** الــــجـــــزء 44**
سميه/فشيله وش اقولها
هيثم/عادي ماراح تقول شي
سميه دقت على شوق/الوو
شوق/هلا سمسم كيفك
سميه/بخير حياتي وانتي اخبارك
شوق/بخير
سميه/اقول شوشو ابيك تجين معنا انتي وحسام
شوق/ على وين
سميه/هيثم عازمنا ويقول مشتاق لحسام ونفسه يلعب معه
شوق/ لا مقدر
سميه/شوق بلا دلع
شوق/ وربي صعبه لاتحرجيني
سميه /طيب خلي حسام يجي معنا
شوق/اخاف يبكي ويسوي لكم سالفه
سميه/لا ماعليك هو يحبني وماراح يبكي
شوق/اوكي مافيه مشكله بس لاتتاخرون
بعد ربع ساعه جات سميه واخذت حسام اللي
صار عمرة 6شهور وراحو عالمول
سميه/هيثم عطني حسام شوي
هيثم/نو نو اصلا هالطلعه عشان اشيله واشبع منه
سميه/شوي بس
هيثم عطاها حسام وقام عنها والو ماقام بكي حسام وصار يمد ايده لهيثم
سميه/شوفو اللي مايستحي من متى مايبيني ؟
هيثم/اذا حضر الماء بطل التيمم هاتي هاتي
واخذ حسام وراح يتمشى فيه بالمول
بنفس المول كان ياسر وبندر موجودين
ياسر/ياخي تعرفني مااحب الاسواق
بندر/بلا هبال وتمقل في هالمزايين
ياسر/وينك ياام معاذ تجين وتسمعين
بندر/الله يرجك اذكر شي زين ههههه
ياسر /هههههه طيب طيب اوريك ان ماعلمتها ماني ياسر
بندر/ اقول روح اسبقني على احدى هالطاولات بروح اكلم جوال واجي
راح ياسر وبطريقه مر من جنب هيثم
ياسر تعلقت عيونه بالولد اللي شايله هيثم
ياسر0هالوجه قد مر على بس وين وينيوووة سبحان الله نفس وجه شوق وهي صغيرة )قرب من هيثم
ياسر/سلام عليكم
هيثم/هلا اخوي وعليكم السلام
ياسر/يالبى هالصغنون ولدك؟
هيثم بدون شعور/ايوة ولدي
ياسر/ممكن اشيله شوي
هيثم/تفضل
ياسر شال الولد وباسه ولمح السلسله اللي برقبته
(هذي مو سلسله شوق؟ الا انا متاكد انها هي ,يعني هالولد ولد شوق؟)
والتفت لهيثم(وهالحقير هو اللي خانتني معه؟))
وبدون مقدمات قال لهيثم يودي الولد لانه يبيه بموضوع ضروري
وفعلا راح هيثم وودى حسام لسميه ورجع واول ماشافه ياسر حس
ان كل شياطين العالم ترقص قدامه وهجم عليه وعطاه بوكس
ياسر /اخيرا شفتك يالحقير,
هيثم يحاول يبعد ياسر عنه بس ياسر اقوى واظخم
ياسر/والحقيرة وينها ؟اكيد عايشه عندك ؟الله يلعنها ويلعنك معها
جاء بندر وتفاجاء بالهوشه
بندر /ياسر فك الرجال بتذبحه
ياسر/خلني اذبحه الذبح قليل فيه
بندر يكلم هيثم/معليش اخوي حقك على امسحها بوجهي,,وسحب
ياسر بالقوة وراحوا
هيثم بطبعه مايحب المشاكل ,وقال بينه وبين نفسه ان ياسر يمكن
تعبان او مشبه عليه
وكل واحد راح بطريق
*******************************
دلع(ياربي هذا اشفيه؟قرب يذن الفجر ولسى ماجاء وجواله مقفل
اممم ادق على اهله؟بس اخاف مو عندهم واخوفهم عليه
وهي بدوامه التفكير ,انفتح باب الشقه ودخل منه وليدوكان باين انه معصب وتعبان
بدون شعور دلع ركضت لعنده وحضنته
دلع/وينك اقلقتني عليك وربي كنت بموت من الخوف عليك
وليد/كنت عالبحر
دلع وهي حاطه ايدينها حول رقبته بدلع
دلع/زعلان من دلوعتك؟؟
وليد.............
دلع/ياخي تعرف العربجه عندي احيانا تخرج غصب عني
بليز سامحني,بس بجد انت قهرتني
وليد/قسم بالله يادلع لو هالشي تكرر ليكون شي عمرك ماشفتي زيه
دلع/ان شاء الله مايتكرر,بس بجد ليه سويت كذا؟
وليد/كنت بشوف رده فعلك
دلع/ وشفتها؟
وليد يلمس خده/شفتها وحسيتها ,بس عقابك عندي
دلع بغرور/خير تزعلني وتبي تعاقبني
وليد/ حطي فراشي بالمجلس وبعد شهر راجعيني
دلع /ههههه احلف بس
وليد/جاك العلم وبشوف غرورك لوين بيوصلك
>>>>>اما شهر كثر لي منها,هع اتحداك تسويها
وليد/لا اسويها واسوي ابوها,بلاك مااكلت كف محترم
>>>>>هههههههههههاي بس شكلك فلللله وانت تتصفق
وليد/اقول تقلع وراك بس,وتنتي حطي فراشي بالمجلس
على بال مااخذ لي دش
*******************************
ماجده/غريبه نجود ماتغدت معنا؟
ام صقر/ والله مدري وشفيها لها كم يوم مو طبيعيه كله
حزينه وحابسه نفسها بغرفتها لا ونزل عليها طواعه على غفله
ماجده/كيف يعني
ام صقر/ماصارت تفارق السجاده والقران بيدها طول الوقت
ماجده/الله يهديها طيب انا بروح اشوفها
ماجده/ممكن ادخل
نجود/هلا تفضلي ادخلي
ماجده/ كيفك ياقلبي
نجود/بخير وعافيه وانتي كيف الحمل معاك
ماجده/الحمد لله ماشي الحال, طيب ليه ماتغديتي معنا
نجود/ مالي نفس للاكل
ماجده/نجود وشفيك امي تقول متغيرة هاليومين
وماعاد تجلسين معها زي اول
نجود نزلت راسها وبعد شوي ماجده سمعت شهقاتها المكتومه
ماجده قربت منها /نجود ليه تبكين ياقلبي؟
نجود/ماجده انا تعبانه والله تعبانه ومخنوقه ومااحد حاسس فيني
ماجده/ومن ايش ياعمري فضفضي لي
نجود/ماجده انا ماعاد اقدر اكتم بقلبي اكثر وبقولك اللي متعبني
ماجده/ تحبين؟
نجود/اي حب واي خرابيط
ماجده/اجل وشفيك
نجود/اسمعي انا بقولك كل شي, وابيك تساعديني عشان ارتاح
*******************************
راكان/خير ايناس فيه شي؟
ايناس/حابه اتكلم معك
راكان/تعالي حبيبتي وشعندك
ايناس/راكان انا ابيك تسامحني
راكان/على ايش اسامحك
ايناس/انا زمان زعلت منك لانك ضربتني كف وو
راكان/وايش؟
ايناس/طلبت من سامي الزفت يادبك بس ماقلت له يكسر ايدك وربي ماكان ودي بهالشي بس الشيطان وسوس لي
راكان/عارف ومسامحك
ايناس قربت منه ومسكه ايده
ايناس/عارف؟؟ وسامحتني بعد كل اللي عرفته؟
راكان حضنها/انتي اختي الصغيرة اللي مالي غيرها ومالها غيري
ايناس/الله يخليك لنا ومايحرمنا منك
*******************************
ماجده/انتي وش تقولي ؟؟انا ماني مصدقه ليه كذا ليه ؟ماتخافون من الله
نجود........
ماجده/عارفه وش سويتي؟انتي دمرتي بيت كامل وشتتي
شمل زوجين كل ذنبهم انهم حبوا بعض وفتحو لكم بيتهم .,حسبي الله ونعم الوكيل
نجود/امي هي السبب هي السبب
ماجده/وانتي مشتركه معها ,والله حرام عليكم وش سوت لكم شوق
وياسر عشان تسوون هالتمثيليه االحقيرة فيهم؟وش استفدتوا؟
نجود/ مالي دخل ,اسئلي امك؟
ماجده/انتي ماتسوين شي بدون مقابل واكيد اخذتي ثمن هالكذبه اختي واعرفك
نجود/كنت غبيه وماحسيت باللي سويته الا بعد فترة ,والله اني ندمانه
وماني عارفه ايش اسوي والاحساس بالذنب مو مخليني ارتاح
ماجدة/عشان ترتاحين لازم تصلحي اللي خربتي
نجود/كييف؟
ماجده/ياسر لازم يعرف الحقيقه
نجود/بس خايفه
ماجده/خافي من ربك مو من العبيد.,وصدقيني لو قلتي راح ترتاحين
الحين بدق لصقر يجي,وتقولين له كل السالفه ومن اولها اوكي؟
نجود/طيب بس قولك ياسر يرجع شوق
ماجده/بالاول خليهم يلاقونها المسكينه وبعدين يحصل خير
وفعلا ماجده دقت لصقر وقالت تبيه يجي البيت ضروري
صقر بخوف/خيرماجده فيك شي؟
ماجده/لا سلامتك مافيني شي بس عندنا موضوع ونبي نقولك عليه
صقر/موضوع؟؟
ماجده اسمع الموضوع بتقوله لك نجود وابيك تسمعها للاخير وبدون مقاطعه
صقر التفت لنجود/خير نجود وشفيه
نجود قالت الموضوع لصقر اللي جن جنونه وعصب وانصدم
من اخته وامه واللي سووة وماخلى كلمه ماقالها لنجود
وكان بيضربها بس ماجده ماخلته وقالت
دام انها اعترفت ماله داعي يضربها
نزل صقر عند امه وعاتبها على هالسواة وقاله ان ياسر مثل
ولدها وماكان لها حق تسوي اللي سوته وكان ردها
**خله ماحد قاله يبدى بنت الشاميه عن بناتي**
’’,,اليوم الثاني.,,’’
صقر انقهر لانه ماله وجه يقابل ياسر يقوله السالفه ومايقدر يكتم
اللي عرفه ,قرر يقول لبندر لانه اقرب لياسر منه وراح يقدر يهديه
بعد اسبوع
صقر/هاه قلت له
بندر/ياخي والله ماقدرت الموضوع صعب
صقر/ادري والله بس ماراح ارتاح الا اذا عرف ياسر
بندر/خلاص امري لله بقوله
بالليل بندر عزم ياسر عنده بالبيت وقاله السالفه
ياسر/ايش مستحييييييل اللي تقوله مستحييييل
معقول هالتي اللي اعتبرها مثل امي تسوي فيني كذا لييييييه
وش حصل بالدنيا ,ليه ننهش ببعض كذا بويش اذيناها انا وشوق قولي
بندر............
ياسر/ليه يحرموني الانسانه اللي ساكنه بروحي وقلبي .؟ليه يشوهون صورتها ليه ,,وبكي
بندر قرب منه /ياسر ادري الموضوع صعب ومايسر
ابد بس لازم تحاول تصلح اللي صار وتدور لشوق وتردها لعصمتك
ياسر رفع راسه/يعني اللي شلته وضميته لصدري
ولدي ؟؟مستحييييل
آآآه ياربي يعني ولدي كان بين ايديني ولا عرفته
بندر/انت وش قاعد تتكلم عنه؟
ياسر/ تتذكر الرجال اللي تهاوشت معه بالمول
بندر/ايه ولما سالتك قلت خلاف شخصي.ليه وش دخله بالموضوع
ياسر/الولد اللي معه ولدي انا وشوق
بندر/ايييييش؟؟؟؟ وانت وش عرفك
ياسر/الولد نسخه من امه
بندر/ياخي يخلق من الشبه 40
ياسر/لا متأكد لان السلسله اللي معلقه برقبته هي
نفسها السلسله اللي اهديت لشوق قبل اتزوجها
بندر/انت من جدك؟
ياسر/ايه من جد والحين ياخوي كيف الاقي الرجال ومن وين اجيبه
بندر/والله مشكله صعبه
ياسر/ياليته اشتكى علي ذاك اليوم كان الحين عرفت عنوانه
بندر/ربك كريم وان شاء الله نلاقيه
*******************************
شوق بغرفتها وحسام نايم على صدرها
شوق(اكيد اللي تهاوش مع هيثم بالسوق ياسر انا متاكده ويوم قاله
ان الولد ولده انجن وفكر انه عشيقي اللي خنته معه .,ياربي
الحين وش بيقولون عني ؟اخاف حسو بشي؟)
قطع افكارها دق الجرس حق الباب
شوق/هلاوغلا تفضلي
سميه/هلا فيك بس انا مو وحدي هههههه
شوق/هلا فيك وفي اللي معاك
سميه /اعرفك هذي صديقتي منذ الطفوله العنود
شوق/هلا والله عنود منورة
العنود/منور بوجودك ياقلبي اخبارك
شوق/بخير بشوفتكم وشرفتيني والله بجيتك
العنود/الشرف لي ياعمري
سميه/القول انتي وياها لاتقضونها لي تراحب هههههههههههههه
شوق/ههههههه طيب عن اذنكم دقيقه وراجعه خذوا راحتكم؟,,
وراحت للمطبخ تجهز القهوة
العنود/تجنن ماشاء الله عليها
سميه/عشان ماتقولين ابالغ مرة ثانيه,اجل لو بتشوفين
حسومي وش بتقولين؟
العنود/بس بس البنت جات
شوق/يالله حي من جانا
سميه/ههههههههههههه
شوق/خير قلت نكته انا؟
سميه/ههههه لا بس ذكرتيني بجدتي
العنود/الله يرجك هالحلوة والمزيونه جدتك هههههههههه
شوق/يالبى قلبك تسلمين والله
سميه/اقول وين حسوم لاتقولين نايم اذبحك
شوق/والله توني منيمته ولو قلتي انكم بتجون كان اخرت نومته شوي
العنود/لااااااا يعني اجي واروح بدون مااشوفه
شوق/لا ياقلبي اوعدك لو ماقام اخليك تشوفينه حتى وهو نايم
>>>>بعد القهوة والشاهي والحش بخلق الله زي عوايدكم
يالسحالي سميه قالت لشوق
سميه/شوق ابي افاتحك بموضوع يخصك
شوق(ياربي اكيد عن ياسر طيب الحين وش بقولها انه متهمني اني خنته)
شوق/ تفضلي
سميه/بصراحه اخويه هيثم يبي يتزوجك
العنود كانت تشرب العصير وطاح الكأس من يدها
شوق/بسم الله عليك
العنود/انا اسفه وسخه الكنبه
شوق/تفداك ياقلبي ماعليه حصل خير تعالي بدلي بلوزتك على بال مااغسل ملابسك
العنود/لامومشكله بمسحها
شوق/لاوالله انك تجين وبعدين ملابسي بتجي مقاسك لاتخافين
شوق عطت العنود بلوزة وراحت تغسل ملابسها
العنودبالغرفه بعد مالبست (ليه ياسميه تجيبيني معك يعني لازم
تجرحيني وتخليني اسمعك وانتي تخطبين لهيثم؟آآآه ياهيثم
معقول ماحسيت فيني ولا بحبي طول هالمده؟)
جات سميه/عنوده وشفيك؟
العنود تمسح دمعه خانتها/لا ابد مافيني شي
سميه/الحين بمشيها لك بس بعدين بتقولين غصب عنك
اممم شفتي حسام؟
العنود/لا
سميه/تعالي شوفيه هذا هو نايم بسريرة
العنود قربت من سريرة/يالبيييييه يدنن ياليته صاحي كان
نفسي العب معه
سميه /تبيني اصحيه هههههه
العنود/ ياليت والله
سميه مدت يدها وشالت حسام وباسته
واول ماحس فيها حسام صحي وجلس يبكي
العنود/ياعمري شكله ماشبع نوم
سميه/ماعليك منه لاحق عالنوم بس ماراح يلحق على عنوده هههههههه
البنات اخذو الولد وراحوالصاله
شوق غسلت الملابس وكوتها وراحت الغرفه ومالقت احد وشافت سرير حسام فاضي
شوق/يمه ولدي وينه ,, طار عقلها وطلعت تركض برى الغرفه
ويوم دخلت الصاله وشافته مع البنات
شوق/الله يسامحكم خوفتوني
شوق/ههههه خير فكرتينا سرقناه من زينه عاد
شوق/موكذا بس
العنود/ترى سميه هي اللي صحته انا مالي دخل
شوق/ماعليه دام مايبكي عادي
العنود/لا شوفيه مستانس ويضحك لي,اقول وشرايك اخطبه
شوق/لمن؟
العنود/لي يعني لمن ههههههههههههه
سميه/ههههههههه الله يرجك الا على طاري الخطبه
وش قلتي ياشوق؟ ترى اخوي هيثم ماراح تلاقين حسن منه
دكتور وملتزم كل الصفات الحلوة فيه ,وكفايه اني اخته ههههه
شوق/والله مدري وش اقولك اممم بصراحه انا شايله فكرة الزواج من راسي وابي اربي ولدي حسام وبس
العنود(يالبى قلبك زين تسوين)
سميه/انتي فكري بالاول وبعدين ردي
شوق/لا هذا قراري النهائي
سميه/طيب براحتك
شوق/بليز ماتزعلي مني انتي تدرين معزتك بقلبي
سميه/لا عادي هذا زواج مو لعبه
شوق/زين ريحتيني
*******************************
ياسر دق لاحمد وقاله يروح معه للمزرعه لانه طفشان ومتضايق
واحمد واقف وراحو سوى المزرعه وتعشوا هناك وسهروا للفجر
الصبح قام ياسر وراح للغرفه اللي مقفله
ياسر(الحين وش يضمن لي ان هالهندي مو مخبي بلاوي بهالغرفه
؟انا لازم افتحها واعرف )
راح للمطبخ وجاب سكينه ورجع للغرفه
وبعد محاولات كثيرة فتحها ودخل, بس مالقى شي
بس قبل يطلع لمح شي تحت السرير,نزل عالارض وسحب الكيسه
وفتحها لقى فيهاكم لبسه لطفل صغير وحفضات ومصاصه ’
قرب من السرير وشال المخده وشمها ,
ياسر(وش السالفه ؟انا متأكد ان كان هنا وحده بس من هي
وليه هالخايس يجيبها هنا)
نزل تحت وهو معصب ودق على اسلام الباب
ياسر/اسلام افتح سرعه ابيك
اسلام فتح الباب/ايس فيه؟
ياسر/هالاغراض لقيتها بالغرفه المقفوله ممكن اعرف حقت مين؟
اسلام/هاه ؟انا مايعرف حق مين
ياسر/اجل مين يعرف هاه؟يالله قول والا انت عارف وش بيجيك
اسلام/خلاص انا فيه يقول بس لايضرب انا
احمد/خلاص وعد مااخليه يضربك بس تكلم
اسلام/هذي مدام شوق وولد مال هوه
صـــــدمـــــــه !!!!!!!!!!!!!!!!!!!!!!!!!!!
هذا اللي حس فيه ياسر
ياسر/انت متأكد ؟؟
اسلام/ايوة
ياسر/ من متى ؟
اسلام/من زمااان وهي هنا من قبل يجيب بيبي مال هوه
ياسر/وليه ماقلت لي ياحيواان؟
اسلام/هيه يقول مايبي احد يعرف مكان مال هيه
ياسر/وهي الحين وين
اسلام/انا مايعرف بس هيه بعد انت مايروح
شالت شنطه واغراض مال هيه وراحت
ياسر/يعني يوم حسيت ان فيه احد بالغرفه كانت هي موجوده؟
اسلام/ايوة
ياسر/آآآه يارب يعني هي وولدي كانو جنبي وماحسيت؟
غبي انا واحد غبي
احمد/اسلام خلاص انت روح,وانت ياياسر هدي
واذكرالله وان شاء الله تلاقيهم
*******************************
عاليه /ليه وش فيه؟
الممرضه /مدري بس هو قالي لازم تجين ومعك روان ضروري
عاليه خافت وقالت اكيد روان عندها شي وتوهم اكتشفوه,وفعلا راحت المستشفى
عاليه/لو سمحتي د مازن عنده احد؟
الممرضه/لاتفضلي هو ينتظرك
عاليه(لا السالفه ماتطمن يارب سترك ,يارب احفظها لي من كل شر ولاتحرمني منها)
دخلت عاليه ولقت د مازن جالس عالمكتب
عاليه/السلام عليكم
د مازن هلاو غلا تفضلي حياك
عاليه(غريبه من وين جايب الذوق اليوم؟)
عاليه جلست/شكراً
د مازن/كيف الحلوة ؟عسى صارت احسن؟
عاليه/الحمد لله احسن بكثير
د مازن /الحمد لله
عاليه/ خير دكتور خوفتني روان وش فيها؟
د مازن/ كيف وش فيها؟
عاليه/مو انت طلبت حضوري انا وهي ضروري
د مازن/ اوووة لا لا تخافين الموضوع بسيط,اسمعي بصراحه
انا هالبنوته حبيتها وكنت ابي اتطمن عليها ومالقيت غير هالطريقه
عاليه!!!!!!!!!!!!!!
د مازن/انا بجد اسف لو خوفتك
عاليه/انت مو بس خوفتني انت ارعبتني ,الله يسامحك بس
د مازن راح للدولاب اللي جنبه وطلع منه علبه مغلفه بطريقه حلوة
وحطها عالمكتب
د مازن/هذي هديه بسيطه للصغيرة واتمنى تقبيلها
عاليه/مشكور بس ماكان لها لزوم
د مازن/انتي ماتدرين هالصغيرة ايش سوت فيني
يكفي انها حسستني ان شروق لسى عايشه ماماتت
وفتح محفظته وطلع منها صورة ومدها لعاليه
عاليه ناظرت للصورة وكانت لبنت بسن روان
وكانت متعجبه من الشبه اللي بينهم وكانها تؤام لها
عاليه/ممكن اعرف كيف ماتت؟ اذا مايضايقك
د مازن/بسبب اهمال ادى للوفاة
عاليه/اهمال من مين؟
د مازن/من امها ,نست انه هي الالم وهي المسؤاله عن بنتها ,
وخلت كل شي عالشغاله ,والنتيجه موت اغلى شي بحياتي
عاليه/انا اسفه اني ذكرتك ماكان قصدي اضايقك
د مازن/لا عادي انا والضيقه صرنا اصحاب من 4سنين
عاليه/طيب انا اتاخرت ولازم امشي ومشكور عالهديه
د مازن/لو سمحتي ممكن طلب
عاليه/خيروشو؟
د مازن/ممكن رقم احد من اقاربك يعني
اخوك او ابوك عشان اتطمن على روان من فترة لفترة
عاليه /اوكي هذا رقم اخوي ضاري
د مازن/انا بجد اشكرك
عاليه/عن اذنك
*******************************
سحر/احمد انت ليش للحين ماتقدمت لي ممكن اعرف السبب
احمد/ياقلبي والله عندي شويه ظروف
واوعدك اول ماانتهي منها اجي واخطبك رسمي
سحر(ياخوفي انك تلعب علي)
*******************************
ابو ضاحي/اسمع ترى هالوضع مايجبني
انس/اي وضع؟
ابو ضاحي/كل شوي راز والخشه وتبي تشوف البنت,انت المفروض تحمد ربك اني خليتك تشوفها بالملكه
انس/بس هذا من حقي ومافيها شي
ابو ضاحي/اقول علم يوصلك ويتعداك البنت من اليوم ماراح تشوفها الا بيوم العرس
انس اييش ؟
ابو ضاحي/اظن سمعتني
انس/ههههه الله يقطع ابليسك ياعمي اكيد تمزح
ابو ضاحي/لا ماامزح انا اتكلم من جد
انس/بس ياعمي العرس باقي له اكثر من سنه
ابو ضاحي/لو باقي 10سنين مافيه شوفه يعني مافيه شوفه,والحين انا معزوم للقهوة
انس طلع وهو مقهور من هالشايب(كيف يعني ما اشوفها لين العرس ؟اكيد ماهوب صاحي هالشيبه انا لو ماشفتها كل يوم اتعب )
ودق على رواسي
رواسي/الوو
انس /هلا رواسي كيفك
رواسي/بخير ياعمري وانت
انس/يالبى قلبك حلوة ياعمري ممكن تعيدينها؟
رواسي.......
انس/الوووو
رواسي/امم اخبارك
انس/مو بخير
رواسي/ليش عسى ماشر
انس/ابوك
رواسي/وشفيه ابوي؟
انس /يقول مراح يخليني اشوفك الا بيوم العرس تخيلي
رواسي/من جدك والا تمزح؟
انس/ايه من جدي وقسم فقع مرارتي هالشيبه
رواسي/امم طيب والحل ؟ترى ابوي راسه يابس
انس/والله مدري بس انا مقدر اصبر عنك يومين ومااشوفك كيف سنه؟
رواسي......
*******************************
نجلاء/بندر يالله تعال انا تاخرت ناسي اني من العصر عند اهلي؟
بندر/خلك شويات وبجيلك
نجلاء/طيب خليني اجي مع اخوي
بندر/لا لا انا بجيك بس عندي كم شغله بخلصها واجي باي
نجلاء(لا انت اليوم مو طبيعي يابندر الله يستر
ياخوفي تكون متزوج على وانا مدري)
,بعد ساعه جالها بندر وراحوا عالبيت واول مادخلوا
بندر/اقول ترى هاني يقول يبي العيال يروحون عنده
نجلاء/الحين؟
بندر/ايه الحين ليش عندك مانع؟
نجلاء/لا بس الوقت متاخر
بندر/ الحين الساعه 10ونص باقي بدري وبعدين بكرة خميس
نجلاء/براحتكم ,
بندر/طيب حياتي غمضي عيونك
نجلاء/ليه؟
بندر/انتي غمضي وتعالي معي
نجلاء/على وين موديني؟
بندر/اوووهووو انتي بس غمضي وماعليك
نجلاء غمضت عيونها وبندر مسكه من ايدها وراح بها غرفه النوم
واول مافتح باب الغرفه
بندر/فتحي عيونك
نجلاء فتحت عيونها وتفاجأت باللي شافته
لان الغرفه مو الغرفه اللي تركتها العصر
بندر كان مغير كل شي فيها جاب غرفه نوم جديده ومغير الستاير ومعبي الغرفه ورد احمر وشموع
نجلاء/واااااو وش ذا كله
بندر/عجبتك ياقلبي؟
نجلاء/تجنن تجنن بس متى سويت كل ذا وليه؟
بندر/متى؟ اممم الغرفه حاجزها من فترة
وبعد ماوديتك جبتها وضبطت كل شي
وليه ؟ اممم ابيك تشغلين مخك اللي احيانا يفصل وراح تعرفين ليه
نجلاء/وربي مو متذكرة شي هالعيال نسوني كل شي
بندر/اففف من ذا العيال,ياقلبي انا بقولك دامك ناسيه
اليوم عيد زواجنا وانا حبيت اسوي لك مفاجأة
وترى العيال انا اللي قلت لهاني يخليهم عنده
نجلاء قربت منه وباست خده
نجلاء/يابعد عمري كل سنه وانت طيب وربي انك احلى واعظم
زوج بالدنيا ,,ورمت نفسها بحضنه>>>>يالبيه عالرومانسيه هع هع هع
بندر /وانتي اغلى واحن زوجه بالدنيا
نجلاء/ربي لايحرمني منك
بندر/ولا منك ياعمري.,طيب ياحلوة روحي المطبخ
بتلاقين كيكه وعصير جيبيهم وتعالي
نجلاءراحت عالمطبخ وجابت الكيكه وجات وجلسو يسولفون
>>>>>مسائكم الله بالخير لو سمحتو احد شاف لي قلمي
طاح هنا والا هنا؟لي ساعه ادور عليه
بندر/الحين مالقيت تدور لقلمك الا بغرفه نومنا؟ياخي اكذب كذبه تنبلع
>>>>>اوووة نسيت انك في المباحث
بندر/زين انك تذكرت بس
>>>>احلى يالشايب شمووع وحركات ههههههههههههههه
بندر/شايب بعينك انا اصغر منك
>>>>طيب طيب لاتعصب
بندر/انت تخلي الواحد يعصب غصب ياخي عليك دخلات مدري وش تبي ’’يعني افتك من العيال تطلع لي انت
>>>>هههههههه اووة مصرف العيال بعد خخخخ
بندر/ايه صرفتهم وياليت انت بعد تروح
لان الوقت مو مناسب للزيارات
>>>>>الله عاد انا مالي وقت محدد انا اطب تسذا
بندر/ادري ادري مايحتاج تقولي
>>>>>تصدق الغرفه حلوة واجد اممم والسرير شكله مرييييح
ممكن اجربه شوي
بندر/اقول ترى عطيتك وجه بزياده.. يالله وياليت تاخذ الباب وراك
>>>>>طيب لاتدف لا انشب لك من جد
بندر/برهوم والله اني احبك بس اذلف الحين هههههههههههه
>>>>>وانا احبك بس ودي بشويه كيك واذلف بعدها
بندر/خذها كلها بس فكني
>>>>>هههههههههههههههه والله شكله واصله معاك خخخ يالله سلام
بندر/الله وياك هههههههه
******************************* الكل عرف ان شوق مظلومه ومقهورين لانهم مايدرون وينها
وياسر حاله حاله من يوم عرف اللي صار
واللي زاد همه هم كل ماتذكر وجه الولد وهو يتبسم له
*******************************
حلا/آآآآه يممه ,,ضاري ضاري
ضاري/همممم
حلا/قووم ابيك
ضاري/حلا مانمت الا وجه الفجر وش تبين؟
حلا/تعبااانه وشكلي بولد
ضاري نقز من السرير/ايش؟ بتولدين الحين؟
حلا/لا بكرة ,,ايه الحين يالله ودني المستشفى
ضاري رجع انسدح/لا دام باقي فيك حيل تنكتين مافيك الا العافيه
حلا/آآآه يابطنيييي قووووووووم
ضاري/طيب طيب يالله قومي
ضاري ودى حلا المستشفى ودق على امها وامه ولحقوهم
*********************************
نهايه الجزء44
مقتطفات من البارت القادم
>>>>يقالي بحمسكم هههههههههههههههه
(../عناد فيك ياياسر راح اضحي فيه )
(../ماجده ابيك تدورين لي عروس)
(../من ناحيه طيب فهي طيبه بس مو اطيب من راكان
(../ياقلبي لاتخربين الطلعه بخوفك والله ماراح يدري)
(../كلهم برا بس انا قلت ادخل اشوفك بالاول
../لا مابيهم ابي عيالي وينهم)
(ابيك تصير حرامي وتسرق باسل وترميه بالبر انا مااحبه.)
(../ضيفتكم بتتم ساكته كذا؟
../سميه وشفيك مستحيه ترى كلنا زي خواتك)
قراااائه ممتعه
08-07-12, 08:37 AM
جديد مواضيع قسم القصص المكتمله
العرض العادي
