كاتب الموضوع :
Amoonh
المنتدى :
القصص المكتمله من وحي قلم الاعضاء
السلام عليكم ورحمة الله وبركاته
مساء الرضى والمحبة من الله
اليوم بنزل ثلاث بارتات وهذا اخر يوم انزل لكم ولي عودة بإذن المولى بعد رمضان
وكل عام وانتم بخير وبلغنا الله واياكم شهر رمضان
البارت الحادي عشر
عبدالله كان يتمشى بالمزرعه وبيرجع ولمح باسل من بعيد بس ماشاف أميره لأنها جالسه وباسل واقف
باسل قال كل اللي صار له بعد سالفة المزرعه بدموع واميره تقطع قلبها عليه ودموعها شلال...
باسل وهو يمسح دموعه:اذا تحبيني لاتوافقين على عبدالله وغيره عادي
أميره قامت:لاتخاف عبدالله مستحيل اتزوجه ومشت:بروح تبي شي ثاني تأخرت
باسل بإبتسامه:سلامتك وانتبهي لنفسك
أميره راحت تمشي بسرعه...
عبدالله شافها وعرف انها أميره غمض عيونه وضرب على صدره"آآآه ياقلبي حتى اللي احبها تخوني مع واحد ثاني وش اسوي"وحس بضيقه فتح علبة الماء وشرب وقام يمشي بإتجاه المسبح ولمح باسل معه زقارته وراجع للفله انقهر"لو بيدي قتلتك وارتحت منك آآآه بس من يوم طلعت على الدنيا ماارتحت كل مره طالع لي هم جديد"وصل المسبح ونزل جواله وقفله وطب بالمسبح بملابسه....
أميره بعد مادخلت راحت للغرفه فرحانه ان باسل اعترف انه يحبها وبننفس الوقت حزينه لأن باسل قالها مستحيل يتزوجها وحزنها أكثر على باسل وحياته كيف عايش قبل يرجع"الله يعينه وحسبي الله على خالد وعبدالله" ...
~~~~¤¤¤~~~~
خالد صحى من النوم وناظر بالساعه 8 بعد البطانيه عنه وقام واخذ منشفته ودخل الحمام....بعد عشر دقايق طلع ولبس بنطلون أبيض وتي شرت ازرق ودق على عبدالله وجواله مقفل...طلع من الغرفه وشاف عامر وفيصل وعبدالعزيز جالسين بالصاله...
خالد:عامر شفت عبدالله
عامر:لا من بعد صلاة المغرب ماشفته
خالد:غريبه وينه وطلع"حتى جواله مقفل وين بيكون"وصادف على الدرج باسل رايح فوق...
خالد:من وين جاي انت
باسل طنشه وكمل طريقه
خالد بنفسه"الله يستر منك ياباسل"وطلع من الفله وراح يدور عبدالله بالمزرعه"اووف وين بلاقيه ألحين"وشاف المسبح مولع وراح له
عبدالله بالمسبح وسرحان وحاط يده على رأسه...
خالد دخل:واخيــــــرآ لقيتك ليش مقفل جوالك
عبدالله:صحيت
خالد:صراحه اول مره اشوف واحد يسبح بجنز وش فيك
عبدالله بقهر:طـــــفشان ومقهور بعد من هالزفت باسل
خالد:والله من يوم شفته حسيت ان فيه شي ليه صاير شي
عبدالله بقهر:قــــــل وش ماصار بس
خالد:طيب اطلع من المسبح وقل كل شي
عبدالله:دق على عامر يجيب لي ملابس
خالد:المفتاح معي انا بروح اجيب وانت انتظرني وراح يجيب لعبدالله وبعد خمس دقايق جاب لعبدالله بنطلون أسود وتي شرت رصاصي
عبدالله:الله يهديك ماجبت لي الإ هذا
خالد:وش اسوي شنطتك حوسه
عبدالله:عاد والله دايم ترتبها لي ليان والمره هاذي أنا مرتبها
خالد:وانا اشوف دايم الشنطه مرتبه صار مو أنت
عبدالله اخذ لبسه:ببدل ونطلع
خالد:وانت تخلص حمستني ع السالفه
عبدالله بعد ماطلع من الحمام وبدل ملابسه:وش تحمس عليه على ان اميره كانت عند باسل
خالد بصدمه:صــــــدق متى
عبدالله:بعد المغرب
خالد:وش رأيك اقول لعبدالعزيز وإلا خالي عبدالله
عبدالله:لالا فكنا مانبي مشاكل
خالد:براحتك بس أحسن شي أقول لهم عشان يغصبونها تزوجك
عبدالله:لا عادي انا متزوجها انشاء الله متزوجها
¤¤¤¤¤¤¤¤¤
بغرفة أميره وشذى"
شذى:أقول أميره أنتي من البارح مو طبيعيه واليوم بزياده
فيه شي صاير ماأدري عنه أنا
أميره:أيه
شذى:وش صاير بعد
أميره:أنا قابلت باسل وكلمته
شذى:أيــــــش
أميره:مثل ماسمعتي قابلته وكلمته
شذى:وشلون قابلته وكلمته وين أصرفها هذي
قالت لها أميره كل شي
شذى بعصبيه:أنتي مجنونه شلون تقابلينه كيف لو شافكم أحد
أميره:مااحد شافنا ولا دروا عنا
شذى:أنتي وحده غبيه
أميره:شذى رجاء أحترمي نفسك أنا مو غبيه ولا مجنونه
شذى:إلا لأنك بترفضين عبدالله عشان واحد مثل باسل
أميره:هذا أنتي ياشذى ماتواطنين عبدالله وتبيني أوافق عليه وأنتي تعرفين عبدالله وتدرين أني أكرهه
شذى:أنا ماقصدي كذا
أميره:وش قصدك هاه
شذى:أنا قصدي أن باسل مايستاهل التضحيه هاذي عشانه
أميره بعصبيه:إلى هنا وبــــــس
إلى هنا وبس إلا باسل ماتسبينه أنا ماأرضى عليه
شذى:ترضين وإلا ماترضين من باسل عشان تدافعين عنه
أميره:شذى وش بتوصلين له بالضبط
شذى:ماابي أوصل لشي بس أنا أبي مصلحتك
أميره:لاا والله أنتي دايم تقولين لاتوافقين
شذى:صح قلته بس مو عاد تقابلين باسل
أميره:ألحين قابلته وانتهت السالفه
طق باب الغرفه
شذى:ميــــــن وفتحت الباب:وعــــــــــــد هلا والله وضمتها كيفك
وعد:بخير اخبارك وراحت تسلم على أميره
اميره ضمتها:وحــــــشتيني
وعد:مــــــبروووووووك
أميره:مبرووك على ايش ياحسره
وعد بإستغراب:أميره حرام عليك 98 لاتصيرين طماعه
أميره بصدمه:98 وصرخت:نتيجــــــتي طلعت
وعد:ايوه اليوم
أميره ضمتها:الله يبارك فيك ماني مصدقه وناسيه انها اليوم
وعد بإبتسامه:المهم تعالي تحت وشوفي المفاجأه
شذى:مفاجأه وعد حمستيني
أميره بشك:مفاجأه من مين
وعد:انزلي وشوفي
بالمجلس عبدالعزيز جايب كيكه كبيره لأميره ومكتوب عليها ألف مبرووك النجاح وعقباله الدكتوراه وحاطها بالوسط ومزين المجلس بورود وبلونات وطالع المجلس خيال طبعآ عزيز متفق مع وعد اللي وصلت العصر بدون أميره ماتعرف....دخلت أميره وتفاجأت باللي شافت ووقفت...
عزيز معه كاميرا فديو:يالله أموره وش فيك ساكته
أميره راحت ضمت عزيز وبكت
عزيز:ليش البكي
أميره بدموع:ماني مصدقه الله لايحرمني منك عزيز
دخلوا زياد وتركي وشذى ووعد زياد:يوووه تبكي واحنا جوعانين نبي نأكل
تركي:واااو شكلها رهيب
أميره قصت الكيكه والكل صفر وصفق وعزيز بدأ يصور...
أميره بفرح:ياااي عزيز ماتوقعتك كذا
عزيز قرصها مع خدها:لعيونك نسوي اكثر
تركي:ترى قطعتوا انفسنا بنأكل
زياد: صادق كل هذا وقاعدين يتفلسفون
شذى:انتم وش فيكم ألحين
وعد:انتظروا شوي
أميره:زيزو صورنا انا وعزيز
زياد اخذ الكاميرا:أشوف صور زواجك انشاء الله
تركي:عاد مع عبدالله شكل غير
عزيز لأميره:طنشيهم بيعاندونك
أميره:اقول صور وأنت ساكت
صور زياد أميره وعزيز وصورت أميره مع وعد وشذى وزياد وتركي ومرت ساعتين فله ووناسه ارتاحت أميره وتغيرت نفسيتها وبعدين راحت مع عزيز يمشيها ومعهم شذى....
~~~¤¤¤~~~~¤¤¤~~~
سلطان نام ثلاث ساعات وصحى وهو متضايق اخذ شاور ولبس وطلع وشاف ليان جالسه بالصاله...
سلطان جلس:قومي البسي بنطلع
ليان:نطلع بس انت تعبان
سلطان مايحب احد يحسسه بشي:لا ماني تعبان مافيني شي
ليان:بس واضح على وجهك
سلطان بعصبيه:بتطلعين الــــــــــــبسي ماأنتي طالعه احسن
ليان بحزن:دقايق بألبس واجي
سلطان:لا خلاص بنجلس مابي اطلع
حز بخاطر ليان وجلست وغصب دمعتها نزلت على خدها ماحسبت على الله يقولها نطلع ويوم وافقت رفض صح بالبدايه ماتبي سلطان يطلع وهو تعبان"هاذي جزاتي خايفه عليه وهاذي النهايه"
سلطان ناظر لها وبإستهزاء:ترى دموع التماسيح ماتمشي عندي
ليان قامت وبقهر:احــــــمد ربك على العافيه قبل ثلاث ساعات جاي وتألم وتصرخ وألحين تقول كذا هاذي جزاتي فزعت لك
سلطان:مو حبآ فيني عشان ماأموت وتخافين لوحدك
ليان جلست:استغفر الله لاحول ولا قوة الإ بالله
~~~¤¤¤~~~¤¤¤~~~
مر اسبوع على الأحداث السابقه واليوم اليوم قبل الأخير لهم بالمزرعه....أميره جالسه بمكان قريب من الأشجار وسرحانه....عبدالله وخالد جالسين بمكان مرتفع شوي طوله تقريبآ مترين وله سلم يركبون معه ويشفون كل اللي وسط المزرعه...
خالد قام:بروح اجيب لنا عصير
عبدالله:لاتأخر
راح خالد وعبدالله وقف وشاف أميره جالسه ويدها على خدها وسرحانه"ودي اعرف وش تفكر فيه ياقهري اذا كانت تفكر بباسل"وشاف باسل جاي يمشي من وراء أميره...انقهر وعصب"متواعدين بعد آآآه يالقهر وينك ياابو زياد تشوف"
أميره سرحانه"ألحين وش اسوي عبدالله ومستحيل اوافق عليه وابوي وجدي دايم يلمحون لي عشان اوافق عليه"
:وش فيه الحلو سرحان
لفت أميره وشافت باسل وارتبكت:بــــــاسل
تقدم باسل منها وحط يده على كتفها:وش فيك ليش جالسه لوحدك
اميره ارتبكت من قربه لها
عبدالله ولع من القهر"لا وحاط يديه على كتفها صدق قليل حياء وأدب"
باسل وبكل وقاحه تقدم من خد أميره وباسها وراح...
عبدالله ماقدر يتحمل اللي شاف
ونط من فوق وطاح على رجله
"آآآي"ومسك رجله وبيقوم بس ماقدر "لا وتلمس خدها بعد الوسخ هذا والله ماأتركه" وقام
بيروح بس ماقدر من رجله مسكها
أميره وقفت مصدومه من باسل ولمست خدها....
خالد جاي وشاف عبدالله وماسك رجله:وش فيك
عبدالله بقهر:الوسخ هذا والله ماأتركه
خالد قرب منه:وش فيك انت
عبدالله مسك رجله:آآآي شكلها انكسرت وبعصبيه:والله ماأتركه قليل الأدب هذا
خالد بإستغراب:وش السالفه من تقصد
عبدالله:باسل عند أميره قبل شوي وسوى حركه قهرتني وقطعت قلبي ونزلت من فوق بدون السلم تخيل قليل الأدب باسها
خالد:وأميره وينها وراح ركض يدورها وشافها تمشي بتروح ودفــــــها بقوه وطاحت على الأرض
أميره شهقت وخافت من خالد..
خالد:يــــــاقليلة الأدب ماتستحين وكــــــــــــف مع خدها
أميره مسكت خدها وبكت
خالد مسكها بعصبيه مع شعرها وبصراخ:يــــــاحيوانه اذا كان خالي مايدري وواثق فيك ماتسوين كذا
أميره بصياح:هئ ات اتركني فكني هئ هئ
خالد بعصبيه:خليني ابرد قلبي فيك وكف ثاني على خدها
عبدالله من بعيد:خــــــالد خلاص اتركها ذبحتها
خالد وهو ماسك أميره مع تي شرتها:خلني أذبحــــــــــــها
أميره بصياح:اكرهك فكني آآآي ذبحتني فكني
خالد وهو راص على اسنانه:شوفي عبدالله توافقين عليه غصب واذا رفضتي انا بقول لخالي انك عند باسل مو بس المره هذي ذيك المره بعد وبصراخ:فــــــاهمــــــه
أميره بصياح وخوف من خالد:فــــــاهمــــــه
خالد دفعها:انقلعي ادخلي قبل لاقول لخالي يدفنك هنا
أميره راحت تركض وهي تبكي والكل استغرب منها دخلت الغرفه وقفلت الباب...
خالد راح لعبدالله...
عبدالله:ذبحتها انت
خالد:احسن لو بيدي كان دفنتها بعد وقم انت اوديك المستشفى
عبدالله:جب السياره هنا ماأقدر
خالد:والله ماأحد قال لك نط من فوق عشان أميره
عبدالله بقهر:غصب ماقدرت أشوف باسل وابقى بمكاني
أم زياد وهي تطق الباب على أميره:أميره افتحي
أميره:.....
ام زياد:وش فيك افتحي
شذى:خالتي روحي واذا هدأت تفتح
أم زياد:اذا فتحت قولي لي وراحت
شذى معها المفتاح الثاني فتحت الباب ودخلت وقفلت...
أميره يوم شافتها طاحت بحضنها وبكت بقوه...
شذى بخوف:أميره وش صاير
أميره زاد صياحها ورفعت راسها
شذى انتبهت لوجهها:وش فيك من سوى فيك كذا
أميره بصياح:خــــــالد اكرهه اكرهه وزاد صياحها
شذى بخوف أكثر:أميره اهدي وقولي لي كل شي...
¤¤¤¤~~~¤¤¤~~~¤¤¤~~~¤
سلطان جالس عند ليان ولأول مره بدون مايهاوش او يعصب....
سلطان:ليان
ليان بعفويه:هلا قلبي وانتبهت لكلمتها وانقلب وجهها أحمر
سلطان انتبه لها وحب يحرجها أكثر:وش فيك عادي ليش انقلب وجهك كذا
ليان حست نفسها بتختنق وكأن الغرفه مافيها اكسجين وحركت رجولها بالأرض
سلطان:ليان وش فيك
ليان قامت:مافيني شي وراحت للمطبخ وفتحت الثلاجه وصبت ماء بارد وشربته"ياربي وش فيني انا مع انه ماقال شي يأثر فيني لاهالدرجه"
سلطان بنفسه"وش فيها هاذي ليش قامت معقوله اللي ببالي لا لا ماأتوقع"
¤¤¤¤¤¤¤¤
أميره قالت لشذى كل شي وقالت لها تقول لباسل يروح قبل يشوفونه خالد وعبدالله...
شذى:تصدقين اني كرهت باسل احسه وقح
أميره:انت قولي له ألحين وخلي احساسك لك
باسل جالس بالصاله عند أم زياد وأم تركي والجده...
شذى دخلت وسلمت وهي متغطيه وجلست تنتظر باسل يقوم عشان تقول لها...
ام زياد:وين أميره
شذى:فوق بغرفتها
ام زياد:قالت لك وش فيها
شذى بكذب:لا
قام باسل:بروح للشباب وطلع
قامت شذى ولحقته وبعد ماوصل عند الباب
شذى:باسل لحظه
باسل وقف لف:هــــــلا
شذى بعصبيه:بعد حركتك ياقليل الأدب تحمل كل شي
باسل بإرتباك:اي حركه
شذى بإستهزاء:ماأدري عنك انت تعرف مو لازم اقول أميره بسبتك لازم توافق على عبدالله وانت رح قبل يصير لك شي
باسل:...... ونزل رأسه
شذى:المهم لازم تروح عن المزرعه قبل يصير لك شي وتخسر كل شي
باسل:اوكي بأخذ ملابسي وارجع البيت وراح ركض واخذ شنطته وركب سيارته وراح للبيت...
¤¤¤****¤¤¤
عبدالله وخالد رجعوا من المستشفى وقالوا له انه مو كسر شد عضلي بسيط وربطوا على رجله...
خالد:ألحين وش بنقول لهم
عبدالله اسند راسه ع السيت:انتبه للطريق بس
خالد:هههههههههههههههه والله وطلعت محب متهور ضحية برجلك عشان وههههههههههههه
عبدالله تعدل:خــــــالد يازينك ساكت انا ضايق خلقي وانت حظرتك تنكت
خالد:ههههه ياليتني شفتك وانت تطيح
عبدالله:بسرعه عشان نوصل وأشوف حل لباسل
¤¤¤***¤¤¤***¤¤¤
بالمزرعه عامر وعبدالعزيز وفيصل وفارس وعمار جالسين ويسولفون...
عبدالله وخالد دخلوا:السلام عليكم
الشباب بإستغراب:ســــــلامات وش فيك
خالد:ههههههههههههههههههههه
عبدالله بخبث:خالد حط رجله قدامي وطحت
خالد فتح عيونه ع الأخر
الشباب:هههههههههههههههههههه
فارس:عاد خالد دايم ملقوف وخشن
فيصل يناظر لخالد وبمزح:عاد تصدق عبدالله يستاهل
عبدالله بشهقه:فيــــــصل حراام عليك
عامر قام وضم عبدالله وسوى نفسه يبكي:بسم الله على اخوي
الشباب:ههههههههههههههههههه
عبدالله:آآآي وخر بس ألمتني مع رجلي لا وبكل قوتك بعد
خالد سحب عامر:بعد عنه كسرت رجله وبعفويه:يكفي أميره مكسرته
عبدالعزيز بإستغراب:أميــــــره
عبدالله توهق وخالد بيرقع غلطته:ايــــ ايه أنا قلت له أميره وافقت وبيقوم وحطيت رجلي وطاح
عامر:ههههه كل هذا حب
عبدالعزيز بنفسه"وين يأميره تلقين واحد يحبك كثر عبدالله"
¤¤¤~~~¤¤¤~~~¤¤¤
سامي يعرف انه اذا طلب من سلطان شي مستحيل يرده اخذ جواله ودق عليه....
سلطان جالس بالصاله وليان عنده... دق جواله وناظر وابتسم
سلطان:هلا وغلا
سامي:اشوفك رايق وش صاير بالدنيا
سلطان:ههه والله ماأدري
سامي:بالفندق صح ماطلعت
سلطان:ايه ليه بغيت شي
سامي:ايه
سلطان:آمر تدلل كم سامي عندنا
ليان ارتاحت يوم عرفته انه سامي بالبدايه شكت تحسبها بنت
سامي:ابيك تطلع وتأخذ ليان معك لها اسبوع من وصلتهم وهي بالفندق
سلطان:ســــــامي احم احم
وش سر هالاهتمام
سامي بجد:سلطان انا ابي سعادتك وهي مالها ذنب واذا ارتحت انت معها أكيد برتاح
سلطان:عشانك بس بطلع
سامي:وتكفى لاتزعلها ولاتعصب ترى اعرفك
سلطان:بحاول وان شاء الله ماأزعلها وناظر لليان..
سامي:مع السلامه
سلطان:مع السلامه
ليان ولعت من داخلها وحست بغيره"مايزعلها ايه اكيد يقصد لمى"وقامت مقهوره
سلطان:وين بتروحين
ليان بعصبيه:مــــــو شغلك
سلطان قام:نعم نعم اعتقد اني زوجك وتحترميني غصب
ليان بدموع:اذا احترمتني احترمك أما تكلم قدامي وماأزعلها وماأدري ايش
سلطان:ههههه يعني تغارين
ليان بإرتباك:لا لا ماغار بس...
قاطعها سلطان:البسي بنطلع وبدون ماتناقشين بسرعه
ليان وافقت عشان تغير عن جو الفندق والإ هي ماتبي تطلع معه او تقرب منه لأنها خايفه من شعورها تجاهه أحيانآ تقول احبه واحيانآ تقول لا كذا بس خوف منه دخلت الغرفه"ياربي انا ليش عصب معقوله اغار لا لا أصلآ انا ماأحبه كيف احبه وهو قاسي معي"طلعت لها بنطلون اسود وبدي أبيض وبلوزه أسود ولبست حجاب أبيض واخذت شنطتها وطلعت
سلطان لبس بنطلون جنز ازرق وتي شرت أصفر وطلعوا يتمشون....
¤¤¤~~~¤¤¤~~~¤¤¤
أميره بالغرفه منسدحه ع السرير دق جوالها وناظرت وردت
أميره بضيق: هلا ملاك
ملاك بإستغراب من صوتها:أميره فيك شي
أميره:أشياء مو شي
ملاك:لاتقولين انك وافقتي على عبدالله
أميره:وهذا اللي بيصير بوافق غصب
ملاك بعصبيه:مجــــــنونه انتي بعدين مافيه شي بالغصب
أميره:ملاك انا ألحين تعبانه وبعدين اقول لك كل شي
ملاك:بس اهم شي ماتوافقين عليه
أميره بحزن:اذا عرفتي كل شي ماتلوميني اذا وافقت
~~~¤¤¤~~~¤¤¤~~~
سلطان وليان بمطعم ايطالي ويتعشون....
سلطان يناظر بالصحن وسرحان ويفكر"آآآه يالدنيا لو بمكان ليان لمى كان صرت أسعد انسان"
ليان:سلطان
سلطان بغلطه:هلا لمى
تغيرت ملامح وجه ليان وتجمعت الدموع بعيونها
سلطان"ياربي غصب غلطت" وشاف دمعه ليان تنزل على خدها
سلطان:أنا آســــــف
ليان تذكر اللي بالاب توب حطت رأسها ع الطاوله وبكت بقوه..
سلطان بنفسه"خلها تبكي لين تشبع غصب غلطت"
ليان وهي تمسح دموعها:بنرجع الفندق وقامت
سلطان ناظر فيها:اجلسي تعشي
ليان بعصبيه:ماأبي سديت نفسي عن الأكل
سلطان:هههههههههههههههه من حركاتك واضح انك تحبيني صح
ليان بإرتباك:م من زينك يوم احبك
سلطان:ههههه تعوذي من الشيطان واجلسي
ليان بصراخ:قــــــلت لك برجع الفندق برجع
سلطان بعصبيه:لاترفعــــــين صوتك وتصارخين احترمي نفسك
ليان بصياح:ليش تزوجتني ليش
سلطان:لأني فقدت حبيبتي وماأبي خالد يكسب اللي يحب
ليان زاد صياحها وشهقاتها...
سلطان قام:قومي فشلتني بصياحك تقول بزر
قامت ليان وراحت مع سلطان للفندق وبنفسها"آآآه ياقهري يحبها وغير كذا يفكر فيها بعد أنا لازم اتطلق منه وبقلبها لا ماأقدر ماأقدر اتخيل شكلي بدونه وبعقلها ليش اجلس عنده اصلآ هو حتى الكلمه الحلوه ماقالها لي"
دخلوا الفندق
سلطان:ارتحتي ألحين رجعنا
ليان شافت اللآب توب منزل ع الطاوله بالصاله راحت ركض له
سلطان بإستغراب:جنيتي انتي
ليان بقهر وهي تصيح وماسكه اللاب توب:أكــــــرهك أكرهك وأكرهه خواطرك واشعارك للمى وطــــــــــــراااااااا خ بكل قوتها بلاب توب سلطان بالأرض وتكسر
سلطان بصراخ:لــــــــــــيش
ليان وهي تضرب برجلها ع كسر اللأب توب:عــــــشان تعرف من الكابوس بحياتك ومن اللي احرمتك من حبيبتك وبسبتها فقدت كل شي
سلطان انقهر وعصصصب ومسكها ودفعها وضرب رأسها بالجدار وطاحت ع الأرض
سلطان بصراخ:لــــــيش ليش مالقيت الإ هذا عاد وبرجله بضهرها
ليان بصياح وألم:آآي فك فكني آآآي اتركني
سلطان من القهر والعصبيه قعد يضربها ضرب بحياته ماضرب احد مثله
ليان بصياح:آآي الله يخليك اتركني آآآي وبصراخ:عبدالله عبدالله
سلطان عصب زياده وضربها لين اغمى عليها ورفسها برجله وطلع من الفندق معصب ومقهور"آآآه ياليان كل مذكراتي فيه وأشعاري واهم شي الخواطر اللي أكتبها اذا كنت متضايق" وغمض عيونه"كل شي أنحرمت بسببك منه والأهم حبيبتي وروحي لمى حتى الخواطر اللي كاتبهن فيها احرمتيني منهن"وراح يتمشى
بعد ربع ساعه فتحت ليان عيونها بتعب وتنادي:عبدالله عبدالله الله يخليك تعال تعال وحست بألم برأسها من الضرب:آآآه عبدالله وينك وينك آآآه واغمى عليها مره ثانيه....
سلطان ساعتين وهو يتمشى تعب ورجع للفندق بينام...فتح الباب وشافها طايحه خاف"معقوله من يوم ضربتها وهذا مكانها لايكون ميته بعد اطيح بمصيبه بعد ناقص انا" وراح لها:ليــــــان ليان وحركها: ليان ليان ولمس وجهها بارد وانهبل"لايكون ميته" وضربها بخفيف مع وجهها:ليان ليان وراح ركض للغرفه وجاب عطر وحطه عند خشمها بس ماصحت
سلطان حط رأسه ع صدرها وبكى:ليان والله مو قصدي مو قصدي غصب تكفين قومي تكفين
ليان بدأ لون وجهها يتغير
سلطان رفع راسه ودموعه على خده:ليان الله يخليك قومي وطلع جواله ودق على سامي
وقاله يجي عشان يودي ليان للمستشفى...
انتهى...
لاتلهيك الرواية عن الصلاة وذكر الله
COLOR="Magenta"]تحياتي:Amoonh[/COLOR]
|
05-07-12, 01:37 PM
جديد مواضيع قسم القصص المكتمله من وحي قلم الاعضاء
العرض العادي
