تسلمي يالغاليه على البارت ونحن دائما بانتظارج وعاذرينج

صباح الجوري .....كيفك ميشو وكيفك دندونة ان شاء الله خفت ماتشوف شر ......بارت حلو وضح لنا شوي من ماضي الظبي بس باقي الكثير

الظبي وسند

الظبي من صغرها خبيثة وشرانية ومااستغرب انو لها اعداء دام هذي حركاتها اذا العنود كرهتها على قلبها الاسود والغرور الي ماله داعي فكيف بالظبي الي عارفة ومتأكدة انو حتى لو ماسوى سند الي سواه مابتكون له ولا هو من نصيبها نصيبها سعد الي لو فيها خير عرفت توقفه عند حده الا اذا كان سعد موهو الراعي هو زوج ثاني بعد الراعي
وعرف قصتها الراعي قلتي انو مقطوع من شجرة بس سعد له عيال عم وهو الي الحين جالس معاهم

غير كذا من وين لها الفلوس والذهب اذا ابوها باع كل شي وهي زوجة راعي فقير مهما اشتغل مابتكون هالثروة لدرجة انو سطام اشتغل عنده في نقطة هنا لسى ماتوضحت

ويومها حقدت على سند ليش اجل حرضت حفيدتها على الفارس وكرهتها في اهلها اذا هي مافيها خير ماله داعي تورث الاشياء الشينة لها وتكبر راسها على جدها وعمانها هي حقدها على سند ماله داعي تاخذ الباقي بذنب مو ذنبهم .....

شفايدة الانسان اذا انذكرت مساوئه اكثر من حسناته وهو ميت بدل مايترحمون عليه يقولو مات وريح الناس من شره وسواد قلبه ماتسوى عليها الي صار للظبي مكتوب لها مامنه مفر حتى لو سند ماسوى اي شي لاالفارس ولا غيرهم كانو يقدرو يمنعو هالشي مثله مثل المرض والموت والحيا

هي قدرت تمنع موت عيالها ولا موت اخوانها كلهم ورى بعض حتى الزواج من الراعي ماكانت تقدر تمنعهة لانه نصيبها وعيالها مكتوب انها تجيبهم من غير الفارس

بدل ماكانت تربي حفيدتها على الانتقام من شي ماضي وانتهى وراح كانت دعت ربها يكتب لها الاجر بعد المعاناة الي عاشتها ويعوضها في الاخرة دام ماانكتب لها في الدنيا الا الهم والحزن

يازين الجدات الي يكونو خير قدوة لاحفادهم وينرفع فيهم الراس مو الي تعيد وتزيد بماضي لانها ميتة على سند لاخر عمرها ومحروق قلبها انها ماتزوجته ماحطت ببالها انو مو نصيبها ابد ويكفي انها صارت لغيره وانحرق قلبه اكثر وماعاش سعيد ومبسوط بحياته مثله مثلها يعني المفروض هالشي يفرحها لانو مو احسن منها بصراحة ماحبيت الظبي ولا تعاطفت معاها ابد يكفي اننا شفنا نسختها الي ماتنبلع


العنود وبتال وطارق

العنود جاية تقلد الظبي الي هي شافت كيف حياتها الانسان كم بيعيش في الدنيا ليش يضيع عمره ورى غروره وكبريائه الي ماله داعي شالي بتستفيده من هالعناد ترى مو فخر هالشي مثل مابتال غلط هي تساويه بالغلط واذا مضايقها تصرفاته تنثبر داخل ماله داعي كل شوي ناطة عند الاسطبل والخيل الي هي ملك بتال اما انها كل شوي ناطة بمكان عارفة احتمالية وجوده وبعدين تسوي فيها المعصبة وهي تسعى لشوفته ماله داعي المكابر ترجع له بالحلال وتاخذ اجر بعيالها مو لانها عاشت مشتتة بين امها وابوها تسعى لنفس الحياة لعيالها

هذا اخوانها من راكان لزياد لنايف لسارة كلهم نفسيات بسبب حرمانهم من الجو الاسري الصحيح ماحد يعوض العيال عن الام والابو الحقيقيين مهما كانت اخلاق زوج الام وزوجة الاب بس الام والابو غير

هل هي لقت العوض عن امها وابوها او اخوانها شافو فيها العوض الا كل واحد منهم حمل هموم اكبر منه وانحرم من ابسط حقوقه ........

اما طارق عيب عليه والله ماله نصيب بالعنود اذا ماتزوجها وهي بنت حاط عينه عليها وهي ام لعيال ابوهم على وجه الدنيا يعني ضامن انو العنود بتهتم بحياتها معاه وبتسعى لنجاحها لو تزوجته هو حتى ماعرف سبب طلاقها واذا على متعب هذا واحد مريض نفسي مايقدر يشوف احد عايش مبسوط وشي طبيعي حقده بيخلي الغلط كله على بتال والعنود كأنها ملاك اتمنى طارق يعقل ويشيل العنود من راسه البنات ياكثرهم يتزوج ويستقر ولا بيسوي نفس مشيرة الي متزوجة وعندها ولد ولليوم تخون زوجها بتفكيرها وتحط ذنوب على حالها سواء نايف ميت او حي حرام التفكير فيه وهي متزوجة المفروض تعف نفسها عن هالاشياء وتحمد ربها على النعمة الي هي فيها

ماحد معور قلبي الا سلطان والظبي شهالعيشة الي عايشينها لااستقرار ولا جو اسري مثل باقي العيال الي بعمرهم الام اذا ماتنازلت وضحت علشان سعادة عيالها ماتستاهل الامومة لو بتال مو كفو كان عذرناها بس انا مااشوف عيوبه كبيرة لدرجة انو مايستحق فرصة ثانية ترجع له وتلم عيالها وتقدر تحط الشروط الي تبغيها وتترك الغرور والعناد ولا تكرر حياة جدتها الي دفنت عمرها بماضي انتهى وراح خلاص

متعبوه

هالادمي ثقيل طينة مو من حقه اصلا يأمل طارق بشي مايخصه لعنود لها اخوان واعمام هم المسؤلين عنها هو مايخصه ولا من حقده على بتال الي هو متأكد انو يعشق العنود يبغي يحرق قلبه جعله بيوم يعشق وحدة حتى النوم ماينامه وينحرق قلبه وتتزوج غيره يمكن يصير عنده ذرة احساس

علشان يونس عمره بيسعى في زواج العنود مو حبا في طارق بس لانه يكره بتال وناسي الضحاية الاثنين بحريقة عمرهم ماتربو بين امهم وابوهم .......لانو لو العنود تزوجت من حق بتال ياخذهم ومافي قانون بيصف معاها وماادري ليش حاسة انو هالخبيث بيسوي حركة نذالة بس الله لاينوله والي فشله هي العنود وتوقفه عند حده قال عارف العنود قال مالت عليه ببيت الناس وياكل من خيرهم وحاقد على عيالهم


باقي البنات

غرام اتوقع شافت شجونوه بشي مايرضيها وماادري الي متى بتسكت عن الشي الي تعرفه اعتقد الي شافته اكد لها شكوكها اتمنى تكسر راس شجونوه الصايعة وتفضحها احسن من انها تسكت ويصير شي ماينفع معاه الندم وحاسة انو سالفة ياسر وشجونوه هي الي بتمنع زواج غرام وعناد نهائي لانو العيلة بتتأثر وخصوصا البادي هو اخو غرام ياسر وتلاعب بعرض عمه لاخجل ولا خوف من الله
ةالظاهر الاخ بدى يمل من صياعة بنت عمه وشاف له شوفة وهالشي قهر شجونوه وعساهم يزوجوها لاي واحد من الطريق ويتبرو منها الي مايطيع يستاهل


سمروه ياثقل طينتها تلوع الكبد وربي مالها داعي حركاتها صارت ام وماتعرف تتصرف اي تصرف الي يشوفها يقول توها متملكة وماعندها خبرة بالحياة الزوجية ولا تقول امها ماعلمتها اجل اليتيمات الي ماعندهم امهات كيف يتزوجو ويعيشو حياتهم وماحد علمهم شي هذي مراموه امها عايشة ورنيموه وهيفوه وكل وحدة اعوب من الثانية وكلهم مو وجه زواج مع تفكيرهم السخيف

ونوالوه الي ماشدها من قصة الظبي الا الفلوس مالت عليها ميشو ابيك تبردي قلبي في هالمغرورة ابغي شي يكسر راسها مالت عليها بس


خزاموه ليش جاية ورازة وجهها علشان تلاحق بتال الي صارت ماتعني له شي صدق وجهها مغسول بمرق وماتستحي الرجال عنده عيال الحين ومالها الا ماجد ومافي فكة منه ماادري متى يتملك عليها يمكن تهجد هي وامها لما تلاقي لها رجال قبل فيها

راشد

هذا بكل وقاحة يطلب من سند يطلعه من بلاويه اصلا ماكبر راسه وخلاه يضل على طريقه الا انهم كل مرة يسعون لخلاصه ويطلعوه من بلاويه وهذا اكبر غلط خليه يغرق وهو بيتربى


في انتظارك ياعسل