السلام عليكم
أحداث هادئه تنم عن قدوم عواصف ستختلع الكثير ولكن هل ستبقى خيمة أبو سطام شامخة و تحمي أحفاده ام ستكتفي ببعثرتهم وصفعهم وهل سيجتمعون مرة أخرى فيها

رنيم صارت أم ومازالت على خبالها لكن دواها الحقران وما اقول غير الله يعين سند عليك بس مادري ليش أحس انها تعاني من مشكله نفسيه يمكن أبوها أو أي أحد حاول يعتدي عليها في صغرها فما تعالجت فهو سبب نفورها من سند وهو يعرف بهذا الشئ

شجون استخفت بجاحه وقلت أدب الي متى ؟ ان شاء الله عناد في المزرعة يطب عليها هي وغرام يتهاوشون أتمنى يضربها ويكسر الجوال على راسها
وأمها ماتدري عنها يحضي ماتشوف إن بنتها تغييرت وماتقعد مع البنات أشغلت نفسها بنظرة الناس لاعرفت عن حملها وأهملت بنتها وعناد رقابته وتحجيره لها في الطالعه والنازله كيف يغفل انها مبقق عيونها في الجوال

ريما اخربت الدنيا اذا تأخر الحمال عيش يومك واترك الوسوسه الرجال الجرئ نشبه كل ماشفتيه هجي وترك المكان الي هو فيه وتركك لبيتك ماهو حل ...

عناد وخطبته من رهام المفروض ما يطاوع أبوه في هذا الزوج وهو يبي غرام والحمد لله ماتطابقت التحاليل
انت ايش يضرك لو اعترفت بحبها لركان عاجبك حالك وانت ما غير تنهد كل ماطروها وسمعت صوتها..

مريم ما كان لها حق تخبئ موضوع الرضاعه انت أمه الي ولدته وشيخة امه بالرضاعه يعني ما بتاخذه منك حرمتيه من شوفتها ومن خواته العنود وسارة و جاك يالعنود اخو مخبول ثاني أعجل من ركان أتمنى يكون سند وعون
عاد ودي أشوف ردّة فعل بتال لعرف وأن العنود بتكشف عليه خخخخخ

لطام إلى الآن ماعرفنا هدفه هو صدق يحب العنود وإلا يبي يوصل لشركاتها وثروتها وينتقم من بنت سطام و هو من اشد اعدائهم لانه لو يحبها ماكان تزوج
ايش العداوه الي خلت نايف ينطق ؟؟؟

مساء الخير يعطيك العافيه ميشو
افتحي صندوقك ميشو خلي هالعقد تنفك شوي

رنيم
الحين تبنه يلتفت عليك وينك عنه يومه يتراجك وانت تصدينه ذوقي من نفس كأس التجاهل اللي انت راعية الاوله فيه

شجون
طيب وبعدين مع ذا البنت متى بتعقل وتعرف ان الكل ملاحظ تغيره
هذه اللي صدق بتجيب لأهلها مصيبه

ريما وغيث
طبيعي اللي تمر فيه البنات اللي تزوج معها كلهم حملوا وجابوا عيال وهي بعد تبي لها بيبي ليش تعارض بعدين هي صادقه أنت جريئ مره وتحرجها خف على البنيه شوي

ام طلال
الحين كلنا مختبين معك وشايلين همك ونقول فيها وما فيه وفي الأخير حاسه بالذنب انك ما قلتي لولدك ان ام راكان امه من الرضاع
والله ما عندك سالفه طيب لها سنين وهي تعبانه ليش ما قلتي له عشان يروح ويزورها والا ما ذكرتي انها امه الا بعد ما ماتت

عناد
واضح من فرحتك انك ماتبي ريهام موب معترض على طريقة الخطبه انت تبي غرام ليش تكذب
نشوف بكره لو جاها احد وخطبها وش بتسوي

ام بتال
وبعدين هذا زوجك ضرب وضربك وهجر وهجرك وش بيفيد معك
يمكن وليد يصير فيه شئ عشان انت وأبوه تحسون على أنفسكم وتغيرون طريقة تعاملكم مع بعض

نايف
أمك وأبوك ماتوا يعني سكوتك راح يرجعهم وين الإيمان بالقضاء والقدر واللي راح ماعاد يرجع عيش حياتك وحاول تقوي نفسك عشان تقدر ترجع نايف الأول اللي العنود معتمده عليه بعد الله


لطام
من اسمه كارهتك وافعالك واضح عليها شينه زي اسمك
من تبوك جاي عشان تجاور العنود لذا الدرجه تحبها
اهلك اول ما شافوها ارتعبوا وش مسويه لكم ذا العنود
وطبعا ياراكان من وين بتعرفه والا بتذكره وانت ماعشت معهم ولا تعرف وش يصير معهم
هذا اللي بيخلي نايف يتكلم ويتحرك لانه هو اللي عارف كل شئ عنه
وطبعا بتال اذا عرف مقصده بيذبحه ويشرب من دمه
والله مايستحي عينه على العنود ولا كن لعيال عمها جنبه

ومعذوره يام الدانه وما جاء منك قصور كلنا مقدرين ظروفك
وبارت واحد في الأسبوع يكفي ويوفي

دمتي مبدعه

صباح الفل والياسمين ......تسلم ايدك ميشو بارت حلو ماقصرتي ياام دانة .......بالعكس انا معاك يكون بارت واحد بالاسبوع وخصوصا انو حبكة الرواية واحداثها مايبغي لها اي عجلة وتحتاج تركيز علشان تنفك الالغاز وبوقتها وتكون منطقية ومقنعة .... خليك على نظامك الا اذا انتي وقت ماتحسي انو في مجال بتنزلي بارت ثاني اكيد ماراح تقصري


العنود ولطاموه

اعتقد انو لطاموه واهله كانو جيران للاهل العنود بس وين مااتوقع بالرياض اذا هم من تبوك وساكنين هناك الا اذا سكنو الرياض فترة وبعدها هجو لتبوك

شسالفته مااعتقد الي بقلبه حب وعشق الا مرض وحب تملك وتحدي لانو العنود مااعطته وجه ومانولته الي بباله وهو شكله الولد المدلل الي ماينرد له طلب بحكم انو وحيد اهله

مو راحمة الا زوجته بصراحة دام مو ناقصها شي وشكلها خجولة ليش مايحمد ربه ويظلمها معاه حرام عليه شذنبها وذنب ولده العنود مابتكون له سواء تزوجت او تطلقت وتصرفاته الي ناوي عليها هي الي بتخلي العنود تزيد بقهره ويمكن تضطر ترجع لبتال علشان سمعتها وعلشان تقطع الطريق على قليل المروة

ماادري شلي يدور براسه بكل قواية عين يناظر العنود وعيال عمها معاه ويشوفونه ولا همه ولا خجل ولا استحى شهالانسان عديم الشرف يرضاها على خواته ولا حرمته لاومقهور انو زوجته حاضرة مع اهله وشافتها العنود

بس امه ليش خافت وارتبكت من شافت العنود ومن كلامها اكيد قايلة شي في الماضي والعنود ترد عليها برد مبطن وليش انفجعت انو عندها عيال توقعة انو العنود الي مارضت بولدهم قبل بترضى فيه وهي ام عيال وطليقها متمسك فيها ومابيتنازل عنها وخصوصا انو ولد عمها من لحمها ودمها مابيزوجوها اهلها من غريب ويتركو عيالهم عنده

ماادري شالي بينفتح للعنود من مصايب بجيره لطاموه لهم ......الله يستر


نايف وراكان

نايف اهله هذا يومهم وراحو للي احسن من هالبشر الي مارحموهم ......ماينلام لانه ماشبع من وجودهم والمرض او السحر حرمه من احضانهم بس مايجوز عليهم الحين الا الدعاء بالرحمة ......اتوقع وجود لطاموه هو الي بيرجعه لنايف القديم مع اني مو مرتاحة لنظراته الي تدل انو مخبي شي وجاي وهو واثق يمكن سوى شي بيبتز فيه العنود جيته مو خالية من المصايب يمكن تصرف نايف معاه يخلي الكل يعرف نذلة لطاموه وخصوصا بتال الي لو شاف نظراته للعنود ماتركه حي

ريما وغيثوه

والله على قلة ادب غيثوه المفروض هي اول وحدة حملت من البنات بس الله يستر ماتطلع لها مشكلة تمنع حملها اتمنى العلة بغيثوه وتحتاج علاج بلكت يهجد لانو فعلا تصرفاته غير مقبولة هذا وهو محامي يعني ممكن زباينه يكونو حريم اذا هذي تصرفاته قدام الكل عادي عنده مااستبعد اي وقاحة منه عند زبوناته لانو الراكز راكز في جميع الاحوال ماله داعي القاصي والداني يعرف الي بينه وبين زوجته

سند ورنيموه

رنيموه دواها التجاهل والتطنيش وعدم الاهتمام فيها لانو لما سند عبر لها عن حبه ولهفته وقام يجيب لها كل الي تتمناه بنت ماقدرت له هالشي ولا بان بعينها لانها انسانة جحودة مثل ابوها لذلك اذا سند بيربيها يحسسها هي والجدار واحد خليها تعرف هي ايش فقدت على ايش شوفة النفس والغرور تحمد ربها انو ماعايرها بيوم بفعايل ابوها الشينة


عناد وغرام

سؤال الحين مو خبر خطبة عناد لريهام الكل عرفه اجل شجونوه ليش تقول لغرام الي قالته وليش ماشفنا لها ردة فعل من هالخطبة الي ماكانت على بال احد
غرام واضح انها مو مهتمه لعناد وهالشي احسن لها ماتعجبني الي تحط واحد ببالها وهي مابينها وبينة اي خطبة رسمية ولا ملكة

ريهام يوم خطبها عناد ركزت بشكله لانو قبل مايعنيها مجرد ولد عم وهالشي كبرها بنظري وان شاء الله ماتزعل لانو النتايج غير متطابقة وهالشي من صالحها دام عناد مايبغيها ربي بيعوضها الي احسن منه

وعناد مايضمن انو غرام تتوافق تحاليلها معاه يعني ممكن نفس النتيجة تكون لو خطبها الزواج قسمة ونصيب والمفروض هالشي حتى شجونوه تحطه ببالها هذا في حال ياسر خطبها وانا استبعد هالشي انتظر عقابها هي والنذل ياسر لانو الاثنين يستحقو العقاب على خيانتهم لاهلهم وعصيانهم لربهم


طلال ومريم

مريم كبرت السالفة على الفاضي يعني بالعق شيخة ام بالرضاعة كيف بيتركها طلال وبيروح يعيش عندها مالت على التفكير لاوزوجها مطاوعها لو طلال زعل كم يوم عليها كان عرفت سخافة تفكيرها يوم ضمنت انو طلال مابيروح لغيرها خبرته خلاص شيخة ماتت وراحت بس كنتي قربتي علاقة طلال مع اخوانه من الرضاعة ويمكن كان سند لهم بيوم

في انتظارك ياام الفكس يالعجوز المراهقة

السلام عليكم ورحمه الله وبركاته

مساء الخير..مساء المحبه ....مساء الرياحين
صباحك نفحات من رضا الرحمن
جعل يدينك ماتمسها النار ويفرج همك ويوسع صدرك ويزيل كدرك ....تسلمي على
هالبارت الراائع ياعسل...ونظامك جدا رائع بتنزيل البارت لان ماشاء الله ذرك واااااااااااااجد ويبي
له جلسه عشان الواحد يستوعب احداثهم...

نايف
ياقليبي عليك يانايف وجيعتك شينة ...جاي من غربه وعذااااب واختطاف ومحاولة اغتيال وغيره وتلقى امك وابوك متوفيين ..وانت الي جاي لهم وكلك لهفه وشوق...بس وفاتهم رحمة من رب العالمين احسن من العذاب اللي عايشين فيه
ياقليبي حسيتك لسى صغير على هالهموم ولسى ماشبعت من احضانهم....وحالة الصمت الي مدخل روحك فيها بسبب حزنك العميق عليهم ولانك متحسف انك تركتهم وهم محتاجينك...
بس شوفتك لسيء الذكر>>لطاموه<< هي اللي راح تطلعك من حاله السكون الي معيش نفسك فيها.. واكيد انك عارف بسواد وجهه ونواياه الخايس تجاه العنود وان تالي بتقدر تنبه الكل له خاصة اذا شافوا انفعالك تجاهه

العنود وبتال ولطاموه
جيت لطاااام لاهل سطام سلاح ذو حدين يا انها بتقرب بين العنود وبتال والا انها بتفرق بينهم من جديد....
واتوقع انا مثل زيزوو فديتها...ان عايلة لطاموه كانوا جيران بيت سطام لفتره ثم استقروا بتبوك واكيد ماهجوا هناك الا من سواد وجهه ولدهم قدام سطام ..ويمكن سوا حركه للعنود اغضبتها واغضبت ابوها ...يا انه كان يبيها ويوم خطبها رفض ابوها وقام يتعرض لها ...او انه جالس يتهدد لهااا...واتوقع انه من النوع الي مايقبل ان احد يرفضها ومطارده لها بس عشان يثبت انه ماحد يرفض له طلب..وهو لاا حيا ولامستحى جالس يقز بالعنود قدام اهلها وعزوتها لاخاف الله...ولاا حشم الرجال الي ضيفوه وعزوه عندهم جالس يناظر بمحارمهم ..ليت من فرغ الرشاش براسه.. وياحسافة زوجتك فيك والله انك ماتستاهل مواطي رجلينهااا شكل مريته حلوه وحبوبه..
والدليل على فعايله الشينه هو ارتباك وخوف امه من مقابل العنود الي اكيد مفتشله من سوايا ولدهااا ...وشكلها المره جايه وماليه يدها ان العنود علة حطت يدها وبتقبل بشين الحلايا ولدها...وتفاجاءت ان العنود ماضربت لهم خبر اعرست وجابت اعيال...واتوقع انه الشيء صدمها كثير وخلاها تستبعد انها توافق على ولدهاا...

نجي عااااد للثور الهايج بتالوه الي اكيييييد بيقوم الدنيا وبيقعدها اذا عرف بنوايا لطاموه وليه هو شرا المزرعه الي قبالهم...ويمك يصر على اهله انهم يرحعون العنود لعصمته وبيجلس يحن على روسهم...

صقر وابوه وامه
وهذا بعد يااويلك يا ميشو ان قربتي منه...خليه وحيد امه تطالع الله ثم تطالعه وهو الوحيد اليم صبرها على هالغيشسه القشراااا...
ياعمري شايل هم امه وخواته ...وخايف عليهم من سوايا ابوه وجالس يغطي على سواااد وجه...صاير كانه هوالابو وهذااااك هو الولد المراهق...حسبي الله عليه كانه كاسر ظهر ولده ومفشله..زمحمله مسؤلية امه واخواته وهو توه صغير..والله لو يصير شيء لصقر وهذا اللي انا حاسه فيه ان تنجن المياسه...
ميشوووو اذا فيك قشاره وتبين تموتين احد عندك راشد اذبحيه سوي فيه الي تبين مسموحه يالغلاا تريحين وترتاحين...

سند ورنيم..
زين ماتسوي يا سند بتجاهلك وتطنيشك لريموه ...هاذي ماينفع معاها الا هالطريقه عشان تتادب وتعقل وتترك عنها خبالهاا الي بيخرب عليها حياتهاوياك..واذا مانفع معها هجرك وبرودك مالك الا صييخ جدك ابو سطام استعين فيه واكويها على راسها كود يرجع لها عقلها...
وبتعرف الفرق بين سند الرجال الشهم الي عازها ورازها مو مقصر عليها بشيء..وبين ابوها النذل الحقير الي ذال امها ومغربها بمراهقاته الي ماتخلص..

ريما وغيث
يااربي على المصاله الي في غيثوه متى يستحي على وجهه ويترك عنه هالحركات اذا تبي تسوي شيء لمرتك بينك وبينها تحرجها كذااااا قدام اهلها مو عدله ابدا... البنت ميته م الحيا من تصرفاته وهو لاا على باله الي يبيه يسويه مايراعي حياها ... صدق ميشوو مو انتي من قبل لمحتي ان غثيث راح تموتينه..والا انا مخرفه؟؟؟

طلال وامه
ياربي مكبرين السالفه ومسوين الهوايل وخليتوا الرجال يطق بروحه تجيه الافكاار وانه لقيط ومدري ايش على شيء بسيط ممكن تفهمونه اياه من غير هالهوليله...ناس امه الي جابتهم هاملينها ولاا فكروا يسالون عنهااا وانتوا خايفين تقولون له ا عندك ام من الرضاعه مخبين عليه خايفين انه يتركم ويروح لهااا بالعقل في احد يترك امه الي جابته ويروح لمرضعته ؟؟؟
مريم ازمة روحهااا وازمه الي حوالينها عشان شيء بسيط لو قايلين له كان تفهم الموضوع بكل سهوله وماحتاج الامر كل ذا بغوا يطيرو عقل الرجال وهو بروحه خفيف...

عناد وغرام وريهام
والله وطلعوا في بناتك كم وحده سنعه ومتربيه..غرام على طوله السانها وعوابتها الا انها تعجبني انه ماسلكت سلك البنات الطايحات الي كل وحده نقت له واحد من اهلها وطاحت له غراميات وحب وبنت لها قصور في الهواء.. بالعكس هي اثبت انها ماتحب هالخرابيط ولاا حطتها ببالها ..

ريهام ياقلبي عقب ما انخطبت وبدت تفكر فيه وفي شكله يصير بينهم عدم توافق ..اتوقع انها راح تتاثر من السالفه ويمكن يكون تاثيرها اكثر اذا عناد خطب غرام وتوافقوا..بس ياارب تعجل بنصيبها قبل خطبة عناد لغرام..
وعناد فرحان الاخ ان التحاليل مو متوافقه وشيدريك ان بعد تحاليلك مع غرام بتصير متطابقه ...مو يمكن تكون النتيجه سلبيه ويصير فيك مثل ماصار مع ريهام...والا يمكن غرام ترفض وما اتوقع ابوها بيغصبها على الزواج عقب الظروف الصحيه الي مرت فيها..

ميشووووو وش جاء لعجايزك بدوا يراهقون على كبر ويحملون لاا يكون هالحمال هايه خدمه ويبون يختمونها عدل..قبل لاا يقدمون تقاعدهم رسمي...

ميشوووو فديت روحك ياعسل بانتظار طلتك الحلوه عليناااا...
احووووووووبك مرررره يا اكبر عجوز مراهقه

مساء الخير ......
ميشووو وينك طولتي علينا .......
في انتظارك ......