كاتب الموضوع :
مُبَعثرَه!!
المنتدى :
ارشيف خاص بالقصص غير المكتمله
>>>>>>>>>>>>>>>>>>>>>>>>>>>>>>>>>>>>>>>>>>>>>
البارت الأول
***********
صادقت الموت وصار اعز اصحابي ..
ترجيته لجل يسحبني وانا بصلاتي...
ايه نعم تمنيت الموت ولا فراق احبابي...
بس قبلها اعلنت انسحابي....
من بعد هجرهم ماعاد لي بالدنيا مكاني..
قدمت المحبه ايه المحبه ورموها بالقاعي...
بقلمي..
............................
تعريف لبعض الشخصيات
ابو روان(بدر): عمره 40 سنة مالك احد اكبر الشركات الاسلامة في اوروبا شخص حنون جدا مع ابنته ويعتبر رجل المواقف الصعبه
روان: عمرها 22 انسانه غريبه بكل معنى الكلمه فشخصيتها الحقيقيه تظهر لوالدها وصديقتها فقط ومع اي شخص غريب تكون انسانه ثانيه وتعامل بجفاء الا فيما ندر وتكره الرجال بصفه عامة جسمها رياضي و رشيق لها عينان رمادية وشعر اسود كالليل
عائلة ابو رعد
ابو رعد (صالح): عمره 60 انسان مزيج بين الماضي والحاضر فهو يحمل صفات رجال الماضي من شجاعة و كرم الخ .
لكنه مواكب العصر الحديث ومتفهم لجيله
ملامحه حاده جدا بشرته برونزيه وعيناه عسلي فاتح
ام رعد( بدريه):عمرها 51 ايطالية الاصل لكنها ترعرعت في السعودية مع اهلها عيونها سوداء وشعرها كستنائي مرحة جدا وعطوفه
رعد: عمره 26 شخصيته جدا قويه مرح جدا لكن لا احد يعلم عن هذه الصفه غير اهله والمقربين فقط يعشق التحدي و ويظهر الحنية احيانا
ملامحه حادة من ابيه ببشره برونزية وشعره كستنائي كأمه
كاسر: عمره 23 انسان ممتع ومضحك ومرح مستهتر ايضا
يشبه اخاه الى حد كبير لكن بشعر اسود فقط لكنهما يبدوان كتوأم
ريانه: عمرها 20 سبحان الله فيها دلع رباني وهذا سبب غيرة كل البنات منها مستهتره قليلا وتعشق التنظيم
بشرتها بيضا وتملك عينان كأبيها وشعر كأمها
في قاعة الاجتماع
روان: وهكذا تكون فكرة المشروع بإختصار مجمع للمسلمين العرب في إيطاليا يشمل وحدات سكنية و أسواق اسلاميه و حدائق ومستشفيات ومساجد حتى يشعرون بأنهم في بلادهم حقا وهذه المشروع الاول من نوعه في العالم بأسره و عندما ينجح المشروع بإذن الله سننشئ هذه المجمعات في البلاد الغربيه الاخرى .
وشكرا على حسن استماعكم
رعد في نفسه يتذكر موقف صار قبل دخولهم للإجتماع كان طالع من الحمام شوي الا شاف روان واقفه بعيد عنه شوي وتطالعه بنظرات استحقار تتقنها منذ الصغر ثم استدارت عنه ودخلت الى القاعه
"اوف هذي هذي اش تبغى اللي يشوفها وهي تناظرني يقول كأني ذبحت واحد من اهلها والله ما اخلي ذي الصفقه تتم على خير "
كاسر بهمس: رعد رعد
ورعد في عالم ثاني يتوعد في روان
كاسر دقه بقوه بدون محد ينبه التفت عليه رعد بحده لقى كاسر يأشر بعيونه على اللي حوله جالسين بالقاعه وبهمس اخر: ينتظرون تصويتك يا خبل
ابتسم رعد ابتسامتة اللي ياما البنات يعشقونها : انا اعترض
روان برفعة حاجب وابتسامة متصنعه: هل لي بمعرفة سبب اعتراضك حتى نعالجه وفي نفسها"والله وطحت في الفخ يا رعيد هه"
رعد بتلعثم لانه ما يدري وش الفكره اصلا: اا مم ااا موقع المبنى في المدينة غير مناسب
ضحكوا كل من في القاعة وهو كالابله ينظر اليهم وبحدة :هل هناك ما يضحك؟!!
روان : لكن نحن لم نحدد الموقع بعد ولم نتطرق اليه اصلا هل هناك من سبب اخر ؟
سكرتير رعد ايطالي يهمس الى رعد: سيدي ان الفكرة جيده جدا و ان لم تكن كذلك فيكفي ان الفتاة التي طرحتها جميله جدا وافق ارجوك
رعد ويشعر بشعور مخزي بعد الذي حصل ويأتي هذا ليمدح عدوته الجديده كم يتمنى الان رميه بعيدا الفتت الى ابيه وجده يبتسم ابتسامة بمعنى وافق وعلى الفور تغيرت ملامحه الى ملامح وعيد رعد بأمنيه ملحه " اتمنى ان تنسلخ روحي عن جسدي وتهرب بعيدا "
وبصوت كله رجوله: حسنا بعد التفكير القصير اوافق على المشروع وليس لدي اي اعتراض
(خارج قاعة الاجتماع)
تقدمت روان الى رعد وبأبتسامة سخرية : بذا الانتقام نكون تعادلنا
رعد باستفهام: اي انتقام؟!
روان باشمئزاز: لا تتصنع الجهل والغباء
واستدارت عنه ثم ذهبت
في هذه اللحظه استشاط رعد غضبا كيف لفتاة ان تفعل به هذا تجعله اضحوكة!!
وهو الذي من هيبته يسكت كل من حوله سأريك يا أيتها... استغفر الله
حسنا سأجاريك ونرى ما النهاية
كاسر بعجله : رعد قل لأبوي اني طالع عندي شي ضروري اسويه
رعد بهدوء عكس ما بداخله: طيب طيب
.......................................
( في مكتب ابو رعد)
دخل سكرتيره الخاص: سيدي لديك اتصال من شخص يدعى " جيوفاني"
ارتعدت اوصال ابو رعد عند سماع الاسم ماذا يريد بعد كل تلك السنين وبأمر حازم: حسنا
رفع السماعه وبقلق واضح في صوته: مرحبا جيوفاني
: انا لست جيوفاني انا تابعه سيدي يريد منك ان تقابله الليله في المكان المعتاد وان تحضر ابنك رعد معك الى اللقاء
لوهلة غاب ابو رعد عن العالم
تسؤلات كثيره تثير شي في نفسه وماضي يمر بسرعة هائله امام ناظريه
ماضي مشرف ومؤلم لا يريد ان يرى ابنه رعد في نفس الحال التي كان عليها قبل 35 سنة : انا كنت بعقلي يوم وعدت جيوفاني بتدريب رعد يارب يسر امري
.............................
في بلاد تبعد الآف الكيلو مترات على ارضنا الحبيبه السعوديه تحديدا جده
عائلة تتسم بالهدوء ومحببة من قبل الجميع للطفهم مع الكل
عائلة ابو اسامه
ابو اسامة ( عبدالرحمن): عمره 57 سنة انسان يقضي اغلب وقته في المسجد هادئ جدا ملامحه هادئه ببشره سمراء
ام اسامه( فادية): عمرها 50 سنه انسانه لطيفه جدا وخجوله وسمينه بعض الشي ملامحها رقيقه لابعد الحدود
اسامه:عمره 24 سنه انسان يحب يمزح وينكت على خلق الله مزاجي لأبعد حد يشبه اباه كثيرا
ريم: عمرها 20 سنه رومنسية لابعد حد خجوله ايضا
تشبه امها لكنها انحف
فادي: عمره 18 سنه غامض بغرابه قليل الكلام بصوت عالي جدا
عيونه رماديه تضفي جاذبيه على وجه اسود الشعر ونحيف جدا
:يمهههه
الام: نعمم
:ودي كذا نروح الشرقيه نفسي في بحر
الام: بحر مع ذا الحر وش ذا المزاج تبغين نحترق
: مو نحترق يممه بالعكس تان طبيعي
دخل في هذه اللحظه وسمع اخر كلمات اخته:ههههههههه تان طبيعي "بعدين وقف وقفة كأنه في دعاية" التان الطبيعي يأتيكم مع ريم ههههههههههههههههههههههههههههه
ريم بحمق: اسامه خلك ساكت انت وش دخلك بعدين تخرب المخططات اللي كنت ناوية عليها في الشرقيه
اسامه: اكيد مع حبيب الألب "ويقلد صوتها الناعم" حماادي
ريم بخجل:اش دخل احمد الحين انتو تدخلونه بكل شي
الام:اكيد قريب ان شاء الله بتصرين زوجته على سنة الله ورسوله
ريم بخجل يفتك بوجنتيها وهمس رقيق: ان شاء الله
: رييييييييييييييييييييييييييييييييييييييييييييم
الام: ياربي متى يهجد ذا الولد صوته عالي
ريم : نعم اش تبغا الحين
:ابغا شاهي
ريم :شفه قدامك صب لعمرك
اسامه : فادي
فادي :هلا " وما امداه يقول هلا الا وطااخ ضربه اسامه على جبهته"
اسامه : انا كم مره قلت لك صوتك لاتخليه عالي زي كذا حشى مو صوت الا مأذنه المسجد
فادي: يمممممممممه شوفي ولدك بس يضرب فيني
الام : احسن خلك عشان مرره ثانيه صوتك ما يصير عالي زي كذا
فادي بحمق وهمس: بس ما يضربني ماني بزر
ريم : يمممه بروح انام شوي قوموني المغرب
واطلعت لغرفتها وعلطول مسكت الجوال ودقت على اول رقم وقلبها يرقص من شدة الفرح اشتاقة له مره وهي توها الصباح كلمته
:هلا هلا بالي ماخذ الفكر كله
ريم بخجل : هلا احمد كيفيك
احمد : تعبان
ريم بقلق : ليه وش فيك عسى ما شر
احمد : ابد بس لأني ما سمعت صوتك
ريم بضحكة جعلت عقله جنون: خوفتني
احمد: فديت الضحكه وصاحبها
واستمرت محادثة العشيقين بحب يملأ الكون بما فيه؟
قصة عشقهم الكل يعلم عنها منذ طفولتهما وحافظا على هذا الحب الى هذه اللحظه لكن هل سيستمر ؟
................................
عودة لإطاليا بلد العشاق
في منزل ابو رعد الأخوان مجتمعين على الغداء
كاسر : رعد انت شفيك اليوم معارض على المشروع ومعصب وتتأتئ
وفوق كذا سرحان اش عندك شكل روان خذت عقلك هههه
رعد بحدة: ما فكرت فيها ولا للححظه فهمت ولا خذت عقلي ولا شي اركد انت بس
ريانه : من هذي؟
كاسر :هذي الله يسلمك انسانه جميله جدا مديرة الشركة اللي عقدنا معها الصفقه اليوم
ريانه: وش اسمها شكلك خقيت عندها؟
كاسر: روان بنت بدر
ريانه شرقت وهي تاكل : كح كح
التفتو لها كاسر ورعد: بسم الله وش فيك؟
ريانه:اعرفها يوم كانت في الجامعه بس كنت اعرفها بالاسم لا اكثر
ريانه وبغمضة طرف اكتسى وجهها بالجديه: الحمد لله شبعت
كاسر : وش فيها ذي فجأه انقلبت نسيت اقولك رعيد ابوي يبغاك بعد ما تخلص من اكلك
رعد: ان شاء الله
....................
(في منزل بدر ابو روان بغرفة روان تحديدا تحادث اعز صديقاتها)
صديقتها : عندي لك خبر بمليون
روان : اول انا اقولك وش عندي
صديقتها : يلا قولي
روان: تتذكرين ذاك اللي اقولك كب علي العصير وما اعتذر وقام يضحك علي بعد >< في حفل تكريم المشاريع لشركات الاسلاميه
صديقتها : ايه
روان : قابلته اليوم واكتشفت انه عنيد فقبل ما ادخل الاجتماع استحقرته وانا عارفة انه راح يقعد يفكر ليه سويت كذا وسرح ويوم جا دوره يصوت بالموافقه او لا قال اعترض ببجاحه سألته ليه طلع بسسب حنا لسى ما طرحناه اصلا يا انه صار اضحوكه علطول طاح بفخي كذا تعادلنا هه
صديقتها بشك : وش اسمه
روان : اممم رعد
صديقتها بخبث: اها رعد حلو اسمه
روان: اسمه !! ووووع ماتوا اللي يسمون بذا الاسم
و استمروا بالحديث و روان في كل لحظه تحمد الخالق لانه انعم عليها بنعمه كهذه وجود ابيها وصديقتها في حياتها الخاليه من الاشخاص سواهما
......................
(في مكتب ابو رعد)
ابو رعد: ادخل وسكر الباب يا ولدي
رعد: سم يبه وش بغيت
ابو رعد وهو متوتر: يا ولدي اليوم راح نقابل ...
رعد: ايه يبه نقابل مين؟
ابو رعد: شف وانا ابوك انا قطعت وعد في لحظة طيش ومو شرط تنفذه عشاني و...
رعد : قطعت وعد لمين؟
ابو رعد: للرجال اللي راح نقابله الليله وابغا منك ما تصدق اي شي يقوله وانا ابوك وهذا اللي عندي
رعد يحاول يستوعب معنى الكلام مو قادر بس قام بهدوء احتراما لرغبة ابيه
.................................
(حان موعد اللقاء)
رعد وابيه يمشون في ازقة احد ضواحي مدينة روما
رعد باستغراب: يبه كان اخذنا السياره اسهل مو نوقفها بعيد
ابو رعد: المكان اللي راح نتقابل فيه مافي مكان لسيارات وما ابغا احد يلاحظنا
رعد التزم الصمت مرة اخرى
وبعد مسيرة دقائق دخلا الى بيت يوشك على الانهيار وصعدا الدرج الى ان وصلا الى بهو في الطابق العلوي وكان هناك شخص بجسم ضخم ومنكبين عريضين ووجه لوحته الشمس مع علامة تميزه جرح في خده الايسر جالسا على كرسي مصنوع من خشب عتيق .
وقف ليصافحهما بنظرة ثاقبة تحلل حالة رعد الان
جيوفاني: مرحبا بكم منذ زمن لم ارك يا سالح هل اصبحت 34 سنه؟
ابو رعد بأبتسمة مصطنعه بصعوبه: نعم نعم
جيوفاني:اذا هذا هو ابنك رئد اهلا بك
رعد : اهلا
جيوفاني: تفضلو بالجلوس
بعد تفكير سريع اردف : هل اخبرته عن سبب لقائنا؟
ابو رعد حرك رأسه يمنة ويسره بصمت
جيوفاني: هذا ما اراه حسنا انصت لي يا رئد جيدا احفظ كل كلمه سأقولها لك لأني لن اعيد هذا الحديث ابدا
رعد ارهف سمعه جيدا
جيوفاني:....
(بعد ساعتين)
خرج رعد لوحده وهو يترنح بجسده ,يشعر ان الارض ضيقة جدا بحجم كفه يريد ان يتنفس لكن لا هواء حوله رمى بجسده على الارض يفكر بكل كلمه قالها جيوفاني له ,ضاعت عيناه في الارض كانت انظاره تائهه : كيف...انا...راح اسوي هذا!! ابوي كيف...
وبصرخه زعزت كيانه وضع رأسه على حائط المنزل الذي خرج منه وانتظر اباه
خرج ابو رعد بغضب يعتريه:رعد يلا مشينا
رعد بصمت تبعه فقط وهو لا يعلم كيف يسير
ركبو السياره وطول الطريق الصمت سيد الموقف انعطف ابو رعد لطريق غير طريق منزله ثم توقف عند محل صغير:استناني شوي
رعد في عالم اخر وما يدري وش قال ابوه
عاد ابو رعد وعندما استقر في مقعده رمى شيئا ثقيل الوزن في حجر رعد
انتبه رعد لشئ المستقر في حجره وتوسعت عيناه على الفور :
يببببببه!! مممم...
..............................
(في مكان اخر في المدينه)
روان كانت تتسوق من بعض محلات الفواكه في الاسواق القديمه وتتجاذب اطراف الحديث مع البائعات كالعادة فاصبحوا يعرفونها جيدا واحبوها بشكل كبير
وعندما انتهت ارادت العودة الى البيت فاتصلت بسائقها
راحت تتمشى شوي تضيع وقتها وهي تنتظر فجأه سمعت ضحكات اصواتها غريبه يوم التفت لمصدر الصوت تفاجأت بشواذ من الرجال : استغفر الله هذولا كيف عايشين بعديين ووع لبسهم مو لايق ابد بحرم البس فساتين بسبة المنظر ذا الله يهديهم
:اهئ اهئ
روان تسمع صوت بكاء غريب ايضا
: اهئ اهئ تركني في منتصف الرقصه هل تتخيلون اهئ اهئ
روان دققت في الشخص كأنها تعرفه
توسعت عينا روان بقوه انها تعرف الشخص نعم
: هذا من الشركة اللي فيها رعد ...شاااذ!!
..............................
اعلم ان البارت قصير جدا لكن هذا ما تسنى لي كتابته في الايام الفائته اعدكم ببارت اطول بأذن الله
اللهم اغفر لشهداء سوريا
|
04-08-12, 06:21 AM
جديد مواضيع قسم ارشيف خاص بالقصص غير المكتمله
العرض العادي
