حياكم هلا وغلا تفضلوا انتعشوا فديتكم بهالحر





سموثي المنجا عبارة عن عصير منجا وبرد فانيليا (برد يعني ايسكريم)




حياكم لقيمات نوني
حطيت الطريقة بموضوع وصفتي او وصفتك




حياكم نقنقوا على مايستوي الغدا سندويشات وخفايف

هلا وغلا حيا الله من جانا
طاح الغدا تفضلوا لاتستحون البيت بيتكم





دجاج مسوي بالفرن مع الخضار

دجاج متبل بالبصل والثوم والبهار المشكل والملح والفلفل والزعتر الاخضر

مع خضار بصل وطماط وبطاط وفليفلة متبل بنفس التتبيلة مغلف بالقصدير ما احله ماي اكثر من نصف كوب وخلية بالفرن

ولما يستوي حمرته من فوق عوافي





سلطة البطاط بالليمون والثوم والبصل المفروم وزيت الزيتون




سلطة الروب بالخيار مع الثوم شلت صحن لحنو لانها ماتحب الثوم




معكرونيا بالدجاج والخضار مع الزعتر الفرش(فيس مستغل الموسم)






معكرونيا ثانيا بالكريما والدجاج وهالمرة معاها كزبرة وشبنت (فيس التغيير)




كفتة بالطحينة للي يحبون اللحم عساه العافية


الكفته عبارة عن لحم مفروم وبصل وثوم بقدونس مخلوصين ومكتلين بشكل اصابع انا احب احطه بالفرن
بس في ناس تقليه

بصراحة الفرن الذ واخف (فيس خايف عليكم من السمنة)

الطحينة عبارة عن هردة اللي هي الطحينة وعصير ليمون ونص مكعب ماجي ونضيف الماي لين يخف القوام ويصير صلصة

ونحط الكفته بعد ماتستوي والطحينة تستوي فوق بعض





الشاكرية تلاقون الطريقة بموضوع حلم ودي يتحقق

تصدقون اكتشفت ان احنا بعد نسويها واسمها مليحة

انقص وجهي عند خواتي الصغار وهم يقولون شاكريه وشاكرية منطرتنا على مليحة

الله يسامحهم ماجني الكبيرة هزئوني




نجتس لمبي الاكل غير الصحي

عبارة عن صدور دجاج وثومة صغيرة مايبين طعمها ياحنو عشان الزفرة بس

صفار بيضة وملح وكمون وفلفل اسود ونعجنها وعقب نشكلها نحقطسها بياض البيضة السابق كسرها وخطف صفارها

وتتغطى بالتوست الابيض المفتت وتنقلي

حياكم الله مقلوبة معتفسة غير شكل شغل الرفالة

حطيت فيها زهرة بدال البيذنجان والبطاط



حياكم تحلو بهالجو الحار فوكه موسمية مزينة بالبرد




واللي يحبون القهوة مانبي نحرمهم بسبب الحر

هذا كورتين برد وعليهم كراميل وقهوة فرنسية حارة بس لا تسون مثلي وتخلونه يسيح

صبوا القهوة وعوافي عليكم على طول اكلوه






هذي ام علي عليكم بالعافية عبارة عن كرواسان مقطع وعليه سكر خفيف وحليب ومكسرات انا ارشها عالوجه

وما احب الكشمش

والف هني وعافية على قلوبكم

واخيرا كثر الله خيرك واكل طعامكم الابرار وصلت عليكم الملائكه وذكركم الله فيمن عنده

الله يجزاكم كل خير

ماشاء الله نموره الاموره سفره عامره بما لذ وطاب يسلم ربي هالانامل الذهبيه

هههه ضحكتيني مع خواتس على الشاكريه هههه عادي تفوت على الواحد احيانا

انا ابي سموثي منجا حسيت طعمه رهييب




ماقصرتي يا قلبي وعساها سفرةدايمه