ياخوفي من قرارات الكبار



ماعارضت ولا شيء في نفس الوقت ماوافقت


كل اللي سويته اني جاوبتهم بالصمت والصمت في قانوني لايعني الموافقة



مابفكر لأنه مو وقت التفكير شيء واحد ابغى اعرفه ولو عرفته انتهى كل شيء


اسمع الكلام وما اقتنع الا بكلام عقلي



وفي شوال يبان كل شيء


لازالت اسئلة تسكن دماغي يجاوبها الغموض


اعجز اكون العبارات وماالاقي مني إلا الارتباك

الصباح مع بابا مختلف

هو يقولي انت اطلب وانا اوديك

اتدلع شوي وارفض وفي النهاية اصرارو يغير من رأي

مقتنعة تماما اني بنبسط

بس ماابغى آكل

الحمدلله ماما اقتنعت اني نحيفة ومااحتاج رجيم

بس عشاني نحفت كيلو

سألني بابا دي المرة فين تبغي الوجهة

ووقع اختياري ع ستار بكس

صحيح اني مااكلت كثير ولا كملت الفرابتشينو بس بابا جاه تبلد ومعد يعلق

الجنوب بالنسبالي وطن حنان وانتماء

اعشق الجنوب بكل مافيها ذكريات الطفولة


ااحس اول ذكرى لي في الجنوب واجمل ذكرى في الجنوب بس جدة غير



كانت سفرة مستقطعة رغم انها جات في موسم اختباراتي


بس ماندمت ابد


بدت الرحلة لمن ودعنا جدة الحبيبة مدينتي الغالية






وصلنا ابها وانا مخدرة نعسانة ماابغى إلا السرير ودي بنومة طويلة اتعشينا ولله الحمد وع طول ع سرير بنت خالتي الصغيرة لولو

وطبعا اول ماعرفت اني بنام سريع لبست بجامتها


والمسكينة اتورطت انها نامت مع انسانة صباحية





طبعا صحيت الصباح وهي اول ماحست بي قامت من النوم وطبعا طلعت البنت مانامت كويس وهي مشغول بالها معاي

تقول انها ترفز بس الحمدلله ماجاتني اي اصابه في دا اليوم > وحطو تحتها مليون خط لأنها اليوم الثاني ماقصرت

بس عادي ماعندي مشاكل


عملت لي شاي توت وفتحت الطاقة طبعا هبت علينا نسمة هوا باردة خلتني اللبس جاكيتي


وحطيت كتبي والشاي حقي واجمل روقان





على قبل الظهر خرجت انا ولولو حديقتهم عشان استنشق رائحة الورد


طبعا محسوبتكم ماتحب تقطف الورد

عندي قناعة الورد في الزرع اجمل بكثير





بعد صلاة الظهر ارسلو الرجال لنا انو نستعد وكدا شغلات حلوة > يعني بنخرج ^ـ^


والدنيا بتمطر والجو فوق الخيال


رحت مع اخوي الكبير والمطر شديد وفك التندة وغرقنا من المطر وماهو راضي يقفل

إلا لمن حس انو جاب العيد في سيارتو


طبعا انا صورت في البداية عشان جوالي ماينخرب بسبة المطر




















عاد شوفت لولو وقررت اصورها






ودي السيارات اللي خرجت


الحمرا حقة احمد ولد خالتي هو يدرس بأبها عند خالتي السودة زمان كانت حق السواق دحين حاطينها كدا مدري حقة مين بس اي واحد يبغاها ياخدها

البيضة حقة اخوي الكبير والرصاصي حقة عبدالمجيد

زياد ولد خالتي هو اللي يسوق الجيمس






رجعنا البيت وانا احس المطر هيضلي مشاعري واشعل روح الرسام في داخلي


طبعا انا رسمي ع قد حالي بس كدا احب الرسم


المهم جلست وعيال العيلة جننوني طريق طريق لمن عصبت ع الرسمة وماكملتها بس الوجه ^ـ^






طبعا ع 11 دخلنا الغرفة انا ولولو والساعة 12 نمت واترفزت وترمي اللحاف وارجع اغطيها

كون نومي خفيف ماارتحت كثير بس في السفر اخر شيء ادقق عليه الراحه في النوم


زي ماتجي تجي وطبعا لمن صحيت اتسحبت بدون ماتحس فيني لولو وسويت لي شاي توت


وبدأت اكمل مذاكرة


لمن صحيت لولو وشافت الكتاب كانت بتجن وقعدت تبربر اني ازمت نفسيتها وانها طفشت من مذاكرتي

وطبعا قلبي الرحيم خلاني احط الكتب في الشنطة وارجع للرسم وهي تتأمل الخطوط اللي اسويها


وتشاركني الكلام






طبعا الرجال قالولنا يالله استعدو بنروح البر ومحسوبتكم مررررة مالها اي علاقة حب مع البر جد مااحبو ويخوفني لأبعد درجة


وابغى اروح كوفي احب الروقان وامس اتوسخت مع المطر خلاص يعني مي حلوة


وقالولي البنات كونك دلوعة بابتك كلميه وطبعا

كلمت بابا وقال تم انتو روحو مع العيال وهو بيخرج مع واحد من عيال خالتي


وطبعا طول الطريق ولد خالتي يقنعنى انو ابها احلى من جدة واحنا نوريه المباني والكباري في احلى من جدة

واخوي يرد عليه بجدة غير


عاد ولد خالتي دا مرة مدري يعني زي اللي اقرأ عنهم في الروايات في شيء اسمو حق عشان واحد زعلو

ورايحين لقبيلة فلان وعلان وكلام فاضى مايعجبني


والمشكلة انو جاي يدرس في جدة الله يعينو راح تجيه جلطة

كل اخوانو عادي بس هو مدري


المهم رحنا لتهلل

والله يالضباب اللي يمر والدنيا باردة وعيسى جالس يلعب معاي يرمي نفسو من الطاولة المجنون فجعني بس قدرت امسكو

ويضحك وبعدين اقولو ليش تسوي كدا يأشر ع راسو يعني بكيفي

عسل وربي تحسيه لمن يضحك من قلب


ويضحك بطريقة تجبرك تفطسي ضحك معاه > وحشني مررررررة







طفشت كلام المكان يتحدث عن نفسو






















وبكدا اختبرت والنفسية جميلة وعال العال

دموعها وهي تتناثر قدامي اتأملها واحس بكل شيء عارفة انها في دي اللحظة تحس الكون كله ضدها


تشوف انو الحياة اتوقفت عند دي اللحظة


احس بالغصة اللي حاسة فيها بالكتمة اللي تجبرك تشهقي عدة مرات


التزمت الصمت وانا اضم ايادي واتأمل وجهها الاحمر عيونها المنفخة

اخدت لي كوب عصير وشربتو وهي لازالت ع نفس حالتها


ميلت راسي وانا احاول اشتت نظرتي واركز في الكوب اللي في يدي


بالغصب طلع الصوت مني ودا طبعي اكسل اتكلم لمن تصير ببداية الكلام بحة تاكل باقي الحروف : اشربي موية


ريحت ظهري ع الكنبة شفتها وهي تفك العلبة وتشهق كم مرة


ابتسمت باستغراب من بعض البشر


عشانهم زعلانين يبغو الكل يزعل معاهم اذكر ابتسامتها اول ماجات وكيف انقلبت حزن


عشانها نسيت شيء تافه وذيك ماقصرت


اتأملت صاحبتي الثانية اللي كملتها بكى معاها


ودعناها وأول ماضمتني ماحسيت بجسمها إلا ينفض وترجع تشهق

ضميتها وانا مقهورة هي عروسة المفروض محد يزعلها


ماقدرت اواسيها لأني معرف اكتفيت انا اضمها بقوة واطبطب ع ظهرها رغم اني ما اضم صاحباتي الا في زواجاتهم


لفت طرحتها ومشيت ممكن اكون اقل البنات تفاعل وممكن يحسبوني باردة


بس مايدرو ان الارق جاني وصورتها ماتغيب عن بالي





تعبت من قلبي

مدري الخطأ على مين هي البردانة ولا انا الحرانة

ما انكر انو اختي ارحم مني بس انا لاقررت اعاقب اصير شرسة

هي غلطت ثلاث غلطات


اول شيء شالت رموت المكيف وفوق كدا دستو والادهى والأمر انها وطت المكيف

طبعا اتعاملت معاي باسلوب مايناسبني

وانا عشان قلبي رقيق مو هي بردانة

ببساطة قفلت المكيف من الكبس اللي في الجدار

وخلي الرموت معاها وشلت لحافي وبنام في الصالة

ولأنها ماشاء الله نشيطة فااعرف انها بتموت في الحر


انا ماسويت شيء هي بردانة وانا رحمتها > فيس معصب