روعه شموعه بس البارت قصير واضن عبدالعزيز بيتزوج نوف لانها كاسره خاطره وبيحبها اتوقع ودمتى عزيزتي دوما مبدعه

البارت الخامس ..#





بيت عبد الإله .. على الساعه 2 ونص بالليل ..
دخل مشعل وواصله معاه للآخر .. ويصرخ بأعلى صوته .!

مشعل : وينها هالغبيه وييييينها
ثامر : مشعل شفيك ؟
مشعل : وين أختتتتتتك
ثامر بدون مايطالع فيه : فوق .!

( مشعل رفع ثوبه وركض بالدرج .! ثامر حس ان السالفه قويه لحقه على طوول .!
> دخل عليها وصقع بالباب .. كانت نايمه )
مشعل بصراخ : الله يقلع شكلك ياشييييخه
(شيما قامت مرعوووووبه ويدها على فمها من الخوف )
ثامر : وش فيييييك أنت !
مشعل قرب منها وشد شعرها : غبييييه انتتتتتتتي
ثامر مسك يده : مششعل فكهاااا ماتوووصل

> وشيما تصرخ ويدها على فمها ودمعتها نزلت .!
مشعل : الا توصل .!! سسساعه اغمز وأأشر والله لو ساتي ( الخدامه ) هاللي ماتفهم عربي بتفهمني.!! الجداااار وهو الجدار بيفهم
ومع ذلك بكل وقاحححه تدخلين .!! وتصرخين بعد .! أنتي شفتتتي وششش لابسسسه
وين أودي وجهههي انا وكل ربعي شآفوووووك !
ثامر مسك رآسه ! : جد الي صار ؟؟
( شيما تبكي ولاقدرت تنطق .!! )

مشعل ترك شعرها وضربها كف قووووي : الله يصيييبك .. ! > وطلع من الغرفه بعد ماصقع الباب بالجدار من العصبيه .!!
( ثامر طلع وراه وهو يطالع فيها بصدمه .! )
شيما تبكي : ثامر
( ثامر رفع يده بمعنى لآتحاكيني .!! )

...

من بكرآ .. يوم الإربعاء .. أسبوع المراجعه الأول .. قبل الاختبارات ..

ثامر وآقف عند براده المويه فوق .. ويصب موويه ومسسرح حيييل ! قطع عليه سرحانه صوت شيما

شيما : ثامر ترآ مابروح ..
( ثامر مارد .! )
شيما خنقتها العبره وبان من صوتها : ثامر !
( وهو ببرود لف راسه عليها ..)
شيما : وش فيك علي .!
(ثامر أبتسم بسخريه ..
شيما لفت وتوجهت للغرفه .. بعد مااخذت منديل من الصاله وغطت على عيوونها ..
ثامر أثر فيه بس ماعبرها ونزل تحت .. )

بيت أبو عبدالعزيز .. #

نزلت بثقل .. وعلى كتفها شنطه سودآء .. ولآبسه تنوره سكيني سودآء .. وقميص أورنج وآسع بأكمام كامله > نسيت أقولكم " دخل الشتاء "
ونوآف نازل وراها ..

نواف : أبي أفهم .! ليه لآبسه قميص وليد ؟
ديما ببرود : وأنت شعليك .؟
نواف : لآتنافخين علي ترآ أسحب علييك .!
ديما : لآتكفى تكفى لآتسحب .. بأموت يعني
نواف : طيب طيب > وطلع من الباب ولآ أنتظرها ..
ديما بصراخ : نووووواف ووويييين .. ياخيييي تعااااال امززززح .!!
نوووووووووووووواف
> وسحب عليها .!!
ديما دخلت المكتب على ابوها ومولعه نااار : باباااا ششوف ولدك
ابوعبدالعزيز فز : الناس تقول صباح الخير ..!! خوفتيني
ديما نزلت راسها : آسفه .!
ابو عبدالعزيز قآم من مكانه .. وقرب باس راسها : سمي ياابوي
ديما رفعت راسها : بابا نوآف راح وتركني .! (خنقتها العبره ) ولو مارحت اليوم بيعطيني الدكتور حرمان من الأختبار .!!
ابو عبدالعزيز : مايستحي على وجهه
ديما : شفت
ابوعبدالعزيز : لآتزعلين روحك ياابوي انا أوديك ..
ديما : بابا بس أنت مافيك ..
ابو عبدالعزيز : عشان خاطرك ..
ديما ضمته وباست راسه ويده : ربي لايحرمني منك يااجمل شي بدنيتي
ابو عبدالعزيز : ولامنك يانور عيني
...
دخل عليهم عبدالعزيز : شعليك شعليييك يادلوعه بابا
(ديما ضربته بالشنطه على طول )
عبدالعزيز : يممممه قطوووه .!
ابو عبدالعزيز : هههههههههههه سم ياولدي بغيت شي
عبدالعزيز يقلد صوت ديما : أي يابابا نواف عصب علي إهئ إهئ وصحآني من النوم ومشى عني !
ديما عصبت : عزززيز
عبدالعزيز وأبوه : هههههههههههههههههههههههههههههههههههههه
عبدالعزيز قرص خدها بخفيف : أمزح معاك ياقمر ..
ديما أستحت .. : طيب خلاص
عبدالعزيز استغل الموقف مايشوفها مستحيه كثير .. وصار يقرص بطنها : والله أمزح معاك واالله والله
ديما تبعد يده : طيب طيييييب
عبدالعزيز :ههههههههههههههههههه
ابوعبدالعزيز : يله ياابوي عشان ماتتأخرين زياده ..
عبدالعزيز: وين رايحين
ابو عبدالعزيز : بوصلها للجامعه ..
عبدالعزيز مسك يدها : أنا أوصلها على طريقي .. انت ارتاح يبه
ابو عبدالعزيز : خلها انا اوديها ..
عبدالعزيز : والله مايصير مايوديها الا انا حلفت ..
ابو عبدالعزيز : الله يهديك خلني متحمس
عبدالعزيز جلس أبوه : أنت ريح يالغالي وخل هالاشياء علينا .. يله ديما ..
ديما : وه لهالدرجه تحبووووني
عبدالعزيز : أقول أهجدي لاأسحب عليك
ديما تعقدت : لا خلاص والله والله بسكت بس ودني يرحم والديك
عبدالعزيز : هههههههههههههههههههه يله

....> طلعوآ من المكتب على نزله رهف من فوق ..
عبدالعزيز طلع عيونه وقرب منها بسرعه : رهف وش منزلك ..!!!
رهف بخوف : كنت بأطمن عليك نزلت بدون ماتقولي
عبدالعزيز يطالع بديما الي تحاول انها ماتطالع فيهم وقآل بصوت واطي : ياعيوني انتي .. يله اطلعي فوق لايجي واحد من اخواني ويشوفك ...
رهف تتدلع : ليه تغار عليا .!
عبدالعزيز : اغااار على الي خلفوووك بعد
رهف بحيا : هههههههههه طيب بطلع ..
> مسكها عبدالعزيز من يدها ..
و يأشر على خده ..
رهف طلعت عينها : عيب .!
عبدالعزيز : هههههههههه وش الي عيب يله ولا ماني رايح ..!!
رهف أستحت : مو قدام ديما
عبدالعزيز يهز رآسه بزعل .. : يله عااد
رهف شدت ثوبه وبآسته على خده بوسه خفيفه .. ورجعت مكانها ومجمعه يدينها بحيا .. !
عبدالعزيز : آموووت أنااا ..
...
ديما طفشت : ياااااااارب يخلصووون
( عبدالعزيز لف عليها ولحقها بعد مالآحظ الاحراج على وجهه رهف)
ديما تركض : هههههههههههههههه يااخي وربي ماصاارت ماراح تطير البنت
عبدالعزيز يضربها بالمخده : وجع عيييب يابنت يله قدامي برااا

ديما طلعت بسسرعه .. ورجع عبدالعزيز لرهف : توصين شي ياروحي .. ؟
رهف : سلامه روحك .. أنتبه على نفسك
عبدالعزيز يأشر على عينه : من عيوني
رهف : تسلم عنونك ..
عبدالعزيز يضربها على كتفها : يله اطلعي فوق .. يله
رهف تبتسم : طيب ..
> ابتسم لها وطلع يكمل على ديما هههههههه

***
بعد مرور شهرين على الاحداث .. خلصت الاختبارات .. والكل نجح الا البعض .. وبدأت الاجازه بعز البرد .. طبعـآ مايحلى البرد الا بالمخيمات .. وشخصياتنا هنا عندهم مخيم كامل متكامل .. وطالعين فيه ..

..
بقسم الشباب .. / الساعه 8 المساء

مشعل يكلم : أنس يااخي وينك ..
أنس : ياابوي جاي بس ضيعتكم شوي ..
مشعل : أطلع لك على الشارع ؟؟
انس : تسوي خير
مشعل :هههههههههههه جايك .. أنتظرني عند المحطه .. الي بعد اللفه ايه .. يله حياك ..
شباب انا رايح اشوف انس .. نآقصكم شي اجيبه ؟
فيصل كان عند الحطب : جب شويه حطب ماأظن بيكفي للفجر
مشعل : ابشر ..

***
بقسم البنات شغالين رقص "

شيما : لاياوسخه شغلي هذي .. اي خليييييها ابييييها
> وقامت ترقص عليها ..
( اغنيه ضميتهأ بقلبي إلك .. لأحمد العراقي )
وهـآت هز ..
ودخلت معاها ديما .. ورقص ديما وشيما لايعلى عليهم .
كأنت بنت خاله رهف حاضره معاهم ..
دقتها ..

نور : رووفه من هذي ؟
رهف : اي ؟ الي لابسه أسود ؟
نور : اي اي
رهف : هذي ديما بنت عمي محمد
نور : رقصها يخقق يابت شوفي كيف تعمل بكتوفها
رهف : هههههههههههههه آدري ..

ملاك جت متحمسه : بنننننننننننات
كلهم لفوآ عليها
ملاك : العيييال ججابوا الدبابات بسسرعه يلا
( وكلهم راحوا لبسوا جاكيتات .. و تلثموا .. وكل وحده بجنزها )
...
طلعوا وصراخ على العيال ..
ملاك :14 ياوليييد ..
وليد : ههههههههههههههه تستهبلين .!!
ملاك : هههههههه لا والله جاده !
سالم : اذا أنتوا 14 احنا كم يبقى لنا .!!
ديما : ماادري عنكم اهم شي أحنا
وليد : اقلع ابو النذاااله ..

عبدالعزيز رافع نفسه ويدور رهف بعيونه : وين رهف ؟؟
ملاك مسكت رهف ودفتها : هذي هي
عبدالعزيز شدها من يدها وضمها : حبيبي معاي وانتوا بقريح .!
ديما انقهرت : عززيز يانجسس خيير
ملاك : ركبنا وياك
رهف ضحكت بحيا : ههههههه
عبدالعزيز يطالع رهف ويبتسم : اذا تزوجتي يركبك زوجك معاه

( ثامر كان واقف بعيد .. وأبتسم بخبث ..!!
ملاك استحت وسكتت ..!)
وليد : 8 لكم .. دبروا أموركم فيهآ ..
(ملاك لازالت مبتسمه ..)
وليد : ههههههههههه وين راح لسانك يالقطووه
(ثامر ضحك من بعيد .. ولف .. )
ملاك : هنا هنا آآآوف خلاص هاتهم نبيهم
وليد : هههههههههههههههه

.....> اغلبيه الدبابات صار فيها ثنتين .. الا بعضها الي صاروا يسوون تناوب مابينهم .. ::
طبعا الشباب كل واحد بدباب .. وكـآنوا ( وليد .. سالم .. فواز .. فيصل .. لؤي .. وعبدالعزيز (رهف ) .. وثامر .. )

...

كانوا يروحون بالمنطقه البعيده الي مافيها مخيمات .. وانواع الهجوله هناك ..

ملاك : ديماااا تعالي هنا وجع
ديما : تعالي معااي
ملاك :وين هناك بعيييييد
ديما : ياخوافه شويه حبتين ماراح يضرك .. يلا بالله
ملاك قربت منها : والله ماادري وين ناويه تودينا ..
ديما : امشي وراي وماعليك

...> اما من جهه ثانيه ..
رهف تضرب عبدالعزيز على ظهره : زوووز لاتسسسرع
عبدالعزيز يضحك : ههههههههههههههههههه مركب بزر معاي انا
رهف انقهرت : عزيز من جدي ووووربي ولا وقف بنزل وأخليك
عبدالعزيز : تستهبلين .!!
رهف : عبدالعزيز وقف بنزل
عبدالعزيز بعناد : ماني موقف
رهف تضربه : ممن البزر الحيييين نزلنننني

( عبدالعزيز فحط بقووووه لدرجه كانت بتطيح بس تعلقت بظهره وحضنته بخوف )
عبدالعزيز بأنتصار : هههههههههه ايوه خليك كذا ..
رهف : هفف

...
شيما تدور البنات : سسالم سسلووم هيييييي
سالم : هاااااااااه هااه
شيما : ماشفت ديما ..
سالم : ليه هي مو معاك .!!
شيما : تشوف معاي احد انت .!
وليد جا : شفيكم ؟
سالم يأشر عليها : ماتدري وين ديما
شيما : حتى ملاك .. كأن الارض انشقت وبلعتهم
وليد : رحتي شفتي هناك ؟؟
شيما : دورتهم بكل مكان ماحصلتهم .!!!
وليد خاف : غريبه .!!
شيما : لايكون جااااهممم شي
وليد بسرعه : تفاوولي خير يابنت الحلال .!!
سالم : ننادي العيال وندورهم ..
وليد : زين ... وأنتي روحي مع باقي البنات ولا تبعدوون .. وأنتبهي تقولين للاهل شي انتبهي خلك انت معاهم ياسالم
شيما بخوف : طيب طيب
وليد : شبااااااب فوواز تعااال تعاال وين فيصل
فواز قرب منه : توني شايفه عند ذاك المخيم
وليد : تكفى ناده وانا بشوف الباقي
فواز : خير وش صاير
وليد : ناادهمم ونتقابل عند الخرابه ذيك تكفى سسسريع
فواز : ان شاء الله
تجمعوا ( فيصل .. فواز .. ثامر .. ووليد ) وتفرقوا عشان يدورون عليهم

***
عند الحريم "

شيما دخلت هي ونور بنت خاله رهف ..
نور : ليه دخلتي طيب ؟
شيما : ماادري
نور : واذا سألوك دحين ايشش بتقولي
شيما :اوووووف مااادري بعدي عن وجهي
نور :ياماما اعصااابك

***
اما من جهه ملاك وديما .. ××

ملاك : ديما المكان يخوف ابي ارجع ..
ديما : تعااالي شوي
ملاك : ديما من جد خلاص خلينا نرجع
ديما عصبت : بترجعين ارجعي لحالك اووف
ملاك تطالع ورا : لو اعرف الطريق ماكان شفتيني هنا
( ديما لفت وجهها ولاردت .. ثواني وقف الدباب حقها ..)
ملاك بأستغراب : ليه وقفتي ؟؟
ديما : وقف الله ياخذه
ملاك : شكله فاضي .. تعالي اركبي معاي
..> توها نازله من الدباب .. سمعوا صوت دبابات تقرب منهم .. وتجمدوا بمكانهم من الخوف
ملاك : اركببببي بسسسرعه
ديما : طيييب

.. > ومششت بأسرع ماعندها
وليد : وش فيها مشششت هيييييه ملاااااااااك
ثامر: ماتسمعك .. أبلحقهم وانت قل للشباب اننا لقيناهم
وليد : طييب ..
> وأنطلق وراهم ..
( ووقفوا عند مخيم .. كانوا فيه شباب جالسين برا الخيمه )

ملاك : ديما امششي ليه وقفتي .!!!
ديما : بعدل اللثمه .. مب مسوين لنا شي
ملاك : تستهبلين انتتتي .. بنتين قدامهم وبالبر لا بيوصلونا لأهلنا يعني
ديما : ملاااااك اوووص
واحد من الشباب أنتبه لهم واقفين بعييد قام وتوجهه لهم : أفااا تقولين لخويتك كذا .. !
ديما بصراخ : وانت شعلييك
ملاك تدقها : ديما امشي ..
نفس الشخص : معاك فهد
ديما : والخياااب
(فهد ضحك بصوت عالي)
ملاك : ديييييييييما امشششي
ديما : ملاك أوووووووص اوووف وش تبي انت الحين .!!
فهد : أبيهآ ياحلو
ديما خافت بس ماتبي تبين له : عسساك فحريقه ياحقير
فهد : دآمني حقير وراك واقفه عندي ( وقرب من ملاك وشدها من الدباب) تعالي تعالي
ملاك تصرخ : فكننننننننني
ديما تصارخ : فككككككككها ياااااااااحممممار (ونزلت من الدباب وبعدت ) يممممه اختتي
ملاك صاحت : ووووووووخخر عننننننننننني
فهد قربها منه حيييييييل : وش بتسوين لي .. بتجيبن البع بع يآكلني هههههههههههههههههههههه
( ديما أنتبهت لدباب جاي قربت منه صار ثامر )
ديما تصيح : خذذها خذذذها روووووووح شششششوفه مــــ مـــ مـلآلآلآلآلآك
ثامر خاف : ووشششوو وشششوو مييييين الي أخذذذذها
( ديما شدت يده ومشت بسرعه وهو وراها وقلبه طاح بالارض
ديما وقفت بعيييد عنهمم )
ثامر : خلييييييك هنننا ( وراح جري على فهد ودفه بقوووه لممما طاح على الارض )
فهد : خخخيييييير
ثامر مسكه من قميصه ووقفه : خيييييييير انت يابن الكلب
فهد : ماالكلب الا انت
( ثامر عطاه بوقس على وجهه وتوه بيمد يده مسكها بقوه ولفها له لما سمع صوتهاا )
فهد تألم : الله يللعنننننننك
ثامر بتهديد : قرررب من محححارمي مره ثانيه والله لأ أنهيييك يا ........................
( دفه على ظهره وطاح بالارض .. )
وقال بعصبيه : تفوووووو على ذا الوجه يا خسيس
ولف على ملاك : لمسسك ؟؟
( ملاك تصيح من الخوف )
ديما تصيح معاها وحاضنتها : ملاك قلبي ياروحي خلاص .. سوا لك شيي
ملاك تشاهق وبالعافيه يطلع حكيها : لـ ا لآ
ثامر : الحمدللهه ..

( أنتظروا لما جاء وليد وباقي الشباب بالسياره ..
وليد : تكفففى فكني عليه والله لااذبحه بيدي
ثامر ماسك وليد بقميصه : وليييييييد اذكر الله مابقيت فيه ضلع صاااحي
سالم : خلووووني عليييه
ثامر : لاحووووول انس امسسكه يرحم وووالديك لايجيبون لنا مصيبه
وليد بصراخ : وبس .! بنسسكت له
ثامر : أنت اهدى الحين .. ! ووعد مني كانك ناوي عليه نروح له الصبح وعطه درسك
انس بعصبيه : خوووشش نصيييحه
ثامر : خلونا نرجع الحين وبكرا يحلها الف حلال ..
وليد : انا ناوي عليه الليله الليله ياثامر .. آآآآآخخخ اذا ماذبحته بيدي مااكون ولد ابوي
ثامر شده من قميصه بقوه وضربه على وجهه بخفيف : ووليد قول لا اله الا الله
وليد : لا اله الا الله
ثامر : انت ناوي نيه سوداء على نفسك .. وانا ماراح اسمح لك .. خلنا نرجع برد على البنات
وليد : استغفرك ربي
...
( وركبوا معاهم ووصلوهم للمخيم ..
دخلوا كلهم الا ثامر كان ينتظر ملاك تنزل من السياره .. نزلت ولحقها بسسرعه مسك يدها وسحبها ورا بعييد عن المخيم بشوي .. بمكان مافي احد )
ثامر بحنان : ماعاش من يبكيك
ملاك تمسح دمعتها ومنزله راسها
ثامر رفع راسها : عيوني ..
( ملاك رفعت راسها وطالعت بعينه وعيونها غارقه دمووع .. تعبرت بوجهه ! ثامر ماقدر يستحمل اكثر وسحبها لحضنه وحضنها بقوووه
ملاك صارت تبكي ومايسمع غير صوت شهقاتها .. )

ثامر : والله لاأبكي معاك .. وقفي بكاا ..
ملاك بصوت بالعافيه ينسمع ومبحوووح : خـ خـ خـآيفه .!
ثامر قووا يده عليها : دامني حي .. ماراح ارضى يلمسك احد .. او يجيك شي .. وكانك تبين اروح اذبحه الحيييين .. انتي بأمان ياروحي بأمان .!
( أستمروا على هالحاله لما سمع شهقاتها خفت .. بعدها عن حضنه ) هـآ .. يلا مسحي دموعك ..
ملاك منزله راسها وساكته وخشمها احمر من البكا
ثامر : ملاك ... ملوكهه .. ملاكي
( ملاك ابتسمت بين دموعها )
ثامر : عساني فدوه لهالضحكه يلا عاد .. ولا ترى برجع بيتنا .. ترا الشباب يبوني
ملاك بسرعه : لا ..!
ثامر : لييهه
ملاك بحيا : ماصدقت نطلع عشان أشوفك
ثامر بلهفه : ياعمممري ..!
ملاك : والله ..
( ثامر يأشر على خده )
ملاك استحت : هههه لا
ثامر : هههههههه ( وقرب من خدها وبأسها بحنييييه وقفت منها كل شعره بجسمهاا ) هالمره انا أبوسك
ملاك بصوتها المبحوح : ووه .!
ثامر :هههههههههههههه يلا روحي داخل لا يفقدونك
ملاك صارت ترقص وهي تدخل : حبيييت لآ تسالوني لييش يمكن عقل او طيش والحااله هي ححححاله
ثامر :ههههههههههههههههههههههههههههه بنت أدخلي انتي وهالخشم الاحمر
ملاك : هههههههههههه طيب ( وارسلت له بوسه بالهوا )
(ثامر مسكها وحطها على شفاته )
ملاك : هههههههه وسخ
ثامر برفعه حاجب : ادخلي لا تصير حقيقيه الحين
ملاك : ههههههههههه لا والله توووبه
( ثامر ضحك عليها وتوجهه لخيمه الشباب ....

..
ملاك ابتسمت بين دموعها
ثامر : عسسساني فدوه لهالضحكه يلا عاد .. ولا ترى برجع بيتنا .. ترا الشباب يبوني
ملاك بسرعه : لا ..!
ثامر : لييهه
ملاك بحيا : ماصدقت نطلع عشان أشوفك
ثامر بلهفه : ياعمممري ..!
ملاك : والله ..
ثامر يأشر على خده
ملاك استحت : هههه لا
ثامر : هههههههه ( وقرب من خدها وبأسها بحنييييييييه وقفت منها كل شعره بجسمهاا ) هالمره انا أبوسك
ملاك بصوتها المبحوح : ووه .!
ثامر :هههههههههههههه يلا روحي داخل لا يفقدونك
ملاك صارت ترقص وهي تدخل : حبيييت لآ تسالوني لييش يمكن عقل او طيش والحااااله هي حححححاله
ثامر :ههههههههههههههههههههههههههههه بنت أدخلي انتي وهالخشم
ملاك : هههههههههههه طيب ( وارسلت له بوسه بالهوا )
ثامر مسكها وحطها على شفاته
ملاك : هههههههه وسسخ
ثامر برفعه حاجب : ادخلي لا تصير حقيقيه الحين
ملاك شردت: ههههههههههه لا والله توووبه
ضحك عليها وتوجهه لخيمه الشباب ....
..
انتهى اليوم الأول .. والسالفه بقت بين من حضرها بس .. ؛
..
ثامر صحى الفجر بعد مالاحظ احد يتحرك جنبه .. كان وليد ..
مسكه من يده وشده
وليد ابتسم له وقرب من اذانه : بأقوم أصلي
ثامر ابتسم براحه : تقبل الله
وليد : منا ومنك ي أخوي .. صليت ؟
ثامر يتمغط : سبقناك بها ..

***
صحوا كلهم على الصباح .. فطور وضحك ووناسسه .. كلهم تمنوا يستمر اليوم كذا
فـ خيمه الشباب ../ لف ثامر على عمه محمد .. ويطالع فيه بنظره رجى ..
لف عليه عمه وأبتسم

ثامر ابتسم بوجهه عمه وقام جلس جمبه : أخبارك عمي
ابو عبدالعزيز : بخير ياولدي .. بشرنا عنك وكيف الشغل بالشركه
ثامر : الحمدلله ماشي
ابوعبدالعزيز طالع قدام : الحمدلله
ثامر : عمي ..
ابوعبدالعزيز لف عليه : سم ياابوي
ثامر : سم الله عدوك .. ماادري كيف ابدا معك ياعمي .. بداخلي كلام واجد
ابوعبدالعزيز : قول ياثامر
ثامر : موضوع لازم افاتحك فيه ياعمي عشان ارتاح
ابوعبدالعزيز : وانا أسمعك ..
ثامر بعد سككووت مسك يد ابو عبدالعزيز : عمي .. ملاك
ابو عبدالعزيز تغير وجهه : وش بلاها ؟
ثامر ابتسم :مافيها شي .. بس ياعمي
ابوعبدالعزيز : قول ياابوك تستحي من عمك
ثامر يطالع بالارض : ابوي بلغني من فتره .. وعن اتفاقكم .. وانا راضي ياعمي .. راضي بها
( ابو عبدالعزيز يسمع له بأهتمام واضح على وجهه )
ثامر رفع عينه : ياعمي اذا بتزوجوني اياها .. انا ماارضى عليها تنغصب فيني .. وماراح ارضى فيها الا اذا سمعت موافقتها ياعمي
هذي عشره عمر .. وانا الي بعيش وياهاا .. ولا راح تتقبلني بسهوله لاكانت مغصوبه علي
ياعمي انا كل الي ابيه .. ان العالم كلها تدري .. وتمشي بكل ثقه قدام كل الي يحكون فيها .. انها متزوجه ثامر بن عبدالإله الـ .......
مو كأنها مسويه شي غلط ..
ابو عبدالعزيز : هذا الي تبيه ياثامر
ثامر : اي عمي
ابو عبدالعزيز : متأكد
ثامر : من كل قلبي
ابوعبدالعزيز رفع صوته : ياشباب ..

( الكل لف عليه بأهتمام .. وعلامات الاستفهام واضحه على وجهه ثامر ..!!
ابو عبدالعزيز مسك يد ثامر : أشهدكم .. إني قابل بثامر زوج لبنتي .. على سنه الله ورسوله
الكل قام يصفق ويصفر :
مبرررروووووووووووووووووكككك
..... : مبروووووووووك ياعريسسس
.. : منك المال ومنها العيييال
... : قلللللللللللوش هههههه مبروووووووك يابعد قلبي
....: ياهوووووووه مبرووووووووككك ياقدع

( ثامر غرقت عيونه من الفرحه وهو يطالع فيهم ويضحك .. لف على عمه ونظرت عينه تكفي .. باس راسه ومسك يده وباسها .. وضمه بقوه )
ابوعبدالعزيز دمعت عينه : مبروك ياولدي والله يهنيك
ثامر : الله لايحرمني طيبه قلبك ياعمي

***
سالم توجهه لخيمه الحريم .."

سالم : ياهووه ترا بدخل .. وين ملاك ..
الشغاله : جوا خيمه
( سمع صوت رزان تمشي مع ملاك وتضحك ..
رزان طاحت عينها بعين سالم أبتسمت ودخلت للخيمه .. )
ملاك قربت من سالم : إيش تبي داخل هنا
سالم : ابوك يالنفسيه ههههههه (ويأشر على رزان بعينه ) من ذيك
ملاك طقته على صدره : عيب
سالم : هذي جزاتي جاي اقولك خبر حلوو . !!
ملاك : شنوووو
سالم : خلاص ماكوو



ملاك مسكت قميصه :اسممها رزان اخت رهف زوجه اخوك عزيز بنت عممممي
سالم ضحك بقووه : ههههههههههههههههههههههههههههههههههههههههههههههه
(ملاك بوزت )
سالم : فديت هالبوز
ملاك : وخخر مااحبك
سالم : خلاص بقول
(ملاك لفت عليه برفعه حاجب )
سالم : لاتتكبرين علينا .. ولا عشانك صرتي عروسه خلاص
ملاك انصدمت .. وضربته بالجدار : وش دراااااااكك
سالم : أووووه كل العالم تدري
ملاك بعدت عنه : من قاااالهم
سالم حس انه وصل لها المعلومه بشكل غلط : ميمي
ملاك : خير
سالم مسك كتوفها وابتسم : قبل شوي ثامر طلب يدك من أبوي .. وابوي أعلن موافقته على ثامر بصوت عالي .. والكل عرف ..! قسم بالله هذا الي صار
ملاك بفرحه : جد
سالم : اي والله
ملاك : وااااي
سالم بغمزه : شكلك تحبينه
ملاك توردت خدودها : وأنت شعليك
سالم : ههههههههههههه (وقرب منها وباس خدها يمين ويسار ) مبرووك ياعروووسه والله يهنيكم
ملاك بحيا : ربي يبارك بعمرك
سالم تنهد : وعقبال ماتزفوني على رزونتي
ملاك طلعت عينها : امدااااااااااااك
سالم : هههههههههههههههههههههههه وخري بس خليني ابشر امي ..

***
.. > عرفوا الكل .. وكل الموجودين باركوا لهمم ..
ومن الحماس أتفق نواف وثامر من بكره انهم يجيبون الشيخ عشان يملك عليها بالبر .!!
وراح هو وياه وأشتروا الخاتم لها وله ..

...
( عبدالعزيز واقف برا خيمه الحريم يكلم أمه )
ام عبدالعزيز : لآتقول انك جاد
عبدالعزيز يضحك : ههههههههههههههههه والله هذا الي صار
باقي الحريم : هووو وش هالعجله
.... :هههههههه الله يهنيهم
... : ههههه اللهم آمين
البنات : هههههههههههههههههههه ححححياتي مبروووك
ملاك بحيا : ههههههههههه
ام عبدالعزيز : قل لثامر أمي مب موافقه على هالحكي ملكه بالبر !!
عبدالعزيز : هههههههههههه جا الشيخ .. وملكوا وقضوا
ام عبدالعزيز مسكت راسها : ياولدي قل إنك تمقلب امك
عبدالعزيز : ياليته مقلب .. وش نسوي بثامر .. من عرفته وهو عجل مره
ام عبدالعزيز : طيب وش باقي
عبدالعزيز يأشر على ملاك بعينه : باقي يشوف العروسه ويلبسهاا ..
ام مشعل قامت : ههههههه والله ياولدي ذا انه مطفوق
ام عبدالعزيز : وش السواه
ام مشعل : علمي علمك
ام عبدالعزيز : ومتى وافقت ملاك ..
عبدالعزيز : توي ماخذها وسمع الشيخ موافقتها
ام عبدالعزيز لفت على ملاك : مممممملاك
ملاك حطت يدها على فمها وتضحك ووجهها احمر : سمي
ام عبدالعزيز : كذا تسوين بامك
ملاك تاشر على عبدالعزيز : عززيزز الي سحبني وياه
( ام عبدالعزيز لفت عليه لقت ابتسامه واحد متوهق على وجهه )
البنات : ههههههههههههههههههههههههههههههههههه
عبدالعزيز : يله ياامي باقي يشوفها بس
ام عبدالعزيز : وتطلع له بأيش إن شاء الله
البنات : جنز وتي شيرت
رهف : عندي جاكيت مرره بيطلع حلو مع جنزها هذا
ام عبدالعزيز بحسره : يااااويلي
كلهم : ههههههههههههههههههههههههههههههه


***
لبست وضبطت لها شعرها شيما تركته كله سايح .. ورفعت شوي منه من قدام .. ضبطت لها ميك آب خفيف .. وراحت لخيمه البنات .. الي مابيكون فيها الا ثامر
دخلت حصلته جالس .. من شافها وقف .. وتنهد براحه
ملاك ابتسمت

ثامر : أول مره احس براحه وانا معاك
ملاك : ليه ؟
ثامر : راحه أن مافيه اي احد .. يقدر يقولنا شي ( قرب منها ومسك يدها وجلسها على الكنبه ) أنتي الحين زوجتي رسمي
ملاك توردت خدودها
ثامر : لآتستحين مني .. ؛
ملاك نزلت راسها : مااقدر
ثامر : ماتقدرين على إيش
ملاك : مااقدر على هالشي
ثامر قاصد يحرجها وحط يده على خده : اي شي ؟
ملاك تلبكت وطار كل الكلام من فمها : مـ مـ مـ أقدر اني ماأستحي منك .. أنت هيبه
ثامر :هههههههههههههههه انا الي أخوووف
ملاك : اايييي
ثامر :ههههههههههه ( ورفع راسها ) طيب حاولي ..
ملاك ابتسمت .. وقالت بصوتها المبحوح : بأحاول .. !

***

جلست معاه نص ساعه .. وطلعت وهي مفهييييه للآخر

شيما تضربها : ملو وش قالك أخوي بسسرعه
ملاك : هـآ .. مـ مـأادري
شيما : كييف ماتدرين
رهف : يالبا المتنح بسس
ديما : هههههههههههه ( قربت وضمتها بقووووووه ) راح توحشيني
( ملاك أستوعبت وجلست تصيح )
ديما : لآ مملاكي وقفي
ملاك تضربها على ظهرها : بششتاق لككك
ديما دمعت عينها : انا اكثر
شيما تفكهم : هي هي هي انتي وياهاا لسسه ماصار شي وسويتوا منناحه ترا والله بكف
( ملاك ضحكت )
ديما : آحبك .!
ملاك : وانا كمان ..
ديما مسكت يدها : في إهداء لك تعالي ( وشغلت يالتاكسي )
(ملاك طلعت عينها )
البنات : هههههههههههههههههههههههههههههههههههههههههه
ديما : هههههههههههه لا والله بالغلط .! أسمعي اسمعي ( وشغلت اغنيه بشروها .. لتركي .. وعلت على الصوت ممرا . كانت إهداء من ثامر لها )
وغمزت لها .. : هذي من ثامر

( ملاك استحت وضحكت ..
ديما مسكت يد شيما وكل وحده مسكت يد الثانيه سووا دائره حولها .. ويغنون معاه
وهي بالنص ومييته حيييا .. لآن الحريم كلهم طلعوا من الخيمه على صوت وصراخ البنات
والعيال كانوا واقفين عند باب الخيمه .. ويصفقون لثامر ههههههه يبغونه يرقص )

وليد : ادخخخل يااخي
ثامر : تخييلني .!
عبدالعزيز : والله لو إني منك لاارقص وياها بعد
ثامر :ههههههههههههههههههههه
نواف مسك يده : والله إنك تدخل .. حتى الخاتم معك ! وش هالحكي
ثامر : نواف اركد وفك يدي .. والخاتم بخليه بعدين
نواف : لا الحين .. يااااوووولد طرييييق طرريييق
..
( والبنات كلهم دخلوا للخيمه وراحت وراهم ملاك )
نواف دخل : هههههههههههه لا أنتي تعالي
ملاك وجهها حمر لأنها شافت ثامر داخل معاه : وشوو
نواف مسك يدها وحطها بيد ثامر وابتسم : يلا لبسها ..
كل الثنين ضحكوا : هههههههههههه
ثامر : نواف وش نظامك انت
نواف يغمز له : مثل نظامك ..
( ثواني دخل عبدالعزيز وسالم .. ووليد .. وطلع ثامر الخاتم من جيبه .. ومسك يدها ولبسهاا .. وهو يبتسم لها / مد يدهه ومافهمت عليه وطلع الخاتم وحطه بيدهاا )
نواف يأشر على اصبع ثامر : بهالأصبع ياملاك
ملاك بحيا : ههههههههههه طيب
ثامر : ههههههههه خلها هي تعرف ..

والبنات يصارخون على ديما : أطلعي ويااااها بتموووت ( طبعا جالسين يتابعون كل شي ب الخيمه وتعليقاتهم واااضحه )

ديما : فيييييه ثامر وش تحسون فيه
شيما : مايصلح اطلع انا
ديما : هههههههههههه اركدي اقول
( ملاك سحبت يدها بحيا وتطالع فيهم وهم يرقصون لها وتلف تطالع الخيمه الي فيها البنات وهم يأشرون على ثامر يعني روحي له ..!
نواف يهز كتوفه عندها وهي تضحك .. مسك يدها وصار يرقص وياها
قصد يدفها على ثامر )
لفت عليه : نوووواف
نواف : هههههههههههههههههههه فديت الحيا والله ودي احجركم فزاويه واصفقكم اووف ماتنفعوون ابد
ثامر : حدك (ومسكها وسحبها لحضنه ) هذي حبيبتي
وليد ونواف يصفقون : ياهووووووووه
عبدالعزيز : ههههههههههههههه واخخخخخيرا يااخي
( وملاك ماتت )
ثامر قرب لها وهمس بأذانها : آحبك اقوى شي
( ملاك ابتسمت )
ثامر : طب مافي أحبك
ملاك تشجعت وشدته عشان ينزل مستواها : أنا مو بس أحبك .. أنا أممموت فييك

( ثامر تغير لونه وصار يهف بيدينه على وجهه ويبلع ريقه)
نواف قرب منها : شقلتي له شقلتي هههههههههههههه
ملاك غطت على وجهها بحيا : ههههههههه
عبدالعزيز : يااابوووووي ضاع الولد
ثامر لاحظ احراج ملاك حتى احراجه هوو ! : خلاص شباب خلونا نطلع .. استحلينا المخيم حقهم
نواف : أحنا الي استحلينا هااه ..
ثامر شد نواف من قميصه : ياعمي قدامي
نواف : هههههههههههههه

> وطلعوا وتوجهوا لخيمتهم .. بعد ماباركوا لها ..
طلعوا البنات وصراخ على الموقف الي صار

اسيل : يااختي نوواف خققه
ساره : اي يالبااا
اسيل : لاياعمري هذا حقي هههههه
البنات : هههههههههههههههههههههههههههه
شيما : خليني اشوف ذوق ثامر وريني خاتمك ..
اسيل : ممممرا راااااايق
شيما : والله يعرف يختاار هالسبهه
ملاك : ههههههههههههههههه حدك !

***

رجعوآ لبيوتهم بعد ماجلسوا بالمخيم أسبوع كـآمل #

بيت أبو عبدالعزيز .. " : الساعه 4 العصر .. يوم الجمعه
نزلت ديما وواصله معاها للآخر .. جلست بعصبيه على كنبه الصاله .. وفتحت التلفزيون
نزل وليد ..
شاف وجهها مسمره .. والارهاق واضح عليه ..

جلس جنبها : شفيك ؟
ديما : مافيني
وليد : وجهك مو طبيعي
ديما قامت : مافييني شي اووف
وليد مسكها مع يدها وجلسها بقوه : بتقولين ولاشلون
( ديما طالعت فيه )
وليد : قولي ..
ديما دمعت عينها : وليد مو غصب !! > وقامت جري على الدرج
تركها تروح وإستفهام كبييير على وجهه .!!

***
بيت ابو فهد "

فيصل نزل ويعرك عيونه بتعب .. الكل كان قايم
: سلام
كلهم : وعليكم السلام
( لمح بينهم رهف .. )
فيصل : أشبك أنتي هنا ؟
: ههههههههههههههههههه
رهف : ماتشوف البيت منور .. !
فيصل جلس : لا والله الجو كآبه
رهف رمت عليه المخده : ححححرام علييييك بابا شوفه
ابو فهد : توك نازل ماأمداك
فيصل : بسم الله عليا ياابويا لايجيني شي
فهد : ههههههههههههه كل الناس يجيهم الا انت
فيصل مسكه من قميصه : قوووول ماشاء الله
فهد : هههههههه مافهمت قصدي .. لأن الماما تحصنك بالاذكار أنت لحالك
فيصل عدل شعره : اي أحسب .. : ابويا يقولوا فيه عزيمه اليوم ايش السالفه
فهد : عزيمه عمك عبدالاله ..
فيصل : ايش عندو ؟
ابو فهد : عشان ترقيه ثامر .. هو ماقالكم ؟
فيصل : أبدااا
فهد : انت تدري عن ايش .. أنت بعالم ثاني اساسا
( فيصل أكتفى بنظره )
فهد دقه وقال بصوت واطي : وشفيك ؟
فيصل قام : مافيني .. انا طآلع ..
ام فهد : بتجي الليله ؟
فيصل : اشوف ..
لحقه فهد لما باب السياره : فييييصل .. يـآهوووه
فيصل : اشبك انت ؟
فهد : أنت الي ايش سالفتك مب معانا مرره
فيصل ركب السياره : قلت لك مافيني
فهد : فيصل أعرفك اذا صارت وراك مصيبه .. بتخبي على اخوك حبيبيك
فيصل طالع فيه : ي حبيبي مافيني شي .. خلني امشي تأخرت على الدوام
فهد : دوامك الجمعه ؟
فيصل : مبآدل الشفت مع تركي هيا سسسري
فهد : درب السلامه
***
بأستقبال المستشفى "

فيصل يكلم : آيوه انا عارف .. معقوله نسيتك يااومي ..
ههههههههه تصدقي فيآ هالكلام ...
ههههه لا جآيك ان شاء الله .. آيوه أكيد ..
أوعدك والله .. أقرب طياره لجده الاسبوع هذا كمان ..
جاسم : فيصل .. رد على التليفون .. يا سيدي مو وقت صله رحم
فيصل : لحظه ياامي .. إيش تبغى انت ..
جاسم : رد على تلفونك ..
فيصل : طيب يااومي أكلمك بوقت ثاني .. إن شاء الله راح انتبه لنفسي
لاتخافي عليا ولدك رجال .. هيا مع السلامه ..
يااخي ماتشوفني جالس اكلم .. مو وقت تلفونك !
جاسم : والله قول هالكلام للي جالس يتصل عليك .. رد بلا كثره حكي ..
فيصل : أوريك يالبطه ,, آلوو

***
بيت أبو محمد "
: شخصيه جديده بالروايه .. عآيله تتألف من بنت (نور) .. وولدين توأم ( محمد .. وسآمي )
من جده لكنهم عآيشين بالشرقيه .. بعد ماأنتقل شغل أبوهم هناك ..
أمهم .. تصير أخت أم فيصل .. ..

...
أم محمد : محمد فين أخوك ؟
محمد : يغير ملآبسو ..
أم محمد : ليه طآلعين ؟
محمد : أيوه ياأمي .. رآيحين للسوق نقضي كم شغله للأنسه نور
ام محمد : هههههه الله يعينكم ياولدي
محمد : آمييين
نور طلعت من المطبخ : كأنكم يعني كأنكم تحشوا فيآ
محمد : ايوه بنحش فيكي عندك مانع
نور : لآماعندي مانع اذا بتوديني
محمد : ههههههههههههه مصلحه

( ثواني نزل سآمي .. )
* سآمي نعمه البصر ماهي عنده .. من ولدته أمه .. فأخوه محمد عينه الي يشوف فيها ..

سآمي رافع يده : ترا خلصت ..!
محمد : ههههههههههههه يلا ..
ام محمد : يمه روح أنزل من المصعد اسهل لك
سامي : لاتخافي عليا ياامي ..
محمد : ولدك ذيب

***
.......... > بنفس الوقت بمكان آخر ..

ابو ثامر : وللحين ماقررتوا وين ..؟
ثامر : والله ماادري .. محتار حييل ..! كثير يقولون لي رح ماليزيا .. أندونيسيا بس أحسها بايخه
شيما : لآلآ مو حلو .. روحوا لجزيره .. اي جزيره مكان مافيه ناس كثير .. ياااااااي وناسه
ثامر : والله فكره
ابو ثامر : خل عنك الجزيره وروح فرنسا
ثامر : فرنسا ؟
ابو ثامر : اي فرنسا .. رآئعه جدا .. رحت لها عمل الشهر الماضي .. وأعرفلك كم فندق ممتاز هناك
ثامر يحك راسه : أسألها وأشوف !

..
بسياره محمد ."

محمد : راح نشوف فيصل اليوم ؟
سامي :والله مااعرف عنو صايره مشاغله كتير .. ولايفضى
محمد : هذا وهو لسه عزابي
سامي : اي والله . اقول نور ايش رايك نزوجك ابن خالتك
نور بسرعه : لا ماابي
محمد وسامي : ههههههههههههههههههههههههههههههه
محمد : تنتظري هالسوال شكلك
نور انحرجت : لا .. هآ ..! منو قال
سامي ضربه : هههههههههههه أختك حبيبه ي رآجل
محمد : ههههههههه شكلوو
نور : ياشينكم ترا مابروح معاكم تاني
محمد : أحنا الكسبانين
نور : هفف

***

جت الساعه على 8 المساء .. وبدأ الاستعداد للعزيمه الي مسويها العم عبدالاله من بدري ..
بدو الناس يوصلون .. من اقارب .. وأصحاب للعآئله .. وبعض موظفين الشركه القريبين من ثامر ..

..
قسم الرجال ..
نواف ينغز ثامر : أقولك مصره مررره ماتفهم أنت
ثامر يحكي بصوت واطي : يااخي اقنعها ماابي ادخل .. أبتسم ابتسم للضيوف
نواف يبتسم ويتكلم بين اسنانه : وش اسوي بها .. مو راضيه تقتنع
ثامر شد نواف من يده لبرا البيت : هات جوالك بكلمها
نواف : وين جوالك ؟
ثامر : ياحبيبي فوق .. ! يالله عجل علي
نواف : هااك ..
ثامر ينتظر على الخط : تخيل وجهي جوا عندهم ولا اذا درا ابوي ..!!
ملاك تضحك : هههههه آلوو
ثامر بسرعه : من متى وانتي رافعتها يابت
ملاك : هههههههههههههههه مو من زمان ..
ثامر : هههههههههه
ملاك : ايش تبغى
ثامر : ملاك ماابي ادخل
ملاك : ماافي بتدخل غصب عنك
ثامر : مممملاكي
ملاك : تو تو تو
ثامر : والسواه يعني
ملاك : بتدخل يعني بتدخل .. ولا بزعل منك ولا أكلمك لما الزواج
ثامر : لآ حبيبتي انتي ماتسوينها
نواف : تسويها والله
ثامر : وش تبي انت ... يلا ملاااك
ملاك : هههههههههههههه مااااااافي الموضوع خالص يلا بسرعه قبل لآ
ثامر : قبل لآ إيش ؟؟؟
ملاك : اذا دخلت بتعرف
ثامر : ملاك قولي
ملاك بضحكه : مابقوول بآآآآي > وقفلت الخط
ثامر : تبننننه
نواف :هههههههههههههههههههه هي هي حدك
ثامر : خذ جوالك (وتغير وجهه ) آمري لله بدخل .!!!
نواف :هههههههههههههههههههه
..

فداخل البيت وتحديدا بالمجلس ..
شيما + ملاك متفقين على حفله بسيطه يفآجؤن فيها ثامر ..
شيما : أقتنع
ملاك ترقص : اي بيدخل بيدخل
شيما : ههههههههههههه حلوو ها ايش اللي بنشغله ؟
ملاك : وربي للحين محتاره بين اغنيتين ..
شيما : وبتشغلينها اذا دخل
ملاك : ايي .. يلا قرري وياي بسسرعه ..!!
شيما : مدري .!
ملاك : الشرهه علي اسألك ههههههه وخري بس

..
نواف : أدخل يااخي
ثامر : نواف طالبك ادخل وياي
نواف : الحين الحفله لي ولا لك .!!
ثامر : يااخي ارحممني .. مااقدر ادخل عند بنات كثر التراب
نواف : أبدخل بدالك
ثامر : هههههههههههههههههه ياوجدك والله
نواف : ههههههههه اقول ادخل لايكثر
> دفه على الصاله ..
ثامر يضبط الغتره : الله يخسك يانواف .. يآولد
نواف : دررررب ..
..
ملاك : أسمعي صوته صح
شيما : اي اي بروح اشوفه .. (وطلعت للصاله الا نواف بوجهها .. رجعت بسسسرعه ) ووووووي
ملاك : وششش فيييك
شيما مغطيه على وجهها وتناقز : شافني نواف شششافني
ملاك : ههههههههههههههه الله وأكبر ماقد شافك
شيما : لالآلآلآ ممممممااابي


..
ثامر : كأني لمحت شوشه شيما .! ولآيتهيأ لي
نواف يبتسم : والله الشوشه الي أنت شفتها شفتها وياك
ثامر : ششششيما ..
نواف سحبه : أقول اركد .. يعني أمداني قزيتها
ثامر : يااخي هالبنت بتذبحني .. كل يوم طالعه لواحد
نواف : أخس يالغيره على المحارم
ثامر : وش علمك
نواف : هههههههههههههه اقول اهآ بس لآأطلع فضايحك
ثامر صقعه : يازينك ساكت
نواف : ههههههههه أبتسم للبنات ابتسم ههههههه
ثامر : سبحاااااااانه

..
ملاك طلت براسها من المجلس .."
ملاك : حبيبي ..
نواف : لبيييييه
ثامر : قد إيش انت ملقوف يااخي .. عيوووونه
ملاك ابتسمت : تعآل ..
نواف : مافي واو الجماعه
ملاك : لأ ههههههههه في شيما
نواف تقدم : ههههههه عادي قد شفتها
ثامر دفه : خلك هنا شف البنات كيف يقزونك
نواف يعدل شماغه : لآآه .. ( قال بدلع ) خلاص خلص وارجع لي قبل لايسرقوني
ثامر : ههههههههههههه تووكل يااخي
( ملاك مسكت يده ودخلته .. )
نواف يهز حواجبه : بآي بآي
ثامر : هههههههههههههههههههه


..
بيت ابو عبدالعزيز .."
بقسم رهف .. وعبدالعزيز
الساعه كانت 12 ونص

عبدالعزيز ينزل شماغه : انا مستغرب للحين .. ليه رجعتي بدري مو كنتي متحمسه انك تروحين .!؟
رهف جلست على السرير بعبايتها : حسيت بتعب شوي ..
عبدالعزيز يغير ملابسه : سلآمه قلبك ياعمري .. وش فيك ..
رهف ماسكه راسها : ماأدري ..!!
عبدالعزيز جلس جنبها : روفه .. وش بلاك خوفتيني ؟؟
رهف : مـآفيني شـــ .. > وماأمداها تكمل الجمله الاهي طايحه على السرير
عبدالعزيز يهزها بخوف : رررررهف ررررررررههههف ردي علييي بسم الله عليك وشش فييييييك رهف

> لآأستجابه منها .. شالها بعد ماغطى وجهها ونزل جري على السياره ..
ركبها ورا وأتجه لأقرررب مستشفى بأسرع ماعنده ..
دخل ويصرخ عليهم يجون يدخلونها على الطوارئ ..
دخلوها .. ودخل وياها وهو ماسك يدها ويده ترجف .. وقلبه ينبض بسسرعه

البارت السابع #



..
كان يوم الاربعاء .. باقي يوم على زواج ملاك من ثامر ..
الجميع كان جاهز .. والكل يتمنى لهم أحلى عيشه ..
معقوله الكل ؟

..
بالمول ..
رنا : انا بمووووت ياساره وربي بموووت ..
ساره : خلاص حرام عليك خلي البنت بحالها
رنا : ايش اللي خليها بحالها .. هي بتتزوجه بكرا .. مااقدر اسمح لها بهالشي .. حتى لو افترقت انا وياه .. وعارفه انو مافي امل نرجع .. بس هي تتزوج ثامر لآآآآآ ..!! وش شايف فيهاااا زياده علي
ساره : والله الكلام ضايع معاك .. خليني اروح ..
رنا : وتخليني لحالي ..
ساره : ايوه .. اوف > ومشت وتركتها
***
ساره ورنا .. صاحبات ملاك ايام الثانوي تعرفوا عليها صدفه وصارت تقرب لثامر .. رنا كانت حبيبته قبل واستمرت وياه 3 سنين وأفترقوا بسبتها .. لأنها كانت تشك فيه بكل صغيره وكبيره وهو كان يكرهه هالطبع فيها ,
..
رجعت ساره للبيت .. وبالها منشغل مع ملاك .. ماراح تسمح يصير أي شي يخرب عليها فرحتها .. اما من ناحيه رنا دورت على رقمها بجوالها القديم وأتصلت عليها ..

رنا : ألو ..
ملاك : ألو هلا ..
رنا : ملاك ؟
ملاك : ايوه مين ؟
رنا : انا رنا الـ ....... الي كنت وياك بالثانوي .. تتذكريني ؟
ملاك شبهت على الاسم وتغير وجهها : رنا !
رنا : أي
ملاك : آهلين حيااااتي كييفك .. ؟ من زمان عنك
رنا : ماشين .. كيفك أنتي ..
ملاك : كويسه الحمدلله ..
رنا : الحمدلله ..
ملاك : تبغي مني شي .. لاتستحين .. !
رنا : هههههه لا مو مستحيه .. بس ماادري كيف اقولك .. احس اشوفك احسن
ملاك : المشكله حبيبتي ماراح اقدر اطلع من البيت اليوم .. تقدرين تجيني ؟
رنا : اخاف اشغلك ؟
ملاك : مابيننا هالحكي .. أي وقت فاضيه فيه اليوم تعالي ..
رنا : حبيبتي انتي .. أممم .. اقدر اجيك على العشاء . ؟
ملاك : حياااك ..
رنا : الله يحيك .. أوك مااطول عليك تامريني على شي
ملاك : سلامتك .. بس اذا طلعتي كول مي عشان اوصف لك البيت
رنا : ان شاء الله .. يلا مع السلامه ..
ملاك : باي ياقلبي
..
الساعه 7 المساء .. نزلت ملاك لابسه وكاشخه .. وقفت عند المرايه الي عند الباب تضبط شعرها .. ربطته ذيل حصااان على فوق .. ودخلت للصاله حصلتهم كلهم موجودين ..
ملاك : يووووه .!!
نواف : وش فيك ؟
ملاك : وحده من البنات بتجي الحين .. وش مجلسكم هنا ..!
وليد : دخليها فوق .!!
ملاك : ماابي اطلعها فوق .. !
وليد : عندك المجلس ..
نواف : بس نقوم .. مالك أمل .. لنا يومين ننتظر هالفلم ..
ملاك : ي ربيييه .!! > وتوجهت للمجلس , ثواني رجعت ركض : وليد خذ وصف لهااا
وليد يصرف : شنو وصف لهاا .. !! عندك نواف
ملاك : انا ابيك انت .. نواف مايصلح
نواف : هههههههههههههههههههه افاااا
ملاك : يلآآآآآآ
وليد : هآآتي .. أحم
آلوو ,
رنا : مساء الخير ..
وليد : مساء النور ياهلا .. آآآآ وينكم فيه بالضبط ..
ساره : أحنا جمب العبيكان الحين ..
وليد : حلو .. خذو اول نافذ وامشوا معاه سيده ..
رنا : بشير ادخل هنا .. وأمشي سيدا .. آيوه
وليد : بعدها ادخلوا مع ثاني نافذ يسسار ..
رنا : من هنا .. لآ يسسار مو سيداااا ..
بشير : أنتا سوي مشكل .!!
رنا : لاتنافخ ! روح يسسار
( وليد يبتسم .. )
رنا : آلوو
وليد : أيوه .. بعدها سيده لما يجيك لفه على اليمين ..
رنا : بشير سيدا .. ايوه لف يمين .. يمين يااخي ايش فيك انت اليوم
وليد : ألوو .. يآ .. (لف على ملاك ) ايش اسمها صديقتك ؟
ملاك : رنا اتوقع
وليد : رنا . عطيني سواقك اوصف له ..
رنا : بشير كلم ..
بشير : هاا ألوو .!
وليد : يابشير ياحبيبي انت روح سيده .. بعدين بتجيك لفه يمين .. خش معها
بشير : بعدين فين روح .!
وليد : سيده عند أأ ( لف على نواف ) وشسمه ذاك ؟
بشير : هذا مسجد كبير
وليد : أيوووه مسجد كبيييير .. امشي سيييده .. بيت في الزاويه ..
بشير : 42
وليد : بالضبط .. يله اعطي الجوال مدام .. ولآتجننها
بشير : أوكي ..
رنا : هفف هااات .. ألوو ملاك ..
وليد يمد الجوال لها : تبيك
ملاك : ثانكيووووو حبيبي آلو .. يلا انتظرك عند الباب ..
....
ثواني دخلت هي وياها .. ورنا قاصده تحط غطا خفيف على وجهها .. وأنواع الميك آب
دخلت على الصاله .. مسكتها ملاك من يدها
ملاك : من هنا
رنا : أووه سوري .!
ملاك بأبتسامه صفراء : لاعادي ..
( ونواف يأشر من بعيد .. بأيش هذي )
ملاك بصوت واطي : مدري .!
***
بقسم عبدالعزيز ..
طلع من الغرفه وشافها طالعه من الحمام ..
عبدالعزيز معقد حواجبه : فيه بووووع
رهف وجهها اصفر وواضح عليه التعب : ايي
عبدالعزيز قرب منها : ياروحي أنتي .. جعله فيني
رهف : لآحرام
عبدالعزيز يمرر يده على خدها : جعل التعب فـعروق قلبي ولافيك
رهف ابتسمت : شفت البيبي حقك كيف يتعب ..
عبدالعزيز : فديت عمره شيطاني وهو مابعد طلع
رهف : وه ربي يطلعه بس لو يقلب لي البيت فوق تحت
عبدالعزيز : هههههههههههههه نشوف هالحكي بعدين ..
رهف : هههههههه
عبدالعزيز مسك يدها : أكلتي ..
رهف : مو مشتهيه
سحبها للمطبخ وفتح الثلاجه : هالحكي مايمشي وياااااااي
بسرعه وش تبين
رهف : عزيز مو مشتهيه وربي
عبدالعزيز : انتي مو مشتهيه بس ولدي لازم ياكل
رهف : عبدالعزيز
عبدالعزيز لازال ماسكها : لاتناقشيني .. جبنه ولابيض
رهف : عزيززز
عبدالعزيز : جبنه ولابيض بسسسرعه
رهف وبوزها شبرين : ............. جبنه هف
عبدالعزيز : هههههههههههههههه عندي جبنه ساده مامعها هف
رهف ضحكت : هههههههههههه
عبدالعزيز : هههههه عساني ماانحرم هالضحكه .. يلا روحي اجلسي لاتوقفين واجد
وسندويشتك بتجيك مدامي
رهف شدته لما نزل مستواها وباسته على خده : أحبك .!
عبدالعزيز : أخخخ بس .. أنفذي بجلدك يابنت ههههههههه
رهف : هههههههههههه ايش بتسوي
عبدالعزيز قرب منها : رووفه .. تعرفين وش بسوي ..
رهف بدلع : لامااعرف
عبدالعزيز : هههههههههه الله يهديك خليني اسوي السندويشه حقتك
رهف : هههههههههههههههه طيب
...
بمجلس الرجال ..
ملاك : تبين الصراحه ..
رنا : ايوه
ملاك : لما قلتي لي عنك .. ماعرفتك .!! والى الحين مااتذكرك زين ..
رنا : ههههههههههههه أمانه
ملاك : ههههههه وربي ..!
رنا : انا كنت وياك بالمدرسه بس بغير فصلك .. الي كانت معاك ساره اذا كنتي تذكرينها
ملاك : ساره أي اتوقع ..
رنا : أي احنا الي جيناك وسألناك عن ..
ملاك : عن منو ؟
رنا بصوت واطي : عن ثامر
ملاك تلون وجهها : طيب .!
رنا : وبعدين صرتي قريبته .. وعرفناك شوي شوي .. وصرت وياك بثالث بس
ملاك : طيب مافهمت الحين ايش السالفه .!!
رنا : السالفه ثامر
ملاك بقل صبر : ايش فييييه ؟
رنا : سمعت انك بتتزوجينه بكرا .. ربي يهنيكم ..
ملاك : مشكوره
رنا : العفو .. بس حبيت احذرك منه .. ترا للحين يتصل علي ويرسل لي مسجات بس لما عرفت انه خطبك قلت حرام مابرد عليه ..
ملاك : ايش !
رنا : مو مصدقتني .. ( مسكت جوالها ) اوريك مسجاته
ملاك صدتها : مايحتاج ..
رنا : لاعشان تصدقين
ملاك : ماابي اشوف شي .. !!
رنا : شكلي عكرت جوك .. اسفهه والله بس قلت لازم اقولك
ملاك : عامله الواجب .. واظن وصلتي الي جايه عشانه
رنا : أوووف .. طرده
ملاك قامت : افهميها بالشكل الي يريحك انسه رنا ..
رنا : وشفيك قلبتي علي
ملاك : ولا تذكرتيني الا قبل زواجي بيوم .. مااشتغل عندك ضميرك الا اليوم ..
رنا : هذي جزاتي
ملاك تصفق : عفيه عليك الصراحهه .. بيتنا يتعذرك
رنا قامت بعصبيه : الشرهه على الي يجيلك
ملاك لحقتها : اشوفك هنا مره ثانيه .. أحشش رجلك حشش
رنا : حدك يالمخخخفه
ملاك : برااااااااااا
( رنا طلعت من المجلس .. وشافت نواف ووليد واقفين بخوف من صرخه ملاك ..
طلعت وقفلت الباب بقووووووووه
ثواني طلعت ملاك من المجلس ودمعتها على خدها )
نواف بسرعه : ملالاك وشش فيييك
وليد : وش قالت لكك ذيي ؟؟؟
( ملاك صدتهم وطلعت ركض وماسمعوا غير صوت الباب يتقفل .. )
نواف : بشوفها
وليد مسكه : خلها لحالها شوي ..

***
يوم الخميس .. الساعه 12 الظهر ..
( دخلت ديما على ملاك الي غاااااارقه بسابع نومه ..)
ديما : ملآآآك اكيد تستهبليييين قووووومي
ملاك : ديما خليني بنام
ديما : وزواج مين اليوووم .!!
(ملاك جلست على السرير بكسل )
ديما : يممه شوفي شعرك .!! على الحمام بسسسرعه
ملاك دمعت عينها : ماابي
ديما : شنو الي ماتبين .!!
ملاك : ماابيه .!!
ديما جلست جنبها بصدمه : شقلتي ؟
ملاك نزلت دمعتها : ماابيه .!!
ديما : لييييييه شصاير . !
(حكت لها السالفه كلها .. ثواني رن جوالها .. طالعت فيه وتركته ..)
ديما : ثامر ؟
(ملاك تهز راسها بايه ..)
ديما : وأنتي صدقتي كلامها .. ! وحدهه حاقده عليك وبتخرب الي بينكمم
ملاك : بس
ديما مسكت يدها : لآبس ولا شي .. قومي على الحمام .. تخلصين وتكلمينه سامعه
ملاك : ماابي اسمع صوته .!!
ديما : حرام عليك ياملاك ... أسمعي السالفه من الطرفين طيب
ملاك : .............
ديما : قومي يالله ..
ملاك تنهدت : طييب .!
***
بيت ابو مشعل #
( دخلت شيما غرفه ثامر .. الباب ماكان مقفل .. شافته مسرح حيييييل وبيده جواله ..)
شيما : أحم .!
ثامر فز : هآ .. هلآ .!
شيما : ثامر وش فيك ..
ثامر ابتسم : مافيني ؛
شيما : آكيييد .!!
ثامر : لآتحاتين .. أيوه بغيتي شي ..
شيما : أيوه كنت بسألك عن رقم ..
ثامر بأهتمام : رقم منو ؟
شيما : رقم مزعج يتصل علي من أمس ويرسلي مسجات .. والاسلوب اسلوب بنت
ثامر : وحده من البنات شالغريب .. ..
شيما : وحده من البنات وش تبغى فيك ..!!!!
ثامر : فيني !!!!!
***
فـ بيت أبو عبد العزيز .. #
قسم عبدالعزيز ..
( واقف قدام المرايه ويعدل غترته .. أخذ عطر وتعطر .. ومسك نظارته بيده وبينزل ..
لف على رهف الي كانت متكوره على نفسها وباين على ملامحها انزعاج من اللمبه)
عبدالعزيز قرب منها : آسف صحيتك ..
رهف لآزالت مغمضه عينها : عادي
عبدالعزيز مسح على راسها : بتروحين اليوم ..
رهف طالعت فيه وأعجبها شكله ممممره وابتسمت : ماادري ليه
عبدالعزيز أبتسم : وشفيك تبتسمين .. عجبتك .!
رهف بحيا : تهبل .!
عبدالعزيز : ههههههههه .. بتروحين عشان اقول للبنات ينتظرونك ..
رهف تمسك راسها : والله ماادري مره دايخه ..
عبدالعزيز باس راسها : سلامتك ياقلبي . . ارتاحي ماله داعي .. لك عذرك
( رهف أبتسمت .. )
عبدالعزيز يلمس دقنه : أنا بطلع أحلق .. وبروح كم مشوار مع ثامر .. تحتاجين شي أتصلي علي أوك .
رهف : طيب .. أنتبه لنفسك
عبدالعزيز : إن شاء الله ,, يلا مع السلامه
رهف : مع السلامه ,,
***
بيت ابو مشعل #
ثامر : ايش هالمصيبه الي طلعت لي .!!!!
شيما : وانا أدري .. شاك بأحد
ثامر : ومن غيرها
شيما : مين ؟
ثامر بقهر : رنا
شيما : طيب كيف بتتصرف
ثامر : بـأمشي الزواج طبيعي ولاكأن شي صار ..
شيما : ماابي يأثر حكيها على الي بينك وبين ملاك
ثامر : شكل ملاك واصلها حكي .. من هالـ ....... الي قاهرني ليه ماترد علي .!!
شيما : يمكن منشغله .. لآتحط ببالك هالاشياء
ثامر رن جواله ورفعه : هذا عبدالعزيز .. يلآ انا طالع .. ( قام )
شيما : على وين
ثامر : يضبطني ههههههه
شيما : هههههههه حلوو ..
***
طلعت من الحمام .. وواضح على وجهها التعب .. كابرت !
ومسكت جوالها شافت فيه اكثر من اتصال لثامر .. تنهدت وأتصلت عليه ..

ملاك : آلو
ثامر رد بسرعه : ملاكي ويننننك ..!!
ملاك : توي صاحيه
ثامر : طيب كيفك آليوم ..
ملاك : بخير ..
ثامر : زين .. خلصتي اغراضك كلها ..
ملاك : آي
ثامر سكت شوي .. : ملاك
ملاك : .......
ثامر : فيك شي
ملاك : لآ ..
ثامر : طيب أنا بقفل الحين .. مشغول شوي
ملاك : طييب
ثامر : ماراح تقولين الي فيك ..
ملاك : مافيني شي
ثامر : الي يريحك .. مع السلامه
ملاك : باي .!

( لو استمرت بالمكالمه شوي .. كان بكت على الخط .. مشتاقه له حيييل .. حست بشي خنقها من بعد ماسمعت صوته .. وماكان بخير وهي عارفهه ..
بس ماسألت .. تركت الجوال وقامت تلبس .. عشان تلحق عليهم قبل لايروحون القصر






**
هل بيأثر كلام رنا على زواج ثامر وملاك ؟
وش بيصير بالزواج ؟ وهل بيصير اصلا ولا لا !
توقعاتكم ب البارت القادم ..
ودي ؛