الغيمات والمطرات ونسيم الصباح وشاي التوت

وشبة النار

والرسم والشجر والعصافير وريحة الحطب



اعجز اوصف مقدار الجمال اللي احس فيه


انجزت

ذاكرت

خرجت

رسمت

نظمت يومي


وكل شيء ماشي عال العال ولله الحمد

بس تخلص الاختبارات النهائية

او انظم جدولي وارتب اموري راح انزلكم بإذن الله صور ابها


احس قلبي معورني

معرف كيف حال لولو اعرفها تتأثر لمن احد يجيهم وبعدين يسافر

المهم وحشني عيسى

ياقلبي انا عليه

فكرة اني قاعدة اختبر آخر دوري تحسسني بالحماس

خمسة اختبارات تفصلني ع نهاية السنة التحضيرية

عن التعب وما بكذب ما سهرت عشان اذاكر


الجامعة علمتني اشياء كثيرة بأجل التعبير عنها

لمن اخلص


مو مصدقة انو دي السنة شارفت ع الانتهاء

احس اني قضيت اربع سنوات مو سنة

بجد كانت سنة طويلة بس جميلة

بكرا عندي اختبار سبيكينق

طبعا يجونا استاذتين


وانتي وحظك في اليفل اللي فات جونا ثنتين كأننا في فلم اجنبي


مررة مافيهم ملامح عربية

صحيح قبلها جاتنا وحدة حسبتها كندية وطلعت سعودية

بس ذول غير بس الحمدلله طلعو يراقبو واللي تسأل حقك التيتشر


المهم


انهم يجلسونا ويعطونا موضوع نتكلم عنو لمدة دقيقتين بعدين تبدأ التيتشر تسألك عن دا الموضوع



الله يسهل يارب ويجيني موضوع سهل


عاد خايفة يطلبوني احكيهم عن قصة



ابغى اخد كامل



دعواتكم

طبعا صحيت الصباح وكالعادة ولله الحمد ابتسامتي شاقة الوجه عاد اليوم غير

الحماس بيطلع من عيني احساسي غريب هدوء مع روقان وسعادة



احس اني مروقة ومستقبلة الدنيا بكل انشراح


طبعا متفائلة خير سلمت ع دي واتكلمت مع دي واتناقشنا عن الاختبار


طبعا عملت البروتكولات الانثوية

طبقت عبايتي حطيت معقم كريم عطر ومن دا الكلام الفاضي اللي مانستغني عنو


وتجي بنت جري وتقفل باب الكلاس وبابتسامة منشكحة تقول


بنات ابشركم راحات بتختبرنا اهلا اهلا بالعيد

واللي حطت يدها ع راسها واللي قعدت تتحسبن


طبعا انا استقبلت الموضوع بكل ضحك وسرور وابتهاج

بس في داخلي اقول الله يستر


اللي ماتعرفو راحات او مايقال rahath


دي التيتشر حقتنا من الجنسية الهندية وحق النطق غريب يعني تتكلم هندي انجليزي


حتى صرت لمن تسألنا اهز راسي زيها بس الحمدلله سحبت فترة ع الانجليزي وبغى يجيني حرمان بس ضبطت وضعي


احس اني اخرج عن الموضوع كثير


المهم الله يسلمكم

عاد تجي ذيك السعودية الكندية المشكلة ماتكلمنا مررة عربي عشان نصدق انها كندية بس كون اختي استاذة


فقالت لي تريها سعودية


ماعلينا قولت الحمدلله يعني ها شوية من دمنا ولحمنا ترحمنا


وتخرج وتدخل الدكتورة فاطمة


وكلنا اتنهدنا وابتسامتنا شاقة الحلق


عاد جنوبية كمان فمرررة تحسي براحة


وربي حسيت بهدوء


جا اسمي وامسك الورقة اقرأ موضوعي والاقيهم كاتبين لي اتكلمي عن العادات والتقاليد في بلدتك وقارينيها بين البلدان

الثانية من حيث اوجه التشابه والاختلاف


وايش العادات اللي تحبيها وليه


طبعا انا حطيت الورقة وحسيت بصدمة عاطفية


بعدين شديت ع نفسي دام عندنا في السعودية عادات وتقاليد طبيعي عند البلدان الثانية برضو


ودام اقدر اتكلم عربي فايش الصعوبة اني اتكلم انجليزي



ومدري كيف حسيت بالله معي صرت اتكلم واتكلم وكل ماسألتني اجاوب


عاد اكبر صاروخ كان لمن تقولي لو رحتي لمدن ثانية بتسوي نفس عاداتهم ولا بتسوي عادات اخرى

عاد بدت الفلسفة الهيولية >> مجننة اخوانها بفلسفتها

قولت لها لمن اروح مدينة غير مدينتي لازم احترم عاداتهم يعني لو رحت اليابان تحيتهم تكون بانحناء الظهر
فا اعتقد اني راح احني ظهري احترام لعاداتهم >> انا بحني ظهري مررررة حسويها بس هو اللي جا في بالي

اخر شيء بعد ماانتهيت جلست ع الكرسي وجلست زي جلسة عيلتنا


طبعا عندنا العيلة لو تشوفو الحريم الوحدة تجلسلك زي المسطرة ولا لمن تلتفت لك تلتفت بهدوء وبطريقة مدري كيف


المهم ماعلينا بس في ديك اللحظة كان في دماغي استهبال


جلست ونصيت نفسي ورفعت حاجبي وابتسمت


وضميت كفي وسويت اني اضرب بكس في الهوا


طبعا عادي فصلة من فصلاتي ولا فكرت اطالع في احد اكيد ولهم الاحقية في حشي اهم شي سويت اللي في دماغي طبعا انا انسانة احب ادلع نفسي اللي في بالي اسويه
وعندي قاعدة لو سويت شيء غبي لا اطالع في وجيه الناس عشان ما اكره نفسي





ع فكرة انا مرررررررة احب زوجة آخوي بنت خالتي الغالية ننس



يسعددها زينة البنات





واشططططططططححححح