يا مرحبا بأغلى البشر .. حي ذا الصوت .. !

:

أنآ كيف أضيق من الزمن ولآ ليه أحتآج ..
و أنآ مري ربعي هل المجد ودروبه ..

غصيت بك يَ مآي :

يا بايع الرفقه تعلمك الايام !!!
قدري .. بدون آجيك وآعلمك به
ان قاله الله لا اترك عيوني تنام
وأحد عن درب السهر واتركك به
جروحك .. اللي مهمله قدلها عآم
زادت على القلب الذي مسكنك به
تبغيني ارجع لك .. موافق !! اذا قام
يرجع لك الماء لا انتثر عقب سكبه
الله يقطع بيننا وصل الارحام !
دام الثقه في اقرب الناس نكبه
تبيعني .. وآنا اللي آعدك حزام !!!
غصيت بك يا ماي ويش ابلعك به

يَ طير :

يا طير حظك لا بغيت تطير ما اضناك المطير
تنطح صلافيح الهوى من هيبتك وتعوقها !!
وش لك بالارض العابسه والظلم والحظ االفقير
بيض الليالي رخت ارشاها .. وقفت نوقها !!
ما فيك لا برقع ولا لك وكر ولا لك جرير
والله لو اني اياك لآشق السحب وآفوقها !!
لا ضاق صدري .. رحت بلحالي وحثيت المسير
وان ضاق صدرك توكر بروس الجبال وفوقها
شامخ ولك هيبه .. ولك سطوه ولك عزم خطير
واليا نويت الصيده الجزله .. قدرت تبوقها !!
اشبهك في غيك وغيك غير واحساسك عسير
بس اختلف وياك .. فالقدره وفي منطوقها
لا جعت مالي غير مالي .. بين زادي والحصير
ولا انت مخلابك .. يقطع صيدتك وعروقها !!
يا ليت لي جنحانك اللي لو بغت وادي عسير
ما ردها منه سوى منشي السحب وبروقها
يا طير .. شفني والله اني من عنا الدنيا كسير
وكسرة جناح العزم .. ما تثنى الطموح بعوقها
سيف القهر مبطي وهو ما فارق اطراف الجفير
وانا علي مرفوق نفس ٍ خاطري .. مرفوقها
احاول اجمع ما بقى لي من امل .. باحساس غير
واكبح جموح النفس .. لو نفسي ذبحها شوقها
انا ادري اني ماني بحاكم بلد ولا أمير !!
لكني آجاري كبار الناس .. واسلب ذوقها
أملك من الاحساس والقدره وتحديد المصير
ما يكفي انه يحل ازمات العرب ووثوقها
لكن حدود العقل والحريه وشوف البصير
كنها تقول الابتعاد احيان .. من منطوقها
ياليت مالي قلب يشعر ويتضايق ثم يغير
ما كان وجهي شحبته الاقنعه وطروقها
عيبي خلقت من الوفا .. بس الزمن ما فيه خير
مثلي مثل ناس تعيش .. وما توفي حقوقها

شفتك بعد غيبه :

شفتك بعد غيبه .. وحاولت احاكيك
مهوب من قلبي ولا من جراته !!
بغيت اقول / فلان وازريت احاكيك
وكني سمعت اسمي مع الالتفاته
فزيت من نومي وانا اقول لبيييك
وآثرك رؤيأ .. في منامي وجاته
صفقت كف .. وقلت يا حلم يشوويك
جددت لي جرح ٍ هنى في مباته
يا اللي شريت البعد .. ما غاب طاريك
حتى لو ان البعد .. سواا سواته
مهوب محزني .. على حاجةٍ فيك
إلا إن قلبي شايف ٍ بك غناته !!
كن الطيوف تقول وشحال غاليك
وآقول راح .. وما بقى الا غلاته
لو ان ما جاني من الهم ياتيك
كان المصلي ما حفظ وش صلاته
مريت شارعكم .. وصادفني آخيك
واللي قطع كبدي .. حلاتك حلاته
بغيت الخبط من دعاياه ,, وادعيك
واسمك وقف بين اللسان ولهاته !!
وبغيت اجيب العيد وآقول : يرضيك
فاللي وصاتي له .. وضيّع وصاته
البعد شيّب خافق ٍ ميت فيك !!
والى مشى خطوه عثر في عصاته
مشكلتي / إن قلبي يحبك ويغليك
ومشكلتك / انك شخص عايش حياته
كثر الجفا .. نار .. وحطبها تغليييك
خف الحطب .. لا تزيد نار الشماته
إن ما احزنك جرح برجواه يدعيك
ما عاد تفرق .. عيشته من مماته
قلبي وعمري كلها بين اياديك
العمر فدوه .. لكن القلب هاته !!
وإن ما بغيت ترد قلبي ما اوصيك
احسن عزاه .. الى دريت بوفاته

يَ رب عبدك عآصي :

يَ رب عبدك عآصي وكله ذنوب ..
مآشآف من دنيآهـ إلآ ظلآمه ..
شفت الفتن تسطو على النفس من صوب ..
وشفت الهدى دربٍ وأحب إلتزآمه ..
وإبليس من بيني وبينه حروب ..
عقب الأذآن و قبل رفع الإقآمة ..
أرجيك يَ ربٍ برحمآك مطلوب ..
تغفر لمن يرفع يديه بقيآمه ..
أضيق والخآفق من الهم مشبوب ..
شبت حطب بدوٍ عشآهم كرآمة ..
وإعصآك مآهو قصد وأعود وتنوب ..
لوعآتي ويبقى بصدري علامة ..
وإنت الغفور وعبدك اليوم متعوب ..
ذنبه كسر ظهرهـ وأنهك عظآمه ..
للمهتدين دروب وللعآصي دروب ..
يَ رب ثبتني على الإستقآمة ..
النآس قآلوآ كل ممنوع مرغوب ..
وإبليس من يقدر يجود أخطآمه ..
كل يوم أقول أستغفر الله وبأتوب ..
وأخآف قبل لآ أتوب تأتي الندآمه ..
القلب غآوي والأمل وجه مشحوب ..
والصبر مفتآح الفرج والسلآمة ..
دنيآ تدور وكلهآ نقص وعيوب ..
والضيق في وجه المشآريه شآمه ..
كل شئ في الدنيآ مقدر ومكتوب ..
غمآمه تبرق وتمطر غمآمه ..
مآدآم مآبه حد بالعمر محسوب ..
والموت للإنسآن أخر ختآمه ..
تكفين يالدنيآ تخليني أتوب ..
خآيف من الله قبل يوم القيآمه ..
خآيف من الله قبل يوم القيآمه ..

مخرج :

ليآ قآلوآ أني من قطر ضيقتي تنبآج ..
بلآد التميمي والموآقف تسمو به ..