السلام عليكم ورحمة الله
صباح الخير صباح الابداع
يسلمووو ميشو بدعتي ......
العنود حياتها كله ماسي متى تفرحين قلبها وقلوبنا معه
بتال وردة فعله اذا عرف انه متعب خال العنود
رنيم تحتاج علاج نفسي لانه ابوها ماثر على ثقته بالرجال لازم سند يهفم سبب تصرفاتها
بليز ميشوو بارتين بالاسبوع انتى كريمه وحنا نستاهل .....

يسعد مسائك ميشو بكل خير
يعطيك العافيه قلبي على البارت الحلو

سند
وش سرك اللي مخليك عصبي لدرجه هذه ومخلي اهلك يذكرون الجد فيك
عمك راشد وراء عصيبتك هذه مسوي بلوى وانت موب قادر تطلعه منها وهذا مخليك صاير بارود
وطبعا عاده عندكم في العائله كل واحد يحل المشكله اللي عرفها بروحه ما عندكم روح المشاركه ليش ما تكلم احد يساعدك بدال عصبيتك هذه يمكن غيرك يقدر يساعد
كم مره تتقابل مع العنود بيكون لك دور في حياتها والا ذا الرنيم مأخذه عقلك مالت عليها مريضه قسم بالله والا فيه وحده ماتبي تشوف ولدها وترضعه ذا المعقده ولا بعد اللي سويته تبين سند يسأل عنك خلك موتي بحرتك يمكن تحسين بالنعمه اللي كنت فيها

ام طلال
وش فيها مريضه بمرض خطير وولدها شاك في الشئ هذا والا طلال يدري بشئ ما احد يدري عنه غيره وغير سند

العنود
من الهم شاب رأسك محمله نفسك أكثر من طاقتها طيب ليش قلت داء في العائله الكريمه تحبون الهم انت شايله وساكته وسند شايل وساكت ضغط وجاك وش بعد تنظرني يجيك أكثر
بتال كلم جدك وهو موافق على رجعتك له انت بتوافقين والا بترفضينه عشان ينجن
بعد شهرين من راح تقابلين
يمكن فيه لقاء بين بتال ومتعب ويعرف انه خالها وبعد يمكن متعب يطلب الكاسر اذا شافه لان له طلب عند عائلة الفارس لما ساعدهم من قبل
ام لطام وش بيجيبه معقوله يجي يخطبها اذا عرف انها تطلقت
نشوف ميشو وش مخبيه لنا من مفاجآت

عناد
ليش ثرت وعصبت على أبوك وش فيهم بنات عمك والا انت هاوي غرام ولا تبي تقول
تستاهل كل ما قالوا تخطب لك قلت ما أبي أتزوج هذا أبوك وجي يغصبك على وحده انت ماتبيها

رعد وهيفاء
عاد هالثنين موب معلقه عليهم باطين كبدي بمصاختهم

راكان
وأخيرا عرفت الحقيقه انصدمت طبعا مرحلة خطفك ناسي انت تلك الفتره والا تتناسى
وهذا طلع اللي ورآها واحد
آمنت له وهو خانك بس كانه عادي عندك لا عصبت ولا شئ بكل برود رحت لمكه وما حد درى عنك يعني رحت تبي ترتاح من همومك وهي أصلا وراك وراك لانك ما عندك استعداد لحلها
مدري متى بتجلس مع اختك وتحلون مشاكلكم
وتريحون

ميشو ابدعتي

الحشد الهائل من الشخصيات افقدني القدرة على التركيز
قواك الله

صباح الخير ........تسلم ايدك ميشو على البارت الخطير ........للان الالغاز والاسرار مو راضية تظهر على السطح اقول ميشو خفي على صندوقك من هالاسرار بعدين من ثقله الزايد ماتقدري ترفعينه وتحطيه بمكان امن ....طلعي لنا بعض هالاسرار يممكن نعذر البعض في تصرفاتهم الي ماتنبلع

نايف وراكان

نايف كشف اوراقه لراكان وهو من الصدمة ماقدر يعلق ولا بكلمة وحدة هل راجع نفسه ومواقفه مع خويه واكتشف انها مو اول مرة يستغله بشي وهو مو داري كره نايف لتركي كان من قبل البضاعة الي في الاستراحة يعني هو كان عارف شي عنه بس ليش ماحذر اخوه منه هو مثل العنود اخته يدخلو حالهم بمشاكل اكبر من قدرتهم

صدمته من موت امه وابوه كانت موجعة ماينلام وهو الي كان عايش مأساتهم وعارف الكثير عن الي فيهم رغم انو انحرم من حنانهم واهتمامهم بسن صغير حاولت العنود تغطي هالحرمان لكنها لبسته هموم ومشاكل كبيرة على عمره والنتيجة انو قام يقلدها في بعض الامور وهذا هو محروق ومشوه ومعذب بس ليش ماجد انحرق معاه يعني كان مخطوف مثله وصابه تعذيب مثله

اما راكان اتمنى يراجع حساباته ويبتدي يتحمل المسؤلية ويغير نمط حياته القديم هو كبير اخوانه لازم يستلم مكان ابوه كافي استهتاره السنوات الي راحت

سند ورنيموه

سند يستاهل كل كلمة من رنيموه لانو هو الي تمسك فيها وحدة بدل المرة عشر قالتها له ماتحبه وتكرهه وحتى ولده ماتبغيه مابين بعينها العيشة والهداية الي قدمهم لها الحب والحنان والصبر على ايش شوفة النفس ومين فاكرة عمرها ابوها الي سوى البلاوي شدخل العالم فيه ماقدرت تحاسبه ولا تواجهه بصراحة لوعت كبودنا بتقلباتها ومرضها النفسي

سند بدل مايحرق دمه ويعصب يصير رجال عنده كرامة شهالحب الي يذل صاحبه وتقلل من رجولته اسمحي لي ميشو كل رجال روايتك ينقلبو خرفان عند حريمهم ومخليينهم يسترجلو عليهم بحجة الحب ترى شفايدة الحب اذا مافي احترام وتقدير من الطرف الثاني

وبعدين الى متى يحلو مشاكل رويشد اصلا مااستمر على دشارته الا بسببهم هم كل ماسوى مصيبة ضمن انو في مين بيطلعه خلوه يتعاقب على بلوته وخير ياطير الناس عرفت ترى هم يحملون ذنوب على تغطيتهم عليه لانهم شايفين المنكر وماغيرو فيه شي الا بدل مايدورو رضا الله يدورو رضا الناس دامه بايع سمعته وسمعة العيلة وماهمه غير متعته في الدنيا خلاص واحد مثله نهايته معروفة

موعاجبني نمط حل المشاكل الي تتعامل فيه العيلة .........وسند عيب عليه ومايجوز شرعا يرقع لعمه ويغطي عليه المحرمات الي قاعد يسويها ماهو طفل مايفهم ولا ناقص عقل وهو الي اختار بنته تكون زوجه له يعني فرض على عياله جد عربيد مثله ......

اذا ظل على نفس تصرفاته سواء مع رويشد او مع بنته بحطه بقائمة عديمين الرجولة الي بالرواية وهم اغلب الذكور فيها

العنود وبتال

العنود الى متى وهي حاشرة خشمها في الي مايخصها سالفة بين راكان ونايف ليش تبغي تعرفها اصلا هي تروح تحل مشاكلها وتتفرغ لعيالها الي حتى الحليب الطبيعي حرمتهم منه بسبب لقافتها ........شي مايعنيها لاتدخل فيه حتى عصابات المخدرات بتدخل فيها مثل ماهي رافعة خشمها بأسرارها الي محتفظة فيهم من حق اخوانها يكون لهم اسرارهم كل كبيرة وصغيرة بتدخل فيها اعوذ بالله الي يشوفها يقول حكيمة بتصرفاتها

ضغط وشيب وبكرة تنجلط بسبب اللقافة وتكبير المواضيع وبعدين تتهم الغير بالتقصير .....ماجاها الشيب الا من لقافتها وقلبها الاسود خلي الظبي تنفعها وبعدين ليش متوقعة الخطر عليها وعلى اخوانها شمهببة بعد وماحد يدري عنه ومخوفها لو مو مسوية شي كبير خلت لها اعداء ماخافت هالخوف وقامت توسوس

كل كلمة وقامت تتوعد في الناس وتتحلف تبغي تضر الناس وماحد يرد لها شي من الي سوته ..... نهايتها ياجلطة ياشلل

اما لقائتها الجاية مع متعب وعرفنا لانه خالها وبتال ولد عمها وساكنة قريب منه ويمكن لقائها بالصدف كالعادة بس لطاموه شبيجيبه عندها ووين بتلتقي فيه وليش رافع التكلفة بينهم ووين شافها واعجب فيها لو مو شايف شكلها ماتعلق فيها ومااستغرب انها ملتقية معاه اول مرة بسبب شركتها واتوقع تلاسنت معاه

اما طارق ليش يلتقي فيها وليش معلق نفسه بوحدة تزوجت وعندها اثنين الى متى بينتظرها خلاص يشوف نصيبه تمنيته يتزوج وحدة من بنات مياسة احسهم عاقلين اكثر من غيرهم ماعدا المريضة رنيموه


عناد وابوه

ابو عناد متوقع اذا فرض على عياله بنات اخوه بيكون انصفهم وحافظ عليهم مو هو جرب الزواج الاجباري اذا هو تأقلم مع زوجته وحبها مايضمن بنات اخوه يرضو بعياله ولا هو مايهمه راي البنات مثله مثل اخوه البنات عندهم جواري يزوجوهم على كيفهم وبدون رضاهم
ولا ام عناد اعتقد انها مو عمية عن تصرفات رنيموه وبغضها لسند كيف تضمن تقبل البنات لعيالها ........الزواج مافيه مجاملة ولا اجبار لو العيال ماتوفقو وواحد ظلم الثاني الذنب بيون على ابو عناد هل سنه وعمره متحمل ذنوب زايدة مو كافي ماعنده وقت يربي فيه بناته ويراقب تصرفاتهم

اتمنى من قلبي مايتحقق الي بباله بنات مياسة ذاقو المر من قسوة ابوهم بعد يتزوجو من اشخاص مو راغبين فيهم ويعيشو حياتهم دايم بضيقة صدر ليش ......ابو عناد ماهمه الا انه رايه ورغباته تتحقق حتى لو على حساب العيال جدا كريهة عقلية هالعيلة وبعدين هو معشم ولده ببنت اخوه الثاني كيف يتراجع عنها الحين والجد بعد قال كلمته ولا لانهم خرفان مثل غيرهم يقولو شي ويتراجعو

صح مو بالضرورة غرام تتزوج عناد واصلا هو على اي اساس تعلق فيها بس من تعليقات العيال له اوهم نفسه انو يبغيها طيب البنت بعد من حقها تختار توافق او ترفض ...اتمنى مايصير الي يبغيه هالشايب بس علشان مايخطط بدون مايراعي اصحاب الشان ويسلب حقوقهم هو بكرة بيفطس ويموت والضحايا العيال الي اجبرهم بحجة غضبه ليوم الدين يعني هو يغضب بس مو مهم يغضب ربه ولا لا

اما ام عناد مالها اي دور ايجابي بالرواية وشكلها حامل على كبر ولا تدري عن حالها الي يشوفها يقول اول مرة وماعندها خبرة

ام طلال وطلال

اتوقعها مريضة مرض خبيث ويمكن انها وحدة من الثلاث الي بيموتو .....خلي الجازي تنبسط وترتاح مو كافي دخلت على بيتها ضرة واخذت زوجه بدون مراعاة لمشاعرها بعد غيرانة وحاسدتها على تفكير الغير فيها اصلا وحدة مثلها المفروض طول عمرها راسها بالارض ولا تتجرء تفتح فمها متزوجة زوج بنت عمها وتغار وتنقهر الله يزيد عليها التعب وماتطلع من مكانها ماالوم نوالوه ووقاحتها وقلة ادبها دام امها الجازي ماعندها وقت تربي همها تبعد ابو طلال عن مريم وتخليه لها بس ماتبغيه حتى يعبر عن حبه لها متناسية انها زوجته الاولى وانجبر يتزوجها علشان حال مريم وعدم قدرتها تجيب عيال ولا هو عمره مافكر فيها ولا بيوم كانت بتكون زوجة لولا هالسبب

اما مراموه خليها بالحمل والعيال وكيف تربط طلال احسن ماادري شمستفيد طلال من زوجة مثلها لا لها دور بحياته ولا تقدر تحتويه ولا من تزوجته شفت اهتمام له ولا لمشاعره ...هذا الزواج الاجباري والمجاملات


هيفوه ورعد

لاتعليق لانو مافي كلمة تعبر عن مساختهم وبياختهم وسماجتهم بأختصار ماينبلعون ولا ينطاقون قبل الزواج كنت متقبلتهم لكن بعد ماصارو مع بعض غيرو رايي فيهم

مناروه

من الاول مابلعتها وللان اتمنى لها تعاسة ماتطلع منها كرهتها وبقوة لانها منافقة وبوجهين عايشة حياتها وضميرها مرتاح ماكأنها سببت جروح لغيرها بدون وجه حق


في انتظارك يالغلا