ترتيب وهدوء

اعشق الترتيب بشكل لا يوصف


لمن اصحى الصباح روقاني يكمن


بعشقي الابدي شاي التوت بالقرفة والهيل واليناسون


حتى لو كان وقت روقاني يتخللو مذاكره اهم شيء تكون مذاكرتي تعكسني فيها مني


اعشق الكتابة وكأني لمن اكتب افضفض عن اشياء اخفيها وسط قلبي


في داخلي عالم مساحة وشيء لايترجم

يسكني ومعرف كيف اعرف عنو


الرسم دي الهواية اللي تبدأ بنقطة بخط وتنتهي بشيء يخفي شيء ويدل عن شيء


ما اقول اني رسامة بس عندي حب للرسم

ممكن رسمي متواضع بس اعشق رسماتي من اسخفها معنى لآكثرها وجع


احس رسوماتي سر يسكني شيء اخبيه ويفضحني


احب الرسم



كانت البداية مليئة بالجد والاجتهاد






بس اتغير الحال لمن سمعت شيء لامس مشاعري وحرك قلبي

في داخي شيء حاد احاول انساه احاول اداريه عشان لايفضحني


انا قوية واقدر اتحكم بمشاعري ^ــ^

قلبي يعورني بس معرف ليش :(

هم مايختبرونا هم يعملو لنا تنويم مغناطيسي غسيل دماغ


احس دماغي يعورني بس تطيح عيني ع رقم تجيني البكية


احس الحروف الانجليزية تجيبلي الغثيان

حتى اسمي اللي فوق

يوجعلي قلبي

الاختبار ماهو خونفشاري بالعكس شيء متوقع كطالبة جامعية

ومايحتاج في الثانوي كانو استاذاتنا صعبات

بس هنا غير يعصروك عصر يخلوك تشغلي دماغك

مايهم قد كيف ذاكرتي اهم شيء انتي فاهمة المنهج فهم دقيق

ماعندي تعليق عن اختبار اليوم غير اني احس الدنيا ماهي دنيا

حلم او خيال

واحس كل خطوة امشيها كأني امشيها فوق دماغي


كل اللي اعرفو بنام اليوم وامسك الكيميا بكرة

وبطلع الاحصاء شوي من دماغي لموعد الاختبار النهائي


دعواتكم

وكل ما جا الطاري في عرس وخطوبه ..

وقلنا مين هي العروس ..

قالوا : جده

إسقي باقي العمر من طلك عذوبه ..

وشدي أوتار الحنين .. مثل عود

واعزفي قلبي يعود ..

خصله من ليل الظفاير .. وضي من قمر الخدود

نرخي الماضي ونشده .. خيط قي البحر و جلب

ولو رحلنا عنها مدة .. وقلت أسماك الشعب

تبقى دايم هيَّ جده ..

وهي مكان اللي نحب

بعض الأمور لها ابعاد اكثر من مانتصور

اشياء كثيرة لمن تنكشف حقيقتها نحس اننا كنا عميان عنها

بعض الحقائق ننبش عنها ندور نبغى نعرف ايش السبب

بس لمن نعرف نندم في اشياء الأفضل لها تكون مجهولة

ونخليها مسلَّمة

آمنت انو الرضا يحل ثلاث ارباع المشاكل

صار شيء لا تفكر كثير خلي في بالك انو دا الأفضل ودي الخيرة




الله كريم والله يعين