{{{{الجزء الحادي عشر}}}
بعد اسبوعين من الاحداث السابقه
البنات طلعت نتايجهم وسجى كانت اعلى وحده فيهم , واليوم هي
مسويه حفله كبيره بهالمناسبه وعازمه كل صاحباتها .
وبعد ماراحو البنات من عند سجى , وسن طلعت غرفتها , وكان
عادل باقي ماجا من المستشفى , اخذت لها دش سريع لانها تعبانه
وفيها النوم, يوم طلعت من الحمام ,شافت مكالمه لم يرد عليها ,
ابتسمت ودقت عليه,وسن/ هلا حبيبي معليش والله ماسمعت الجوال
كان بعيد عني , ههههههههههههه لاوالله مانسيتك . انت تعرف معزتك
عندي , لا لا انت غير وعادل غير , ههههههه اكيد وحشتني وهذي
يبيلها سؤال؟ انشالله اشوفك قريب وعادل اللي بيجيبني عندك هههههه
وشتبي اكثر من كذا , * وماحست الا بالجوال ينسحب منها وينرمي
على الارض,وسن/ ايش فيك وليه كذا ؟
عادل/ ولك عين تتكلمين ياحقيرة , ونزل فيها ضرب
عادل/ اناكنت ساكت عنك قلت باستر عليك , لانك بنت عمي
بس طلعتي وحده ماتستاهلين ,لا وتكلمينه وانتي على ذمتي وفي بيتي
وبعد تبيني اوديك له ؟ لهادرجه انا طايح من عينك
يالحيوانه ياللي ماتستحين , بس انا اوريك وكمل ضربه فيها وبعدها
اخذ مفاتيحه وطلع من الغرفه ومن البيت بكبره , وراح السيارة
وحط راسه على الدركسيون ( ليه ياوسن تسوين فيني كذا ليه والله حرام ))
ونزلت دمعه من عيونه و شغل السياره وراح
*************************************
وسن بعد ماطلع عادل بنص ساعه صحت لانها كان مغمى عليها
وقامت تسحب نفسها سحب وجسمها كله كدمات , وراسها ينزف
لانه جاء على حافه السرير لحد ماوصلت للتلفون ودقت على صفاء
وسن/ صفاء الحقي على
صفاء/ الو الو وسن ايش فيك الو
عزام / خير وش فيه؟
صفاء/ مدري وسن دقت وتقول الحقيني وبعدين انقطع الخط
عزام/ طيب روحي شوفيها
صفاء/ اخاف عادل هناك صعبه الوقت متأخر
عزام / خلاص امشي انا بروح معك , وراحو, صفاء دقت على وسن
بس مااحد رد , قامت فتحت الباب وشافت وسن طايحه وراسها ينزف
صفاء/ عزام الحق علي وسن مغمى عليها وتنزف
عزام/ الله يستر طيب لبسيها عباتها بسرعه
شالوها وركبوها السيارة وهي غايبه عن الوعي , عزام دق على
عادل بس جواله مغلق , ودو وسن المستشفى وعلى طول دخلوها
الطواري , وخيطوا لها الجرح وخلوها ساعتين وبعدين طلعوها
اصلا بغوا يسوون تحقيق بس هي قالت انها طاحت من الدرج
رجعو للبيت وعزام مرة زعلان
عزام/ وسن ممكن اعرف ايش اللي حصل ؟ ومن سوى فيك كذا
اكيد عادل صح؟
وسن/ لا انا طحت
عزام/ وسن انا مو غبي والاطفل صغير ينضحك علي يالله قولي
وسن وهي تبكي/ والله ماادري ياعزام ليه سوى كذا , اصلا كان
بامكاني اروح عند اهلي بس انا ماابغى المشكله تكبر
صفاء/ طيب فهمينا هو ليه ضربك عادل
مو من هالنوع واكيد فيه سبب قوي خلاه يسوي كذا لاتزعلي مني
وسن / انا كنت اكلم اخوي جاسم و
يقاطعها عزام/ ي جاسم ؟ انتي عندك اخوان غير اخوانك ؟
وسن/ هذا اخوي من الرضاعه وولد خالتي بنفس الوقت
عزام/ طيب عادل يدري؟
وسن/ لا مايدري , هو دخل وانا اكلم ونزل فيني ضرب وقاللي كلام
جارح ومااعطاني فرصه اتكلم
وحتى اخواني مايدرون كنت بقولهم اذا جاء
للسعوديه لانه قال لي خليها مفاجأة
عزام/ معناتها فهم السالفه غلط , الله يهديك انتي الغلطانه
كان قلتيله من الاول
صفاء/ عزااام
عزام/ وانا صادق اي واحد مكانه بيدخل وزوجته تكلم واحد وتقوله
حبيبي بيعصب , بس خلاص انا بكلمه وبفهمه السالفه
بس المشكله مايرد على جواله
**************************************
اليوم الثاني
عادل راح للدوام من غير مايمرالبيت , وكان باين عليه الارهاق
عصام/ هلا عادل , خير عسى ماشر ليه شكلك كذا؟
عادل/ الشر مايجيك . بس تعبان ومتضايق شوي
عصام/ اها اكيد عشان المدام , بس لاتقلق هي بخير , وحنا خيطنالها
الجرح اللي براسها , والكدمات بتروح انشالله مع الوقت , بس انت
خلها تنتبه ولاتطيح من الدرج مره ثانيه
عادل/ انت ايش قاعد تخربط وتقوول
عصام/ انا مااخربط , انا اتكلم عن زوجتك
عادل/ وانت وش عرفك عن زوجتي هاه
عصام/ اخوك عزام جابها البارح وهي مغمى عليها بسبب الطيحه
واحنا قمنا بالواجب
بس انت وين كنت ؟ عزام قعد يتصل عليك وسألني كم مرة عنك
عادل انصدم/هاه لا انا كنت هناك قصدي
عصام/ عادل ايش فيك مو مركز
عادل/ لا مافيه شي مع السلامه اكلمك بعدين
***********************************
{{{بيت ابو عزام}}} .
رجع عادل البيت .وراح للجناح حقه بس قبل يدخل وقفه عزام
عزام/عادل تعال المكتب شوي
عادل/ بعدين عزام انا الحين تعبان
عزام/ قلت لك الحين, وراح للمكتب
عادل لحق عزام
عزام/ ممكن افهم انت ليش سويت في زوجتك كذا؟
عادل/ والله هذي امور خاصه ومااحب احد يتدخل فيها
عزام/ بس انا اخوك الكبير والا نسيت؟
عادل/ لا مانسيت بس ماابغى احد يتدخل بيننا
عزام/ ومدام ماتبي احد يعرف امورك الخاصه على قولك
ليه رحت وخليت زوجتك بي الحياة والموت وهي مغمى عليها ودمها ينزف هاه
عادل...............
عزام/تدري ان البنت طلعت اصيله ورفضت تقول لاخوانها
وانت تعرف اخوانها لوعرفو مستحيل يسكتون وخاصه سطام
عادل/ ههههه اكيد ماراح تقولهم لانها الغلطانه
عزام / طيب اسمع , تدري من اللي كانت تكلمه؟
عادل/ ايه ادري منهو ماني مغفل
عزام/ تدري انه اخوها؟
عادل / ايـــش
عزام/ ايه اخوها من الرضاعه , وولد خالتها , واسمه جاسم , وهو برى المملكه
عادل/ انت تمزح اكيد
عزام/ لاماامزح هذي الحقيقه وترى حتى اخوانها مايدرون
لانه قالها تخليها مفاجأة
عادل حط راسه بين ايدينه
عزام/ روح لزوجتك اعتذر منها وحطها على راسك من فوق
ترى وسن جوهره ياعادل
عادل طلع من المكتب وراح الغرفه عند وسن وشافها نايمه وباين
عليها آثار الضرب (( يالله طول هافترة وانا ظالمك وانتي متحمله
معاملتي الزفت لك بس والله لاعوضك عن كل شي بس انشالله
تسامحيني)) ومسك ايدها وباسها,, وسن حست فيه وسحبت ايدها
ولفت للجهه الثانيه
عادل/ وسن ادري انك زعلانه مني وهذا من حقك بس لازم تعرفين
انا ليه سويت كذا
وسن............
عادل/انا سمعتك وانتي تكلمينه من قبل اخطبك , وكنت احسبك
تحبينه وماراح توافقين علي عشانه وربي حاولت انس الموضوع
بس ماقدرت , وهذا سبب معاملتي الزفت معك , لاني كنت احسب انك
تلعبين علي , ويوم سمعتك البارح تكلمينه طار عقلي وماحسيت بنفس
الا وانا اضربك ارجوك وسونه سامحيني
وسن وهي تبكي /حرام عليك طول هالوقت وانت تشك فيني ؟
طيب ليه ساكت ليه ماواجهتني ؟ حرام عليك كرهتني عيشتي
حتى الفرحه في قلبي قتلتها و ماخليتني احس اني عروس حالي حال
اي بنت طول الوقت تجريح واهانات ليه ليه
عادل/ وسونه حبيبتي انسي اللي صار وخلينا نبدأ صفحه جديده
وانا اوعدك اني راح اعوضك عن كل شي بس انتي سامحيني
وسن..........
عادل/ تكفين يابعد عمري سامحيني الله يخليك
وسن/ خلاص سامحتك يكفيني الكلمه الحلوة اللي قلتها
عادل/ ههههه اي كلمه انا اليوم قلت كلام واجد
وسن / هههههه لا مولازم تعرفها وهي عجبتني لانها طلعت عفويه
عادل/ طيب قومي شوي
وسن/ ليه
عادل / انتي قومي وبتعرفين
وسن قامت وعادل قرب منها وحضنها بقوه , وسن حست انه بيغمى
من الفرحه,عادل ولسى حاضنها /وسن تدرين اني حسيت بشي يشدني
لك من يوم شفتك اول مرة في المستشفى , وانا اخيط لك الجرح اللي
بخدك, بس ماكنت عارف وشو هالشي الا هالحين
وسن/ وشو هالشي؟
عادل / اني اني احبك يابعد عمري , وشالها وقام يدور فيها وهي
تضحك من زود الفرحه اللي هي فيها
عادل / احم احم وسونه ابيك تتخيلين ان الليله هي اول ليليه في
زواجنا , وخلينا ننسى الماضي ونعيش اللحظه هذي
وسن صار وجهها احمر من الخجل , وماعرفت وش تقول
عادل/ ههههههههه فديت اللي يستحون , تعالى تعالى
بس لحظه
خير مستر برهوم وشتبي لاحقنا في غرفه النوم يالله براااااااااا
<<<< طيب ياعادل انا اوريك تطردني
***************************************
رجعت الحياة طبيعيه بين وسن وعادل, وكل ليله يوديها مكان
بس اكثر شي يروحون للبحر ويقعد يحكيلها عن ذكرياته وسفراته
ووعدها انه في اقرب وقت بيروحون شهر عسل
وهالتغيرات ماخفيت على سميرة
***********************************
وسن/ سجى عندك مسجات حلوة
سجى/ بالله اذا سجى بنت عبدالله وخطيبه عصام ماعندها من عنده
وسن/ ياشين الغرور اللي فيك انتي واخوك
انهار/ ليه وشفيه اخوها عسى مو مزعلك ؟ اذا مزعلك قوللي وانا
اوريك فيه ههههههههههههه
وسن/ لا ماسوى شي فديت عيونه
انهار/ احلى كلام جديد اول مرة نسمعه
وسن/ ههههههه لا مو جديد بس كنت استحي
سجى/ يعني الحين انتي وحده ماتستحين ههههههههههه
وسن / وجع يوجع ابليسك بتعطيني مسجات والا لاء؟
سجى/ هههههههه خلاص خذي الجوال بكبرة دوري على راحتك
وسن/ مشكورة ياعسل
سجى/ ههههههه الحين صرت عسل
**********************************
بعد مرور6 شهور
سطام خطب عهود رسمي وكانت حفلتهم مختصره لان عمتها توفت
قبل الملكه باسبوع
انهار خطبها واحد من اصدقاء اخوها اسامه ورفضت
نهى خطبها فيصل اخو عبير وباقي مااعطتهم الرد
***************************************
{{{{بيت ابو عزام}}}}
عادل/ وسوني قومي بسك نوم
وسن/ عادل واللي يسلمك خلني شوي
عادل/ لا انتي مو عاجبتني هاليومين كله نوم واكلك مدري كيف
لازم اوديك المستشفى واشوف اشفيك
وسن/ ماله داعى
عادل/ كيف ماله داعي
وسن/ لاني عارفه اللي فيني
عادل/ افا صايرة دكتورة وانا ماادري
وسن/ههههه تقدر تقول
عادل/ طيب فهميني يادكتورة ايش فيك
وسن/ انا انا حامل +
عادل/ احلفي
وسن/ ههههه والله
عادل/ ماني مصدق وربي ماني مصدق اخيرا بصير ابو الحمد لله
وسن/ لهادرجه فرحان؟
عادل/ لو شوماقلت ماراح اقدر اوصف فرحتي بهالخبر , بس ليش
ماقلتي لي ؟
وسن/ بغيت اتأكد اول
عادل/ طيب من متى ؟
وسن/ يمكن شهر ونص ,بس بصراحه ماتوقعت تفرح كذا
عادل/ هههههه هههههه وليه ماافرح اصلا يكفي انك انتي امه
وهالحين عن اذنك بروح ابشر حبيبتي ونور عيني
وسن/ نعم نعم ومنهي حبيبتك ؟؟
عادل/ههههههههه اعصابك ترى انتي حامل لاتنسين
انا اقصد جدتي , ياعمري عليها هالحين اذاعرفت بتطير من الفرحه
لانها هي اللي اقنعني بالزواج
وسن/ اممممم قصدك غصبت عليك تتزوج مو هذا كلامك؟؟
عادل/ياعمري ياوسن انسي اي شي قلتة لك زمان لاني
بصراحة كنت ابي اقهرك وبس
وسن/ امنتى يكون كلامك صدق
عادل/ الا صدق الصدق هههههههههههه
********************************
الجد/ كللللللللللللللللللللللللوش الف مبروك يمة الله يطول بعمري واشوفة
عادل/انشاءالله تشوفينة وتشوفين عيالة
الجدة/يالله حسن الخاتمة بس
والله يتمم لكم على خير
***********************
سجى شافت الجوال يدق وشالتة وشافت (نبض قلبي يتصل )
سجى/ هلا والله عصام
عصام/هلا حبي كيفك
سجى/تمام وانت
عصام/مشتااااق
سجى/.................
عصام/ايش بك ساكتة .. لية ماتقولين وانا اكثر يابعد تسبدي هههههه
سجى/ههههههه واثق مرة
عصام/افاااا يعني منتي مشتاقة لي اجل مع السلامة
سجى/ لالا مااقصد لاتزعل
عصام/لازعلان ومابرضى الا اذا قلتي كل اللي ابية
سجى/اممممم . اية مشتاقة وولهانة واحس قلبي مايدق الا اذا سمعت
صوتك هاة وش تبي بعد
عصام/ يابعد عمري كل ذا الكلام حابستة بقلبك وحارمتني منة
سجى/صوصو تدري اني استحي
عصام/ لحظة لحظة منهو صوصو ذا بعد
سجى /ههههههههههه انت
عصام/ وع وع تكفين لاعاد تدلعيني خليني كذا ارحم اصلا انا اسمي خلقة مو عاجبني فكيف اذا صار صوصوهههههههه
سجى/ هههههههههههههههههههههههههههههههه
******************************
عهودوسطام حددوا زواجهم بعد شهر
سطام/ وسونة انا عازمك اليوم على العشاء
وسن/غريبة
سطام/ افا لهالدرجة طايح من عينك انا
وسن/ لاوالله مو قصدي بس امزح معك خلاص موافقة
سطام/خلاص بعد ساعة امرك اوكي
وسن /اوكيي
عادل/هاة اشوف النوم طااار
وسن/ههههههههههههههههه قول انك غيران وخلصني
عادل/مدري عنك اجل البارح اقولك عازمك عالعشاء تقولي مقدر ميتة
نوم خلها بكرة اشوفك نسيتي الوعد
وسن/يوووووووة والله نسيت معليش عدولي, بس هذي اول مرة
يعزمني سطاام واستحيت اقولة لا بليييييز لا تزعل
عادل/ههههههه وانا اقدر على زعلك يا أم ساالم
وسن//خييير خييير من سالم بعد ذا
عادل/ ولدنا
وسن/احلف بس انت هذا اللي ناقص قال سالم قال
عادل/ليييييييية وش فييية سالم
وسن/مو حلو ومو عاجبني
عادل/والله هذا صديقي ولازم اسمي علييية
وسن/لاعادل تكفى مو حلو وقديييم
عادل/هههههههههههههههههه تخيلي انا عادل ويقولون لي ابو سالم
لاياعمري امزح وخلية يجي بعدين ندور اسم
*************************************
سطام مر وسن وراحوا وهم بالطريق
وسن/ اقول سطاام انت الحين بتسكن مع اهلي والا بتطلع
سطام /والله ماادري ودي اجلس عشان امي وخايف عهود ماتاخذ
راحتها عشان البيت فية اخواني محتاار بس بآخذ رآيها واشوف
وسن/ الله يقدم اللي فية الخييير
سطام دق على عهود/ هلاعهود,اي خلاص انا قربت من البيت دقايق
وانا عندك
وسن/اش السالفة
سطام/ ههههههههههههه لاسالفة ولا شي بس عازم عهود عالعشاء
وسن/ ياخاين يعني العزومة مو لوجة اللة هاة
سطام / هههههههههههه تعرفين ابوها لحالكم فما لقيت غير اختي
حبيبتي
وسن/اييية رقع رقع
وصلوا عند عهود
عهود/ السلام عليكم
سطام +وسن / وعليكم السلام
عهود/هلا وسون كيفك وكيف الحمل معك
وسن/ الحمدلله كويسة بس الحمل متعبني شوي
عهود/الله يعينك
وراحوا يتعشون ويوم وصلوا وسن دقت على عادل
وقالت لة يجي
وجلست هي وعادل لوحدهم وخلت عهود وسطام لوحدهم
********************************
نهى وافقت على فيصل وسووا الملكة والزواج بعد 3شهور
********
ابو عزام اقترح عالعايلة يروحون لهم كم يوم المزرعة
والكل وافق وراحوا كلهم
المزرعة كانت مرررة حلوة وكبيرة
وسن/ الله المزرعة تجنن
سجى/ هذا وانتي باقي ماشفتيها كلها
نهى/من زمان ماجينا هنا شكل خالي ضبطها زيادة
وراحوا يورون وسن باقي المزرعة لانها اول مرة تجي
دق جوال وسن وكان عادل المتصل
وسن/هلا عادل
عادل/هلاوسن اسمعي انتبهي على نفسك مو تروحين تلعبين مع ذا
المهبل وتنسين انك حامل والدكتورة قالت لك لا تجهديين نفسك
وسن/ههههههههه احسب انك اشتقت لي اثارية عشان اللي ببطني
عادل/انتي عارفة انة من زود حبي لك قاعد اقولك كذا
وسن /خلاص ياعمري صدقتك يالله باااااي
انهار/ وش فية العقدة وش يبي
وسن/ هههههههههه انتي وش فيك علية
انهار/والله اسألية هو اللي دايم يناقرني ويحب يتحكم فينا من يوم
كنا صغار عشان كذا سميتة العقدة
وسن/لابس يقول انتبه على نفسي عشان الحمل لان الدكتورة قالت لا
اجهد نفسي عشان توي في بداية الحمل
*******************************
نواف/رامي خلني العب معك
رامي/لا انت باقي صغير روح مناك
نواف بدى يبكي لانة يبي يركب الدباب
سامي/ليش تبكي يانواف احد ضربك
نواف/لا بس رامي مايركبني ويقول اني صغير
سامي /خلاص تعال معي
وراح سامي وطلع الدباب الثاني
وركب هو ونواف مع بعض لانة خايف علية عشانة صغير
وبعد ماخلصو لعب وهم راجعين شافتهم سميرة
سميرة/ سامي ياحيوان , من قالك تركبه عالدباب نسيت انه صغير
وماعمرة ركب عليه , والا تبغاه يموت
سامي/ ياخاله انا
سميرة/ لاتقولي خاله تخلخلت ضروسك فاهم
البنات سمعو الصوت وجو
صفاء / خير سميرة ايش صار؟
سميرة/ والله شوفي المحروس ولدك مركب نواف على الدباب
وهومايعرف يسوق يبغاة يموت
وسن من وراهم/ ياسميرة الله يهديك انا شفت سامي وهويركب مع
نواف عشان مايطيح , حرام عليك هذا بدل ماتشكرينه
سميرة/وانتي محاميه عنه ؟ امه ماقالت شي انتي وش دخلك؟
وسن/ والله انا قلت الحق
سميرة/ ايه وانا اي شي اقوله ماتصدقوني , وراحت عنهم
سجى/ ماعليك منها ياوسن هذي دايم كذا تحب تقلب الامور
صفاء/ وانا عشان كذا مااخلي عيالي يلعبون مع ولدها ,بس عزام
يقول هذولا عيال عم ولازم يلعبون مع بعض
انهار/ يوووه لاتقلبونها نكد احنا جينا نستانس
*******************************
الشباب جالسين بالخيمه ومولعين النار وقاعدين يشوون , وانواع
الوناسه والضحك ,
عادل/ انت ياابو الشباب اول صحن من المشوي عطني اياه بوديه
للمدام لانها تتوحم
عصام/ هههههه لا ياشيخ , اقول تعال هز طولك واشو معنا واللي
تشويه عطه للمدام على قولك
الشباب /ههههههههههههههههههه
اسامه/ ايوالله صادق ياعصام , اجل حنا تحترق ايدينا وهو ياخذها
بارده مبرده , لا ويبغى يتميلح عند المدام
عادل/ مالت عليكم خلاص انا بشويلها هذي الغاليه
عمر/ يااااااااااااااااهووووو اخيرا انفكت العقده ههههههههه
الشباب/ هههههههههههههه
فواز/ من بيروح معي المسبح ؟؟
عامر/ هالحين ؟
فواز / ايه هالحين ليه ممنوع ههههههه
سطام/ لا موممنوع ,بس خلها بكره الصبح ,الحين الجو بارد
فواز/ لا انا ابغى الحين , واذا خلصتو الشوي نادوني,
نواف صج خالته مها الا يشوف المسبح بالليل وراحت معه
وكانت تلعب هي وياه ويدورون حول المسبح وفجأة !!!رجلها زلقت
وطاحت بالمسبح ,وهي ماتعرف تعوم , نواف خاف وقام يبكي
وراح جهة قسم الرجال وصدم في فواز
فواز/ خير نواف ليه تبكي احد ضاربك ؟
نواف وهو يبكي/ خالتي مها
فواز/ ايش فيها خالتك ؟
نواف/ طاحت في المبسح
فواز من سمع هالكلام راح جري جهة المسبح ,وشافها طايحه فيه
طب على طول وطلعها , كانت مها شبه ميته , وماكان عند فواز
حل الا انه يعطيها تنفس صناعي , والحمد لله مها استجابت له وفاقت
وبدت تكح ويوم فتحت عيونها وشافت فواز, غطت على وجهها بيديها
فواز كان شبه عاري لانه كان متجه للمسبح
فواز/ الحمد لله على سلامتك
مها / الله يسلمك مشكور اخوي ماقصرت
فوازدق على وسن عشان يجون يساعدون مها تدخل داخل ,وهو راح
جو البنات ودخلو مها وجلسو معها
سميرة/ اصلا من قالك تروحين هناك هاه
مها/ نواف كان يبي يشوف المسبح بالليل وماحبيت اكسر بخاطره
سميرة/ عذر اقبح من ذنب
وسن/ خلاص سميرة اللي صار صار, والحمد لله ان ربي ارسل فواز
في الوقت المناسب
مها / فواز؟
وسن / ايه فواز اخوي
نواف / عمي فواز سوالك زي البطل اللي في الفلم
سجى/ نواف كيف يعني زي الفلم ؟
نواف/ حط فمه على فمها وقعد ينفخ , وبعدين هي صحت
مها/ ايـــش؟؟ وحطت ايدها على وجهها وقعدت تبكي من الاحراج
والبنات ماتو عليها ضحك
**************************************
عصام قبل مايتعشون الشباب استأذن منهم و قالهم انه بيروح مشوار
عصام / الوو
سجى/ هلا عصام
عصام/ اطلعي عند الاسطبل بسرعه وقفل
سجى (ياربي هذا ايش يبغى الحين ؟ اروح والا مااروح
بعد عشر دقايق راحت سجى ولقت عصام ينتظرها عند الاسطبل
عصام/ هلا حبي تأخرتي
سجى/ خير عصام خوفتني ؟
عصام/ ههههه لا ابد بس وحشتيني وقلت فرصه ولازم استغلها
طيب نجلس هنا والا نروح السيارة؟
سجى /على راحتك
عصام/ اجل تعالي السيارة احسن , ويوم دخلت سجى السيارة
عصام شغلها ومشى بسرعه
سجى/ عصام وين رايح؟ تكفى رجعني اهلي لو عرفو
بيزعلون بليز عصام
عصام/ وليه يزعلون انتي زوجتي
سجى/ ادري بس مو كذا , المفروض نقولهم قبل نطلع والا انا غلطانه
عصام/ تبغين الصراحه , انا طفشت كل ماقلتلك نعجل بزواجنا تحطين
لي مية عذر , وانا ياعمري اشتقتلك , ومااقدر اصبر اكثر من كذا
سجى بدت ايدها ترتجف/ يعني ايش مافهمت؟
عصام/ يعني مو لازم استنى الين الزواج وبنروح شقتنا الحين
وخلي عنادك يفيدك
سجى بدت تبكي/ لا عصام ارجوك لاتسوي فيني كذا , وخلاص لو
تبي نخلي زواجنا الاسبوع الجاى ماعندي مانع
عصام/اقولك مشتاقلك ومااقدر اصبر تقولين
الاسبوع الجاى انتي ماتفهمين؟
سجى حطت راسها على ركبها وجلست تصيح لانها
ماتوقعت عصام يسوي كذا
عصام/ يالله انزلي بلادلع
سجى/ لوتموت ماانزل
عصام/ هههههههههههههههههههه طيب ارفعي راسك وانتي تكلميني
سجى رفعت راسها وشافت السيارة مقابل مطعم (..........)
وهذا افخم مطعم في الدمام
عصام/ ههههههه بالله من جدك صدقتي ياهبله اني بسوي كذا؟
كنت امزح معك بس ماتوقعتك تصدقين وتنفعلين كذا
وترى انا استأذنت من عمي اننا نتعشى برىوهو قال ماعنده مانع
سجى/ رجعني المزرعه
عصام / كيف ؟
سجى/قلتلك رجعني المزرعه مابي اتعشى معك غصب هو
عصام/ لاوالله على كيفك الدعوه
سجى/ ايه على كيفي اجل انا تسوي فيني كذا
عصام// هههههههههههههه منجد زعلتي والله ماكان قصدي ازعلك
يالله عاد بلا دلع وخلينا ننزل ونتعشى وترى عندي كلااااام كثير ابي
اقوله لك
سجى/ مااابي
عصام/ عشان صوصو حبيبك هههههههه
سجى/ هههههههههههه خلاص مدام رضيت تكون صوصو راح انزل
ونزلو وقضو احلى وقت مع بعض <<< الله يهنيهم
*************************************
اليوم الثاني وسن صحيت قبل البنات لانها نامت بدري سوتلها
نسكافيه وطلعت تتمشى وراحت عند الاصطبل ,وجلست تناظر
للخيول , وعجبها واحد كان شكله روعه ويختلف عن الباقين
سميرة/ صباح الخير ايش هالنشاط صاحيه بدري اليوم عسى منتي
تعبانه ؟
وسن مستغربه وشذا الحنان/ لا الحمدلله بس قلت اتمشى شوي
سميرة/ حلوة الخيول صح؟
وسن/ مره تجنن بس هذا احلاهم
سميرة/ الله الله ماعجبك الا حق عادل ؟
وسن/ احلفي هذا لعادل ؟
سميرة/ ليه ماقالك؟
وسن/ انا ماسألت
سميره/ تعرفين تركبين خيل؟
وسن / هههه مو مره ,وبعدين على حسب الحصان اذا كان هادي
اركب عادي اما اذا كان سريع وعصبي نو وي
طيب ايش رأيك نتمشى انا وانتي قبل مااحد يجي؟
وسن/ طيب عادي نركب بدون نستأذن من احد؟
سميرة/ ايه عادي , ويالله انا راح اركب حصان عمر وانتي حصان عادل
وسن / اوكي بس انا حامل واخاف الحصان يسرع واطيح
سميرة/ لا هذا الحصان هاااااااادي وحبوب وماراح تحسين انك راكبه عليه
اللي ماتعرفه وسن ان هذا الحصان توه جديد وباقي ماتروض ومااحد
يعرف يهديه الا عادل
وتوهم يطلعون من الاصطبل وينطلق حصان عادل بسرعه رهيبه
ووسن مسكينه تحاول تتحكم فيه بس مافيه فايده
عادل توه يجى من برى المزرعه ويوم دخل سمع صراخ جاي من
الجهه الثانيه ويروح جري ويلقى سميرة في وجهه
عادل/ خير من يصرخ؟؟
سميرة/ والله ياعادل قلتلها لاتركبين انتي حامل و الحصان جامح
واخاف يطيحك بس ماسمعت كلامي
عادل/ منهي؟
سميرة/ وسن
عادل/ ايش ؟ وهي وين الحين ؟
سميرة/ راحت من هالجهه
عادل راح يركض واللي زاد خوفه انه ماصار يسمع صوتها
شاف الجارح جاي ووسن ماهي عليه !!!!وكمل يدور عليها وشافها
طايحه على الارض وفاقده الوعي
*******************************
توقعاتكم ايش راح يصير ؟؟؟؟؟؟؟؟؟؟؟
نهايه الجزء الحادي عشر
12-07-12, 10:14 PM
جديد مواضيع قسم القصص المكتمله
العرض العادي
