قرنت حواجبي بزعل وانا ارفع يدي واحاول ابينلهم حجم احساسي

: انا اتقطع جوع بموت لو مااكلت .. ابغى اكل معد اتحمل

طالعت فيني ماما وهي تبتسم : خلاص المغرب بيأذن شويه

لفيت في الصالة وطالعت في بابا قوله يزود الطلب انا جوعانه

احس اني مطنقره ومتضايقة ابغى اكل احساس غريب اول مره احس فيه

ضحكت ماما بسعاده وعيونها تلمع وتقول لبابا واخيرا طلبت اكل يالله لك الحمد والشكر

ابتسم بابا بهدوء وهو يعيد الاتصال بالسواق ..

لفت علي ماما وقالتلي كيف احساسك جوعانه يعني راح تاكلي كثير صح

جلست ع الكنبة وهي تحمد الله

ضغطت ع بطني بزعل جد ذا الشعور مستسفز ... جوعانه /:


اه شكلي بصير دبيه

ودي افك قيد لو اختي ماخرجت معاي مااخرج

عندي الاذن بالخروج وفوقها في السواق لكن ماانبسط او احس اني ضايعه لو خرجت لحالي

هذا القيد مشكله بذات مع وقتي اللي مايتوافق مع احد ..

ودي اروح السوبر ماركت لكن لازم احد معاي حتى لو ولد اخوي النونو .. بعكس اختي متى ماقررت تخرج ماتهتم بأي قيد وما تنتظر وقت فراغي ..

احتاج المغربي ابغى اغير عدسات نظارتي وابغى افحص نظري لكن لازم ابطل دلع واروح اشوف اموري..

دايما انسى انه في فارق في العمر

وانه الدكاتره لازم ما امون عليهم

وانه لازم ما اكون عفوية

كتف الدكتور يده وهو يقول ماشوفتكم في الميتنق

رفعت يدي وانا اشر باصباعي عليه : انتا ماحضرت الا الاثنين والثلاثاء فينك الاحد .؟؟

مدري كيف اتغيرت ملامحه وابتسم بإحراج وهو يبرر : انا كانت عندي عياده


حسيت الدنيا تلف فيني واذني تطقطق رفعت راسي باحراج

يارب يعديها لي .. انا ايش دخلني احاسب الاستشاري عن حضوره

طالعت في صاحبتي لقيتها شاده ع فمها واستوعبت وقتها اني جبت العيد وهو ماانتبه
انه طالبه في سنة رابعة تحاسبه عن حضوره

بعد فتره سألنا سؤال وجاوبته قام قلي انت ايش اسمك : ابتسمت بخرشة وانا عارفه انه درجاتي بتطير ..
اخ بس خلي الغباء يفيدني ...

كنا بنلف ع المرضى وقبل لاندخل للمريض لازم نتناقش في حالته

سأل الدكتور سؤال .. وجاوبت الاخصائية جواب خطأ

المعتاد انه لمن احد يعرف الاجابه يغشش اللي جنبه والدكتور شايف بس عادي

لأنه مو اختبار

لكن لأول مره اكون نذله بحجم نذالة الاخصائية كان عندي خيارين ياإما اساعدها واكون افضل منها

او اني اجاوب ويبان حجم المقارنه

في ذي اللحظة نسيت كل مبادئي وقررت انه من ابسط حقوقي اني اردلها الصاع

حق رجولي اللي اتورمت وحق الضياع اللي عشناه

لفيت لدكتور وانا اجاوب .. طالع فيها وقالها ايش رايك

قامت جاوبت بالعكس

طالعني الدكتور وجاوبت بكل ثقة رفع حواجبه وهو يبتسم وقالها ردك يازهور

نزلت راسها وقالت برجع اراجع سامحني دكتور

حسيته فاهم ليش انا سويت كذا وليش مطنقره

رفع يده وهو يأشر علي انا وصاحبتي : قالها هذول مين .؟

قالتله : دكاتره

ابتسم وهو يقولها يحضرو الراوند معاكم واي شيء تسوه تنادوهم وراح اتأكد بنفسي ..

نزلت راسها وهي تقول : ان شاء الله


ابتسمت نص ابتسامه .. يرضيني ذا الشيء والانانيه مرض الحمدلله انه الدكتور فاهم ..

سحبت كرسي وجلست بصمت بعدها قولت : دانية بتتأخر عندها موعد

كتفت يدي وانا مزاجي مقلوب والدكتور فوق راسه مية علامة استعجاب

هز راسه وهو يقول اوك مافي مشكلة واحسه مستغرب مني

قارنه حواجبي ويالله اتنفس ماتدخلت في فحص ولا مريض ولا كتبت شيء ولا مسكت اي ملف .. احس مع السخونه عظامي تإلمني ومو طايقة نفسي

اصابعي مثلجة وما احس الا بحرارة انفاسي

دخلت صاحبتي ووقفت جنبي سحبت لابكوتها وانا اقربها مني قولتلها اجلسي

قالت الدكتور سمحلك تجلسي .؟


طالعت فيها بمزاج مقلوب مو بكيفه ..

رغم انه في العيادة مايجلسو الطلبه

لكن ماعلي في احد ..


لا يجيني دكتور وقت قلبة مزاجي كل الشراسه تتشكل فيني ..