ياخرافي يامشبع بالجنون قلي لامن رحت وش يبقى هنا

بدايه موفقه حلوه الفكره لا تحطمين عشان مافيه ردود
كملي وبنتظار البارت القادم

كسر خاطري عبدالعزيز يزوجونه غصب هههههههه
بس يستاهل ليش يزقر ماحب اللي يزقرون

موفقه يالغلا

مرحباا فيك
مكمله للنهايه إن شاء الله ..
* هههههههه راقبي الي بيحصل له قريب <
منورهه ؛

البارت الثآني #


فـ بيت أبو عبدالعزيز *

كلهم في دوشه كبيره .. يجهزون لملكة وشبكة وزوااج !!
عبدالعزيز .. لآنه استعجلهم ويبي يخلص الموضوع بسسرعه وكله مره وحده .. وهذا شرطه الوحيد .. طبعآ وافقوآ !!
لآنه رجال ومايتعوض .. " ويبون يزوجونه بأي طريقه "
...
عمال داخله طالعه يغيروا فـديكور البيت .. تعديل كامل وشامل .. لأن التجمع عندهم .. قبل مايروحون للقصر
ب أول الدرج كان وليد يصرخ .. : ديماااا ديمااا
ديما : طيب طيب
وليد : نادي اختك وبسرعه وإلا والله بمشي بسرعه
ملاك : جينا جينا لآتروح
وليد : واحد ثنين خمسسه

> ملاك وديما ركض بالدرج ثواااني
ديما : وي وي وي
ملاك : تغطي
وليد معصب : وجع وججججع فيه رجال هنا تغطي انتي وياهاااا الله يقلع شيطااانكم
عبدالعزيز قرب وصقع وليد : هيه شفيك شآآب ضوو ؟
وليد يأشر عليهم : خواتك !!
عبدالعزيز : تعالوا ياابوي اوديكم انا
ملاك : جد ؟
عبدالعزيز : ايه يالله قدااامي
ديما نزلت ركض : حبيبي انت
وليد يطالعهم برفعه حاجب : قلت الحين؟؟
ملاك تمد لسانها له : ماأحبك !
وليد شد شعرها بقووه : ششنو قلتتتتي
ديما مسكت يد وليد : هييييييييي فكهاااا يامعفننننن
وليد : لما تسحب كلمممتها
ملاك : آآآآآآآآآآآيييي وخرر ياشششرير عزيز شووووووفه
ديما لفت عليه : عبدالعزيز
عبدالعزيز مسك يد وليد وفكها بقوه : بلآ بزرنه ( ومسك يد ملاك وشدها ) يلآ لآزم نخلص بسرعه !!
ملاك تمسح دمعتها لآنه قطع شعرها : أكككككرهكك
وليد : انا اللي ميت عليك

> سبقهم وطلع .. وطلعوا وراه على السياره وبعدها على المول .. يشترون لـ مناسبه عبدالعزيز ؛
وملاك مالها نفس وكانت بتطلع بدون لاتشتري شي .. بس غصبها عبدالعزيز على فستان عجبه وعلى حسابه بعد ..!!


يوم الشبكه والملكه والزواج *

الكل كآشخ آآآخر كشخه .. وعبدالعزيز كان كاشخ للأخر بس موده عادي جدا ولآكأنه بيتزوج اليوم ..
ماشاف بيت عمه عبدالله كيف ؟؟


***
رهف : لآياماما معفن .!! مرا شكلي خطاأ ( وجلست على الكرسي تصيح من التوتر )
ام فهد : ياروحي والله شكلك حلو .. والله حلو ليه مو مقتنعه ...

( رهف تهز رأسها بلآ
فيصل طق الباب ودخل الغرفه وشافها تبكي : أووه من زعل عروستنا
رهف وقفت بسرعه وقالت بين دموعها : موحلو صح ؟
فيصل منبهر : تجنني !!!

( كانت لابسه فستان عنابي وسكري .. قصير وماسك على جسمها .. ومررا رايق .. مع كعب عالي سكري .. وتاركه شعرها الي الى آخر ظهرها وبني .. وملففه بعض الخصل .. طالع مع الفستان جنااااان ..)

رهف : تكذب
فيصل : وربي مابكذب طالعه تجنني بسم الله عليكي وبعد رآح تغيري هالفستان وبتلبسي الفستان الأبيض بتطلعي ملآك
رهف توردت خدودها : لاتجامل .!
فيصل قرب منها ومسح دمعتها : ماأجامل .. يله أمسحي دموعك وكملي مكياجك .. ولآتكثري بساطتك حلوه .!
رهف تنهدت : طيب .. :$

***

منسجم وهو يعدل الشماغ دخل عليه ثامر
وهو يرقص : تشوووقني الخيزرااااانه بين جمع الصفوف
مشعل: هههههههههه الحمدلله والشكر
ثامر : ياعاقل ياانتا .. شعندك كاشخ
مشعل لف عليه : مو أكثر منك !!
ثامر تنهد بقوه : آبي اشوف الحب .. ياوويل حالي منها
مشعل : ميمي ؟
ثامر دفه : اسسسستحي على دمك
مشعل عصب : يقلع شكلك سااعه اعدل بالشماغ .!!!
ثامرطالع من الغرفه : هذا الي يحكي عن محارمنا ..
قله حيآ ..

***

بالقاآعه #
كانت حييييييييل مزحووومه .. والبنات اشكال والوان ..

.. ملآك " كانت لابسه فستان اسود قصير ومآسك على جسمها وكله شك بسيط وكعب أحمر ومكيآجها بالحيل هادي لكن ميزها الروج ألاحمر الفاااااقع ..

.. ديما " لآبسه فستان اورنج قصير للركبه .. ومكياجها خوخي ..
ورزان اخت رهف " لآبسه فستان تركواز مآسك الى الخصر وبعدها منفوش وقصير ..

أما شيما " فكانت لابسه فستان آسود طووويل لأول مره .. وفيه نقش أحمر ؛ على قولتها : التغيير حلو !

.. أشكالهم سنبل وكيوت كلهم كلهم .. كل وحده تقول الزين عندي ..


ملك عليها ببيتهم .. اما الشبكه كانت بالقصر .. الكل كان عندها بالغرفه .. لبسها وأكلوا قطعه بسيطه من الكيكه .. والوضع كان ماشي اوك .. وأكثر من رومانسي بينهم
...
طلعوا أهلهم من الغرفه . . وقآمت رهف تغير فستانها وتلبس الفستان الأبيض .. " بمساعده البنات " خلصت ورجعت جلست بالكنبه جمبه
عبدالعزيز رجع تسند على الكنبه تنهد وزفرها بقوووه
وهي زاد توترها .. وجالسه على طرف الكنبه .. ! وتمسك بيدينها بقوه ..
عبدالعزيز طالعها ببرود : شفيك ؟
رهف منزله راسها وبصوت بالعافيه ينسمع : هـآ ! مافي !
عبدالعزيز بأبتسامه : خايفه مني ؟
رهف توردت خدوها : شوي
عبدالعزيز ضحك بصوت عالي : ههههههههههههههههههههههههههههههههه

( رهف ماتدري وين تروح !! ووجهها يزيد حمره .!!
عبدالعزيز حس على دمه وسكت .. شوي قال : أممم متى الزفه ؟
رهف : متى ماتبغى
عبدالعزيز : ماينفع نعجل فيها .. وراي موعد مهم

(رهف حزت بخاطرها ! موعد أهم من هاليوم .. سكتت شوي وقامت أخذت جوالها من الطاوله وكلمت أمها بصوت وووواطي
وعبدالعزيز يطالع فيها من فوق لتحت .. أعجبه شكلها مررره بس ماحب يقول شي ..!
رجعت مكانها بس واقفه .. وتطالع بالأرض : الزفه الحين ..
عبدالعزيز وقف .. ويعدل شماغه بالمرايه ورهف تطالع بالارض ولآقدرت ترفع عينها عليه .. اخذ منديل ومسح نظارته ولبسهآ ..
عبدالعزيز يمد يده لها : جاهزه ..
(رهف تهز راسها بالإيجاب )
عبدالعزيز قرب منها ورفع خصله من شعرها كانت نازله على عينها وحطها خلف أذنها : كذا أحلى
رهف استحت .. مسك يدها وطلعوا من الغرفه .. وقفوا بأول الدرج .. وبدت الزفه ه

؛/
عند البنات :
شيما : شوفيها طالعه تجنن
ملاك دمعت عينها : الله يهنيهم ..
البنات : آممممممين

> أنتهت الزفه واليوم عدا على خير وعبدالعزيز حاول يطلع طبيعي واكثر من طبيعي بعد .. أتفق معاها أنها تجلس عند أهلها الليله .. وبيرجع يآخذها بكره على المطار .


***
ف بيت ابو فهد .. #

فهد : والله اليوم ماشاء الله ماشي كويس وكان كل شي مرتب جدا .. آحم ؟
رهف ؟؟ احاكي عمري انا .. يآهوووه
رهف فزت : هآ !!!
فيصل : هههههههههههههههههههه دحين عزيز جايبك هنا عشان تجلسي معانا بعقلك وكلك .. مو انتي هنا وعقلك الله العاالم فيه
رهف بخجل : ههههههههه
فهد بضحكه : حررام عليك شوف وجهها .. خف على اختك
فيصل ويده على خده : رووفه حبيبي .. شرايك بعبدالعزيز ؟
رهف : مالك دخل
فيصل : ههههههههههههههههههههههه شف شف !! انا الي مالي دخل دحين
رهف قامت : يوووه الواحد مايجلس معاكم .. بروح انام باي
فهد وفيصل : هههههههههههههههههههههههههههههههه
فيصل بصوت عالي : نوم العوآآآآفي وفكري فيه هآ هههههههههههههه
( رهف رجعت عليه ركض وصارت تضرب فيه بالمخده وهو يضحك .)

***
اما من ناحيه عبدالعزيز ..

عبدالعزيز : وش أسوي انا الحين !!
نواف : فأيش ؟
عبدالعزيز : برهف !
نواف ببرود : الموضوع خاالص
عبدالعزيز : كيف ؟
نواف لف عليه : ياحبيبي انت تزوجتها ..! خلاص ياابوي راحت عليك
عبدالعزيز تنرفز : وشفيك تحكي ألغاز انت !
نواف : اقصد ان مالك امل تتراجع .. البنت بذمتك .. وزوجتك .. بتطلق ؟؟ منت مطلق .. فـــ ريح بالك ونم وراك حفله بكره
عبدالعزيز بصراخ : وش أسوووووي فيها كيف اتعامل معاهااااا .!!! يااخي انت تعرف مالي خبره بهالأمور ابدا
نواف : مع الأيام بتتعلم

***

يوم الجمعه العصر ... / طلع من البيت متجهه لبيت عمه ابو فهد .. الشمس خفيفه اليوم ..
تسند على مرتبه السياره .. وسحب نظارته من عينه ومسحها ..
رفع راسه إلا نفس العيون ونفس الورد .. ونفس البنت قبآله .!
فتح القزازه بسرعه : هلآ
نوف : تشتري ؟
عبدالعزيز : كلهاااا
نوف بصدمه : إيش ؟
عبدالعزيز بأبتسامه على جنب : ابيها كلها

نوف بصوت واطي : هذا بيضيع رزقي كله
عبدالعزيز بنفس النبره : انا الي ضعت !
نوف رفعت راسها بسرعه : الحبه بعشره ؛
عبدالعزيز : أبيها بخمسين
نوف بصدمه : خمسين ؟؟
عبدالعزيز يفتح بوكه : ايوه خمسين على الحبه الوحده .. بسرعه قبل لآتفتح الاشاره
( وجلس يسحب منها ورده ورده لمآ خلصت الي معاها كلها ..
سلمها الفلوس .. وأبتسم لها برضآ .. ومشآ ..

سرعت بخطواتها على الرصيف .. وتأملت بسيارته وفيه وهو يحط الورد بالمرتبه الي ورا رفع عينه وطالع فيها .. نزلت راسها ومشت

***
دخلت البيت وبالها سارح بعيد
نوف : يمممممه .. أممممي !
ام بدر طلعت من الغرفه : وش فيك يابنت خوفتتيني ؟؟
(.. نوف طلعت الفلوس وحطتها بيد أمها )
ام بدر : إيش هذا يانوف سرقتي مين ؟؟
نوف :هههههههههههههه ماسرقت أحد يمه
ام بدر : اجل من وين لك كل هالفلوووسسس ؟؟
نوف تجلس امها وجلست جمبها : آسمعي .. هذي الفلوس ...................................... ( وحكت السالفه كلها )


***
وقف عند الباب واتصل على فيصل
عبدالعزيز : آلو
فيصل :مرحباااااا بالعريس
عبدالعزيز : مرحبا فيك .. اخبارك ؟
فيصل :خليك مني اخبارك انت من بعد امس
عبدالعزيز : الحمدلله
فيصل :تنصحني اتزوج ؟
عبدالعزيز بسرعه : لآ
فيصل : ههههههههههههههههههههههه لآتسمعك رهف تنهي مستقبلك
عبدالعزيز : آآآخ مابلاني الا هالرهف ..
فيصل : يااااهوووه يالحب
عبدالعزيز : أي حب انت الثاني .. أقول قولها تطلع انا عند الباب
فيصل : ليش ماتخش ؟
عبدالعزيز : لآمايمدينا يافيصل الرحله الساعه 7 .. سلم لي على الكل . وأستعجلها
فيصل : ابشر ..
عبدالعزيز : يالله سلام
...
فيصل لف عليها : رهف .. قومي يالله زوجك عند الباب
رهف شالت جوالها وطالعت فيه : غريبه ؟ ليه مااتصل علي !!
فيصل : مااعرف !! بس قومي بسرعه مافي وقت
رهف تجمعت دموعها بعينها : طيب
فيصل: آشبك ؟؟
(رهف تهز راسها بمافي .. )
فيصل يهزها : أشبك يابت دموع على الفاضي ؟؟
رهف رفعت راسها : بتوحشوني !!
فيصل سحبها لحضنه : ياروحي أنتي
> جلسوا على هالحاله عشر دقايق !!
رهف استوعبت : ابطلع ابطلع لايعصب علي
فيصل يمسح دمعتها : الله يحفظك ؛
( رهف رجعت تبكي )
فيصل : ياااااااااحوبي خلاص ( وبصوت واطي ) وفري دموعك لعزيزك
( رهف تضربه على صدره بحيآ )
فيصل : فديت الطمطمايه !

***

بالسياره .*
عبدالعزيز
" وش اقول ؟ أحكي طبيعي ولا يارب ساعدني !!
ها .. هذي هي جت .. ( خذ نفس ) خلك طبيعي ياولد خلك طبيعي "

رهف فتحت الباب وبصوت واطي : السلآم عليكم ..
عبدالعزيز : وعليكم السلام يالله ياامي بنتأخر
" ياامي ؟؟ وش احس فيه انا ؟؟ "

> رهف ركبت .. والوضع هادي لما وصلوا .. خلصوا اوراقهم سريع سريع
وركبوا الطياره .. كان النظام رهف جمب الشباك .. وعبدالعزيز جمبها .. ؛ أقلعت الطياره ورهف ماسكه بيده بقوه بدون ماتحس
عبدالعزيز رفع عينه وطالعها بأستغراب . هي شالت يدها بسرعه
عبدالعزيز : شفيك ؟
رهف : مافي شي
( عبدالعزيز طالعها بنظره !! )
رهف بخوف : ب استفرغ !
( عبدالعزيز فز بسرعه وراح نادى المضيفه وطلبها كيسس ومويه وباندول وكل شي عندهممممم
رجع ومسك الكيسه لها .. وقربها من فمها والمضيفه ماسكه ظهرها ..
عبدالعزيز بخوف : حاسه بايش
رهف وعينها تدمع : ب ................... ( وصارت تستفرغ !
عبدالعزيز معقد حاجبينه : بسم الله عليك ؛

> عشر دقآيق على هالحاله .. طلع لها كلينكس من شنطة يدها .. ومسح لهآ فمها طآلعت فيه ودمعت عينها ..
عبدالعزيز : ليه البكآ ..
رهف مسحت دمعتها : ولاشي ..

( عبدالعزيز ماحب يضغط عليها .. بس رحمها ! وسحبها لحضنه عشان تنام ؛ لآنها كل مالفت على الشباك تقلب كبدها .. ولا يبغاها تجلس على الطرف ! )
رهف مستغربه : عبدالعزيز فكني !!
( عبدالعزيز مطنشها وسحبها زياده .. رهف سحبت نفسها بعناد وكتفت يدها .. )
عبدالعزيز : بلآ عناد انتي تعبانه نامي يلا (وسحبها لحضنه
رهف تقاوم بس فعصها بقووووه ولا قدرت تتحرك .. حست انها بتتكسر !!
بس حس انها هدت .. آرخى يده عنها وطل في وجهها ولمح عيونها وهي غافيه ..
ابتسم بعطف وسند راسه على المرتبه وغفت عينه .. )

> صحى على صوت مضيفه الطياره تعلن عن وصولهم .. صحى رهف من على صدره ..
وقآل لها : آربطي حزامك وصلنا
رهف تعرك عيونها : هااا .. طيب

***

بيت ابو مشعل #

دخلت شيما للبيت .. كانت رايحه مع السواق وبنات عمانها للمول .. ورجعوا معاها ملاك وديما

ملاك تمسك يد شيما : شوشو وربي مالنا داعي !!
شيما لفت عليها : شنو مالكم داعي ؟؟
ملاك : أمممم يااختي جايين بدون دعوه .. عيب !!
شيما تضربها : إيش الي عيب ناويه تتصفقين انتي
ملاك : هههههههههههه لآمو كذا
ديما : خيتو قصدها ماتبي العيال يشوفونها
شيما : لاماراح يشوفونك لاتخافين ..
ديما : هههههه وانا مالي رب !!
شيما : ههههههههههههههههههه أنتي مثلهم عاااتي مو طآلين فيك اساسا
ملاك : هههههههههههههههه لاعاد الا توأمتي حتاتي
ديما :عاتي فعينك
شيما :شفتي ههههههههههههه
...

طلعوا للغرفه .. جلسوا سهرانين ويسولفون لوقت متأخر ..
.. فجأه سكتوا كانت الساعه 8 ونص الصباح

ملاك تهز شيما : شيمو ..
شيما : هممممم
ملاك : نمتي ؟
شيما : اي نمت
ملاك : ههههه بلا كذب
شيما : ميما شتبغي ابي انوووم تكفين متكسسره حيل
ملاك : ابي موويا
شيما : تدلي المطبخ ؟
ملاك تتخصر : شرايك يعني
شيما تأشر على الباب : روحي ههههههه
ملاك : اووووف على الي مايفهمون ابيك معاي ! اخاف
شيما : مالك أمل .. لو أنتظرتيني بتموتين عطش
ملاك : أووووووووف منك .. وخري بنزل
شيما تتريق : هههههههههههههههههههه خذي معاك جلال ..
ملاك : من بيكون صاحي الحين يعني ؛ وخري يادوبا مااحبك

> ونزلت !
كانت تمشي حبه حبه بالدرج .. وبيدها جوالها البلاك وتطقطق عليه .. ومنزله راسها
حست بأحد موجود معاها بالصاله .. لفت بسسسرعه !!
ماحصلت أحد .. سمتّ بربي ودخلت المطبخ فتحت اللمبه وأتجهت للثلاجه ..
طلعت علبه المويه وطلعت الكاسه من الدولاب ..
لفت إلا ثامر وراهاا ويتأملها من فوق لتحت
ملاك صرخت : يــــــمااااااااااااااااا > وطيحت الكاسه .. نطت من مكانها من الخرعه إلاها جنبه ..!
بعدت عنه بخوووف وطلعت فوق الكرسي الي جمبها !!
ثامر يضحك على شكلها بقوووه : ههههههههههههههههههههههههههههه آآخ يابطني ههههههههههههههههههههههههههههه
ملاك تتخصر : ليييييش تضحك
ثامر يمسح دموعه من الضحك : ههههههههههههههه هـآ ولاشي !
( ملاك عصبت !!
وهو صد ولف .. ملاك استوعبت وشافت شكلها !! - كانت لابسه قميص أورنج واسع شوي لديما .. وشورت أسود ؛ وتاركه شعرها الطوووييييل البني ناعم ومموج .. )
ثامر بحزم : يلا اطلعي وانا بشيل القزاز ..
ملاك رفعت شعرها بربطه بيدينها : لآ
ثامر لف بسرعه وطالع فيها بنظره وأستوعب ورجع صد : لاتعاندي !! يلا بسرعه فوق فوق
( ملاك رفعت حاجبها وصارت تطالع فيه من ورا .. ثامر حس فيها ولف عليها
ملاك خافت وصارت ترجع على ورا لما حست أنها بتطيح من الكرسي على القزاز .. وهو يقرب منها أكثر ! )
...
ملاك : وخرر
ثامر : ماابي !
ملاك تقلد صوته : لاتعاند بسرعه فوق فوق
ثامر : ههههههههههههههه ماابي
ملاك : يوووووه لاتطالع عمما وخرررررر
...
( ثامر قرب زياده .. وهي شوي وتطيح من الكرسي
ملاك تتعبر بخوف : يعني تبيني أتعور !!
ثامربسرعه : لا !!
ملاك دمعت عينها : طيب وخر
ثامر : ياقلبي ليه تبكييين !!
...
( ملاك غطت وجهها ونزلت خصل من شعرها على وجهها .. ثامر رفعها لها .. وطالع فيها بحنيه .. لمس وجهها الناعم .. دفته بيدها الصغيره !
ثامر أبتسم : طيب بروح .. بس لما أعرف ليه تبكين أول ..؟
ملاك بعد تفكير.. قالت بين شهقاتها : تخووووووف
ثامر : هههههههههههههه انا !!
( ملاك تهز راسها بأيه .. )
ثامر : طيب وش الي بيدي اذا كنت أحبك

( ملاك رفعت راسها بسرعه وطالعت بعيونه .. وعيونها غارقه بدموعها وتشهق بعبراتها
ثامر حن عليها حيل ... ومسح دمعتها بحنيه : لآتبكي ياروحي
ملاك : ثامر !
ثامر * يافديت اسمي على لسانك ياشييييييخه * : لبيه
ملاك : أنا اللي بأروح وخر ..
ثامر ابتسم : طيب .. ( ووخر عن طريقها ..
ملاك ماصدقت وطلعت ركض بالدرج .. وهي يطالع فيها ويضحك !
طلع فوق لغرفته ورمى نفسه على السرير تنهد تنهيده قوويه وعميقه .. وزفرها بشوق .. ثواني غفت عينه ونام ؛ )

بدايه حلوه يعطيك العافيه شوقتينا للنبات القادم والي الامام عزيزتي