايش علي الخدمات اللي بيكسب منها قوت يومه هو و اولاده
انسان بسيط منالش من الدنيا كتير و غالبا مش هينول و الله اعلم
شخص ليس لديه غير الكفاح و كفي و زوجته تعينه
اذكر مره كنت بالمسجد و كان موجود هو و زميل ليه في المسجد سمعته بيساله هو انا هدخل الجنه
قاله علي حسب انت مؤذي ولا لأ
قاله لا انا في حالي و الله و غلبان انا و مراتي و عيالي ملناش دعوه بحد
و سكت شوية و قال ان شاء الله ندخل الجنه
الحقيقه اتمني فعلا اني ياسر يكون من اهل الجنه
صحيح هو مدخن و لسانه يطلق البذاءات احيانا بس شخصيه تدعو للاحترام في زمن قل فيه المحترمين

من زمان و انا عندي concept اني اي شخص بيظهر في التلفزيون شخص ابن حرام
هو كده طالما الاعلام النجس اداله فرصة الظهور و التحدث و اتاحله مساحه اعلاميه للحديث فاكيد هو شخص ابن حرام
طبعا في بعض الاستثناءات مثل برامج الاطفال و الاسره و الصحه اللي غالبا مفيش انسان بيتابعها
و فضلت ماشي عالمبدأ ده كتير و انا مستثني البرامج الدينيه
و في يوم جالي شيطاني قالي مش ممكن الشيوخ هما كمان ولاد حرام
ارتعبت من الفكره و قلت لالا ابدا دول اناس صالحين
عدي الوقت و مر و مع ما حدث في البلد اكتشفت انه في منهم كتير ولاد حرام فعلا و عملا للامن
و اني الامن مش سايبهم يتكلموا و يعملوا برامج من فراغ ابدا
و ظهر شيوخ يحللوا و يحرموا اللي علي هوي السلطه
و كلهم ولاد حرام برده
و سكت الشيوخ اللي كنت ابجلهم للاسف و لم يصدع احدهم بالحق
و من بضعة ايام صدع شيخ كان مثار للسخريه و الاستهزاء من كل الشعب بالحق في فيديو انتشر كالنار في الهشيم دون علمه
فاستضافه مذيع ابن حرام لاهانته امام الكاميرا و الناس
و لكن سبحان من رفع مكانته و رد له احترامه عند الناس جميعا
و لم يخرج انسان مما رآه الا بترسيخ فكرة انه المذيع ابن حرام
اتمني ياتي اليوم اللي اري فيه معظم القنوات التلفزيونيه تدمر و تنسف عن بكرة ابيها
كفاهم ما ادخلوه بيوتنا من فساد

-حضرتك إحنا في الإذاعه هنا بنذيع اغاني طول الوقت
-فعلا!!!
-اه بس عشان اكون صريح مع حضرتك في اوقات مقدسه زي آخر ساعه في الليل قبل الفجر و قبل صلاة الجمعه دي الموضوع فيها بيختلف
-هايل اكيد بتزيعوا قرآن و أدعيه صح؟
-لا حضرتك بنذيع اغاني دينيه

أحيانا يكون غباء البنت جزءا من جاذبيتها

الحقيقه مواضيع العضوة متفائله رغم الألم بترفعلي الضغط