,’’,,’’’,,,’’الــــجـــزء 41,,’’..,,’’’’
صباااح الخير عليكم
ادري طولت بس غصب عني وهذا هو البارت وصل
ولسى طازج من الفرن طوالي هع هع هع
بعد الزواج والهيصه كل واحد راح على بيته والعرسان طاروا على لندن
انس كان رايح لاصحابه بعد ماودى اهله للبيت وهو بالطريق
شاف بنت وثلاثه شباب يحاولون يسحبونها للسيارة
وقف سيارته ونزل عندهم
انس /خيير انت وياه وشفيكم عالبنيه؟
البنت وهي تبكي /تكفى الله يخليك ساعدني هذولا يبون يخطفوني
الاول/اقول تقلع مناك احسن لك
انس/بالاول فكوا البنت وبعدين اتقلع على قولتك
الثاني/اما عاد ماباقي الا المبزرة يوقفون بطريقنا اقول ضف وجهك قبل لا اكسرة لك,,وانتي ادخلي احسن لك ,وسحبوها بالقوة
انس ثارت اعصابه وهو يسمع صراخ البنت وماتحمل المنظر وهجم عليهم
بس هم ثلاثه وهو واحد والمثل يقول الكثرة تغلب الشجاعه
والشباب نزلوا فيه ضرب وترفس لين اغمى عليه
البنت هربت وحصلت دوريه بطريقها وقالت لهم يلحقون على انس
وفعلا جات الشرطه وشالوهم جميع انس عالمستشفى يخيطون الجرح اللي براسه
والبقيه عالقسم والبنت معهم
وبعد ماخلص انس جابوة عالمركز
الضابط/ممكن اعرف سبب الهوشه اللي صارت
الكل ساكت
الضابط/يعني ماراح تتكلمون؟ وانتي ياحلوة مو خجلانه من نفسك ؟؟
اكيد الهوشه عشانك .وكل واحد يبك له لوحده
البنت/والله مو كذا الموضوع انا كنت ...
انس/هذي خطيبتي وهالدشير تحرشوا فيها وانا ماتحملت وصار اللي صار
الضابط/ انت خطيبها؟؟؟؟
انس/ايه وياليت تنهي الموضوع بسرعه وتخلي البنت
تروح لبيتها مانبي فضايح على اخر اليل
الضابط/ودامك ماتبي فضايح وشوله مخليها تطلع باخر الليل؟
انس /هذا شي خاص وماله دخل بالتحقيق
الضابط يطالع لانس بنص عين
انس/وشفيك مو عاجبك كلامي؟
الضابط يكلم الشباب/ اللي يقوله هالولد صدق والا لاء؟
الشباب/..................
الضابط/وانتي مابتتكلمين؟
البنت.......
الضابط بصوت عالي/خطيبك والا لاااء
البنت/ايوة خطيبي
الضابط يكلم انس/بامكانك تاخذها وتروحون للبيت
واحد من الشباب/واحنا؟؟
الضابط/ههههه لا انتوا بتنورونا هنا حياكم ,,ياعسكري خذهم عالنظارة
*&*&*&*&*&*&*&*&*&*&*&*&*
ياسر بعد ماطلع من الزواج راح عالبحر وحصل احمد هناك
احمد/هلا والله بالشيخ ياسر
ياسر/هلا فيك وش عندك هنا؟
احمد/هههه زي اللي عندك
ياسر/ ايييه اللي عندي يهد جبال وانا اخوك
احمد/هونها وتهون وارمي حمولك على رب العباد
ياسر/ونعم بالله ,بس من جد وش جايبك هالحزة
احمد/ ضايق خلقي ومخنوق
ياسر/ شكلنا بالهوى سوى.,الا بسئلك انت ليه للحين ماتزوجت
احمد/هذا انت تزوجت وماارتحت يعني الزواج مو راحه
ياسر/انا مو مقياس لك’ وبعدين انت انسان خلوق وناجح بعملك
ووضعك المادي ممتاز يعني مافيه سبب يمنعك من الزواج
احمد /شسوي بهذا,,ويأشر على قلبه
ياسر/ اهااا يعني القلب متولع باحد
احمد/ايه متولع بس ربي ماكتب ان هالحب يكتمل
ياسر/ شوف انا طبعي مو حشري بس الليله
بخربها وبصير حشري واسئلك عن هالموضوع
احمد حكى لياسر السالفه كلها من بدايتها
ياسر/طيب يالغالي تبي رايي؟
احمد/اكيد رايك يهمني
ياسر/امك معها حق ,وانا من رايهالان حب النت مو حب حقيقي
يمكن اعجاب يمكن تعلق باسلوب الشخص لااكثر
واللي يقول غير كذا غلطان,الحب لازم يكون اللي تحبه قدامك
او شفته وعيونك جات بعيونه مو من ورى شاشه بس
ولا تقولي شفت صورتها ترى حتى هذي ماتكفي
اذا ماتحس بقرب اللي تحبه هذا مااعتبرة حب
احمد/عارف بس شسوى القلب ومايهوى وانا هويتها
ياسر/الله ينور دربك ويوجهك للطريق الصح,,امم شكلك تحب البحر؟
احمد/اعشقه عشق
ياسر/مثلك تمام ,ولي معه ذكريات حلوة
احمد/نفسي ابني لي خيمه واسكن هنا على طول
ياسر/ههههههه اما عاد خيمه
*&*&*&*&*&*&*&*&*&*&*&*&*
ضاري وحلا سافروا لندن وطول ارحله ضاري ساكت
وحلا مستغربه بس ماتكلمت وماحبت تحرج نفسها واول ماوصلوا رحوا عالفندق
داخل جناح العرسان
حلا كانت حاسه بفرح على دهشه على استغراب على شوق
كثير مشاعر حست فيها بس ماقدرت تحددها
دخل ضاري الغرفه وكانت حلا متشيكه عالاخروطالعه مثل القمر
قرب منها حيييل وحلا حست بكل خليه بجسمها ترتجف
ضاري رفع راسها بيده وحلا رفعه عيونها لعيونه
و و
طـــرااااااااااااااااااااااااااااخ
*&*&*&*&*&*&*&*&*&*&*&*&*
انس طلع من القسم وركب سيارته وكان بيمشي بس شاف البنت
واقفه جنب القزاز حقه
انس/خير وشفيه بعد؟
البنت/انا انا ابي اشكرك على وقفتك معي ,بصراحه انت رجال بمعنى الكلمه
انس/ماسويت غيرالواجب ,بس ياليت تحترمين اهلك المرة الجايه
وماتعيدين اللي صار
البنت/والله انت فاهم الموضوع غلط انا صديقتي تحب واحد
ومن زود ثقتها فيه عطته صورها, والحين هو جالس يهددها بالصور
والمشكله طلب منها 10000ريال عشان يرجع لها الصور, وهي طلبت
مني اعطيه المبلغ واخذ الصور,بس هو طلع حقير وكان بيخطفني
انس/وليه حضرتها مااعطته المبلغ؟
البنت/ ابوها مانعها من الطلعه
انس/وانتي عادي اهلك يخلونك تطلعين بنص الليل؟
البنت/امي متوفيه وابوي وزوجته الليله طالعين وبينامون برا البيت
عشان كذا طلعت,بس والله اول مرة اسويها ولو موصديقتي ماطلعت وغامرت
انس/عندك رقم صديقتك؟
البنت/ايوة عندي ليه؟
انس/بتأكد من كلامك
البنت عطته الرقم وهو دق
انس/الو السلام عليكم
هنادي/هلا وعليكم السلام
انس/تعرفين بنت اسمها,,ولف للبنت
انس/وش اسمك؟
البنت/رواسي
انس /بنت اسمها رواسي؟
هنادي/ايوة صديقتي ليه
انس/ انتي ارسلتيها بفلوس لشخص؟
هنادي/ايه بس من انت وليه تسأل؟
انس/ انتي ماتستحين؟ عارفه ان البنت كانت بتروح فيها بسببك
لولا الله ارسلني لها وفي هالوقت بالتحديد ,كان هالحقير واللي معه خطفوها
هنادي/انت وش تقول
انس/الحقير اللي ارسلتيها تعطيه الفلوس جاب معه شله وكانو بيخطفوها
وقفل الخط ولف لرواسي وشافها تبكي
انس/ليه تبكين الحين؟
رواسي/اتحيل لو ماكنت موجود و خطفوني من جد وش بيكون حال ابوي
لو عرف اكيد ماراح يصدق اني مظلومه
انس/ربك سترها هالمرة بس ان شاء الله ماتتهورين المرة الجايه
رواسي/لا لا توووبه والله توبه
انس/عطيني عنوانكم عشان اوديك
رواسي عطته العنوان ووصلها ورااح
*&*&*&*&*&*&*&*&*&*&*&*&*
في لندن وفي غرفه العرسان تحديدا
حلا ماسكه خدها/ هذي كلمه مبروك ؟؟؟؟
ضاري طالع لها ولف واخذ مخده ولحاف وراح نام بالصاله وخلا حلا بالغرفه
حلا((هذا وشفيه؟وليه سوى كذا؟لا هذا مو ضاري مو ضاري ))
*&*&*&*&*&*&*&*&*&*&*&*&*
راكان/اييييش؟انتي وش تقولين؟
الدكتورة/ هوه دا اللي حصل احنا سبناها نايمه وجينا مالقيناهاش
واصلا قلنا لها ان الحركه مش كويسه عشان اللي ببطنها
راكان/اللي ببطنها ؟يعني شوق حامل!!
الدكتورة/ايوة حامل ولسى ببدايه الحمل ولازم ترتاح عشان ماينزل
راكان/ومتى اختفت؟
الدكتورة/احنا جينا الساعه2بالليل وماكانتش موجوده
راكان/افف وش هالبلوة ياربي
*&*&*&*&*&*&*&*&*&*&*&*&*
عاليه/روان تعرفين من هذا ,وتاشر على صورة حسام
عاليه/هذا ابوك اللي كان نفسه يشوفك ويربيك بس الموت خطفه مننا
روان تطالع بامها ومو فاهمه الموضوع
عاليه/كان لي الزوج والحبيب والصديق بس ماامداني اتهنى
انا وياه وكلها اسبوعين وكل شي انتهى
*&*&*&*&*&*&*&*&*&*&*&*&*
الكل عرف عن اختفاء شوق حتى ياسر عرف بس مااهتم وقال اكيد متفقه
مع حبيبها وبتعيش عنده
حتى بعد ماعرف ان شوق تركت رساله بالمستشفى تقول فيها انها ماتقدر
تعيش بين ناس شكوا وصدقوا انها خاينه ,وراح تبعد وتعيش وحيده ارحم من
انها تجلس والكل يناظر لها بنظرة احتقار ,وقالت لهم يقولون لياسر
انه راح يندم بوقت مايفيد الندم
راكان بلغ الشرطه عن اختفاء شوق والشرطه قامت بتحريات وعرفت
ان شوق اخر من شافها قال انها ركبت لموزين
*&*&*&*&*&*&*&*&*&*&*&*&*
حلا ليه ماتاكل؟
ضاري/مالي نفسكلي انتي
حلا/ولا انا لي نفس ,وقامت وشالت العشاء وودته المطبخ((ياربي ليه يعاملني
كذا؟معقول بطل يحبني ؟اجل ليه تزوجني؟ افففف ))
ضاري/ انا بطلع تبين شي؟
حلا(ودي اقوله خذني معك طفشت بس مااقدر )
حلا/لا مابي شي
ضاري راح للثلاجه وفتحها وشرب مويه وطالع لحلا وكانت جالسه على طاوله الاكل وحاطه راسها عليها ,وكانت لابسه صميص وردي وفاكه شعرها
قرب منها وحط ايده على شعرها ولعب فيه شوي وبعدين
طلع من المطبخ بسرعه وصفق بالباب وراح
حلا(ياربي وشفيه ضاري اكيد فيه شي )
*&*&*&*&*&*&*&*&*&*&*&*&*
صقر/هنوده لاتكسرينها ياقلبي
هند/بابا خليني اكسرها وجيب غيرها عادي
صقر/هههههه لاوالله وليه طيب
هند/كذا
صقر/بس انا مااشوف بدونها وعلى بال مااشتري غيرها كيف اشوف؟
هند/خالي هاني يشوف مو زيك
صقر/ انا عيوني تعورني ولازم البسها
هند/خلاص حتى انا ابي زيها
صقر/بسم الله على عيونك,اممم تغديتي؟
هند/ايه عمه نجود غدتني بس انا زعلانه
صقر/افااا وش مزعل حبيبه بابا
هند/ابغى ماما حلا وحشتني ليه ماتجي عندنا
صقر/ ماما حلا سافرت مع عمو ضاري وبتجي بعدين
هند/يعني هيه ماتحبني؟
صقر/لا تحبك , من قالك انها ماتحبك؟
هند/جده تقول انها ماتحبني
صقر(الله يهديك يمه حتى هالصغيرة ماخليتيها بحالها)
صقر/ لا تحبك واذا جات بوديك عندها كل يوم اوكي
هند/اوكييييي
*&*&*&*&*&*&*&*&*&*&*&*&*
سحر/اقولك تو نجلا خبرتني
راكان/ومن قالها هالكلام؟
سحر/ماجده اخت صقروتقول انه طلقها ليله زواج حلا
راكان/يعني ليله انها اختفت,اكيد ماتحملت انه طلقها ,حسبي الله ونعم الوكيل
سحر/مافيه اي خبر عنها؟
راكان/ابد تقولين فص ملح وذاب ,المشكله انها حامل وتعبانه
سحر/لو عندها قرايب كنت قلت راحت لهم بس مافيه
*&*&*&*&*&*&*&*&*&*&*&*&*
بعد اسبوع
ضاري دخل الغرفه وكانت الانوار طافيه وحلا نايمه ولع جواله عشان يشوف
قرب منها وشافها نايمه وحاضنه صورة ,سحب منها الصورة بدون ماتحس
ولقاها صورته ((آآه ياقلبي والله تعبت وماعاد اقدر اتحمل اكثر من كذا))
قرب منها اكثر وباس خدها
حلا حست فيه وقامت مفزوعه
حلا/يمممه وشفيه؟؟
ضاري/بسم الله عليك مافيه شي
حلا ولعه المبه اللي عند راسها/ضاري فيك شي ؟تعبان ؟
ضاري/ لا
حلا/اجل ليه شكلك كذا؟
ضاري بدون شعور ضمها حيييل لصدره
ضاري/آآآه لو تدرين اشكثر احبك
حلا/ ادري
ضاري/لا ماتدرين لو تدرين ماكان عذبتيني طول هالفترة
حلا.............
ضاري /تدرين ليه الكفف؟ وليه تعمدت اعاملك بهالقسوة
حلا/اموت واعرف ليييه انت ماتعرف قد ايش مقهورة منك
وودي اعرف ليه سويت كذا وليه خربت احلى ليله بحياتي
ضاري/لانك ضحيتي فيني عشان وصيه قاسيه وظالمه
ولو ماراكان وياسر والا كنتي الحين مع صقر وبحضنه
حلا/بس انت تدري اني احبك
ضاري/ادري بحبك بس كنتي بموتينه بغبائك
حلا...........
ضاري/حلا انا احبك واعشقكوكنت راح اموت لو تم زواجك من صقر
حلا/بعيد الشر عنك
ضاري مسك يدها وحطها على قلبه/حاسه بقلبي كيف يدق بسرعه
عارفه ان هالدقات كانت بتوقف يوم مديت ايدي عليك بس كان
غصب عني ماكان عندي رد على عذابك لي غير هالكف
حلااخذت يده وباستها وحطتها على خدها
حلا/هذي احلى يد واحلى كف اخذته بحياتي,والله احبك وعمري ماحبيت غيرك
ضاري/يابعد قلبي انتي وانا اموت فيك
وماعاد اقدر اتحمل اكثر من كذا دقيقه وحده
>>>>مساااء الخير يالربع
ضاري/لاحول ولا قوة الا بالله انت ماتخلى اي لحظه حلوة او رومنسيه الا وتحشر نفسك فيها؟
>>>>ياخي مو بس انتوا تستانسون حسو بغيركم شوي
ضاري/ومن ماسكك روح دور لك جو رومنسي بعيد عننا ,انا ماصدقت اجتمع مع قلبي وروحي تكفى اذلف ولاتخرب علينا الجو
>>>>طيب بجلس عاقل والله مااقول شي
ضاري/هههههه حلللوة تكفى عيدها ,اقول تشووف الباب هذاك ؟
اذا ماتشوفه قولي وانا اوريك اياه
>>>>>ا اشوفه وبروح بس ترى بطلع وانا زعلان,ومااظن حلاوي يرضيها اطلع زعلان
ضاري/مالك دخل بحلاوي
حلا/برهومي لاتزعل بليز,بس من جد مالك داعي تجي بهالوقت
>>>>>انا مالي داعي؟طيب وش رايك اموته واجي انا مكانه
ضاري/صدق انك ...... ...... مشفر محذوف .......
>>>>>ويييين الباااب ياعرب
نهايه البارت41
07-07-12, 01:36 PM
جديد مواضيع قسم القصص المكتمله
العرض العادي
