صباح الفل .......صباح البقلاوة والكنافة ...وحدة مشتهية حلا خخخخخخخ ....ميشو تسلم ايدك ياقلبي ....وربي من قريت البارت وانا معصبة حيل وماحبيت ارد الا لما اروق خخخخخخ خفت اجيب العيد بالدعاوي ....ميشو بالعكس طول البارت احسه حلو لانو مثل ماقلتي بتنزلي بارت واحد بالاسبوع بس اذا تبغي تقصريه بس شوي قصريه لانو بعض الاحيان اتكون هناك احداث قوية واغلبها استهبال من البنات ......نجي عاد للبارت


شرفوه وعيالها

ميشو طالبتك قولي تم وقسم حرقت اعصابي وقهرتني بتسلطها وانو ماحد موقفها عند حدها ليه معطينها اكبر من حجمها هم الي مقويين شوكتها لو يبغون راكان واخوانه اخذ اهله واستقل فيهم ببيت لحالهم وشاف لهم علاج وشرفوه ماتقدر تطب على هواها لانو هناك بيت ابوها وسبيل لها ولبناتها بس هناك في مين يمنعها

وبعدين ميشو لاتخليها لنهاية الرواية وبعدين تعاقيبيها ابغي اتلذذ بعذابها وحرقت دمها اول شي مرضيها بالخبيث وخليها تنشغل بعمرها قبل ماتدمر الباقي خلاص كافي عليها الي سوته طول السنوات الي راحت والخروف زوجها وينه عنها خليه يرجع مفلس ويحط حرته فيها وببناته ويزوجهم غصب عنهم لاي احد لمصلحته ويحرق قلب شرفوه او يطلقها وياخذ بناته ويهج فيهم المهم اشغليها عن الناس ........وجع ياخذها عساها الشلل الي يهدها


اما عبيد الداشر السكير يبغي العنود حامض على بوزه وشكله حط لنايف مخدرات الله ياخذه يابيصير مدمن يابيموت ليه تخليهم ينجحو بشرهم كنت فرحانة انو العيال ابتدو يكشفو شرفوه وخربتي فرحتي


مناروه

عساها ماتتهنى الداشره لو فيها خير تسترت عساها ماتحصل الي ببالها يومها تطيع شرفوه مالها اي عذر كانت تقدر تخبر سمر عن كل شي وتحذرها من شرفوه هذيك بس تشوفهم وماتسمعهم مالها حق تدمر حياة راكان ومن هي هي اصلا بس مثل ماحرقت قلب سمر ربي يحرق قلبها ..........وبعدين مهما كان الشبه الي بينها وبين العنود الا لابد في فروقات بارزة اذا التوئم بعضهم نسخة من بعض بس يفرقون بالطول او بالمتن في اجسامهم فكيف ببنات الخالة موخوات ماراح يكونو نسخة من بعض لهدرجة ........بس خطة شرفوه بتنقلب ضدها


العنود

يومها عارفة بلاوي خالتها ليه ماتتصرف وتطلب العون من اخوانها مو عندها جوال تحاول تتلاقى معاهم بأي مكان وتخبرهم ويتصرفو بأبوهم ويعالجوه .......شتنتظر الي مبسوطة انو بيشوهون سمعتها هي بكيفها بس مايشوهون سمعة راكان ولو فعلا تحب اخوها تخبره بكل الي سوته خالته ماتخليه على عماه علشان يتصرف معاها

اعتقد واحد من عيال عمها بيتزوجها دام ابوها هناك وفرصة انو الجد اللصقة ماراح معاهم كافي شرفوه وشيخوه الي ماله داعي روحتهم عند الناس ........ اتمنى يملكو للعنود بدون مااحد يدري الا اذا تمت الملكة ويخربو على شرفوه هذي فرصة ماراح تتكرر حتى لو الي بيتزوجها انتقام وكره لانو يفكر مناروه الصايعة هي العنود وبنشوف شرفوه وابوها ايش بيسوو مفكرين كل الناس على كيفهم


راكان وسمر

اتمنى سمر تصدق بتال اخوها وتشيل الفكرة الي برايها راكان يحبها ويموت فيها لاتظلمه وتفرح العذال وراكان لما يتزوجها لايتركها ولا دقيقة بعيد عنه ولا يخلي شرفوه تنفرد فيها ولا تطب بيته والا سمر ذنبها برقبته لانو هو الي بعدها عن اهلها وهو مو قد كلمته


بس بعد انا حاقد على راكان وزياد لانهم تاركين اهلهم ومايدرون عن الي يصير لهم وتعاملهم مع اخوهم حقير جدا مالهم حق يهينوه وهم مايدرون عن حالته مع خواتهم الي بيفاخر عند الناس يكون واصل برحمه مو مايدري عنهم وعند عيال عمهم مسويين فيها رجاجيل وهم ابوهم مايدرو عن احواله واستغلال جدهم الحقير له ولفلوسه


اما الجد ابو نواف

جعله البلا بدل مايرد له المعروف لانو وقف معاه في ازمته يقوم يوقف مع بنته ويستغلون سطام ويسحرونه علشان يضمنون فلوسه ...........ربي يبلاهم بمرض ماله علاج وبنشوف الفلوس بتنفعهم في دنياهم او في اخرتهم جد ناس ماتخاف ربها


عناد وغراموه

اسمحيلي ميشو غراموه الي تسويه فعلا يدل على انها عديمة تربية البنت الي صوتها يلعلع عند الرجاجيل حتى لو كانو عيال عمها وترمي الميانة وترفع التكلفة وتسوي حركاتها بنت قليلة الادب مجتمعنا مايحترم امثالها وللاسف الاباء في نظري مايستحقون الشوارب الي بوجيههم من الجد الي دلعه في نظري اساس فساد البنات للعم ابو عناد الي يضرب ولده لانو قال كلمة حق لاخوان غراموه الي يزعلون من كلمة الحق واختهم دايرة على حل شعرها جمال البنت في ادبها وسترها واحترامها لنفسها قبل غيرها

وانا مع عناد في كرهه لغراموه واتمنى مايدبس روحه فيها لانها ماتستاهل تكون لازوجة ولا ام خليها تاخذ واحد مثلها وابوها موفالح الا بالرقص والمسخرة وبنته من بيت لبيت واذا احد قال لهم الحقيقة زعلو منه موهي بنفس عمر سمر ليش هذيك محترمة وخجولة وهي وشجون الي يمكن لولا اخوانها كان خربت اخلاقها .....ماحبيتها ولا عجبتني تصرفاتها


نوالوه وسعود

وهذي الثانية بعد مو عاجبتني لاتصرفاتها ولا طول لسانها لو هي محترمة مترادد رجال مو محارمها كيف تبغي تشتغل وهذي اخلاقها بكرة ترادد اي دكتور او اي مريض مايعجبها حكيه مااستبعد عليها

وبعدين ماتدري انو الي سوته لما تعمدت تاخذ جوال سعود انو هالشي سرقة وعليها ذنب كبير هي مش طفلة عمرها ناضج كيف تتصرف هالتصرفات هل ترضى احد يتعبث بأغراضها ويعرف خصوصياتها هي مين تكون لسعود علشان تتعبث في خصوصياته .........وتبغي تشتغل هذي كفو انها تشتغل وتحمل امانة وهي تصرفاتها مش عقلانية .........ماعليش ميشو بس ماتقبلت تصرفاتها


هذا الي طلع معي احس هذي اهم الاشياء الي بالبارت

في انتظارك ونبغي شي يبرد القلب في شرفوه تكفين ميشو

السلام عليكم

اذا الله اراد وشاء

راح انزل بارت غدا

وشكرا لكل من رد او مر

شعول برد عليك نفس ردي على امي روحي انتم لاتحكمون اجازه وزحمه وتكون صعبه التواجد والقراءه والردود
اطلقي لقلمك العنان وخليه يحلق وبتلقين مايرضيك

والله يستر وش انتي مهببه زيزفونه تهدد بشريفه وعيالها <مابعد قريتها لكن لفتني رد زيزفونه