-: متى رآح..؟

وتين: من سـاعتين مع سطام .. يمديهم ألحين رجعـــوا للبيـت ..

صفآء: طيب وش سواء بالشركــه؟

وتين: فصل سمـاعه جديده بــ8500 ريــــــال!!

"طيـّرت صفـاء عيونها ": كـــــــم ؟؟ من جـدّك أنتي ؟؟

وتين: اي والله .. أحسن نوعيــــه بالسعـر هـذا .. و اللي نوعيتها عاديه ورخيصــه بـــ 3000 ريال .. و سطام مـا يبي يشتري له العاديه عشـان مـا تخرب عليه مره ثانيــه ..

صفاء: مـررررره غالــــــي .. هذا راتب موظـــف شهرين ..

وتين: مـو خسـاره فيه .. والله أنه مسكين و يعـاني من هالسمـاعات .. بـس سطام راح يآخـذ له إجـازه من المدرسه يوميـن لما تخلـّص السمـاعه اللي فصـّلها جديده ..

صفاء: مـو على أساس أنه راح يسـوي عمليـــه؟

وتين: العمليه بـأذنه اليمنى .. اليسرى مـايقدرون يسوون فيها شي ..

صفاء: الله يكون بعونــــــه .. من جـد حالته صعبــه و أحسـّها غريبه شلـون كل أذن مشكلتها غير عـن الثانيــــه ..

وتين: هـو مشكلته من الحصبــه لما كـان صغير .. و الدكتـور يقول أن المعروف عن الحصبـــه يكون تـأثيرها على أذن وحده أشـدّ من الأذن الثانيــه .. عشان كذا الضعف يختـلف بأذانه كلها ..

"صفاء وهي تقـوم": ربي يشفيه و يعافيــــه .. خلينا نروح للكافتيريـــــا نشتري فطـور قبل تبدآ المحاضـــره الثانيــــه ..

وتين: أحس أني فـاقده هديل اليوم .. النحيســــه مـا أحبها تغيب أشتـاق لها ..

"صفـاء بـ مـزح": عكسي تمـامآ أنبسط لما تغيب أرتآح من النكــــد ..

"أبتسمــت وتين": ياحيآتي عليها حتى نكدها يجنن ..

"رن جوال صفآء و طـلعته من الشنطــه وهي تناظر بالشاشـــه ومبسـوووطـــه": هـذا اللي يجنن .. وهــ بس عليه .. دقيقه أبي أدردش معه عقـب نروح للكافتيريــا ..

"قـامت وتين وهي تشيل شنطتها": والله مـابي أجوّع نفسي عشـانك أنتي و ميتو .. إذا خلصتي تلاقيني هناك طيـّب ..
صفاء: أوكيشــــن ..
**********************************

© ~ عـشـقـتـك كـثـر ايـامـي
( نـسـيـت الـكـل )
واغـلـيـتـــــــك ***
ورحـت اسـتـلهـم طـيـوفـك
عـسـاك بـ / يـوم تـذكـرنـي

تـحـديـت الـزمـن والـنـاس
ومـع هـذا تـمـنـيـتـك
تـجـيـني حـامـل بـ / قـلـبـك
مـشـاعـر [ حـب ] تـأســرنـي ...! ©


"قـرأ عمــر المســج و ضغــط على أتصـال لــ صديقه الـموظــف بالأتصالات .. مـا تحمـّل الأزعـاج .. تجيه مسجات بكل الأوقــات .. من الصباح يصبـّح عليه بـ مسج .. لـيـن يمسي و ينـام على مسج ..
صـار يتذكــره و يفـقـده أكثر حتى من أهله ..

و بعد السلام و السؤال عن الأحـــوال ذكــّره عمــر بـ طـلبـه عن الرقم اللي يزعجــه و بأي منطقه بالسعوديــه؟؟؟"..

"عـمــر و هو مصــدوم": أنت متـأكد أنه من هـذي المنطـقــه؟؟؟ ...... لأ بالعكـس مالي مشـاكل مع أحد و علاقتي ممتازه مع الكــل ولله الحمد .. بس الظـاهر أنه واحد غلطـان برقم ومـا يدري للحين ....... لأ مـا يتصل بس مسجات ......
ههههههههههه الظاهـر أنها بـنـت على العموم راح أرسلهـا مسج و أنبهها أنها غلطـانه يمكنها مـا تدري ............. يعطيك العافيـه وما قـصّـرت .......... يـا هلا فيك ......... فمان الله ..

"قفـل الجوال و هو معصــّـب و متنرفـز .. حـَط إحتمـالات كثييييره مـن ممكن تكــون هالبـــنت ..
فكــّـر بـ جدّيه أنها يرسـل لها مسج و يهزأ فيها بـس تذكــّر نصيحــة د/ رمــزي أنه يسكـت و يطنـّش عشـان مـا يمسكونها عليه ..
واضح أن البنت تخـاف ومـا عندها الجرأه ترسل لـه من رقمها الخـاص عشان مـا يعرفها ..
خايفه من أشياء كثيـره و وضـّحت هالشــي بمسج منها قطـع تفكيــر عمــر"....


© مـا يهـمـ إنـّك | بعيـد |
و مـا يهـمـ لـو كانـت : الحيـرهـ : تزيـد
لـو كنـت مـا تـدري بظروفـي
و لا عرفـت مـن ايـش × خوفـي ×
مجـرد إحساسـي بوجـودك
يخلـّي الدنيـا ~ أمــــان ~ ©



$$$$$$$$$$$$$$$$$$$$$


^
^
^
^
^
^
^
^
^
^
^
^


وبعد مـــــــــرور أربــــــــــع شهــــــــــــــــور ........
×× نهايـــــة البـــــــــــــارت الثـــــاني عشــــــــر ××
الاقيكم بعد أربــــع شهور ^ــ^ ~~> أمــــزح !!
ألاقيكم بعد 4 أســــــابيـــع أن شاء الله ** الفتره الجايـــــه عندي أمتحانات عمليــــه ونهائيــــــه ...
والله كنت ناويــه أنزل بارت الأسبووووع الجاي بس وقتــــي ضيق .. أنصدمت من جدولي الغريب اللي مافيه حتى أيام أرتآح فيــــها وأذاكر بروقآن .. من جد مضغوطـــــه ..
دعاوتكم لي .. ولكم مني بارتات أحلى ببداية الأجــــازه ..
أعتبروا هذا البارت هو ((( بدايــة النهايـــــــــه ))) ..!!!!!!
وتعرفون بعدهــــــا من يقول/ يا غلاتك بقلبي يآنصيب الغيــــــــــــر ..
تحيآآتي لكم /

أم الظفايـــــــر
**************************

روايــــــة...№[ياغــلاتـــك بقلـبـي يانصيب الغـيـــر]№
....¸•°أم الـظـفـايــر°¸•....

©الـــجــــــــــ الثالث عشر ـــــــــــــزء©
وبعد مـــــــــرور أربــــــــــع شهــــــــــــــــور ........
كانت وتين جالسه بمكتب سطام تذاكر لآخر أمتحاناتها و اللي راح يكون بكره الأربعاء..
أقترحوا عليها أهلها أنها تبعد عن جـوّ البيت و أحداثه من البداية و تنعزل بالمكتـب عشان تذاكر بـ تركيز ..

سرحـت وتين وهي تحط راسها على الطـاوله وتتصفح ( الرزنـامه ) الموجوده قدامها و توقف عند أيــام وتواريـخ عشوائية مـرّت بالأربع شهـور اللي فاتت ..........





يـــوم الســبــــت :

( 17 صفـــــــر )


"دخل فـارس الصاله وهو مـاسك بيده أوراق مواعيد المستشفى و كان مبسـوط": السلام عليكم ..

أم سطام: و عليك السلام_ هلا وليدي أنت جيت؟

"فـارس وهو يجلس": شوف عينك يا جـدّه ومعاي أوراق العمليه .. حـدّدوها بشهر رمضان ..

أم سطام: برمضان! ليه مو بالعطـله أحسن لك عشـان ترتاح..

فارس: لـو بكيفي كان خليتها بكره .. بس غرفة الجراحه كلها زحمة مواعيد ولا تفـضى إلا برمضان ..

أم سطام: أخاف مـا تقدر تصوم من التعب..

فارس: التعب بالأسبوعين الأولى بس و ما يصير أتحرك من فراشي أبدآ..

أم سطام: ليه ما يصير؟

فارس: لأن العمليه بالأذن الـداخليه وهي مركـز توازن الجسم لـو وقفت راح أدوخ و أطيـح ..

"أم سطام ضـاق صدرها عليه": لأ بسم الله عليك يـا ولدي قدامك العافيه أن شاءالله..

"أبتسـم فارس": لا تخـافين علي يا جـده أنا رجـّـال ماني حرمه أضعـف عند التعب..

أم سطام: يا بعد عمري يـا ولـدي الله يشفيك و يخليك و يبقيك لعين ترجيك ..

فارس: آمين .. جده أبي غداء جوعآن..

أم سطـام: يخسى الجـوع ألحين أقوم أحط لـك غداء..



**********************************


يـــــوم الأربعـــــاء

( 1 ربيــــع الأول )


: جهزت شناطــــك؟

"عـمـر وهو يسكـر الشنطه و يلتفـت على أبوه": أيوه و طيـارتي الساعه 7 المغرب أن شـاءالله..

أبو عبدالعزيز: قلت لـعمامك و عيالهم أنك بتسـافر للشرقيه..؟

عمر: اليوم الصباح كلــّمت فهد ولد عمي و طـلبته ينتظرني بالمطـار..

أبو عبدالعزيز: ترى عمـامك زعلانين عليك لأنك من فتره طويله مـا زرتهم ..حاول كثر مـا تقدر أنك ترضيهم و تتواصل معهم .. وأنا أقول يـا ولدي لو تجلس أسبوع يكون أفضل لأن يومين مـا تكفي!

"تفـاجأ عمـر": أسبــوع!! ما أقـدر لأني ما أخذت أجازه من الدوام .. و بعدين أنا مـا أنبسط هناك أبدآ .. صحيح فيه جمعـة شباب و سهرات حلوه بس مـا أرتاح إلا هـِنا بالريــاض..

"أبتسـم أبو عبدالعزيز": أنت مـا تبي غير الرياض عشان صـالـح_ لا الشرقيه ولا مصر ولا أي مكـان يعجبك .. والله مقـروده اللي من نصيبـك لأن صالح يصير مثل ضـرّتها..

"ضحـك عمر": ههههههههههه ألحين أنا صرت ضـرّه لـ نـاديا_ كل يوم و الثاني ضـاربتها زعل بسببي و تغـار مني..

أبو عبدالعزيز: عـز الله ما تهنــّت .. الظـاهر أنت إذا أعرست زوجتك تغـار من صالح بعد ..

"عمـر لا شعـوريآ": خلني أعرس بالأول و بعدها تغـآر زوجتي على كيفها ..

"أبو عبدالعزيز بـأهتمام": من تـزوج صالح وأنا أقنعـك بـ بنات عمــّـك أبي أخطـب لك وحده منهن و أنت رافض البنات و رافض الزواج من أسـاسه!! ليه التـأجيل وأنت مـو ناقصك شي الحمـدلله ..

عمر: بالأجازه الصيفيه أن شـاءالله أختار بنت الحلال و أنت والوالده الله يطـوّل بأعماركم تخطبونها لـي ..

أبو عبدالعزيز: على خير نشوف آخـرتها مع تأجيلك للزواج.. فمـان الله..

"طـلع أبو عبدالعزيز و قرب عمر لـشنطته و أخذها وحطها عند الباب .. أنتبه لنغمة مسـج من جواله ..
صـار يكره هالنغمه من كثر مـا تزعجه البنت المجهوله .. شهر كامل ولا سمـع صوتها ولا
عـرف عنها أي شي غير أنها ساكنه بـــ(الشرقيـــــه) ..!!!


فتـح المسج وهو يجلـس على السرير"..


*[ كل ركـن بالشرقيــــه ينـوّر بــــك اليوم

يآ بختنــا بوجــــودك يــا عــُـمـــر ]*..



"عمـر وهو مصـــدوم": هذي كيف عرفـت أني راح أسـافر اليوم؟ لأن محد يـدري إلا فهد ولـد عمي!!
معقولة تكون بنت عـــ......

"سكـت وهو يمسح على راسه بتوتـر" أستغفر الله العظيم مـا بي أحـط بذمتي أستغفر الله..
على العمـوم الله يسامحها و يهديها..

"قــام وهو يرمي جواله على السرير بـ ملل .. وصل لحد الباب عقـب رجع أخذ جـواله و أتصل على صـالح يأكد عليه موعـد الطيـاره لأنه راح يـآخذه للمطـار"



ــــــــــــــــــــــــــــــــــــــــــــــــــ ــــــــــ




يــــــوم الأثنيــــــن

( 3 ربيــــع الآخر )


: هـلا والله بهالصـوووووووت قبل أسمعـه..

"صالح بـ خجل": يآخي لا تدلعيني ترى أغـدي كشنه مـا أتحمل..!

"ضحكت نـاديا بـ نعـومه": ههههههههه وش أسوي يـا صلوحي من أشوف أسمـك على الشاشه يـدق قـلبـي..

صالح: فـديتك .. على طـاري أسمي وش مسجلـتني بجوالـك؟

ناديا: أمممم (نبــــض قلبـــي) .. و أنت وش مسجل أسمـي؟

صالح: أنــا ... (ابــــو يوســـــف)...!!

"شـهقــت ناديا": مين أبـو يوسـف؟

صالح: أنتـــي ..

"صـرخـت ناديا": لأاااااااا حـرام عليك كل هالأنـوثه و الدلـع آخرتها أبو يوسف ! أقـل شي حطني (أبو النـود) أرحم شـوي..

صالح: عشان أذا أصدقائي تعبـّــثوا بـجوالي مـا يعرفون رقمـك و بعدين هم يـدرون أنك أبو النـود..

"نـاديا بـ زعـل": يا سلام عليك_ خلاص أمسـح أسمي كله ولا أني أصير أبو يوسف ..

صالح: وش فيـك زعلتي!

"ناديا وهي تتحلطـم": وش رأيك يعني هـالشي مـا يضـايقني! طيب قـول لـي وش مسجـّل أسـم عـُمـر بجوالـك..؟

صالح: أنتي تروحين و ترجعين على عمر حـآشرته بكل سـالفه..

ناديا: لا تغيـّر الموضـوع و جاوبني..

صالح: أبو عميـــــر ..

"ناديا وهي كاتمـه الضحكـه": زين مـا سجلته (أبو يوسف2) أنت الناس اللي تحبـّهم تتلخبط تعـابيرك عنهم..

صالح: عن التعليقات و سولـفي لي وش جهـّزتي لـ زواجنا؟..

ناديا: بدري باقي أربـع شهور يمديني أخلـص تجهيز ..

صالح: أقـل من أربع لا تزودين من عنـدك..

ناديا: هذي بحسبتك إنت لأنـك تنقص على كيفك ..

صالح: المهم تجهزي من ألحين لأن أحتمال أكنسل العـرس و نسـافر شهر عسل بس..

ناديا: لا يا حبيبي أشوفـك كنسلت و سافرت وأنا مـا عندي خبر..؟؟

صالح: هـذا أنا قلت لـك ..

ناديا: بدري كان خلــّيتها لي مفـاجأه قبل العرس بيوم..
أنـا أدري هذي أفكار عمـر و أنت بسرعه تقـتنع بدون مـا تشاورني..

صالح: رجعتي لـ عمـر! أتركي الرجـّال بحـاله ..


: صالــــح .. صالــــح ..

"رفـع راسه صالح لقى سعـد ماسك كتابه التفسير و واقـف ينتظـر": خير وش تبي؟

"سعد بملل": أبيك تــذاكر لي تفسير عندي أمتحــان بكره..

صالح: شـايفني فـاضي لك و بعدين مـن متى أنا أذاكر لـك؟

سعد: سطام قـال لـي أروح لك لأنه بينام وعنده شغل ضروري بكره ..

"ناديا وهي تتسمـع لهم": صلوحي بليز ذاكر له عشـان خاطري..

صالح: وإنتي وش دخلـك هذي أمـور عائليه لا تتدخـّـلين ..

ناديا: صلوووح أنـا ندوش حبيبــتك ؟ بعدين لا تستقـوي علي قـدّام سعد تـرى والله أزعل ولا أكلمك لـ يــوم العرس..

صالح: يـآحوووول إنتي شكلك مـانتي رآيقه .. مجهزه الـزعله بـ جيب ثوبك ..

ناديا: أنـا زوجتك و مجبـور أنك تتحمــّلني بكل حالاتي حتى و أنا طفشــآآآنه!

صالح: طيب أنا مستعـد أتحمل كل طفشاتـك بـس فكــّـيني ألحين أبي أذاكر للنصـاب سعد .. يقـال أنه بـ ينجح على إيدي ..

سعد: وش دخلني أنا هـذا سطـام ........

"قـاطعه صالح": أقـول قابلني وأنت سـاكت ..

"صـد وهو يهمس لـ ناديا بس صوته مسـموع" خلاص أكلمـك وقت ثاني ..

ناديا: أوك حبيبي .. فمـآن الله ..



"سكر صـالح الجوال و أخذ كتاب سعـــد لمـادة التفسيـــــر.. وهو يسأله بحيـــره": طيب وش أسـوي أنا ألحين كيـف أدرسـك.؟

"سعد وهو يجلس قباله": اسألنــي الأسئله اللي بـآخر الدروس و أنا أجـاوب ..

"صالح وهو يرتخي بجلسته و يحـط الكتاب بحضنه": اكيد تجـاوب أجل تسكــت ..

سعــد: .............

"فتـح صالح على الـدرس الأول": (صـف موقف الكفــــار حين يرون العـــذاب يوم القيــامــــه؟؟)

"سبــّــل سعد بعيونه وهو يفكــّر بالأجــابه ثواني .. مـا عرف و قـال لصالح بتـردد": أأأأ أسـألني سؤال غيره أتـرك هذا آخـر شي ..

"فـتـح صالح على الـدرس اللي وراه": ترى برجـع له لا تحسبني بـأنسـاه .. المهم أعـطـيك فرصه ثانيه .. يالله جـاوب على السؤال هـذا ..
(عـدّد الفـوائد التي يجنيها الداعيـه إلى الله؟؟؟)

"بـلـع سعد ريقه و صــار يتلفت بتوتر لآنـه مـا عرف يجـاوب .. خـزّه صالح و يسـوّي نفسه معصــّــب": نخليه آخــر شي بـعـد؟؟

"هـز راسـه و خـانقـته العبره .. يعرف نفسه وقـت التسميـع تضيـع علومـــه": أيه ..

"صالح وهو يفتح على درس ثـاني": أنـت تدري كم السـاعه ألحين..؟ 4 الفجــر و باقي سـاعتين ونص على بداية الأمتحـان و أنت تبي كل الأسئـله الصعبه آخـر شي؟؟
ليـه مـا ذاكرت عـدل؟؟؟

سعد: والله أني مـذاكر بس فيه أسـئله أنسـى اجاباتها ..

صالح: أعطيـك آآخر سـؤال وأن مـا جاوبت عليه أعتبر نفسـك راسب بالـمـاده ..
(علل/ سمــّيت القيامــه بالحاقــــه؟؟)

"تحجــّرت الدموع بعيونه و صـار يناظر لصالح بخـوف لأنه مـا عرف الأجـابه بعد"..

"صالح وهو يهزأه": وش فيـك بتصيـح..؟ هذي آخـرة الأهمـال جالس قدامي وانت خـايف من أمتحان و ودّك تصيـح؟
ليه مـا درست عدل هـاه..؟ تبي أصحي سطـام ألحين أخليه يوريـك المذاكـره على أصولها..؟
أنت تـدري أن مـا عندك وقت يكفيك تـذاكر الماده عدل!! تـدري وإلا لأ؟؟؟؟

"نـزل سعد راسه وهو يمسـح دمـوعه": خلاص مـابي أروح للأمتحـان .. أبي أرسـب خلاااااااااااااص ..

صالح: أستريييييييـح بس.. هـذا أمتحان مو لعبــــه ترسب على كيفـك .. تبي تصير فـاشل بحياتك..؟؟

سعد: طيب كيف أروح و أنـا مـو حافـظ نص الأجابات؟

صالح: مشكلتك عـاد وأنت دبـّرها .. إلا بســـــألك .. أنت ألحين تـدرس الفصل الدراســـــي الأول وإلا الثانـــــي؟؟

"رفـع رأســه سعد وهو متفـاجأ": الفصل الدراسي الثانـــي .. ليه تسـأل؟

"صالح وهو يضـرب ايده بجبهته و يستوعـب الموقـف": يآآآآآه ياالدلــــــــخ جالس أسـألك من أسئلـة الفصل الأول ولا أنتبهت !!
صـدق أنك غبــي.. وليه مـا علمتني أن الأسئله ذي مـو معكم وان المنهـج حق الفصل الثاني يختلـف عن الأول..

"سعد و بـدأ يعصــّب على صالح من القهــر": و أنت تهاوشني و تقـولي فـاشل بعد .. ليه تـوّك تنتبه وإلا أنت قـاصدها تبي تسوي فيني مقـلب عشان أخـاف ..

"صالح وهو يضحك على نفسه": ههههههههههههههه والله مـا قصدت .. أنا أعرفـك خواف و أحب أستغـل هالنقطه السـوداء فيك بـس مو وقـت أمتحانات لأني أرحم دلاخـتـك و غبائك هههههههههههههههههههه..

"أخذ سعد كتابه و قـام": أروح لـ فارس يسمع لي أزيـن .. والله لأعلــّم أبوي و سطـام عليك..
"صالح ومـازال يضحك": المهم تلاحق على عمرك ولا تغيب عن الأمتحان ههههههههههههههههههههههه

++++++++++++++++++++++++++++++
يـــوم الأربعـــــاء
( 4 جمادى الآخر )
(جـــــواب الســــــؤال الأول)
نزلـت هـديـل القلم و ألتفتـت على مكان صفــاء بـ قـاعة الأمتحان_
مكـانها خآلي بالرغم من مرور نصـف ساعه على وقت بداية الأمتحان..
ألتفتت على وتين لـقتها تعض أظافيرها بتوتر و تنـاظر بمكان صفـاء..

المـــــــاده سهله ما أخذت منهم أدنى جهد بالمـذاكره_ عشان كذا هي آخـر يوم للأمتحآنات وهو ( يـوم التخـرج ) _ وش اللي أجبر صفـاء تغيب بهذا اليـوم و ترسب بالمـاده و تخرب على نفسها فــرحـة التـخـرج!!



>>>>>>>>>>>>>>>>>>>>>>>>>>


وفي ركن ثانــــي في الكليه .. و تحديدآ في مكـان جلسة الشـلــّـه دايم ..

كانت صفـاء جالسه و تصيييييييـح و تضـرب أيدها بـرجولها بـ قــهـــر ..

منظـرها يقطــّع القلب و يحز بالخـاطر لأن مـا فيه أحد حولها من صديقـاتها ولا أي وحده من بنات فرقتها .. الكل بالقـاعات مـا عدا طالبـات الفرقه الأولى لأن أمتحانهم يبدأ الساعه 10 ونص..

المكان حولها خالــــــي إلا من طـالبتين يناظرونها بتعاطف ولا بيـدهم حيله غير المنـديل لأنها تمسح دمـوعها بكفوفها ..

قـاموا الطالبتين و قـرّبوا من صفـــاء وهم يعطونها مناديل و يتركونها جالسه لحالها ..

تذكـّرت صفاء موقفها مع البنات اللي كـانوا يصيحون وقت البريك و تصرفت معهم بنفس الطريقه!
مـا توقــّعت أن الأيام رآح تـدور و يجي يوم تحتـآج أحد يسمعها و يهـوّن عليها ومـا تلاقي إلا منديل يكف دمعتها..



*{ الله يـا هـي غريبـهـ / ليلـة البـارح /
ســ؟ـــؤال واحـد يـدور بـ خــاطـري .. و أسـأل .. !

معقـول مـا حـسّ بـإن البـُـعـد ذا [ جــــارح ]..؟
صحيـح يعنـي بــ بســاطــه ،
صـادق + بـ يــــرحـــل + .. ؟؟ }*

¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

مـرت ثوانـــــي ........

و دقايـــق ..........

و صفـــــآء مـا زالت دافنه راسها بوسـط رجولها و تصيـــــح ......

مـا حســّـت إلا بصوت وتـيـن و هـديل و هـم يهزّون جسمها بقـوة و ينادونها و متفـاجآت من منظـرها .. !!!

هديل: ليه مـا دخلتي الأمتحــاااااااااان؟

وتين: صوفي وش فـييييييييييـك ليه تصيحيـن؟

"رمــت حالها صفـاء بحضن وتين وهي تصرخ و تشـــاهـق بصوت عـــــــــااااالي..
وتين خنقـتهـا العبره و عجزت تنطـق بحرف واحد .. حســّـت إن الحزن بـسبـب {وفــــــــــآة} مـا فيه أكبـر من هالصدمه اللي تخلينا نعجـز عن التعبيـر .. بـس .... كيـف تحضر للكــّـليه وهي بهالحـاله؟؟؟"..

"هديل و صوتها يرتعـد من الخــوف": صفـاء قولي لنا وش فيك تـرى وقــّـفـتي قـلوبنا!!

"صفـاء و صوتها مو واضح من الصيـاح": مـا يفهم .. مـا يحس .. مـا يقـدّر ..

"عرفـت وتين من كلامها أن مـو حالة وفــاة .. تطـمـّنت و سألتها بسرعه": مين هـو؟

صفاء: النــذل متعـب..

"شهقـت هديل": متـعـب !!!!!!! وش سـوّا فيك؟ لا يكون ضـرّك أو فضـح اللي بينكم لـلـناس؟

"هـزت راسها صفاء بــ لأ و تحـاول تنطـق بس عـاجزه من الصدمــه"..

هديل: أجل وش فـييييييييييـه؟

"صفــاء بهمـس": خطـب أأأ...........

هديل: خطـب مـييييييييـن؟

صفاء: أختي هـــــنــاء ..

"صـــــــــرخـــــــــوا وتيـن و هـديــل صرخه وحده من الصـدمـــــه": لاااااااااااااااااااااااااااااااااااااااااا ..

-
-
-
-
-

"سكتــوا ثواني و هــُم ينـاظرون بعض يحـاولون يستوعبـون الكـلام..

رفعـت راسها صفـاء وهي تناظـر فوق و تتكلــّم بقهر و الدمـوع ماليه عيونها": مـا توقــّـعـته بالحقـــــاره هذي ..
كذا بـدون مقـدّمات تركني و أخــذها !! مـا كان بينا أي خلاف و أتفقـنا ننقطـع عن بعض بـ دعوآت منه لـي بالتوفيق وقـت الأمتحانات لأنه مـا يبي يشغلني..
على أمـل أننا نرجع بعـدها..
وش قـلـب الموضـوع كذا مــــــــا أدري..؟؟

"وتين وؤهي تمسـك يدها و تطمــّـنها": يمكن أخــو متعب مـو هو؟ مستحيل يـا صفاء متعب يحبـّـك ..

صفاء: ...............

"هـديل بحيره": هـو خطـب بنفسه وإلا أهلـه؟

صفاء: أهلـــه...

هديل: يعني هو مـاله ذنب أكيد أهله ظـلموه و أجبروه على هنـاء..

"صـرخت صفاء": هــو كل الذنـب .. هو اللي ظـلمني .. هو اللي بيده يوافـق و يرفـض!
لكن جـآزت له هناء و أقتنع فيها لأنها حلــوه و جـذآبه أكثر مني..
ومــا همــّـه صفاء و قـلبها و مشـاعرها بـ حـررررررررريـقـه .. شبع دلال و حــُب و أهتمـام مني و أرضيت غـروره للثمــآله ..
جاء الوقـت اللي يفكر بـ جـديـّة و يبني حيآة أسريـة و لقى إني مــا أشرفـه! ولا أصلح أكون زوجه و أُم !!! لأني بـأختصآر (حبـّيـتـه)...

"أخـذت أنفــــاس وهي تمسح دموعها": زوجـة خالي صـار لها أسبوع كـامل وهي ترتب و تنسـق للخطبه مع أمي بـدون مـا أدري .. و أمس أخذتني أمي لـغرفتها و تشـاورني بالموضـوع ..
تصـوّروا يا بنات سـألتها أكثر من خمس مرات و مثل المجنونه(متعب يخطبني أنــا وإلا هنـاء))؟
قـالت/ إنتي من رفضتي الدكتور و الجماعه يتكلمون عنك يقـولون أكيد فيها بلآء.. ليتـك سمعتي النصيحه ولا عـاندتيني لأني كنت عارفه أنك بتوصلين لهالحـال!!!!

"هديل وهي متفـاجأه من كلام أُم صفـاء": أي حـال؟ كل شي بالدنيا نصيب و مقـدّر و مكتوب المفروض أمـك تؤمن بهالشي..

"صفـاء وهي تنزل راسها و تنطـق بـ ثـقـل": قـلت لها كذا و قـالت/ متعب ألحين من نصيب أخـتـك هناء مع أني تمنيته لـك..

"تكلــّمت وتين بهـدوء والدمـوع متحجره بعيونها": مـا كلـّمـتيه و سـألتيه؟

صفاء: وش تنفعني تبريراته دام كل شي أنــتــهــى بينـا و السبب هــــو و أهلـه!
"تنهـدت وهي تكمــّل بحسره" على كثـر السنيـن اللي حبــّيـته فيها .. كرهتـه بـ لـحـظـه! لأنه داس على كرامتي ومـا يستـاهل إني أنــاظر فيه بعد اليـوم ولا أسمـع منه أي شيء..

وتين: جـربي يا صفـاء .. يمكن لسـّه سوالـف حريم ومـا وصلهم رأيـه..

"طـلعت صفـاء جوالها و عطته وتيـن": خـذي أتصلي .. أنا مـن صدمتي فيه عـاجزه حتى أنـاظر بأسمه أو رقمـه..

"أتصلت وتين وهي تقـرب الجوال لأذنها تسمع .. رن رنتين و بعدها قفـل لأنه عطـاها مشغول .. نزلت الجوال بحضنها و دموعها تنزل بدون مـا تحس من تـأثرها بالموقـف..
صـدّت صفـاء وهي تــبـكــي بـحرقـه و تدعـي على متعب لأنها تـأكدت بأنه رآفـضـها"..

"هـديل وهي تحاول تهدّي من أنفعـالها": قـولي الحمدلله يـا صفـاء ربـّي مـا كتـبْ لك نصيب فيه لأنه مــا يستـاهلك ..
متعب لازم يمـوت بقلبك مثل مـا أختار (المـــــــوت فيك) .. و كرامتك أهــمّ من قـلبك .. وش فـايدة إنك تبكين عليه و هـو مـا درى عنك؟؟
راح تـآخذين لك وقـت و تنسين و ربــّي يعوضـك باللي أحسن منه .. هـذا مـو رجــّال!! ولا يستحق يكـون زوج لـك و أبو لعيالـك _ و إذا إنه مـا يتشـرّف فيك إنتي بعد مـا يشرفـك تآخذينه لأنه (ولـد أمه) و مـاله شخصيه...

صفاء: شلـون أنسى وهو بيصير (زوج أختي) يعني طـاريه بـيلاحقني العمــر كلــّه..
والله إني أفكر / كيف أواجه أهلي بعد هالسالفه؟ مو متحمله أناظر فيهم ولا أقدر أبتسم وأفرح لها لو مجامله!! عجزت أستوعب الوضع وأنا من أمس حابسه دموعي ولا أنفجرت إلا ألحين..

"وتين بـضيق": والله شي يحـزّ بالخـاطـر! يعني أختك مــا تحـسّ ولا تفهـم بأنه مـو من حقـها تآخـذه..

"صفاء بأستهزاء": أختي مبسـوطـه فيه .. و كل مشـاعرها تجـاهه (حــُب و إعجـاب) مغلــّف بتصرفات (كـٌره و حقــْد) عشـان محـد يكشفـها ..

"رن جوال وتين و كانت المتصـله جواهر اللي معها في البـاص": هذي جوجو أكيد السايق وصل .. صفـاء إنتي بتطلعين ألحين وإلا السـاعه 12 ونص؟

صفاء: أطلع لـلـهـمّ ! خليني هـِنا أصيح براحتي و أطـلـَع كل اللي براسي لأن دمـوعي محسوبه علي في البيـت ..

وتين: خلاص أجل راح نجلـس معـك أنا و هديل لنهاية الـدوام ..

"أرتخـت صفاء بجلستها و نـزلت دموعها و ذكريـاتها معه مـا تفارقها .. ومـا على لسانها غير كلمـة/ لـــيــــه ؟؟؟؟ " ..


*{ ... من زمــــــان
أتخيــّـل إحساســــــي و أنا أودّعـك راحــــــل

لـلـحنيــــن ..

لآخـــــر حـدود المدينـة و السواحـل

لـلـسنـيــــن ..

اللي مثل جسمي و أنا نـاحــــــل

حبيبـــــي
يا حبيبــــي !
يا حبيبــــي !
يا أعــــــز انســــان ( يطـعـنـّي ) وأنـــــا راضي عليه
يا أحــــن أحضـــــان ( ضـمـّتـنـي ) و أنـا غــارق بــ/ عيـبــي !

قــــول لـــيـــــه .. ؟


لــيــه أحـس إنك تحـاول من زمـــــــان
و آخر أيــامـــــك .. قــدرت . .
لين بــــــان !
نظـرة الواقــــــــــــع بعيـنـك
صـورتي و آنـــــا أدوّر عنك ويـنـــك !

قــل لـــــي بـــس ........
وش صـــــار فيـنـا
ويــــن كل وعـودنا !
ويــــن حلـفــك لي
إذا طـــــاري على % الهـجـران % على طــاري
مــــآ تصـــد !

تحكي أعـــــذارك ..
وانـــا والله مســامـــح !


مــا علينــــا ..

يمكـن العشـق الـقـديــــــم يظـل فيـنـا
أو يمـــــــوت إليا بـكـينـا !

الـمــُـهـــــم ..
إنـــــا إنـتـهينـــــا !
و الـزمــن يضـحــــك
على باقـــــــي حكينـا !
و الــــــوداع ... اللي دريت إنه ( نـصيـبــــــي )
يــا حبيبـــــي

مــــو بـيـدينـــــــــــــا ! ......}*




===============================



وفــــي الــمـــســــاء

كان جالـس عـمر بالمقهـــــــى مع صـالـح اللي مشغـول بجوالـه يراسل خطـيبته نـاديا..

"عمر بـ مـلـل": مـا شبعـت سوالـف مع نـاديا! ياخي من جلسـنا و إنت عيونـك بالجـوال ولا كأني مـوجـود ..

صالح: والله تعبـت و أنا أكتب بس سوالـفها حلـوه مـا تنمـلّ ..

"عمـر يبي يستفـزه .. قـال وهو كاتم الضحكـه": مـن ألحين تتحكــّم فيك و ملغيه شخصيتـك؟
ليه مـا تفهـّمها أن لـك وقتك الخـاص مع أصدقائـك و المفـروض مـا تكلــّمك ولا ترسل لـك فيه..

"عقــد صـالح حواجبه بتفكير و بسرعه أقتنع و حـسّ أنه مقـصـّر معه": خلاص بقـولها ضفــّـي وجهك نكمل بالليـل..

"صـرخ عمـر وهو يضحك": هههههههههههه لاااااا مـو بالأسلوب ذا حرام عليك .. تبي تطـفــّش البنت منـك ..

صالح: إنت تقـول كـِذا..

عمر: أنا قلـت كذا يا نصـّـاب! تبـي ناديا تكرهني زيـاده ..؟

صالح: تراهـا ناشبـه ألحين لأنهـا عرفت أني جالـس معك ..

عمر: يا سلام عليك أنت ويـاها.. أقـول أقـفـل جوالك أبي أتكلم معك في مـوضـوع ..

"صالح وهو يحط جواله بجيب ثوبه": ســَـم يـابو عميـر ..

"سكـت عمر وهو يفكــّر كيف يجـسّ نبـضه بموضـوع خطبتـه لــوتيــن .. أستحى يتكلم بجديه و أحتـآر كيف يجي بطريقه غير مبـاشره"..

صالح: وش فيك سـاكت ..؟

"عمـر بتردد": أأأ ... بـصرآحه .. أأأ أنا نــاوي أتــــزوج ..

"أبتســم صالح": صـــز؟ يـا حركآت يا أبو عمير تبي تخـاويني بالعـرس ..

عمر: من فتره و أنا مـأجل هالمـوضوع و ألحين صـار الوقـت المناسب..

صالح: أهـم شي أنك تختـار بنت الحلال لا تطيع أهلـك و تتوهــّق ..
شفني أنـا يوم قرّرت أتزوج ورطـوني أهلي بأحلام و غصب فكيت عمري منهم ..

عمر: لا مستحيل آخـذ من بنات عمـامي و عمـّـاتي ..

صالح: أجل تطـمــّنت عليك..

"سكت عمـر و يحـاول يتجرأ و عجـز .. !!
و رجـع صـالح يرآسل ناديـــا و يفكــّر بمـوضـوع زواج عمـــر و بخـاطره تكون (أخته وتـيـن) من نصيب أعــــز أخـوانه و أصــدقـاءه ..!!
مـا أستغرب صالح من تفكيـره ولا أنتـقـد نفسه لأن أي شخـص بمكـانه ممكن يتمـنـّى هالأمنيـه بأنه يشتري شـخـص يثق فيه و يقـدّره و يحترمه و عـارف أنه مـا راح يخون الـثـقه خصوصآ ولـد و أخـو و صديق العائلـه...!"

"عمـر و بعد لحظـات صمـْت تكلـّم وهو يمسـح على راسه بتوتر و يغتـصـب الأبتسـامه": حــــآس أن الأيـام الجايه بتكون حلـوه علي .. لـ درجة اني خـايف أحسد نفسي على اللحظـات اللي بعيشهـا و بـ تحقـق حلم أنتـظرته سنوآآآت ..

صالح: وش حلمـك؟ شـف عاد مع إنك صديقـي إلا أني مـا أعرف أحلامـك..

عمر: بسيطه على قـدّي .. مجرد زواج و أستـقرآر مع إنسآنه تحبـّني و تفهمـني ..

صالح: الله يرزقـك و يعطيـك على قـد نيـّتـك .. يـــآ ربْ متى يجي ذا اليـوم اللي أوقـف معك بخطبتـك و ملكتـك و أردّ لـك وقـفـاتك معي .. سقى الله ذيك الأيــاااااام ..

"ضحـك عمر": ههههههههههه سقى الله هيـاطك أيـام الخطبه مع ناديا اللي مـا تسميها إلا (الراقيــــه) آخرتها (أبو النود و أبو يوسف) ..

"صـالح بإحراج": تراها مـا زالت راقيــــه بس الله يلعـن الجوال مبهدلنا مع النـاس..

عمر: تـرقــّع هآآه .. أنا أعلمـك الـرُقـي على أصوله بـس أنتظـر أخطب و أملـك أن شاءالله..

صالح: لا تهدّد!! تراني أغـار بعدين مـا فيه مجال أتغـيـر لأن تمر علي لحظـات رومانسيه مـرور الكرآم و تهررررب بسرعه مـا يمديني أحس فيها حتى زوجتي مثلي..

عمر: أدري أنكم تغارون مني و إذا تزوجت (البرنسيســـــه) تـزيد الغـِـيره بعد ..

صالح: وش برنيستــه؟ شـوووف عيني راح تلحقني و تسميها (أبــو .....؟؟؟؟؟) .. إلا هــي وش أسـمـهـــا؟؟

&&&&&&&&&&&&&&&&&&&&&&&&&&&&

صحـت وتين بعد نومـة تعب طوييييله .. تعبـت من كثر الصيـاح على صدمـة صفاء من متعب .. و على وداعهـا للكليه لآخر يوم دراسي بـحيـاتها ..

تجمــّعت كل الهمـوم عليها بهذا النهار ومـا تتمنى إلا أن تعـدّي هاليوم لـو بـ نسيــآن مؤقـت ..

لكن مشاعـر صفاء مـا عطتها فرصه و كانت تفـرّغ عن أنفعـالها بمسجات حـزن و عتاب و وداع لـوتيـن ..


!{ صوت الاماكــــن وحزن /الليل والساري ،
تجمعوا والالـم مـن حولهـم غنــا..!

لميــــن ابعثر وابـ أنبش/ جملة اسراري ،
معقـول اصـادف أحــــد مناك او مـنا..!

يا أنت لمواصـــــلك يا/ طووووول مشواري ،
يالييييت مـا كنت أعــرفك .. ليــت مـا كــنــا..! }!


قفـلت وتين الجوال و حطـته على الطـاوله وهي تتنهد بـضيق ..
قـامت و شغـّلت ضوء الغرفـه .. و تفـاجأت بـ(بوكيه ورد) على التسريحه و علـبه كبيره مغلــّفه ..

شهـقـت من المفـاجـأه و من جمـال البوكيه بنفس الوقت .. قربت وهي تـآخذه و تقـرأ الكرت المعلــّق بوسطه و اللي مكتوب بـخط يـد تعرف و تعشـقـه للـثمــاله ...



( كــــل مــا أنتــي كبرتــي ..!
قـدْرك .. بــ عـُمــري كـبـــر ~

ألـف مبــروك التخـــرج .. و يـا عسى السعــاده مـا تفـارقـك )
~رنو _ دآلي~


" حضنـت وتين الـورد وهي تـآخذ أنفـاس .. حســّت أنه مـن عــمــر و إحسـاسها مـا يكـذب .. تدري إن هـذا اليـوم أغلى يوم بـحياتـه لأن أنتظـاره طــال ..
و تـدري أن أقـل تصرف و تعبـير ممكن يسـويه و يموهـه بـأسـم خوآته و بـ علـم و تشجيع منهـم طبعـآ "..


"أحلام وهي تدخل الغرفه و تنـاظر وتين بـ غـِـيره": شفـتي الهديه اللي جابوها بنات جيرانك؟

"وتين ومـا زالت تنـاظر بالورد": امممم تجنن .. أحلى هـديه بعمري..

"أحلام بـفضول": أفتحي العلبه أبي أشـوفها وش داخلها..

"نزلـت وتين الورد و فتحت الكرتـون .. لقت قـاتوه مكتوب عليه/ (مبــــروك التخرج يــا وتيـــــن)"

"وتين وهي تنـطــّط بعفـويه": وآو أسمي يجنننننننن عـلى القـاتوه..
راح أبـدل ملابسي و أكشـخ و أحتفل مع أخواني ..


"طـلعت بسرعه لـدورة الميـاه بدون مـا تناظر ردّة فعل أحلام و اللي تضـايقت و حزنت وتعبت من كثر مـا تقارن بينها و بين وتين..
و لسـان حالها يقول/ متى أوصل لمـستواهــا ؟؟؟؟؟.."



############################



: يـالله حيــّــه سطام عـاش من شافـك ..

"سطـام وهو يعدل شمـاغه و يدخل المجلـس": عاش غـاليك .. و الحمدلله على السلامه..

أبو فهـّاد: الله يسلمـك ..

"جلـس سطام وهو يسـأله": شخبار الأهل و كيف الأجواء بـ أميركـا ..

"تنـهد أبو فهاد و هو يجلس بـجنبه": آآآه بس يــازين الريـــــاض .. لـولا ظروف دراستي كان مـا جلست فيها ولا دقيـقه ..

سطام: أفــآ .. ليـه؟

أبو فهاد: عـيالي مـا خلـّوني أرتــاح هبلوا بي الله يقطـع أبليسهم ..

"أبتسـم سطام": الله يحفـظهم و يخليهم .. وينهم مـا أشوفهم عنـدك ..

أبو فهاد: حبستهـم داخل لأني عـارف راح يزعجونـي ........

"مـا كمــّـل كلمته إلا و دخلـوا عيـاله الثلاث للمجلـس و هــُم يركضـون و يضحكون بصوت عــااااالي..
توهـق أبو فهاد و صـار يأشـر لهم عشان يهدون و يعقـلون بس مـا ردّوا عليه"..

سطام: تعـالوا حبايبي سلمـوا علي ..

"جـاه فهــّاد و اللي عمره 7 سنوات و رمـى نفسه بقوه بـحضن سطـام ..
سحبـه أبوه بـ إحراج وهـو يضربه على راسه": كسـّرت عظـام الرجـّـال الله لا يبـارك بعدوك أجلـس فشـلتنا ..

فهاد: ليه تضربنـي؟

"أبو فهاد بصوت عـالي": لأنك ملقـوف ومـا تحترم أحد .. خـذ أخوانك و روح لأمـك ..

"فهاد بـعناد": مـا نييييييب رايـح .. أبجلس ألعـب هـِنا..

"قـام أبو فهاد و سحبه مره ثانيه بـس فهاد هـرب و صار يتنطــّط على الكنـب مع أخوانه زياد 5 سنوات و أحمـد 4 سنوات ..

سطام كان ينـاظرهم و منبسـط من حركاتهم .. ومـا أنتقـدهم أبدآ بالرغـم من أنه مـا يحب هـالتصرفـات من الأطفـال لكن!!! حرمـانه من شعور الأبـوّه غيـّر من قنـاعاته و خلاّه يحـب واقع غيره لأنـه كـاره واقعـه" ..

أبو فهاد: والله أن مـا طلعتوا من المجلس لا أحبسكـم أسبوع كامل.. بــراااااااا..

فهاد: أتحـداك تحبسنا .. عشان أعلــّم عليك أمريكـــــا ..

"عصــّب أبو فهاد و قـدر يمسكهم ثلاثتهمـ و طـلعهم برا المجلس و سكـر الباب": أعـوذ بالله يأذوّن قبيـله ولا يتعبـون و يتـأدبون..

"سطام وهم مبتسـم": خلهم يـابن الحلال اللي يشوفـك يقول أني أول مـره أزورك .. ماهي بيننا يـا أبو فهاد..
إلا وش دخـّل أمريكا بالموضـوع؟

أبو فهاد: مـره كنا نمشـي بالحديقه أنـا و زوجتي والعيـال .. و خبرك عـاد فهاد و لقـافته مـا يخلـّي شي بحاله .. كان يركـض و يخرّب بالـورد و يتنـطـط على الكراسي و يسـوي حركات بهلوانيه ..
المهم أنا عصـّبت و مسكته ووضربته كـــف على وجهه .. تعاااااال شوف وش صار بعـدها !! الكل وقف ينــاظرني و أستحقروا تصـرفي لأنهم متعـودين على أسلوب النصـح و الرفـق بالطفل و عيـالي مـا ينفع معهم هالأسلـوب..
و عقبها تـوّبت أضربهم بمكان عـام و هـُم أنبسطـوا من كذا .. صرنا نأجل تفـاهمنا لما نرجع للشقه..

"ضحــك سطام": هههههههههههه و ولـدك يتذكـّر هالموقف و مـو نـاسيه ..

أبو فهاد: لا عادها الله من ذاكره ذلــّنا فيها .. أنت لـو تعرف وش سوّوا بأختهم الصغيره فـجـر ذاك اليوم كان مـا تلومني فيهم..

"تفـاجأ سطام": بنتك فجر اللي عمرها 6شهور؟ وش سـووا؟

أبو فهاد: مـدخلينها الفـــــــرن و مسكــّرين عليها و يبـون يشغلون النـار لو مـا ربــّـك ستر و لحـّـقـت عليهم أمهم ..

"طـيــّر عيونه سطـام": من جـدك؟

أبو فهاد: أي والله أني صـادق .. تعبت تعبت معهم .. و جرّبـت كل اساليب التربيـه مـآآآ نفـع معهم ..

"سطام بمـزح": الظـاهر و أنت صغير كنت ملقـوووف و لما كبرت ربـّي عـاقبك فيهم ..

"أبو فهاد وهو يضحك": هههههههههههه كنـّـك تدري .. أمي كل يوم تقولي هالكـلام .. لأني و أنـا صغير مجنــّن أهلي و الحـاره و كل مكان أجيه أترك بصمة لقـافه لـي ..

سطام: ههههههههههههههههههههه ..

أبو فهاد: الله لا يبـلاك أنـت بـمثل عيالي .. بـس باين عليك العقـل و انـت صغير يعني مـا وراك عقـاب لآصار عنـدك بـزران ..

"تنهــّــد سطام و هـو مـا زال مبتسـم و ينـاظر الأرض بدون مـا يرد عليه" ..

"أبو فهاد وهو يصـب لسطام قهـوهـ": مـالك نيه تعرس يا أبو فهـد..؟

"سطام وهو يـآخذ الفنجان": لآ يالغالــي .. يكفي التجربتين اللي مريت فيهم ومـا أبي اظـلم بنات الناس معاي ..

أبو فهاد: هذا رزقـك و قـدَرك يا أبو فهد لا تقـول ظــُـلـم..!! إذا الله كـاتب لك يجيـك عيال صدقـني مـاحد يقـدر يرده .. و الطــــب الحين تطـوّر و تغيـّر وكل يوم نسمـع عن نجـاح علاج حالات العقـم ..
ومن غير الطـب ربــّك مـا يرد الدعوات .. أنت تعرف وش فوائـد الدعـاء و الأستغـفـار و الصبــــر .. جـرب كل شي و أسلـك كل الطـرق والله يعوضك خير ..

سطام: بـس مـا صار الشي اللي يخليني أفكــّر بالزواج .. تعرف ألحين مشغـولين بالتجهيزات لعرس صـالح و......

"قـاطعه أبو فهاد": أترك عرس صالح على المعـرس نفسه و أبـوك .. و تفـرغ أنت لـ نفسـك .. لمتى تظـل شايل مسؤولية اهلـك و ناسي نفسـك ..

سطام: تعـوّدت على كذا .. و بعدين من يرضى يـزوّجني بنته ألحين بعد تجربتين زواج فـاشلــــه؟؟؟

أبو فهاد: أنت تعـوّدت لأنك فـاضي ومـا عندك شي يشغلـك عنهم لا بيت ولا زوجـه ولا عيـال .. راح تتغير حيـاتك بعد مـا تتزوج أكيد ..
و بعدين لا تقـول مـاحد يرضى فيـك!!
مـافيه شي يعيبـك و ألف عـائله تتمنى تنـاسبك بـس أنت مـا جرّبت تخطب عشـان تقول يرفضــــون ...
والله لـو عندي خوات بـ سـن زواج كان عطيتـك وحده فيهم لأني و ربــّي يشهد أني مـا ألـقى أحسن منك رجــّال شهـم وسنـافي ...

"أنـحـرج سطام من كلامـــه و أقتـنـع بـ رأيــه": مـا تقصـر يا أبـو فهـاد .. و أشكـرك على الكلام اللي قتلته وهذا من طيب أصلـك .. الله يكتب اللي فيه الخيــر و صدقني راح أفكــّر بـ كلامــك و أحاول أغيـّر من حياتي شوي ..

"أبو فهاد بـأهتمام": أعتبـره وعــــــد؟؟

سطام: وعـــد مني وأن شاء الله مـا تسمع عني إلا اللي يســـرّك ..

أبو فهاد: بس بعد مـا تتزوج مـا أعرفـك ولا تعرفني ..!!

سطام: لييييييييييييه..؟؟
أبو فهاد: عشـان عيالي مـا يخربون عيــالـك ..
سطام: هههههههههههههههههههههههههه..

**********************************

©الـــجــــــــــ السابع عشر ـــــــــــــزء©







(اللهم ياسامــع كل صوت .. وياسابــق كل فوت .. وياكاسـي العظام لحما ومنشرهــا بعد المــوت ..
أسالك بأسمــائك العظـام وباسمك الأعظــم الأكبـر المخزون المكنـون الذي لم يطلع عليه احــد من المخلوقيــن ، يـاذا المعــروف الذي لاينقطـع معروفــه ابدا ولانحصي له عددا ، فــرج عني يـا أرحـم الراحمين) ..


كانت وتين جالســه في مصلاهــا وتدعي والدموع مبللــه وجهها .. ماقد مرت عليها ضيقـه بحياتها كثر ضيقة الأسبوع الصعب اللي مرت فيــه ..
"خطبه + فحص + ملكـه" في أسبوع بدون مايعطونها فرصـه تفكر أو تستخيــر .. ورجاهــا كبير باللي عينه ماتنام أنه يهون عليها ويزيح همها ..


سمعت صوت ضربات خفيف على باب غرفتها وردت بصوت مخنوق: ميــن؟؟؟

: أنا فـارس.. ممكن أدخـل..؟

"مسحت دموعهــا بسرعه وهي تعتـدل بجلستهـا": تفضــل ..

"دخل فـارس وجلس جنبها .. وكانت أضـاءة الغرفــه خافته بس ما حـب يشغل الضوء عشان مايضايقهـا": تقبل الله طاعتــك .. عسـى ماتضايقـك جلستـي معاك بهالوقت ..

وتين: لأ عادي ..

"فارس وهو يعلق عليها يبي يضحكها": ياشينك لما تصيحين يصير خشمك أحمررر وعيونك تختفي .. تذكريني بننات الأنمي هذولا اللي يطلعون بالـtv ..

"أغتصبت وتين الأبتســامه": حرام عليك لهالدرجــه شكلي مو حلو ..

فارس: يمدحون ضحكتك كأنها الأنمي بعد .. أنتي بكل الحالات عيونك مختفيه سواء كذا أو كذا ..

"ضحكت وتين لا شعوريآ": هههههههههههه وش طرا على بالك الأنمي اليوم ..

فارس: كنت جالس عالـtv وأقلب بالقنوات وسرحت أناظر سبيس تون وتذكــرتك .. المهم وين مشوارنا اليوم ..

وتين: ناوي تطلــع..؟؟

"فارس بتأكيد": معـــــاك أنتي .. مارح أطلع لحالـي وبخاطري تغيريـن جـو بدل مانتـي حابسه نفسك بالتفكيـر والصيـاح اللي مارح يحرك شي ..

وتين: من جـد .. ودي افلهاااااااا وأرمي كل الدنيــا وراي ..

"فارس بمزح": آخذك للتحليـه عند قوم كدش .. نكـدش أنا وإنتي زيهم ونـروح بددتسـن جـدي وأحط لك أغنيـة طقاقــات ونرقـص على كيف كيفنا..

"ضحكت وتين بقوه": هههههههههههههههههههه كدش و ددسن؟ مايجتمعون..

فارس: أمس شفت واحد بحارتنـا مكـَدش ونـازل من ددتسـن عند البوفيه .. حسيته بدوي ويسمع بالكشخه ههههههههههههههههه..

وتين: يآآآآآي حمستنــي أطلع بخاطري أضحك والله ..

فارس: بعد صلاة المغرب تجهزي وراح نآخذ سعد معنا ..






.¸¸.•°° •.¸.•°°.¸¸.•°° •.¸.•°°.¸¸.•°° •.¸.•°°.¸¸.•°°




: أرجــــــع ..

"صالح وهو يسوق سيارته و يكلم د/ رمـزي ومتفاجأ من طلبه": ليه أرجع .. أنا ألحين طلعت من الرياض وماباقي إلا كم ساعه وأوصل للشرقيـــه ..

"د/ رمزي بإصـرار": أرجع عشان ماتنصـدم أكثر يا صالح ..

صالح: أنصـدم بأيـش!! أنا رايح أتفاهــم معاه وأعتـذر منه لمتى نظل على هالحــال يعني ..

د/رمزي: بس عمر لســه زعلان ومايبغى يشـوف أي حـد عشان مايتـصرف بطريقه ما تعجبك .. صدقنـي هو خايـف عليك من أنفعالاتـه اللي ماهـو قادر يسيـطر عليها..

صالح: أنا راضي بأي تصـرف يجي منه بـس المهـم أنه يشوفنـي ويسمعنـي .. أنا متأكد راح.......

"قاطعه د/ رمزي": لا لا ياصالح .. أمانه عليك تسمع مني وترجـع لما يهـدأ عمـر .. أحسـن مايحصـل بينكم خـلاف أكبر يهـدم كل شي حلو بينكم ..

"صالح بقهر": عمر ليه يلومنــي طيب أنـا وش ذنبــي؟؟؟؟

د/رمزي: هو (كـان) يلومك بـس دحين أقتنع انو مالك يـد في اللي صـار .. عمر محتـاج يبعد عن الكُـل عشـان يرتب أولوياتـه من جديد بعدهــا صدقني راح يرجع أحسن من أول بكثير أتطمن ياصالح .. وأذا كُنت تحبـه بصـدق قـَدر الوضع اللي هـو فيه ..

"سكت صالح ثواني ونطق بأحبــاط": ماقـَدر وضعي عشان أقــَدره .. تعـودت عليـه ومـو بسهولـه أتحَمـل غيابـه .. أنـا أسبوع واحـد وأحسهـا على قلبـي سنـه أجل كيف أصبر لأكثـر من كذا؟؟
مابقى على زواجــي إلا شهــر وأحلفـلك بالله أنـي مو طايـق هالـزواج ولا مهتم فيه كثـر أهتمامي برضـــاه علي .. ما أتـصور نفسي أفـرح بدونــه ولا أتصور أعيش باقي أيامـي بدون ما أسمع رأيه وشـوره ..

"د/رمزي ويحاول يهدي منه": ماعليه ربنــا كاتب لكم تبعدوا لـخيـره منه .. حاول تنســاه واتفرغ لباقي حياتـك وأتأقلم بدونـه وأتـرك الباقـي للأيــام وشوف أيش راح يصيـر ..

صالح: وش أتـرك يارمزي .. أنا يوم قلت أبي أنسـآه كم يـوم!! لقيت كـل شـَي يذكـرني فيه .. أدق التفاصـيل أللـي ماحـد يحسب حسابهـا تلقانـي أتعـذب من داخلي لما أشوفها لأني أشوف فيها عمــر ..
حتى بزواجــي كنت أقول له/ ترا فرحتي ماتكمل إلا بزواجـك أنت معـاي .. وألحين أحس نفسي أنـــــاني لأني تزوجت وهو باقي عزوبــي ..

د/ رمزي: كل شي بالدنيــا نصيب .. ولا تلوم نفسك أكثر لأنك راح تتعب ولا تغير من الواقع شي .. دحين أرجع للرياض وأهتم بترتيبــات زواجك وحـرام تقـَصر مع أهلك أو زوجتك لأن ربي راح يحاسبك .. هادي أمانـه عندك ومسؤوليــه كبيره لازم تكون قدَهــا .. وأتمنى ماتكـون زعلـت من أرائـي لأنو من مصلحتـك والله ومـا أقصد أضايقك أبد ..

"تنهـد صالح وتكلم بهــدوء": ولا يهمـك .. راح أرجع للريـاض ألحين والله يجمع بيننا على خيــر ..

د/رمزي: آمين ** والله أني أدعي لكم من قلبي .. أقابلك على خير .. فمان الله ..




© ناظـر الحـزن × متبعثـر × بـ الملامـح والخفـوق
مـدري أواسـي خفـوقي ولا أراضـي ~ رغبتـك ~

أنت تتمـادى بغيابـك وأنـا | ضايـق / ومخنـوق |
يـاخي / حَـس / بضيقـتي تكـفى وعجـّل طلتـك ©






+++++++++++++++++++++





"فـارس وهو واقف بوسـط الصالـه وينـادي وتين بصـوت عالـي": بسرررررررعه ياوتيييييييييييين..

"طلعت وتين من غرفتهـا وراحت لـه وهي تلبـس عباتهـا": وش فيك مستعجــل ..

فارس: مانبي نتـأخـر أكثر لأننا راح نرجع قبل الساعه 12..

"وتين وهي تحـط الطرحـه على راسهـا": أخذت بطاريــات لسماعاتـك أحتيـاط .. أخـاف تطفي عليك فجــأه..!

"ضـرب فارس على جبهتـه": يووووه ألحمدلله أنك ذكرتينـي عشان ما أتوهــق بعد .. أبـروح أجيبهـا بسرعه وأرجع ..

"طلع فارس ودخل بعده أبو سطــام وهو يناظرهـا ومبتســم .. صـَدت بضيق تتحاشــى تواجهـه مع إنه أبوهـا وغاليهــا بس (الكَـف) الأول بحياتهــا مو قادرة تنساه ولا هو حـاس بحجم الجـرح اللي فيها..
قطع ضيقتهــا ببوســه على راسهـا كانت لاشعوريـآ منـه وتـم يناظرهــا بحنـان .. خنقتهــا العبــره وهي تسمع كلامــه"..

أبو سطام: والله يابنتـي ان عيوني ماذاقـت النـوم لي أكثــر من أسبـوع ولاني راضـي عن اللي سويتـه وياجعل يدينـي الكســر أن كان مديتهـا عليـك مـره ثانيه .. بس هذا كله من خوفـي وحرصـي على مستقبلك ..
ما أبيك تبعديـن لـقبيلــه ماتربطنـا بهم غير الجيــره!! ولا أبيك تبعدين لـديـره بعيده عن أهـلك لأننا مانصبـر عنك .. لكــن مصير كل بنت تـروح لبيت زوجها وتسكـن معـاه وتتَـحمـل كل شي عشان ربـي يرضـى عليها من رضاة زوجهــا .. وولد العــم مهما كان يصونـك ويحفظـك ويحترمـك وأنـا متأكد أن مشعل مارح يقصــر معك .. وصدقيني لو اني شايف عليه عــذروب واحد والله كان رفضتـه ولا علي منه ومن أهلــه .. بس مشعـل محترم وعاقـل والكل يشهـد له بأخلاقــه ..

وتين: ...................

أبو سطام: أذا أنتي زعلانـه لأنك بتتركيـن هالبيت والله أن زعلَــي أكثر منك ولو بكيفـي كان خليتك عندي العمـر كله مدللــه وعايشـه بعـز أبوك ولا فكرتـي بالزواج وطاريه لكـن نصيبـك ما نقدر نرفـض ..

وتين: ................

"فتح أبو سطام بوكـه وطلع من 300 ريال وحطها بيدهـا": هاك يابنيتي أشتـري بهالفلــوس اللي نفسك فيه وإذا تبيـن أكثر عطيتك .. أهم شي أطلعـي مع أخوانـك بدل جلسة البيت و استانسي بهالعطلــه الطويلـه ترانا للحين بأولهــا ..

"وتين بهمس": أن شاء اللـه ..

"دخل فارس الصالــه ووقف مصدوم لما شاف جـده واقف مع وتين .. خـاف أنه يكون جاب طـاري للموضوع وضيق صدرها وهي مو ناقصـه ضيقـه!!" ..

أبو سطام: أنتبـه لخالتك يافارس .. ولا تتأخرون ..

فارس: أبشـــر ..

"طلع مع وتين ومشوا لين باب الشـارع وهو يسألها بصوت واطـي": وش قالك جدي ..؟؟

وتين: بعدين أقولك مالي نفس أتكلم ألحيــن .. إلا سعد وينه؟؟

فارس: سبقنــا للسياره من الحمــاس ..





^^^^^^^^^^^^^^^^^^^^^^^^^^^^^^^^^^




كانت صفــاء جالسـه تكلم هديل ومو مستوعبــه الكلام اللي تسمعه": من جدك أنتي..؟؟؟

هديل: أجل من عمـي!! والله أني صادقــه ما أكذب ..

صفاء: طيب متى جت زوجة خــالك تخطبك لولدهــا..؟؟

هديل: أقولك لك اليوم العصـــر.. وش فيك تنحتَـي!

صفاء: وأنتي موافقــه؟؟

"هديل بحمــاس": أكيد موافقه .. من قدي راح أسـافـر معاه لـ أستراليــا عشان عنده بعثه هناك .. تخيلي عاد بحياتي ماطلعت من الرياض وفجـــــأه (أستراليــا) والله خايفه يصير عندي خلل بالشخصيــه ههههههههههههههههههه ..

"سكتت صفاء ثواني ونطقت بضيق": هديل انتي مستوعبـه أنك راح تتغَــربين عن أهلك وأحبابـك .. الـزواج بحد ذاتـه شيئ يخَـوف ولازم تفكريـن مليــون مره قبل ما توافقين فما بالك ببعثــه تروحين ولا ترجعين إلا بعد شهور أو سنوات بعد ...

هديل: اللي ربي كاتبه راح يصير مانقدر نعترض على القـدر .. وترا ولـد خالـي رجال ماعليه كلام و الكل يمدح فيه وماسمعـت عنـه إلا كل خيـر بـس إلى الآن ما عطيت أهلي الموافقه التامـه لأن لسه ماصـار شيئ بس حبيت أعطيـك خبر أنتي ووتين وأستشيركم بصفتكم صديقاتي ..

صفاء: ...................

"هديل بمزح": حسافــه .. راحت عليـه الأطخم سطـام أخو وتين على أساس أني متـرززه أمس عند أمـه ما دريت أن راح يقوم حظـي وأنخطـب لـ غيــره هههههههههههههه .. عالعموم الله يوفقـه ويسعده يــارب ويلقـى أحسن مني بعد ..

صفاء: ...............

هديل: ألــــو .. صوفي أنتي معاي ..

"سمعت صوت شهقات وعرفت أن صفاء جالســه تصيح.. نادتها بصوت عالــــي": صفاااااااااااااااء لا تصيحيــن ترا والله أزعل عليك!

"صفاء وهي تتكلم بصعوبــه ومازالت تصيح": مو معقولــه ياهديل تروحون أنتي ووتين وتتركونــي .. وحده بأستراليـا ووحده بالقريــات ولا ألتقي فيكـم أبدآ ..

هديل: نصيبنــا ياصفـاء .. لو بيدَنـا والله كان ماطلعنـا من الريـاض للعمــر كله .. محد يحـَب الفـراق والــوداع بس هذي الدنيــا تسيرنــا ومو بيدنـا نختـار ..

"صفاء وهي تمسـح دموعهـا": أحَـس مابقى لي احـد .. كل شيئ أحَبــه ضـاع مني وآخرتهـا أنتي ووتين!! حـرااااام والله أنـي أتعذب من داخلـي ومحـد حـاس فيني ..

هديل: والله اننا حاسـيـن فيك وندعـي لك بأن ربي يعطيك على قد نيتـك .. وانتـي لا تقصــرين بحقك نفسـك!! أنسـي الماضـي وعيشي حياتـك من جديد .. ترا مايصلـح تدفنين نفسك وسـط همــوووووم والعالم حولك عايشــه حياتها ومرتاحها ومبسوطــه .. أنتـي مو أول بنت يضيع نصيبها للغيــر .. ألـف بنت تتمنـى وتحلـم وترسـم لنفسها مستقبل مع شخص تتمنــاه بس تنصدم بالواقــع ويتبخــر كل شي بسبـب الأهل والمجتمع يعنـي شي فوق طاقتنـا وقدراتنــا ..

"صفاء بحسره": تدريـن مع أن متعب مو من نصيبـي بس والله أني أغليــه ومانـي قادره أنســاه ..

"هديل بعصبيه": لأنك خبلــــه!!! الرجال داس على كرامتـك المفروض تدوسينـه بكبــره ولا تهتميـن لـه .. من شـوي وش أقولك؟؟ يابنت قـوووومي صحصحــي الحيــآه مااااااااااشيه ماوقفت على متعب وغيره ..

"صفاء ببرود": طيب لا تصرخيـن خلاص فهمت ..

هديل: لأ مافهمتـي ولا استوعبتـي .. ترا مابي أسافـر لأستراليــا إلا وأنا متطمنه عليك أنتي ووتين بأذن الله ..

"صفاء بأستهزاء": مادرينا يا وليــة أمرنــا .. شكلك مشيتي لأستراليــا ومانتي مشاوره أحد ..

"هديل بأستهبال": رتبت شناطي خلاص بس باقي آخذ التذكـره وأنحاش مع زوجي .. بالله وش رايك بهالكلمه (زوجــي) أحسها ثقيله على لساني هههههههههههههههههه ..

صفاء: أقووووول أقري المعوذات وحطي راسك ونامـي .. وطمنيني وش يصير معاك أول بأول ..

هديل: أكييييييييد .. بس بالأول أكلم وتين وأبشـَرهــا .. يالله طســي .. بااااااي ..







######################





: ماااااايرد علي مااااااااااااااايرد ...

"وتين وهي ترمـي الأكيـاس في الأرض وتجلـس على سريرهــا بتعـب": يمكن جالـس مع أصدقـاءه بالمقهـى أو نايـم عشان كـذا مايـرد ..

ناديا: من الظهـر وأنا أتصـل عليه أبي اتطمـن إذا وصـل للشرقيــه أو لأ .. أنشغـل بالي معـاه ..

"أنصدمــت وتين وسألتها بشك": صالح سافـر عشان عمـر..؟؟؟؟

ناديا: أيوه أمـس قـَرر يسافـر ويتصالحـون .. مايبـي زعلهـم يطَــول ليـن يوم الـزواج ..

"ابتسمـت وتين وأنبسطـت لأنهم راح يرجعون لبعض .. ردت بحمــاس": يعني عمـر راح يحضر زواج صالح؟؟ واااااااااااااااااااااااااااو مـو مصدقــه والله .. يـارب يـارب يستقر هنا ولا عاد يسافـر لأن الرياض ظلااااااااام بدونـــه ..

"ناديا بجديه": وتين وش فيـك؟؟ ترا أنتـي مخطوووووبـه مايصلـح تتكلمين عنه بالطريقـه هذي ..

"تلاشت الأبتسـامـه عن ملامـح وتين وسكـتت و هي منحرجـه وعجزت تتكلـم .. بعد مشوارهـا مع فـارس وسعد اليـوم ومع الضحـك والسـوالف والأستهبـال معهم نست كل همومهــا ونسـت أنها مخطوبــه وظَـل هالشعـور فيها ليـن اللحظـآت هذي اللي سمعـت فيها طـاري عمـر"..

"ناديا بأرتبـاك": معاي أنتظـار من صلوحي .. أكلمك بوقت ثاني ..

"قفلت وتين وأنفجــر بموجة صيآح جديــده .. ماقـدرت تمسـك نفسها وتحـس أن الدمـوع صارت عـاده عندهـا ولاتقـدر تتركهــا لما ربي يفرجهـا"..





ـــــــــــــ




ناديا: أنت وينـك..؟

صالح: أنا جالس ببحــر الرياض لحالــي .. أفضفـض له وأحـَس كنـه طفـش منـي .. ينافــخ علي بعجاجـه اللي أعمـى عيونـي ..

ناديا: صلوحي مـو وقتـه تمـزح .. قولـي الصراحــه أنت جالـس مع عمر ألحيـن؟؟؟

صالح: أي عمـر .. أقولك بالرياااااااااااااااض ماطلعـت منها ..

ناديا: لييييييييييييه؟؟؟

صالح: رمـزي كلمني وقالـي أن عمر مايبـي يقابل أحـد .. ونصحني مـا أسافـر لما تهدآ الأمــور ويرتـاح ويطيـح كل اللي براسـه ..

ناديا: أوووب أووووب وش فيه عمـر كذا زعلــه شيـــن .. قسم ماله داعي هذا بدل ما يرحب بزيـارتك له ويقَـدر لك موقفك الحلـو ..

صالح: المهم لا تحشَـيـن بصديقـي تـرا ما أسمـح لك ..

ناديا: أقووول طلعنا من سيـرة عمـر عشان ما أحَـش فيه أكثر ** قاااااهرنـي والله ليـه يسوي فيك كذا..؟؟

صالح: سولفـي أسمعك أحـس طفشـت وأنا أسمـع الهــدوء ..

ناديا: أنت وين جالـس؟؟

صالح: بالبــر اللي قريب ........
"سكت وقال بذهــول" تصدقيـن أني بالبــر اللي بالخـرج يعني قريب منك حيييييييل .. من الظهـر وأنا جالس لحالـي مارجعت للبيت ..

"ناديا بحمـاس": ياحيااااااااااتـي .. يعني أنت قريـب لـي .. طيب شرايـك أجيب لك شـاي وقهـوه ونجلـس نسولـف لين الفجـر ..

صالح: والله فكره بس تعالـي لحالك ما معاك أحد ..

ناديا: شلـون أجي لحالي يعني أسـوق سيـاره مثلآ ؟؟

صالح: ليـه تخافيــن من السواقـه يا أبـو النــود .. ماهقيتهــا منك والله صايـره شخصيتك ضعيفـه بالمــره ..

ناديا: لا ياحبيبي .. أسوق أحسـن منك بس أنا خايفـه منك أنـت مالك أمـــان ..

صالح: أهاااااا .. شكلك للحين عايشه رعب أمس .. عاد أني مـَؤدب بس أهَـددك من بعيد لبعيد ..

"ضحكت ناديا": ههههههههههههههه تسوي نفسك بريئ ترا مولااااايق عليك ..

صالح: يعني أنا شريــر؟؟ هيَـن يانـدوش .. ترا ماباقي إلا شهــر على الزواج وتشوفين وش أسَـوي قسم بالعجره على رأسك ..

"ضحكت ناديـــا ضحكـه أقَـوى وكملت سوالف وأستهبال مع صالـح لين الفجــــر"..

<<<<<<<<<<<<<<<<<<<<<<