اللهم رب الناس اذهب البأس واشفه انت الشافي لا شفاء

إلا شفاؤك شفاء لايغادر سقما





اللهم اكتب لجدي الصحة والعافية

بعض الاصوات من كثر المشاعر اللي تسكنها تجبرنا ع البكى


كنت جالسة ع السرير عند رجول جدي


طبعا جدي كان مررة ملتزم في عافيتو ومرررة شديد اما دحين مايدري عن شيء ولا ينتبه

كان يغطي من الشغالات بس دحين مرة مايفرق حتى احنا احفادو مايعرف اسمائنا


ولا يعرفنا بس احيان يرجع يتذكرنا


الشيء الوحيد اللي مشاء الله تبارك الله عليه مانسيه هو القرآن


قرأ نهاية سورة البقرة صوتو داعب قلبي ماقدرت اقاوم دموعي


حسيت بصوتو يلامس مشاعري بغصة تسكن حلقي


بخوف وبشوق


حسيت برغبة اني اوقف الزمن عند دي اللحظة


اتذكرت وانا طفلة كان لمن يجلسني ع رجولو واظفر له لحيته واصر عليه يروح المسجد بها


كنت اشوفو يمشي بظفيرتي اللي سويتها


ولمن يجي خارج من باب الشارع يفكها ومايدري اني اراقبو


دحين لمن كبرت فهمت انو كان يسوي كدا عشاني بس لو خرج من باب الشارع بالظفيرة مو حلوة في حقو



اتذكر لمن بدأ يجيه الزهايمر وصجوه بنات العيلة باصواتهم قام طردهم ولمن وقفت قلي انت خليك هم بس يمشو


اتذكرت لمن بيت عندهم وكيف مايرضى ينام إلا لمن يتأكد اني معاه في الغرفة وكل شوي يناديني


اتذكرت لمن يمزح معانا

ولمن يشوف سعود لازم يسألو




يا سعود فين القعود ياسعود


اتذكرو لمن يتريق ع مشية بابا


اتذكرو وهو يخاصم الاطفال ليش مايصلو




احس بشوق كبير


ابغى اشوفه في بيته مشافى معافى



الله يكتبله الصحة والعافية

ماما وبابا مو طبيعين

في حاجة صايرة تخصني


ماعليه نحتاج شوية تمثيل بالغباء ونشوف لفين بيوصلو


قسم بالله فيني ضحكة


واحس بابا معصب ^ــ^

اشياء تصير واقدار تنكتب

لو احد قالي قبل 4 سنوات اني بسوي دي التصرفات كان فطست ضحك ورددت انا مستحيل



كل شيء انكتب من قبل لا ننخلق مكتوب لي اكل دا الاكل واتصرف دا التصرف



احساسي لايترجم


مااحس بشيء مجرد برود باختصار ماتفرق معي


همي الوحيد اني احقق حلمي والشيء اللي يساعدني في تحقيقو يامرحبابو


واللي راح يضيع مستقبلي فالباب يفوت جمل


هدوء وافكار متزاحمة احس بعجز عن اتخاذ القرار


قلبي

عقلي


وطاقتي كلها اشياء اتداخلت في بعض


ويمر شريط الذكريات في مخيلتي ما اتخيلت اني موجوعة إلا في دي اللحظة


احس بأني احتاج لشيء


مايمنعني عنو إلا الكسل


قرارات كثيرة تتزاحم تداخل وتتركني تايهة


تناقض


ماوعيت لأفكاري إلا وانا جايبه العيد في المطبخ



تركت الطبخ وجلست في الصالة اتأمل اخواني ويرجع لي احساس الحيرة



الله كريم

واترصدت الدرجات


وبعدها نومت اكثر من 24 ساعة



احس دماغي يطقطق من كثر النوم


واخيرا ارتحت