المنتدى :
الشعر والشعراء
مادام حبك خالطه شك ما بيه
اهدااء لبووووحه >>فيس يحنن قلبهاا علشاان تنسى طرييق الارشييف خخخخخ
بووحتي لاتنسين الهديه لاترد ولاتحذف خخخخخ
.
.
طاح العتب .. ما هيـب لحيـة مشاريـه
خل الكـلام .. و حبـل الأعـذار طـوّه
ماراح أقول شلون أو كيف .. أو ليـه ؟
تـرى السـؤال بـدون إجابـه مـشـــوّه
العذر مات .. و مـات همـه و راعيـه
و الجرح جف .. و جـف غيمـه ونـوّه
صاحبك ضاع الهـرج مـن بيـن أشافيـه
مـا كنّـــه اللـي كـان قبلـك .. مـفــــوّه
يجمع لـك مِـن الشعـر فاخـر معانيـه
و يمـوت عنـدك قبـل فـيـها يتـفـوّه
ليـه أنصـدم ؟ و تخـون قلبـي هقاويـه
و يطيح نجمـي .. و أنخـذل فـي علـوّه
أصدق مع الواحـد و أحبـه .. و أثاريـه
طـــول الليـالـي معتبـرنـي عــدوّه
لا يـابعدهـم .. و أول الغيـث تالـيـه
و أنت اتعرف قلبي .. وخيـره وسـوّه
يمكن لو إنك قلت غلطـان .. قلـت إيـه
مير البـلا إنـك قلـت .. ناقـص مـــرّوه
قلي متى شحيـت فـي شـي ٍ أعطيـه
و قل لي متى صـارت محبتـك .. خـوّه
يصعـب علـى الواحد يثبـت مباديـه
و ان كانه اثبـت .. كيـف يثبـت سمـوّه
الله يبيحـك عــن خـطـاك و تمـاديـه
و يبيـح قلبـك عـن خـطـاه وغـلـوّه
مادام حبّـك خالطـه شـك .. مـا بيـه
حب العتب و الشك .. مـاعيـش جـوّه
ماكنّـي اللـي كـل مـا تلمـس إيديـه
يغمـرك بأحسـاس و حـنـان الأبــوّه
وما كنـّي اللـي كـل مـا مـر طاريـه
ضج الفضـا باسمـه .. و عكّـر هـدوّه
يـامرحبـا بالـجـرح .. و الله يحيـيـه
لا صـار مـن يمنـاك و الجـرح تــوّه
بعض الجروح إن صابـت القلـب تنهيـه
و بعض الجروح .. تـزوّد القلـب قـوّه
الله كتب.. و القـوس فـي كـف باريـه
و اللي تشوفه يا أبيـض الوجـه .. سـوّه
مما رااق لي ..
|
12-06-12, 04:48 PM
جديد مواضيع قسم الشعر والشعراء
العرض العادي
