بدأنا كيمياء طبعا لساعنا دوبنا مااتعمقنا في المنهج

فما اقدر أحكم البداية جميلة بس بقي الأحياء

والإحصاء

أحس بحماس

على انو دراسة انجليش بس عادي احس اني ماواجهت صعوبة من ناحية اللغة

بس اللي بجد اكرهو

الانجليزي منهج اكسفورد جميل بس الكلاس ممل اربع ساعات /:

وبارد اخر شيء شفايفي ترتجف واسناني تطقطق في بعض لمن اصدع وايادي واظافيري يزرقو

وظهري يوجعني من كثر ما اشد عليه

حتى لو خلصنا المنهج يخلونا نجلس في الكلاس لمن ينتهي الوقت كأننا فين اكره سياسة معهد اللغة

جاتنا تيتشر تجنن هندية ماتتكلم عربي ونقعد نلعب ونتعلم ع اللكنة

ع طول غيروها بوحدة ما تعرف تشرح وباردة وكل شيء

بس انا عارفة انو ربي ما اختار لي إلا الأفضل

بس مررررة مرررررة ملل












> انا سعيدة ^__^
^
^
شطحة

وسهرت اليوم عشان اكتب دا الشيء لولد خالتي

ياكرهي للواسطة

عشان ابوه مرشد طلابي

فبيعدلولو درجة الفني

معرف كيف صراحة بس ماعلينا خالتي قالت لي اكتبلو

وانا سويتها برًّا بخالتي

رغم اني مقهورة كم ولد ماقدر يعدل درجتو عشان ابوه مو استاذ

شكرررررا باباتي

أحب مفاجئات بابا مرررة باقة ورد مرة ذهب ومرات يعزمنا ع مطعم

وكل مرة يغير المفاجئة


اليوم دق علينا وقالنا انو فيه اجتماع بأفراد اسرتنا

ووزع علينا ظروف

وكانت المفاجئة لمن لقيت خمسة آلاف

اعطى حتى اخواني الموظفين

بس أكبر نسبة كانت لماما

أحب بابا مو عشان فلوسو ولا الهداية

بس يفرحني شعور أننا دايما في بالو وأنو يحبنا اكثر من كل شيء

ويعتبرنا انا واختي وماما أميرات


كل فتاة بأبيها معجبة

آكره شعور لمن يكون في داخلك زحمة حكي وماتعرف تعبر

عنو


آحس بشيء مايوصف


فرحانة مشتاقة حايرة متوترة


وخايفة حييييل حيييل خايفة


أحيان اطمن نفسي كل شيء بيمشي اوك بس بعدين لمن افكر اكتر احس بتوتر لايوصف


انا تركت كل شيء لله وواثقة انو بيختار لي الأفضل


آحس أني اشتقت لبعثرتي لكلامي الغير منظم لجنوني لآشياء كثيرة انشغالي حرمني منها


احس اني مشتاقة لأخواني ودي ارجع خمس سنوات ورى


ضحكنا وجمعتنا مشاريعنا اخر الليل ونقارنا


احس دحين ببرود نمارس الأخوة صح بس فيه شيء مفقود هم الرجال لمن يكبرو يتكبرو .؟

احلى شعور بعد العملية سعود جالس ع السرير ويآذيني وانا اضحك وافز من الألم

بابا علي يساري يقولي انو باين اني بخير وماما تطالع فيني بفرحة واخوي الوسطاني من يوم يفتحو الزيارة وهو عندي واخوي الكبير يسلم ع راسي ويمسك يدي

واختي الكبيرة تصلحلي الطرحة تعطرني وتفهمني

حييييل اشتقت لجمعتنا




اليوم ملكة صاحبتي ياعشقي لها الله يتمم لها على خير احس بفرحة وفي نفس الوقت ابغى كل شيء يمشي تمام

مدري كيف الزفة ان شاء الله افدتهم


وعقبال توأمتها



اللي اعرفو انو صاحباتي يحتلو مساحة كبيرة من قلبي ...

بس اظن انو بنات العيلة لهم مكااانة اكبر وأكبر بكثييييير ..

السنة التحضيرية تجربة فريدة من نوعها في حياتي

شيء ناااعم

في الصباح

عيني تستمتع بمنظر المساحات الخضرة وصوت رشاشات الموية

والورود المبللة


احس كل شيء يبتسم لي

حتى الكراسي لاحد يستغرب بس دا شعوري احس كل شيء في الجامعة رقيق

حتى الجمادات

دايما افكر دامها يوم القيامة بتشهد علينا ليش ماتكون تحس بنا ..؟


دقات قلبي ترفرف مع اصوات العصافير

وما اقاوم ابتسامة تتكون من مشية الحمامة وهي تطق الرقبة


احس بجمال مستمد من جمال كل شيء خلقو الله


جمال يسكن قلبي يخلي السعادة تشع من عيني

آتشارك مع صاحبتي شكولاتة كندر والمشاركة بحد ذاتها جمال

واشرب هوت شوكلت ولذتو تخلف في قلبي جمال

ابتسم لصاحبتي بسعادة واقولها

آحس بالجمال توصلني ضحكتها وهي تقول اجل مروقة


هذي السنة هادئة جدا

بالنسبالي هي "بحر" والبحر عندي يعني كل مفردات الجمال