ايش أجمل من ناس حولك ..

كلمات بسيطة مشاعر حب .. أحساس من القلب يوصل للقلب

ماتعرفو قد كيف أحبكم وأشتاقكم ..

أحب اقرأ تعليق منكم رسالة أو حتى شكر يطمني أنكم قرأتو كلماتي ..


أجمل شيء في الحياة لمن تعبر من كل قلبك

وتكافئ بناس يفهموك صح .. لا بيحاولو يزيفو شعورك أو أنهم يفسرو كلامك بصورة خطأ

جميله كلماتكم .. صدقكم .. ووجودكم هنا

لكم في القلب مكانة لاتوصف

ويشهد ربي علي أني مانسيتكم من دعواتي ..


مابقول عنكم زوار مدونتي لا ابدًا


أنتو جزء من المدونة ..



حيل أحبكم وأحب دعمكم لي دعواتكم

وتعليقاتكم ..


الله لايحرمني ..

زوجة أخي ..


" نسيبة الغالية "


هل الحب يصفها أم أنني أشتاقها كل يوم ..
هل دخلت إلى عالمنا البارد لتسلب قلوبنا .. وتحتل مساحة شاسعة وتثبت ذاتها .؟!

هي أجمل وردة .. وأرق أنثى ..

أحبها وكل مازاد أخي حبا لها ازدادت مكانتها ..

لذيذ هو الشعور بأن لدي أخت ثانية ..

أشتاق ليوم ستكون قريبة منا ..

أشتاق ليوم لايفصلنا عنها سوى بابان ..

أشتاق لذلك اليوم القريب ..

عندما يقف شخص معك في مرضك ..
عندما تحاول زرع الابتسامة في قلبي ..
عندما تصنع من الفرحة أجمل لوحة

وتزرع وسط الدمعة ألف ضحكة ..
عندما تبذل وتبذل لأجل أن تكون أجمل زوجة ..
هي تستحق أن تكون ملكة ..
وأن تلبى كل طلباتها ..
وأدعو الله بأن تكون السعادة دائما في طريقها ..
أستودعها الله الذي لاتضيع ودائعه
ابنة خالتي واختي وصديقتي وزوجة أخي : نُسَيْبَة ..

أصحى الصباح

بمصطلحي : زي الجنية

وبمصطلح بابا : زي الفراشة


أما ماما فتقول عني غاوية شقى ..

أول وحدة تصحى .. واصحي الكل .. والكل يرجعو ينامو وكما اسلفت سابقًا إلا الجنية تقعد صاحية


أحب ساعات الصباح الأولى .. لا مو أحبها إلا أعشقها أحب أستمتع بها لحظة بلحظة أحسو وقت مايرجع متعة

مو بسهولة تنتهي ..

كوب شاي بنكهة التوت اللذيذة والتوابل : هيل قرنفل قرفة

كل ماهو لذيذ

وأمام باب زجاجي كبير يطل ع ورد الفل

كوب مزين بأسمي وتميس بالجبنة حار يسلب عقلبي بريحة الخبز



لذيذ الصباح من جرب لذتو ادمن على الصحيان ولو ماكان نايم تمام ..

ابتسامة هدوء تزين ملامحي وتفكير بالجميل القادم ..

مع تمتمات بألحان ومحاولة كتم الشعور الطربان في قلبي

وأحيان من زود الروقان اصير مبتسمة بانشكاح لو احد شافني بيقول عني مجنونة

ويل حالي انا ع كلامكم

الله يستجيب الدعوات ويسعدني وجودكم حولي ودام وصلكم احساسي وعشتو معاي اللحظة معد ابغى اكثر من كدا

ممممم اللي تقولي انها تتمنى تشوف تفاعلي بالمنتدى

انا كنت متفاعلة وكدا وشاركت في اكثر من مسابقة

بس الوقت مو بيدي

ارجع البيت العصر اذاكر لمن العيشاء

قد راسي صار كبير وثقيل

ومااصدق يجي وقت فراغ عشان اخرج شوي

بس اوعدك لو فضيت بشارك

اليوم حسيت من جد أني دجاجة ع قولة سعود

وانا رايحة للجامعة كنت ماسكة جوالي

يدوبك فتحت باب الشارع الكبير حتى ماقفلت الباب شوفت رجال واشهق وجري

ادخل البيت وكنت باتعنقل واقفل الباب بسرعة وانا ارجف

الحرامي جاء وامسك جوالي بدق ع ماما بعدين حسيت بالغباء

جارنا يبغى يدخل بيتو كيف صار حرامي ..؟

جيت عند باب الشارع وانا امسكو بشويش واتخيلو عند الباب واحس برعب

دحين اكيد سمع خطواتي دحين بيكممني ممكن مو جارنا ..

وبدأ مخي الدرامي اللي عجزت افهم السبب ممكن كل القصص اللي سمعتها تنعاد علي

فتحت الباب ولقيت الشارع فاضي وجري ع السيارة

والقط انفاسي بسرعة سكت فجئة وانا اغطي وجهي باحراج

دحين تلاقي جارنا يقول ايش بها دي المجنونة

بس مو بيدي يخوفو ..

معدا بابا واخواني


اصلا عادي اتفشل شكلي شخصية جبلت على التفشيلات