***الجزء الرابع والعشرون***





سجى لها اسبوعين فاقده الورد اللي كان يرسله


العاشق الصامت لانه وقف يرسل


نهى// انتي الحين زعلانه عشانه وقف يرسل؟


مو كنتي تقولين انه مسبب لك قلق بالورد


سجى// موقصدي كذا


نهى// اجل ايش قصدك؟

سجى// يمكن تعودت عليها او يمكن

الكلام اللي يكتبه عالكرت

نهى// ليه وهو وش يكتب على الكرت؟

سجى// لايروح فكرك بعيد هو يكتب كلام يواسيني

فيه ويقولي ان الحياة لازم تستمر

ومن ذا الكلام اللي يريح الواحد ,تدرين كلامه مرة

يريحني يمكن لاني محتاجه لمثل هالكلام

نهى// امممم شكلك حبيتيه وانتي ماتدرين

سجى// مستحيل احب بعد عصام

نهى// ياسجى الحي ابقى من الميت

سجى// اللي يسمعك يقول العاشق الولهان عند

الباب يابنتي كلها كم وردة ولاتكبرين الموضوع اوكي

نهى// اوكي وراح نشوف اخرتها معه

*******************************

عادل اخذ وسن وسافروا شهر عسل متأخر


عادل// لو سامعه كلامي ومخليه هالمقرود

عند امي مو احسن

وسن// ههههه حرام عليك هذا الحلو تقول

عنه مقرود

وبعدين انت عارف اني مااصبر عنه

عادل// ياخوي هالعصوم ينسيك واحد ثاني

وسن باستهبال//منهو امانه تكفى قولي ياويلي

انا لي معجبين وانا مدري

عادل رمى عليها المخده //تستهبلين هاه طيب انا اوريك

واخذ مفاتيحه وقام بيطلع

وسن//على وين يابعد روحي

عادل//وخري عن طريقي انتي ماتعرفيني

اذا عصبت وش اسوي

وسن//ههههههه الا انا اكثر وحده اعرفك وانت معصب

ياولي منك ومن عصبيتك بس على قلبي زي العسل

عادل حاوطها بذراعه //الا انا اللي ياويلي منك ومن

دلعك اجل لك معجبين هاه .. تعالي وانا اوريك

المعجبين وش بيسوون فيك

وسن//هههههه عادل الولد صاحي وخر

عادل// صاحي والا نايم انا قلتله يجي معنا؟؟

وسن// هههههههههه

&&&&&&&&&&&&&&&&&&&&&&

فواز// مها مها وينك؟

مها// خير فواز انا هنا في المطبخ

فواز//مهاتي سويي كاستين عصير وحطي معها كيك

ومن هالخرابيط بسرعه

مها// ليه؟؟

فواز// عندي واحد وترى حنا في المكتب

اللي في جناحنا

مها//غريبه مو في المجلس

فواز// خلاص تحقيق هو يالله بسرعه

مها// طيب اعصابك

راح فواز فوق ومها تسوي اللي قالها عليه

((غريبه ليه معصب كذا؟وبعدين هذ اول مرة

يجلس احد غريب في الجناح مو في المجلس))

سوت مها العصير وراحت فووق ,دقت الباب مره مرتين

مااحد رد قالت اكيد نزلو تحت

نادت الشغاله وقلتلها تودي الاغراض المجلس بعد عشر

دقايق رجعت الشغاله وقالت ان مااحد في المجلس وان

سيارة فواز موجوده , مها استغربت وراحت للمكتب مرة

ثانيه فتحت الباب ودخلت ويوم شافت اللي في الغرفة

انصدمت!!!!!!!!!!



مها// انتي مين وكيف دخلتي هنا هاه؟؟؟؟؟

التفتت البنت اللي كانت جالسه ومتنقبه

البنت// انا انا

مها // انتي ايش؟ وبعدين من دخلك؟ هنا فوازصح؟؟

البنت// ايه فواز وبعدين لاتعصبن عليه ترى

هوماكان مايدري اني بجي

مها// انتي كيف تسمحين لنفسك تجلسين مع رجال

غريب بروحكم؟ ماتستحين على وجهك

البنت// رجاء عن الغلط وبعدين انا ماجلست مع احد غريب

مها// ايش قصدك؟

البنت// قصدي واضح فواز ياعمري

يكون زوجي زي ماهو زوجك

مها!!!!!!!!!!!!!!!!!!!!!!!!!!!!!!!!!!!!!

صدمه قوية حست بها مها وجلست عالكنبه

البنت// انتي ليش زعلانه احمدي ربي انه متزوجني

بالسر يعني وجودي زي عدمه .بس لو بتتركينه

لي يكون هذا احسن شي تسوينه

مها// ياحقيرة وجايه لعندي تقولين هالكلام ؟بس انا اوريكم

طلعت مها لغرفتها وهي معصبه ومقهورة جلست شوي

وبعدين قامت وراحت للمكتب مرة ثانيه

وهي ناويه تقول لفواز يطلقها

فتحت الباب وشافت فواز جالس ورى المكتب يقرا جريده

ولا كأنه مسوي شي

مها بقهر//فواز

فواز// هلا قلبي بغيتي شي؟
مها مقهوره منه// جعل قلبك ينبط قول امين
فواز// خير حبي اشفيك معصبه؟
مها//مافيه شي سلامتك بس ابيك تطلقني

فواز// ايـــش ؟ انهبلتي انتي وش ذا الكلام
مها // فعلا انا هبله يوم صدقت كلامك انك تحبني وتموت علي

فواز// ليش انا ايش سويت عشان تقولين كذا

مها //لاوالله وزوجتك اللي كانت هنا وش تسميها

هاه خساره يافواز تجيبها لهنا وتخليني اسويلها

عصير بعد تفو عليك وعليها
فواز //انتي شكلك خرفتي وش زوجتي وعصير

ومدري ايش انتي عن ايش تتكلمين؟

مها //انت تبي تجنني ؟

فواز //انا مو فاهم شي

مها //وزوجتك اللي كانت هنا وين راحت

فواز// ماكان هنا احد غيري

مها //فواز مو وقت استهبالك ترى انا واصله معي

فواز// انا مااستهبل بس شكلك تبين تتهاوشين

ومالقيتي غير ذا الطريقه

مها تطالع فيه ومقهوره منه لانه مو مصدقها

وجالس يلعب باعصابها




فواز //عن اذنك بروح الحمام

مها جلست عالكنبه وتفكر ايش راح تعمل مع فواز

والمصيبه اللي حصلت شوي وانفتح باب الحمام

وطلعت منه البنت اللي قبل شوي

مها// يالحيوانه يعني منخشه بالحمام وانت ياسيد

فوازاطلع خلاص كل شي بان وانكشف

البنت //يعني الحين بتفهميني انك معصبه لانك

تحبينه

مها// وليه مااعصب مو هذا زوجي وحبيبي وروحي

وكل دنيتي بس للاسف طلع واحد حقير ونذل

ومايستاهل
قربت البنت من مها وشالت الغطى من على وجهها

انتي اللي روحي وقلبي ودنيتي كلها كانت الصدمه

لمها كبيرة // فواااااز

فواز// ههههههههههههههه ايه فواز يابعد طوايفي

مها// ليه كذا ليه وجلست تصيح

فواز// هههههههه والله مو بيدي انا احب المقالب

ومن يوم تزوجتك ماسويت ولا مقلب فقلت مالي

غيرك استفتح فيك هههههه

مها //سخيييييف مااحبك اكرهك اكرهك

فواز// هههههه كذابه توك معترفه انك تموتين

فيني هههههه

مها.......

فواز//مها تكفين لاتزعلين مني والله كنت امزح معك

وماكنت ادري انك بتعصبين كذا

مها //لاوالله اجل تتزوج واسكتلك

فواز باسها على خدها وراسها

فواز// خلاص اسف حبي وماراح اسوي فيك اي

اقلب بعد اليوم

مها //والله ماعاد اظمنك

فواز //ههههههههههههه

&&&&&&&&&&&&&&&&&&






وسن وعادل من مكان لمكان وماخلوا شي الا راحوه
وسن// عدولي قرب ينتهي الشهر

عادل// ههههه تبغين نمدد مافيه مشكله

وسن //لاموقصدي بس بغيت منك طلب

عادل// انتي تامرين مو تطلبين

وسن //تسلم ياقلبي امممم ابغى نزور اخوي جاسم

عادل //طيب ماباقي الا اسبوع يكفيك؟

وسن //لو يوم واحد مومشكله اهم شي اشوفهم

عادل //خلاص نروح فرنسا ومنها نتمشى هناك
ههههه

وسن //لا انا طفشت من التمشيه هناك بجلس في

البيت ومابطلع

عادل //من يومك نذله هههه

اليوم الثاني حجزوا على فرنسا

&&&&&&&&&&&&&&&&&&&&&
سميرة// بس انا مابيه

ابو سميرة// بس انا ابيه وابي افتك منك واحمدي

ربك ان فيه ناس فكروا فيك بعد سواد وجهك

سميرة // بس يبه هو متزوج وعياله كبار

ام سميرة// يعني انتي اللي نونو هذا انتي مطلقه

وعندك ولد

ابو سميره//الرجال بيجي بكرة ومابي رجه

ووجع راس وبتتزوجينه غصب عليك

&&&&&&&&&&&&&&&&&&&
وصلت وسن وعادل لفرنسا

جاسم // ياهلا واللهباللي جونا وش هالمفجأة

صراحه كنت احسبكم تمزحون

عادل// ليه يعني مو كفو انا نجي فرنسا؟

جاسم// افاااا عليك الا كفوو واصلا لهم الشرف

ان عادل بن عبدالله بيجيهم

وسن// ايه ايه انفخه ترى هو ناقص غرور

جاسم// والله انا اقول الصدق وانتي كيفك

عادل// ماعليك منها اصلا ماطيحها الا

هالنفخه اللي فيني هههههه

وسن// اقوول عادل شكلك ناسي تبيني اذكرك؟؟

عادل// لا خلاص اسفين ههههه

وسن// ايه خلك كذا

جاسم// شكل فيه اسرار وانا مدري هههه

عادل// لامافيه شي

جاسم// ايه خلاص صدقتك هههههه

وسن// اقول انا بروح عند خالتي فوق

وانتو خذوا راحتكم

راحت وسن عند خالتها لانها مشلوله

وسن// هلا خالتو كيفك الحين بعد العلاج؟

ام جاسم// الحمد لله يابنتي والله اني فرحت بجيتكم

وسن// تسلمين ياخاله بسالوقت ضيق ماباقي

الا كم يوم ولسى ماشبعت منكم

ام جاسم// اهم شي اني شفتك قبل اموت
وسن// الله يطول بعمرك وتشوفين عيال جاسم

ام جاسم// الله يهديه يقول مايبي يعرس

وسن// ماعليك منه انا بدور له عروس

ام جاسم// الله يجزاك خير بس على الله يوافق

الا اقول يابنتي كيفك مع عادل ؟؟

وسن// الحمد لله ياخاله سمن على عسل

وعادل مرة طيب وزود على كذا يحبني

ام جاسم// الله يديم عليكم السعاده يابنتي

&&&&&&&&&&&&&&&&&&&&&&&

نهايه الجزء24


قراءة ممتعة

**الجزء السادس والعشرون**







بعد شهرين من الاحداث السابقه

سميرة عايشه عيشه عمرها ماتخيلت انها بتعيشها

طول وقتها بالمطبخ وشغل البيت كله على راسها

وفوق كذا معاملة ابو صالح الزفت لها ,ومعايرتها

كل شوي انها مشوهه ,قالت لابوها انها كم مره انها

مو مرتاحه وتبي تتطلق بس رد عليها وقال كنتي

مرتاحه مع عمر وخربتي بيتك بيدك الحين تحملي

نتيجه افعالك

سميرة// توي رتبت المطبخ ماامداه يتوسخ

ابو صالح//وتسمين هذي نضافه العصير معبي المطبخ

والسكر منثور بكل مكان وتقولين نضافه

سميرة// والله العظيم انه كان نضيف بس شكل

بناتك هم اللي وسخوه

ابو صالح// اقول بلا هذره زايده وروحي نضفيه

راحت سميرة للمطبخ وانصدمت من شكله كيف صاير

سميرة// حسبي الله عليكم من بنات

جلست تنضف ويوم خلصت طلعت تبي تروح غرفتها

بس حست بدوخه وماامداها تتكلم الا وطاحت غشيانه

شافتها ام صالح واتصلت بزوجها وجاء وداها المستشفى

&&&&&&&&&&&&&&&&&&&&&&&&&

سعيد سلم نفسه للشرطه لانه ماقدر يسكت وتأنيب

الضمير ماخلاه يرتاح فقال اسلم نفسي قبل يمسكوني

&&&&&&&&&&&&&&&&&&&&&&&

صفاء// ياخي انت دافن نفسك في ذا الشغل وماريحت

نفسك ابد , وبعدين الناس يروحون ويجون واحنا

محبوسين هنا لاسفر ولا تمشيه زي الناس ,ترى عيالك

وامهم لهم حق عليك

عزام// والله ادري اني مقصر بس شسوي انتي عارفه

الوالد معتمد علي في الشركه,بس اوعدك الشهر الجاي

اخذ اجازه وراح اوديكم المكان اللي تبون

صفاء//الله يخليك لنا ترى العمر يخلص والشغل

مايخلص ارحم نفسك شوي

عزام// حاض على امرك

صفاء// طيب عندي خبر حلو ابي اقوله بس مستحيه

عزام//خير ياوجه الخير

صفاء// امممم فيه ضيف بيجينا بعد 7شهور وبنصير

5اشخاص

عزام// اممم ضيف بيجي بعد 7شهور وبنصير

5 اشخاص ,لايكووون

صفاء هزت راسها

عزام// احلفي انك حامل

صفاء// هههههه لهالدرجه كنت فاقد الامل مني

عزام// مو مصدق بعد هالمده تحملين؟

صفاء// انا متابعة العلاج مع الدكتوره وصارلي

5شهور من يوم وقفت والحمد لله ربي رزقنا هالحمل

عزام// الف الف مبروك يابعد عمري ,هاه لااوصيك

انتبهي لنفسك ,ولاتجهدين روحك ترى ماجاء

هالحمل بالساهل

صفاء// حاضر بابا انا فيه يسمع كلام مال انتا هههههه

عزام// خير قلبتي كاندي على غفلة ههههههههههههه



&&&&&&&&&&&&&&&&&&&


ابو صالح// خير يادكتور زوجتي وش فيها؟

الدكتور//الحين ماندري لازم نسوي لها تحليل حمل

وبعدين نشوف ايش عندها يمكن تكون حامل

ايو صالح// طيب متى تطلع النتيجه؟؟

الدكتور// بعد نص ساعة عن اذنك

&&&&&&&&&&&&&&&&&&&&&&&&&&

سطام// عهود بغيتك في موضوع

عهود// خير اقلقتني

سطام// ههههه لاتخافين مابتزوج عليك

عهود// هي هي هي ماتضحك يالله قول وش بغيت

سطام// اسمي واحد من زملائي زوجته عند اهلها

وتوها والد ويبي يسوي لها مفاجأة ة قام غير اثاث البيت

بس باقي غرفة النوم وطلبني اشوف اذا

بتقدرين تساعدينا

عهود// وكيف اساعدكم؟؟

سطام// هو اعطاني فلوس وقالي اروح انا وانتي

وتختارين لها غرفة نوم وكل شي خاص فيهاعلى

ذوقك وعاد انتي عارفة هالشغلات

عهود//بس اخاف مايعجبها ذوقي

سطام//لاهو يقول انها بسيطة وراح يعجبها اي شي

عهود//خلاص صار ولايهمك

*************************



عبير//والله زارتنا البركة ياام عصام

وسن//تسلمين والله بس لاعاد تقولين ام عصام احس
اني عجوز هههههههههههههههه

عبير//ههههههههههههه

سجى//افا وانا مازارتك البركة بجيتي هههههههههه

عبير//لاني شبعت من وجهك هههههههههه
سجى//يالله اجل بروح واخليك مع ام عصام لانة شكلة
كرتي طاح

عبير//هههههههههه فديت الزعلانين انا

وسن//ترى مها تسلم عليك

عبير//الله يسلمها ويسمنها ههههههههههههههه
وسن//وين تسمن مسكينة وفواز وراها

سجى//الله لهالدرجة منكد عليها
وسن//مو منكد عليها بس من كثر مايسوي فيها مقالب

عبير//هههههههههههههه اما مقلب البنت كل مااتذكرة
ودي ازنط هالفواز
وسن//حدك عاد كلة ولافواز ههههههههههههه

الا ماقلتي لي وش اخر التظورات

عبير// اي تطورات

وسن// حبيب القلب اللي بالمنتدى
عبير//آآآآآآآة وش اقول وش اخلي
سجى // الله لهالدرجة
عبير//واكثر الغبي كم مرة قلت لة اني احبة بس مو
راضي يبادلني نفس الشعور
ويقول قلبة مقفول ومستحيل يحب عن طريق النت

سجى//طيب وش بتسوين ؟؟
عبير//والله ماادري انا احبة واموت علية بس هو ثقيل
وقالي اذا ابغى نكون اصدقاء ماشي بس اذا شي ثاني
اشيلة من بالي والا بيترك المنتدى

وسن//خلاص مدام انة صريح معك ولاهو من النوع اللي
يحب يلعب على البنات مفروض تفرحين بصداقة واحد
زية وتنسين هالحب اللي من الاساس غلط
عبير//وليش غلط انشاءالله؟.؟
وسن//لانك ماتضمنين من هو هالشخص ولا وش هي
اخلاقة مستحيل شاب يرتبط بوحدة تعرف عليها بالنت
عبير//بس انا صدق احبة وانتي ماتعرفينة لو عرفتية
راح تنعجين بطيبتة واسلوبة
سجى//يمكن كلامك صح بس هو قالها لك بصراحة انه

مايحبك

عبير//هو مايحبني ومايحب غيري بس وش اسوي
بهالقلب ,,,,,,,,,, اووووف خلاص غيروا هالموضوع
احس اني بصيح
وسن//طيب شغلوا المسجل وقوموا نرقص
عبير//مالت عليك شايفتني رايقة للرقص
سجى// ههههههههههههههه لا ماعليك انتي لو بتموتين
بكرة راح ترقصين
عبير حذفتها بالمخدة// وجع يالدبة انا كذا

البنات// هههههههههههههههههه


***************



ابو صالح//اييييييييش انت وش تقول ؟؟؟
الدكتور // مو انا اللي اقول هذي نتائج التحليل وترى
حالتها متأخرة
ابو صالح مصدوووووووم //ايييييييدز ايييييييدز

مو معقول اكيد فية غلط

الدكتور//انا مقدر حالتك بس هذي الحقيقة وترى
بنحجزها عندنا

ابو صالح طلع من عند الدكتور وراح لسميرة دخل

وجلس بدون كلااام
سميرة//هلا ابو صالح متى بطلع

ابوصالح//وليش مستعجلة

سميرة//انا مااحب المستشفيات

ابوصالح//لازم تتعودين عليها لانها بتصير بيتك؟

سميرة//انت وش تخربط وش تقول

ابوصالح//انتي عارفة وش طلع عندك

سميرة //اية اكيد عندي فقر دم لان نفسي مسدودة عن

الاكل من يوم تزوجتك

ابوصالح//لا وانتي الصادقة اللي عندك الايدز

سميرة//اييييييييييييييييييييش ؟؟؟؟؟؟؟

مستحيل انت كذاب كذاب
ابوصالح//لاماني كذاب وعاد شوفي من وين جاك

يالـ..............

سميرة جاها حالة هستيرية وجلست تصيح وتدعي على

سلمان وجوا الممرضات واعطوها منوم وراحت بسابع

نومة
******************************

الكل درى بمرض سميرة والبعض انصدم والبعض تقبل

الوضع لانة عارف اخلاق سميرة>>>>الله لايبلانا وقولوا آمين

*****************************
نهايه الجزء26

&&الجزء السابع والعشرون&&



عهود// هاه جات زوجة صديقك والا باقي؟

سطام // الا جات وطارت من الفرحة بالمفاجأة

اللي سواها لها

عهود// اهم شي غرفة النوم عجبتها؟

سطام// ايه عجبتها وتقول انها احسن شي في الاثاث

عهود// احم احم كنت عارفه ان ذوقي راقي ورهيب


سطام//ياشين الثقة من غير سنع


عهود // سطااااااام


سطام// ههههههههه نمزح لاتاكلينا

********************************

وسن// عبوره خلك اليوم نامي عندي عادل مناوب

وبينام بالمستشفى


عبير//والله مااقدر تعرفين امي مستحيل توافق

وسن// طيب انا بكلمها

عبير// طيب جربي ولو اني عارفه الجواب مسبقا

وسن// هههههه حلوة مسبقا متعوب عليها

دقت وسن على ام عبير واقنعتها ووافقت

عبير//وااااااااو ماني مصدقه ام فيصل وافقت اني

ابات برى البيت ؟


وسن//انا وسونه مو حيالله

سجى// ههههه شكلك تعلمتي من عادل


وسن// فديت عادل وسيرته

******************************

مها // فواز ابيك توديني عن سميرة حرام محد زارها

من اهلي وقلبي مو مطاوعني مااروح لها


فواز//فديت قلبك انا يالله البسي وبوديك

راحت مها لاختها المستشفى ودخلت عندها وصدمها

شكل سميرة

مها// كيفك سميرة


سميرة// اخيرا احد تذكرني

مها// محد نساك بس اهلي راحو ياخذون عمره


وشكل الجلسه هناك عجبتهم


سميرة// لاتكذبين علي ادري انهم هنا بس مايبون


يشوفوني تكفين مها خليهم يجون انا ابيهم يسامحوني


مها// طيب ياعمري بس لاتضايقين عمرك


سميرة//مها سامحيني على كل شي سويته معك ارجوك

انا ندمانه على كل شي سويته بحياتي

مها//مسامحتك ياقلبي وانشاءلله تتعافين وتخرجين


وترجعين لبيتك وولدك


سميرة// اتعافى ههه انتي عارفه اللي عندي وان ايامي

معدوده

مها//الاعمار بيد الله ويمكن اموت قبلك ماتدرين

سميرة// بعيد الشر عنك

مها//طيب سموره انا اخليك الحين واجيك مره ثانيه

سميرة// الله معك وامانه خلي اهلي يجون

مها// يصير خير

طلعت مها ولقت فواز ينتظرها


فواز// هاه كيفها

مها//الله يكون بعونها

فواز// امين

مها// يالله مشينا

فواز//لحظه تعالي نروح للدكتوره تشوف الدوخه

اللي تجيك من ايش

مها//خلها مرة ثانيه الحين مالي خلق


فواز//لا الحين

راحو للدكتورة وطلبت منها تحليل للحمل


عشان تقدر تعطيها علاج


****************************

عبير // يختي مدري كيف تسوين ذا الكيك يهبل

وسن// هذا سر المهنه ,الا اقولك انا بروح اخذلي دش


سريع وارجعلك


عبير// هههههه غرتي مني والله بجامتك هذي


طالعه علي شي شكلي باخذها


وسن// تفداااك والله

عبير// تسلمين اقول سجى نامت؟؟

وسن//ايه نامت تقول مصدعه شوي,,يالله بروح اخذ
دش


عبير// نعيما مقدما هههه


راحت وسن وعبير جلست تنتظرها بالمطبخ


**************************

عادل // هلا جاسم وصلت؟

جاسم //ايه توي واصل بس لاتتعب عمرك انا


باخذلي لموزين


عادل//والله اني منحرج منك بس عندي مناوبه وعمر

مسافر وعزام مشغول


جاسم//لاعادي احنا اخوان ومابيننا احراجات الا اقولك

ا
قلت لوسن اني بجي؟؟؟

عادل//لا ماقلتلها حسب طلبك

جاسم// ايه احسن ابيها مفاجاة

عادل//طيب تدل البيت؟؟

جاسم// افااا عليك اكيد ادله انت ريح بالك

وانا لاوصلت ادق عليك

عادل// اوكي سلام

جاسم// سلام

اخذ جاسم لموزين وراح لوسن


عادل دق عالبيت وردت الشغاله وسألها عن وسن وقالت

انها بالمطبخ وقالها تفتح باب البيت بدون ماتقول لوسن

وصل جاسم البيت لقى الباب مفتوح ودخل سأل الشغاله

وقالت وسن بالمطبخ راح جاسم للمطبخ وشاف وسن

معطيته ظهرها ,جاء من وراها وحط ايديه على عيونها

جاسم// من انا ؟؟؟؟

عبير من الخرعة ماقدرت تتكلم

جاسم// انا مارح ابعد ايدي الين تقولين انا مين

عبير.................

جاسم استغرب سكوت وسن // الله لهادرجه مو عارفه

صوتي ؟؟ ولفها لجهته وانصدم!!!!!!!!!

جاسم//انا انا اسف اختي كنت احسبك وسن

عبير.............

جاسم// والله انا اسف مو قصدي عن اذنك ,,

طلع جاسم الحوش ,,وعبير جلست على الارض

((الله ياخذك ياوسن من ذا اللي طلعلي مو تقولين عادل

مناوب اجل من ذا؟؟))

جات وسن وشافت عبير جالسه عالارض

وسن// ههههههه خير ليه جالسه كذا؟؟

عبير//وسن الحقي على,

وسن// وشفيك؟؟


عبير//مدري كان هنا واحد دخل وحط ايده

على عيوني وكان يحسبني انتي ويم شافني انحاش

وسن// مو فاهمه شي

عبير// اقولك كان يقول اكيد عرفتيني ياوسن


وسن//بس انا ماشفت احد في البيت

عبير// لا هو طلع الحوش

وسن راحت للباب وشافت جاسم واقف برى

وسن// جسووووم هلا والله كيفك ايش هالمفاجأةالحلوة؟

جاسم// هلا وسن كيفك انتي

وسن // ايش فيك كذا شكلك مو طبيعي

جاسم// والله ماكنت ادري انها اخت عادل ,الحين وش

بيقول عني ؟؟

وسن// اول شي انت ماكنت تدري عنها ,,وثاني شي

هذي مو اخت عادل هذي صديقتي وانا قلتلها تبات عندي

جاسم// يالله ايش هالموقف البايخ,الحين وش بتقول

البنت؟اني مااستحى جاي مدرعم واحظنها واغطي

عيونها,,يالله وش هالفشله

وسن//هههههه البنت بغت تروح فيها مسكينه بس

ربك ستر ,,اقول عادل يدري انك بتجي؟؟


جاسم// ايه يدري بس انا طلبت منه مايقول لك بغيت

اسويها لك مفاجأة, بس امحق مفاجأة

وسن// هههههه خلاص لا تكبر الموضوع ,الحين

روح ارتاح والبنت ماعليك منها انا بفهمها السالفه

جاسم//لا انا حاجز بالفندق وبنام هناك

وسن// افا تنام بفندق وانا هنا

جاسم//لا صعبه وسونه انام هنا اول شي عادل مو فيه

والبيت فيه حريم.اعذريني مااقدر

وسن // اجل على راحتك بس اول ماتصحى تجي هنا


جاسم// اوكي ياعسل باي

وسن// في حفظ الله

رجعت وسن لعبير وفهمتها الموضوع وعبير عذرت

جاسم لانه مايدري عنها

*****************************

فواز// الف مبروك مهاتي ماني مصدق اني بصير ابو

مها// هههههه الله يبارك فيك ,تصدق مو لايق عليك

فواز// ترى اعطيتك وجه هاليومين وماقمتي تحترميني

مها// ههههه فديتك يوم تعصب بيبي امزح معك

الا احلى ابو في العالم ,بس على الله الولد مايطلع

مهبول على ابوة ههههههه

فواز//ويعدين ؟ توك اشزينك

مها// ههههههه

فواز// اقول سمعتي الدكتوره تقول الحركه الكثيرة

مو زينه لك ,ايش رأيك اشيلك لين السيارة؟؟

مها//احلف بس

فواز// لاتعاندين ترى اسويها

مها// اقول بلا فضايح ويالله البيت

فواز/ ايه ناس ماتجي الا بالعين الحمرا

****************************

&& الجزء الثامن والعشرون&&

عادل// اقول وسونه

وسن// لبيه

عادل//انا ملاحظ سجى هاليومين مو على بعضها

دايم سرحانه او مهمومه تدرين ايش فيها؟؟

وسن// مافيها شي بس بعض الاوقات تتذكر عصام وانت

عارف عصام كان ايش بالنسبه لها

عادل// والله خايف عليها ياوسن هذي مو سجى الاوليه

وسن//انشالله يجيها ولد الحلال اللي ينسيها عصام

عادل// مااظن

وسن//عادل ايش رأيك بجاسم؟

عادل//من اي ناحيه؟؟


وسن//قصدي ودي جاسم ياخذ سجى هاه وشرايك؟


عادل//والله جاسم والنعم فيه بس هو قالك؟


وسن//لا ماقال بس انا بحاول اقنعه

عادل//والله ماودي انه ياخذها وهو مو مقتنع بالفكره اساسا

وسن// انا انشاءالله اقدر اقنعه

******************************

ام اسامة// يالله حي بناتي

انهار// الله يسلمك يمه كيفك وكيف ابوي

ام اسامة// والله كلنا بخير وانتي كيفك مع الحمل؟


انهار// والله متعبني شوي بس الله يخلي عمر وخالتي

شايليني على كفوف الراحه

نهى// وعاد انتي تموتين في الدلع تلاقينك حتى المويه

تقولين لعمر يشربك ههههه

انهار// حرام عليك يالدبه انا كذا؟

ام اسامة//وش رايكم تنامون عندي ؟؟؟

نهى// انا عن نفسي مااقدر اخلي فصولي ينام بروحه

ام اسامة//شوف البنت والله انك ماتستحين

اقل شي جاملي ههههه

انهار// يعني يمه ماتعرفين بنتك انها من يومها ماتستحي

نهى// ههههههههههههههههه امزح يمة وبنام

عندك وطز في فصولي كذا زين؟

ام اسامة// لا اخاف فصولك يخاف ينام بروحه

انهار//حلوة يمه ههههههههههههههههه

نهى // لا مايخاف ,الا اقول يمة وين اسامة؟

ام اسامة//توة طالع يجيب اغراض موصيه عليها

نهى // وحشني الدب ماقمنا نشوفه

ام اسامة//والله دافن روحه في ذا المكتب

نهى// انا بروح غرفته

انهار// وش تبين فيها؟

نهى//ابي ارتبها واتذكر ايام زمان

ام اسامة//جزاك الله خير اليوم مارضى انه يخلي

الشغاله تنظفها, واكيد انها معفوسه رتبيها زين هههههه

انهار// ههههههه تستاهلين

راحت نهى لغرفة اسامه ولقتها فعلا معفوسة فوق


تحت وجلست ترتبها وتشيل وتحط ,ويوم خلصت


جلست على الاب توب حق اسامه تبي تقرى خواطره

اللي مخزنها فيه على بال مايجي , لفت نظرها ظرف

على المكتب اخذته ولقته مفتوح عاد هنا اشتغلت اللقافه

وفتحت الظرف وانصدمت(( معقول انت يااسامه تسوي

هالاشياء؟ طيب ليش ))رجعت الظرف مكانه ونزلت


تحت وحصلت اسامة جاء

اسامة// هلا وغلا كيفك نهى وحشتيني مووووت

نهى// وانت اكثر

اسامة// وليش تقولينها كذا من غير نفس؟

نهى// مافيه شي بس تعال ابيك شوي

اسامة// خلاص روحي غرفتي وانا بلحقك

نهى// اوكي

اسامة// انهار بتباتين عندنا ؟

انهار// لا

اسامة// طيب عن اذنكم


نهى جالسه تنتظر اسامة وبيدها الظرف

دخل اسامة // هاه نهى وش بغيتي؟؟

نهى// ممكن تفهمني هذا ايش؟؟

اسامة يسحب الظرف // وانتي من سمح لك تنبشين

باغراضي ؟

نهى// مانبشت هوه كان على المكتب ومفتوح

اسامة//حتى ولو مالك حق تفتحين شي مو لك

نهى// لاتغير الموضوع , وقولي ليش سويت كذا

اسامة//هذا مو شغلك وانا مااحب احد يتدخل في

خصوصياتي

نهى// بصراحه ماتوقعت انك كذا ,الحين اسامه العاقل

الفاهم المحترم يسوي كذا؟

اسامة// انتي مو فاهمه الموضوع فرجاء لاتتدخلين

وبعدين ترى انا اخوك الكبير , ومو انتي اللي تعلميني

الصح من الخطى

نهى//ادري انك الكبير وانا اسفه , بس ابيك تفهمني

الموضوع

اسامه//ولو اني مو مجبور ابررلك بس

عشان ماتسيئين الظن بي راح اقولك وامري لله


***************************


جاسم //اقول وسن , بغيت اسألك عن البنت اللي شفتها


اول ماجيت من السفر


وسن // وشفيها؟


جاسم/// امممم مدري ليش طرت على بالي, اهي مخطوبه؟؟


وسن // ليش ؟ لايكون تبيها؟



جاسم // وليش هي فيها شي؟


وسن// لا مافيها شي وماقصدي بس انا بغيتك تاخذ

اخت عادل سجى ,البنت حلوة وصديقتي الروح بالروح


جاسم //بس انا ماابيها

وسن// طيب عطني سبب واحد


جاسم// بصراحه من يوم شفت البنت اللي بالمطبخ

مدري وش جاني حسيت بشي عمري ماحسيته

وسن// من قصدك عبير؟

جاسم// الله اسمها عبير

وسن// جاسم انت تتكلم جد؟

جاسم// ايه من جد ليه هي مخطوبه؟

وسن//لا بس لنت فاجأتني بصراحه

جاسم// ههههه حتى انا اتفاجأت اني من يوم

شفتها ماقدرت اشيلها من بالي

وسن//خلاص انا بكلمها واشوف رايها

جاسم// طيب ياليت بسرعه لان باقي 10ايام وبسافر

وسن// من عنوني كم عندي جسوم انا هههه

جاسم// فديتج وفديت عنونج هههههه

******************************
سجى جاها ورد بس بدون كرت وهذي المرة الثانيه

سجى(ياربي انا اشفيني تعلقت بهالورد وراعيه مستحيل

يكون كلام نهى صحيح اني حبيته وانا مدري ,بس ليش

انتظر الورد والكرت بلهفه ؟طيب ليش ماارسل

كرت زي كل مرة افف))

******************************

وسن //هاه عبير وشقلتي ؟

عبير// تدرين باللي بالقلب

وسن//عن الخرابيط انتي عارفه انه مستحيل هالحب

وبعدين جاسم ماينرد,مو عشانه اخوي بس من جد

هو اخلاق وبار بأمه ,وباقي له سنة ونص وبيصير

دكتور قد الدنيا ,وبعدين هو طاح ولا احد سمى عليه

من يوم شافك ذيك الليلة بالمطبخ تذكرين هههههه

عبير//وهذي ليلة تنسي ,والله مدري ياوسن اخاف اوافق

واظلمة معي لان قلبي مو له

وسن//حاولي تنسين هالولد لانه مايحبك وعيشي حياتك

مع اللي يحبك طيعي شوري

عبير//خلاص بفكر وارد لك خبر

وسن// فكري بسرعة ترى باقي اسبوع

ويسافر ويبي الرد بسرعة

عبير//لا يتشرط الاخ

وسن// ههههه يحق له هذا اخوي

***************************

بعد يومين وافقت عبير على جاسم واتفقو

يسوون الملكة قبل يسافر

جاسم//مو مصدق ياوسن كل شي تم بسرعه مو طبيعية

وسن//انت اللي تبي كذا

جاسم// شسوي مقدر اتأخر عن دراستي

وسن//طيب جسوم ابيك الليله تكون مروق

جاسم// هههههه اكيد بكون مروق

وسن//الله يسقى ايام زمان ,وتقلد صوته

(مابي اعرس واجيب وجع راس )

جاسم// انا ؟متى قلت كذا ههههه

وسن// يالدب تكذب عيني عينك؟


اقول انت بتأخرني


انا وراى مية شغلة يالله باي

جاسم// هههه باي

***************************


نهايه الجزء 28