كاتب الموضوع :
Amoonh
المنتدى :
القصص المكتمله من وحي قلم الاعضاء
السلام عليكم ورحمة الله وبركاته
مساء الرضى والمحبه من الله
اولا شكرا نجلاء الريم واتمنى الرواية تعجبك في البارتات القادمه
بنزل البارت الخامس وهو طويل شوي وفيه تتعرفون على مجرى الرواية
قراءة ممتعه ومسلية اتمناها لكم احبتي ..
البارت الخامس
الساعه 7 الصباح عبدالله وصل الشركه وطلب له قهوه وراح لمكتبه....
¤¤¤¤¤
1:هذا عبدالله دخل بس بقى خالد ادخل بدون عبدالله مايعرف
2:يمكن مايدخلوني
1:اسأل عن خالد وبيقولون ماجاء وقل انك تبيه ضروري واسأل عن مكتبه ودق علي واقولك الباقي
نزل 2:اذا شفت خالد وصل قلي قبل يدخل
1:اوكي بس رح انت
دخل 2 الشركه:السلام عليكم
السكرتير:وعليكم السلام
2:الأستاذ خالد موجود
السكرتير:لا ماوصل
2:لو سمحت ابيه ضروري
السكرتير:تقدر تصبر لين يوصل
2:ايه بس بنتظره عند مكتبه وينه
السكرتير:تفـــــضل هنا وأشر لمكتب خالد بقول للأستاذ عبدالله وراح
راح 2 لمكتب خالد وبيفتح الباب بس مقفل
2:اوووووف ودخل الورقه من تحت الباب وهرب
¤¤¤¤¤
عبدالله بمكتبه يكلم خالد طق الباب
عبدالله:دقيقه خالد بشوف من عند الباب...بعد الجوال عن أذنه :تفضل
السكرتير:أستاذ عبدالله فيه واحد يبي خالد
عبدالله:يبي خالد على هالصبح
طيب من تعرفه
السكرتير:لأ أول مره أشوفه
عبدالله:خلود بشوف من يبغاك
خالد:أنا بالطريق
عبدالله:باي
طلع عبدالله يشوف من يبي خالد بس ماله أي أثر أستغرب عبدالله"وين راح ومن هو أصلآ يجي للشركه ومافيه أحد يعرفه":ويــــــــــــنه
السكرتير:كان هنا
عبدالله بعصبيه:ثاني مره ماتدخل احد الإ بأذني مفهـــوم
السكرتير:انشاء الله
رجع عبدالله بمكتبه وجلس وبعد خمس دقايق وصل خالد الشركه وراح لعبدالله
فتح خالد الباب:صــــــــباح الخير وسكر الباب
عبدالله قام:هلا صباح الورد وباس خالد
خالد جلس:ترى رأسي مصدع ابي قهوه
عبدالله:وش رأيك تفضل على مكتبك وتطلب انت
خالد:افا يعني طرده
عبدالله:لأن عندي اوراق لليل واذا صرت عندي اجلس اسولف ويروح الوقت وأنا ماخلصت
قام خالد:وانا بعد عندي بخصوص الصفقه الأخيره
عبدالله:وأهم شي نكسبها
طلع خالد وراح لمكتبه طلع مفتاحه وفتح الباب ودخل وسكر الباب وجلس على الكرسي"الله يعينك ياخالد اوراق لليل" واخذ ملف ورفع السماعه وطلب له قهوه ونزل السماعه"عاد ألحين اشرب قهوه واصحصح"وانتبه لورقه عند الباب
طق الباب السكرتير ودخل ونزل القهوه:تفضــــــــــــل
خالد:مصعب عطني الورقه اللي بالأرض
اخذ مصعب الورقه وعطاها خالد وطلع وسكر الباب
خالد:"من وين وصلت هاذي"وفتحها وقرأها وفتح عيونه ع الأخر من الــــــــــــصدمه وقام"بــــــــــــاسل معقوله هنا بالرياض"وقرأها مره ثانيه
[الأستاذ العزيز خالد هههههه عفوآ المجرم والمدمر خالد بعد ماضيعتني ودمرت حياتي تعال شف انا وين واذا كنت رجال تجي انت وخادمك عبدالله وتشوفون حياتي بعد مادمرتوها واحرمتوني من أهلي ووظيفتي وخسرت كل شي والسبب انتم وهذا مكاني.... في حي.....شارع.... تحياتي باسل خالد الـ......]"معقوله دمرناه لا اكيد انا لازم اروح لعبدالله"وطلع وراح لعبدالله
عبدالله مندمج مع الأوراق...فتح خالد الباب ودخل:عـــبدالله
عبدالله قام وبخوف:خالد فيك شي
خالد:بــــــــــــاسل
عبدالله بصدمه:بـــــــــاسل وناظر لخالد:لايكون ميت
مد خالد الورقه لعبدالله وقرأها ووقف مصــــــــــــدوم
جلس خالد على الكرسي:لازم نروح له
عبدالله:ألحين ألحين نروح
خالد:والشركه
عبدالله:الحقني على السياره وانا بقول لفيصل يمسك شغل الشركه لين نرجع
طلع خالد وراح للسياره وعبدالله قال لفيصل بعدين راح لخالد بالسياره
خالد وهو يناظر بالورقه:الحي هذا قديم
عبدالله:نروح اهم شي نرجعه لأهله ونرتاح
خالد:نروح للحي بس وين البيت
عبدالله:اذا وصلنا الحي يصير خير
¤¤¤¤¤¤¤
الساعه 8 الصباح سلطان وسامي ماداوموا اليوم وبالمزرعه وعند الإسطبلات....
سلطان وهو يمسح على رأس خيله:ســــــامي تصدق ودي اركب ألحين
سامي:لا بنروح نشوف المزرعه من داخل
سلطان:مليت منها
سامي:عاد انا بشوفها
سلطان ترك الخيل:ابشر من هاذي قبل هاذي واشر على عيونه
سامي:سلطان وش رأيك نسافر
سلطان:وحتى انا مشتهي السفره بس الأسبوع الجاي
سامي:لــــقطر وش رأيك
سلطان:أسبوع لقطر واسبوع الإمارات
سامي:ان شاء الله الاسبوع هذا بحجز لنا
¤¤¤¤¤¤
ساعه ونصف وعبدالله وخالد يبحثون عن الحي...
خالد:عبدالله لف مع الطريق هذا
عبدالله وهو يلف:بس هذا شكله مهجور
خالد:شكل اللي فيه عماله وافده
عبدالله:ههههه شكله مهجور
خالد وهو يفتح شباك السياره:بسأل هذا
عبدالله:اسأله
خالد وهو ينادي الشخص اللي قدامه:لــــــــــــو سمحت
انت
عبدالله:خلودي البس نظارتك
خالد لبس نظاارته:انت لو سمحت
الشخص"غريبه سياره زي كذا تدخل الحي هذا":نــــــــعم
خالد:تعرف احد بالحي هذا اسمه باسل خالد
الشخص"ايه اكيد هذا خالد":ايووه داخل هنا واشر على الباب
خالد:ممكن تقوله إنا بندخل
عبدالله بقرف:لا وين ندخل بالبيت هذا
الشخص دخل البيت ونادى: باسل
باسل وهو منسدح:هلا سالم
سالم:واحد يسأل عنك شكله خالد
قام باسل وبسرعه:ويـــــنه قله يدخل
سالم:اوكي بقوله وانت اجلس هنا
طلع سالم:تفضل
نزل خالد:وينــــــــــــه
عبدالله مسكه:خالد لاتدخل يمكن يكذب
خالد:لاتخاف انا بنزل واذا تأخرت انزل
عبدالله:اوكي بس لاتأخر
باسل واقف ومتوتر"ياربي تأخر من اكيد مو خالد"
خالد يمشي ومنقرف من البيت وريحة الغبار:ويــــــــــــنه هذا لايكون تكذب بعد
سالم:هــــــــــــنا داخل بالغرفه
خالد بنفسه"وهذا فيه غرف كأنه بيت دجاج"
سالم:هذا هو واشر على باسل
خالد بإستغراب:بــــــــــــاسل
باسل:ايه باسل والإ بعد مستغرب من لبسي والبيت هذا كله منك
خالد بعد ماتكلم عرف صوته وضــــــــــــــــــــــــمه:ســــــــــــام حــــــــــــني
باسل:اسامحك بعد مادمرت حياتي
خالد ضمــــــــــــه بقوووه وقعد يبكي وباسل بكى معه
سالم تأثر من الموقف وبنفسه"مسكين ياباسل وحتى انت ياخالد ماتدري باسل وش ناوي عليه"
عبدالله خاف على خالد ونزل ودخل ونادى:خــــــــــــالد
طلع له سالم:تعال هنا
عبدالله بنفسه"بسم الله الرحمن الرحيم اعوذ بالله من الشيطان الرجيم شكل البيت مسكون"وراح مع سالم وشاف خالد ضام باسل ويبكي
عبدالله:بــــــــــــاسل
ترك باسل خالد ومسح دموعه:عــــــــــــبدالله
راح عبدالله وضــــــــــــمه:سامحني
خالد بنفسه"ياربي كيف عايش هنا معقوله احنا مجرمين لاهالدرجه بس انا لازم ارجعه لأهله"
عبدالله:باسل انت لازم ترجع معنا
باسل بإستهزاء:ارجع ارجع واشر على لبسه:وانا كذا
خالد:انت مستحيل تجلس هنا كيف عايش هنا
باسل:عيشتي هنا ارحم من الشوارع
خالد:انا بأخذ لك فندق تجلس فيه ثلاث أيام وتجهز نفسك وترجع لأهلك
باسل:وســــــــــــالم مستحيل اتركه وهو اللي عيشني عنده وسكني بعد ماطردني ابوي
عبدالله:سالم انا استأجر له شقه
خالد:سالم انت متوظف
سالم:ايه وراتبي 1500
عبدالله:ألحين خوذوا اغراضكم
واحنا بالسياره ننتظركم وطلعوا
خالد وهو يركب السياره:الحمدلله ارتحت ألحين ارجعه لأهله
عبدالله وهو يفتح المكيف:حــــــــــــر
خالد:وريحة غبار بعد
عبدالله:تأخروا
خالد:يجمعون أغراضهم
عبدالله:والله لولا خوف من الله لاأقول لهم يمشون ويتركون أغراضهم ألحين يوسخن سيارتي من الغبار
خالد:هههه هم بروسهم بيوسخون السياره وفتح الدرج:عندك عطر برشه
عبدالله:شفه تحت
سالم وهو يشيل أغراضه بشنطته:ألحين بترجع لأهلك
باسل:ايه تبيهم يتشمتون فيني اذا رفضت
سالم:احس خالد طيب
باسل:هههه خالد طيب لا بس شفق علي مو حبآ فيني
عبدالله:ههههههههههه لا انا عاد سميت وتعوذت من الشيطان
خالد:اسكت اسكت طلعوا
عبدالله:اخيــــــــــــرآ مابغوا
خالد:اركبوا
ركبوا سالم وباسل
خالد:ألحين بنستأجر فندق لكم والعصر نروح للسوق
عبدالله:لا استأجر لكم سياره وانتم تروحون وتأخذون راحتكم
باسل:مشكورين
خالد:لا شكر على واجب
باسل:اخبار الأهل واخبار أميره
عبدالله انقههههر ورص على السكان بقوه"اوووف يقهر لايكون يفكر فيها بعد"
خالد:ليه تسأل
باسل بخبث:لأنها سبب في طردي مو انتم كذبتم وصدقوكم
عبدالله:انسى الماضي
باسل:صعب انسى وكل ماتذكرت اللي صار انقهر واحقد عليكم
خالد:ألحين سامحنا وأنا اللي برجعك لأهلك
باسل"هههه وانا اللي بدمركم وبالذات انت ياخويلد"
عبدالله ناظر بالمرايه وشاف نظرات باسل"والله ينخاف من نظراتك"
خالد:عبدالله شف الفندق هذا
عبدالله نزل:خالد دق على فيصل وخله يحجز سياره ويرسلونها للفندق
خالد:لا اقوله يرسل سياره من الشركه
عبدالله:طيب انتم معكم رخصة قياده
باسل:وش رأيك اكيد معنا
عبدالله"ياكرهي لك بس افتك منك واريح ضميري"
¤¤¤¤¤¤¤
الساعه 2 الظهر"" ليان بالجامعه وخايفه وكل شوي تناظر بالساعه...
لينا:ليان وش فيك يجي ألحين لاتخافين
ليان:ادق عليه ومايرد وأنا لي ساعه مخلصه محاضاراتي
لينا:تروحين معي ونوصلك
ليان:لا صعبه بيتكم وين وبيتنا وين
¤¤¤¤¤¤
عبدالله وخالد بعد مااستأجروا فندق لباسل وسالم ووصلت السياره اللي طلبها عبدالله من الشركه راحوا للشركه عشان يأخذون بعض الأوراق ويكملون الشغل بالبيت.....
عبدالله بيطلع جواله:يووه جوالي بالسياره
خالد:الحين خلنا ندخل ونأخذ الأوراق ونروح للبيت جوعان
¤¤¤¤¤¤
ليان خلاص راحت فيها من الخوف على عبدالله: اكيد فيه شي وقعدت تبكي
لينا وهي تهديها:ليان خلاص لاتخافين يجي ألحين يمكن مشغول او جواله على السايلنت
ليان بصياح:هئ هئ بموت اذا صار فيه شي هئ هئ
لينا:يجي ألحين بس انتي اهدي
¤¤¤¤¤¤
عبدالله قام وبسرعه:ليــــــــــــان
قام خالد وبخوف:وش فيها
طلع عبدالله:نسيتها بالجامعه وناظر بالساعه:لها ساعه ونصف مخلصه
راح خالد وراه:انتظرني
¤¤¤¤¤
ليان:خلاص لينا وصليني للبيت خايفه اجلس بعدك
لينا وهي تغمز لها:تــــــراه عبدالإله
ليان:ههه سخيفه وضربتها
لينا:ترى اخوي مطيح قلوب العذارى
ليان:اقول تأخرنا عليه تعالي بس
لينا بخبث:مــــــــــــشتااااقه له
ليان بصراخ:ليــــــــــــنا بس عاد
¤¤¤¤¤
عبدالله وهو يشغل السياره:الحين تلاقيها خايفه بعد
خالد وهو يأخذ جوال عبدالله:يوووه 15 مكالمه
عبدالله زاد ع السرعه:ياربي كله من هالنقص باسل نسيت اختي
¤¤¤¤¤¤
لينا وليان ركبن مع عبدالإله وليان حطت جواله ع السايلنت لأنها مستحيه يدق وترد ويسمعها عبدالإله.....
¤¤¤¤¤¤
خالد بصراخ:عـــــــــــــبدالله انتبه للطريق
خفف عبدالله من السرعه ولف لطريق الجامعه:عطني جوالي
مد خالد الجوال لعبدالله:بسرعه خلصنا تراي جايع
عبدالله وهو يدق على ليان:هذا اللي همك
خالد:وش اسوي بدأت عصافير بطني
عبدالله بخوف:ماترد لايكون فيها شي
خالد:عد الرقم مره ثانيه
عاد عبدالله الاتصال:بعد ماترد
¤¤¤¤¤¤
ليان طلعت جواله تناظر بالساعه ولقت مكالمتين لعبدالله ودقت عليه
¤¤¤¤¤¤
عبدالله:هلا ليونه اطلعي
ليان بصوت منخفض:هلا عبدالله انا رحت البيت
عبدالله:مع من
ليان:مع لينا
عبدالله:وصلتوا البيت
ليان:لا بقى تقريبآ خمس دقايق
عبدالله:انا جاي البيت مع السلامه
ليان:مع السلامه
عبدالله سكر وناظر وشاف خالد مسكر عيونه ومسند رأسه على السيت...
سحب علبة ماء وفتحها وصبها على خالد
خالد شهق وطرررااااخ رأسه باللي قدامه
عبدالله مات من الضحك وبحركه غير مقصوده ترك السكان ولفت السياره........
¤¤¤¤¤¤
ليان وصلوها لينا واخوها البيت ودخلت وراحت لغرفتها واخذت منشفتها ودخلت الحمام بتأخذ شور عن الحر وينشطها.....
¤¤¤¤¤¤
أميره صحت من النوم غايبه ماراحت المدرسه اليوم... دخلت الحمام تأخذ شاور.... شذى بعد غايبه بعد ماأخذت شاور ولبست اخذت عباتها راحت لأميره عشان يفطرن مع بعض...دخلت غرفة أميره وجلست على السرير تنتظرها تطلع....
طلعت أميره وشهقت:شــــذى
شذى:مساء الخير
أميره:مساء النور فطرتي
شذى:لا انتظرك
أميره وهي تأخذ لها لبس:فيه احد وانت جايه
شذى:ماشفت احد
أميره وهي رايحه لغرفة الملابس:قولي لسالينا تحط الفطور لنا وانا بلبس والحقك
¤¤¤¤¤¤
عبدالله وهو ينزل من السياره:الحــــــــــــمدلله بغينا نروح فيها
خالد من الخوف ماقدر ينزل:اركب والإ انا بسوق
ركب عبدالله:لو مامسكتها كان رحنا فيه
خالد:انت مسرع بعد وثاني مره تنتبه مي اول مره
عبدالله:كله منك هههههههه شكلك خيال
خالد:ايش استفدنا من حركتك بغينا نسوي حادث لولا ربك ستر
¤¤¤¤¤¤
ليان طلعت من الحمام وجففت شعرها ولبست بيجامه سماويه...وجلست بالصاله تنتظر عبدالله"اووووف تأخر"وناظرت بالساعه"ثلاث ومارجع لايكون صار له شي بالطريق"
¤¤¤¤¤¤
عبدالله:وش رأيك تغدا معي وتنام
خالد:لا وصلني البيت بس
عبدالله:أنزل معي وتغدا واذا تغديت نروح نصلي بالمسجد وتروح على سيارتي البيت وأنا اقول لواحد من موظفين الشركه يجيب سيارتك لي
خالد:لا أسمح لي فيني نوووم
عبدالله:طيب طيب نروح البيت
وراحوا لبيت ناصر ونزل خالد ورجع عبدالله للشقه
عبدالله:الســــــــــــلام عليكم ورحمة الله وبركاته
ليان من بين دموعها:عبــــــــــــدالله وضمته
عبدالله:ليونه وش فيك ليه تبكين
ليان بشهقات:اهئ..ليش..أهئ..ليش تــ..تأخر..تأخرت..خـ..خوفتني عليك..أهئ..أهئ..اهئ
عبدالله:أفاا ليونه تبكين عشان تأخرت خلاص ولا يهمك ماراح اتأخر مره ثانيه زيــــــــــــن
ليان هزت رأسها بمعنى أيه:أهئ
عبدالله:وش قلنا
ليان أبتسمت
عبدالله:جهزي الغدا ترا حدي جوعان
ليان:من عيوني
¤¤¤¤¤¤¤¤¤¤¤¤
بالفندق"
باسل وهو يطيح بثقله على السرير:آآآه يازين الراحه
سالم:باسل لاتسوي شي لخالد
باسل:ليه
سالم:خالد هو اللي بيرجعك لأهلك وبيصحح غلطته وأنت أتركه يروح بحال سبيله
باسل:مستحيل أتركه يتهنى
أبي أدمره أبيه يخسر كل شي
لاتنسى أنه بعدني عن أهلي سنه وأربع أشهر تخيل سنه وأربع أشهر ماأدري عن أهلي وأنا عايش بس للأسف ماأقدر أوصلهم ولاتنسى أن ابوي طردني من البيت وزعل مني وتبيني أسكت له وبعدين إذا مارجعني ألحين بيرجعني بعدين لأنه يدري أنه غلطان وبيصلح غلطته بيوم من الأيام
وبعد أنت بتساعدني
سالم:لا أسمح لي أنا ماأقدر
باسل:وليه ماتقدر
سالم:هم قدموا لي جميل مارح أنساه وأنا ماأقدر أساعدك عليهم
باسل:والسبب
سالم:خالد واضح عليه أنسان حقود ونذل وبصراحه أنا أخاف منه
باسل:ههههه قل خايف من البدايه
¤¤¤¤¤¤¤¤¤¤
مرت ثلاث أيام على الكل بخير واليوم هو اللي بيرجع باسل لأهله....
باسل:وسالــــــــــــم
عبدالله:يجلس بالفندق واذا رجعنا انا استأجر له شقه
باسل:طيب واذا ابوي طردني
خالد:لاتخاف مو طاردك بس مانبي نتأخر
عبدالله:صدق نبي نوصل بدري
باسل:بأخذ شنطتي واغراضي
خالد:اوكي ننتظرك بالسياره
دخل باسل بغرفة سالم وشافه جالس ع السرير وعيونه مليانه دموع
باسل:أفااا سالم تبكي
سالم وهو يضمه:لاتنساني ترى مالي بالدنيا غيرك
باسل:لاتخاف مارايح انساك وكل يوم بدق عليك
سالم:مشكور باسل الله لايحرمني منك
اخذ باسل اغراضه وفتح محفظته وعطى سالم خمسميه هذا اللي عنده والباقي من الفلوس اللي من عبدالله وطلع وركب بالسياره مع عبدالله وخالد وراحوا الشرقيه....
¤¤¤¤¤¤
سامي:سلطان اعذرني بنأجل السفر مضطر اروح لجده
سلطان:عادي خيرها بغيرها
سامي:يمكن اجلس اسبوع اسبوعين
سلطان:خذ راحتك وبينا اتصال
سامي:اوكي
سلطان ببرود:ايه صح نسيت اقول لك حددت موعد زواجي اليوم
سامي:مــــــــــــبروووك متى
سلطان:اول اسبوع من الإجازه
سامي:أشوفك حددت الموعد بدري ليه والإ وغمز له:مشــــــــــــتااااق
سلطان بإستهزاء:يمكن ليش لا
سامي:الله يوفقك
¤¤¤¤¤¤¤
الساعه 4 العصر>> وصلوا عبدالله وخالد وباسل الشرقيه وراحوا لبيت ابو باسل...
باسل توتر وتجمعت الدموع بعيونه مشتااااق لأبوه وأمه واخوانه وخواته مشتااااق لكل شي ببيت لأهله مشتااااق لغرفته والراحه اللي يحسها اذا شاف امه وباس راسها مشتااااق لضحكت اخته الصغيره ولعبها... خانته دموعه ونزلن شلال على خده...خالد رفع رأسه وشاف دموع باسل بالمرايه"يارب سامحني انا السبب"
عبدالله:وصلنا ووقف السياره عند باب البيت ونزلوا...
ابو باسل وامه واخوانه مجتمعين ويتقهوون العصر والبنات بغرفهن....
فتح باسل الباب الخارجي ووقف
خالد:ادخل
باسل:تعالوا معي
عبدالله:صعبه خواتك وأمك
باسل:طيب ادخلوا الى باب الصاله
خالد:اوكي بس انت ادخل
تقدم باسل و مشوا وراه خالد وعبدالله
وصل عند باب الصاله ووقف وشاف أهله مجتمعين تقدم خطوتين
ابو باسل بصدمه وقام:بــــــــــــاســــــــــــل......
$$$$$$$$$$$$$
عبدالعزيز جالس عند مها وخلود ويتقهوون بالصاله....
مها:غريبه خالد رايح الشرقيه
خلود:تصدقين حاسه فيه شي حتى عبدالله معه
عبدالعزيز:مو طبيعي خالد هالأيام
مها:هذا خالد وطبعه دايم كذا
خلود:لا والبارح يتهاوش هو وفارس
عبدالعزيز:بعد اكيد فيه شي
خلود:اسمع فارس يقول بنت وماأدري ايش
مها:اكيد انه يكلم بنت وفارس سامعه
عبدالعزيز:لا مو كذا اكبر من كذا
¤¤¤¤¤¤¤
ابو باسل بصدمه وقام:بــــــــــــــــــــــــــــــاسل
الكل رفع رأسه وقام
ابو باسل:تــــــــــــعااااال وفتح يديه لباســــــــل
تقدم باسل وضم ابوه وقعد يبكي
ابو باسل:اخبارك بشرني عنك
باسل:الحمدلله بخير
ام باسل بصياح:ولــــــــدي آخيرآ شفتك وضمته
خالد مسح دموعه:ندخل او نروح
عبدالله:بنتظر ونروح لخالي عادل
باسل:خالد وعبدالله معي
ام باسل بعصبيه:وش يـــــبون بعد ماابعدوك عني
باسل:يمه هم اللي جابوني لكم
ابو باسل:وينــــــــــــهم
باسل:عند الباب
راح ابو باسل لخالد وعبدالله وسلم واستأذنوا منه وراحوا للجد عادل
¤¤¤¤¤¤¤
أميره جالسه بالصاله ومعها مجله تصفحها وامه عندها.....
دق جوال ام زياد وأميره رفعت رأسها
ام زياد:هلا ابو باسل
ابو باسل:السلام عليكم
ام زياد:وعليكم السلام
ابو باسل:ابشرك باسل رجع
ام زياد قامت وبفرح:الله يبشرك بالخير متى
أميره تحمست وتركت المجله وتنتظر امها تنهي المكالمه
ام زياد بعد ماسكرت من اخوها:يــــــــــــاربي لك الحمد والشكر
اميره:يمه وش السالفه
ام زياد:باسل رجع
قامت أميره وبفرح:صــــــــدق يمه
ام زياد:ايه خالد وعبدالله جابوه
أميره راحت ركض لشذى:شــــــــــــذى شذى شـــــــــــــــذى ودخلت بيتهم
خالد وعبدالله بالحديقه بيدخلون بيت الجد عادل وشافوها يوم تركض وتنادي شذى
خالد:هاذي وش فيها
عبدالله بقهر:اكيــــــــــــد عشان باسل رجع وعرفت
اميره راحت ركض لغرفة شذى وفتحت الباب ودخلت...
شذى منسدحه وفزت:اميره وش فيك
أميره:بــــــــــــاسل رجع رجع وقعدت تنطنط على سرير شذى
شذى"شكلها انهبلت":وش قلتي
أميره:بــــــــــــسول حبيبي رجع رجع وضمت شذى
شذى:خلاص خنقتيني
أميره من الفرحه قعدت تبكي مي مصدقه ان باسل رجع صح هي ماكانت تعرف انها تحبه الإ بعد ماراح وفقدته حست انها مو تحبه تموووت فيه صح اول 6 شهور تعذبت بس بعدين حاولت تنساه وتعيش حياتها وصديقاتها نسوها بعد....
¤¤¤¤¤¤
الجد:ياهلا والله حياكم تفضلوا
عبدالله:اخبارك خالي
الجد:بخير يوم شفتكم اخبار اختك
عبدالله:الحمدلله بخير
خالد:ياجد احنا مستعجلين بس قبل ابيك بموضوع
الجد:طيب القهوه جاهزه
عبدالله:تسلم مستعجلين وبكره عندنا دوام
الجد:براحتكم بس قولوا موضوعكم
قام خالد وجلس جنب جده ومسك يده:والله الموضوع اتمنى ماتردنا
عبدالله توتر وهز رجله
الجد:ماعاش من ردكم
خالد:عبدالله يبي يخطب أميره وش قلت
الجد بفرح:هــــــــــــاذي الساعه المباركه يبشر بعزه
عبدالله قام وباس راسه:الله لايحرمني منك
خالد:بس الموضوع بينا وبينك انت شاور خالي عبدالله وقلنا عشان نخطب رسمي
الجد:بس مو ألحين افاتحه بالموضوع لين تخلص اختباراتها
عبدالله:اللي تشوفه
خالد:نستأذن مانبي نتأخر
الجد:انتبهوا للطريق
عبدالله+خالد:انشاء الله وطلعوا
الجد"والله اني فرحت بس خايف اميره ترفض بس انا اقنع عبدالله وعبدالله ولدي مايرد لي طلب"
¤¤¤¤¤¤
بعد المغرب ام زياد لبست عباتها بتروح لأخوها عشان باسل...
أميره:يمه انتظريني بروح
ابو زياد من فوق:لا ماتروحين
لفت اميره وشافت ابوها:ليـــه
ابو زياد:نسيتي وش صار
أميره بحزن:يبه انت ليه ماتصدقني خالد وعبدالله كذابين
ابو زياد:ونظراتك لباسل ونظراته لك يوم ابوه يطرده
أميره بدموع:يبه صدقني كذابين
ابو زياد:كذابين او صادقين روحه مافيه اجلسي
أميره راحت ركض لغرفتها وسكرت الباب ورمت نفسها ع السرير وقعدت تبكي وتضرب السرير بيدها اكرهــهــهـهـــــه خالد وعبدالله اكــــــــــــرهههم
وصلها مسج وفتحته[كيــــــــــــفك امورتي اليوم ان شاء الله بخير]
رمت الجوال على الأرض:اكــــــــــــــــــــــــرهك حسبي الله عليك ياخالد اكيد هو اللي معطي عبدالله رقمي
¤¤¤¤¤
ليان عندها وعد ومها وخلود وجالسات بالصاله...
خلود:ماقالك عبدالله ليه رايحين الشرقيه
ليان وهي تمد العصير لوعد:بالطريق رجعوا
خلود بإستغراب:رجــــــعوا
مها بعدم اهتمام:عادي دايم كذا يروحون ويرجعون
وعد:ليان جهزتي لزواجك ترى مابقى الإ شهر
ليان:ايوه بقى أشياء خفيفه
خلود:بسألك فلة عبدالله اللي يبني خلصت
ليان:باقي السراميك والديكور
مها:ههه حرام ليان تزوجين ومادخلتيها
ليان:عادي حتى عبود مو داخلها الإ اذا تزوج
وعد:ليه هو خاطب
ليان:لا بس مصيره بيخطب ويتزوج
¤¤¤¤¤¤
باسل بعد ماسلم على عمته ام زياد وجلس معها شوي راح مع منال اخته لغرفتها ويسولفون....
منال:وصديقك سالم وينه
باسل:بالفندق وانسدح:بسألك اخبار أميــــــــــــره
منال بكذب:تزوجت بعد السالفه
جلس باسل وبصدمه:صــــــــــــدق
منال:ايه وألحين حامل
باسل بصدمه ثانيه:حامـــــــل
منال عرفت ان باسل يحب أميره وهذا اللي تبي عشان تقول لأميره...
منال:باسل انت تحبها
باسل بإرتباك:هـــاه لا من قال أميره مثلك والله يوفقها مع زوجها ألحين
منال:ههههههههه اكذب بس بشوف ردت فعلك
باسل بحزن:اصلآ لو ماتزوجت مستحيل اتزوجها
منال قامت وبإستغراب:ليـــــه
باسل قام ووقف عند الشباك:لأني اذا تزوجتها يصدقون عبدالله وخالد ويكذبوني انا واميره او تصير مشاكل بعد وأنا ماابي افقدكم مره ثانيه
منال:لا عادي مايصير شي
باسل بعصبيه:مــــــــــــنال خلاص اميره مستحيل اتزوجها
¤¤¤¤¤¤¤
اليوم الثاني بعد صلاة المغرب اميره وشذى وجود وملاك والبتول طالعة الكورنيش مطلعتهن اميره بمناسبة رجوع باسل...
أميره:اليوم احسن يوم بحياتي
جود بمزح:الشكر والعرفان لخالد وعبدالله
ملاك كملت:اكيد مو هم اللي رجعوا حبيب القلب
أميره:بــــــــــــنات لاتنكدون علي ودق جوالها على الطاوله
شذى وهي تناظر بجوال اميره:الطيــــــــــــب عند ذكره هذا عبدالله
أميره:انا برد واسمعن وش بقول وفتحت ع السبيكر
أميره بدلع:الوووو
عبدالله"آآه ياقلبي":مساء الورد
أميره:انا بقولك كلمتين واسمع
عبدالله:نسمع تفظلي
أميره:احب اشكرك انت والسامج اللي معك على احسن شي قدمتوه لي
عبدالله:اللي هو
أميره بدلع:حبيبي باسل
عبدالله انقهههههر وعصصصب ورص ع الجوال:مو حبآ فيك رجعناه لا بنريح ضميرنا ونتصدق عليه من العيشه اللي كان عايشها
اخذ خالد منه الجوال:وينك ياجوليت تشوفين وش كان عايش فيه ببيت كأنه بيت دجاج
أميره بعصبيه:انت حقييير ومجرررم
خالد:هههههههههه عسى ماتعبتي على كلامك
طوط طوط طوط سكرت اميره الجوال بوجه خالد
عبدالله وقف عند الشباك وكلام أميره يتردد برأسه"ألحين تشكرني أني رجعت حبيبها بدل ماأكون أنا حبيبها يصير باسل"
وشد على الستاره بقووه وزفر بأووف
خالد:عبود وش فيك لا يكون صدقت كلام أميره
عبدالله: مااقدر أسمعها تقول حبيبي لواحد غيري
خالد"طيب ياأميره تسوين بعبدالله كذا بس ماأكون خالد إذا ماخليتك تندمين":بس كذا هي بتقهرك لاتضيق نفسك عشان وحده مثل أميره
عبدالله تنهد بقوه:أنـــــــــا تعبان
خالد:وش رأيك نتعشى بمطعم
عبدالله:اوكي اهم شي اطلع من هنا
¤¤¤¤¤¤¤¤¤¤
عند البنات بالكورنيش""
جود:خالد احسه شايف نفسه
مغرور
شذى:احسه هو يقول لعبدالله كل شي
أميره:اكيد وعبدالله يمشي وراه
ملاك:فكونا منهم الإ شفتي باسل
أميره:آآآآه بس لا ابوي رفض اني اروح
البتول:واذا رحتي بتسلمين عليه
أميره:ياليت بس ودي مو اسلم عليه اضمه
شذى ضربتها:استحي يابنت
أميره بدلع:اسكتي اتركيني اعيش الجو
ملاك:يابنت وش تعيشين استحي
أميره قامت:تعالن نمشي ونأخذ ايس كريم
قامن البنات وراحن يتمشن على البحر.....
¤¤¤¤¤¤¤
سلطان وفيصل بالصاله جالسين ومشاعل عندهم ودها تسأل سلطان بس ماتدري كيف تبدأ...
فيصل:مشاعل شكل عندك شي
سلطان:اكيد عندها ماتشوفها كل شوي تحرك
مشاعل:سلطان
سلطان:ههههههههه كنت حاس سبحان الله انها بتسألني
مشاعل:طيب دامك حاس بسألك ليه مو متحمس لزواجك
فيصل:ومن قاله انه مو متحمس
مشاعل:واضــــــــــــح
سلطان ببرود:لأن البنت ماتحمس لو كانت... وسكت
فيصل:طيب ليه خطبتها
سلطان:لي اسبابي الخاصه
مشاعل:بس ليان طيبه و....
قاطعها سلطان:اسكتي اسكتي لاتفتحين اسطوانتك المعتاده
¤¤¤¤¤¤¤
باسل:منال وش رايك نطلع للبحر
منال بحماس:ايه بجيب عباتي وراحت ركض
وقف باسل بالحديقه"آآآه ياحلو العيشه مع الأهل والراحه بس اصبروا ياعبدالله وخالد اذا مادمرتكم وخليتكم تخسرون كل شي ماأكون باسل ولد خالد"
منال وهي تسكر عباتها:يالله باسل خلصت
باسل:يالله الحقيني للسياره
¤¤¤¤¤¤
أميره:بنات بنرجع رأسي مصدع
البنات:لا أميره تكفين بنجلس
أميره:بس نصف ساعه
البنات:اوكي نصف ساعه
أميره:بنروح هناك وأشرت للمكان
منال:لا باسل بنروح هنا احسن
باسل:براحتك
ملاك وهي تشوف باسل جاي يمشي:بنــــــــــــات شوفن المزيون
شذى:قهــــــــــــر شكله متزوج
أميره بنفسها"ياربي مو غريب من"
باسل ومنال مرو من عند البنات
وقفت أميره واستغربن البنات
أميره:بـــــــــــاسل
شذى:ويــــــــــــنه
أميره:اللي معه البنت
شذى:آهـــــــ شفته شكلها منال
أميره طلعت جوالها ودقت على منال
باسل:منول جوالك
منال وهي تفتح شنطتها:مو وقته
باسل:شوفي من
منال ابتسمت وردت:هلا أموره
أميره:ويــــــــــــنك
منال:اول شي سلمي بعدين اسألي
أميره:منول عاد وينك
منال:طالعه مع باسل
أميره بإرتياح:وين
منال:البحر
أميره:مع السلامه
منال:مع السلامه
¤¤¤¤¤¤¤
مر اسبوع على الأحداث السابقه و عبدالله مايدق على أميره وخالد بعد وأميره مرتاحه....وباسل عايش احسن الأيام مع أهله...
يوم السبت بالمدرسه>>
أميره جالسه بكرسيها وسرحانه....
جلست عندها ملاك:أميره
أميره:هلا
ملاك:فيك شي
أميره:لا
ملاك:اكيد
أميره:ايه لاتخافين
عبدالله بمكتبه ومسند رأسه على الكرسي ومغمض عيونه ورأسه مصدع....
فتح خالد الباب ودخل وسكره
قرب من عبدالله وحط يده على ظهر عبدالله...
خالد:عبدالله
عبدالله فتح عيونه بتعب:هلا خالد
خالد:فيك شي
عبدالله:تعباااان ياخالد وغمض عيونه
خالد:عبدالله قوم ارجعك البيت
عبدالله:لا بس جب لي بنادول
خالد فتح الكبت اللي بمكتب عبدالله واخذ بنادول وطلب من السكرتير يجيب ماء
بعد دقيقتين جاب السكرتير ماء
فتح خالد البنادول واخذ كوب الماء ومده لخالد:تفضل
اخذ عبدالله البنادول وشرب ماء:مشكور
خالد:ارجع البيت وارتاح
عبدالله:لا عادي يخف الصداع ألحين
¤¤¤¤¤¤
المغرب الساعه 7... أميره وشذى عند جدهن بالحديقه وعندهن قهوه وشاهي...
الجد:كم بقى على اختباراتكن
شذى:اسبوعين ونفتك
الجد:اول الإجازه بنجتمع بالمزرعه اسبوع
أميره:لا جد بنسافر احسن
الجد:الإجازه طويله ومعكن وقت تسافرن
شذى:انشاء الله
الجد:دامكن عندي ودي افاتح أميره بموضوع
:السلام عليكم
سكت الجد ودخل عبدالعزيز وشكله معصب سلم على ابوه وسلم على شذى وسلم على أميره ببرود خلها اميره تستغرب وتشك وتخاف...
الجد:عزيز فيك شي
عزيز:لا بس ماعندي دوام بكره واشتقت لكم
الجد:بس صعبه تجي اليوم وترجع بعد بكره
عزيز:عادي اهم شي اشوفكم
أميره وهي تمد الفنجال لعزيز:تفضل
ناظر فيها عبدالعزيز نظرات خافت ونزلت رأسها...
¤¤¤¤¤¤
خالد بعصبيه وصراخ وهو ماسك مها مع شعرها:ليــــــــــــــــــــــــه تقولين لعزيز ليه
مها:آآي ففككنــــ ني آآآي
خالد بصراخ:ليــــــــــــه قولي ليه
مها بصياح:فكني هئ هئ آآآي
خالد دفعها على الأرض وبعصبيه:خــــــــــــربتي كل شي
مها:هئ هئ هئ هئ
خالد قرب منها وبصراخ:اســــــــــــكتي بس وش قلتي له
مها بخوف:ققلت قلت
خالد:قولي بسرعه
مها وهي تقوم:قلت ان لكم علاقه مع أميره
جلس خالد وضرب الطاوله برجله:ألحين تصير مشاكل وبصراخ:تضــــــــــــرر أميره
مها بصياح:ماكنت اعرف ماكنت اعرف بس أنا أكثر من مره اسمعكم
خالد بعصبيه:خــــــــلاص خلاص انقلعي اطلعي بـــــــــــــــــــــــــــــــــرا
طلعت مها وراحت لغرفتها تصيح وخالد مسك رأسه:حسبي الله عليك يامها ألحين أميره تقول لعزيز كل شي ويرفض عبدالله بعد
¤¤¤¤¤¤¤
عبدالله نايم بالبيت وتعبان ولايدري عن شي....
ليان فتحت الباب وقربت من سريره:عبدالله
عبدالله:امممم
ليان:عبودي
فتح عبدالله عيونه بتعب:هلا ليان
ليان:بجيب لك عشاء عشان تأكل علاج
عبدالله:لا بس عطيني ماء والعلاج
صبت له ماء ومدت له العلاج
ليان:تفضل
جلس عبدالله واخذ العلاج ورجع ينام وليان راحت لغرفتها
¤¤¤¤¤¤
بعد ماقام الجد وراح للمسجد يقرأ لين يأذن العشاء....
عبدالعزيز:اميره ممكن اعرف وش علاقتك بخالد وعبدالله
أميره طاح قلبها ببطنها من الخوف وخوفها أكثر ان عبدالله وخالد قايلين له شي
قام عبدالعزيز وبعصبيه:أميــــــــــــــــــــــــره اسألك جاوبيني
شذى خافت وحطت يدها على فمها
أميره بكت
عبدالعزيز قرب من أميره:اسألك جاوبي والإ مالك وجه تكلمين السنه اللي راحت باسل والسنه هاذي عبدالله وخالد صدق طحتي من عيني
شذى:عمي
عبدالعزيز بعصبيه:بــــــــس انتي لاتدافعين عنها
أميره بصياح:هــــــــــــم كذابين كذابين
عبدالعزيز بصراخ:أنتــــــــــــي الــــــــــــــــــــــــكذابه وطررررراااااااااخ كف على خد أميره
راحت أميره ركض لبيتهم تبكي وشذى وقفت مصدومه من عمها ماعمرها شافته بالعصبيه هاذي وراحت وراء أميره....
عبدالعزيز جلس مصدوم ماتوقع يمد يده على أميره بس قهرته طلع جواله ودق على خالد
خالد مازال جالس بالصاله ومعصب دق جواله وشاف رقم عزيز وخاف
خالد يسوي نفسه عادي:هلا وغلا بخالنا العزيز
عزيز بعصبيه:لا هلا ولا مسهلا دام عندي ولد أخت مثلك
خالد ارتبك:خير عزيز فيه شي
عزيز:اللي يعرفك من وين يجيه الخير
خالد:.......
عزيز:ماتوقعتك كذا ياخالد
خالد يسوي نفسه بريء:ليه خالي أنا ماسويت شي
عزيز:وأميــــــــــــره
خالد:أأأ..أميره وش فيها أميره
عزيز:ليش تكلمونها من ورانا
خالد:نكلمها من اللي يكلمونها
عزيز بصراخ:أنــــــــــــت وعبدالله
خالد:شوي شوي فقعت طبلة أذني
عزيز بعصبيه:أحــــــــــــسن مو وقت مزح قاعد تمزح معي
خالد:أنا ما أمزح
عزيز:ألحين ألحين تقولي الموضوع كله >>بصراخ<< فــــــــــــاهم
خالد:طيب طيب الموضوع بصراحه أنا دقيت على أميره مرتين بس أسألها عن زياد
عزيز:مع أني مو مصدقك بس ليه عبدالله يكلمها
خالد بصدمه مصطنعه:عبدالله لا لا عبدالله ماكلمها
عزيـــــز:أكيــــــــــــد
خالد:أكيييــــــــــــد
عزيز:مع اني ماصدقتك بس خلني أسمع او اعرف انك تكلم أميره او غيرها بتشوف شي ماعمرك شفته
¤¤¤¤¤
بعد ساعتين هدأت أميره من الصياح وعندها شذى...
شذى:اذا سألك عزيز لاتجاوبينه
أميره:ادري لأن اذا جاوبته يسأل خالد وعبدالله ويسوون سالفه ثانيه بعد
شذى:احس كل شي من تحت رأس خالد
أميره:حتى عبدالله نذل
شذى:ايه صح وش الموضوع اللي يبيك فيه جدي
قامت أميره:ماأدري نروح نشوف
شذى:يالله وقامن
¤¤¤¤¤¤¤
الجد:طبعآ انا قلت لهم اذا خلصت اختبارات افاتحه فيه
ابو زياد:والله يايبه عبدالله رجال وماينرد بس أميره صغيره
الجد:صغيره وعمرها 19 لا مي صغيره
ابو زياد:اذا خلصت اختبارات افاتحها فيه
الجد:اللي تشوفه
¤¤¤¤¤¤¤
أميره:ابوي عنده ندخل
شذى:لا بنروح لبيتنا نأكل جوعانه
أميره:وأنا بعد
شذى:بنأكل بالحديقه احسن
أميره وهي تشوف عزيز جاي:لا داخل البيت ماأبي اشوف عزيز
شذى:زعلانه
أميره:ايه وبنفسها"عزيز احد يزعل منه"
¤¤¤¤¤¤¤
مرت الأسابيع بسرعه وبدأت الأختبارات واليوم اخر يوم من الأختبارات وتبدأ الإجازه.....
شذى وهي تضم ملاك تودعها:بتــــــــــــوحشييني بفقدك
ملاك بدموع:وأنا بعد بشتااااق لك
جود تضم أميره:بشتااااق لك وأي جديد قولي لي
أميره ودموعها تنزل:بفقدك وافقد ضحكك وابتسامتك
البتول بدموع:بــــــــــــنات عاد وقفن بكي بنزور بعضنا
أميره:هههه أكيد ياقلبي ماأقدر أصبر
جود:انشاء الله نصير مع بعض بالكليه
أميره:انشاء الله
شذى:عاد لاتقهرني ترى باقي لي سنه
اميره: بعد بكره زواج ليان
جود:بتروحون
شذى:اكيد وبالقصيم بعد
¤¤¤¤¤¤¤
العصر الساعه 5 ونصف،،،،
ليان تحط أغراضها بشنطتها ودموعها شلال على خدها.....
عبدالله واقف عند باب غرفتها ويشوفها والدموع تجمعت بعيونه بيفقدها ويبقى وحيد بالشقه مايبيها تزوج وتتركه بس هاذي سنة الحياه تقدم ودخل الغرفه...
شافته ليان وراحت له وضمته وانفجرت بكي...نزلن دموع عبدالله ومسح على ظهرها...
ليان بصياح:ماأبي اتزوج هئ هئ ماأبي سلطان انا كذا مرتاحه
عبدالله بيهديها:هاذي سنة الحياه اذا ماتزوجتي ألحين تزوجين بعدين
ليان:ماأبي اتركك لوحدك
عبدالله:لاتخافين أنا قريبآ بتزوج
ليان:صدق مين سعيدة الحظ
عبدالله:أميــــــــــــره
ليان:حلو اختيارك قلت لأبوي
عبدالله:لا بقوله انشاء الله وناظر فيها خلصتي تجهيز اغراضك
ليان:ايه وقربت منه:عبدالله طلبتك ولاتردني
عبدالله بإستغراب:آمري
ليان:ابي دفتر اشعارك
عبدالله بإبتسامه:ابشري لو تبين عيوني عطيتك
ليان:عشان اذا طفشت اقرأه واتذكرك
عبدالله:بروح اجيبه
ليان:بروح معك لغرفتك
¤¤¤¤¤¤¤
سلطان:وش قلت سامي
سامي:صعبه ياسلطان بعدين معك زوجتك بتقعد معها وترتاح
سلطان:ومن قاله ترى هالسفره غصب عني من ابوي هدية زواجي
سامي:بس أنا ماأبي اسافر
سلطان بعصبيه:غصب تسافر والإ والله لأجلس ماأروح
سامي:هههههه أعصابك بعدين وين اجلس
سلطان:شف تسافر قبل موعد رحلتي وتروح بفندق وأنا اذا وصلت اصير بنفس الفندق
سامي:وليان
سلطان:اوووف منك أنا ماأبي اجلس معها واذا بغيت اطلع أنا وأنت وبس
سامي:يعني بتسجنها بالفندق حرام عليك
سلطان:اقول وش قلت
سامي:اوكي بس ليان....
قاطعه سلطان:لا بس ولاشي ثاني أنا ماأبي اجلس معها عشان ماأتعلق فيها وأحبها وأنا ماأبي اسلم قلبي لأحد بعد لمى
¤¤¤¤¤¤¤
عبدالله:هههه ليان ماتركتي شي ماأخذتيه
ليان وهي معها البوم الصور:بأخذ هاذي
عبدالله:لا تكفين الإ وهاذي
ليان:ليه طيب معجبتني
عبدالله:لأن له ذكرى حلوه عندي وأشر لصوره:خوذي هاذي
ليان:صورك يجننن كل وحده احسن من الثانيه يابخت أميره فيك
عبدالله:لاتأخرينا ترى رحلتنا الساعه 8 وألحين 5:45
ليان بشهقه:صدق بقى نص ملابسي ماحطيتهن بالشنطه
عبدالله:بعــــــــــــد والشنط اللي ملي الغرفه
¤¤¤¤¤¤
أميره صحت من النوم وأخذت شاور ولبست بنطلون جنز وتي شرت وردي كت وربطت شعرها ونزلت تحت بالصاله شافت ابوها وأمها وزياد جالسين...
أميره:السلام عليكم وباست رأس ابوها وأمها
زياد:كملي بعد انا تراي اخوك الكبير
أميره وهي تجلس:لاتنسى اني أكبر منك
زياد:عمرآ اما عقلآ انا أكبر
ابو زياد:لا احسن شي تضاربوا بعد
أم زياد:أميره أكلتي شي
أميره:سالينا بتجيب لي ألحين
زياد:وأنا معك لاتنسين
¤¤¤¤¤¤¤
تركي وهو واقف عند الباب:مافيه أميره الليله شايفتها اليوم
شذى بعصبيه:تــــــــــــركي بلا سخافه عاد
تركي وهو يتكتف:ادخلي بس
شذى وهي تدفه:تركـــــــــي ترى بقول لأمي
تركي:هههههههههههه شفتي انك بزر
شذى خلاص فورت من العصبيه:تــــــــــــركي احسن لك بعد
تركي:خلاص ببعد بس لاتعصبين
شذى وهي تطلع:غصب تعصب بالواحد
¤¤¤¤¤¤
الساعه 7:50 م بالمطار ليان وعبدالله وخالد ينتظرون رحلتهم الساعه 8....
عبدالله:عاد عندي وحده الله يعين اذا ركبت الطياره
خالد:عطها حبه مهديه
عبدالله:لا عادي أمسكها واسولف عليها وماتحس الإ الطياره بالجو
¤¤¤¤¤¤¤
أميره:ليه تأخرتي
شذى:تركي السخيف واقف عند الباب وماقدرت اطلع
أميره:وانا بالقوه تخلصت من زياد
شذى:وش جايهم علينا هالأيام
أميره:الغيره تسوي أكثر
شذى:تصدقين متحمسه على السفر بكره
أميره:لاتنسين تراك معنا بالسياره
شذى:اكيد وأنا اصبر عنك
¤¤¤¤¤¤¤
بالطياره""
عبدالله ربط حزام الأمان لليان
عبدالله:سمي بالله ومسكها وقعد يسولف عليها...
ليان فتحت عيونها:اقلعت
عبدالله:ههههه ايوه وشرايك فيني
ليان:عسل الله لايحرمني منك
¤¤¤¤¤¤¤
الساعه 12 م""
سلطان:فيصل عامر وينه
فيصل:بيجيب عبدالله من المطار
سلطان:وليان معه
فيصل:وش رايك البنت زواجها بعد بكره وتقول معه اكيد معه
سلطان قام:بروح لسامي
فيصل:وانت عمرك جلست معنا بس تأكل من علاجك
سلطان:ايه ومايعصب فيني ويتعبني الإ العلاج
فيصل:تحمل أهم شي صحتك
¤¤¤¤¤¤¤
في اليوم الثاني الساعه 5 الفجر""استعدوا عائلة الجد عادل للسفر للقصيم....
أميره وشذى مع عبدالعزيز والجد معهم...والبقيه كل واحد بسيارته ومعه عائلته...
أميره:شذى فلــــــــــــه لابعد وجدي معنا
شذى:بس عزيز احسه الى الآن زعلان منك
أميره:ههههه قديمه البارح جاء واعتذر
شذى:ليه ماقلتي لي
أميره:مامعي وقت نمت
شذى:المهم تعالي نركب
بعد عشر دقايق الكل توجه بسيارته للقصيم....
¤¤¤¤¤¤
الساعه 7 ونصف... مشاعل وليان مانامن وجالسات بالحديقه الجو حلو وأشعة الشمس منتشره بالمكان...عندهن كروسان وشاهي ويأكلن...
ليان:كل ماقرب الوقت احس قربت وفاتي ماني مصدقه ان بكره زواجي
مشاعل وهي تقطع من الكروسان:لاتخافين بس الله يعينك على سلطان
ليان بحزن:ابد ماكلف على نفسه يدق يتطمن علي
:وش فيك يوم اتطمن عليك
طاح قلب ليان من الخوف ماتوقعت سلطان هنا وأكيد سمعها
مشاعل:ســــــــــــلطان
سلطان:نعم فيه شي
قامت ليان
سلطان:على وين وناظر فيها من فوق لتحت:حـــــــــلوه بس عيبك الوحيد تشبهين عبدالله
مشاعل:ســــــــــــلطان
سلطان وهو يناظر بليان:الدلع اللي شفتيه من عبدالله من اليوم ودعيه وانسيه
ليان:تصدق ماكرهت انسان مثلك وراحت تمشي
مسكها سلطان:اذا كنت أكلمك تنتظرين لين أخلص كلامي
ليان نزلن دموعها:.......
سلطان:ودموع التماسيح هاذي انسيها
راحت ليان تبكي
مشاعل بعصبيه:انت انسان ماعندك احساس وماتستحي على وجهك
سلطان بإستهزاء وهو يأشر بيده:روحي روحي وراها وراضيها
مشاعل راحت لليان...
سلطان بنفسه"الله يعيني عليها بس أنا اربيها صح واخليها تعرف الدلع صح"
انتهى.....
البارت القادم يوم الخميس بإذن المولى اذا فيه ردود واذا مافيه بوقف الرواية لان اذا مافيه ردود اكيد ماعجبت احد فليش اتعب نفسي وانزل}}}عصبت امووووون خخخخ
انتظر ردودكم وتفاعلكم
تحياتي:Amoonh
|
23-06-12, 03:26 PM
جديد مواضيع قسم القصص المكتمله من وحي قلم الاعضاء
العرض العادي
