بحط قلبي بين يدينك هدية ، للكاتب : مستر برهوم ..

مساء /صباح الخير عليكم جميعا



انا مستر برهوم الكاتب الاصلي لروايه (بحط قلبي بين ايدينك هديه)



وانا شفت الروايه منقوله هنا ومنسوبه لعضوه غيري




وهالشي حز بخاطري كثير



بصراحه عيب الواحد ينسب جهد غيره لنفسه بدون وجه حق




وانا حابب انزلها هنا الحين عشان اثبت لكم انها لي فعلا







{{{{{{بحط قلبي بين أيدينك هديه}}}}}}




انا مستر برهووم



وهذه تجربتي الاولى في الكتابه واتمنى ان تنال اعجابكم




((و انا لا احلل ولا ابيح الذي ينسب الروايه لنفسه))




تعريف بالشخصيات الاساسيه
ـــــــــــــــــــــــــ
الجده //فاطمه
الابناء// عبدالله , سعد , شيخه

عبدالله// صاحب شركه كبيره وزوجته عايشه مديره مدرسه وعندهم 4 عيال هم
عزام //37 سنه طيب وهااادي ومايحب المشاكل يشتغل مع ابوه في الشركه
زوجته صفاء وعندهم توام سامي ورامي 7 سنوات
عادل // 31 سنه دكتور: وسيم وأسمر.. وسماره ذباح.. عيونه غامضة.. بس فيها بريق خاص.:
ويعتبر احلى شباب العايله بس البنات مسمينه (العقده)لانه
مايعطيهم وجه
عمر//27 سنه طيار متزوج سميره وعندهم نواف 4 سنوات وساكن في جده
سجى//18 سنه ثالث ثانوي حلوة موت.. شعرها أسووود..
ويوصل لأسفل خصرها بشوي.. وطبيعته كيرلي.. وتشابه اخوها عادل
%%%%%%%%%%%%%%%%
الاخ الثاني سعد متوفي وزوجته ساره وعنده 3 عيال
عامر//25 سنه يشتغل في الاتصالات
سطام //22 سنه توه مخلص جامعه وينتظر التعيين عيبه الوحيد (العصبيه)
فواز//20 سنه ثاني جامعه فرفوش ويحب المزح والرجه
%%%%%%%%%%%%%%%%
شيخه //الاخت الوحيده متزوجه ولد عمها عواد وعندهم 3 عيال
اسامه//26 سنه مهندس معماري وعنده مكتب خاص
انهار//24 سنه مدرسه في روضه للاطفال
نهى //18 سنه ثالث ثانوي حلوه وعيونها الكحيلة سر جمالها حبوبه وجريئةومع سجى في نفس المدرسه
وباقي الشخصيات ستأتي لاحقاًً
%%%%%%%%%%%%%%%
تفتح عيونها على اصوات سيارات ورائحه دخان يملاء المكان ااى ااى راسي انا وين وشصار؟؟؟؟
تحاول تقوم ويوم رفعه راسها تشوف سياره محترقه 0 تجري بسرعه للسياره وهي تصرخ يبااااهـ
يماااهـ لآآآآآآآآ
وتحاول تقرب من السياره لكن فيه واحد مسكها
ابوحسين // يابنتي استهدي بالله السياره مولعه وين تروحين
وسن // تكفون طلعوهم يباااهـ يماااهـ آهـ ياربي مالي غيرهم
ام حسين // لآحول ولآ قوة الآ بالله يابنتي اذكري الله وتعاالي معنا
وسن وهي تحاول تفك نفسها من ام حسين بس تفقد توازنها وتطيح عالارض
وصل .{ الدفاع المدني } .. وحاولوا يطلعونهم من السياره لكن النار كانت اسرع منهم.

%%%%%%%%%%%%%%%%%%%%%%%%%

,."{.. فيً المًستشفُى ..} ".,
د.عادل// سبحان الله كيف نجيت هالبنت ما أدري
د. عصام // اي والله بسً مسكيينه كسرت خاطري تقول ماالهاا بهالدنيا غيرهم ...الله يعينها
د.عادل//ليش اللي جابها مايقرب لها ؟
د.عصام// لآ مآيقرب لها بس شاف الحادث وساعدهأ
د.عادل// تصدق ياعصام احس اني قد شفتها او تشبه احد اعرفهـ
د.عصام//الله عليكـ امداكـ تتمقل في البنت ؟؟
د.عادل// هههههههههه الله يرجً ابليسكـ لآ يروح فكركـ بعيد بس عشان الجرح اللي في خدها
د.عصام // اييييه انت اللي خيط لها الجرح ؟
د.عادل // ايه انا
د,.عصام //عسى بسٍ مايشوهها مسكينه
د.عادل // الجرح في خدها اكيييد بيكون له اثر
د.عادل// اقول يا أبو الشباب ...
د. عصام// هلآ ام الشباب هههههههههه
د.عادل// ههه ماتضحكـ اسمع : تراني بكره وبعده ماني مداوم
د.عصام// ليه عسى ماشر
د.عادل// ابد بس احس اني طفشت من وجهكـ خخخخخخ
د.عصام// من زين وجهكـ عاد
د.عادل// ههههههههههههههههههه

%%%%%%%%%%%%%%%%%
.":{..بيت ابو عزام ..} :".
الجده فاطمه // كااندي كااندي وصمخ
كااندي// نأم ماما كبير
الجده فاطمه // كبروا عليك وانتي جنازهـ
كااندي // انتي ايش يقول ماما ؟؟؟؟؟
الجدهـ فاطمه// لاحول اقول وين فطورري
كاندي // تيب ماما انا يجيب فتور الهين
نازل من على الدرج ويسمع جدته وهي تتحلطم
عادل //هههههههه وشفي الحلوهـ معصبه مع الصبح
الجده فاطمه // غريييبه من وين طالعه الشمس اليوم اشوفكـ في البيت ؟
عادل // افاا هذا وانا ماخذ اجازه عشان جدتي حبيبتي تقولين كذا
الجده فاطمه // فديت عيونكـ والله بسٍ ماني مصدقه التختور عادل يأخذ اجازه
عادل // هههههههه لآ صدقي
الجده فاطمه // وشلونكـ ياوليدي عساكـ بخير
عادل // بخير ياغاليه انتي بشريني عنكـ ؟
الجده فاطمه // آآآهـ والله اني تعبانه ياوليدي وزهقاااانه ماغير مقابله هالشغاله ,.
محد يعطيني وجه في هالبيت الآ هي
عادل // ههههههه جدوه قولي انك تبين بيت عمي سعد وخلصينا
الجده // هههههههه والله محد فاهمني غيرك ياولد عبدالله
عادل // ليه ياجده ، احد كدر خاطرك
الجده // لآ والله يايمه بس تعرف انا احب السواليف وسعه الصدر وهنا محد فاضي لي بس عند بيت عمك سعد
ساره تقعد معي وام علي وام سعود قراب منها
عادل // ايه قولي ام علي وام سعود من اول ههههههه
الجده // جاراتي واحبهم عندك شئ ياولد عويش
عادل //ههههههههههههه مادام فيها عويش مع السلامه
الجده // علىآ وينً ؟ تو الناس
عادل // برجع انام لي يومين مانمت زينً
الجده // نوم العوافي يايمه
%%%%%%%%%%%%%%%%%

( ( فيٌُ إلمدرسه ) )
نهى // بنات شفتو ابله عواطف وش لابسه ههههههه
ساميه // حرام عليك تراها طيبه
نهى // هههههههه خلاص مادام طيبه بندور غيرها هههههه
تجيهمً عبير ، ، ،

عبيرٍ // بنات ماشفتو سجى
البنات // لآ والله ماشفناها
عبير // غريبه وينهـآ ؟
ساميه // قبل شوي شفتها مع ناديه
عبير // اييييييشَ ؟ ناديه

ساميه // ايه ناديه وش فيك .؟
عبيرٍ // هـآهـ ؟ لآ لآ ولا شئَ ، وتروح عنهم وتدور سجى
%%%%%%%%%%%%%%%%%%%%%%

( ( في المستشفىآ ) )

يمر على المرضى ويوصل الغرفه رقم 242 ويفتح الباب بهدوء ويدخل ،

عادل // مسكينه محد سأل عنها ولا عن اهلها ! < ويقرب من السرير
وكانت نايمه ومبين على وجهها الحزن بس مع هذا كانت زي الملاك
عادلٌ / / الله يقومكم بالسلامه حرام الوجه الحلو هذا يتشوه ؛

وبسرعه اتحولت نظره الاعجاب هذي الى نظره احتقار ، وقال
كلكم زي بعض وطلع ، من الغرفه
%%%%%%%%%%%%%%%%%%%%%

وسن // طلعت من المستشفى اليوم التاني وراحت بيتهآ
وكانت نفسيتها مره صعبه ، كيف تقدر تعيش وحيده لا اب ولا ام ولا اي اقارب
بس كانت جارتهم ام حمد هي الوحيده اللي تزورها لانها صديقه امهـآ

%%%%%%%%%%%%%%%%%
( ( بيت ابو عزام ) )

عادل // الووو
عصام // سلام
عادل // هلا عصام
عصام // نايم ؟
عادل // لآإ والله ارقص
عصام // مصري ولآ خليجي ، هه هه هه
عادل // سخيف ( ويقفل بوجهه )
ويرن مره تانيه

عادل // اعوذ بالله ، ويرد الو وجع . وش تبي ؟
عصام // ههههههههه وش في الاخلاق قافله

عادل // ياخي مانمت الا الفجر وش تبي خلصني

عصام // ماينفع ع التلفون تعال المستشفى ضروري

عادل // ياليل المستشفىآ وراي وراي

عصام // بلآ هذره وتعال < ويقفل قبل يسمع الرد

ينزل عادلً ويحصل امه وابوه جالسين بالصاله ، ويصبح عليهمً ويحب راس ابوه وامه

ام عزام // هلآ حبيبيٌ ، غريبه صاحي بدريٌ واليوم خميسً ؟

ابو عزام // زين شفناك ياوليدي ، صاير ماتنشاف / حتىآ جدتك تشتكي منك

عادل // ههههه والله مو بيدي يابو عزام تعرف انت انا دكتور ومشهور ومزيون ووقتي موب ملكي

سجى ، نازله من ع الدرج

بدأ الدكتور المغرور ، قال ايش دكتور ومشهور ، ياعمي روح والله محد درىآ عنكً ، وتجلس جنب ابوهأ

عادل / / ترا الحين موب فاضي لك بس برجع لك بعدين
سجىآ // ههههههههه يمه خفت مره ،
ابو عزام وهو يضحكَ // سجىآ وبعدين
عادل //خلها يبه انا اعرف دواها ويقوم
عادل //على فكره يبه
ابو عزام// خير ياولدي
عادل//ترى جدتي تبغى تروح بيت عمي سعد تقول تبي احد تسولف معه
ام عزام// والله انها صادقه كلنا مشغولين عنها
ابوعزام// خلاص انا اليوم اوديها
عادل// يالله عن اذنكم
%%%%%%%%%%%%%%%%%
.{.. بيت عبير ..}
عبير// غريبه اليوم سجى مادقت علي وتقوم تدق على سجى
سجى// الووو
عبير // سلآم
سجى // اهلين
عبير// كيفكـ سحى
سجى // تمام وانتي كيفكـ
عبير// والله انا زعلانه عليكي
سجى ترفع حاجبها // وتقول : ليش عسى ماشر ؟
عبيير // ماأدري عنكـ اجل اليوم تطلعين بدون ماتسلمين غريييبه
سجى // هاااهـ لآ والله طلعت مستعجله ونسيت
عبير // اها نسيتي
سجى // عبير بدون لف ودوران وش بغيتي
عبير//..... ناديه ..:::
سجى // وشفيها ناديه
عبير // ياسجى ناديه اخلآقها زفت وتكلم شباب حرام وحده زيكـ تمشي معها
سجى // ومن وين تعرفين ياأم العريف ,انا ماشفت عالبنت شيء
عبير // لآ والله تبغينها تكلم وانتي معها
سجى // والله انا مرتاحه معها وماراح اتركها
عبير // خساره ياسجى اذا تبيعين صداقتنا عشان وحدهـ زي ناديه
سجى // عبير انتي مكبره الموضوع اكثر من اللازم
عبير//على العموم انا نصحتك وانتي حرهـ باي
سجى بعد ماقفلت عبير قعدت تفكرفي كلامهاوتقول " حرام احكم على ناديه
وانا ماشفت عليها شي وبعدين ناديه مره طيبه معي " اف راسي
عورني خليني اناااام احسن 0
%%%%%%%%%%%%%%%%%%
{{بيت ام عامر}}

عامر::يمه يمه
ام عامر::انا في المطبخ تعال
عامر::سلام عليكم
ام عامر::هلا وغلا يمه
ويروح عامريحب على راس امه

عامر::كيفك يالغاليه الحين
ام عامر::لا الحمدلله احسن ليه رجعت بدري؟؟
عامر::والله كان بالي مشغول عليك لان شكلك في الصباح مره تعبانه والله يهديك ماخليتيني اوديك للمستشفى
ام عامر::يابعد عمري ياعامر .الله يخليك لي وافرح بك انت واخوانك.كل السالفه شويه صداع واخذتلي
حبتين وراح
عامر::طيب وش طابخه لنا اليوم ؟؟
ام عامر::كل الاكل الي تحبه .بس انتظر اخوانك يجون ونتغدى سوى
عامر::زين اجل بروح غرفتي اريح شوي واذا جو صحيني
ام عامر::انشاءالله

%%%%%%%%%%%%%%

{{ المستشفى}}

عادل::انت وش قاعد تقول انا ماني فاهم شي
عصام::ياخي فتح مخك شوي اقلك اللي مات ماهو ابوها لان الاسم مختلف
الشخص اللي مات اسمه مبارك سالم الـ00000 والبنت اسمها وسن سعد صالح الـ 0000
عادل::طيب انا وشدخلني فيهم
عصام::اقرى اسم البنت زين وقلي مايذكرك بشي "ويعطيه الورقه
عادل يقرى الاسم وينصدم معقول تكون هي
عصام::والله ياعادل مدري بس كيف هي تقول ابوي والاسم مختلف
عادل::طيب تعرف تلفونها او.عنوانها
عصام::المشكله انها طلعت وانا ماكتبت لها خروج وحتى ماراجعتنا عشان الجرح الي
بخدها ,ولا فية اي معلومات عنها
عادل::انالله يعني يوم نلقاها تختفي مرة ثانية
عصام::طيب وش بتسوي بتقول لعامر
عادل::اكيد هذا أخوها ولو انة مابيستفيد شي بس لازم يعرف
عصام::طيب على راحتك
ويروح عادل عند عامر
%%%%%%%%%
في بيت عامر
عامر::حيالله ولد العم زارتنا البركة
عادل::الله يسلمك بشرني عنك وكيف خالتي سارة وينها مااشوفها
عامر::والله كلنا بخير وسهالة والوالدة عند ام علي تقول انها تعبانة
عادل::هههههههههههههههههه والله ام علي هذي ماخذة عقل جدتي فاطمة وخالتي ام عامر بعد
عامر::عاد هذي جارتهم القديمة ومستحيل ينسونها تصدق ان امي حاولت فيها اشتري بيت اكبر وننقل فية
مارضت عشان ام علي هذي اللي ماهي عاجبتك ههههه
عادل ::الله يديم المحبة بينهم
لحظة صمت
عامر::عادل فية شي حاسك مو على بعضك
عادل::والله مدري وش اقولك
عامر::عادل تكلم تراك خوفتي
عادل::تتذكر موضوع اختك وسن ؟؟
عامر::الله يرحمك يايبة ليتك قلتنا اي شي يدلنا عليها تدري عادل ان الموضوع هذا مشغل بالي
بس ما بيدي حيلة وين ادورها يعني
عادل يرفع رآسة ويقول لعامر السالفة
عامربفرحة::قول والله انك تتكلم جد ترى ماني فاضي لمزحك البايخ
عادل:: والله العظيم اتكلم جد بس
عامر:: بس ايش؟
عادل::بس البنت خرجت من المستشفى وماعندنا اي معلومة عنها
عامر بخيبة أمل:: اجل لية جاي تقولي مدام ضاعت مرة ثانية
عادل::ياعامر كان لازم تعرف والحمدلله مدام انها في السعودية انشاءالله نلاقيها
عامر::هه لية من صغر السعودية عشان نلاقيها
عادل:: خل املك بالله كبير وانشاءاللة يجمعكم في يوم
عامر:: آمين
%%%%%%%%%%%%%%%%%%%%%
بعد مرور6شهور

{{في المدرسه}}

قاعده ومنزله راسها وتجي عهود وتجلس جنبها //هاااي وسونه
ترفع راسها وتبتسم //هااياات
عهود // وشفيك ياعمري ليه زعلانه؟ الي صار قضاء وقدرولازم تعيشين حياتك ماتستسلمين كذا
وسن //اهـ ياعهود كيف تبغيني اعيش حياتي, انا انتهيت يوم ماتوا اهلي ,,وتصيح
عهود تقرب منها وتحضنها // هدي ياعمري هدي
وسن وهي تبكي// ياعهود كيف اعيش بروحي ,, عارفه اني ماقدر انام باليل واجي المدرسه مواصله
علشان اخاف انام ويطب علي احد ...
عهود//!!!!!!!!!!!
وسن // ادري اني ضيقت خلقك بس سامحيني
عهود// لاوالله بالعكس زين يوم تكلمتي عشان ترتاحين
وسن// اهـ اناوين والراحه وين بس الحمدلله على كل حال

%%%%%%%%%%%%%%%%%%%%%%%%%%%





لجزء الثاني
{ بيت وسن }

زي عوايدها ماتنام طول الليل من الخوف


وسن// يارب انك تلطف بحالي وتحميني انا مالي غيرك ,, وبدت عيونها تدمع راحت عند


الشباك تبي تسك الستارة وتشوف سيارة توقف عند بيت جارتهم ام حمد


وسن// غريبه من جايهم هالحزه وتناظر للساعه تلقاها 2 ونص الفجر


وتنزل وحده من السياره تلتفت يمين وشمال وبعدين تكلم اللي يسوق ثم تدخل البيت


وسن بصدمه// معقول ناديه ؟؟ ليه ياناديه ليه حرام عليك ابوك امام مسجد وامك انسانه

طاهره وعفيفه ليــــــه ليـــــــه

%%%%%%%%%%%%%%%%%%%%%%%%%

{ بيت ابو عزام}

اليوم بيوصل عمر وام عزام مره فرحااانه انها بتشوف ولدها وماعاد بيغيب عن عينها

كاندي كاندي

نأم مدام

ام عزام // نظفتي جناح عمر؟؟

كاندي// يس مدام كله نظيف


ام عزام// زين روحي نظفي المجلس الكبير وولعي فحم زين


وتروح ام عزام عند سجى تحاول تصحيها


ام عزام //قومي يابنتي بسك نوم بياذن العصر وانتي لسى نايمه


سجى وفيها النوم // بليز ماما اليوم خميس خليني على راحتي


ام عزام//اقولك قومي نسيتي عموري بيوصل الليله قومي خذيلك دش ورتبي نفسك يلله يمه


سجى // خلاص هذا انا بقوم ,,وقامت خذت لها دش وقعدت تختارلها ملابس وتقول في خاطرها


(اف منك ياسميروه افتكينا منك كم سنه وهالحين رجعتي لنا بس هالمره على طول )


سجى يوم تزوج عمر كان عمرها 13سنه وهي طبعا دلوعه البيت ,,
سميره عاشت معهم سنه ونص كرهت سجى في عيشتها


لان ام عزام حصل لها مشكله في المدرسه ونقلوها مدرسه خارج الدمام وسكنت عند اخوها


وجلست هناك سنه ,, وطبعا سميره استغلت غياب ام عزام وعادل وكانت تعامل سجى اسؤ معامله


ولان سجى صغيره فكانت تسكت لانها تشوف عمر زي الخاتم في اصبع سميره


لبست سجى بنلون زيتي وبدى اورانج ورفعت شعرها ونزلت خصلتين من قدام وحطت مكياج


خفيف ونزلت الصاله



ام عزام// هلا يمه وش هالزين وش هالحلا


سجى// الله يعدى هالليله على خير


ام عزام// سجى اظن انتهينا من هالموضوع


سجى// يمه ماهو بيدي اكرهها اكرهها


ام عزام// علشان اخوك تحمليها تعرفين عمر روحه معلقه فيها


سجى // مدري على ايش,, والله ماعنده ذوق اجل يخلي انهار عشان هاذي....


الساعه 9ونص يوصل عمر // غريبه لا عزام ولا عادل جوللمطار


سميره// ونعم الاخوان والله


عمر // ياعمري اكيد مشغولين


سميره// هه يمكن ( ياترى ياعادل وش بتكون ردت فعلك يوم بنسكن انا وانت في بيت واحد )


وصلوا للبيت وكان في استقبالهم ابو عزام وام عزام وسجى


ابو عزام// هلا بالغالي هلا نور عيني


ام عزام وهي تحضن ولدها وطبعا المر لايخلوا من الدموع


ويسولفون معهم لساعه 12 وتقولهم ام عزام انهم يروحون يرتاحون في جناحهم


سجى //عموري حبيبي خلو نواف معاي الليله وانتو ارتاحو هاااه وشقلت؟؟


عمروهو يناظر سميره يعني وش رايك


سميره هزت راسها بمعنى اوكي


عمر// خلاص حياتي بس ترى نواف بيزعجك لانه ماينام بسهوله


سجى// لا ماعليك مننا صح نوافي


نواف// ايه صح


وتروح سجى غرفتها ومعها الضيف الجديد


سجى وهي تجلس نواف على السرير//حبيبي انا بروح ابدل ملابسي واجىزين


نواف // اوكىى


سجى//ههههههههه فديت الاوكى انا


%%%%%%%%%%%%%%%%%%%%%%%

{{بيت ابو عزام}}



اليوم عند ابو عزام عشاء كبير بمناسبه رجوع عمر


ام عزام// يالله حيهم تومانور البيت

الكل// منور بوجودك


ام عامر//كيفك ياام عزام والله اشتقنالك


ام عزام// والله انا اكثر بس تعرفين المدرسه ماخذه كل وقتي بس هانت السنه الجايه


قررت اتركها وارتااح تعبت والله


ام اسامه// الله يعينك ياعايشه على هالجيل


ام عزام //تقولينها وانتي في جالسه في بيتك مرتاحه ليتك تشوفين البلاوي اللي عندي


والله ليشيب شعر راسك


ام عامر//ههههههههه يعني لهالحين شعرها ماشيب


ام اسامه// هههههه والله انا باقي شباب ماني زيك


الكل//هههههههههههههههههه


ام محمد// كيفك ياخاله ام عبدالله عساك بخير


الجده // بخير ياعيوني والله يوم اشوف عيالي وعيالهم متجمعين حولي هذي اكبر فرحه عندي


ام محمد// الله يخليهم لك


ام محمد هذي هي ام سميره وعندها محمد متزوج وعايش في تبوك ومها 17 سنه مره حلوه وطيوبه


عند البنات الضحك واصل اخر الشارع


نهى// اه يابطني من زمان ماضحكت زي كذا


مها// ياحظكم دايم تتجمعون كذا؟


سجى// افكوورس


نهى // عربي عربي تكفين


البنات//هههههههههههههههههههههههههههه


انهار ساكته على غير عادتهاوسجى لاحظت


سميره// انهار


تلتفت انهار // هلا


سميره// تزوجتي والباقي؟؟


انهار ماتوقعت السؤال وتمت ساكته


سميره//ههههههههه لهالدرجه صعب السؤال


انهار //لاوالله ماهو صعب بس ايش يهمك تساليني انا بالذات ,, على العموم انا مافكر في الزواج الحين


سميره // والله انا سالتك لانك كسرتي خاطري اللي في سنك صار عندهم عيال وانت تقاطعها سجى


سجى // والله انهار الف من يتمناها بس خليها ترضى بالاول


وتدخل عليهم ام عامر// السلام عليكم


ويقومون البنات ويسلمون عليها


سجى // وحشتيني ياخاله


ام عامر// ايه مره واضح مايحتاج تقولين


سجى// هههههههه والله انك غاليه عندي وانتي تعرفين


ام عامر // تسلمين ياقلبي ’’ ماشاءالله طالعه قمر اليوم


سجى // مشكوره ياخاله هذا من ذوقك


نهى // هاه ياخاله اشوف المدح كله لسجى ليكون عندك لها عريس واحنا ماندري ههههه


ام عامر// هههههه والله شكلك انتي اللي يبي العريس ماهي سجى


نهى// ياليت بس هو وين دورو يابنات دورو يمكن طاح هنا والا هناك


البنات// ههههههههههههههههههههههههههههههههههه



انهار سلمت على ام عامر وطلعت لانها متضايقه من سميره ونزلت المطبخ تشرب مويه


عند الرجال كان المجلس مليان لان ابوعزام عزم ناس واجد


طبعا الشباب ماخذين جنب وسولف وضحك


فواز// ياخي مافيه الا انا صب يافواز, خذ يافواز , حط يافواز


عادل///هههههههههه خلاص انا بصب عنك


فواز// افـــا التختور عادل على قولت جدتي يصب وانا موجود


عادل// اجل صب وانت ساكت ههههههههه

الكل//هههههههههههههههههههههههه

عمر// عن اذنكم بروح اغير ثوبي انعدم بالعصير الله يهديك يهديك يافواز


فواز فتح عيونه على وسعهم !!!!!!والشباب ماتو عليه من الضحك لان اللي كب العصير عامر


راح عمر داخل البيت ودخل من المطبخ عشان ما يمرمن الصاله


كانت انهار جالسه فب الطبخ وما هي منتبه للي واقف ومبهور

عمر( معقول هذي انهار ) احم احم سلام عليكم

تلف انهار وتطيح عيونها بعيون عمر


ويطيح الكاس من ايدها


عمر // انا اسف انهار ماكان قصدي اخوفك وترى ماكنت ادري ان فيه احد في المطبخ

( زين باقي متذكر اسمي)


انهار تحاول تكون طبيعيه //لا عادي


عمر// امممم كيفك انهار

انهار// الحمدلله تمام ,,الحمدلله على السلامه ياولد العم

عمر// الله يسلمك

ويبتسم ويقول // عن اذنك بروح اغير ثوبي معدوم عصير


انهار بابتسامه باهته// اذنك معك وتجلس على الكرسي(اهـ ياعمر ليتك تدري بقلبي شكثر بحبك

,,وشفيها سميره زود عني عشان تاخذ قلبك وعقلك )

وشهقت انهار // ليكون سميره تدري وعشان كذا سالتني لالا مااظن سجى تقول لاحد


وتلطع انهار من المطبخ وتروح للصاله


نهى // كان نمتي في المطبخ احسن

البنات //هههههههههه

ام عزام// يالله تفضلو العشاء جاهز

تعشوا وكلن راح بيته


ابوعزام وام عزام وعيالهم كلهم بالصاله ماعدا عادل


سجى// الله من زمان ما اجتمعنا زي الليله


ام عزام// والله ماينقصنا الا صفاء

سجىآ // الا كيف امهـآ ياعزام ؟
عزام // والله تبين الصدق تعبانه ، وتعرفين صفآءْ وحيدتهـآ وماتقدر تخليها بروحهآ
ابو عزام // الله يجزاك خير ياولدي خلهإ ع راحتها
سجىآ // وين عادل موب معكم
عمر // يقول عنده مناوبه ويمكن ينام هناك
سجىآ // غريبه اخر مره ياخذ مناوبه اخر الليل
( سميره اكيد عشان مايشوفني بس وين بتروح ياعادل بتنام طول عمرك بالمستشفىآ ؟ )
سميرهٍ // يالله عن اذنكم ياجماعه بنروح ننام

وقامت وقام معها عمر ونواف قاعد يبكي يبي عمته سجىآ وخلوه معهأ

( ( في المستشفىآ ) )
عادل جالس ع المكتب يفكر بحاله ، يارب كنت مرتاح ومبسوط ، ايش اللي رجعك ياعمرٍ ، بس عمر ماله ذنب
الذنب ذنبها هيه الحقيره اكيد كانت تعرف انه اخوي بس كيف قدرت تخدعني

والحل بأقعد طول عمري برىآ البيت بس ما اقدر اشوفها قدامي ما اقدر انا بشر يارب ساعدني

( ( في المدرسه ) )

ناديه // تكفين سجىآ اذا ماجيتي امي ماراح ترضى اجي عندكم
سجىآ // ما اقدر يناديه امي ماتخليني اروح عند ناس ماتعرفهم ، بليز ماتزعلين مني
ناديه // طيب قولي لها بروح عند عبير ، وماراح تقولك لا تكفينً ـ
سجىآ // تبين اكذب ع اميً ؟!
ناديه // كذبه بيضا ما تأثرٍ
سجىآ // تفكرٍ ، طيب بس ماراح اطول
ناديه // بفرحه مصطنعه ، وااااااااو فديتك ياعمري وتحظنهإ وكانت ماره عبير من جنبهم وسمعت اخر الكلام
عبير // سجىآ ممكن شويٌ ؟
سجىآ // عن اذنك ياناديه
ناديه // خذي راحتك
عبير // سجىآ ، راح تروحين لناديه ؟
سجىآ // اعتقد هذا شئ راجع لي
عبير ، وبكل حزن // سجىآ انتي تعرفين معزتك عندي ارجوك سجىآ لآ تروحين لها هذي سمعتهـ . .ـ وتقاطعها سجىآ
عيب ياعبير البنت ماجابت سيرتك الا بالخير وانت نازله فيها حش مايصيرٍ

عبيرٍ //الله يسامحك ياسجىآ ، وتنزل دمعه من عينهإ وتمسحها بسرعه وتروح

العصر سجى قالت لامها انها بتروح لعيبر ,,وراحت لناديه

%%%%%%%%%%%%%%%%%%%%%%%%%%


وسن// الوو

ام حمد // هلا وسن انا ام حمد


وسن // هلا ياخاله وشلونك


ام حمد // الحمدلله,, اقول يابنتي



وسن // نعم ياخاله امري


ام حمد// بغيتك تمريني اليوم العصر



وسن// خير ياخاله فيه شيء


ام حمد //تعالي وبتعرفين


العصر راحت وسن عند ام حمد


وسن// كيفك ياخاله ليه ماتزوروني انتي وناديه


ام حمد//والله يابنتي اننا مقصرين معك بس شوفت عينك انا رجولي تعورني وناديه مشغوله بالدراسه



وسن//الله يشفيك ويطول بعمرك,, الا ماقلتيلي وشبغيتي؟؟


ام حمد//والله مدري وش اقلك


وسن // خير يااله خوفتيني


ام حمد// راعي البيت يقول ياتدفعين اللي عليك والا بيشتكي للشرطه


وسننزلت راسها وعيونها مليانه دموع( هذا اللي كنت خايفه منه)


وسن//خلاص ياخاله انشاءالله اقدر ادبر المبلغ بس خلوة يعطيني مهله شهر


ام حمد// والله يابنتي لومعنا ماقصرنا بس ,, تقاطعها وسن

وسن// بالعكس لوماانتو معي مدري كيف كنت عشت وحدي الله يجزاكم خير


وتغير الموضوع بسرعه علشان ماتصيح


وسن// الاوين ناديه؟؟

ام حمد // والله في غرفتها روحي لها

وسن راحت لناديه ودقت عليها الباب ودخلت

وسن // ا سلام عليكم

ناديه بدون نفس // هلا وسن كيفك


وسن// تمام الحمد لله وانت كيفك وكيف الدراسه معك


ناديه// ماشي الحال

لحظه صمت


وسن // ناديه بغيت اكلمك في موضوع



ناديه بخوف// خير


وسن // ياناديه انتي تعرفين ان الوحده منا اهم شي عندها سمعتها


ناديه بارتباك// ووش قصدك


وسن// بصراحه انا شفتك قبل فتره نازله من سياره واحد الساعه 2 ونص الليل حرام عليك


ياناديه اذا ماخفتي على نفسك خافي على سمعه امام المسجد ابوك.. و ,..

طــــرررراااااخ كـــــف على خد وسن


ناديه// احترمي نفسك واطلعي بررراااا

في هالوقت تدخل سجى بعد ماسلمت على ام حمد وقالتلها ان ناديه تنتظرها وسمعت اخر كلمتين


لكن مافهمت زين


سجى // السلام عليكم

ناديه تحاول تكون طبيعيه//هلا والله بحبيبه قلبي سجى ,, وتسلم عليها


وسن ماسكه خدها ومنزله راسها


سجى // ماعرفتينا هذي اختك؟؟


ناديه// لا لاهذي بنت جيرانا

يالله ياوسن مع السلامه وتمسك ايد وسن عشان تطلعها من الغرفه


وسن ترفع راسها وتطالع سجى من فوق لتحت وتطلع


سجى// اشفيها نتاظرني كذا ؟؟

ناديه // ماعليك منها هذي وحده معقده

سجى بغت تسال ناديه ليه كنتي تصارخين عليها بس قالت وانا ايش دخلني


%%%%%%%%%%%%%%%%%%%%%%%%%%%%%%%%%%
نهايه الجزء الثاني

الجزء الثالث

{{ بيت ابو عزام}}

مجتمعين كلهم في الصاله,,

ابو عزام// عقبال ماافرح بك ياعادل انت وسجى وتملون هالبيت عيال


ام عزام// هههههههه ايوالله عشان يذكروني بالمدرسه

الكل // هههههههههه

عادل// ههههههه لا انا شيلوني من الحسبه عندكم سجى وعزام وعمر الشرع حلل اربع هههههه


ابو عزام// وليه انشالله ناقص ايد والارجل عشان ماتتزوج؟؟

عادل وهو يناظر سميره // والله مافيه وحده تستاهل الدكتور عادل هههههه


عمر// مشكله الغرور ياخوي صعبه


عادل // هذي اسمها ثقه يا ""ويرقق صوته يقلد سجى "" عموري

الكل ماعدا سميره// هههههههههههههه

عمر // يعني بتقنعني انك ماقد حبيت مستحيل


عادل// والله انا قد حبيت وحده وطلعت حقيررره ومن بعدها عفت الحريم

سجى بلقافه// من هي ومتى حبيتها وايش اسمها ؟؟


عادل // تبغين تعرفين ؟؟

سجى // ايه ايه

عادل // تعالي قربي اذنك

( سميره وايدها على قلبها )

سجى تقرب من عادل وهو مسك اذنها

سجى // ااااي اااااي خلاص توبه توبه بس فكني


ابو عزام// ههههه عشان تبطلين لقافه.

ويفكها عادل وهو ميت ضحك


%%%%%%%%%%%%%%%%%%%%%%%%%%%%


{{ مدرسه وسن }}}


عهود // طيب وش بتسوين ؟؟


وسن // والله ماادري ياعهود ,, المشكله لي 6 شهور مادفعت والمبلغ كبير


عهود // خلاص بكلم ابوي و


وسن تقاطعها بسرعه// لا لا تكفين هذي مشكلتي وانا بحلها بنفسي يالله مع السلامه



عهود // اوصلك ؟؟؟


وسن// لا البيت قريب باااي


عهود// باي

======================

عامر // طيب طيب الحين اجهزها لك ولا يهمك


المدير//بسرعه لاتتاخر


عامر // انشالله ويسكر السماعه


علي// نسيت الاوراق صح؟؟


عامر //ايه صح ,,اسمع انا بروح البيت اجيبها واجي واذا سال المدير قله اي شي زين


على // بس لا تتاخر


%%%%%%%%%%%%%%%%%%%%%%%%%%


ناديه//هاه شفتي مااحد درى بالموضوع


سجى // بس حاسه بالذنب اول مره اكذب على امي


ناديه // وانا مااستاهل تكذبين عشاني ههههههه


سجى ,,, لاااارد


%%%%%%%%%%%%%%%%%%%%%%%%%%%



وسن طول الطريق تفكرفي راعي البيت وكيف تدبر المبلغ

( المشكله الفلوس الي كانت في البنك خلصت يارب ساعدني) وكانت تمشى وهي سارحه بهمومها


وماانتبهت انها صارت بوسط الشارع الا على صوت فرامل السياره الي صدمتها


//نزل يركض زي المجنون "" يارب سترك "وقرب منهاشافها طايحه والدم ينزف من راسها

وايدها قرب منها اكثر وهومرتبك " استغفر الله يارب سامحني بس لازم اشيلها "

ويحط يد تحت راسها ويد تحت رجولها ويشيلها ويشخط على المستشفى


نزلها في الطواري ودخلوها على طول

وهو مسكين جلس ينتظر وهو مرعوب وخيف اها تموت ,, بعد نصف ساعه طلع الدكتور

//طمني يادكتور


الدكتور // الحمد لله جات سليمه 5غرز في الراس وجرح بسيط في اليد


دق جواله // الو ,,طيب طيب انا جاي حالا

الدكتور // عسى ماشر


-- لا مافيه شي بس متى اقدر ازورها ؟؟

الدكتور// الساعه 4 العصر

--يله عن اذنك وطلع بسرعه


%%%%%%%%%%%%%%%%%%%%%%%%%%%%%%%%

{{العصر في المستشفى}}


الممرضه سمر// هلا اخوي اي خدمه؟؟


عامر// بغيت الدكتور عادل

سمر // لحظه شوي

عادل// خليه يدخل

عامر// السلام عليكم يااخ العرب


عادل// ههههههه وينا فيه في مضارب بني عبس ,, تفضل اجلس

عادل// غريبه هالزياره


عامر // اشتقتلك وجيت اشوفك فيها شي هههههه


عادل// اخلص علينا وش عندك جاي


عامر// ياخي ماتعرف تجامل انت اعوذبالله؟؟


عادل//تعالي لبيت وانا اوريك المجامله صح اما هنا اسمحلي


عامر// بصراحه انا صدمه واحده اليوم


عادل// هههههه وش قلتلها متزوج والا خاطب ؟؟


عامر// لاوالله,, تنكت انت اقلك صدمت واحده بالسياره


عادل // اف من جدك انت؟؟


عامر// ايه صدمتها اليوم الظهر بس والله هي السبب شكلها كانت تمشي وهي نايمه


عادل// طيب وش تبيني اسولك الحين ؟؟


عامر// ابغى رقم غرفتها عشان اتطمن عليها


عادل مستغرب// ليه هي عندنا ؟؟


عامر// ايه عندكم


عادل// لحظه ’’’’ويدق على سمر


عادل// سمر شوفيلي رقم غرفه المريضه اللي جات اليوم الظهر بحادث سير ورديلي خبر

بعد لحظات يجيه رقم الغرفه

عادل// وهذا رقم الغرفه اي خدمه ثانيه؟؟

عامر// مشكور ياعادل تعبتك معي


عادل// تعبك راحه ياقميل هههههه

ويروح عامر للغرفه ويدق مره مرتين ثلاث محديرد قام فتح الباب لقى الغرفه فاضيه

دخل على عادل وهو معصب// تلعب علي انت الغرفه فاضيه

عادل// طيب اشفيك معصب يمكن اهلها خذوها


عامر// ياخذونها بدون مايسالون من صدمها او يطلبون تعويض ؟؟

عادل// ههه هذا من حظك ياحلو

عامر // خلاص اجل مع السلامه

عادل// مع السلامه

%%%%%%%%%%%%%%%%%%%%%%%%%%%%%%%%%%%%


{{بيت ام عامر}}


ام عامر// ههههههههههه الله يهديك يافواز هذي مزحه ؟؟


فواز// ههههه لو شفتي شكله كان متي من الضحك


سطام// والله لو انا بداله كان توطيت في بطنك


فواز// ياخي قلنا نمزح

سطام// بس كل شي له حد

فواز // ياخي هو مازعل انته تزعل ليه ابي افهم؟؟


فواز كان مسوي في صديقه يوسف مقلب


كانو في بيت صديقهم وليد ,, فواز+ يوسف +نايف +وليد

اتفق فواز مع الشباب على يوسف

فواز// يالله ياشباب انا بروح

وليد// وين بدري

فواز// والله الا هل يبوني ضروري عن اذنكم

بعد عشر دقائق ,, يوصل مسج ليوسف,,( تكفى يوسف انا عند سيارتك ابيك ضروري وفاء)

يوسف رفع حاجبه مستغرب ,, وقام

وليد //على وين انت الثاني

يوسف// والله فيني نوم بروح البيت

وليد// ع0لى0 0راحتك

ويطلع يوسف ويلقى عند سيارته بنت متغطيه واقفه تنتظره وقال

فواز// خير اختي فيه شي؟؟؟

البنت// تكفي اركب وبعدين اقلك,, ركبو السياره ويوسف منحرج وخايف احد يشوفهم

البنت // بصراحه انا انا اخت وليدوابيك تساعدني

يوسف مسكين توقف مخه ,, اخت وليد معي في السياره وقدام بيتهم بعد ""هلا هلا ""

يوسف// وكيف اساعدك؟؟؟؟؟

البنت وهي تبكي // اهلي بيزوجوني واحد شايب عمره 50 سنه وانا توني 18

يوسف // طيب وكيف تبيني اساعدك

البنت// بصراحه انا انا

يوسف// انتي ايش؟؟؟

البنت // انا احبك انت يايوسف وابيك تخطبني

يوسف مذهوووول من اللي قاعد يسمعه ( يارب من وين طلعتلي هالبلوه )

بعد ثواني جاهم وليد وماانتبه للبنت

وليد// زين انك باقي مارحت ابيك توصلني المستشفى اختي مره تعبانه وسيارتي خربانه

يوسف تجمد في مكانه ياربي وش السواه وين اودى وجهي من

وليد //وشفيك ساكت

يوسف ، يبلع ريقه // هاه لا لا مافيه شي


وليد // طيبلحظه بدق لاختي تجي ,, فجأه يدق الجوال داخل السياره ويلتفت وليد ويناظر داخل السياره

وليد// وفــــااااء

وتبدى البنت تبكي وتقول يوسف حبيبي الحق علي

ويروح وليد ويجرها من السياره وهي تصيح

ويركض يوسف يبي يساعدها

يوسف//تكفى وليد انت فاهم الموضوع غلط

وليد// اي غلط واي خرابيط ياخساره يايوسف ماتوقعتك كذا ,, مالقيت غير اختي


؟؟؟ويسحب البنت ويجر غطوتها

يوسف لف مايبي يشوف وجه البنت ,, شوي الا يسمع صوت الضحك معبي


المكان!!!!!!!1

ويلف وكانت الصدمه ّّّّ!!!!!

البنت هذي كاااانت ,,,,, فــــــوااااااااز,,,,,,,,,

فواز+ وليد هههههههههههههههههههههههههههههههههههههههههههههههههه ههههههههههه

يوسف انصدم وماقال ولا كلمه ,, ركب سيارته وراح وهم ينادونه وهو مارد عليهم

قعدو يومين وتراضو

%%%%%%%%%%%%%%%%%%%%%%%%%%%%%%%%%%
{{المستشفى}}

الممرضه // د عادل لقيت الجوال هذا في غرفه البنت الس سالت عنها

د عادل// مشكوره وياخذ الجوال ويفتحه ويشوف صوره لبنت ايه في الجماال ويقول

د عادل// الوجه هذا ماهو غريب علي !!!! وين شفتها وين شفتها معقول تكون هي ويدقق في الصوره

د عادل // الا والله هي البنت اللي خيطت لها الجرح اللي في خدها يعني معقول تكون هي !!!!!!!!!


وجلس يدور في الصور يمكن يلاقي الشي اللي ياكد له شكوكه ,,وفجأة !!

يشوف صوره عمه سعد وهو حاضن وسن

عادل// سبحان الله القدر جابك لنا يابنت عمي بدون ماندري


%%%%%%%%%%%%%%%%%%%%%%%%%%%%%%%%%%%%%%
{{بيت العمه شيخه ام اسامه}}

انهار// يعني لازم من هالعزيمه يايمه؟؟؟


ام اسامه// وشدعوه ياانهار ,,تبين الناس يقولون عنا مانعرف الواجب ,,هذا ولد اخوي ولازم اوجبه


انهار// لايمه ماقصد اللي فهمتيه,,بس انا بكره مواعده زميلاتي في المدرسه نبي نروح لابله سميه لانها تعبانه


نهى ( ادري انك تكذبين ياانهار وماهو هذا السبب الحقيقي)


ام اسامه// عادي يمه اعتذري منهم وزوريها وقت ثاني


انهار// خلاص مايصير خاطرك الا طيب


نهى//اصلا يمكن الست سميرة ماتجي


ام اسامه//وليه ماتجي على راسها ريشه؟؟


انهار( ليتها ماتجي وتفكنا شرها)

نهى// والله يمه تعرفين سميرة كل شي على كيفها والبركه في ولد اخوك

ام اسامه//عيب يابنت استحي على وجهك هذا ولدخالك



نهى // والله انا ماقلت شي غلط ""وتقوم تروح غرفتها



%%%%%%%%%%%%%%%%%%%%%%%%%%



{{غرفة عادل}}

كان جالس ويفكر في طريقه يقنع فيها ابوه انه يسكن برا البيت ""انالازم اطلع لازم



كيف اعيش معها في نفس البيت كيف



وترجع به الذاكره لست سنوات """"عادل//هذي هديه بسيطه اتمنى تعجبك



سميره//الله مره حلوه ,,ذوقك يجنن ’’عادل كان جايب لها ساعه الماس


عادل// ههههههههههه ادري ان ذوقي حلو والاماكان اخترتك انتي بالذات حبيبتي

وزوجت المستقبل عن قريب

انشاالله ,,,,سميره تغير لونها وبلعه ريقها بصعوبه وقالت

سميره// عادل انا انا

عادل // انتي ايش ياعمري؟؟

سميره//والله ماادري وش اقولك بس بصراحه,,احس اننا مانناسب بعض ,,او اني


تسرعت بعلاقتي فيك

عادل كان يسمع كلامها وهو مذهول (""وش قاعده تقول هذي)



سميره// عادل انا توني صغيره 18 سنه ومااعتقد اهلي بيوافقون على زواجنا



هالحين مستحيل واصلا انا ماني مقتنعه


عادل بقهر// ويوم انك صغيره على قولتك ليه تلعبين على مشاعري هاه

سنتين نحب بعض وهالحين توك اكتشفتي اني مااناسبك؟؟؟ليه مين انتي اصلا

سميره // رجاء عن الغلط


عادل// اصلا انتي كلك على بعضك غلط في غلط ,, وخسارت عمري اللي ضيعته على واحده زيك.. وقام وتركها

وهو حاسس بالدنيا تدور من حواليه

قدم على نقل لابها وسافر وبعد 7شهور كلمه ابوه وقاله يجي علشان عمر بيتزوج

بعد اسبوع وصل عادل للدمام قبل الزواج بيوم وكان فران لاخوه عمر اللي فاجأ الكل بهالزواج

عادل//هههههه والله طلعت منت سهل ياعمور تحب من ورانا هاه

عمر //هههههههههه نحن السابقون وانتم الاحقون

عادل تذكر سميرة وبان على وجهه الحزن


عمر // عادل عسى ماشر اشفيك؟؟؟؟

عادل// لالا مافيه شي ولا تضيع السالفه

عمر// اي سالفه؟؟؟


عادل///ههههههههه سالفه العروس ,, كيف ومتى حبيتها بسرعه اعترف


عمر // الله الله كلها دفعه واحده

عادل// اقول اخلص علي

وبدى عمر يحكي له كيف تعرف عليها قبل سنه ونص ,, وانها ملكه قلبه وروره وانه ماعد يقدر يعيش بدونها


عادل//ههههههه والله كتن ودي انك تاخذ انهار عشان تطلع لك قرون


عمر // اعوذ بالله ياشيخ كان قلت نهى يمكن تنبلع ,, ولو انهم كلهم مايسوون ظفرسميره حبيبتي


عادل وميه علامه استفهام على راسه؟ سميرة؟؟؟؟؟


عمر // ايه سميره عروستي

عادل// الا ماقلتلي هي بنت مين ؟؟؟؟

عمر// بنت سالم بن محمد الـ.......

عادل مسك راسه وجلس على الكرسيوهو مو مصدق اللي قاعد يصير( يعني تركتني الحقيره علشان اخوي )


عمر// ايشفيك ياعادل تعبان؟؟؟


عادل// لا لا بس مانمت زين عن اذنك ..


وتم الزواج وعمر سافر جده وسكن هناك

رجع عادل للواقع ""على صوت حسين الجسمي والله ماتسوى اعيش الدنيا دونك


ويلتفت على مصدر الصوت ويلاقيه يطلع من الشنطه اللي على المكتب

ويروح ويفتح الشنطه ويلقى جوال وسن ""ويبتسم واخيرا دقيتي

وياخذ الجوال ويدق على نفس الرقم ,,وبعد ثواني يسمع صوت انثوي ناااااااااااعم


وسن // الوو


عادل "" ذااااااب على هالصوت

وسن// الوو الوو

عادل// هاااه قصدي هلا

وسن//السلام عليكم

عادل// وعليكم السلام

وسن// لوسمحت اخوي الجوال هذا لي ضيعته قبل يومين


عادل// اممممم انتي وسن سعد؟؟

وسن بصدمه// انته من وين تعرف اسمي ؟؟

عادل// معك دعادل من مستشفى( الـ........) اللي تنومتي فيه قبل يومين

وسن// طيب لوسمحت كيف اقدر اخذالجوال قصدي حدد لي مكان وانا ارسل ""قاطعها عادل

عادل//لا لا ياليت تجين المستشفى بنفسك

وسن ماعجبها كلامه وتمت ساكته

عادل// لا تفهميني غلط بس ضروري تجين عشان موضوع الحادث

وسن//لا لا انا مسامحه الرجال هو ماله ذنب انا الغلطانه

عادل// لا ماهو بخصوص الرجال الي صدمك

وسن// اجل بخصوص ايش؟؟

عادل// انتي قبل7شهور توفو اهلك عندنا صح؟؟

وسنوالدموع بدت تتجمع في عيونها//ايه صح بس ليش تسأل؟؟

عادل// انتي تعالي وبتعرفين اوكى

وسن// خلاص بكره اجيكم

%%%%%%%%%%%%%%%%%%%%%

ياترى ايش بيقول عادل لوسن ؟؟

ووسن ايش مخبيلها الزمن ؟؟

وسميرة وعادل ايش راح يصير بينهم؟؟

هذي كلها في البارت القادم