وأخيرًا بعد كسل حملت البرنامج

ع العموم مو دي السالفة

قاعدة افكر دحين ليش النوم يتمنذل معايا :/

أمس سويت شيء كبير في حياتي أحس براحة

وأحس ابغى الايام تمر بسرعة لمن يتحقق اللي في بالي

ما أقول إلا الله يعين

أكره عقلي لابدأ يشتغل

المشكلة أني مقررة اعطي عقلي اجازة

لسا وراه كرف الويل مع الجامعة

وبخصوص الجامعة ليتني احب السوق عشان اشتري اغراضها

ماعليه أختي عندها بلايز طويلة تفيدني

بس تبقى البناطيل


احسني مهلوسة وكلامي كثير وكل شيء


وبخصوص السخونه ابشركم راحت

بس بقي الزكمة وحلقي

وماشاء الله كل شوي اكتشفت اني عديت شخص

احس بتأنيب الضمير

عاد المصيبة اني عديت الشغالة

كل ماشفت وجهها أحس بفشلة وقلبي يعورني عليها بس ماما تقولها لاتشتغلي وانتي تعبانة

والله يشافيها واكيد احنا مانتركها تشتغل لحالها بس لابدت الدراسة لا انا ولا اختي نشيل حتى المنديل
نظام ماما الدراسة دراسة


^

عشرمية سالفة بس السهر وعمايلو

سلكو

من قلب الحدث والدموع مغرقة وجهي
انفي الأحمر بل وجهي الأحمر واصابعي اللي من الخوف اتحولت للأزرق حرارة انفاسي
ودموعي

قولت لأهلي قبل التراويح اني ماابغى اروح السوق
بس بعد التراويح غيرت رأي
قولت اكيد وهم رايحين بيعطوني خبر

المفاجئة لمن الشغالة جاتني وقالت لي بروح مشوار ساعة وماما عندها خبر وتبغاني افتح لها الباب الساعة ٢
استغربت وسألتها فين ماما قالت لي ماما يخرج كلهم روح

اعترف اني خوافة بل خوفي يتجاوز حدود المعقول

ع طول خرجت قفلت كل مخارج البيت الداخلية
ودخلت غرفتنا بخوف وقفلتها اما عن الحوش
فشجاعتي ماتسمح لي أقفل

كنت أقرأ دفتري

واسمع دقدقة قوية على طاقة غرفتي صرخت ميييين

والرعب لمن سمعت صوت فتحة الطاقة

كل أحاسيسي انشلت صرت اصررررخ

بصوت مايتعدى حدود غرفتي ميييين

بيتنا كبير الحوش كبييير

كل شيء مرهق لنفسيتي

وصلني صوت اخوي سعود

طحت ع السرير وانا أبكي من الخوف احس جسمي كلو يئن أحس بكتمة يدي ماتتحرك ولا جسمي اسمع اخوي وهو يناديني ابغى اجاوبو
بس شفايفي ترتجف والظلام مغطي عيوني احس جسمي يرجف اشهق شهقات متقطعة احاول اتنفس

ومالقيت غير الكحة تتمكن مني

بسرعة حاولت ادق على ماما خايفة حلم ماني عارفة اتصرف

حتى أخوي خايفة منو ماابغى اشوفو

دقيت ع ماما ومالقيت نفسي إلا اشهق وهي تصرخ خايفة وتسألني ومو عارفة اجاوب

اخد بابا منها الجوال حسيت بصوتو مبحوح ويسألني ايش فيه وبكيت وصرت أردد
الط ط ط الطاا الطااقة وارجع ابكي
حاولت اقاوم بكاي بس ماقدرت
قمت ابكي الطاقة انفتحت
قام قالي وهو يسحب من الكلام ممكن سعود يلعب
قولت ايوا واشهق
مااذكر غير اني قفلت الجوال بعد مافتحت لسعود الباب وانا اطمن بصوت ماما وبابا
سمعت صوت ضحكة سعود وعيونو اللي باين عليها الخوف من ردة فعلي صرت اشهق وانا اطالعلو بخوف
يقولي تبغي عصير

وازيد بكى واردد بصوت متقطع ابغى ماما

ابغى ماما


ودحين حلقي شاب نار رقبتي تعورني

مكتومة أحس بدوخة


ليييه انا ضعيفة امس اخدت معايا علاقة عشان اضرب الحرامي لو جاء

بعدين شلت الشوكة من المطبخ عشان اقتلو بها

الله يهديه بابا هو اللي خلّا السواق والعمال يعرفو اماكن غرفنا

والمفاتيح كانت في البيت قبل لانجيه

يعني كان اللي يبغى يقدر ياخد لو نسخة

وكيف مااخاف

وانا دايم احلم ):

احس ودي انام واحس اني خايفة من كل الناس

انا قرأت الاذكار المفروض مااخاف

بس مو بيدي انا جبانة متعودة

ع اخواني معي وبابا وماما

واختي


آه أحس اني مع الكلام هديت

بس تنزل الدمعات ع السريربهدوء ههههههههه

وتعب انهك جسدي

انتكاسة بعد انتكاسة

اشعر بأن أحدهم ملئ حلقي

بالتراب

موجع حقا شعور موجع

على سالفة الطاقة وسعود

بعد السالفة المهم

انو يقولي ياختي قاهرتني احس من هنا ويأشرلي ع قلبو

ليش تخافي انا دقيت الطاقة قبل لا افتحها > مؤدب فديتو ههههههههه

خبل مدري عنو معصب ليه اخاف بعدين

انسدح وغطى وجهو بالمخدة

قلتلو سعووود رد علي ها

واشتغلت معي النذالة

بكيتني عورت لي قلبي خليتني اشهق لمن اتقطعت انفاسي

قام صرخ اوووس وسد أذنو

وضحكت عليه وخاصمتو

خبل يحس بتأنيب الضمير

مايدري أنو مهما يسويلي ع قلبي زي العسل

كونو صغيري وروحي وعمري كلها

يشفعلو

وكونو آخر العنقود


ياخي عليه شخصية تجنن بسم الله عليه > بدت تتغزل في اخوها

وربي خلوني ساكتة

لو اتكلم عن سعود ماانتهي


يالله وربي احس اني اشتقتلو ماكأنو دوبو جا يشربنا موية

اللي ماتعرفوه في شخصيتي اني وحدة اصرف كثير اي شيء الاقيلو مخرج

مااعرف من فين تجي

كنت نايمة نومة جميلة حاسة بشيء مزعج قاعد يزن بس مخي المتنح كان بيوديني في ستين داهية

بدأت اذني تميز صوت بابا

اسموعو يقول انا صاحي من ثمنية الصباح انتي شوفتيني العمال جو وصحيت اخوانك ماصحيو
احمد دوبو راجع من العمل وسعود سهران

مااعرف بدت الصوت يداخل في بعضو وانا مستغربة ايشبو بابا يعطيني قصة حياتو

ضميت مخدتي وطقيتها نومة
مالحقت اغفى إلا بصرخة بابا المجلجلة

هزت اركان البيت

قوووووووووووووووووووميييييييي

بغيت ابلع العافية وفهمت انو بابا قاعد يصحيني
مدري كيف قولت لو من تحت الغطى

شوفني صااحية عيوني مفتحتها وانت تصحيني وانا صاحية > بصوت بريء جدًا

قام بابا هدت اعصابو وقالي اللبسي عبايتك
وانا استناكم في السيارة

الموقف الثاني

قاعد اقول لسعود شوف عبودي راح سمويل اند كيڤن وخمخم منها للعيد

فطس سعود ضحك وهو يغمز لي خمخم منها .؟

وطلعت التصريفة ع طول خمخم من الملابس وي ماتعرف عربي الملابس مؤنث لازم اقول خمخم منها

طالع فيني وهو فاتح فمو ومسح ع وجهو
وهو يقول لأختي هذي البنت صريفة
ع طول خرشتيها الملابس ها

وانا ضحكت بثقة وقولتلو ماخرشتها بس هي كدا خمخم منها



^
صح انا صادقة ماكذبت وقت ما بابا يكلمني كنت فاكة عيوني

وقت الملابس انا جد قصدتها ماقصدت المحل
ولو انو خانني التعبير