ي حبني لك ..
إن شاء الله تكون النهايه تعجبك .. وتوقعاتك حبيتها حيل ..
وتأكدي من صحتها ب هالبارت ..

..
البارت الـ 24
..
الساعه 11 بالليل ..
دخل نواف البيت معصب .. : يممممه يممممه
سيرياتي (الخدامه ) : ماما فوق
رقى الدرج بخطوات سريعه .. طق الباب بهدوء وفتحه : يمه ؟
ام عبدالعزيز الي كانت جالسه تكلم بالتلفون اشرت له يسكت : ايه .. وش نسوي ياام خالد
نواف طير عيونه سوتها الخاله قال بصوت واطي ويأشر بيده : ماابيهم ماابيهم
ام عبدالعزيز طالعته عشان يسكت : والله ؟ مادريت على كل هذا .. ايه لا ماهو من النوع الي يحكي واجد ..
( نواف يطالع فيها بنظره رجا .. انها تخلصه من هالموضوع بكبره )
ام عبدالعزيز : بس اسمعيني ياام خالد .. هالزواج ماراح يصير بدون عيالي .. وظروفهم ماتسمح .. ان عندي 3 عارفه انهم متزوجين .. وكل واحد معذور .. من راح يوقف مع ولدي يوم عرسه .. ؟ ابي اخوانه كلهم معه .. وبهالظروف ماراح يقدرون يحضرون ..
بسلامتكم .. الله يسهل عليها ويرزقها باللي احسن منه .. لاتوصلكم الورقه لحد بيتكم .. الحافظ الله .. مع السلامه
نواف صرخ : خلاااااااص !! خلاص ماكو زواج !!
ام عبدالعزيز بخيبه : وش اسوي بها !
نواف : ياااااااالبيه ياام عبدالعزيز .. يالبااااا كلك
ام عبدالعزيز : مبسوط ؟
نواف بفرح : اكييييد بنبسط .. برجع حر يمه .. ( فلحظه تغيرت ملامح وجهه )
ام عبدالعزيز : وش فيك ؟
نواف لف عليها : بس شهد !
ام عبدالعزيز : مو تو تقول مبسوط ؟؟
نواف : مبسوط اني افتكيت من امها .. ومن هالزواج الي هاد حيلي .. بس هي !
ابيها يمه !
ام عبدالعزيز : انهبلت !! وش تبيها خلاص امها تبي ورقه الطلاق توصل
نواف بأنفعال كأنه توه يستوعب : ماااااني مطلق > وطلع من الغرفه بسرعه
ام عبدالعزيز : نواااف يمه .. نواااف تعال الله يهديك وش بتسسوي
( اخر شي سمعته صوت الباب يتقفل بقوووه )

***
ف شقه ثامر وملاك ..
جالسه ترتب له ملابسه .. بدون مايطلب منها ..
دخل عليها وشافها منغمسه بالترتيب وتدنن اغنيه .. ابتسم : ملو ؟
(ملاك فزت بخوف )
ثامر : ههههههههههههه خوفتك ؟
ملاك : اييي ياشينك ..
ثامر جلس على السرير : هههههههههه اسف والله .. أممم إيش تسوي ؟
ملاك : ارتب ملابسك ..
ثامر : والله ماودي اروح .. موعد رحلتي 4 الفجر
ملاك : عادي
ثامر : ماراح تشتاقين لي ..
ملاك ابتسمت بغصه : الا كثيير
ثامر : يابعد روح ثامر انتي .. تعالي
ملاك خنقتها العبره : ماابي ..
ثامر فتح يده : تعالي تكفين
( ملاك قربت .. وهو قام وضمهااا بقووووهه .. )
حكا بهمس : خليني اشبع من ريحتك .. الله يصبرني على بعدك ..
كانت بتبكي بس مسكتها .. ثامر بعدها وهو مبسوط .. : ماكو إستفراغ
ملاك ضحكت : ههههههههه مااكلت شي
ثامر صرخ : ملآآآآآآك

***
من ناحيه سالم .. كان يكلم لولو بالجوال لأول مره ..
سالم : ليش احسك ترجفين ..
لولو : لا انو متوتره شوي بس
سالم بضحكه : صوتك بالفون غير غير
لولو : أحلى ولا اشين
سالم : احلى اكيد
لولو : ههههههههه شكرا
سالم : العفو .. الا اقولك ..
لولو : شو
سالم : هذيك المره .. لما سألتك .. انو كيف اهلك عادي ماقالوا شي .. ماجاوبتي
لولو : وش تبي تعرف ياسالم ..
سالم : كل شي
لولو : يعني تبغى تعرف انو بابا ماصار يكلمني .. بعد مادرا ..
وماما نفس الحاله .. سلام وعليكم السلام فقط .. اقرب واحد اخوي اللي شفته بالصيدليه انت معاي .. ولا كلهم كأني عايشه ببيت غريب مو بيتنا ..
سالم : لهالدرجه ..
لولو : واكثر ياسالم .. وربي بابا كان بيرميني بالشارع بس امي وقفته .. وربي كل يوم اعيش بتعب وهم مثل اليوم اللي قبله ..
احلى شي بدنيتي الحين ( سكتت شوي ) وجودك انت
سالم ابتسم وبان من صوته : وجودي يبسطك ..
لولو : يريحني كثير
سالم : وانا قربك ..
***
فبيت ابو مشعل .. شيما كانت منفعله
شيما : وليه انا مااقدر اصير مثلها .. ماما ظلم
ام مشعل : لا هو ظلم ولا هو شي .. وش بتستفيدين من قعدتك بالبيت .. اطلعي برا خلي العالم تشوفك ..
شيما : مالي دخل بحول انتساب مافيني اداوم ماماا
ام مشعل : بلا دلع .. بتداومين بتداومين
شيما قامت بعصبيه : مابي ..
ام مشعل : الا تبين .. لاتنرفزيني ياشيما
مشعل تدخل : وش فيها لادرست انتساب
شيما بفرحه : هذاااااا الي يعرفني .. أي وش فيها
ام مشعل : وليش ماتدرس انتظام .. مافيها الا العافيه ..
شيما : ماما ملاك تدرس انتساب .. شفتي فيها شي
ام مشعل : ملاك متزوجه ..
شيما لفت على مشعل : دور لي احد اتزوجه الله يخليك
مشعل : ههههههههههههههههههههه

***
نواف كان جالس بالاستراحه مع الشباب .. بس باله مو معاهم ابدا .. صحاه من تفكيره صوت فيصل : نواف ؟
نواف لف عليه : سم ؟
فيصل ابتسم : وين وصلت !
نواف : انا معكم ..
فيصل : لا والله منت معانا .. ( قرب منه وحكا بصوت واطي ) ايش في ؟
نواف : تعبت من هالتفكير يااخوي ..
فيصل : احكي ..
نواف : خالتي تبغاني اطلق شهد .. وانا ماابغى اطلق !!
فيصل بانفعال : تطلقهاااا .. ايش هالحكي على كيفها هو !
نواف : والسبب .. عشاننا مانبغى الزواج بعد اسبوع .. يافيصل شوف ظروفنا كيف .. وانا اروح اتزوج !
فيصل : طيب احكوا لها ظروفكم ..
نواف : قلنا لها ظروف .. لكن هالخاله ماتفهم .. يبغى لها حد يكسر راسها
فيصل : لا يانواف .. تروح تتضارب معاهم عشان تآخذ بنتهم !
نواف : والله لو وصلت لكذا .. بتصير مضاربه !
( سمع نغمه رساله جواله .. فتحها .. وكانت هي المرسل :
" دريت عن اللي صار .. اذا انت عفتني بهالسهوله .. انا بعد عفتك "
انتفض قلبه من قرأ حروفها .. وتوتر حيل وبين على وجهه ..
فيصل : وش فيك تغير لونك من فتحت المسج ؟
نواف ابتسم بغصه : لا ولا شي .. ( ماعرف وش يرد عليها وقتها .. قفل جواله ورماه جمبه ) وزع وزع الورق ..
***
ب المستشفى ..
عبدالعزيز : يمه يعني وش بيسوي .. بيروح يتكي بالاستراحه لما يروق ويرجع
ام عبدالعزيز والقلق واضح بصوتها : ياعبدالعزيز ماشفت وجهه يوم يطلع .. والله إني خايفه يروح يسوي شي للبنت ولا امها .. ولا يسوي بروحه شي
عبدالعزيز : يمه ماراح يسوي شي .. وبتصل عليه الحين وأطمنك ..
ام عبدالعزيز : عجزت وانا اتصل جواله مقفل .. روح له يمه شوفه
عبدالعزيز يطالع برهف : ابشري ومايصير خاطرك الا طيب .. بروح اشوفه واذا طلعت منه اتصلت عليك .. تامرني شي ثاني
ام عبدالعزيز : لا يمه سلامتك .. يلا مع السلامه .. لاتنسى
عبدالعزيز : ماراح انسى يمه .. مع السلامه ..
رهف : ايش فيها خالتي ؟
عبدالعزيز : قلقانه على نواف .. طلع من البيت معصب
رهف : ليش ؟
عبدالعزيز : متصله عليهم ام خالد .. وتبي نواف يطلق بنتها ..
رهف : امااااانه ليش ايش صاير
عبدالعزيز : والله الي فهمته انهم يبغون الزواج الاسبوع الجاي .. ونواف مابعد ضبط شي واعتذر لهم بس ماكو فايده ..
رهف : عاد يطلقها !!
عبدالعزيز : عجوز مخرفه .. يلا انا بقوم اشوفه
رهف : طيب
عبدالعزيز قرب وباس راسها : انتبهي لنفسك .. ماراح اطول ..
رهف ابتسمت : وانت كمان ..

***
ف بيت ابو فهد ..
الساعه كانت 12 ونص ..
كانت جالسه بالصاله الي فوق تطالع التلفزيون بطفش .. سمعت صوت بغرفه فيصل .. هي شايفه فيصل طالع .. شكت بنفسها .. ماقدرت تطنش الصوت وقامت تشوف .. فتحت الباب بشويش شافت محمد ماعليه الا جنز والتي شيرت ماسكه بيده / هي صرخت وهو غطاا صدره بالتي شيرت بخوف : ايشششش
روان : ايشش انتا ! ايش تسوي هنااا
محمد مرتبك : انا نايم هنا !
روان : كيف انت هنا ماشفتك
محمد ابتسم : ماراح تشوفيني وانتي تتجاهلين وجودي من الاساس ..
روان مااستوعبت حكيه : ايش !
محمد لف عشان يلبس : إنسي روني ..
روان طلعت وفكرها سرح بعيييييد بعييد .. بعدها استوعبت ودخلت عليه بسسرعه : انتتتتتا !
محمد : انا ايش !
روان : انتا الي ضايفني قبل كم يوم صح صح الا انتا محد يقولي روني لسساتك قايلها
محمد : ههههههههههههههههههههههههههههههههه ايوه انا
روان : ليش ضايفني ؟ من فين لك البن اصلا
محمد مشط شعره على فوق واخذ جواله .. مر من جنبها : جبته

***
ب الإستراحه /
دخل عبدالعزيز عليهم .. : سلام عليكم ؛
كلهم : وعليكم السلام والرحمه
: هلا والله
: ياقدمك ياششيخ
عبدالعزيز يدور بعينه على نواف : ههههههههههههههههه والله للإستراحه فقده
( حصله وقرب منه وجلس ) مرحب وينك ؟
نواف : ويني موجود !
عبدالعزيز : امي متصله علي وشوي وتصيح .. وش مسوي ؟
نواف : ماراح اطلق انسى
عبدالعزيز : ماقلت لك طلق انا .. وش صاير !
نواف : اكيد الوالده قالت لك كلش ليش اعيد ؟
عبدالعزيز عوج فمه مااعجبته نفسيه نواف .. شاف فيصل يمد له زقاره / ردها : لآ والله
فيصل : غريبه ليه ؟
عبدالعزيز : المدام ماتبغاني ادخن .. بس شكلي باخذ وحده بسبه الي جمبي
فيصل : ههههههههههههههههه خذ لك بس ماراح تدري عنك ؛
( عبدالعزيز سحب وحده وولعها .. )
فيصل : بعلم عليك
عبدالعزيز : هههههههههههههههههههههه

***
بجناح عبدالله فالمستشفى ..
كان مغمض عيونه بتعب .. سمعوا صوت الباب يطق .. قامت ديما وبعدت عن الباب
انفتح وإذا هي بنت معاها باقه ورد كبيرهه .. قالت بغنج : عبدالله
( ديما طالعت فيها بأستغراب .. وطالعت فيه )
عبدالله فتح عينه بخوف : مين ؟
البنت كانت متلثمه بطرحه خفيفه مرا : دينا .. ماعرفتني ؟
عبدالله تغير وجهه وأنقلب الوان : انتي مين عشان تجين هنا !! منو دازك علي
دينا : رحت لإستراحتكم وخبروني انك هنا .. أنقطعت اتصالاتك فجأه خوفتني عليك
( ديما جلست على الكنب بصدمه واضحه بعينها .. اكتفت بالسكوت )
عبدالله يطالع بديما : ديما طلعيها برااا
دينا لفت راسها : منو ديما هذي ؟ ( اشرت لها بيدها ) هاااي
( ديما ماطلع لسانها كالعاده اخذت شنطتها وطلعت برا الغرفه )
عبدالله علا صوته : ديمااااا .. ديما تعالي والله مااعرفها !!
( بهدوء نزلت دموعهاا أتصلت على سواقهم عشان ترجع البيت .. تبغى تتهرب من هالموقف .. )
دينا تابعت ديما بعيونها لما طلعت .. نزلت الورد على الطاوله وابتسمت : انا خلصت مهمتي خلاص ..
عبدالله صرخ فيها : منو دازك علي انتتتتي
دينا : يوسف الـ ....... تعرفه ..
عبدالله : ابن الكلب ..
دينا : تو تو عيب ..
عبدالله ارتفع ضغطه منها وكان وده يقوم ويحوسها بس لازم حد يسنده .. ضغط على الجرس بدون ماتنتبه هي .. ثواني جت النيرس
عبدالله فقد اعصابه : طلعيها برا !
دينا تبعد يدها : اعرف اطلع لحالي .. بس بوصل لك حكي يوسف " والله ماتتهنى فيها .. باي يالحلو ..
..
رجعت للبيت .. وكان بوجهها ام عبدالعزيز : ديمااا ؟؟ منو جاااابك
( ديما ركضت لأمها وضمتها بقووهه وبكت )
ام عبدالعزيز : بسم الله عليك وشش فيك
..
اما دينا اتصلت على يوسف ..
: ايوه ايوه .. وربي طلعت وهي تبكي !
يوسف : لا ليه بكيتيها يالشريره وش قلتي ؟
دينا : هههههههههه وربي ماقلت حاجه تبكي .. بس هي حساسه يمكن
يوسف : أي حساسه حيل
دينا : لاتمدح فيها عاد .. ترا اغار
يوسف : لا ياروحي .. انتي كل شي الحين .. لباك
دينا : هههههههه أيوه ادري .. بس حلوه بنت الإيه
يوسف تنهد : قمر
دينا : يووهه وش قلت انا
يوسف : توبه خلاص @"

***
رجع عبدالعزيز للمستشفى بعد ماأطمن على نواف .. حاول يتصل على امه لكنها ماترد .. صعد فوق .. وقرب من غرفتها / طلع من الغرفه دكتور ووراه نيرس .. مسك يدها بأستغراب : ايش في ؟
النيرس الفلبينيه : we can"t talking about the secrets of the patients
عبدالعزيز بعصبيه : I am her husband
النيرس راحت : Spoke with Dr
عبدالعزيز دخل الغرفه : ينعن من جمعكم ياشيخه .. رهف .. ( علا صوته وهو يمشي بالممر ) رهف ؟
( وصل لعند عند سريرها .. كان وجهها اصفر وتحت عينها سواد .. / صرخ فيها بخوف ) ررررررررهف ! ( هزها كم من مره ) رهيفااااان اصححححي ( حط راسه على صدرها بهستيريا يبغى يسمع نبض قلبها .. لكن مااستجابت له .. طلع من الغرفه بسرعه وصرخ بالممر على اول نيرس شااااافها ) ايشش فيهاااا ليششش ماتتحررررك

النيرس حسبته مجنون وهربت .. ثواني رجع نفس الدكتور الي طلع من عندها قبل شوي .. بعد ماسمع صراخه بالممر : استاذ عبدالعزيز
عبدالعزيز مسك يده : دكتور سعد ماتتحرك ماتتحرك ايش فيهااا
د / سعد وجهه منقلب : طول بالك ياعبدالعزيز .. الأرواح بيد الله ومحد يعرف يومه
عبدالعزيز صرخ : مااااااتت !! خلاص ماتت بتخلووووها تموت كذا لااااا ( مسك يده ودخله للغرفه ) شووووفها شووفها عطها نبض اصعقها بالكهرباء خلها ترجع لي ابييييها اناااا ( نزلت دموعه ) يرحم لي امك وابوك هي دنيييتي
د / سعد تأثر مع عبدالعزيز بشكل كبير حاول يفك يده من يد عبدالعزيز : ياعبدالعزيز أهدا أهدا ماراح يفيدها بكاك عليها .. ادع لها بالرحمه وأستغفر ربك مايصير الي تسويه
عبدالعزيز قرب منها ورفعها لحضنه وصار يهز فيها : حبيبي رهف قومي قومي لآتخليني وحدي ااااجيك يارهف .. حبيبتي قووومي .. كذبت عليك وعدتك اني ماادخن ودخنت والله اني مااستاهلك قومي بأعوضك بأعوضك بكل شي يارهف اوعدك والله ماادخن ثاني بس قومي .. ارجعي لي
د / سعد حاول يبعدها من يده : عبدالعزيز اتركها اتركها تعذبها انت اكثر كذا
عبدالعزيز صرررخ : خلننني .. اااهه يارهف ايش نسوي انا وريانك .. ريانك بتخلينه لوحدهه .. يرضيك تخليني انا لوحدي ايش بسوي من دونك !!
ارجعي لي ماابغى نهايتك .. ابيك انتي انتي !!

***
بشقه ثامر .. #
الساعه كانت 2 ونص
اخذ شنطه اللاب وحطها على كتفه وسحب شنطته الثانيه لما وصلها عند الباب ..
ملاك قصدت تدخل للحمام بدون ماينتبه لها عشان ماتودعه .. صوت عليها : ملاااااك وينك .. انا بطلع الحين .. ملاكي ( دخل الغرفه وماحصلها .. / سمع صوت المويه بالحمام .. طق الباب بخفيف ) ملاك .. يلا اطلعي بروح ..
(ملاك ماردت عليه)
ثامر : ملوو .. ( طالع بالساعه ) حبيبي يلا تأخرت ..
ملاك : روح ماابي اودعك ..
ثامر بجديه : ملاك .. يلا عاد ابي اسلم عليك طيب
ملاك : ماابي ياثامر روح ..
ثامر حزت بخاطره وشال شنطته : طيب انتبهي لنفسك ( دخل للغرفه وصقع بالباب عشان يجي ببالها انه طلع .. ثواني فتحت باب الحمام وهي تمسح تحت عينها بهدوء .. جا من وراها وضمها بقوووه .. فزت بخوف : مااقدر اطلع من هنا بدون ماأشوفك ..
( ملاك لفت عليه وطالعت بعينه .. )
ثامر أشر لها بلا : لآتبكي
( هي قربت منه وضمتتتتته حيل .. )
ثامر : آآهه بس .. هذي الي بتخليني اقعد
ملاك ضحكت : ههههه خلاص روح
ثامر : اروح اكيد
( هزت راسها بالإيجاب )
ثامر قرب وباس جبينها : الله يحفظك لي لما أرجع .. آنتبهي لروحك
ملاك : وأنت كمان ..
ثامر أشر على عيونه : من عيوني .. ( اخذ شنطته من الغرفه ) مع السلامه
( ملاك أشرت له ب باي .. طلع وقفلت الباب وراهه .. )
..
ركب التاكسي متوجهه للمطار وفكره معها .. قطع عليه سرحانه صوت جواله .. رفعه بهدوء : آلو
عبدالعزيز الي كان منهار : رهف راااحت
ثامر بصدمه : إيششش !!!!!

***
نواف رجع البيت وجلس بالصاله تحت .. طلع جواله وقرأ رسالتها ثاني مره ..
ارسل لها " ربي يرزقك باللي احسن مني .. ويزوجك باللي يعجب امك قبل مايعجبك ..
آنتبهي لك عشاني .. تراك تهميني .. "
تنهد بعمق وزفرها .. ثواني وصلته رساله منها ..
" ماعاد يفيد حكيك .. ماما تبي الورقه توصل "
اتصل عليها على طول ..
شهد ردت بعد فتره : آلو
نواف : انتي تبيني اطلقك ؟
شهد : نواف افهمني
نواف عاد حكيه : أنتي تبيني اطلقك ..
شهد : بس ماما
نواف قاطعها : ماتهمني .. انا بتزوجك انتي ماراح اتزوج امك
شهد بكت : نواف .. انا وش بيدي طيب .. وش تبيني اسوي
نواف قسى نفسه : لاتبكين .. وجاوبيني
شهد : انا مستحيل اطلع عن رايي ماما مااقدر
نواف : انتي طالق شهد .. > وقفل بوجهها ..
..
أرسلت له رساله على طول " بهالسهوله "
نواف مارد عليها .. قفل جواله وطلع فوق .. شاف امه بوجهه حكا : طلقتها !

..

آنتهى البارت الـ 24
ترقبوا الاحداث بالبارت القادم والأخير ..
ودي

من جرب الفرقى وعاش المعاناه
بيعرف شاللي بخاطري ما سألني
ومن جرب انه يموت صبحه وممساه
بيقول نفس اللي مكن به مكني
ومن جرب انه يدمح الجرح برضاه
يبقى صويب الحب لو هو يغني
ومن جرب انه يعشق اللي مايهواه
ماجاه يوم وقال وش به طعني ؟
الايام حدت خافق الروح لأقصاه
اظن ظن وخيب الوقت ظني
مرحوم ياقلب غدا داه برداه
بلاه عيا يطيعني وضاع مني
ياصاحبي ماجا على القلب كفاه
والحين كيفك لو تبي تخون خني
تدري وش اللي دامني حي ماانساه
يومي اطالع فيك وتصد عني

حمد البريدي *
..

البارت الـ 25 والأخير ><

:@
رن ثامر الجرس .. قربت ملاك من الباب : مين
ثامر : انا افتحي
ملاك فتحت الباب بأستغراب : ثامر ؟؟ ايش تسوي هنا ناسي شي !
(ثامر الصدمه بوجهه من هالخبر دخل وجلس )
ملاك : حبيبي .. وش فيك لاتخوفني !
ثامر بصعوبه : رهف
ملاك أنقبض قلبها : ايش فيهااا !!
ثامر : ماتت

***
" من بكره انتشر الخبر بين الكل .. وبدوا يتصلون عليهم يعزونهم
غير الي جوا وصلوا عليها معهم ..

عبد العزيز كان ماسك نفسه طول هالوقت .. لما شافهم ينزلوها للقبر ماقدر يتحمل وطاح من طوله منهار بكي .. ثامر ونواف مسكوه يهدونه .. وباقي الناس على كلمه وحده : اذكر الله ياعبدالعزيز .. اذكر الله !
عضد له نواف ووقفه .. وضمه يهديه .. تنهد : اذكر اللهه "(
..
وقف ورا لما خلصوا .. قرب ودعا لها بلهفه ان ربي يرحمها .. ويسكنها فسيح جناته ويلطف بها وبه وبولده ويصبرهم على فراقهااا .. طاح على ركبته وجلس عندها فتره .. لما قرب منه نواف ومسك كتفه : عبدالعزيز .. خلنا نرجع البيت ياخوي ..
..
نواف سنده ومشى معه للسياره ..

وصلوا البيت ودخل عبدالعزيز وطلع فوق على طول .. دخل قسمه .. قفل جواله ورماه جوا الدرج اللي بالصاله .. دخل غرفته وتوجهه للشماعه .. سحب الروب حقها ضمه بقوهه وصار يشم فيه عطرهاا .. جلس على السرير وغطا وجهه فيه وبكااا من قلبه .. قلبه كان متقطع عليها ..
طلع ريان فوق من شافه داخل البيت .. ودخل عنده .. قرب منه وتمسك بثوبه

عبدالعزيز طالع فيه .. ريان مد يده ومسح دموعه .. عبدالعزيز رفعه له وضمه بقوووه : تعال ياريحه أهلي انت
دخلت ام عبدالعزيز عليه عشان تأخذ ريان شافته بهالحاله .. قعدت جمبه وفتحت يدها له .. قرب وضمها وصارت تمسح على ظهره وهي تبكي : يمه مايصير الي تسويه بروحك ..
راحت لربها مثل مااحنا كلنا بنروح .. كلنا بنروح يا عبدالعزيز
عبدالعزيز بالعافيه طلع الحكي وانبح صوته : ابيها يمه .. مااقدر اعيش بدونها والله مـ مـ ااقدر
ام عبدالعزيز : بس يمه لاتقطع قلبي اكثر بس !

***
ب المجلس كان مليان رجال يعزونهم .. الأغلبيه تعزي وتطلع للملحق برا ..
الشباب كانوا جالسين جنب الباب ويقومون كل ماجاء احد يعزيهم .. اما ابو فهد كان جالس بعيد .. وجنبه ابو عبدالعزيز يهدي فيه .. وفيصل جالس بالطرف ويمسح دموعه بغترته .. تذكر وفاه أمه والي صار له ذاك اليوم .. سبحان ربي كلنا ماشين على هالطريق .. ومحد يعرف يومه ..
..
ثواني نزل لهم عبدالعزيز .. وواضح على وجهه التعب وعيونه حمراء .. أول مادخل قام فهد وهو جلس مكانه .. ثامر حط يده على كتف عبدالعزيز يخفف عنه .. لف عليه وأبتسم بغصه .. وماقدر يقوم للي يدخلون يعزون .. يسلم عليهم وهو جالس !

***
اما بجهه النساء .. داخل المجلس الثاني
كانت رزان منهاره وتبكي بصوت عالي .. وكلهم حولها يهدونها .. وأمها جالسه بالصاله الي برا .. ماقدرت تشوف بنتها وهي بهالحاله ..

ملاك كانت تحاول تكتم شهقاتها : رزان مايصير الي تسويه والله مايصير
رزان : جيبوووووها لي لييييييه راحتت !!!
ملاك ضمتها : اششش خلاص ..
ديما اللي كانت تمسح دموعها بسرعه اول ماتنزل : رزان أدعي لها .. ماراح يفيدها بكاك عليها والله مايفيد ..

قامت رزان بسرعه وتوجهت للباب وطلعت لحقوها البنات : رزاااان تعاالي
فهد كان بالملحق سمع صراخهم وطلع يشوف وش صاير .. شافها مقربه من الباب تبي تطلع صرخ : رزااااااان ( قرب منها بسرعه وعاندت / شالها من ورا عشان يدخلها جوا : أهدي يارزاااان اهدي
رزان كانت تضرب فيه برجولها : فكككككني فكنننني ابي اروح لهاااااا ليه دفنتوها ماشفتها والله ماشفتهااا
فهد قرب من الباب ودخلها بالغصب بس طاحت وجلست : فهد جبها لي
فهد نزل لمستواها : راحت لربها يارزان ! ادعي لها غلط الي تسوينه
رزان مسكت بثوبه وطالعت فيه : جبببها لي
( فهد قربها منه وضمهااا .. )
..
اما شيما كانت تدور على الحريم وتعطيهم مويه .. وللحين مصدومه وماقدرت تستوعب اللي صار .. مرت من جنب خالتها : خالتي تبغين مويه .. ( قربت منها ) خاااالتي ؟
( صرخت بخوف ) مامااااا خالتي مااااترد علي تعاالوا
( قربوا كلهم منها وحاولوا يصحونها )
رزان وقفت بخوف : ماما فيها شي !!
ام عبدالعزيز : نادوا فهد نااادوه

***
ع المساء ..

انتهى اليوم الأول من العزاء .. وعبدالعزيز ماقدر ينام بقسمه فوق .. رجع لغرفته الي كان فيها مع نواف ..
دخل نواف عليه وحصله منسدح على السرير ومغطي وجهه بيديه .. حكا : عبدالعزيز ؟
عبدالعزيز بعد يده وجلس .. طالع فيه ؛/ جا نواف وجلس على السرير جمبه : كيفك
هز راسه بقناعه : الحمدلله ..
نواف مسح على ظهره : عظم الله أجرك ..
عبدالعزيز تنهد وقال بصعوبه : جزاك الله خير ..
نواف : تعشيت ..
عبدالعزيز : مالي نفس ..
نواف : انت ماأكلت شي من البارح
عبدالعزيز دمعت عينه : والله مااشتهي ..
نواف خلاه على راحته وقام : اللي يريحك .. ( اخذ جواله من الطاوله وصار يرد على الرسائل الي وصلته .. لقى رساله منها : "عظم الله اجركم .. والله يصبر قلوبكم على فراقها .. لاتضيق صدرك تكفى "
أبتسم بضعف .. بس رد عليها بعكس احساسه : " جزاك الله خير .. وماعاد فيه شي بيني وبينك .. "

***
فبيت ابو فهد ..

فيصل كان جالس بالصاله تحت .. وراسه بين يديه .. حس بأحد يدخل البيت رفع راسه بهدوء شاف محمد اللي كانت روان متصله عليه لأنها خافت على فيصل .. جاء جلس جمبه .. ومسح على ظهره : خلاص
(فيصل طالع فيه .. وبعد عينه )
محمد : ايش فيك ..
فيصل : مافيني حاجه .. انت كيف دخلت هنا
محمد : انت ناسي مفاتيحك بالإستراحه ..
(فيصل مد يده .. ومحمد حط المفاتيح فيها )
محمد : قوم خلنا نتعشى برا ..
فيصل : مالي نفس
محمد مسك يده ووقفه : الى متى مالك نفس .. شي مكتوب يافيصل لاتعترض على حكم ربي
(فيصل دمعت عينه )
محمد : لاترجع للبكي ثاني ..
فيصل غطى وجهه بضعف وجلس : والله مو بيدي "(

محمد رفع عينه على صوت مشي على الدرج .. شافها روان .. اشرت له من بعيد بـ " كيفه " .. هز لها راسه بـ " لا "
***
من ناحيه عبدالعزيز ..
عينه كانت بتغفى الا بباب الغرفه يفتح .. دخلت امه وماسكه ريان بيده : ماوقف بكي .. عيا ينام عندي يبيك ..
عبدالعزيز ابتسم .. قرب ريان من سريره .. شاله ونومه بحضنه وغطاه زين .. جت بباله رهف بآخر لحظه لها بهالبيت .. قرب من راس ولده وباسه بحنيه ..
ام عبدالعزيز قفلت الباب : تصبحون على خير ..
اما ريان طالع بأبوه : ماما !
عبدالعزيز تجمعت دموعه بعينه : ماما عند ربي ..
..
" أستمروا على هالحال ثلاث ايام بين المصدق والمكذب .. المنهار والمتحمل .. المتصبر والمحتسب .. كل بلاء إختبار من الله .. وكلنا ماشين بهالطريق .. هي ماتت موته ربها وماذاقت العمليه وألمها .. "بين رمشه عين .. ماتت !"
***

بعد مرور شهور على آخر الأحداث ..
كانوا طالعين للشاليه حقهم المطل على البحر .. يغيرون جوهم ..
دخلت ملاك جوا عشان تروح الحمام "ربي يكرمكم "
ديما تصفق : ام كريشه أم كريشه
(ملاك صارت تدور وهي تضحك )
ديما : ههههههههههههههههههههههههههههه
شيما : ههههههههههههههههههههه بلا هبل لايطلع
ملاك : يمماا لا مو اليوم تكفين .. > دخلت الحمام وتركتهم يسولفون
ثواني طلعت ونظره رعب على وجهها
شيما الي كانت جالسه مقابل الحمام : ايش فيك !!
ديما : صرصور ؟؟
ملاك طالعت تحت وشوي وتصيح : نادوا ماماااا
ديما قامت بسرعه ومسكت يدها .. وبعدت بجسمها : وش هذا الي يطلع مننننك
شيما راحت تنادي خالتها بسرعه : خااااالتي تعاااااالي بسسسرعه
ام عبدالعزيز : وشو ياشيما
شيما : ملاك ذاك الشي يطلع منها مدري وش اسمه بس بتولد بتولد !!
ثامر سمع الكلمه وقام بسرعه : بتوووولد !!
(العيال قاموا يزغرطون له وهو طاير من الفرحه )
ام عبدالعزيز قامت بسرعه : والله إنكم فاضين > دخلت عندها
ملاك اول ماشافت وجهه امها نزلت دموعها : ماما اخاف يطلع
ام عبدالعزيز مسكت يدها : هاتوا عبايتها .. ثااااامر تعال ودها بسرعه
ثامر : مالقى يطلع الا الحين .. ابي آتعشى طيب والله مشتهي شواء على قوله نواف
نواف : هههههههههههههههههههههههه روح لحرمتك روح
ملاك صرخت : ثاااامر تعاااال
ثامر قام : ههههههههههههههههههه بيطلع النونو .. يمه ورا وجهك كذا
ام عبدالعزيز : والله انك رايق ياثامر

( غطا وجهها ومسكها .. وام عبدالعزيز حطت بمكانها ورا مفرش عشان ماتوسخ السياره .. ركبها بسياره عبدالعزيز الي كانت اقرب وحده ..
عبدالعزيز قام : بوديكم انا .. انتبهوا لريان .. اركب وياهاا وراا انت وش تبي !

***
عبدالله اتصل على نواف لما ماحصلهم بالبيت .. وعرف إنهم بالشاليه .. راح لهم هناك وطلب من نواف يناديها له .. / نواف تنحنح ودخل : ديما ؟
ديما رفعت راسها : هلا ؟
( نواف أشر لها بتعالي .. لفت على شيما ..
شيما : روحي
ديما بصوت واطي : أكيد هو ماابغى
شيما بنفس النبره : ديما لايكثر روحي
ديما : توه يتذكرني الحين
شيما : قومي اقول
ديما قامت بطفش وراحت لنواف : نعم ؟
نواف : عبدالله يبغاك ..
ديما : ماابغى
نواف مسك يدها وسحبها لما وصل لعبدالله : بلا عبط .. يلا تفاهموا
ديما كانت تطالع فيه بنظره تهديد .. وهو ابتسم لها وراح وتركهم

اما عبدالله ابتسم على تصرف نواف الكويس : السلام عليكم
ديما : وعليكم السلام
عبدالله : كيفك ؟
ديما من غير نفس : طيبه
عبدالله جلس : عارف إنك مالك خلقي ابدا .. وواضح من وجهك .. بس والله إني فاقدك واحشني صراخك حيل ..
ديما : والله ؟
عبدالله : ديما إجلسي عشان اقولك ..
ديما لفت بتروح بس كانت يد عبدالله اسرع منها .. قام ومسك كتوفها ولفها عليه : ليه طيب ؟
ديما : ليه ايش !
عبدالله : ديما أنتي تبغيني صدق !
ديما : ايش هالسؤال
عبدالله : اذا ماتبغيني ماأجبرك علي والله .. تروحين بدربك وربي يسهل عليك حياتك
ديما ضحكت بحسره : تتسهل علي من وين
عبدالله : ايش اللي تتسهل عليك من وين اذا على هذاك الشي عمليات الترقيع على قفا على قولتهم .. ديما مافي شي صعب هالأيام .. بس انتي الي متحطمه من كل شي انتي الي ماتبغين شي حلو يصير لك .. خلاص ! كأن حياتك أنتهت من هذيك اللحظه لييييش !

(ديما هزتها كلماته ودموعها تجمعت بعينها رجعت بها الذاكره للي صار قبل )

كمل حكيه : ديما العالم تمشي قدام .. وانتي ترجعي ورا وورا .. ايش الي بيصير لك بعدين .. توك صغيرهه والله توك .. ديما أنتي شفتي اشياء بحياتك .. بس لسه اشياء كثير ماشفتيها .. خلينا نعيشها سوا .. !
ديما جلست : حاولت امحي اللي راح وكل الذكريات الي ببالي .. بس كل ماأسترجعه أضعف وربك !
عبدالله : خلينا نعيش اليوم .. الماضي راح وكلنا بنروح .. ( قال بغصه ) عبدالرحمن راح .. ورهف راحت .. ويوم انا .. ويوم أنتي
ديما : بعد عمر طوووويل
عبدالله دمعت عينه : صحيت من نومي اليوم وحسيت بخنقه .. انا ماعندي فكره وش بسوي بحياتي .. ماادري وش اسوي انتي اهم شي عندي .. ( جلس على ركبته قدامها ) احاول ادور الشي الصح عشان اسويه بس ماادري ايش .. (تنهد وارتجف صوته ) انا ماادري ليش جيت هنا .. بس عشاني ابيك تقولين لي .. قولي لي تكفين تبيني بحياتك ولا لا ..
ديما طالعت بعينه بعد فتره حكت : انا ماراح أسألك عن دينا .. كلنا نغلط ..
(عبدالله هز راسه بالإيجاب )
مسحت دموعها بعفويه ومدت يدها له : نبدأ صفحه جديده ..
( عبدالله مد يده وشدها لحضنه بقوه .. )

بعد دقايق @"

قام وسحبها من يدها ووقفها .. طالع بعيونها ابتسمت : شنو ..
قرب منها وباسها على جبينها .. مسح على راسها : اوعدك .. انا هنا لك .. وماراح ابعد عنك لو ايش مايصير .. ابقي لي
ديما دمعت عينها .. مسح لها دمعتها على طول : لا تبكي .. ( مسك يدها ورفعها له وباسها ) خلينا نروح عندهم ..

***
ب نفس الوقت بالمستشفى ..

دخلوها لغرفه الولاده على طول وشبكوا بيدها المغذي .. وأعطوها طلق صناعي لمده ساعتين .. وأمها فوق راسها تدعي لها تتسهل .. وثامر ماسك يدها يساندها
ملاك تبكي : ماأقدرررر
ثامر : الا تقدرين .. ادفعي اقوى ياملاك أقوى
ملاك : اااااااه مااااايبغى يطلع يألم ياثامر
ثامر يمسح وجهها بمنديل بيده : روح ثامر بعد شوي .. شوي ويطلع
الدكتوره : لآزم نشفطو
ثامر بصدمه وفلت لسانه : تشفطي مييين يابنت الكلب
ام عبدالعزيز : ثاااااامر
الدكتوره عصبت : أطلع برااا
ثامر : لآ ماراح اطلع ..
ملاك بصوت واطي وضغطت على يده : ثامر اطلع لاتخليها تطلع البيبي حقنا مفصول
ثامر : عشان افصل راسسها
الدكتوره : برااا لو سمحت .. إدوني قهاز الشفط
..

ثامر طلع : شفطوك ان شاء الله ف مانيب قايل يابنت اللذينا !
عبدالعزيز ضحك عليه : هههههههههههههههههههه وش فيك
ثامر يأشر على الغرفه : بتشفط ولدي !!
عبدالعزيز : يمكنه ناشب
ثامر : عاد تشفطه
عبدالعزيز : هههههههههههههههههه اقعد والي يرحم والديك وش عرفك انت
..

" بعد نص ساعه .. طلعت الدكتوره ووراها السرير حق البيبي عشان ينظفونه ويحطونه بالحضانه ..

ثامر قام : أنشفط وليدي
عبدالعزيز يكلم الدكتوره : بنت ولا ولد ..
الدكتوره : كويس انها بنت مش ولد عشان مايطلع على البابا
ثامر رفع ثوبه بيشوتها .. بس مسكه عبدالعزيز ودخله للغرفه : هههههههههههههههه اركد يارجال ..
اول ماشاف ملاك نسى انهم موجودين عندها قرب منها : روحي وقلبي أنتي يابعد دنيتي كلها .. الحمدلله على سلامتك ( مسك يدها وباسها .. وقرب وباس راسها .. مسح دموعها بحنان ) جتنا بنت ياملاك .. بنت
ملاك طالعته بتعب وأبتسمت : شفتها
ثامر : لمحه .. بروح اشوفها الحين .. ( لمس خشمها ) اكيد تشبه لي مايحتاج
ملاك : هههههههه
ضحك لها ولف على عبدالعزيز الي كان واقف عند الباب : بسميها رهف
عبدالعزيز ابتسم : ليه
ثامر : أحب هالأسم ..
ملاك مسكت يد ثامر وطالعت بعبدالعزيز : رهف أسم حلو ..

***
ب الشاليه ×
رن جوال سالم وقام بسرعه اول مارفعه : آلو ..
لولو : هاي سالم
سالم ابتسم : اهلين .. كيفك
لولو : تمام الحمدلله .. انت كيفك
سالم : والله بخير ..
لولو : كويس .. اممم
سالم : وش فيك
لولو : سلوم بقولك على طول طيب
سالم : طيب
لولو : اليوم مافي احد ببيتنا .. واحس بطفش مرا .. انو قلت لو تقدر تجي تونسني شوي ..
(سالم سكت )
لولو : الو .. سالم معاي
سالم : أي معاك ..
لولو : ها .. انو اذا ماعندك شي ماابغى اشغلك انا ..
سالم تغير اسلوبه : مشغول اليوم
لولو : بس
سالم قاطعها : لولو انتي وش تبين بالضبط ..
لولو : ليش تصرخ
سالم : ماصرخت .. بس اني اغلط مع بنات الناس ماعمري سويتها
لولو : ماقلت لك اغلط معاي
سالم انفعل : انا وانتي فبيت واحد ولحالنا .. وش بنسوي يعني ..
لولو : سالم
سالم : لولو انا ماعمري فكرت فيك بهالناحيه .. لكن اخاف عليك من نفسي الشيطان مامات ..
لولو : سالم وش هالحكي
سالم : لولو خلاص .. اذا هذا تفكيرك .. مااقدر اكمل معاك
لولو : تتركني ياسالم ..
سالم : انتي اللي جبرتيني
لولو : بس انا وش قلت
سالم : انتي عجزتي تتخلين عن الشي الي حصلك قبل .. صح انه كان بالغصب لكنك تعودتي ..
لولو : سالم
سالم : فكيني يابنت الناس الله يستر عليك .. ( وقفل الجوال .. لف وحصل نواف قريب منه .. ابتسم له وحاول يوضح انه ماسمع شي : ترا العشاء خلص
سالم هز راسه ومسكه نواف مع كتوفه ومشى معه داخل ..

***

بعد مرور سنه من آخر الأحداث /

" ملاك وثامر "

جت لثامر بعثه ثانيه لبريطانيا .. بعد ماأعتذر عن البعثه الي قبل .. راحوا معاه وماخلوه يروح لحاله ..
..
ثامر : ابفهم ناشبين لي لييه
ملاك شالت رهف : بنروح وياك .. جهزت شنطتي مع شنطتك اصلا
ثامر : هههههههههههههههههههه

@<

" ديما وعبدالله "

بعد اللي صار ذاك اليوم .. تحسنت اوضاعهم كثير .. وبدوا صفحه جديده .. وحبوا بعض من جد .. وحمد ربه إنها عرض على نواف انه يتزوجها .. غيرت له حياته كثيييير ..
..
كانت طالعه من المطبخ وبيدها صحن السلطه : يلاااااا
عبدالله قام متحمس : باقي شي أجيبه من المطبخ ؟
ديما مسكت يده وجلسته : لآ أجلس ماباقي شي ..
عبدالله جلس ويطالع بالسفره الي قدامه : طيب اجلسي أنتي
ديما حطت له بصحن : لما تذوق * الفوتشيني * حقتي .. يعني لو ماصارت كويسه ( قالت بصوت واطي ) جبت خبز وجبن
عبدالله : هههههههههههههههههههههههه
ديما : هههههههههههههه يلا ذوق .. ( جمعت يدينها بحماس )
عبدالله قرب الشوكه وأكل .. جلس يمضغ بهدوء
ديما : هااا
عبدالله باس يده : لذييييييييذه
ديما صرخت بحماس : امااااااااانه
عبدالله : ههههههههههههههههه والله رهيبه .. احم ديما ..
ديما جلست : لبيه ..
عبدالله بأبتسامه : دخلي يدك بجيبي
ديما بأستغراب : ليه ؟
عبدالله : دخليها طيب ..
( سمعت كلامه ومدت يدها .. وطلعت منه تذكرتين سفر )
ديما للحين مو مستوعبه : تذكرتين ؟ لمنو
عبدالله ضرب راسها : يالفالحه لي ولك .. يعني لمنو .
ديما ابتسمت : طيب ليه ؟
عبدالله : نسينا شهر العسل .. وبعد بنروح لبريطانيا ..
ديما بفرحه : ملاك بتروحح هنااااك اليوم
عبدالله : هههههههههههه ايوه عارف .. عشان لاخفتي مني هربتي لها
ديما : هههههههههههههههههههه ..
عبدالله طالع بعيونها : ليش احس ان فيه شي مخبيته عني
ديما ابتسمت : ماكو
عبدالله : خلاص عرفت لك .. قولي يلا
ديما : لازم
عبدالله : ايوه لازم .. قولي
ديما توردت خدودها : آحبك :$

@<

" نواف وشهد "

تكنسل زواجهم كله وطلقها .. ومازالت بباله للحين .. تعبت نفسيته بالبدايه وكرهه كل شي .. حاولت أمه تزوجه بأي طريقه عشان ينساهاا .. بس ماحصل لما /
..
راح لبيت عمه ذاك اليوم .. يغير جو عند فيصل شوي ..
فيصل : والله عندي لك عروسه أحسن منها ومن أهلها كولهم
نواف : ماابغى اتزوج
فيصل : وتخلي أم سماوي !
نواف ضحك : هههههههههههههههههههههههه حقت ذاك اليوم
فيصل : إيوه وتين ..
نواف : هههههههههههه والله اسمها حلو تصدق
فيصل : ههههههههههههههههههه شوف حتى ماراحت من بالك .. هياااا لك ؛
محمد : بما إنكم تحكون بالزواج وكذا .. ابي اخطب أختك
فيصل بضحكه : أي وحدهه ؟
محمد بتردد : روان ..
فيصل : هيااااا لك .. فكوني منهم وربكم تريحوني !
نواف : هههههههههههههههههههههه

@<

" باقي شخصيات الروايه ..
عايشين نفس حياتهم وروتينهم القديم ..

# سالم انتهت علاقته بلولو بشكل كلي .. ولا جديد عليه ..
# ومشعل مصر إنه مايتزوج .. فطلع يكمل دراسته برا ويعيش حياته عزابي للأبد
# شيما سافرت معه بعد محاولات إقناع أليمه ..
# فهد خطب وحده أختارتها له أمه ..
# فيصل آخر عمره اشتغل خطابه لأخواته ..
# رزان خلصت الثانوي ودخلت الجامعه بتخصص طب * يناسبها ويناسب طموحهاا
# وليد أستمر على شغله .. وصار هو الخروف بعد مالعبت عليه وحدهه .. وصارت تسحب منه فلوس بالهبل .. أخرتها سوا له روم بشات صوتي .. وصار مايتعداه ..
# عبدالعزيز رفض انه يتزوج .. وعاش حياته لريانه وبس ×

..

أنتهت روايتي بهاللحظه ..
يوم الثلاثاء .. بتاريخ 7 / 8 / 1433 ..
الساعه 12 المساء ..

..
شكر خاص .. لكل من دعمني بهالروايه .. ولو بالقليل " تواجدكم هنا يكفي "
أتمنى أنها نالت إعجابكم .. وماندمتوا على قراءتها لآخر حرف .. ونلتقي بروايات ثانيه بأذن الله .. خالص حبي لقلوبكم ><



شمعه غريب "$

روايتك اختي حلوة واسلوبك بسيط ينفهم اتمنى لك التوفيق

fadi azar

..
مشكور اخوي ع توآجدك ؛
واسلوب روايتي بسيط جدآ مقارنه بالروايات الثانيه .. لأنها تعتمد على احداث من الخيال ؛
لكن هذي البدايات ..
وإن شاء الله القادم آحلى ..



نورت ؛

شمعه

من جد كيف روايتك ما قريتهااا يوم كانت في الوحي

رواية حلوة وسلسة

شكرااااااا