كاتب الموضوع :
وتين الروح
المنتدى :
الارشيف
اتمنى اجد ردود .. ارحب بالنقد قبل الاعجاب .. لكِ اواصل معكم بكل الحب والود ..
(الجزء الثاني)
طلعت من الجامعه بعد ما استلمت ملفها ووثيقة التخرج خنقتها العبره فعلاً السنوات تمر بلمح البصر وكل هذا من عمر الواحد اخيراً بتودع المحاضرات والامتحانات وكل الذكرياات الحلوه بتفاصيلها .. بحلوها .. بمرها .. كل هذا انتهى وانطوت صفحته للأبد .. ياااه ياكثر ماتكره هاللحظات .. لحظات الوداع صعبه جداً صعبه .. تنفست هواء عمييق وهي تمشي بحديقة الجامعه الخارجيه كانت تمشي بممر طويييل وعلى جوانبه احواض ورد واشجار بعضها استسلم لعوامل الزمن في هاللحظه علا صوت نغمه قصيره من جوالها كان مسج نكته من صديقتها عهد ابتسمت بسرعه وارسلتها لخالتها ندى صحيح انها خالتها لكن بالنسبه لها هي اختها هي ذكرياتها تحبها وماتتخيل بيوم اي شي ممكن يفرقهم .. وصلت البوابه وقبل تطلع تغطت وطلعت لقت السايق جاي عالموعد ركبت السياره .. واخذ السايق شارع مدرسة ندى عشان ياخذونها بطريقهم للبيت ..
في البيت
مجتمعين على الغداء على سفره وحده ام فجر مرتاحه ومبسوطه بسبب خبرين الاول انتظم الضغط عند امها اللي كان ارتفاعه بين كل فتره مسبب لهم قلق وتوتر والخبر الثاني تقدم زيد لاختها ندى اللي فعلاً كانت تتمناه يصير من زمان .. لكنها في وسط فرحتها نست شي .. نست وعدها لشخص !!! ممكن يحرمها من اغلى ماعندها ..
# قبل خمس سنوات #
جمييع هالاحداث اللي راح اسردها قبل خمس سنوات للتنويه فقط :)
في ظهر احد الايام وفي بيت ام سلطان ام (ناديه ام فجر ) جالسه ترتب في الصاله وبين انهماكها بالشغل رن جرس التلفون .. رفعت السماعه وبدافع الفضول .. الوو .. المتصل : ناديه .. بسرعه عرفها مع انها ماقالت الا كلمه وحده .. ماعرفت الصوت اللي مو غريب عليها .. المتصل : ليش ساكته .. او ماعرفتيني ؟؟! .. اتسعت عيونها وهمهمت بكلمات وهي تتذكر صاحب الصوت .. ناديه بربكه والخوف والقهر باين من صوتها : خالد .. بعد كل هالسنين .. وش تبي ؟! .. وش ذكرك فينا .. انت .. قاطعها بصوته الضخم وقوة شخصيته باينه من نبرته : يا ام فجر انا مقدر انك متفاجئه بمكالمتي بعد هالغيبه الطويله لذلك ما راح اخذ بكلامك بعين الاعتبار .. ماعلينا كل اللي بقوله لك اظن انك تعرفينه .. وسكت بعدين كمل .. بنتي فجر !!! .. خلصت المرحله الثانويه .. وانا ابيها تكمل الجامعه عندي بكندا .. ( ناديه بدأ لونها يشحب وحست باختناق ما كانت قادره تنطق باي حرف ) خالد ابو فجر بعد ما حس بوقع كلماته عليها : بكره .. في نفس هالوقت راح اكلمك اخذ ردك .. مع السلامه .. ( نزلت السماعه من يدها وهي ترجف جلست وهي تحط راسها بين يديها مو مستوعبه .. مكالمته وطلبه كلها جت بوقت واحد .. اصلاً كيف تجرأ بعد كل هالسنين 18 سنه ماكلمهم ولا حتى سأل عن بنته .. طلقها وهي حامل بعد ما فضل عليها كرستين الاجنبيه وتزوجها وعاش معها برى .. وتخلى عنها وعن بنته وعن وطنه ..
( زيد )
جالس بمكتبه بالعمل يراجع الملفات اللي قدامه انتهى من قرائتها سند راسه على كرسي المكتب فجأه طاحت عينه على التقويم اللي يتوسط الطاوله شاف التاريخ تذكر ان اليوم كمل ثلاث سنوات بالعمل ومن تخرج من الجامعه تخصص هندسه حاسب ما كان طموحه كان طموحه اكبر من كذا بس الظروف ماساعدته يدخل كلية الطب مثل ماكان يحب خصوصا انه المسؤول عن امه واخوانه من امه بعد طلاقها بعكس صديقه محمد اللي كان يحلم يكون ضابط وفعلاً دخل الكليه العسكريه وتخرج وحقق طموحه بجداره لكن كانت ظروفه احسن خصوصا وابوه كان يسانده ويشد على يده الا ان اخذ الله امانته قبل سنه وتوفى ابو محمد ..
( ندى )
اليوم احلى يوم بالنسبه لها ، اليوم تم تثبيتها رسمي بالمدرسه بعد سنه كامله من الجد والمثابره واثبات الذات نادتها المديره عشان توقع معها العقد بعد ثناء المشرفه واختيارها لها كضمن طاقم التدريس لمراحل الصفوف الدنيا
( محمد )
الواسطه كان لها فضل بعد الله في نقله من مكان عمله بمنطقه (...) البعيده الى مكان قريب من سكنه ابدا ما كان يحب الواسطات لكن ظروف اهله خصوصاً بعد وفاة والده ومرض امه ارغمته يلجأ لابو ناصر عشان ينقله .. صحيح تعود على دائرته هناك وتعامل زملائه وتعاونهم معه حبهم له لطيبه واخلاقه الرائعه اللي نادر ما تجدها مجتمعه في رجل
( فجر )
استلمت جدول الامتحانات النهائيه للثانوية العامه بعد اسبوعين راح تبدأ لازم تشد حيلها .. خايفه كثير لكن ان شاء الله تتسهل بإذن الله ..
( في نهاية الحصه جالسه تسولف مع صديقتها اللي بجنبها عهد ويعلقون على المُدرِسه هذي بعض صفات فجر شقيه لكن متفوقه وذكيه .. تحب التحدي لكن حذره .. جميله فيها غرور لكن متواضعه فيها تناقض فيها مساحة غموض وقوة شخصية اذا اختلطتي معها احيان تستغربين ردة فعلها او ماتتوقعين هي ليش تصرفت كذا اخذت اكثر الصفات من ابوها مع انها عمرها ماقابلته بس شافت له صور قديمه له عند امها لكن اللي تعرفه انه منفصل عن امها ومقيم في الخارج وعنده زوجه وجايب منها ولد بس ماتدري ليه عمرها ما فكرت فيه بحنق او حتى اخذت موقف ليش سوى كذا ؟! ليش تركهم ؟؟ ليش مايسأل عنها ؟؟؟ هذا ممكن يوضح لكم شخصيتها الغريبه شوي ..
رجعت من المدرسه متاخره وهي هلكانه من التعب حر وشمس ( والباص تاخر عليها كالعاده ولان صديقتها عهد كانت تبغى ترجع بدري لان اليوم اربعاء واهلها متفقين يروحون للاستراحه من بعد الغداء لان عندهم اجتماع عائلي الخميس والجمعه يجتمعون هم وخوالهم وعمامهم يغيرون جو وينبسطون قبل بداية الامتحانات حياتهم اكثر حميميه فيها ترابط .. مثل معظم العوائل هالشي اللي تفتقده فجر ) مالقت امها بالصاله دورتها بالمطبخ ؟؟ .. راحت غرفة امها شافتها متمدده عالسرير ووجهها شاحب وحزين .. فجر : مساء الخير يمه .. وشفيه الحلو زعلان .. اكتفت ناديه بإبتسامه هادئه وسألتها كيف يومها بالمدرسه مثل العاده كانت فجر ترد عليها لكن هي (كانت سرحانه لبعييد .. بعييد اول ماتزوجت خالد وسافرت معه عشان يدرس البكالوريوس
عاشت معه سنتين حلوه بعدها عرفت انها حامل والدنيا ماشالتها من الفرحه لكن بعدها بكم شهر اكتشفت علاقة زوجها بكريستين صارحته واعترف بكل بجاحه وبدون حتى مايراعي شعورها حطمها وكسر فرحتها بعدها قررت تتركه حاول فيها لكن هي خيرته بينها وبين الدراسه .. لكنه اختار دراسته .. ارجعت للوطن .. وانتهى كل شي بينهم بعد ماوصلتها ورقة طلاقها من المحكمه .. وبعدها انقطعت كل اخباره كل اللي تعرفه ان له سنين ما جاء للبلاد ..)
يتبع ...
|
11-07-12, 05:17 AM
جديد مواضيع قسم الارشيف
العرض العادي
