^^{{~~ الـــــــــ50 ــــــباااارت ~~ }}^^

عاليه/يآآآه ياقلبي ماني مصدقه اني جالسه

معك وانك رجعت لي ثاني


حسام/فديت قلبك ,تدرين لو مو فاقد الذاكرة كنت رجعت من زمان

عاليه/فديت المصري اللي ضربك ودي اعطيه هديه


حسام/ههههه رب ضارة نافعه,اقول علايه


عاليه/روح وقلب علايه


حسام/تذكرين ليله زواجنا؟

عاليه/وهذي ليله تنتسي


حسام/احس البنات حاسدينك لانك انزفيتي مرتين هههه


عاليه/وانت الصادق حاسديني على احلى زوج بالدنيا


حسام/يالبى قلبك انتي اللي احلى عروس,وربي اني

اسعد انسان لان عندي زوجه مثلك..وضمها لصدره


عاليه/تكفى حسام لاتتركني مرة ثانيه


حسام/وعد ياقلبي مااخليك لو وش ماصار
*****************************
************************
وليد/دلوعه وبعدين معك ,ماصارت ترا



دلع/خلك عشان تتأدب


وليد/اقصري الشر وافتحي الباب



دلع/ماني فاتحه وياليت تروح تنام بالصاله

وليد/طيب بس افتحي ونتفاهم



دلع/مابي اتفاهم معك ,ولا ابي افهم شي,كل شي واضح


وليد/طيب انا وش ذنبي؟ كل السالفه اني وديتهم بس



دلع فتحت الباب ووقفت عنده,بس وليد دفها ودخل وجلس عالسرير

وليد/يابنت الناس امي قالت لي ياوليد ياحبيبي ام خالد ولدها

عنده عمل و بيتأخر وابيك توديها بيتها,اقول لها لاء يعني؟؟عيب والله..



دلع/
وليد/وترا السالفه ماتستاهل هالزعل



دلع/والزفته اللي وديتها ؟انت تدري اني ماادانيها

وليد باستهبال/ام خالد؟؟



دلع قربت منه وشدة شعرة/لاوالله تستهبل انت

وليد/ ههههه اجل من تعنين؟؟


دلع/اعني الزفته وفاء عارف!طول السهرة وهي ,,وتقلد صوت وفاء

دلع/ماشاء الله تغريد حلوة مرة طالعه على ابوها,,والله ماني

مصدقه ان وليد اللي كنت انا وهو احلى ثنائي بالحارة صار

اب وعنده هالحلوة

وليد/دلوعه عن الغيرة الزايده

دلع/وجيت انت وكملتها!وقسم كنت راح اموت يوم جات امها

وقالت يالله ياوفاء وليد ينتظرنا عند الباب,,عارف وش حسيت

فيه لما الكل طالعني يوم سئلتها من وليد وقالت لي زوجك

,,والزفته وفاء تطاله لي وتضحك ,,طيب كان قلت لي بدال مااكون زي الهبله

وليد/ياقلبي وربي ماكنت ادري ان هالموضوع بيزعلك وانا يوم

وديتها وديتها بحسن نيه ,,وقسم بالله مابيني

وبين وفاء شي لا زمان ولا الحين

دلع..............

وليد/فديت الزعلانين انا,طيب تعالي اعطيني بوسه عشان ترضين

دلع/لاوالله :

وليد/ههههههه وربي انك اغلى مخلوقه عندي,وماابيعك

بكنوز الدنيا كلها


دلع..........


وليد/تدري ودي اعطيك كفف

دلع/

وليد/وليد ايه كف عارفه ليش

دلع/ليش؟؟

وليد/لانك ضيعتي علينا الوقت بسالفه مالها داعي


دلع...........


وليد/ بتفردينها والا اروح لوفاء

دلع جلست تضربه بالمخده وهي مقهورة منه ..

وهو ميت ضحك

*****************************
************************

ماجدة/زيود حبيبي وشفييك؟

زياد/مالك دخل حلى عني ابركـ لكـ

ماجدة/اف اف من متى؟؟

زياد/من اليوم

ماجدة/انت عارف ان هالجواب ماراح يقنعني فتكلم احسن


زياد/اسئلي ولد عمك الحيوان اللي مرسلك سلام معي


ماجدة/لاوالله احلف بس

زياد/ماجدة ترا اخلاقي قافله ,روحي شوفي لك شغله والا

نامي احسن لك مابي اغلط فيك,,والا اقولك اطلع انا

احسن ..واخذ مخدته ولحافه وراح الصاله

ماجدة(اففف الحين كيف اقنع زياد ان مالي علاقه في

سامي الله يعين بس )وراحت وراة الصاله

ماجدة/زيودي

زياد/ياليل انا خليت لك الغرفه لاحقتني هنا ليش؟ماتفهمين؟


ماجدة والدمعه واصله معها/زياد وقسم بالله مابيني وبينه

شي ولا بعمري عطيته وجه انت ليش مو مصدقني ؟

ولو تبيني ادق عليه واتفل بوجه ماعندي مانع

زياد/ياحبيبي وتبي تدق عليه بعد هذا اللي كان ينقصني

ماجدة وهي تبكي/زياد والله مابيننا شي ,انت عارف اني احبك ومافيه احد ملا عيني غيرك


زياد قرب منها ,ومسك وجهها بيده ولفه لجه التلفزيون واشر لها باصبعه

زياد/معاك الكاميرا الخفيه صادوه هههههههه وحده بوحده ,

مفكره اني بعدي لك سالفه الرساله اللي لعبتي علي فيها


ماجدة/يعني كنت تلعب على؟؟



زياد/والله لو كنت ادري انك بتصدقين على طول كان

سويت فيك بلاوي وطلعت حرتي منك

ماجدة..........


زياد/زعلتي؟؟


ماجدة مدت يدها وصبت لها كاس مويه وشربت نصه والنص الثاني كان بوجه زياد


زياد/آآآح يالحيوانه والله لاوريك

ماجدة حطت رجلها وعالغرفه وقفلت الباب وهي ميته ضحك



زياد/افتحي الباب والله لو مافتحتي لاكسرة


ماجدة/روح نام مابي ازعاج مفهوم


زياد/افتحيييييييييي احسن لك

ماجدة(يمه اول مرة زياد يعصب زي كذا )قامت وفتحت الباب

بشويش واول ماطلت براسها كان جيك المويه كله مكبوب عليها

ومغرقها من راسها لحد رجولها

زياد/ههههههههههههههههههههه احسن ووريني وش بتسوين؟

قطع هوشتهم صوت بكاء مرام


ماجدة/ربي رحمك ان البنت صحيت والا كنت

زياد/ كنتي ايش

ماجدة/هاه لا لا ولاشي

زياد/ايه خلك شاطرة احسن لك

*****************************
************************
صقر بغرفته (ليش فكري مشغول بهالبنت؟لايكون ؟لا لا

مستحيل احب غير هند..يمكن اعجاب او يمكن لانها تحب

هنوده .او من كثر ماتجيب سيرتها هند .؟بس من جد حاسس

ان فيها شي شدني لها بقوة خاصه بعد ماشفتها ذاك اليوم

وهي فاله شعرها)
>>>ونام وهي يفكر بسميه

*****************************
************************
اليوم الثاني

شوق راحت لاخوها السجن

راكان/هلا شواقه فديت هالوجه والله لك وحشه وماودي انك تدخلين هالاماكن


شوق/وانت اكثر كيفك ياخوي وش مسوى؟

راكان/ الحمد لله عايش وأنتظر تنفيذ الحكم وأبيهم يريحوني أحسن
ياسر/ تفائل بالخير يمكن أهله يتنـآزلون
شوق/تكفىآ ياسر حاولوا فيهم وأدفعوآ لهم اللي يبونه بس أخوي يطلع
راكان/لآ مـآرآح يتنـآزلون في شيوخ كثيرين حاولوا فيهم بس رفضوآ
ياسر/ خل أملك بالله كبير أممممم في عندنا خبر حلو بس بخلي شوق تقوله لك .
راكان / خير شوآقه وشهو الخبر اكيد حـآمل ,
ياسر/ لالالا تكفىآ وش حامل , أحنا خلنا نشوف صرفه لهاللزقه حساموه وبعدين نفكر
راكان /أجل وش هو الخبر
شوق / أعصابك قويه . ؟؟
راكان / ايه حديد بس عجلي .
شوق / طيب . أخوي حسام حي ما مات
رآكان / اييش؟!!! انتي تلعبين علي وآلآ أيش ؟؟
شوق / لآ وآلله من جد , هو رجع البارح وكان في

مصر فاقد الذاكره وأول ما رجعت له الذاكره

رجع , والبارح كان زوآج عاليه, بس العريس

يوم عرف بالموضوع حلف ان حسام ينزف

بداله وكل مصاريف العرس هديه منه بهالمناسبه


رآكان/يآآآآآه والله هذا احلى خبر سمعته .طيب


هو وينه ؟وليش ماجاء معكم؟

ياسر/باقي ماقلنا له وحتى امك وسحر

مايدري انهم ماتوا

شوق/قلنا نخليه فرحان وبكرة او بعده نقوله
راكان/وايناس كيفها؟


شوق/لا احسن من اول بكثير
راكان/طيب و..وسكت

شوق /ماعليها بخير بس اخوها مانعها تزورك

راكان/يحق لهم وش يبغون بواحد خريج سجون

ياسر/اممم راكان تبي شي محتاج شي؟

راكان/لا سلامتك يالغالي

ياسر/طيب الحين لازم نمشي الزيارة انتهت

ونجيك وقت ثاني

راكان /الله معكم وسلمو على اخواني


*****************************
************************
1-هيثم خطب عنود وزواجهم بعد شهرين
2-حسام بلغوه بخبر راكان وامه وآللي صار وأنصدم صدمه كبيره ورآح له السجن وزآره
3-صقر أستخار وخطب سميه وهند طارت من الفرحه وزوآجهم بعد 6 شهور عشان صقر عنده دوره حارج المملكه


*****************************
************************
نجلآء/بندوري

بندر/لبيه
نجلآء/ابيك بخدمه

بندر/عيوني لك آمري تدللي
نجلآء/فديتك وفديت عينك أحم أسمع أخوي فيصل يبي يخطب وماله أحد ويبيك تروح معه

بندر/ عالبركه أخيرا طيب من هي العروس ومن أي العوآئل

نجلآء/امممم العروس تعرفها زين

بندر/من هي : 115:
نجلآء/ ايناس

بندر/ ايناس ماغيرها
نجلآء/ايه ايناس بنت عمك

بندر/لآلآ معليش اسمحيلي خليه يدور غيرها
نجلآء/وليش انشاء الله البنت حلوه وأذا على مرضها هي تشافت منه

بندر/لآلآ مو عشان هالأسباب

نجلاء / أجل ليش ؟ ممكن اعرف؟

بندر/لاني انا ابيها وكلمت حسام عنها


نجلاء/اييييش؟؟؟اكيييد انجنيت؟

بندر/لاني بتزوج اكون انجنيت؟وش اللي

مزعلك؟حقوقك بتوصلك كامله ولآني بمقصر شيء لآ معك ولآ معه


نجلاء-وعيونها مليانه دموع / مافيني شيء ولآ أبي منك شيءِ , ورآحت جهت الدولآب ونزلت شنطه من فوقه وحطتها على السرير وبدت تجمع اغراضها فيهآ

بندر/ على وين ان شاء الله ماقلتي لي انك مسافره

نجلاء......
بندر - قام وراح جهت الدولآب ويطالع لنجلآء في المرايه

بندر/ وانتي جايه من السفر جيبي لي معك هديه انا والعروس هههههه


نجلاء/على أمرك وش رايك أرقص في عرسك بعد مو أحسن
بندر/اذا حابه هالشيء ماعندي مشكله

نجلاء/ مشكور يا أبو معاذ ماقصرت وهذا وانت ما تزوجتها تقول كذا وشلون لآ تزوجتها بترميني بالشارع
بندر جآء من ورآهآ وضمها / لو ميه وحده ما يملون عيوني زيك يا بعد قلبي وقسسم كنت أمزح معك كنت أبشوف ردت فعلك

نجلآء .....
بندر / حياتي وآلله أمزح فكيها عاد وقولي لي متى أخوك يبينا نروح نخطبها
نجلآء / يوم الخميس
بندر / فديت البوز ياناس
نجلآء/ امممم أش رايك الليله تنام بالصاله
بندر/ ليش لآيكون باقي زعلآنه قلنا لك نمزح
نجلآء / تصدق ودي أعطبك كفف يبرد حرتي فيك
بندر/ ترىآ لو مديتي يدك علي بروح بيت أهلي وأطلب الطلآق
نجلآء/هههههه
بندر /ههههههههه ايوهـ اضحكي يابعد قلبي وآلله ضحتك تساوي ملآيين


*****************************
************************
راكان / هلا والله وربي كنت خايف ينفذون الحكم بدون ما أشوفك
اسماء , والعبره خانقتها / كيفك راكان
راكان / بخير بشوفتك , انتي أخبارك طمنيني عنك ؟
اسماء/انا وآلله بخير صدقني غصب عني ولو بيدي كل يوم أزورك

راكان /أدري ياقلبي شوق قالت لي
اسماء/فديتها والله لو مو هي تجيب لي أخبارك كان مدري وش صار فيني , سعد الله يهديه رآسه وآلف سيف ما أزورك

راكان /معاه حق وما ألومه لآنه ما يحب أخته تخش هالأماكن بس اللي صاير كان غصب عني والشيطان كان أقوى مني , بس ما قلتي لي كيف سمح لك تجين
اسماء/ما سمح لي هو مايدري عني أنا أتفقت معى أختي الكبيره وقلنـآ له على اساس اننا بنروح المستشفى وهي ما قصرت وجالسه برا تنتظرني

راكان /يابعد قلبي والله شوفتك ردت لي الروح وفرحتني حيل
اسماء/مافي أمل يعفون عنك

راكان مسك يدها لآ وآلله بس خليك مني وطمنيني عنك مشتاق أسمع صوتك وأنتي تتكلمين اسماء


*****************************
************************


-=-=-=-=\*\, , , بـــعدِ شهرينِ , , , /*/ -=-=-=-=-=
اليوم زواج هيثم والعنود والدينا كلها مو سايعتهم من الفرحه والكل حضر وفرح معهم
الا ماجده ونجود ماحضروآ لآن أمهم ماتت قبل كم اسبوع ,,.,,وبعد الزفه والهيصه هيثم أخذ عروسته ورآح عالفندق بس سميه أصررت تجي معهم وتتصور معهم بالفندق
أول مادخلوآ هيثم خلآهم ونزل يجيب شيء من السياره
جآء هيثم وحصل سميه فصخت العباه وأخذت لها تفاحه من الثلآجه وجلست متربعه على الكنبه
سميه / هلآوآلله بالعريس
هيثم / خير ليش فصختي العباه
سميه / لآني بجلس براحتي والعباه ضايقتني
هيثم/ تجلسييين
سميه / ايه أجلس أجل وين بروح
هيثم / قومي قومي خليني أوصلك البيت
سميه / لآ ما أبي
هيثم / وشو مابي
سميه / هيثم وآلله اخاف لحالي بنام معاكم الليله
هيثم / ههههههه تمزحين صوح ؟. ؟ بس أحب اقولك مو وقت مزحك البايخ يالله قومي
سميه / وقسسم ما أمزح وبعدين أنت أخوي وهذي صديقتي لآ تعقد ألأمور
هيثم /بس يقولون اننا عرسان
سميه / طيب وين المشكله روحوآ انخمدوآ بالغرفه هذي وأنا الله يعيني انام بالصاله
هيثم / لآ وش رايك تنامين معنا أحسن
العنود طول الوقت ماسكه ضحكتها وبس الحين ماقدرت/ ههههههه ههههههه ههههههههههههه ههههههه
هيثم / طالعوآ هذي بعد تضحك وقسسم اني طحت بين ثنتين مهابيل
العنود /هههههههه
سميه /زوجتك هبله عادي اما انا سمسم الحلوه لآ مو هبله
هيثم / أقول بلا مصاخه وقومي عالسياره
سميه / وآلله ما أروح وانا حالفه والكل متحديني انام معكم وانا مابي أطلع مو قد كلمتي

هيثم / كذا يعني السالفه تحدي
سميه / ايوه ويالله اذا فيكم نوم روحوآ ناموآ عادي وأنا بتفرج شوي عالفلم وبروح انام
هيثم / عنود روحي الغرفه وبلحقك الحين
بعد ما راحت العنود
هيثم / سميه وش هالهبال
سميه / وآلله مو هبال وانت لآزم تتحمل لآنك تعرفني ما أحب أطلع مو قد كلآمي
هيثم / على حسابي يعني
سميه / ياخي اعتبروني مو موجوده وكلها ليله وبتعدي

هيثم/وهي اهم ليله

>>>> ههههه الحمد لله انا مؤدب ولاخربت على احد

وربي حط حيلكم بينكم

هيثم/حلوووو وكملت الليله بتشري الاخ برهوووم

انا عارف ان الليله نحس من اولها

>>>>وانا مالي اختك هي اللي خربها هع


هيثم/وانت كملتها ,يعني ناقصك انا

>>>>حرام لاتهاوشني انا كنت تعبان وغايب

عن المنتدى والمفروض تفرح بشوفتي

هيثم والدخان بيطلع من راسه/افررررح؟؟؟؟؟؟

سميه/برهومي خلك منه وتعال نتفرج عالفلم مرررة حماسي وراح يعجبك

>>>>من جدك؟ اوكيشن واحسن عشان نخلي العرسان براحتهم ههه

هيثم ووده يولع فيهم /اي راحه ياحظي ؟؟مااقول

الا مالت على حظي الاقشر بس

عنود بالغرفه وجالسه عالسرير تقرا مجله

دخل هيثم /معليش عنود والله مدري وش اقول بس والله مااعديها لها

عنود/رووق ماصار شي

هيثم مسك يدها/الف مبروك ياعروسه

عنود نزلت راسها/الله يبارك فيك

هيثم/ودي اعبر لك عن احساسي هاللحظه بس ماينفع الحين

عنود

هيثم/خلينا ندردش شوي وبعدين ابيك بسالفه

الساعه 7الصبح صحيت سميه وراحت سوت لها كاسه شاي وساندويش

بس قالت بينها وبين نفسها لازم اروح للعرسان وازعجهم شوي

وفعلا راحت عند باب غرفتهم وجلست تدق باستهبال

سميه/هيييييثم هثووومي قوووم يالله ماشبعت نوووم

والا العروس سوت فيك شي هههههههه

عنودوه يالقرده مسويه لي فيها عروووسه انتي وخشتك تعالي

تعالي خلينا نسولف وعطيني العلوم ههههه

سميه طفشت لان مااحد عبرها وراحت تفطر وبعد ماخلصت رجعت تدق

بس برضه مااحد رد عليها قامت فتحت الباب وانصدمت لان الغرفه مافيها احد

سميهالكلااااب وين راحوا؟؟؟

اوم القهر يعني ضحكوا علي وطلعوا بدون مااحسطييييب

ياهيثم الزفت اوريييك

راحت ودقت على جوال هيثم بس كان مغلق

>>>>هههههه والله وسووها فيك بس تستاهلين اجل

بالله فيه احد يخرب على ناس معاريس

سميه/شوفوا من يتكلم ؟انت اخر واحد يتكلم عن التخريب

المفروض يسمونك مستر مخرب

<<<<انا حرام عليك انا برئ مماتقولين

سميه/اقول لايكثر وقولي وين طسو؟

>>>>وانا وش عرفني

سميه/لاوالله مو انت الكاتب ؟اكيد عندك خبرهم

>>>>مووووتي حره مانيب قايل لك هع


>>>>>اللي ماتعرفونه ان هيثم دق عالفندق وحجز جناح ثاني

نفس هذا وخلو سميه لين نامت وراحو على جناحهم

بعد ماقفلوا عليها باب الجناح اللي هي فيه ههههههههه

واليوم الثاني هيثم وزوجته سافروا فرنسا يقضوا شهر العسل

وجاب لسميه شغاله عشان ماتجلس لحالها


*****************************
**********************


وليد/دلوعتي وشفيك معصبه راسك وحالتك حاله؟


دلع تناظر فيه ومبين عليها التعب/ولا شي


وليد قرب منها/كيف ولا شي؟ حياتي انتي تعبانه؟تبين اوديك المستشفى؟


دلع/لا


وليد/اجل وشفيك؟


دلع/مدري وش اقولك اممم انا انا حامل!!

وليد/حاااامل!!!!! لا تكفيييين قولي انك تمزحيين؟


دلع/لا جد


وليد/اففف ليش كذا؟ومن قالك ابي عيال؟


دلع/ليش انت ماتحب تغريد؟


وليد/احبها واموووت عليها بس!


دلع/بس ايش؟


وليد/مابي انام بالصالهمابي ترجعين لاصطوانه وععع

ريحتك وخر عنيتكفين دلوعه قولي انك تمزحين


دلع/ههههه الله يرجك ذكرتني فيها توني كنت ابي اقول

ياليت توخر شوي عشان الريحه


وليد/يووووه

>>>>ههههه وبدت المعاناة من جديد

وليد/وقسم بالله ان ماطسيت بهالتلفون على راسك.ناقصك انا

>>>>بل بل بل ليش وش دخلني انا لايكون انا زوجتك

وانا مدرييابو ريحه ههههههههههههههه

وليد مارد ولبس نظارته وطلع من البيت

دلع/عاجبك زعل؟

>>>>وانا وش دخلني والله حاله .ليش دوم تظلموني


*****************************
**********************
ماجده/زيودي غريبه اليوم ماسهرت برا زي عويدك؟


زياد/انتي دوم تزعلين اذا سهرت وش عندك اليوم؟؟

ماجده وهي تمسح رجول زياد من المويه والملح

ماجده/لاني حسيت اني زودتها واني حارمتك من اصحابك

زياد

ماجده/حياتي والله غيرتي عليك من كثر حبي لك مو عدم ثقه فيك

وخلاص ابيك ترجع تشتري جوال بكاميرا وفيه خدمه الوسائط

>>>>>ماجده مرة تهاوشت مع زياد وقالت لو ماغير جواله وجاب جوال عادي بدون بلوتوث وكاميرا بتروح بيت اهلها

زياد(وش عندها متغيرة ؟لايكون تخطط لمصيبه والا بتموت)

>>>>بلاك ماتدري اني قلت لها ان ماتعدلت انك بتتزوج عليها

زياد/احلف

>>>>والله

زياد/كفوووا والله انك مبدع

زياد/ماجده ممكن اعرف سر هالتغيير؟

ماجده/ابد بس حسيت اني كنت غلطانه

>>>>غلطانه ولا خايف يعرس

ماجده/انطم لاتذكرة بالموضوع

>>>>انطمطيييييييييب

ماجده/لا لا اسفه امزح معك يارجال

>>>>طيب بعديها هالمرة

ماجده برهومي تكفي لاتزوجه من وراى

>>>>والله وطلعتي تخافين هع

ماجده/اكيد زوجي واخاف عليه ,برهومي تكفى امدحني

عنده عشان يشيل هالفكرة

>>>>ههههه طيب على امرك


*****************************
**********************


حلا/ضاري

ضاري/ياعيون ضاري


حلا/اممم عندي مشروع وابي رايك فيه


ضاري نزل النظارة وعدل جلسته/خير يااوم المشاريع؟


حلا/شوف ياسيدي انا فكرت في مشروع وبكلم كل البنات

وبنتشارك فيه ,المشروع عبارة عن تجهيز حفلات

زواج وش رايك؟

ضاري/حلوة الفكرة ,بس البنات موافقين؟


حلا/عرضت الفكرة على شوق وهي موافقه

ضاري/والله المشروع حلو ومناسب لكم خاصه انكم

نواعم وراح تفهمون ذوق العرايس


حلا/يعني موافق؟


ضاري/اكييد موافق,وطبعا انتي بتكونين المديرة



حلا/مو شرط بس ياحلو ابيك تساعدني بالفلوس

ضاري/انا كلي لك امري


حلا قربت منه وباسته على خده/ربي مايحرمني منك ويخليك لي


ضاري/يالبييييييه عالبوسه وحده اخرى لو سمحتى


حلا/ههههه لا كفايه عليك واحده

...حلا كلمت البنات وعجبتهم الفكرة ووافقوا على طول

*****************************
**********************
فيصل خطب ايناس وبالموت وافقت وحددوا زواجهم بعد

شهرين لانه مستعجل يبي يتزوج ويسافر تبوك عشان

عمله هناك

صقر خطب سميه رسمي وحددوا زواجهم بعد 4شهور

والكل فرحان لهم خاصه ان صقر اخيرا فكر يتزوج بعد هند ,

وفرحو اكثر لان العروس سميه وهنوده طايرة من الفرحه


*****************************
**********************
وليد يرتب ملابسه بالشنطه

دلع/ولودي وين رايح؟


وليد .......

دلع/ولييد اكلمك


وليد/بروح عشان ترتاحين مني ومن ريحتي ,انا حجزت غرفه

بفندق وبجلس فيها لحد ماتتحسن حالتك ,كان جلست

عن اهلي بس مابيهم يحسو بشي


دلع........

وليد/ادري بتقولين انا بروح بيت اهلي بس ياحلوة

ماينفع انتي الحين عندك بنت واهلك ناس كبار بالسن

ومو ناقصين ازعاج هالصغيرة


دلع/افف كل هذا زعل ؟طيب وش ذنبي انا


وليد/وانا بعد مالي ذنب ,,تعبت من معاملتك لي كأني سنجاب ابو ريحه

>>>>هههههه وربي عليك تشبيهات

وليد/قسم بالله بالجزمه مناك بس ترا موناقصك انا

>>>>>جزمه فوق راسك يامعفن بس بجدالمسكينه

مالها ذنب وهذا وضع كثير من بنات جنسها وانت يالحبيب

لازم تتحمل شوي اذا تحبها

وليد/والله احبها بس طفشت ياخي حتى جلسه

جنبها عالكنبه مافيه وقسم بومت قهر

>>>>اييييه الله يصبرك ياوليدي ههههههههههههه


دلع/وليد حياتي اذا لي خاطر عندك لاتروح

وليد/بس وجودي يتعبك وريحيت بعد

دلع/لا باخذ علاج حق الوحام بس لاتروح

وليد.........

>>>>بس عاد لاصكك كف يعدل راسك البنت لها

ساعه تترجي فيك وانت تتغلى..بلاك مو مثلي مااتحمل

بنيه تترجاني>>بينجلد برهوم

وليد/خلاص لاتزعلين بس حاولي تراعين مشاعري وماتقولين ريحتك

>>>>اكشششخ يابو مشاعر

وليد/ياللي النشبهانت ماوراك شغله؟افف

>>>>لا والله خلصت اشغالي

دلع/برهومي من جد انت ليش نشبه؟انا دوم

اسمعهم يقولنا لك

>>>>هذي يسمونها الغيرة ياحلوةلانهم عارفين اني احلى منهم وازين هع

وليد/اكشششخ يالمزيون .اقول تراك ماخذ مقلب بنفسك

>>>>>فسي وانا حر فيهابس تصدق الروايه قربت تخلص وراح توحشوني

وليد/من جد ؟؟خسارة والله حتى انت راح توحشنا لاتزعل

ترا والله نحب نمزح معك والا احن نحبك


>>>>واذا خلصت الروايه ماراح الاقي احد اخرب عليه الجو الرومنسي

وليد نزل عقاله من على راسه /وانا على بالي من جد بيشتاق لنا

>>>هههههه امزح والله امزح سلاااام

************************************
***************************



ماجده/من جد تتكلم؟؟


صقر/اجل امزح ههههه


ماجده/والله يازين مااخترت سميه ولا كل البنات


صقر/كفايه ان هند تحبها ومتعلقه فيها


ماجده/هند بس ههههه


صقر/تبين الصدق مدري حسيت الفترة اللي راحت

انها بدت تاخذ جزء من تفكيري


ماجده/والله سميه تستاهل التفكير


صقر/اجل شوفي رايها وردي لي خبر

ماجده/ليش هي بتحصل احسن منك؟

صقر/يمكن ماتوافق عشان فرق السن وعندي بنت

ماجده/وهي روحها في هالبنت

صقر/الله يقدم اللي فيه الخير

*****************************
**********************
هيثم وعنود رجعو من السفر وسكنوا بالفله الجديده

اللي شراها بدون مااحد يدري وسواها مفاجأة للبنتين


سميه/والله انكم خوونهمو عيب عليكم تتركوني

هنا مع هالمقروده لحالي

هيثم/مو كفايه ليله الدخله كنتي لزقه وبعد تبين تجين

معنا شهر العسل

سميه/مو انت ماشاء الله عليك ماقدرت تفوت ليله

الدخله ورحت انت وهالخايسه وانا نايمه

عنود/هههههه خايسه بعينك ,يارب ليله دخلتك تجي ام زوجك وتخرب عليكم

سميه/لا ياقلبي انا باخذ واحد مقطوع من شجرة

لا ام ولا اب ولا خوات

هيثم/واللي يقولك ان هالشخص موجود وطلبك مني

بس زياده على طلباتك عنده بنت صغيرة

سميه.........

عنود/جد هيثم والا تمزح؟

هسثم/لاوالله جد والرجال كلمني امس ويقول ان اخته

بتجي وتكلم سميه بس هو ماقدر يصبر وجاني وكلمني

عنود/ومن هو؟

هيثم/صقر ابو هند

سميه وجهها صار علبه الوان وهجت على غرفتها

بدون ماتقول ولا كلمه

هيثم/وشفيها ماردت علي؟

عنود/الجواب باين يازوجي العزيزوانا عني كنت

متوقعه انه هو

هيثم/ليش يعني؟؟

عنود قالت لهيثم ان هند دوم تمدح سميه عند ابوها وانه قال


لاخته انه معجب بسميه بس خايف ترفض عشاان عنده بنت

هيثم/يعني اعتبر سكوتها موافقه؟؟

عنود/تقدر تقول بس مع هذا لازم تروح لها وتسئلها بنفسك

*****************************
**********************
انس/رواسي ليش متضايقه؟


رواسي/لاني حاسه اني ناقصه عن غيري من البنات

انس/ليش تقولين كذا؟

رواسي/نفسي يكون عندي طفل زي غيري

الاعبه واشيله وافرح فيه

انس/كل شي بامر الله وربي باقي ماكتب انه يكون

عندنا هالطفل,, ليش مستعجله.

رواسي/اللي قاهرني انه مافينا شي لاانا ولا انت وكل شي سليم

انس/خلي املك بالله كبير ,,دق جوال انس


انس/هلا شوق,,لا تمام والله هالحين ماهي مروقه بعدين

دقي عليها,,ابد كالعاده سالفه الحمل,,ايش هههههه

طيب بقولها بس على مسؤليتك هههه خلاص باي


رواسي/وش عندها شوق

انس/تقول الحل اني اتزوج لاني كثيرين لما ازواجهم

تزوجوا عليهم حملو على طوول غيرة يعني هههههه


رواسي/لاوالله ؟انت بس سوها وشوف والله

لاطين عيشتك انت وهي والزفته شوق

انس/ههههه هذي شوق اللي تقول مو انا

>>>>انا بقولكم رايي بالموزوع بصراحه اكره هالحركه
استغفر الله العظيم يعني الواحده تجلس فترة مع

زوجها اللي تحبه ويحبها وماتحمل واول مايتزوج تحمل

عارف ان كل شي بيد الله بس احس حملها بيكون ماله طعم
لان خلاص صار فيه واحده مشاركتها بزوجها بسبه هالحمل
رايي وانا حر فيه
*****************************
**********************
بعد شهرين

1-ايناس تزوجت فيصل وسافرت معه تبوك


2-حلا والشله افتتحوا المشروع وكل شي ماشي

حلو زي ماخططت له هي وشوق

3-عاليه حاامل وحسام اشترى بيت جديد وجالس يأثثه

4-ضاري سافر ايطاليا عنده شغل خاص بالشركه وحلا ميته قهر

لانها كانت تبي تسافر معه بس هو راح مع قروب من الشركه

5-دلع تحسنت حالتها وخف الوحم شوي بعد ماصارت تاخذ العلاج

6-ياسر وشوق سافروا روما وفرنسا وقضوا احلى اياام مع بعض

7-رغد جابت ولد ثاني وصدمتها رده فعل هاني اول ماشاف

البيبي,,لانه طار من الفرحه رغم انه طول فتره

حملها كان العكس

8-زياد بينه وبين ماجده هوشه لرب السماء والسبب انه يبي
اخ او اخت لمرام بس هي رافضه لانها تقول تعبت

في حملها الاو ل وفي ولادتها وماتبي تعيد التجربه

والحين ماخذين السالفه عناد
*****************************
**********************
احمد قرا رساله عالمنتدى قلبت مزاجه

احمد/هلاوي وخري عني مالي مزاج العب معك الحين

هلا/لا ابي نلعب سوا الحين

احمد/خلي خالد يلعب معك

ام احمد/هلا روحي ابي اتكلم مع احمد شوي

هلا /طيب لاتتاخرين

بعد ماراحت هلا

ام احمد/احمد وبعدين معاك؟


احمد.......
ام احمد/احمد انت حالك مو عاجبني ياولدي,,ولاتحسب اني مو حاسه فيك ,انا امك وادرى الناس فيك
احمد.......


ام احمد/ترا اللي اسويه كله عشانك,لاني عارفه الحياة اكثر منك
ادري انك تحب هالبنيه ويمكن هي تحبك واكيد تعلقتوا ببعض بس ياولدي هالعلاقه غلط بغلط,والزواج ياحمود مو لعبه .الزواج مسؤليه ونسب وعلاقه عوائل ببعض مو بس زواج والسلام
وعن طريق علآقة نت

احمد/يمه بسس ....
ام احمد/ خلني أكمل , اول شيء عاداتنا غير عنهم وحرام تاخذ بنت الناس وبعد فتره نتكشف لكم أمور عن بعض ما كنتم تعرفونها , وتطلقها , ياولدي صدقني هذا مو حب هذا تعود وارتياح لبعض لآنكم دوم مقآبلين بعضوصدقني بتجي لكم فتره وبتقولون كلآم أم احمد صح خل البنت تشوف نصيبها حرآم تعلقها فيك وانت عارف ان زوآجك منها ماراح يتم وعلى فكره ترى عمك سمع بالموضوع وقال لزوجته تسألني . وأنا قلت لها لآ مافي شيء بس أحمد كان يمزح وقال لي بتزوج وحده من معجباتي

احمد/ يعني ماراح تغيرين رآيك يمه ؟‍!
ام احمد/شوف انا ودي تتزوج بنت عمك ساره هي بنت مزيونه وعاقله وفوق كذا حاسه انها تحبك
ولو اني كنت ابيك تاخذ بنت خالتك ريم بس انت تقول انها زي اختك

احمد/ بس انا مابيهم لآ هذي ولآ هذي , يمه انا أحب هالبنت وهي صارت كل شيء بالنسبه لي ولو ماتزوجتها ماراح أتزوج
ام احمد/ماراح ارد عليك لآن كلآمي كله رآح معك على الفاضي شوف ترى أنا ابي لك الخير
وموكرهاًُ فيك أسوي كذآ بس أنت برآحتك سو اللي تبيه بس لآ تتأمل مني اكون موافقه وأحضر زوآجك , لان هالزوآج فاشل وأسأل أي وآحد وراح يكون كلآمه نفس كلآمي

احمد . أخذ شماغه وطلع من البيت لف بالسياره شوي وبعدين مر زياد ورآحوآ عالبحر

زياد/ماراح تقولي وش فيك

احمد/كلمت امها

زياد/منهي

احمد/ام البنت اللي أحبها

زياد/أحلف !

احمد/وإلله

زياد/كيف وصلت لها?


احمد/سالفه طويله بعدين اقولك عنها الزبده
اني كلمتها وكنت معصب ومرتبك وماني عارف
وش اقول ,وقلت لها الصراحه امي رافضه

الموضوع نهائي ومااقدر اعصيها
زياد/الله يهديك ليش كذا؟

احمد/كنت معصب من الوالده لاني كلمتها

ورفضت وعلى طول كلمت الحرمه

زياد/طيب وش الحل؟خلاص راح ينتهى كل شي بينكم؟

احمد/كنت خايف من هالشي ,, وان البنت ماعاد
تدخل المنتدى بس دخلت وقالت انها تحبني وماراح

تتخلى عني الا اذا قلت لها بلساني ابعدي عني

زياد/الله يعينكم


احمد/تصدق !خفت ماعاد اشوفها متواجده وانه اخر شي بيننا
زياد/طيب يالدب بهذي الماسبه ابيك تعشيني باحلى مطعم

احمد/تاااامر امر بس بالاول استأذن من ام مرام هههههه

زياد/لا وين هذاك اول الحين ماصارت تقول شي
احمد/والله انت كنت عاطيها وجه

زياد/ياخي شسوي احبها وحبها سكن قلبي

من يوم قالت لي ياصديق

احمد/ههههههههههههههه

*****************************
**********************

اليوم زواج صقر من سميه

وسميه اصرت ان هنوده تبات معهم ,,صقر كان

يبي يخليها عند عمتها نجود بس سميه رفضت
اول مادخلوا البيت
صقر/برجلك اليمين ياعروس
دخلت سميه وهي ميته من الحياء>>>>غريبه
سميه>>>برهوم انطم مو ناقصه
>>>>هههههه طيب بس مو لايق
صقر/الف مبروك ياعروسه
سميه/الله يبارك فيك
هند/هالحين بتجلسين عندنا على طول؟


سميه/ايه على طوول


صقر/طيب انا بروح شوي وبرجع


سميه بخجل/وين بتروح؟


صقر/ماني متأخر


..بعد ماراح صقر..
هند/الله انا مرة فرحانه انك صرتي معانا في البيت

سميه ضمتها /ياقلبي وانا اكثر


هند/خالتو ممكن طلب؟

سميه/انتي تامرين ياعمري وش تبين؟
هندوعيونها فيها دموع محبوسه/ممكن اقولك ماما

سميه/ياقلبي والله راح اكون اسعد واحده لما تقولين

لي هالكلمه,,عارفه؟انا كنت ابغى اقولك تناديني

ماما بس خفت تفشليني

هند/انا احبك كثيييييييير ومابيك تسيبينا ,,وبابا كمان

يحبك .هوه مسكين محد يجلس معاه ودايم اشوفه يفكر

سميه/ياعمري انتي وانا احبك وراح اخليكي اسعد

بنوته بالدنيا

هند/طيب ياماما يؤ قصدي ياعروسه انا بروح انام بغرفتي قبل يجي بابا لاني بنوته شطورة

سميه/يالبى الشطورة انا ,,بس ياحلوة قبل تنامي

ابيك توريني غرفتي وين

هند/طيب تعالي اوريكي,,اممم شوفي هذي غرفتي

وهذي غرفه المكتب حق بابا وهذي غرفتكم
وهذي .........

سميه/امم ليش سكتي ياقلبي؟

هندوعيونها مليانه دموع/هذي غرفه ماما

الله يرحمها وبابا قفلها امس بالمفتاح

سميه ضمتها/حياتو لاتزعلي واذا عالغرفه بخلي بابا يفتحها بكرة

هند/طيب تصبحي على خير انا ابغى انام


سميه باستها /وانتي من اهل الخير

بعد ماراحت هند سميه دخلت غرفه نومها وحصلتها

مرة رووعه وكل شي فيها يدل على ذوق رااقي

,,والسرير كله ورد احمر وعليه علبه شيك مرة

فتحتها وحصلت عقد الماس يجنن,,شوي

الا الباب ينفتح ويدخل صقر وبيده شي مغلق

بس سميه ماركزت فيه

صقر/مساء الخير


سميه/مساء النور

صقر/هنوده نامت ؟


سميه/ايوة نامت قبل شويه

صقر/امم تفضلي

سميه/وش ذي؟؟


صقر/افتحيها وتعرفين


سميه فتحت الهديه وحصلتها صورة لها مرسومه بدقه
وهي عالمسبح وفاله شعرها ,,

سميه/من هذي انا؟؟

صقر/لا انا هههههههههه

سميه

صقر/هذي رسمتها بعد ماشفتك اول مرة

عالمسبح مع هنوده واليوم وديتها يغلفونها



سميه/ مرة حلللوة انت بجد رسام مبدع

صقر/وانتي مرة حلوة وشعرك يجنن


سميه/

صقر قرب منها /ان شاء الله تكون حياتنا مع بعض حياة

سعيده وربي يقدرني واسعدك,,بصراحه انتي انسانه

رائعه وبجد زاد غلاك الليله لما اصريتي هند تنام معنا

بالبيت,لو غيرك كان قالت مابيها عالاقل الليله

سميه/هنوده بنتي ,ودليل كلامي طلبها الليله

صقر/طلبها

سميه/هند طلبت مني اخليها تقولي ماما ,بجد هالكلمه فرحتني حيييييل

صقر/هند انحرمت من امها قبل تشوفها ,انا حاولت

اكون لها الاب والام بس مستحيل اقدر اعوضها

عن حنان امها

سميه/انت ماقصرت والكل يشهد لك ومن اليوم اعتبر هند صار عندها ام ثانيه

صقر بدون شعور ضمها لصدرة

صقر/الله يفرح قلبك زي مافرحتي قلبي
>>>>مسااء الرومنصيههع
صقر/ياليل الحيين هذا وش يبي

>>>>جيت ابارك واهني واذا تبون ارقص واتنكس نهي مشكل

صقر/لا ياخووك مشكور كثر الله خيرك

>>>>العفوو خيووواسمع تر ا انا اكره ماعلي احد يخرب الجو عالناس الرايقه

سميه/ههههه في هذي انا اشهد لك انك اكبر كذااااب

>>>>ماالت بسعموما انا بس حبيت ابارك

للعريس واقوله بخيرك بين اثنين ,,ياترسمني زي

مارسمت سميه ,,يااني اتكي معاكم الليله

صقر/لا لا الحين ارسمك بس فكنا

>>>>لا ابيها على رواقه عشان تبان وسامتي

صقر/من عنوني
>>>>تسلم عيونك يالله بالاذن

سميه/صك الباب وراك

>>>>>انا ماطولت عندهم لان عندي ذوق ولان صقر

كاسر خاطري ومابي ارفع ضغطه ماصدقنا يتزوج

وه بس فديتني انا وذوقي هع


الساعه 7الصبح قام صقر ولا حصل سميه جنبه

طلع من الغرفه وشاف غرفه هند مفتوحه طل براسه

وشاف سميه تغطي هند وتخفض بالمكيف ,,خلاها

وراح للطبخ يشرب ,بس حصل الفطور عالطاوله وعليه

ورقه مكتوب عليها ((صباح الخير يااحلى زوج بالدنيا))

صقر ابتسم وراح لغرفه هند,,بس حصل سميه

واقفه قبال باب غرفه هند الله يرحمها,,صقر جاء من وراها وضمها
سميه/يمه !بسم الله خوفتني!!

صقر/بسم الله عليك .ليش واقفه هنا؟؟

سميه/امم ولا شي

صقر خلاها وراح غرفته ورجع بسرعه وبيده مفتاح

فتح الغرفه ومسك بيد سميه ودخلوا داخل


صقر جلس عالسرير/هذي غرفه المرحومه هند ,كانت وصيتها اني لو تزوجت مااغير هالغرفه واخليها ذكرى,وانا عشان اوفي بوعدي خليتها مثل ماهيمن يوم توفت

سميه/طيب ليش قفلتها امس؟؟

صقر/عشان ماتتضايقين

سميه/انا فعلا تضايقت بس عارف ليش؟

صقر/ليش؟

سميه/لانك قفلت الغرفه وزعلت هنوده

هي دوم تقولي اانها تجلس فيها قبل تنام او اذا كانت

زعلانه ,,بصراحه مابي وجودي بحياتكم يغير فيها شي

صقر/بس


سميه/لا بس ولا شي والغرفه من اليوم تضل مفتوحه

واذا ماتبغاني ادخلها اوكي ماراح اعتب بابها اهم

شي هنوده ترجع تدخلها زي قبل


صقر/بجد انا محظوظ اني تزوجتك


سميه/كلنا محظوظين والحين يااستاذ محظوظ

الفطور جاهز تعال قبل يبرد

صقر/اوكيك اسبقيني وبلحقك

بعد ماراحت سميه


صقر راح قبال صورة كبيرة لهند بوسط الغرفه
صقر/سامحيني ياهند بس هنوده محتاجه احد يهتم

فيها,,وانا بعد تعبت من الوحده ,بس تاكدي حبك

باقي بقلبي وراح يضل زي ماهو

*****************************
**********************


بعد مرور شهرين

اليوم هو يوم السبت ,,وكل العايله راح تعتبر

هاليوم هو اسؤ يوم مر عليها لانه موعد تنفيذ

حكم القصاص براكان
البنات كلهم عند شوق وايناس يواسونهم وشوق مرة

متاثرة لانها حاولت تزور راكان قبلها بيوم ورفض احد
يزورة وقال مايبي احد من الشباب يحضر القصاص

وارسل لشوق رساله يطلبها تسامحه وتحلله وانه
يحبها وكان يتمنى يجيه بنت ويسمها على اسمها

حلا/شوق حرام اللي تسويه الحين هو محتاج دعائك له

شوق/كان نفسي اشوفه قبل..وماقدرت تكمل الجمله
سميه/اطلبي له الرحمه وسامحيه
شوق/يعني خلاص ماعاد فيه راكان؟آآآه ياربي ليش

مكتوب على انحرم من كل اللي احبهم؟

نجلاء/شوق استغفري ربك ,,هو محتاج للدعاء

مو للبكاء ,,ولاتنسين ان ربي هداه قبل يموت وتاب

توبه نصوحه اطلبي له المغفرة

دق جوال نجلاء

نجلاء/الو هلا بندروالله تعبانه شوي طيب بشوفها وارد عليك

نجلاء/شوق ياسر يبي يتطمن عليك
شوق/قولي له بخير
نجلاء/بندر قول لياسر ان شوق بخير اممم طيب بقولها

نجلاء/شواقه ياسر يقول ماراح يتطمن الا لما

يشوفك يالله روحي المجلس هو هناك

قامت شوق بمساعده نجلاء دخلت ,وحصلت

انس جالس بوسط المجلس,قربت منه وضمته

وجلسو يبكوا سوا

انس/اذكري الله ترا انتي الكبيرة المفروض تكوني اقوى من كذا

شوق/بس هذا راكان الغالي

انس/غالي علينا كلنا بس خلاص هذا قضاء وقدر

شوق/وين ياسر؟
انس/انا قلت له بسلم على خواتي وبعدين تعال,,بدق

لايناس تجي اسلم عليها,,,وفعلا دق انس لاخته

وجات وهي بعد كانت حالتها حاله وبعد وصلت بكاء

ومن الجمييع فجأة النور حق المجلس انطفى:!!!!!!!

وكلها لحظات ورجع ولع وكانت المفاجأة اللي

هزت اركان المجلس هززز!!!!!

الكل بالبيت سمع اصوات صراخ وضحك وبكاء

كلها مجتمه وطالعه من المجلس
شوق/يالله وربي ماني مصدقه عيوني حاسه اني بحلم

راكان/فديت قلبك والله وانا بعد ماكنت مصدق كنت

خلاص بس اردد الشهادة وانتظر السيف ولحد

الحين مو مصدق بس الحمد لله على كل شي

ايناس وهي ضامه راكان/والله لو بيدي لاطلع

للشارع واصارخ وارقص من الفرحه

انس/قلنا افرحي ماقلنا افضحينا هههههه

شوق/الحين الحين ابي اعرف السالفه كلها

راكان/والله ياطويله العمر العفو جاء باخر لحظه

اهل الولد ماقصروا تنازلوا بدون مقابل

شوق/غريبه احنا حاولنا كم مرة معاهم وعرضنا

عليهم مبلغ محترم بس ماقبلوا

انس/اهم شي بالاخر تنازلوا وراكان بخير وبيننا

ايناس/ايوالله هذا المهم


****************************
***********************
*****************
الفرحه عمت العائله وحسام سوا عشاااء

كبير بهالمناسبه >>>>>اللي ماتعرفونه ياحبايبي عن موضوع راكان هو الاتي
ياطويلين العمر تذكرون فايزة؟؟اللي باول الروايه ؟
هي السبب التنازل
بتقولون كييييف
فايزة تزوجت واحد من بطران وعلاقته طيب باهل
احمد اللي قتله راكان والكل يقدرة ويحترمه

المهم فايزة كلمت زوجها عن راكان وانها تعرف اخته

لانها كانت صديقتها زمان وقالت له ان راكان انسان

عاقل وملتزم وجابت له اشرطه ومحاظرات لراكان

وحكت له سالفه سحر واحمد وان راكان ثار لشرفه

وان احمد كان سيء ولعب عالبنت ,,والرجال ماقصر

كلم اهل احمد واقنعهم ان يمكن اذا عفوا عن راكان

ربي يسامح ولدهم عن افعاله ولعبه على بنات الناس

ودفع لهم مبلغ محترم لانه شخص يحب عمل الخير

هالكلام مااحد يعرفه غير ياسر

وعرفه عن طريق زوج فايزة ,,لانه استغرب العفوا

بهالوقت وهم قبل هالمرة حاولو وعجزو باهل

احمد يتنازلون ,فسئل زوج فايزة وقاله ان زوجته هي السبب لان كلامها كان له اثر كبير عليه

وياسر بطريقته عرف ان زوجه هالرجال هي فايزة
ضحيه راكان في الماضي وقدر يجيب رقمها وكلمها
وسئلها ليش سوت كذا وقالت انها تبي تكسب اجر
ولان راكان صلح غلطته وتزوجها زمان والا ماكانت

في هالنعمه اللي هي فيها الحين

وطلبت من ياسر مايجيب سيرة لراكان او اي احد

وبعد شهر من الاحداث راكان تزوج اسماء

وسافروا يقضون شهر العسل

****************************
***********************
*****************

’’,,بعد مرور سنه,,’’
احمد مازال متمسك بالبنت اللي يحبها رغم الظروف

ورغم انه ماعنده حل ومايدري وش راح تكون

نهايه حبهم

>>>>انا كنت جالس بغرفتي الحلوة واغني
مابنكسر صابر لو فرصتي تمضي
والحظ لو عاثر بصنع انا حظي
مابنكسر صابر .. لو فرصتى تمضى
والحظ لو عاثر .. بصنع انا حظى
لو تنثر احلامي برجع ارتبها
ولو تصعب ايامي بعيش وما احسبها
لو تنثر أحلامى .. برجع برجع أرتبها
لو تصعب أيامى .. بعيش وما أحسبها

يامسهل الدنيا مهما تعاندنا
مهما تعاندنا
يامسهل الدنيا .. مهما تعاندنا
عادي .. عادي التعب عادي والهم هو ملحه
ولو ما الحزن بادي مانفهم الفرحة
عادي .. عادي التعب عادي .. والهم هو ملحه
ولو ما الحزن .. لو ما الحزن بادي مانفهم الفرحه
مابنكسر صابر لو فرصتي تمضي
والحظ لو عاثر بصنع انا حظي
..
>>>وغفيت شوي وقمت على اصوات كثيرة تقرقر على راسي ’’كشفت اللحاف عن وجهي >>>كذاب مااحب اغطي وجهي اذا بنام احس اني انخنق المهم واشوف لكم ابطال روايتي كلهم حوالين السرير حقيبسم الله وش جابكم هنا؟؟

ياسر/جايين نسلم عليك ونودعك

>>>>عاد :تدخلون علي كذا وانا نايممو عيب عليكم

ماجده/ ههههه ياما دخلت علينا يالدب

زياد/ايوالله وياما خرب علينا
>>>>انا عادي بس انتوا لا

حسام/لاياشيخالا بندخل واحمد ربك بس انك مو متزوج ههههه

عاليه/كان هبلنا فيكم خخخخ

>>>>>ياحبكم لاقتحام خصوصيات الغير

ضاري/هههههههه كثر لي منها مرة عجبتني هالجمله

حلا/انت اخر واحد يتكلم بهالخصوص يااستاذ مخرب
>>>>يعني كلكم على

دلع/لا برهومي مايحب التخريب فديته انا بس

يحب يتطمن على ابطال روايته
وليد/اييه صح فديت زوجتي هي الوحيده اللي فاهمه

المستر لانه خلاها تفلها ببدايه الروايه وهي
عربجيه
>>>>
رغد/لا جد برهومي عسل وتخريبه حلو
هاني/اقول لايكثر الاخت جالسه تتغزل بالمستر وانا واقف
>>>>عادي عادي خلها

هاني/ادري عاجبك بس حامض على بوزك

>>>>
بندر/والله كانت ايام حلوة قضيناها وعشناها مع المستر

نجلاء/بجد كانت ايام حلوة حتى لو بكينا بلحظات بس كانت حلوة

>>>>

هيثم/انا منون للمستر لانه خلاني اعرف ان عنودتي تحبني فديتها ودليل حبي للمستر سميت اول ولد على اسمه

>>>>يالبى قلبك والله يخلي برهوم الصغير وتفرح فيه عريس


عنود/تدري؟انا كرهتك لما فضحتني عند هيثم

وخليته يكتشف مشاعري تجاههبس بعدين

شكرتك بداخلي لانك خليته يحس فيني

>>>>لا انا ماسويت الا واجبي وحرام مشاعرك تروح بلاش

صقر/برهوم بقولك شي كنت كاتمه بقلبي

>>>>تفضل

صقر/والله كرهتك وحقدت عليك يوم موت اغلى مخلوقه عندي

>>>>

صقر/بس بعدين تقبلت الوضع وقلت قضاء وقدر ,,ولما حطيت سميه بطريقي خف الزعل والا اقولك راح خلاص

>>>>

والحين ابي ابوسك

>>>>لا لا استحي
سميه/ههههه قال يستحي قال ,والله

ان ودك احد غير صقر يبوسك

>>>>

ايناس/لا برهومي يستحي مايحب هالحركات

>>>>من قال يؤيؤيؤ قصدي صادقه

فيصل/بس اسمح لي اقولك عيب لاحظته في روايتك

>>>>

فيصل/انك ماتحط تواريخ ياخي لحست مخ

المتابعين محد يعرف كم مر سنه على الاحداث

>>>في هذي معاك حقوهذي مشكلتي بس انا

كنت اكتب بعد مرور شهر شهرين سنه وعاد القراء

هم يحسبونمحسوبك سوداني مع احترامي

للشعب الشقيق بس هي كلمه وتنقال

دلع/برهوم راح نشوفك بروايه ثانيه؟؟اذا ايه

ياليت تخليني من الابطال بس ابي دور بنت

نعومه حيييييل

وليد/الله يرحم ايام العربجه هههههههههههههه

دلع ضربته بكوعها ضربه خلته يسكت

الكل /هههههههههههههههههه

>>>>>والله مدري يادلوعه ,بس ان الله احياني

يمكن اعيد التجربه للمرة 3,,وان مت اتمنى

تذكروني بالخيرلاني احبكم كلكم واحب

اللي خلف الكواليس

شوق/الله يطول بعمرك ..ولو انك خليتين اعاني

كثيير بهالروايه بس في الاخر ريحتني

ياسر/اهم شي بالاخر رجع لي حبيبتي

حلا/يالله ياشباب ويابنات كلنا بصوت وااحد

الكل/راااح نشتاق لك يامستر برهوم ياابو التخريب ههههههههههه

>>>>بس خلاص والله احس اني ببكي

وانا بعد راح اشتاق لكم


تــــــــــــــــــمـــــــــــــــــــــــــت

بحــــمــــــد الله

****************************
***********************
*****************



والله ماني عارف وش اقول والا وش اكتب

بس احب اشكر كل من تابعني ووقف جنبي وشجعني سؤا بالمتابعه او بالرد او بالانتقاد كلكم على عيني وراسي,,استمتعت كثييييير بوجودي بينكم ومعليش لو رفعت ضغطكم بتاخير البارتات بس ظروف خارجه عن ارادتي ..وبيني وبينكم ماكنت بنزل البارت الاخير الا لما اوثق الروايه بالوزاره بس شغلتها طويله وماهنتوا علي تنتظرون كل هالوقت ونزلتها لكم
اممم فيه عندي كم باقه ورد واحب اهديها لبعض الاشخاص

الباقه الاولى//لمنتدى ****** الغالي اللي
له الفضل بعد الله بالنجاح الي وصلت له
و لو مو ****ماكنت اكتشفت موهبتي

بالكتابه>>>اقول لايكثر


الباقه الثانيه/لكل القراااء اللي غمروني بحبهم

وبمتابعتهم الاكثر من رااائعه وبردودهم الحلوة

الباقه الثالثه/لاصحابي اللي شجعوني هنا وبرا المنتدى
الباقه الرابعه/للاخت العضوة ((فاقده حنااااان )) هذي

هي اللي رشحني للمنتج اللي بيشتري الروايه واذا

صار وتحقق هالشي لها مني هديه كبييييييييرة

وراح تعجبها

الباقه الخامسه/لصعب تفهمني لانها ماقصرت
بوقت كنت غايب وتعبان كانت تطمن

المتابعين وتعطيهم اخباري


الباقه السادسه/لنفسي طبعا مو غرور لاوالله

بس لانها رغم كل الظروف الصعبه والمشاكل

والمزاج المتقلب تبعيوالضغوطات والتحطيمات

قدرت تهزم كل هالاشياء وتكمل الروايه على خير

في آآآآآآآآآخر الكلاآآآآآآآم

شكرا من الاعمااااق للجميييييييييييع
اخوكم {{مستر برهوم }}

مرة نايس نايس

احلى شيء بالرواية تدخلات الكاتب ،لكن سؤال محير ليه يتواجد في ليلة الدخلة اكثر شيء؟ يمكن محروم او غيران ؟ الله اعلم!