كاتب الموضوع :
عبَقْ
المنتدى :
القصص المكتمله من وحي قلم الاعضاء
الفصل التاسع
" الجزء الثاني "
السلام عليكم ورحمة الله وبركاته ..
أحبتي هُنا وأحبتي الغاليّن جدا من هم مختبئين ولم يظهرون إلى الآن .. < الكلمة الطيبه صدقه ^^"
اليوم سينتهي الماضي .. أو سينتهي تُركي من حياة ريما ..
ستبدأ حياة جديدة من غير رجل ، وما أصبها هي حياتها ..
ستضحي ، ستتعرض للخطر ، ستدفن مشاعرها ، والأهم ستموت ريما وتعيش ماري ..
...
فتحت عيوني بوهن مرت في بالي كل الأحداث وانتفض جسمي لما تذكرت ان اليوم مهلة امي بتنتهي وتركي بيجي يدوّرني رفعت راسي وصقعت بشي قاسي غمضت عيني بألم وانا استوعب اني نايمه تحت السرير بس انا متأكده اني كنت نايمه فوق مو تحته .. لكني كنت أحلم بأحلام مرعبه ..
زيّنت غطا غيدا وبستها وانا اعتصر من داخلي عليها كيف بيكون مستقبلها كيف بتكون حياتها ..
فتحت شنطتي وطلعت لي بنطلون اسود وتشيرت ابيض وجاكيت اسود طويل رفعت شعري ومشيت لقيت امي جالسه بالمطبخ وقدامها كوب كوفي ناظرتني بألم : اليوم بيدوّرك بيقلب الدنيا !!
مسكت يدين امي البارده يمه اسمعيني إنتي أمك ايطاليه اذا قدمنا ع الجنسيه بتطلع لك وبتطلع لنا ونعيش معززين مكرمين
وسعت امي عيونها بصدمه : تبين نترك اصلنا عشان تركي ؟
بلعت ريقي بخوف : يمّه احنا بنكمل حياتنا كلها هنا وفيه عرب كثيييير ويمكن فيه سعوديّن واذا اخذنا الجنسيه بتتسهل حياتنا أكثر تكفين يمّه افهميني
قالت امي وهي تناظرني : وين رايحه ؟
اشحت بوجهي : بشم لي هوا شوي وبرجع ..
: بهالمنظر ؟
قلت بملل : وش فيه منطري ؟
: بدون حجاب ؟؟
قلت بهدوء : لا تجبريني على شي لو بسوي شي ابي اسويه لنفسي ولربي موع شانك اجبرتيني
وبطبيعة شخصيه امي الضعيفه التزمت الصمت طلعت وانا ضميري ياكلني من جواتي ..
كنت امشي بالشوارع واتأمل الناس المحلات وكل شي لكن فكري كان بعيييييد جدا .. تنفست بعمق وانا اناظر بحيرة صغيره داخل حديقه دخلت الحديقه والناس جالسين واشكالهم تبعث السعاده الاطفال يركضون ويلعبون تقدمت للبحيره جلست وفتحت شنطتي بوهن طلعت الصور الاوراق الجوال وكل شي يتربط بتركي ..
حطيتهم بكييس وربطتهم وانا ابكي مسكته بقوة ورميته بأقوى قوة عندي وانا اصرخ بألم : مووووووووووووت يا تركي وإطلع من حياتي ..
هدء المكان فجأة وحسيت بخطوات تتوجه لي انتفض جسمي سمعت همس حنوون : اهدي حبيبتي وتعالي معاي ..
التفت وكان بوجهي بنت بيضاء بحجاب اسود ولبس محتشم مسكت يدي وجلستني ع الكرسي وهي تمسح على راسي قالت بهدووء : تبين موية ؟
التفت لها وعيوني مدمعة : انتي سعودية ؟
قالت بهدوء : إي
رفعت راسي للسما وانا اتنفس بقوة قالت : أنا رغد ..
التفت لها وقمت بسرعه وخليتها .. ركضت بسرعه بين الناس واجهتني مكتبه كبييره بعزيمه مقتوله دخلت وهمست بصوت تعبان *المحادثات باللغه الانجليزيه بتكون بالعربيه الفصحى*
: هل يوجد لديكم عمل يا عم ؟
قال بهدوء هل لديك شهادة ؟
نزلت راسي بأسى : لا
قال بصرامه : اذا لا يوجد لدينا عمل ..
تنهدت وطلعت وعلى هالحال ادخل واطلع من محل لمحل .. دنقت ومسك ركبتي بتعب رفعت راسي ولقيت بوجهي محل "كب كيك" دخلت بهدوء وخيبه وانا عارفه ان ما لي شغل بالهمكان ..
سمعت صوت هز كياني صرخت العجوز بصوت متنرفز : شو هااااااااد يا اسراااء ما بدك تطلعي تساعدي إمك ولا شو ؟
ركضت لها بلهفه : يا عمّه
التفت لي بسرعه وهي تبتسم : يا أهلا
مسكت يدها بذل : الله يخليك ابي اشتغل عندكم أي شغل أي شغل لو فراشّه
توسعت عيونها بقوة وصرخت بصوت عالي : يا إسرااااااء جيبي لي كوباية ميّ .. قالت بحنان : ارتاحي يا بنتي واهدي ..
التفضت انفاسي وانا ادمع جابت لي المدعوة "اسراء" كوب المويه شربته بسرعه وجلست اناظرهم وهم يناظروني باستغراب قالت العجوز : شو فيكي ؟
قلت بعجز : انا متغربه انا وأهلي ووو .. انفصلت من شغلي وو ما لقيت أي عمل ..
قالت بهدوء : شو اصلك ؟
بلعت ريقي بخوف : سعـ..ـوديه
شفت اثار الصدمه بوجهها تبسمت لي وقالت : انا محتاجه من زمان احد يعاوني بالحساب والشغل .. شاطره بالرياضيات
حسسيت ان الدنيا كلها ترقص لي ضميتها بقوة وقلت : اللله يعاافيييك ياااارب اصييرلك برفسوره رياضيات مو بس شاطره
ضحكت وهي مو فاهمه سر فرحتي جت اسراء البشوشه ااه يا كثر ارتحت لها هالبنت هي وابتسامتها الي ما تفارقها قالت لي بهدوء : شو إسمك ؟
بلعت ريقي بخوف وقلت بارتباك شديد : مااارغريت ..
قالت باستنكار : سعوديه ومارغريت ؟
قلت بهدوء مضطرب : لا انا جدتي ايطاليه وكذا
عقدت حواجبها : اهاا ..
التفت لي بمرح : رح ناديـك ماري اوكي ؟
ابتسمت لها : اوكي ..
اتفقنا على موعد العمل من بكرا وصلت البيت بعد 6 ساعات لفلفه في شوارع ايطاليه ..
دخلت البيت ورميت نفسي بتعب ع الصوفا دخلت امي بسرعه : انتي ويينك ما تشوفين الدنيا ليّلت ؟
قلت بهدوء : رحت ادوؤر شغل ..
قالت بصدمه : ودراستككك ؟
قلت ببرود : تونا ع الدراسه هنا وعلى ما يلاقي سليمان مشتري للبيت يبيلنا اكثر من شهرين بالهشهرين بناكل من فلوس مين ؟ انا راح اشتغل واصرف ع البيت ..
عضت امي على شفتها ومشت من عندي وهي تدعي بصوت منخفض تألمت لمنظرها ..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
لبس ملابسه بعجل وهو يتوعد ويخطط بطرق عذاب جديده .. طلع من البيت وهو متنرفز وقف سيارته وهو يشوف البيت مظلم دق الجرس .. مره .. مرتين .. ثلاث .. عشر .. بدون فايده طق الباب بقوووة قاطع توحشه بالباب صوت احد الجيران : خير يا الاخو ؟
التفت تركي بعصبيه : وين اهل البيت ؟
: ومن تكون ؟
: وش عليك انت ؟
قال بسخريه : اهل البيت مسافرين صارلهم يومين على حد علمي ..
وسع عيونه : وشهــــــو ؟
ناظره من فوق لتحت : وش فيك مصدوم ايه مسافرين
مسكه تركي من ثوبه بقووة : وش دراك انت ؟ وبعدين ش ش لون تسافر مستحييل
نفض يده الرجال بقرف : وخر عني لا افضحك بالحاره ، وين عيونك انت ما تشوف الللوحة وش كبرها ؟
التفت للمكان الي يأشر وقف بصدمه وهو يشوف المكتوب ..
"المنزل للبيع الرجاء الاتصال بنا ************ "
بسرعه طلع جواله وهو يتوعد ودق على الرقم بسرعه رد عليه صوت يعرفه وهو يقول بجفاء : نعـم ؟
نزل الجوال بجمود وهو يشوف الاسم .. "سليمانوه"
رمشت عيونه وهو مصدوم سليمان وش علاقته في ريما ليكـ.. لا بس انا شفت الصور يمكـ.. يمكـ.. لها علاقـــات ؟
قال بعصبيه : انت يا الخسيس .. وشلون تبيع بيت ريما وش دخلك فيها يا النجس ؟
قال سليمان ببرود : لا تحسب كل الرجال زيّك يا رخمه ، انا عارف يا تركي وش يدور في بالك بحكم عشرتنا عارف خباثة تفكيرك وكيف انحطاط مخك .. نختني مرة كبر امي ومستحيل اردها ..
قال وهو يصر على اسنانه : وينهم ؟؟؟؟
ضحك سليمان وقال : لو تقلب الارض فوق تحت وتطلع السما وترجع ما رح تلقاها اقولها لك على بلااطه " انشقت الارض وبلعتهم "
طوووط طوووط
قبض على الجوال بقوووة وهو يصرخ : رااااااح اطلعـــــــك راااح أطلعك ..
ركب سيارته بسرعه جنونيه وهو يحاول يتذكر العنوان طق الباب بقوووة والجرس باستمرار طلع بسرعه وفتح الباب بخوف : خيير ان شا الله
صرخ بوجهه : وييين ام ريييما وبناتها ؟
عقد حواجدبه باستغراب : ببيتهم يعني وين بيكونون؟
مسكه تركي من ثوبه بغضب : تستهبل علي انت ؟ وش عقالولك بنقالي قدامك تلعب علي طلعهم لا اوديك ورا الشمس
طلعت ام شوق بعد ما لفت على راسها طرحه : وش فييك يا تركي مقوّم الدنيا قضحتنا عند الجيرا !
قال تركي وهو بقمه غضبه : وييين اختك وبنتها ويننهــــــــــم ؟
مثّلت عدم المعرفه : وش يدريني انا وينهم ..
صرخ بصوت عالي : بطلـــــــعهم لو تخبونهم في القطب الشمالي بطلعـــــهم !!!
اتصل على احد معارفه بالجوازت اعطاه الاسم الكامل وبعد نص ساعه اتصل عليه : بشــر عرفت وينها فيه ؟
قال بخيبه : لا والله تركي اساميهم مو موجوده في النظام ، هذا يعني انها ما طلعت برا السعوديه
ابتسم تركي بنصر : يعني هي حولنا موجوده بالسعوديه راح اطلعك يا بنت ابــوك
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
كانت تركض بسرعه في الظلام صوته يتردد في المكان صرخت بوجع وهي تمسك راسها : اطلللع من حيااتي اططللع
حست بيدينه تلتف على رقبتها قال وعيونه حمره مرعبه : طلعتك يا بنت أبــووك ..
شهقت برعب وقامت مفزوعه سمت بالله وهي تمسح على وجهها : اعوذ بالله اعووذ بالله ..
ارخت راسها ع المخده بتعب حطت يدها على قلبها الي ينبض بسرعه رهيبه تلتفت بالظلام بخوف سالت دموعها وهي تفتح اللمبه سحبت لحافها ومخدتها وونزلت تحت السرير بخووف ..
مرت الشهرين بهدووء وريبه كنت اتحاشي احاكي امي باي موضوع يخص تركي !!
بدا يجيني خوف غير طبيعي من أي رجال يكون بيني وبينه 10 امتار يقشعر شعر جسمي ويبدا يدق قلبي بصوت قوي ..
اخذت نفس طوويل وانا اتابع الرجال لحاله يدخل المحل قال بلكنه غريبه كلام طويل عقدت حواجبي وانا اناظره باستغراب ردت عليه ام اسراء بنفس اللكنه بعدها قالت لي : اعطيه كوبين سوفليه يا ريما
ابتسمت لها وكشرت بوجه الرجال رحت ببرود وحطيت الكولبن بجفاء بالعلبه حطيت العلبه ومديتها لمكان بعيد شلت يديني بسرعه ما غابت عنه ناظرني بتعجب بعد ما مد لي الفلوس ناظرته بخوف وانا ابلع ريقي دخلت براسي الف فكره اشرت له انه يحطها ع الطاوله كشر بوجهي وحطها وطلع ..
سحبت كميه اكسجين عميقه ناظرت بام اسراء الي ناظرتني باسى قالت لي بهدوء : يا بنتي ما بيصير هيك انا ما بعرف شو الي حصل لك لكن خلي في بالك مستحيل حدا بيجي لهون وبدو يإزيكي ناظرتها بنظره جامده صارت ملازمتني .. ناظرت ساعتها عقدت حواجبها وهي تتوجه للباب لفت اللافته بحيث يظهر بالخارج كلمة " close " استغربت من تصرفها وانا اناظر ساعتي واحنا في ساعات الاعصر الاولى قالت بامر : فوتي
دخلت المطبخ الملحق بالمحل الجميع منشغل بتحضير الحلويات لحقتها للمكتب دخلت وجلست بالكرسي
بلعت ريقي بخوف ناظرت لها باستغراب مدت يدها وهي فاردتها ناظرتها وعيوني مدمعه مديت يدي ضمت يديني بحنان فائق : أولي شو فيكي ؟
ناظرت السقف : أنا هاربـه من زوجي !!
شهقت بخوف وهي تشد على يديني : انتي مزوجه ؟
قلت بخوف : إي !!
تنهدت ورجعت نظره الحنان : وبعد ؟
قلت بارتباك : ليش تبين تعرفين ؟
: لأنك بمقام بنتي طلعت شهقتي وانا ابكي قامت وضمتني بحب : أولي حبيبتي عم بسمعك ..
غاب كل شي فيني سوا الرغبه اني افرغ الي بداخلي : انا تعبانه يا خاله تزوجت بسن صغير حبيت زوجي وحبني حبيـته بصدق وما فكرت اخونـه والله ما فكرت اخوونه والله لفقوا لي حكايه .. تعالت صوت شهقاتي وانا احكي قصتي المأساويه بوجع كانت تبكي معاي بحزن على حالي تهديني تاره وتدعيلي تارة ..
شدتني لحضنها وقلت بخوف : انا خايفه يلقاني راح يدورني بكل مكان يعرف كل شي عني اسمي اسم جدتي يعرفه انا خايفه خااايفه ..
قالت وهي تناظر بعيوني : شو اسمك ؟
ضاعت عيوني بالفراغ : سبق وقلت لك ان اسمي مارغريت
ناظرتني بهدوء : كزابه !
عضيت شفتي بقهر : ريمـا
ابتسمت بحنان حوطت وجهي بيدينها : شو محلاه اسمك ! قالت بحزم : انتي بدك انو ما يللائيكي باي مكان ؟
: إي
التقطت انفاسها وهي تسكر الباب بالمفتاح والشبابيك مما اثارت ريبتي : راح نزور اورئك !! بدنا نطلع لك جنسيه ايطاليه جدتك ايطاليه وهاد بيسهل الموضوع كتير
قلت بخوف : ازوّر لا لا !!
مسك يديني وهي تشدها : بدك ترجعي لألو ؟
هزيت راسي بنفسي مؤلم قالت : خلص لكان زوجي بيعرف ناس بتسوي هاد الاشياء اتغفرت ربها وهي تقول / بعرف انه شغله حرام لكن فيه ناس معتازين امتالك
: في غضون كم راح يطلع لي كل شي؟
قالت وهي تحسب : شهرين
بلعت ريقي : بالهسرعه يا خاله ؟
: إي بهسرعه ما بدك تتغيّر امورك ؟
قلت بسرعه : الا الا !!
: خلص لكان بدي اوراء جدتك وإمك وإختك سكتت للحظه راح تنتحلين شخصيه جدتك ..
رديت بخوف : كيــف ؟
قالت بهدوء : راح نئول ان وفاة جدتك كان فيه خطأ بالأوراء سكتت لثواني اعطيني اوراء جدتك وكلو تمام
رديت بخوف : لا لا قوليلي اش بتسوين ؟
مسكت يدي تشجعني على خطوه راح توديني بداهيه : اول اشي نلغي شهادة الوفاة ونزور شهادة ميلادك باسم ججدتك الكامل وكل شي وبعدها بيتبين انه خطأ واما اذا سالوا عن جوازك فهاي بسيطه اعطيني جواز جدتك وبدنا نزوره باسمك وصورتك الشخصيه وخلصنا ..
: كيف راح تسوين كل هذا
غمضت عيونه وقالت بصرامه : جوزي بعصابه وهالشي سهل كتير عليهون
شهقت برعب حطت ايدها على فمي : ششش شو بكي
: طيب ماما واختي ؟
: ما الون دخل فيكي
: طيـ..ـب
بنفس اليومين وصلتني رساله من سليمان باسم الحواله وبلغني انه باع البيت خلاص وبنهايه الرساله جمله اوقفت قلبي من الخوف تلتفت يمين ويسار بعد ما قريت : تركي قالب الدنيا فوق تحت يدوّر لك انتبهي !!
تنهدت بضيق وانا اسرع لبيتنا بعد ما استلمت الحواله دخلت البيت سلمت على امي وقلت : استلمت الفلوس من سليمان اليوم
قالت امي بفرح: كم ؟
قلت بهم : ميتين الف
: رججعيهم له لازم يخلعونك من تركي !!
عقدت حواجبي ببرود : لا هالفلوس لنا راح ندبر نفسنا عشان دراستي ودراسة غيدا وعيشتنا يا ماما !!
قالت بضيق : وراضيه تضلين بذمته طول عمرك
نفثفت بكبرياء : اعطيني اثباتاتي واوراقي
: ليش ؟
قلت بجمود مخالف الي داخلي : بقدم ع الجامعه
: وتركي يا ريما
صرخت بانفعال : الله ياخخخذ تركي وسنينه .. وش بيعرفه اننا هنا هاه ؟ يا ماما تكفين انا راح اسوي الي بيفيدني وخلاص
اعطتني امي اوراقي وبكل بساطه وغياب ضمير ومخالفه للقانون زوّرولي جواز ايطالي اوراق ايطاليه تثبت اني مارغريت وبس !!
_
دخلت الجامعة .. تخصصت ادارة اعمال .. كملت غيدا دراستها الي عانتت وعانت وعانت فيها بسبب اللغه ..
غيرت ارقامنا وكل شي انقطعنا عن العالم السعودي انقطاع تام لا خالتي ولا شوق ولا سليمان ولا احد صار يعرف عننا أي شي ..
تذكرون رغد ؟ صارت اقرب الناس لي كل يوم بالبريك كنت اطلع للحديقه القريبه من بيتنا جلست معاها اكثر من مره طلعنا سوا عرفت عني كل شي بعد ما حلفتها مليون مرّا تغيرت شخصيتي تغيّر كلي .. صرت ريما البارده الجامده الي ما تغير أي احد اهتمام الصمت كان صاحبي دراستي وامي واختي هم كل شي ولا شي ثاني دفنت قلبي خلاص قتلت أي مشاعر لسه حيه فيني بصعوبه بالغه قدرت اوثق برغد بعد ما شفت مواقف جد كانت محل الثقه مرت 7 سنين افنيتها بالدراسه ماكان احد يعرف هويتي الحقيقية سوا ام اسراء و رغد وزوج ام اسراء فقط ..
....
1.12.1429
وقفت على المنصه ببرود اليوم دخلت 24 سنه تميت دراسة الماجستير في اداره الاعمال كرموني تحت انظار امي وغيدا الي باخر سنين الدراسه نزلت من على المنصه بفخر وانا احب على راس امي ..
انا ريما .. او مارغريت .. الانسانه البارده .. غير مباليه والأهم .. كارهة جنس الذكور لحد الموت ..
التفت لعيون دامعه ضميتها بفرح حاولت ابينه بعد ما اصبحت اخفي الكثيييييييييير من أي احساس احس فيه مستكثره على نفسي الفرح .. ربما بقايا ريما .. موجووده في اعمق اعمق اعماقي ..
قالت لي رغد : والله وصرتي ماجستيريه يا ريما
قلت بهمس وانا اصر على اسناني : بلا فضايح اسمي ماري ولا تتكلمين معاي عربي
قالت بصوت منخفض : طيب طيب ..
اكلمنا كلامنا بالانجليزي كالعاادةة قدام الناس ..
ما اتكلم عربي الا في بيتنا وبس .. وبعض الشتائم تطلع مني لا شعوريا ..
بعد شهر من الراحة مسكت ملفي ببرود دخلت العماره وانا اناظر ديكورها الجميل ..
تقدمت لمدير الشركه دخلت بعد ما القيت التحيه مديت ملفي بينما كان منهمك المدير العجوز بمكالمه عصبيه عصيبه !!
كان يصراخ ويكح بصوت عالي وكنه اختنق بلحظه طاح منه الجوال فزيت بسرعه وانا امد كاس المويه ..
قبض على يدي وان اردد في نفسي هو رجال يا ريما رجال اصحي !!
شرب المويه وهو يشكرني ويبتسم لي بحنان ما قدرت اتحمل منظره وابتسمت ..
مسك يدي بحركه مفاجئه صرخت بخوف وقممت قال وهو عيونه تذرف الدموع : أرجوكِ يا ابنتي انا عجوز كسير لن أوذيك
التقطت انفاسي وانا استغفر في نفسي من الموقف الي انحطيت فيه ..
قلت بهدوء : ماذا هناك يا عم ؟
: ملفك رائع وانتي جديره بأن تكوني مديره
قلت بتعجب : ماذا ضحكت بسخريه : بهذه السرعه مدييره ؟
قال لي بتعب : انا ليس لدي سوا ابن واحد فقط وقد توفي في حادث مؤلم اولاده وزوجته يريدون ان يستحلون على شركتي وقد مر عليها 20 سنه عمرتها وانشأتها بنفسي ارجوكي ليس لدي غيرك
قلت بخوف : ولكن هذه مسؤوليه كبيره وهذه ستكون اول وظيفه لي
قال : انا اثق بك انتي إمرأة ولست محتاله
ابتسمت على كلامه وقلت : ولكــن ..
التوقيع على الأوراق سيعود الي سأكون بجانبك لكن ارجوك لا تغدري بي
دمعت عيوني عليه وقلت بنبره حانيه لم تخرج من حنجرتي من سنيين طويلة ..
قلت بهدوء : اعتمدني يا عم من الغد ..
............................................................ ..........
طلعت قبل الدوام بدري الشركة متعطله حاسباتها وصراحه ما ابي اتعب نفسي واجلس على الفاضي استأّذنت اني اطلع ورخصوني اكيد انا ريما كيف ما اطلع مرة انا ماخذه بنفسي مقلب على فكره وصلت البيت الساعه 9 البيت هادي امي اكيد طالعه وغيدا بالجامعه ..
رميت نفسي على السرير غمضت عيوني وفجأه طرى على بالي شي كنت نايسته اقصد تناسيته لوقت من زمان ما فكرت فييه ولا طرى على بالي اصلا ..
بإنهماك كنت مستلقيه بان على وجهي الضيق وانا اتذكر تفاصيل حياتي في عشر سنوات سابقه ..
دخلت علي امي الي انهكها الهم قالت بحنان : يلا حبيبتي الغدا ..
قلت بهدوء : طيب
وقفت على طولي وناظرت نفسي بالمرايه .. شعري القصير بقصة " الفكتوريا" اشقر غامق عيوني الي ما تنزل منها العدسات الزرقا .. وجهي الناضج الجامد البارد .. قامتي وطولي الممشوق .. رجعت اتأمل شعري الي بيوم سابق بعيــد مسكته كله وقصيته بسكين لما مر ببالي كلمات تركي الي كان يمدح شعري قلت بهمس لنفسي : نسيته 10 سنين يا ريما اكيد انه مات وتحلل بقبره هالشايب همست مرا ثانيه امين ياررب العالمين
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
على قصر الفصل لكني قعدت عليه يومين وانا احوس وافكر بالافكار ..
"حذاري ان تلهيكم روايتي عن الصلاة " ..
أنهينا العشر سنوات ورسينا على بحر الحاضر بأمان ..
ريما بشخصيتها الجامده الصارمه الي بتظهر تفاضيلها بالفصول القادمه ..
تركي الغارق في البحث وربما لا يزال يبحث بلا جدوى ...
بالفصل القادم سندخل الحاضر .. والروايه مستمره في رمضان بإذن الله ..
كونوا عند موعد اللقاء .. عصر الاربعاء باذن الله .. "الخميس" عندي زواج وليلة رمضان الله يغفر لنا يارب ..
وكل عام وأنتم بخير مقدما احبتي ..
|
16-07-12, 08:21 PM
جديد مواضيع قسم القصص المكتمله من وحي قلم الاعضاء
العرض العادي
