في عالم الطب عادي يسرقو منك اجازتك بطرقهم الملتوية

زي مثلا يحطو اختبار الباطنة في اول يوم بعد الاجازة


وشكرا -ـ-

دايما عشان تحصلي على الشيء اللي تبغيه لازم تقدمي تنازلات

وكل ماعظم حجم حلمك كل مابديتي تخسري الاطراف اللي حولك

بداية بفراغك .. هواياتك .. ولو ماوقفتي سلسلة الخسارات راح تفقدي عالمك ومجتمعك

متى اخر مره اجزت .؟؟

سؤال صعب لأن حقيقته اني بكمل السنة بدون اجازة متفرغة فيها ..

هذا اللي احلم فيه .؟

سؤال يكبر في دماغي ..

احلامي قاعدة تتحقق .. لكن في المقابل قاعدة اضحي بالاشياء اللي احبها ..

مشاركة في بحث .. وماسكة ادارة المجلة في جامعتي
قاعدة امشي في دراستي ولله الحمد بدون تعثر .. واشارك في اعمال تطوعية

شاركت في فيديو .. اتكلمت في سناب جدة .. ظهرت في فديوهات كثيرة

قابلت ناس مشهورين .. حضرت ندوات .. ودورات


بس ما قدرت اجلس مع نفسي زي زمان واغني او ارقص او حتى ارسم باستمتاع

اتفرج فيلم واقرأ كتاب وكل همي ينتهي مع اخر اختبار ..

صارت الاجازة اكمل فيها واجباتي اللي ماتنتهي .. وكل ماقرب موعد زواجي بدل ماافرح

احس بضيقة ..

وسؤال يدور في عقلي .. هل انا استحق ولد خالتي .؟

احيان من قوة احساسك انك بتفقدي انسان وانه على مشارف الحياه

تتساوى الدنيا عندك

تخسري كل شيء مقابل هذي الروح اللي تحتوي الجسد

الكون كله انتهى بالنسبالي في هذي اللحظة ومافي شيء يترجم حجم مصابي

الا دموعي اللي غرقت خدودي .. مااشوف الا نظرات الناس .. دكتورة وتبكي

قبال مدخل المستشفى والهوا يحاول يمسح دموعي اللي كل مالها وتتكاثر

اختباري اللي بعد ربع ساعة ويبدأ وصحباتي اللي واقفات جنبي

: هيول خلاص وكلي امرك لله واطلعي الاختبار شوي ويبدأ امشي يالله

احاول ازبط الجملة لكن اعجز والألم يسكن قلبي وماتخرج من الا كلمة : مات .. انا قتلته

شدت علي صحبتي وقالتلي ماصار شيء امشي ..

اعطتني منديل هيلو كيتي المفضل عندي وتقولي يالله مين قدك مسحي دموعك بمناديلك اللي تحبيها

دكتورة وتبكي وفي يدها مناديل برسمة بستها المفضلة وما في احد مافاته منظري

طلعت المصعد والكل يطالع فيني ويرجعو يلتفتو عني لمن ارفع عيني

دموعي مثل الصنبور اذا انفتحت ماتوقف

اتصلت ع ماما وردت علي اختي بصوتها المفجوع اختبري ولا تخافي مافيه شيء بإذن الله


ما اتخيلت انه نسياني لادواتي ادفع ثمنها بإني اخسر اكبر اخواني

اتقلبت شفايفي وغرقت عيوني بالدموع اتنهدت صاحبتي وهي تقول هيووووول خلاااص

وانا اردد يتمت ولده .. رملت زوجته ..

.
.
.
.



يتبع

قبل الاختبار
جوالاتكم يابنات لصقو عليها اسماءكم اللي اعطيناكم هي وسلموني هي

اخر محاولة اتصال ردت علي ماما اخوك بخير بس جواله قفل

وكأن الدنيا فتحت ابواب السعادة في وجهي ..


عند اخواني اكبر دراما تسكن دماغي