كاتب الموضوع :
اسطورة !
المنتدى :
القصص المكتمله
بآحدى آلشقق البسيطه جدآ
زآدت دقآت قلبهآ لمى شآفته وآقف برى
مشت لاختهآ : خآلد اللي عند البآب
هدى : من خآلد
ريهآم : خآلد يَ هدى
هدى بخوف : وش يبي
ريهآم بخوف : مدري
خآلد : آفتحي يَ ريهآم
هدى خآفت لمى سمعته يتكلم : يَ ويلي آبوي لايسمعه
ريهآم : آنتي روحي له وسكري آلبآب وآنآ بصرفه
هدى : مجنونه آنتي بتفتحين له
ريهآم : روحي يَ هدى بسرعه
هدى : وش بتسوين
ريهآم : بصرفه قبل آحد يشوفه عندنآ
هدى : طيب آنآ بخلي آلجوآل معي
ريهآم : زيين روحي
دخلت الغرفه عند آبوهآ آلنآيم وسكرت آلبآب
ريهآم : لحظه .. لبست عبآتهآ وتغطت
فتحت له آلبآب : نعم
خآلد دف البآب ودخل
طيرت عيونهآ فيه لمى دخل دآخل
سكرت آلبآب ومشت له .. لكن ظلت بعيده عنه
ريهآم : آنت مَ تستحي
خآلد : حلو وآلله بنبدآ بهألدرس
ريهآم بربكه وخوف شديد : وش تبي
خآلد : آجلسي كلامنآ بيطول
لفت وجههآ ع غرفه آبوهآ
خآلد : آجلسي يَ ريهآم
ريهآم بترجي : خآلد تكفى آبوي تعبآن ومو نآقص
خآلد : صدقيني بعد آللي بتسمعينه بتحبين رجولي
طيرت عيونهآ فيه
آم مطر : آللحين بتقومين قلت
سمر بترجي : خلاص خآلتي
نوف وقفت : قلت لك لا
آم مطر طيرت عيونهآ فيهآ
لميآء بلعت ريقهآ لمى صرخت نوف ع آم مطر
شيخه بهدوء : آيش رآيكم آدق ع سعود وهو يجي يشوفه
آم مطر : لا .. وآللي خلق آلارض وآلسمآء بست مَ يطلع له آلا هي
نوف طيرت عيونهآ فيهم بذهول
لميآء : نوف تكفين ..
نوف حطت عيونهآ بعيون آم مطر : تبيني آكلمه
طيب طيب .. طلعت من آلصآله بسرعه
لميآء وسمر لحقوهآ
شيخه : خآلتي ليه تحلفين.. آآآه آلله يهديك بس آلله يهديك
آم مطر : خلي هآلعنآد آللي برآسهآ يطيح .. حلوه ذي مَ تبي تشوفه
شيخه بهمس : بنآت
لميآء مشت لهآ
شيخه : سمر تعآلي بلاش وقفه هنآ
سمر مشت لهآ : آففف من خآلتي بدل مَ تصغرهآ كبرت آلسآلفه
شيخه : مَ عليكم آللحين بيترآضون
لميآء : مَ ظنتي ... تركتهم
نزل مشآري لمى قآل مآمآ
وقف وعيونه آلمشتآقه عليهآ
وقفت متكتفه وبجديه : نعم وش تبي
بلع ريقه ولاول مره حس بالضعف قدآمهآ
نوف : آذآ جآي عشآن تشوف مشآري هذآ آنت شفته ..
الفيصل بمقآطعه : نوف
سكتت وآكتفت بنظرآتهآ آلصآرمه له
تقدم لهآ خطوتين
نوف : خلك بمكآنك وقول آللي جيت عشآنه
الفيصل : آرجعي بيتك يَ نوف
نوف : آنآ ببيتي
الفيصل : لا هذآ مو بيتك .. آنتي مكآنك معي
نوف ضحكت بسخريه : هذآك آول
الفيصل : آففف لمتى يعني ..
نوف : خلصت صورك وآلا فيه بعد
الفيصل بتنهيده :قلت لك هذآ مآضي وآنتهى
نوف : مَ آشوفه آنتهى
الفيصل : آنآ دفنته
نوف آشآحت عيونهآ عنه : آذآ خلصت كلامك تقدر تتفضل
مشى لهآ ورجعت ع ورى لمى لزقت بالبآب
مسكهآ مع زندهآ وبحده : آسمعيني
ريهآم بلعت ريقهآ .. ورفعت عيونهآ له وبتردد : يعني هي مَ رجعت له
خآلد : لاطبعآ وآلفضل يعود لك
ريهآم : آنآ مَ كنت متوقعه هالشيء يصير
خآلد : لاتكذبين آنتي عآرفه آنه بيصير هالشيء
ريهآم بتردد : آنآ طلبت منه الفلوس وهو رفض ..
خآلد : آكيد بيرفض لو آنك بمكآنه وش بتسوين
ريهآم هزت رآسهآ بلا : هو مَ عطآني فرصه حبيت آخليه يندم زي
خآلد بمقاطعه : صدق آنك وقحه آللحين تستفزينه وتهددينه وتبينه يعطيك اللي تبين
ريهآم : آنآ محتآجه يَ خآلد الفلوس .. آهئئ آبوي تعبآن
وفلوسنآ كلهآ خلصت ع علاجه
مَ عندنآ آحد لا آخو ولا عم آهئئئ قل لي وين آروح
آهئئئئ آنآ آعترف آني غلطآنه ولافكرت بقيمه اللي سويته
خالد بمقاطعه : آيه غلطآنه
ريهآم : آنآ مستعده آروح لهآ وآسوي آي شيء بس
يخلينآ نجلس هنآ .. آهئئئ آحنآ مَ عندنآ غير هآلمكآن
خآلد عقد حوآجبه: يخليكم تجلسون !!
ريهآم : آليوم جآء صآحب آلعمآره وقال لنآ
لكم يومين بس تدبرون نفسكم فيهآ لان الفيصل شرآ آلشقه منه
خآلد : شرآهآ !!
ريهآم : آهئئئ آلله يخليك قل له يخلينآ آحنآ مَآعندنآ فلوس
خآلد آنصدم من اللي قالته .. وقف : آنتي آكيد ملخبطه
الفيصل وش يبي بشقه معفنه زي هذي
ريهآم وقفت وهزت رآسهآ بلا : لا .. آليوم هو قال لاختي
آنه ألفيصل شرآ آلشقه ويبيهآ بعد يومين ..
خآلد: آكيد بيسود عيشتك هو بنفسه قال لي ..< وبسخريه > آحمدي ربك آنهآ جت على كذآ
ريهآم : آلله يخليك سآعدني ..مَ بقى عندنآ فلوس كل شيء صرفنآه ع علاج آبوي حتى الشقه هذي قآعدين فيهآ ببلاش من شهرين
خآلد : خلاص .. آسكتي
ريهآم : بتسآعدني
خآلد مشى للبآب : بفكر .. بس يَ ويلك تقولين له شيء ..
طلع وسكر آلبآب
رمت نفسهآ ع آلكنبه بآنكسآر بعد مَ طلع
نزلت غطآهآ وغطت فمهآ بكل قوتهآ
عشآن َ مَ يطلع لهآ صوت
هدى : بسك بكآء مَ فيه شيء بيتغير
ريهآم : آهئئئئ آهئئئئ وين بنروح وييييين
نرجع بالوقت كم دقيقه ..
حآولت تفك يدهآ وعجزت .. رفعت عيونهآ له : فك يدي
الفيصل : آنآ حآولت معك كثير .. لاتخليني آتصرف تصرف يزعلك
دفته عنهآ وفكهآ : وش بتسوي آكثر من كذآ .. خلاص آنت آنكشفت لي
الفيصل حط يده ع صدره : آنآ وآلله آحبك .. ولا عمري فكرت آخونك .. هذآ كله مآضي
نوف : آلمسأله مو خيآنه .. آنآ عرفتك على حقيقتك
عرفت آلفيصل آلثآني .. للاسف توقعتك غير
< هزت رآسهآ بخفه > بس آنت طلعت نفس آللي آغتصبني
الفيصل : آنتي وآنآ عآرفين آنك مَ تقصدين هآلكلام
نوف بآصرآر : آلآ آقصده
الفيصل آبتسم بخفه وهز رآسه بلا : لا يَ نوف آنتي مَ تقصدينه
لانك تعرفيني زين .. وتعرفين آني غير آللي بالصوره
نوف هزت رآسهآ بلا : لا آنآ مَ عدت آعرفك
الفيصل : وآلنهآيه
نوف : طلقني وآرتآح
الفيصل بعصبيه : آنتي آنجنيتي
نوف بهدوء : لاتصآرخ < عشآن مشآري >
بلع ريقه وآشر عليهآ : يومين ورآجع
نوف رفعت عيونهآ له : لاتنسى ورقه طلاقي
الفيصل صر ع ضروسه : آنتي نآويه تذبحيني
نوف : آنآ قلت آللي عندي
الفيصل : يومين يَ نوف
نوف : آنت جآي تهددني
الفيصل : آنآ حآولت معك كثيير
نوف : بعد كل آللي سويته جآي تهدد آنت مين مفكر نفسك
الفيصل : آنآ آحبك
آشآحت وجههآ عنه
الفيصل تنهد ولف وجههآ له : قولي لي وش آسوي عشآن ترضين
نزلت يده : لاتسوي شيء .. مَ ظنتي آني بنسى آللي شفته
الفيصل بضيق : لمتى يعني بتظلين على هآلحآل
نوف وعيونهآ ع مشآري آللي يلعب بجوآل آبوه : لمى تحل عني
لف ع مشآري .. شآله وبآسه
آبتسم بحب لمى دخل آلجوآل بجيبه
الفيصل : شآطر ولدي
رفعت عيونهآ له وبدأ قلبهآ يوجعهآ عليهم
لكنهآ بسرعه نزلت رآسهآ
مَ تبي تلين آكثر .. ولاتبي تنسى
مشى لهآ ومد لهآ مشآري .. آخذته منه
وبكى مشآري
حط يده ع شعره وبآسه : لاتبكي حبيبي .. حآول يهديه
قوت نفسهآ لمى آقترب منهآ كثير عشآن مشآري
مشآري : آهئئئئئئئ .. ضرب نوف لانه يبي آبوه
نوف : خلاص ميشو
الفيصل : لاتخلين آلمآضي يدمر حيآتنآ
نوف رفعت عيونهآ له
حط يده ع رآس مشآري وطلع
بآست مشآري ع جبينه وطولت للحظآت
مسحت دموعه وآنبهآ ضميرهآ
ع بكآء مشآري لانه يبي آبوه
لفت وجههآ بخوف لمى دخل سعود : وش سويتي آنتي
نوف : مَ سويت شيء .. مرت من جنبه وطلعت
لحقهآ ..
وقفت عند آلدرج ولفت عليه : مَ قلت له شيء
سعود : لاتكذبين
نوف : مَ كذبت ..بس قلت له يطلقني
سعود : مجنونه آنتي
نوف سكتت ونزلت مشآري
سعود : وآنآ آشوفه مَ يبي يجلس آثآريك غآثته
نوف : سعود لاتتدخل بيننآ
سعود طير عيونه فيهآ : وش قلتي !!
نوف :آيه لاتتدخل .. خلاص لهنآ وبس هذي حيآتي انا < هزت رآسهآ بلا > مَ رآح آسمح لكم
سعود بمقآطعه : آنتي مَ تعرفين تتصرفين لازم آحد يدبر لك كل شيء
نوف : قلت لك لاتتدخل بيني وبينه
سعود آشر ع مشآري : وهذآ مَ فكرتي فيه ..
نوف آشآحت وجههآ عنه
سعود تنهد : نوف قولي لي وش بينكم .. آذآ هو غلطآن صدقيني
نوف بمقاطعه : ليه بتصدقني وبتوقف معي لو آقول لك
تعلقت عيونه فيهآ
نوف : مَ رآح آقول لاني ماني مجبوره آشرح لآحد
سعود : آجل ترجعين له
نوف : لا ..
سعود : لا بترجعين له
نوف : بتغصبني
سعود : آذآ مَ تبيني آغصبك قولي لي آنآ آخوك
نوف : مَ عندي شيء آقوله
رفع عيونه لمى شآف سآره نآزله
نوف لفت وجههآ لهآ
سآره وقفت ع آلدرج وتسندت ع آلدرآبزين : كملوآ ليه سكتم
نوف لفت وجههآ لسعود : وجودهآ بيننآ بعد كل آللي صآر يثبت
لنآ آنك بعد مَ تعرف تتصرف
سآره : نعـــــم .. وش قلتي يَ مدآم ... نزلت ووقفت عندهآ : تكفين عيدي
سعود : سآره
سعود : سمعتهآ وش قالت
مسكت نوف مع زندهآ لمى مشت
سعود مسك سآره وسحبهآ
تركتهم نوف وصعدت مع مشاري
دفته عنهآ : آللحين بتصف معها علي
سعود : آلف مره قلت لك لاتتدخلين بشيء مَ يخصك
سآره: يَ سلاآآآم
سعود : آيه لاتتدخلين شآيفتنآ نتكلم
سآره بمقآطعه : وآلله مكآنكم غلط وش ذنبي آنآ
سعود : خلاص فقعتي رآسي .. مشى عنهآ
سآره : لاتنسى آنهآ لقيطه
لف وجهه لهآ وطير عيونه فيهآ
آشآحت وجههآ عنه
سعود صر على ضروسه : قوليهآ مره ثانيه وشوفي وش يصير لك
دخل الصآله ..
تعلقت عيونهآ فيه بقهر ..
رفع عيونه لهآ .. ورجعت صعدت لفوق ..
ضرب الدريسكون ..
وبعصبيه : تحلميييييييين بالطلاق ..
فك زرآر ثوبه آلعلوي ورمى شمآغه ع آلكنبه
مرر يده ع جبينه بتوتر
[ آلفيصل ]
مَ ينفع معهآ آلا الغصب
مهمآ حآولت بتظل معنده
بس هين آنآ آعرف كيف آخليهآ ترجع
بلع ريقه وحآول يهدي آعصآبه
لكن كلامهآ كآن له بالمرصآد
فشلت كل محآولآته
بالصاآله ..
رفع عيونه لهآ لمى شآفهآ جآيه
آم مطر : وينهآ < نوف >
سعود : فوق
آم مطر : شفته
سعود : آيه شفته قبل مَ يركب سيآرته .. حآولت آخليه يجلس
بس آلظآهر وآصله بينهم
آم مطر : آلله يهديهم ..
سعود : خآلتي تكفين حني عليهآ يمكن تقول لك شيء
آم مطر بتنهيده : بحآول يمك مع آني مليت
سعود : قلت لهآ بترجعين له غصب
آم مطر : آيه وش قالت
سعود : تقول لاحد يتدخل بحيآتي ..
آم مطر : وش هآلكلام البآيخ .. آختك ذي آنهبلت وتبي لهآ
علاج
ضحك بخفه ع عصبيتهآ ..
بعد يومين .. السآعه 5 مسآء
وآآآآآآآو ونآآآآآآآآسه
ضربتهآ ع رآسهآ : خبله آنتي
جنآ : وليه لا . هي بتتطلق منه وآبوي مو متزوج
آلزين : لا لا آنآ آقول آلضربه مأثره على رآسك بقووه
جنآ بآبتسآمه عريضه : بتشوفين بعيونك
آلزين كشت عليهآ : آسكتي بس ...
جنآ : هههههه وين بتروحين
آلزين : لمآمي
جنآ نزلت من السرير وتمسكت بعكآزتهآ
الزين بعد مَ دخلت الغرفه : يمه آسآعدك
حسنآء : وش رأيك زيون آخذ هذي وآلا هذي
آلزين آخذت منهآ آلشنطه : قوتشي آحلى يمه
حسنآء : وآلله
آلزين : يب
حسنآء : حطيهآ ع آلتسريحه آجل
آلزين : يمه عآد آنتي آشتري
حسنآء : آكيد بشتري
آلزين بسخريه : آلحمدلله ع آلسلامه
جنآ : آلله لايسلمك
حسنآء : لا يمه
جنآ : مَ تشوفينهآ عمتي تتمسخر علي
حسنآء : حتى لو
آلزين : ههههههه طآح وجههآ
حسنآء رمت عليهآ آلشنطه : آم لسآن طويل
جنآ عشآن تقهر آلزين : آقول عمتي
حسنآء وهي منشغله بترتيب الملابس بالشنطه : بتطولون
حسنآء : آسبوع
جنآ : عآد مَ يحتآج نوصيك آنبسطي وتسوقي ومَ يحتآج هدآيآ
آسوآقنآ مليآنه وآلسوآقين كثآر
آلزين : جب
جنآ : هههههههه آحسن
حسنآء : هههههههه حسبي آلله عليكم ضحكتوني وآنآ مآلي نفس
آلزين : ليه يمه
حسنآء : آآآآآه مَ ودي آروح يمه وآخليكم
جنآ : عمتي هم مو صغآر
تركي برآ آلغرفه : يمآآآآآآآآآه .. يمآآآآآآآآآآآه
آلزين سكرت خشمهآ : جآء آلمطفوق
جنآ : ههههه ليه سكرتي خشمك
آلزين : لانه جآي من آلملعب
جنآ : هههههه يمه منك
حسنآء طلعت له قبل لا يدخل : وش تبي ... آفف وش ذآ روح بدل وخذ لك شآور ريحتك
تركي بمقاطعه : آدري آدري .. وين آلفلوس
حسنآء تخصرت : آي فلوس
تركي : آفآ نسيتي
حسنآء : وحسآبك
تركي : بح .. مَ فيه ولا شيء
حسنآء : لا وآلله وين رآحت فلوسك
تركي : يَ آلله
حسنآء : مَ عندي
تركي : ترآ آطلب من جدي
حسنآء : روح آطلب يمكن يقول لك كم كلمه تنفعك
تركي : آفففف يمه تكفين وآلله محتآج
حسنآء : مَ فيه
تركي : ليييه
حسنآء : عشآن تعرف تقتصد آنت آللحين رجآل مو صغير
تركي : يمه كل الشبآب يصرفون كذآ
حسنآء : لا مو كل الشبآب زيك .. فيه نآس مَ عندهم فلوس تسد جوعهم وآنت كل يوم بمكآن شكل
تركي بمقآطعه : آحرم نفسي يعني عشآن ترضين
حسنآء : حتى ردك مثل وجهك .. روح عني يله ريحتك خلتني آصدع
جنآ + آلزين : هههههههههههه
تركي : آرتحتي آللحين سمعتيهم .. آووووف
مشى عنها لغرفته
حسنآء : مره ثآنيه تأخذ لك شآور هنآك
كتمت ضحكتهآ لمى سمعته يتحلطم وسكر بآبه بقوه
دخلت غرفتهآ
جنآ : عمتي صدق ريحته قويه
آلزين : ههههه تمووت
حسنآء : كذآبه مَ عليك منهآ .. مَآله ريحه بس حبيت آطفشه ههههه
جنآ : حرآم عليكم
آلزين : روحي طبطبي عليه
جنآ طيرت عيونهآ فيهآ
حسنآء : هههههههههه
سكرت من خآلد بعد مَ آمن لهم شقه
وحط بحسآبهآ فلوس تكفيهم وتكفي علاج آبوهآ
رمت الجوآل وركضت للمطبخ
لعند هدى ..
هدى لفت وجههآ لهآ : ليه تبكين
ريهآم بآبتسآمه عريضه وآلدموع مآليه عيونهآ : خلاص خآلد دبر لنآ مكآن وعطآني فلوس بعد
هدى بتنهيده : آلحمدلله
ريهآم : مَ آنتي فرحآنه !!!
هدى : لمتى يَ ريهآم وحنآ ع هآلحآل .. ع حسنه آلنآس عآيشين
ريهآم : وش آسوي مَ فيه وظآيف وآبوي تعبآن لازم نصبر
هدى : آلله كريم آلله كريم
ريهآم نزلت عيونهآ للفول آللي تطبخه هدى للعشآء
وشردت
هدى لفت وجههآ لهآ : روحي شوفي آبوي ولاتفآرقينه
ريهآم رفعت لهآ عيونهآ وبحب : مَ تضيق آلا تفرج صدقيني
هدى : آن شآء الله
طلعت من المطبخ متوجهه لغرفته
آنقهرت من ضحكهآ على آسمه
رمت عليهآ علبه آلمنديل
آم فهد : ههههه وضحى
وضحى : يمه شوفيهآ
ندى : هههههه وش سويت
وضحى : لاتضحكين على آسمه
ندى : ههههه من اللحين مَ ترضين عليه
آم فهد : هههههههه
وضحى : يمـــــــه
آم فهد ضربتهآ ع رآسهآ : عييب يَ بنت
ندى : آيه خآلتي حيلك فيهآ هآللي مَ تستحي
وضحى : خليت آلحيآء لك
ندى : هههههههههه آسكتي يَ حرم عوض
وضحى : مَ تضحك
ندى : هههههه وآلله آنكم لابقين على بعض
وضحى : عآدي آهم شيء آلشكل وآلاخلاق
ندى : ههههه لا قولي آلشكل وش عليك من آلآخلاق
آم فهد : وهي وش خلاهآ توآفق آلآ شكله
وضحى : سبحآن آلله آلزين مَ يكمل .. يله بعد مَ نتزوج بخليه يغير آسمه
ندى : هههههههههه
آم فهد : فصخت آلحيآء كله
وضحى وقفت : عن آذنكم برووح آهتم بنفسي
ندى بضحكه : آلحمدلله وآلشكر .. تو آلنآس يَ آلخبله
آم فهد : خليهآ تروح وتفكنآ
وضحى تخصرت : يمه ترآ بكره بتشتآقين لي .. آآآآآآآآآه
ضربهآ فهد على رآسهآ : وش هآلكلام .. من آللحين تبين تروحين
آستحت منه وطلعت بسرعه
ندى : هههههههه حرآم عليك آحرجتهآ
فهد كتم ضحكته ... وبتمثيل : قله حيآء .. مَ بقى آلا وتقول زوجوني زوجوني
آم فهد : بس عآد مَ آرضى عليهآ
فهد : ههههه خليني آلعب بآعصآبهآ ...
آبتسمت لمى شآفته يتلفت : فوق نآيمه
فهد : هذي كل مَ جيت لقيتهآ نآيمه
آم فهد : توهآ يمه صغيره كل وقتهآ بتنآم
ندى : آقول فهد
فهد لف وجهه لهآ
ندى : تخيل بكره تجيك آلعنود وتقول لك يبه آبي فلان .. وش بتسوي
فهد : بقول لهآ عطيني عنوآنه يَ بوك
آم فهد : هههههههه
ندى : ههههه هذآ آللي بيخرب بنتي
فهد : وآلله لو آنهآ تبي آمير .. لروح له وآقول لو سمحت ترضى فيهآ زوجه
آم فهد : هههههه بنتك لاتخلينهآ له يَ ندى
ندى : ههههههه هذآ آللي بيصير
فهد : ليه وش فيكم .. عآدي البنآت يسون كذآ بهالزمن
ندى : آقوول بنتي لاتخربهآ لي بهآلافكآر
شيخه لفت وجههآ ع ساره لمى كلمتهآ : وش قصدك
سآره بسخريه : آبد مَ قصدت شيء
شيخه تعدلت بجلستهآ : لا قصدتي ..
سآره : آعصآبك ترى مَ قلت شيء غلط
شيخه : سآره
شيخه قربت وجههآ منهآ : وآنآ صآدقه مَ لقيتوآ تهتمون آلا بذي < تقصد نوف >
طيرت عيونهآ فيهآ لمى وقفت وطلعت
من الصآله وهي تغني
شيخه بصوت مسموع : آلحمدلله وآلشكر نفسيه هآلمره
مره تضحك ومره تبكي .. آلله لايبلانآ
آم مطر تكلم هيآء بجوآل لميآء : وآلله مدري وش فيهآ .. آآآه كله منآ دلعنآهآ وعطينآهآ وجه.. لا يَ آم مشعل مَآنيب سآكته يَ يقولون لنآ يَ ترجع بيتهآ آلنآس وش بتقول عنآ
شيخه تنهدت لمى سمعت كلامهآ وبدآخلهآ : آلله يعينك يَ نوف
لميآء نزلت ودخلت الصاله : شيوخ
شيخه : هلا .. طلعت من الصآله
لميآء : نآيف صحى
شيخه : كآن جبتيه معك
لميآء : آلست سمر رفضت
شيخه رفعت طرف جلابيتهآ وطلعت من الصآله
لميآء جلست جنب آم مطر وطيرت عيونهآ لمى سمعت كلامهآ
آم مطر : آيه بكلمه وش فيهآ .. وآلا آقولتس سعود موجود هو
بيكلمه .. تعآلي آلعصر موتنسين
لميآء لفت وجههآ لهآ لمى سكرت آلتليفون : خآلتي
آم مطر : وش عندتس آنتي بعد
لميآء : آول شيء هدي
آم مطر : آنتن بنآت مدلعآت مَ ينعرف لكن
لاخطيب تقبلنه ولا زوج تبنه
لميآء : هه آللحين وش دخل ذي بذي
آم مطر : وآنآ عند ربي صآدقه .. آحد يرفض رجال مثل مشعل
ضآبط ومثقف < قالتهآ بطريقه تضحك >
لميآء كتمت ضحكتهآ : خبري نوف آلغلطآنه
آم مطر : كلتسن < كلكن > غلطآنآت ومَ تنعطن وجه
لميآء : آييه طلعي طلعي اللي بقلبك .
آم مطر : آلشرهه على سعود هو آللي كبر روسكن
لميآء : خآلتي لاتقولين هآلكلام عنده
آم مطر : آللحين هآلخبله زوجهآ يجي يكلمهآ تقوم
تطرده
لميآء : هي مَ طردته
آم مطر : آجل ليه طلع حتى بدون مَ يشرب شيء
لميآء : وآنآ آيش عرفني
آم مطر : مَ دآمتس مَ تعرفين شيء ليه نآشبه لي يله قومي روحي عني .. شوفي القهوه بدل هآلخدم آللي طبخهم يسد آلنفس
لميآء وقفت وبضيق : طيب .. مشت عنهآ : آففففف
آم مطر : وجع يوجع آلعدو .. آلظآهر بكسر عصآتي عليكن
فوق ..
طلعت من الغرفه بعد مَ نومت مشآري
لفت وجههآ لغرفه لميآء لمى سمعت كلام شيخه وسمر
تنهدت وعرفت آنهم آكيد تكلموآ عنهآ..
شغلت التلفزيون وجلست
رفعت آلريموت ودآرت بين هآلقنوآت بشرود
سآره مشت لهآ وهي كآتمه ضحكتهآ : يَ قو قلبك آحد يترك هآلمزيون
نوف رفعت رآسهآ لهآ : آسكتي آحسن لك
سآره : آلمفروض مَ تخلينه بعد مَ عزك ورزك ونظفك
نوف وقفت وصرت ع ضروسهآ : آسكتي
سآره : ليه مَ تبينهم يسمعون
... مَ تبينهم يعرفون حقيقتك .. آصحي يَ حلوه ولاتخلين الفلوس تنسيك حقيقتك
نوف : آنتي تمآديتي كثير يَ سآره
سآره بهدوء يقهر : لا وآلله
نوف : بعدي عني وعن ولدي احسن لك
سآره : ليه وش بتسوين
نوف : صدقيني بخليك تندمين
سآره : هههههه آنتي يَ آللقيطه تقولين كذآ
نوف مدت يدهآ وضربتهآ كف
سآره فتحت فمهآ بذهول ويدهآ ع خدهآ
نوف : وآلله آذآ قلتي هآلكلمه من جديد لهدم هالبيت على رآسك
سآره بصرآخ : آنتي تضربيني .. آنتي تمدين يدك علي آنــــــــــــــــــــــآ
نوف : هذآ آقل شيء آسويه لوحده زيك
سمر وشيخه طلعوآ من آلغرفه
شيخه : وش فيه
سمر : آنتي وش تبين فيهآ
سآره دفت نوف : وآلله .. ثم وآلله لتندمين
شيخه : خلاص عآد روحي عنآ
سآره : بتندمون كلكم بتندمون
دخلت غرفتهآ وسكرت آلبآب بقووه
شيخه : مَ عليك منهآ مَ تقدر آلا على آلكلام
سمر بهمس : ليه ضربتيهآ
نوف حطت عينهآ بعينهآ : تستآهل آللي جآهآ
نزلت تحت ..
شيخه : آلله يأخذهآ هآلسآره مدري متى بتحس
جــــــدهـ
آم خآلد : مو تروح البيت تريح ترآ آعرفك .. آيه تعآل
.. آبوك يسلم عليك .. زين يمه مع السلامه
.. سكرت ونزلت الجوآل
آبو خآلد : آرتحتي
آم خآلد : آييه
آبو خآلد : قلت لك آنه بيجي بكره يعني لازم تتأكدين
آم خآلد : آشتقت لصوته
آبو خآلد : بكره بتشوفينه وتشبعين منه
ام خآلد : آن شآء الله .. عآد آنآ قلت له يجينآ آول مَ يوصل
آبو خآلد : وليه مَ تخلينهم يروحون بيتهم يريحون
آم خآلد : بعد
آبوخآلد : آلله يهديك آلله يهديك
آم خآلد : ليه شآيفني مجنونه
آبو خآلد : يَ مره خآفي آلله آلبنت متربيه وولدنآ معهآ مرتآح
آم خآلد لفت وجههآ له
آبو خآلد : تذكرين آمي الله يرحمهآ وش كآنت تسوي فيك
هذآ آنتي تسوين زيهآ .. وآلبنت سآكته وصآبره
وآلله آنك لو تلفين آلكون كله مَ تلقين زيهآ
وفوق كذآ خآلد مرتآح معهآ
آم خآلد : وآلعيآل
آبو خآلد : هم مَ يبون آللحين تبيني آروح وآغصبهم
آم خآلد بلعت ريقهآ وآشآحت وجههآ عنه
آبو خآلد : آحمدي ربك يَ آم خآلد ربي عطآك كنه لاتودي ولاتجيب
مو مثل بنآت هآلوقت آللي آلوحده لسآنهآ يلوط آذآنهآ لاتقدر ولاتحشم آحد
آم خآلد : آكيد بتسكت عندي وعنده بتطلع عيوبي كلهآ
آبو خآلد : لاتظلمينهآ .. آلبنت مَ يمر يوم آلا وهي دآقه عليك
شآيلتك فوق رآسهآ .. خآفي ربك بهاليتيمه بدل مَ تكونين زي آمهآ
تقومين تقسين عليهآ ..
آللي قويت آلهجر متى عيني تلمحك
تعب خلك يلملم بقآيآ عطرك من ثيآبك
نزلت آلجوآل بعد مَ قرت آلرسآله ..
ورفعت عيونهآ لسمر لمى دخلت
آبتسمت بوجههآ وجلست مقآبلهآ : ممكن نتكلم
نوف : مآلي نفس
سمر : معليه عشآني
نوف بتنهيده : عن وش بتتكلمين
سمر : آنتي عآرفه
نوف : سمر
سمر : لا .. بنتكلم .. آنتي لازم تلقين حل
قبل مَ يجتمعون عليك وسآعتهآ بتكبر
نوف : من تقصدين
سمر : خآلتي .. سعود عمتي .. كلهم يبون يعرفون
نوف نزلت رآسهآ ..
سمر وقفت وجلست جنبهآ : آسمعيني للاخر وفكري بكلامي زين
نوف لفت وجههآ لهآ
سمر : مَ رآح تخسرين شيء .. آسمعيني وفكري
نوف : طيب هآتي آللي عندك
سمر بلعت ريقهآ : آنآ آدري آنك مصدومه منه وهذآ شيء محد يقدر يلومك عليه .. بس حتى آنتي مخبيه عنه شيء مهم
آنآ مَ جيت عشآن آقلب موآجعك
نوف : فهمت قصدك .. آنتي تبيني آسآمحه لاني ببسآطه زيه
سمر بجديه : نوف ... آنتي معه كنتي سعيده ولاول مره
خلاص آرمي كل شيء ورآ ظهرك .. ترى آلسعآده
مو كل آنسآن يعيشهآ
نوف : مَ جآوبتيني تبيني آرجع
سمر بمقآطعه : لا .. آنآ قصدي آنه مَ فيه آنسآن كآمل
هو غلط بس تغير للاحسن وآلكل يعرف هالشيء
لاتحآسبينه على مآضي هو آنهآه وصلحه
شوفيه ع كثر آلفلوس آللي عنده آلا آنه من بيته لشغله
نوف بمقآطعه :: خلاص تكفين رآسي يوجعني من كثر آلكلام بنفس آلموضوع
رآقبت سمر لمى وقفت وطلعت
رجعت ظهرهآ وتمددت ع ظهرهآ
غمضت عيونهآ وآنسآبت دموعهآ
تمسكت بالجوآل بقهر ..
رمته ع آلسرير وآسرعت للتسريحه
حطت يدهآ ع خدهآ وعيونهآ تتأمل مكآن آلكف
لفت وجههآ ع آلبآب لمى فتحه ودخل
مَ آعطآهآ آي آهميه
وجلس
مشت له ووقفت قدآمه
سعود : خير
آشرت ع خدهآ : شوف
سعود : وش آشوف
سآره بعصبيه : شووف آللقيطه وش سوووت
وقف وهزهآ بقوه : مَ قلت لك لاتقولييييين هالكلمه
ضربته على صدره : لا بقولهآ
دفهآ :آجل تسآهلين مَ جآك .. آلله يحرم يدهآ من االنآر
طلع من الغرفه
قوت من قبضتهآ
وبدآخلهآ : آنتم آللي جنيتوآ على آعمآركم ..
صبآح آليوم آلثآني ..
نزل تحت بسرعه
وبعصبيه : آنت وش سووويييييييت
لف عليه بخوف
آسرع له ومسكه مع يآققته وبصرخه : ليه تسووي كذآ ليه تخرب
آللي سويته ليييه
دفه عنه : وش فيك آنت آنهبلت عن وش تتكلم
الفيصل : ريهآم
خآلد : آنآ مَ سويت شيء عشآن تعصب
الفيصل طير عيونه فيه : كل هذآ وتقول مَ سويت شيء
خآلد بحده : لا تصآرخ .. آنآ صلحت غلطك
الفيصل : آنت آصلا دآيمآ كذآ ..
خآلد : آنت آنتقمت منهآ وآنتهى آلموضوع
آلفيصل : لا مَ آنتهى .. ريهآم ومآزن
آنت ليه تسوي كذآ يَ خآلد .. تحس آنك رجآل يعني آذآ سآعدتهم
خآلد كآن مصدوم من كلامه وش دخل مآزن ..
الفيصل : ليه آنصدمت .. تتوقع آني مَ رآح آعرف
خآلد شآل آلشنطه ومشى للبآب
آلفيصل لف عليه : بتهرب
خآلد : مَ آبي آقول شيء آندم عليه .. طلع وسكر آلبآب
الفيصل : خلــــهم ينفعونك يَ خويلد
تعلقت عيونهآ بيد مشآري آلصغيره
آللي كآنت مآسكتهآ
طول آلليل م ً نآمت .. كلام سمر رغم قسوته
آلا آنه صحيح ..
تنهدت وصحت من شرودهآ
نزلت رآسهآ وبآست يده ..
مررت يدهآ ع خدهآ وع محيآهآ طيف آبتسآمه
فتحت جوآلهآ وقرت رسآلته للمره
آلالف ..
[ يَ ليتني آنآ آللي طلبت منك ذآك آلوعد ]
غمضت عيونهآ للحظه ..
رجعت فتحتهآ وكآن كل شيء على حآله
عكس مَ تمنت
نزلت آلجوآل ومشت بتعب وآرهآق للنآفذه
وقفت عندهآ ..
[ نوف ]
آآآآه آتمنى لو آني آرحل
لعآلم مَ فيه لا مآضي ولامستقبل
ولا شيء .. آآآه بس آعيش يومي بلا هموم
صورته مَ فآرقت خيآلي
شلون آلانسآن آللي حبيته ووثقت فيه
يطلع بهالشكل
< تعلقت عيونهآ بالشجربشرود >
وآنتي يَ نوف .. يَ لقيطه
بآيش تختلفين عنه . هو حبك وآخفى هآلشيء
لكن آنتي لمتى بتخفينه
آآآآآه تعبت آتخيل رده فعله آذآ عرف بحقيقتي ..
لميآء طقت آلبآب ودخلت : متى صحيتي !!!
نوف مشت للبآب : سمر مشت
لميآء : آللحين بتمشي .. يله تعآلي
بعد آلغدآء ..
هيآء : لو دريت كآن مَ جيت
لميآء : ليه عمتي
هيآء :جبتوآ لي آلضيق
نوف : ههههه
هيآء : خصوصآ خآلتي
آم مطر : سمر ملح آلبيت .. آآآه آلله يوفقهآ
هيآء : عاد آنتي آم دميعه مَ تصدقين شيء يصير على طول تبكين
آم مطر : مَ تلاحظين آنتس آخذتي رآحتس
آلكل : ههههههههه
دخل سعود وهو شآيل نآيف ..
وقفت وآخذته منه بسرعه : ليه صحيته
سعود شآل مشآري : مهو آنآ
لميآء : هههههه لايكون مشآري
مشآري : لا
آلكل : هههههههه
سعود : آلا آنت
بكى ونزله .. مشى لنوف
نوف : حرآم عليك ظلمته هو مَ يسوي هآلحركآت
سعود : آنآ شفته بعيوني وهو يضربه على رجله
نوف : يمه شلون صعد لسريركم
شيخه : ههههه مدري عن ولدك
نوف : مَ عليك منهم حبيبي .. وآذآ تبي توطى ببطنه
آم مطر : لا عآد كلش آلا نآيف
لميآء : ههههههه على طول نسيتي ميشو
آم مطر : ميشو .. آنآ آقول مَ خربه آلا هآلدلع
نوف : آحم .. سعود من بيوصلني شوي
هيآء : وين بتروحين ..؟؟؟
رتبت آغرآضهآ كلهآ ..
ورجعت تدور مره ثآنيه .. خآيفه تكون نست شيء
رفعت عيونهآ ودآرت بالغرفه
[ سآره ]
كآن آلمفروض من زمآن آفكر بهالشيء
تعبت ومليت وآنآ صآبره على هآلعيشه
ههههه بنشوف يَ نوف
وش بتقولين له ..ههههههه
جنآ : تكفى تكفى تكفى
آبوآلوليد : حرآم عليك شفهآ تترجآك
آلوليد : هههههه تحمست للعرس
عبدالعزيز : يبه وش رأيك
آلوليد : آنت تبيهآ وآلآ لا
آبوالوليد : توكل على آلله وخلني آخطبهآ لك
لف وجهه لهم وآبتسم ع آبتسآمتهم له
آبوآلوليد : هآه وش قلت
عبدالعزيز بآبتسآمه : طيب
آلوليد : يعني تبيهآ
عبدالعزيز : آيه
جنآ صفقت من آلحمآس : يـــــــــس ..
آبوآلوليد + الوليد : ههههههههه
عبدالعزيز :اخاف ترفض
جنآ : لا مَ عليك مَ رآح ترفض
عبدالعزيز : ههههههه وآثقه
آبوآلوليد : بتصير عديل عمك
آلوليد : آن شآء الله
جنآ : بروح آقول لامي وعمتي .. وقفت وتمسكت بالعكآزه
آبوآلوليد : آنتبهي لاتطيحين
جنآ : هههههه لاتخآف
السآعه 5 وشوي ..
نزلت وشآلت مشآري ..
سعود : زين آنه موجود < الفيصل >
نوف بعدت عيونهآ عن سيآرته ..
فتح شنطه آلسيآره ونزل شنطتهآ
مشى لهآ : وش تنتظرين يله آدخلي
بلعت ريقهآ ومشت للدرج .. صعدت
ونزلت مشآري .. مسكت يده
ومشت لقدآم خطوتين ..
دفت آلبآب بتعجب لمى شآفته مفتوح
لفت وجههآ لسعود ..
سعود : آدخلي ..
دخلت وتركت يد مشآري لمى دخل ..
رفعت عيونهآ للدرج ..
نزلت غطآهآ ورجعت شعرهآ ورى آذنهآ
سعود : وينه
نوف لفت عليه : مدري .. يمكن بمكتبه
لفت وجههآ بسرعه لمى سمعت مشآري
يقول : بآبآ
لحقته للصآله وشآفته
لحقهآ سعود
عقدت حوآجبهآ فيه شيء غريب
وآلاغرب نظرآته لهآ
سعود : السلام عليكم
الفيصل بهدوء غريب : وعليكم السلام
لفت وجههآ لسعود لمى حسته مستغرب زيهآ
سعود : شلونك آبو مشآري
الفيصل : بخير
سعود : عسى مَ شر فيك شيء
الفيصل مشى لهم ومشآري ورآه
دق قلبهآ بقوه لمى قرب منهم
سكرت فمهآ وبلعت ريقهآ بصعوبه
وكأنهآ حآسه باللي بيصير
سعود : آبو مشآري وش فيك
الفيصل طلع جوآله من جيبه .. تعلقت عيونه فيه : آليوم
وحده كلمتني
نوف مَ قدرت تبعد عيونهآ عنه لمى تكلم
تجمدت بمكآنهآ لمى قال وحده ..
رفع عيونه لهم : تقول لي زوجتك لقيطه
المخرج /
آه يَ طول المسآفه بين آحسآسي وصوتي
مآهو غريب .. آني آسألك
وآنتي آنآ .. كيف آوصلك ...؟
لا مستحيل هذآ آلرحــــــيل
من يقطع الصمت الطويل
ويدلنـــــــــــــــــي ..
قصيدتي .. وين آلحروف .. جف القلم
يَ ضآيعه .. ببرد آلكفوف .. رعشه الم
قصيدتي آلا آلندم .. آلآ آلندم
بتسآفرين .. وآنتي معي ..
وبترجعين .. وآنتي معي ..
قصيدتي .. لاتسمعي .. غيري قصيد
يَ سآكنه آفـ ورق آلحشآ .. وحبر آلوريد
|
06-07-12, 11:49 AM
جديد مواضيع قسم القصص المكتمله
العرض العادي
