-: وش رديتي عليها؟
"سحايب بتوتر": قلت لها لسه ماصار شي وعطيني فرصه أفكر..
ميار: ماأطرت لك عن نيته بالزواج أو من هالسوالف..
سحايب: لأ بس قرأت لي قصيده ثانيه من قصايده الجديده وكالعاده مافهمت شي بس عجبني أسلوبها مره حلو...
ميار: ياسحايب أسمعيها مني نصيحـــه.. لاتفرطين ببندر لأنه واضح إنه إنسان واقعي وجدي وفوق هذا يحبك وشاريك..
سحايب: إذا يحبني صدق يتقدم لي..
ميار: خلينا من حكي الأفلام والمسلسلات معروف إن أي علاقه بين شاب وبنت تبدأ بالحب وأيامه الحلوه وبعدين يصير الجد خطبه وزواج..
سحايب: وأنا وش يضمن لي إنه إذا بادلته هالحب بيتزوجني ماتدرين يمكن يطلع من هالشباب الطايشين اللي يحبون يجددون علاقاتهم بين فتره والثانيه.. مو لأنه شاعر مشهور خليتوه منزه عن كل غلط؟
"ميار وهي تصر على أسنانها": غبيه وماتفهمين ولاتستوعبين..
سحايب: لاتغطلين؟ ترى أنا اللي متصله عليك وبأمكاني أسمعك صوت القطار الحين..
ميار: طييييييري على قولة ميريام.. المهم أنا أبي أنزل تحت عند أبوي وأخواني أجلس معهم..
سحايب: والله إنك تحفه تنزلين وتسمعين كم كلمة تغثك من فيصل وتزعلين بعدين ترضين من نفسك..
ميار: وش أسوي عاد بس أهم شي إنه مايمد إيده علي ويضربني أشوه يخاف من أبوي وصلاح..
سحايب: تعقدتي من سالفة سميه؟
ميار: كثير كسرت خاطري بجد تحزن وماتستاهل اللي صار فيها..
سحايب: تخيلي يصير لك زي ماصار فيها تهقين (لزيزوه) وش راح يسوي..؟
"تنهدت ميار": آآآآه عاد عصبية لزيز تجننننن بس أنـــا وين وهـــو وين.. بس لو كنا قراب من بعض وعلى تواصل دايم بخطبه أو ملكه أكييييييــ.....ـــد ماراح يتخلى عني وبيوقف معي لو حصل لي أي مكروه لاسمح الله..
سحايب: أحلامك كبيره عالعموم إنشاءالله مايخيب ظنك هالزيز..
ميار: آميــــــن وأكيد عن قريب بتتحقق أمنيتي..
سحايب: يالله عاد طيري أبي أتابع المبـــاراة..
ميار: كفوك مباريات تاركه الشاعر على دكة الأحتياط ومشغوله عنه بأهتمامات شبابيه بحته مانتي بقدها ياأنثـــى ..
"سحايب وهي تمزح": أبي أروح أتابعها يمكن يفوز النصر على حضور الشاعر الكريم بدوانيتنا لأن ميوله مع خصمنا ومتعصب بعد..
"ميار وهي ماسكه الريموت وتحط على سعودي سبورت": وش دراك إن بندر مايشجع النصر؟
سحايب: قالت لي وفاء وياكبر شرهته جاي يشجع عندنا! وإذا فاز النصر وش تسوى عليه لو طاح وجهه بخسارة فريقه..
"ميار وهي تضحك": إذاااااااااا!!! وبقولك شي ترا النتيجه 0/1 لـــ الخصــم.. طيري باااااااي ههههههههههههه

__________________________

(سكرت السماعه ميار وقامت راحت للباب بتطلع بس رجعت لماسمعت التيلفون يرن.. ناظرت بالكاشف وأبتسمت لماشافت رقم جوال عـذاري)..
-: هلا والله بهالصوووووت قبل أسمعه..
"عذاري بإنفعال": ولا كلمه زعلانــــــه عليك يادبا وش هالقطاعه؟ وإلا عشان خلصت مصلحتك معي ماعاد لي قيمه عندك؟
"أنصدمت ميار من كلمتها وجاوبتها بضيق": الحين أنا صرت راعية مصالح ياعذاري؟ هذا كلام جديد أول مره أسمعه وما أدري هو طالع من قلبك وإلا .....؟
"عذاري وهي تضحك": أمزح معك يالخايسه بسرعه صدقتي الظاهر إنك تدورين علي الزله عشان تزعلين.. هههههههههههههههههههههه
"ميار وبدون نفس": حتى أنا أمزح!!
عذاري: ميوووووووور وش فيك من جدك زعلتي؟
ميار: لأ آفا عليك أزعل من الكل ولا أزعل منك..
عذاري: أكيد؟ لأن عندي لك بشاره حلوه تخصك إذا بتظلين ماده البوز ماأقولك..
"أبتسمت ميار وهي تجلس": الله يقطع أبليسك لاماده البوز ولاشي بس كنت أبي أنزل لأبوي وأخواني وهونت قولي لي وش عندك..
عذاري: الخبر اللي عندي يسوى أهلك كلهم وإنتي تنتظرينه من سنتين..!!!!
"ميار وهي متفاجأه": أنتظره؟ خير وش هو الخبر..
"عذاري بحماس": يزيد راح يتقدم لك عن قريب.. مرام ولولوه زفوا لي هالخبر السعيد من يومين وظلت الأتصالات مستمره بينا لحد قبل شوي أكدوا لي الخبر وقالوا إن يزيد طلب منهم وقت عشان يفكر بالموضوع..
"ميار بإستهزاء": خلاص عطوه فرصه يفكر فيني لاتضغطون عليه وتجبرونه علي ترى حرام زواج الإكراه..
"شهقت عذاري وتكلمت بصوت أشبه بالصراخ": تتطنزين حضرتك؟ مو هذا اللي إنتي تبينه إن يزيد يحبك ويتعلق فيك؟
عمتي ودها فيك زوجه لولدها وهي اللي كلمت يزيد عنك و وافق بس إن عنده شوية ترتيبات ويخلصها وبعدها يتقدم لك..
ميار: ............
عذاري: لاتسكتين ردي علي..
"ميار ببرود": وش تبيني أقول؟
عذاري: وش هالتبلد اللي فيك للدرجه هذي طابت نفسك من يزيد وين الحب والأهتمام! صبرتي سنتين ولما تحقق حلمك تتكلمين كأنه مو عاجبك..
"ميار والدموع متحجره بعيونها": إيه مو عاجبني وش يدريني يمكن يكون مايبيني بس يوافق علي عشان أمه هنا بتنداس على كرامتي وهذا الشي ماأبيه..إذا مافيه بينا حب متبادل بلا هذا الزواج ولا أبغاه يصير..
"عذاري بأنفعال": هييييييه جنيتي إنتي وش دخل كرامتك في الموضوع.. أبي أعرف شي واحد إنتي موافقه على يزيد وإلا لأ؟
"ميار بنبرة صوت حاده": لأ!!!
"صرخت عذاري": ميار وش فيك وش صار لعقلك أنهبلتي؟
ميار: لأ بالعكس حطيت عقلي براسي وراجعت حساباتي بحبي ليزيد ولقيت إنه مايستاهل كل هذا الحب والله يعوضني بأنسان يحبني يهتم فيني ويعطيني قلبه قبل ماأنا أعطيه..
عذاري: الظاهر نفسيتك تعبانه ومزعوجه من شي وحطيتي حرتك بيزيد..أنا غلطانه إني فتحت معك هذا الموضوع خلااااااص إنسي الكلام اللي قلته ok..
ميار: لامزعوجه ولاشي بس إنتي اللي مو راضيه تستوعبين وجهة نظري..
"عذاري بملل": بكره إذا صار الموضوع جد راح توافقين وإنتي تضحكين وراح أذكرك بكلامي هذا...

(ميار بداخلها فرحانه بالخبر بس أنقهرت من يزيد وأهله وفهمت من كلام عذاري إنهم مو متقبلينها زياده وحست إنها قاطه عمرها عليهم لو وافقت بسهوله وكانت تكابر عشان ماتبين لعذاري إنها خفيفه ومذبوحه على يزيد ومن زود حبها له ممكن تدوس على كرامتها)..!!

"ميار وهي تغير الموضوع": شخبارك إنتي وخالي طلال وأمك ليه ماتزورونا؟
عذاري: مين المفروض يزور الثاني إحنا وإلا إنتي؟ لأن عمتي كل أسبوع تجينا بس إنتي من شهر لشهر..
ميار: معك حق المفروض أنا أزورك لأن من زمان ماشفت خالي وسلمت عليه وإنشاءالله الأربعاء أنا عندك..
عذاري: بيتنا وقلبي مفتوح لك وراح أفرش لك الأرض ورد إذا ودك!
ميار: تسلمين ياعمري.. إلا بسألك شخبار حبيبك متى ناوي يتقدم لك..؟
"عذاري بدلع": ماأدري بس يقول إنه قاعد يقنع أهله وانشاءالله يوافقون..
"ميار بخبث": ليه؟ هم رافضينك؟
"عذاري بغرور": لأ ياحبيتي المنه عليهم إذا وافقت والله يحمدون ربهم بس هو عجز يفهم أهله إن فيه أنسانه ماخذه قلبه وعقله ومستحيل يفكر بغيرها وأهله ودهم يتزوج من بنات عمامه أو خواله لأن كلهم يحبونه وأمنيتهم يتزوج وحده من بناتهم..
ميار: الله يخليه لك ويبعدهم عنه..
"عذاري بخوف": آمين والله إيدي على قلبي خايفه يتزوج غيري..
ميار: دامك واثقه من نفسك ليه الخوف..
عذاري: بموووت بموووت ياميار لو تزوج غيري.. صديقاتي بالجامعه كل وحده خذت اللي تتمناه وماظل إلا أنا وإنتي..
ميار: إنتي على الأقل أحسن مني مو أنا طاح حظي..
عذاري: ميور أنا طولت على جوالي تجين الأربعاء ونتفاهم..
ميار: ‎ ok‏بـــاي..


&&&&&&&&&&&&&&&&&&&&&&&&&&&&&&&&&&&&&&


يـــوم الخميــــــس...
(1/8)


اليوم حفلة خطوبة لجين..
كان الكل فرحان ومبسوط لها وأولهم (راويه وأمها وجدتها) والكل مبهور بجمالها وأناقتها واللي حلاها أكثر الخجل الباين عليها.. بس اللي نكد عليهم فرحتهم وخصوصآ راويه خالتها نظيره وبنات خالها سلمى وغاليه والغيره الطالعه من عيونهم..
جلست لجين في غرفة الأستقبال وراحوا الحضور يسلمون عليها وهم عماتها ورباب وكانت رباب رافضه إنها تحضر بس لجين وراويه أصروا إنها تجي بس حست بالأحراج لأن الكل يناظرها ومتعجب لأنها غريبه عنهم..

"سلمى وهي تهمس لغاليه": وش هالأشكال الغريبه اللي حاضره الحفله؟
غاليه: مين قصدك_هذيك اللي لابسه بنفسجي؟
سلمى: إيه هذي أول مره أشوفها لأ وماخذه راحتها وكأنها متعوده عليهم..
غاليه: دقيقه أبي أسأل عمتي نظيره..
"ألتفتت غاليه على نظيره وسألتها ورجعت تكلم سلمى وهي تضحك": بيــــــاعه!!! ههههههههههههههههههههههههه
"سلمى وهي كاتمه ضحكتها": كفوهم هالأشكال هذي (بياعه)؟ أكيد دايم يشترون منها ملابس عشان كذا لبسهم خلاقين!!!
غاليه: قومي قومي ناديها خلينا نسولف معها ونعرف وش قصتها..
سلمى: لأ أنتظري بنهاية الحفله نناديها الحين بيدخل عريس الغفله ويلبس الهانم الخاتم..
غاليه: حظها قوي_ مدير بنك مره وحده وهي موظفه بعد ياااااابختها..
سلمى: صح وظيفته ضربه حلوه بحظها بس الضربه الأقوى لو طلع حلو ومزيون والله بموت من القهر..
"قربت لهم راويه وقدمت لهم العصير وهي تحاول تبتسم"
"غاليه وبدون نفس": بفرحتك إنشاءالله..
"سلمى وهي تآخذ العصير": ثانكس..إلا بسألك متى يدخل زوج أختك؟
"هزت كتوفها راويه يعني (ماأدري) بدون ماتتكلم وراحت وألتفتت سلمى على غاليه": قطيعه تقطعها من الحين شايفه حالها إن أختها بتزوج..
غاليه: لاتلومينها أكيد من فرحتها مو عارفه تعبر لأن أول مره يدق باب خاطب..
"سلمى بغرور": مساكين أنـــا اللي خطابي مايخلصون دايم متواضعه وطبيعيه قدام الناس بس هي ياحرام أكيد إن عندها عقد نفسيه لاتعد ولاتحصى لأن سكوتها يخوف..
غاليه: جهزي عباتك أشوفهم أحتاسوا أكيد أن العريس بيدخل..


¥=¥=¥=¥=¥=¥=¥=¥=¥=¥=¥=¥=¥=¥


-: وهذا كل اللي صار بحفلة الخطوبه أنا عطيتك الموجز بالتفصيييييل.. وتمنيت إني أزورك وتحلى السوالف وجهآ لوجه بس مالقيت أحد يآخذني لك..
"درر وهي تتنهد": آآآآآه يالله مو مشكله بس حسره علي رضيت بردى حظي وحظي مارضا بي.. قلتي لي إن علي طاير من الفرحه عالسندريـــلا؟
"لطيفه وهي تضحك": على قولتك سندريلا بس ترى علي أحلى منها كذا أمي تقول..
درر: الله يهنيه ويوفقه بحياته..
لطيفه: من كل قلبك هالدعوه؟
درر: أكيد من قلب حرام أفكر فيه وهو متزوج كذا بظلم زوجته..
لطيفه: الله يسمعنا الأخبار الطيبه.. إلا بسألك شخبار أختك أسماء؟
درر: بخير أمس كلمتها وتسلم عليك وتسأل عن الــ بي إم والهمر اللي في المخيم اللي خقيتي عندهم؟ هعهعهعهعهع
"لطيفه بقهر": أخذتيهم مني ياخاينه..
درر: ماأخذت إلا واحد والباقي لك أختاري..
لطيفه: لأ ياحبيبتي أنا ماأرضى أضيع وقتي مع واحد لا أعرفه ولا يعرفني وأفكر فيه وهو مادرى عني..
"درر وهي تمزح": وش قصدك طفطف بدينا بالمعاير..؟
"لطيفه وتحاول تقنعها": يادبا فكري بعقلك هذولا العائله مو أي أحد يخطبونه لشبابهم أهم فوق وأحنا تحت..
درر: وأنا أي أحد ياخايسه؟ بعدين إحنا كلنا عالأرض وصح إنهم على كثر فلوسهم القراوه راكبتهم من ساسهم لراسهم وماضيهم ملطخ بالبداوه (بــر وغنم) بس أنا مستغربه كيف طلع منهم المزيون (نـــواف)..؟
لطيفه: عاشت الأسامي نواف أحس إنك تنطقينه بثقل لأن لسانك تعود على علي..؟
درر: لأ خلاص علي راح وراحت أيامه لأني نسيته..
"شهقت لطيفه": ماأمداك تنسينه أمس حفلة خطبته؟ طيب أبي أعرف إنتي شفتي نواف عشان تحبينه؟
درر: لأ .. بس الأذن تعشق قبل العين........
"تقاطعها لطيفه وهي تصرخ": الله لايعطيك عافيه على هالتفكير المجنون وأنا من كل عقلي أسمع لك وإنتي أساسآ لا شفتيه ولاتعرفين عنه شي غير غنم أهله وسيارته..؟
درر: من وين لي أعرفه حسره علي إحنا بنات خجولات حدنا نحب ونفكر بشخص من بعيد تربيتنا وأحترامنا لأنفسنا ولأهلنا فرض علينا حواجز وخطوط حمرا كثيره عودنا أعمارنا عليها وصعبه نتخطاها ونتجاوزها..
لطيفه: صحيح معك حق باللي قلتيه..
درر: إحنا ماتربينا عالجرأه والحريه الزايده وعدم الرقابه من النفس والأهل.. وإلا لو نملك الأشياء هذي كان تصرفنا على هوانا وضبطنا أعمارنا عند اللي نحبهم ونتعلق فيهم بجرأتنا معهم..
لطيفه: الجرأه تلعب دورها بكل خطوه بحياتنا بس الواقع إن ¾ الشباب يحتقرون جرأة البنات معهم و¼ يأيدها وعاجبته لأن ماعنده قيم وأخلاق تحكم تصرفاته ورغباته..
درر: وإحنا مجتمعنا يرفضها من قريب وبعيد عشان كذا ياطفطف اقولك البعد والصد لذيذ لما يكون أيماننا بواقعنا قوي وحبنا لأحلامنا أقوى..
لطيفه: ياحركات صاير تفكيرك درر..
درر: مو توك تقولين مجنون؟
لطيفه: آسفه حبيبتي بس أقتنعت بكلامك..
درر: المشكله إني دايم أعيد وأزيد فيه بس إنتي ماتستوعبين..
لطيفه: خلصنا عاد المهم وش متوقعه لنفسك مع حبك الجديد نـــواف؟
درر: ماأدري بس إنشاءالله يضرب حظي هالمره ويتزوجني......؟


§/§/§/§/§/§/§/§/§/§/§/§/§/§/§/§/§/


-: فعــــــلآ ضرب حظها وكسر حجر!!!
غاليه: يخرب بيتها على هالعريس من وين طلع لها؟
سلمى: شق الأرض وطلع ملعون خير جمال ووسامه ووظيفه محترمه وفوق هذا تكانه وأبتسامته ثقيله ومن دخل ولبسها الشبكه ماأنحرفت عينه وناظر الحريم اللي تارسه الغرفه..
غاليه: لأ وأمه وخواته طايرات فيها مدري وش عليه على الجمال اللي يغطي على جمال نانسي وأليسا وإلا اللبس الحلو والأنيق..
سلمى: إلا قولي هي اللي طايره من الفرحه وشاقه الحلق بالأبتسامه.. يمااااااه يابنات هالأيام جريئات مره!!!
غاليه: الحين هي جالسه معه بلحالهم تلاقينها مبسوطه فيه وأتوقع هو ساكت وهي تقرق وتسولف فشششششله والله راح ينقد الرجال على تربية عمتي لأنها عودتهم على الجرأه..!!!!
سلمى: أنا مو ذابحني غير هالراويه هذي اللي من أول الحفله وهي هاديه مسويه فيها برستيج وأتيكيت..أحس إنها تتعمد تتصرف قدامنا كذا وإلا هي مرجوجه وخفيفه.. بالمدرسه مسويه شله فوق الست بنات وكلهم حق فرفشه وضحك وماأتوقع إنهم بيتحملون هدوءها إلا لأنها مثلهم..
غاليه: وش دراك عنها إذا إنتي بمدرسه وهي بمدرسه..
سلمى: وحده من صديقاتي نقلت لمدرستها ومعها بنفس الفصل ودايم تسولف لي عنها وتجيب أخبارها..
غاليه: من هي صديقتك؟
سلمى: خـــلـــــــــــــــــود!!
"غاليه وكأنها تذكرت شي": صحيح سلمى شوفي هذيك البياعه أم بنفسجي وينهــا ناديها نبي نسولف معها..
سلمى: شفتها لبست عباتها وسلمت على عمتي وراحت..
غاليه: حسااااااااافه تمنيت أعرف وش قصتها.. طيب قومي حطيي لي بصحن من الكاتوه اللي جابته عمتي نظيره لــ لجين_والله خساره فيها بس عمتي نظيره طيبه وخيرها سابق وأفضالها كثيره عالصغير والكبير واللي يستاهل واللي مايستاهل..!!!!!


;;;:::;;;:::;;;:::;;;:::;;;:::;;;:::;;;:::;;;:::;; ;:::



₪[أسـمـعـك يـالـلـي تـنـاديني; يـا.. ابو قـلـب خـلـي
بـس أنـا مـاني خـلـي الـقـلب لجل أسـكـت وأجـيـك! ,.,
الخـلـي مـاهـو بـقـلـب من هيـامـك ممتـلـي
الخـلـي قـلـب آدمي شـافـك ولا هـام فـيـك ,.,

أنـت زعـلان لـ..((جـفـاي)) ؟!
ومـا دريـت إن زعـلـي ;;
يـوم قـلـبـك مـا يـبـيـنـي قد ما قلـبـي "يـبـيـك"!!
حـتـى لـو عـيـت هـمـومـك في غيـابـي تـنـجـلـي
كـل هـذا مـا يـسـاوي لهفـتـي يـوم أحتريـك ,.,
وإن كان ما صـدقـت هـرجـي!
طـيـب اسـمـع مـا يـلـي
يـا حـبـيـبـي . .
يـا عـسـى ربـي يحفـظـك ويهـديـك . .
جـايـز إنـك فـي غـيـابـي تقـلـب الـدنـيـا عـلـي
بـس أنـا مـن قـبـل أعـرفـك قـالـب الدنـيـا علـيـك..]₪
فـهـد المساعـــد..



"سحايب وهي ماسكه المجله": تصدقين صرت أحب أقرأ الشعر مو بس أسمعه.. هذا الشاعر أتذكر أسمه من لما زرت أهل وفاء أول مره قال لي أحمد قصيده لنفس الشاعر هذا تجنن بس ماأتذكرها..
كنوده: إنتي زين إذا تذكرتي أسمك دايم (مفهيه) على قولة البحرينيين..
"سحايب بتردد": كنوده أبسألك.. شفتي لقاء الشاعر بندر أمس بالـــ TV.....؟
"كنوده بحماس": إييييييييه تابعته مع فواز ياويلــــــي ياويلــــــي ياااااااابخت اللي بتتزوجه أمها داعية لها بليلة القدر جمال وأسلوب وقصايد تآخذ العقل..
"سرحت سحايب وهي تتنهد وتتذكر آخر قصيده قالها باللقاء وكان واضح إنها يقصدها"..
كنوده: شخبار وفاء تكلمينها وإلا العلاقه بينكم شبه مقطوعه؟
سحايب: لأ أكيد أنا على أتصال دايم معها..
"كنوده وهي تكتم ضحكتها": للحين معقده وإلا تعدلت نفسيتها..
سحايب: أول مره شفتها كنت أظن إنها معقده بس مع الزيارات والمكالمات أكتشفت إنها تـــوب..!
"كنوده بخبث": والدب عيسى وأحمد الغثيث؟؟؟
"أبتسمت سحايب بأنكسار لما سمعت أسم عيسى وبخاطرهــا": فديت هالدب حبيبي وأموووووت فييييييييه بس القهر إنه متزوج و متعلق بزوجته وبنته بشكل مو طبيعي هذا اللي عرفته من أسألتي الغير مباشره عنه وعن حياته..
أما انـا..!! لو أفكر فيه طول عمري مستحيل يتزوجني..
مو معقـــول اللي يصير لي كيف تتبدل قناعاتي بيوم وليله؟؟ كنت أنصح غيري وأنقد على حبهم وتفكيرهم بأشخاص مادروا عنهم آخرتها حبيت بعيد عن الواقع وتحبيت بالواقع.. آآآآه ياعيسى ماأنلام لو فكرت فيك لأنك رجال أجتمعت فيه كل الصفات الحلوه اللي تعجب كل بنت أولها الشخصيه والجمال وآخرها ..... لأ.... أسمحلي مالها آخر..
بس أنت خليتني أرفض بندر وأتجاهل حبه بسببك ولــ(سبب ثانــي) محد يعرفه غيري من بعد أهله..!!!
"أبتسمت سحايب وقالت بصوت مسموع": بس الحلو إني أعيش الحلم لما أصحصح على واقع حلو وهذي قناعه جديده بحياتي..
"رفعت رأسها كنوده من المجله وهي تناظر سحايب بتعجب": نعم نعم خيييير وش فيك إنتي من تكلمين..؟؟
"سحايب بتوتر": هاه مممما أأأأ هذي مقوله أعجبتني ودايم أرددها..
"كنوده وهي تسكر المجله بعصبيه": طيب أنا صار لي ساعه أسألك وماجاوبتيني على سؤالي شخبااااار أحمد ماسألتي وفاء عنه..
سحايب: وليه أسألها وش المناسبه؟
"كنوده بشك": يعني عقب حركاته لما زرتيهم وسوالفه آخاف تعلق فيك..
سحايب: لأ لايروح فكرك بعيد أنا كنت فاهمته غلط...
كنوده: شلـــون؟
سحايب: وفاء حكت لي إنه بطبيعة شخصيته خفيف ويحب يآخذ ويعطي وسوالفه حلوه وهو لما جلس معي معتبرني بحسبة أخته أو وحده من بنات عمامه وخواله لأن البنات يحبونه وتوقع إني مثلهم راح أتقبله وآعامله بحسبة أخوي وبـــس..

"دخلت أم ياسر الغرفه وهي شايله كيس بيدها": خذي ياسحايب هذا مريولك الجديد توني طلعته من الخياط وشوفي إذا مو ضابـــط أرجعه للخياط يعدله..
"كنوده وهي تضحك": إذا مو ضاااااابـــط أكيد (عقيــد).. ههههههههههههههههههههههههههههههههههه
"قامت سحايب وهي مستانسه وأخذت الثوب": أكيد ضابــط يمه ..
"طلعت أم ياسر وسكرت سحايب الباب ولبست المريول عشان تجربه"..
كنوده: اللــــــه وش زينه موديله حلو وجاي مقاسك بالضبط.. بس ليه مسويه (قلابي) زي الرجاجيل؟
سحايب: دايم أفصل مراييلي كذا حتى صديقاتي نفس الموديل..
كنوده: تصدقين طالع عليك كأنه ثوب رجال قلابي وكبكـــات بعد والله حركه حلوه..
"سحايب بأنفعال": يخرب بيتك خلصت التشبيهات عشان تقولين ثوب رجال.. بعدين مريولي مافيه كبكات إنتي عمياء ماتشوفين..؟
"كنوده وهي كاتمه ضحكتها": تكفييييين طلبتك!! روحي جيبي شماغ أبوك وإلا ياسر وألبسيه مع الثوب أبي أشوف شكلك كيف يطلع..

"سحايب دخلت مزاجها الفكره وراحت لغرفة ياسر بس لما دخلت للصاله لقت شماغ ياسر وعقاله مرميه عــالمجلس.. لبستها وراحت لكنوده بالغرفه لقت كنوده لابسه عباتها والطرحه"..

"سحايب بضيق": وين رايحه بدري؟
كنوده: ماني رايحه ياخبله نبي نمثل(أنا كنوده وإنتي ياسر)..
"سحايب بحماس وهي توقف قدام التسريحه": دقيقه بس أبي أرسم نفس سكسوكة ياسر..
"أخذت سحايب الكحل وجلست ترسم وكنوده تطالعها وتضحك عليها"..
كنوده: والله مانتي هينه ياسحايب لأ وتضبطين السكسوكه بعد..
سحايب: عشان أطيحك بجمالي وأخليك تطلقين صرخاتك المعروفه (ياويلـــي ياويلـــي)..
كنوده: ياااااااه تخيلتك ياسر صدق واقف قدامي.. عاد إنتي خلقه نسخة أخوك تشبهينه مره ومع الشماغ والسكسوكه أكملت..
"خلصت سحايب وعدلت الشماغ وأخذت كنوده لباب مدخل البيت وكل وحده تضحك على شكل الثانيه"..
"كنوده وهي مازالت تضحك": شوفي أنا أبدخل البيت وإنتي كأنك طالعه ok‏ وإذا شفتيني تحلطمي زي ياسر لما يشوفني هههههههههههههههههههههه..
"وقفت سحايب بأول الممر وطلعت كنوده برا وسكرت الباب وراها...>>>>> ثوانـــي ورجعت فتحت الباب بقوووووووووه وهي تصرخ وتضحك بهستيريــــــا وتركض لسحايب"..
"سحايب وهي كاتمه الضحكه وتقلد أخوها ياسر": يالييييل ماأطولك هذي وش تبي قاطـــه معنا في البيت........؟

"سكتت فجأه وشهقت بصوت عـاااااالــــــي وهي فاتحه عيونها للآخر وحاضنه كنوده اللي من صدمتها ماقدرت تتكلم وأكتفت بالضحك"..
"سحايب وهي ماسكه يــد كنوده وتهرب لغرفتها": ياويلنا هذا يـــاســــــــــــر!!!

"دخلوا الغرفه وقفلوا الباب وتسدحوا عالأرض وهم مازالوا يضحكون.. طق ياسر باب الغرفه ونادى سحايب تلحقه للصاله.. فزت سحايب بسرعه للتسريحه ومسحت السكسوكه بالكريم المرطب ورمت الشماغ والمريول عالسرير ولبست دراعتها وراحت لياسر وهي ميته خوف من إنه يهزأها"..

"ياسر وهو واقف ومكتف إيدينه ومعصب": إنتم ماتتركون حركات الهباااااااال.. ليه لابسه الشماغ هاه؟
"سحايب بخاطرها": الله يستر مايكون شاف السكسوكه..!!!!!
"ياسر بصوت عالي": ردي علي_ ليه لابسه الشماغ أبي أفهم وش معناته حركات اللقافه ذي مو عيب عليك اللي سويتيه؟
"سحايب وهي تحاول ترقع السالفه": كنت أبي أشوف شكلي بالشماغ مين أشبه أنت وإلا أبوي وبس هذا اللي صار..
"ياسر بأستهزاء": شفتي شكلك وبعدين؟
"أبتسمت سحايب عشان تهدي من عصبية أخوها": طلعت أشبهك حيل.. ياسر بليز لاتعصب وتآخذ بخاطرك تراها مزحه مني أنا وكنوده لأننا طفشنا من جلسة البيت ونبي نونس أعمارنا..
ياسر: وهالوناسه ماتكمل إلا بحركاتك البايخه إنتي وياها (وهو يقلدها) مزحه..!!
"سحايب بقهر": إنت ليه مكبر السالفه ترى ماتسوى..
"ياسر وهو يتلفت ويدور على شماغه": خلينا أشوفك تسوين هالحركه هذي مره ثانيه والله ماتلومين إلا نفسك.. ياجماااااعــه شماغي وينه أنا حطيته هنا؟
"ألتفت على سحايب وشافها مرتبكه وقالها بهدوء": روحي جيبي شماغي والعقال الله لايعطيك عافيه على أفكارك الغبيه إنتي وكنوده يالله بسرعه..
"دخلت سحايب الغرفه ولقت كنوده جالسه عالسرير تنتظرها": هزأني بس أشوه ماأطرى السكسوكه أكيد إنه ماأنتبه لها..
"أخذت سحايب الشماغ وطلبت منها كنوده تقول لياسر يوصلها لبيتهم"..
سحايب: أخاف مايرضى لأنه معصب مره..
"كنوده وهي تتثاوب": مـــو بكيفه غصب عنه يوصلني تأخرت على أهلي وصارت الساعه 12..
سحايب: لا والله أحسن روحي تخانقي معه وأضربيه حلوه ذي غصب عنه..

"قالت سحايب لياسر يوصل كنوده لبيتهم.. طلع ياسر من البيت بعد ماحط شماغه على كتفه ومسك العقال بيده بملل وكنوده تمشي وراه وكاتمه ضحكتها وهي تتذكر شكل سحايب بالسكسوكه وكيف إنها تشبه ياســـــر"..


^^^^^^^^^^^^^^^^^^^^^^^^^^^^^^^^^^^^^^^^^^^^^^


كانت جالسه بغرفتها وتقرأ المسجات اللي بحافظه (قطعـــة حـــزن) وهي تحس بضيق لأنها تتمنى من اللي تحبه بصدق وعطته أصدق مشاعرها لو يقرأ هذي القصايد ويتأمل كل بيت فيها ويشوف أحلامها وأمنياتها فيه وين وصلت من تجاهله لها...
رن الجوال بنغمة مسج وفتحته عشان تقرأه وهي مازالت متضايقه والأفكار توديها وتجيبها وطلع المسج من >>>>>>>>> يزيد ......



₪[سلام الله على ناس يحب القلب طاريهم،،،
غلاهم صدق من قلبي عسى ربي يخليهم،،،
عساك تعيش في راحة وروحك دوم مرتاحة،،،
عسى درب الهناء دربك وقلبك تكثر أفراحه...]₪



"تنهدت ميار وتحجرت الدموع بعيونها وهي ماسكه الجوال بقهر وبخاطرهــا": خــــــلاااااااااص أنا تعبت منك يايزيــد .. راح أسوي اللي براسي واللي فيها فيها.. زواج وماراح تتزوجني!! أنا واثقه من هالشئ بس ودي أعلمك إني بثمان سنين كنت أفكر فيك بشكل موطبيعي وكنت مجنووونـــه فيك وأحــبـك بدون عقل,, وماعاد يهمني الحين إذا تبادلني الحب وإلا لأ بس أبيك تقرأ مشاعري فيك واللي من سنتيـــن أكتبها فيك مع أنك ماتعجبك سوالف (الحب والحبايب) وهذا اللي فهمته من كلام عذاري لما زرتها أمس بس أسمحلي أبثقل دمي عليك وأبيك تقرأ اللي راح أرسل لك..

"فتحت حافظه (قطعة حزن) وأرسلت هذا المسج ووجهها مبلل بالدموع"..



₪[ أعـــتـــرف لك..
كنت (أحبـــك) من زمـــان..
ســـر أخفيته بقلبــي من سنين..
مابقى للصمـــت في صــدري مكـــان..
(إيــه أحبـــك).. قلتها والله يعين..
لاتحسب كلمتي زلــة لســان..
الغـــلا مايحتمل شــك ويقيـن..
اللســـان بــ ساعــة الشده حصان..
والخجـــل مايبعده مسح الجبين..
معك ينســاب الحكي حـــب وحنــان..
وكل شدة بـــاس قدامـــك تليــن..
أنت (حــبــــك) صار واضح للعيان..
وصار "يحرجنـــي معك" في كل حين..
للصراحــــــه جيت وأطلقت العنان..
جيت أبوح بصمت هــ الحــب الدفين..
مابقى للصمت في صــدري مكان..
(إيــــــه أحـــبــــــك).. قلتها والله يعين.......]₪


__________________________


وفي الشرقيه وتحديدآ في المقهى كان جالس يزيـــد مع أصدقاء وماسك الشيشه بيد والجوال بيده الثانيه ويقرأ المسج وهو مصدووووم
"وبخاطــره":-
هذي أول مره ترسل لي خالتي مسج كذا؟ دايم أرسل لها وماترد بس إذا كلمتها تشكرني عالرسايل لأنها ماتعرف تقرأ ولاتعرف ترسل؟ معقوله تكون ضغطت بالغلط وأرسلت المسج هذا أو......... لأ........ لأ مستحيل تكون مـــ...ـيــ.......ـــار!!!!! لأ مستحييييييل فيه شي غلط بالمسج لأن الكلام مره كبير.....؟

"ضغط يزيد أتـصــــــال على رقم خالته وحط السماعه على أذنه وهو سرحان ويفكر"..

__________________________

"شهقت ميار وهي متوتره وتناظر بشاشة الجوال اللي محطوط سايلنت": وااااااااقردي هذا يزيـــد ليه قاعد يتصل آخاف عصب من المسج؟؟ بس ماراح أرد عليه لو أمي صاحيه خذيت لها الجوال عشان ترد عليه بس إنها نايمه.. ياربي وش أسوي الحين...؟

"أتصل يزيد خمس مرات وماردت عليه ميار كانت تناظر الشاشه ودقات قلبها طبول.. وبالمره السادسه أتصل وبسرعه ضغطت الحمــراء وعطته مشغـــول.. أنشغل باله يزيد وخاف على خالته بس فكر بأحتمال إنها تكون نايمه وأزعجها رنين الجوال ومع ذلك طنش وكان كل تفكيره بالمسج وش قصته..!!!
وأتصل بعدها ثلاث مرات وميار تعطيه مشغول... بالأخيـــر أرسل مسج لجوال خالته..
يزيد; (خـــالـــه وش فيك)..؟

"ميار بتـهــور كتبت وأرسلت لجواله"; (أنا مـو خالتك.......







أنـــــــــــــــــــــــــــــا مــــــــــــــــيــــــــــــــــــــــــــــــــ ــــار)!!!




%&%&%&%&%&%&%&%&%&%&%&%&%&