واحلى روقان

ونمت احلى نووووومه ^_^

ودي الاياااام احس براحه تغمر قلبي


ولله الحمد ^_^

الاخ
كلمة لحالها بحر من المعاني
الاخ
سند آمان راحة ودلع
آخواني جنتي
وضحاكتهم آه ع ضحكاتهم تجبرني ابتسم في اشد حالات ضيقتي
سعود لمن يضحك احس الدنيا تضحك لي
احس ودي اضمه احس بسعاده
وغصب عني اتفدا ضحكته
ضحكته الهادية بدون صوت وهدا الشي المشترك بينا
وعيونه تتكرمش مع الضحكة بطريقه جميله
عبودي وهدا عبودي لحاله قصة
رجل بمعني الكلمة يخاف علي انا وسعود بطريقة غريبه
يحاول يحمينا ويفرض سيطرته
جنبه اكون حيل صغيره
وهو يقولي في عيوني انتي اصغرنا حتى اصغر من سعود
ودايم يعورني الدفش بمزحه البايخ
يحب يمسح يده في خدودي لمن تتجمع الدموع في عيوني
يتركني بس يترك قبله ضحكه تجبرني اضحك
ويتحول الدمع لضحكة
حمودي
لحاله امان لمن اكون معه احسه متل بابا
صحيح انه يستفزني احيان
وصحيح اني دايم اعطيه بكس ع بطنه حتى يصرخ ويدي مالمست معدته < ماتخرج له باليل وتبغى تعطيه بكس
وبعد صرخته اضحك ويصير يضحك معي
بس مايتركني بحالي يشيلني ويطيرني فوق
آخواني
حبايبي
اخواني
عزتي وقوتي
اخواني غييييير
واكتر شعور احبه لمن واحد من اخواني ينام ع رجولي والعب بشعره
حمودي شعره فاتح وناعم ماشاء الله حتى انعم مني
عبودي شعره اسوووود مااشاء الله وسميك بس برضو ناعم
اما سعود شعره بني وناعم
حمودي اول مااحط يدي ع شعره ينام
وسعود يلعب بالجوال او يمسك وحده من ايادي وعادي فجئه يعضها
عبودي اول مايقوم لازم يشد لي شعري :/
وكل واحد له اللي يميزه
عبودي وحمودي





سعود الغالي




عبودي

صباح الخير

ابشركم الدكتوووور اجل العملية


وان شاء الله فيه خير لي > مبسوووووطة

احيان آحس اني مزيج من عدة صفات

اتشكلت واتكونت بطريقة غريبة

هدي الطريقة الغريبة في نمط عقلي البسيط احيانا ومعقد دائما

لصقت فيني تهمة

محد يقدر يخمن ردات افعالك

ومحد يقدر يفهمك

وع قول شخص عزيز علي

كل ما احس اني اعرفك تفاجئيني ..

ابتعد دايم واكون قريبة مؤقتا

لوحاولنا ندور تفسير علمي لها ممكن نلاقي

بمنطق آخر

نقدر نقول اني اتقمصت دور الرياضيات

انغماسي بهدي المادة شكل جزء مني بها

تصرفاتي يمكن انها تفسر بعدد لانهائي من التخمينات

وممكن تكون كل التخمينات نواتجها خطأ دام المعطيات خطأ



كلام معقد وممكن يكون ساذج تقريبا


ولكنه يفسر تركيبة عقلي المليئة بالمتاهات والنتوءات


ع قولة بابا

احيااان تكوووني جدية تجبري الواااحد يعاملك

معاملة المسطرة واحيااان اشوفك تلعبي وتجريي وكأنك ابسط انسانة



اكثر سؤال محيرني


ليش اللي حولي محسسيني اني استفهااام

ومعاادلة معقدة لابد من حلها .. ؟

ازفر الألم أوجاعا ..
خيباتٍ بعد خيبات .. وصورٌ قد تمزقت في عيني ومشاعر قد اضناها التعب ..
وظلمٌ ينخر في العظام يمزق اوردة الصبر
ينهك المشاعر .. ويرمينا بسهام حادة .. طعنة خلف طعنة وصبرًا ياقلبي فلك ربٌ كريم ..
نظرة خذلان .. ودمعةُ ضعف .. واقفالة جفنٍ حائر.. تربطني بعالم لاارى له بداية
فأين النهاية من هذا .؟؟
دوامة أم انها متاهة
وكأنني امشي على ماءٍ زلال
اتخبط .. اتعثر
وأين المفر .؟!
15/6/1434