خلصت اختبارات الدوري الثاني


بس دماغي لساعو مخربط


ولي اسبوع ساحبة ع الانجليش حريقة تحرقو وجع الله ياخدو حسبي الله ونعم الوكيل قد كيف اكرهو

اللي يقرأ كلامي يقول دي ماخدة صفر بس لا امتياز مع مرتبة الشرف بس اكرررررررررررهوووووووو كرههه

اعجز اوصف مشاعري


كدا من الله مااحبه واكره الناس اللي يعنني واو وياي واتكلم انجليش وايش يقولولها بالعربي يييعععععععع يجيبولي القرف


دي الشخصيات بالنسبالي اكس


ماعندها هوية >> خلينيني اتشمت عشان اصير بلبل


اللي يقهر في الجامعة لسانك ينعوج من الصباح لمن العصر انجليزي في انجليزي مافي مادة دا الترم بالعربي

استاذاتك واجباتك حتى في الواتس انجليش ياويلك تتكلمي عربي في قروبات الدراسة


جاني المرض ابغى عرب ايش دا الاستعمار


المشكلة لمن تدرسك اجنبيه


تيتشر اي ابسينت بيكوز اي هاف اكزام اند اي دونت ستدي فيري ويل ،،،،،،،،



اوووووووف حسبي الله ونعم الوكيل


دا نهاري منيل بستين نيلة

اللي فوق ناقص واز


صباح الخيرات


صايرة اسهر واصحى متآخر الله يهديني بس


احس بكرة يوم جميل متفائلة جدا



بإذن الله انزل لكم صور طبخي لعزيمة صديقاتي


خلال دا الاسبوع




اخر شيء بقولو


" الصبر زين "


عبارة في دماغي


في كدا موضوع مزعجني


احيان اعجز افهمني



ويالله تصبحو ع خير


دعواتكم

كان اجتمعانا مختلف

لمن اقول صديقاتي فأنا بحكي عن قلوب مختلفة ومشاعر غير عن شخصيات تعرفني زي ما آنا بدون قيود


وبكل جنون واستهبال


قبل لا اقابلهم لازم ارمي عقلي ع جنب


اشياء كثيرة اسويها وكلام كثير اقوله اصلا لو افكر ثانيتين اتراجع


وعدتهم بسفرة متكاملة من صنعي


طبعا في داخلي حب للمطبخ بس بمجرد دخولي لثانوية بديت اتراجع ليومنا


ما اسوي الا حلويات غير كدا اصناف بسيطة ونادر ما اعملها


ما انكر دي التجربة خلتني احقد ع كل رجال يقول لزوجتو اصلا انتي فاضية لو يعرف الطبخ لحالو كيف متعب ما قال كدا

وكنت تكة وابكي بس اتذكر صاحباتي ارجع اشجع نفسي

طبعا باستثناء بابا لأنو ما يدقق ع ماما في الطبخ


المهم استقريت على


رز مغربي بشوية فزلكة

ادام هندي

سلطة جاوية

شربة صينية

وورق عنب

عصير اناناس

حلى من تأليفي مدري ايش اسميه تشيز كيك بالنسكافيه والاسنيكرز


المهم انو حلى من دماغي











طبعا رقصنا وهيصنا واستهبلنا


آخر شيء التفينا حلقة وكل وحدة بدأت تطلع مواهبها بالانشاد


اتذكر دي الاصوات واحنا نسمع قرآن اتذكرها وعمري ما انساها


انتهت ليلتنا بكل سعادة بعد ما كل وحدة طلعت همومها ونفست عن نفسها بطريقتها


صحيح بسبة هذي الجمعة ممكن يصير شيء جميل


بس بخبيه للأيام ونشوف كيف بيمشي الموضوع



وع فكرة اليوم راحت علي نومة بغيت اروح الجامعة بالبجاما ><"


وع فكرة ثانية

تذكرو الشيء اللي كنت اقول عليه واخطط واتأمل بابا نسيت ما اقولكم انو صار ومن زمان


اول شيء اخدت من بابا 1800 وانا عندي 1200 صارت 3000

وابشركم اتنسفت وما بقي الا 500 مدري كيف اصرف الفلوس رغم اني في البيت وكل شيء ع حساب بابا




ثاني شيء اغير جوالي ^ــ^





ودي الفترة بالي فارغ من الطلبات

لو كل واحد يشيل النظارة السودة عن عينو صدقوني راح يشوف الحياة من منظور ثاني



اذكر مرة بنت خالتي تقولي لمن دخلت قانون اول سنتين كانت بس تبكي وفي النهاية تاخد درجات عالية


بعدين قررت تغير نظرتها وتتعامل مع الدراسة انها شيء جميل ويوم من الايام راح تصير محامية


دحين بتتخرج وهي حاسة انها لساعها ماشبعت ومعدلها حلو


انت تقرر تكون سعيد ولا لاء مو الظروف ولا المشاكل ولا الشخصية حتى الاشخاص مالهم دخل


في ناس يوهمو انفسهم بحاجات مي موجودة


يعملولهم قوقعة انا حزين الدنيا ضدي الدراسه يعع الاستاذة مستقصداني


خطتنا اصعب الاختبار كلو اخطاء ماقد اختبرت الا وصارلي في جهازي مشاكل وووو عاد شوف الكلام اللي بتسمعو ماينتهي


لا العلة منك مو من المنهج ولا الاستاذ ولا الخطة ولا الاسئلة ولا ........... وكمل


بطلو اسقاطات


عادي لو قولت الخطأ مني والدوري الثاني بشد حيلي


" عندي قناعة اللي خلى العلماء يألفو القوانين وخلى الجامعة تكتب لنا الاسئلة يخليني اجاوب


دام فيه جواب فأنا اقدر احلو دام الله معي ليش افكر في الجزء الفارغ .؟!


ليه اطالع في نسبة الرسوب .؟ اللي يخلي طالبة تاخد مية يخليني اخد مية وع كدا



ما تستهويني الشخصية المتشائمة


والله الحياه اجمل لو غيرت نفسك


قد كيف فرحت لمن بنات الكلاس قالو عني مبتسمة دائما، هذه الصفة لو كانت بجد فيني فأنا اسعد انسانة لأني بجد اتمناها واحب الناس اللي وجهها طلق.

خلي الناس تنفتح نفسها ع الصبحية


قد كيف الصباح حلو وشاي التوت في الصباح حلو والشجر والعصافير ونسيم الصباح


ياخي ليش التفكير السلبي مو عارفة مررة عاجبتك قوقعتك



"كن جميلا ترى الوجود جميلا"

طبعا انا انسانة دماغي شوي صعب


يعني عندي قناعة انو في الأحكام والقوانين الابوية المساواة واجبة بين البنت والولد


هذا الموضوع مفروغ منو


المحرم لازم وشيء اساسي لانقاش فيه


بس اني استئذن وانا خارجة لاء وبقوة


بابا له عليه اني مااخرج الا بمحرم وحجابي محتشم ومااروح الا مكان تمام


سالفة انو الولد يخرج وقت مايبغى يسافر فين مايبغى بس يعطي خبر لا ياحبيبي انا وانت واحد


قررت من فترة اني اروح ابها وكلمت اخوي الصغير ووافق حجزت اشتريت التذاكر


على انو دا الخميس اسافر

على ما اعتقد بابا واختي كانو يتكلمو واتفاجئ بابا بالموضوع طبعا ماعلق ولا دقق لأن بابا يؤمن باستقلالية الشخص

دامي مااتجاوزت حدود الدين

طبعا بابا اتحمس وحجزلو ولأخواني ولمن عرفت مرت اخوي اننا بنسافر اتحمست لأنها مااتحب ابها الا بالجمعة

وقعدت تقنع اخوي الكبير لمن وافق

بإذن الله راح ننبسط


انا كنت ناوية اعطي بابا خبر بس لمن تقرب السفرة مستحيل اسكت لمن اوصل ابها


بس مستحيل استئذن الا لو شفت بابا يسئذن وهو خارج واخواني يستأذنو


بس لو بابا فيوم قلي لاء مستحيل اعارضو