مابين حلم وحقيقة

صرت احاول اكذب الكلام اللي سمعته

من يوم سمعت همسهم وانا نايمة وصوتها المحروق عرفت اني ما احلم

غمضت عيني بقوة وانا احس قلبي ينقبض


بديت اردد ياربي ياااااربي ياااااربي

طالعت فيها ونزلت دمعتها

رددت في نفسي اخرجي برة بس ما خرج من لساني إلا ياربي

كردت فعل مخالفة استسلمت للنوم

صحيت وكل شيء كئيب وغصة متجمعة في حلقي

مو قادرة حتى ابلع ادويتي

احس بالذكريات تمر في عقلي تتجمع الدموع في عيني

وكبريائي يمنعني

اتنهد واحاول ازيح الثقل اللي في صدري

حسبي الله عليهم

حسبي الله عليهم

الى الآن مو مصدقة اربع سنييين

ما اتخيل بعد ماربطت كل حياتي فيها انتهت :/




اللهم اجرنا في مصيبتنا واخلفنا خيرا منها :(

من حاجتي لآخوي عبودي وشوقي له

صرت احلم به

اشوفه يزورنا متى يجي حيييل وحشني

اشتقت لعيونه ولنظرته العصبيه اللي فيها حنان الكون

حتى في عصبيته حنون

محتاجتة يضمني ويقولي محد بيقربك دامي موجود

انا مشتته

وحاسة بخوف

مادري صايرة حساسة اكثر من اللازم


ماني قادرة امسك واجباتي احسني


مرهقة

احس بخمووووول

احسني شايله هم اللي حولي :/


ابغى اسعدهم بس ماني قادرة


كل شوي يتردد في عقلي كلامها


وتجيني شهقة

مصدووومة مو مصدقة


الله يعين

اتغيرت

من اخر شيء صار في العيله ابتعدت عنهم رفضي شكل بينا حاجز هذي مو اول مرة

حتى انا عفتهم طاحو من عيني

اتوقعت انه اي شي يصير مستحيل يأثر فينا

انا ما احب اجامل وماني مجبرة اجامل

ماني مستعدة اعيش حياتي بفشل :/

افكر عيلتنا كبيررررة ماشاء الله والخبر فيها بسرعة يوصل

رغم انه خبري كتمته من سنة وشهور ذحين الصدمة

في وجيههم

اكثر من سبب يجبرني ابتعد خايفة منهم

خايفة على نفسي


خايفة على قلبي

واخاف لا اقول اشياء انا ما ابيها



متاهة

وحيرة :/

عندي صديقة اسمها آية

من جد هي آية


لي ثلاث سنين كل يوم اجنن ماما بها

وكل مامر يووم تزيد مكانتها في قلبي

تعرف كيف تتعامل معي

ممكن عشانها تملك شخصيتي إلا في شيئين

هي اذا عصبت تعصب ع الكل وهي تهتم بكتبها للجنون

وانا اذا عصبني شخص عادي مع الباقين اما كتبي عليها العوض حتى بدون تجليد ::

وفيه شيء انا دوم مفهيه

وكلامي دايم مايفهمه إلا اللي عنده تفكير عميق

هي تفهمني عكس باقي البنات

وهي زي تغطي وجهها وماتلبس بنطلون إلا عليه بلوزة طويلة


وحافظة القرآن

احب تشابهنا وطريقة تفكيرنا وماعندها سخافة بنات ذي اليومين


عشان كذا احبها وحبنا في الله

الله يبقيها ويسعدها ومايحرمني منها ويجعلنا دوم رفقة صالحة نعين بعض ع الخير

والله يجمعنا في جناته ❤

آحب الانسان الرقيق المشاعر الواضح والعفوي

آحب اللي يهتم فيني


اعرف اثنين

اذا زعلت نظراتهم تلحقني

واذا احد وجعني بالحكي يغمضوا عيونهم عشان اهدأ

لمن امرض الأول يجيني ويجلس جنبي وهو يمسح على راسي ويسلم علي

والثاني اذا نمت احس فيه وهو يدخل ويشوف انتظام نفسي


واحد منهم يقولي مايجيني نوم إلا اذا بوستي عيوني

والثاني يقولي انتي في عيوني ارق انسانه واطيب قلب


الأول بالنسبة له طلباتي مجابة بدون نقاش

والثاني يعتبرني جزء منه وهو له حرية التحكم بحياتي


اثنينهم مصدر سعادتي وابتسامتي


في حياتي رجلين ملكو قلبي وغرقوني بحنانهم


الاول بابا والثاني اخوي اللي يكبرني بسنتين عبودي حبيب قلبي وروحي